رواية وما كتب العشق الا لها
الفصل الحادي عشر
بقلم ندى سمير
..:اوبااااا هو القمر بيطلع فى شركتنا من امتى ي جماعه
...:ملك؟!
ملك بفرحه:ايه دا محمد ويوسف انتوا رجعتوا من السفر امتى
محمد بابتسامه: لسه راجعين حالا ي ملاك وقولنا نسلم على صاحبنا هو هنا فى الشركه
قدر بتريقه:اومال بيقول فى شركتنا ليه وانتوا جايين تسلموا على صاحبكم وتمشوا
يوسف بضحكه:ايه دا ي قدر والله وبقينا بنخربش
محمد: يوسف متضايقش قدر
....:ايه المهزله اللى بتحصل هنا دى
الكل بص ناحيه الصوت
محمد ويوسف بفرحه:رعد والله ليك وحشه
رعد وهو بيحضنهم: انتو رجعتوا امتى من السفر
محمد:لسه حالا قولنا نسلم عليك انت والشباب الاول
رعد:تنوروا تعالوا انا هرن على الشباب تعالوا اقعدوا فى المكتب
يوسف:انتى كنتى رايحه فين ي قدر
رعد ببرود:يلا ي يوسف على المكتب وملكش دعوه بالموظفين
يوسف : شكل رعد مش فى المود يلا ي محمد قبل ما يقلب علينا سلام ي بنات
رعد :على مكتبك ي انسه قدر
قدر وهى بتبص لملك:يلا ي ملك انا هرجع مكتبى تقدري تروحى على مكتب المدير وتسلمى ال C.V بتاعك وانا هكون فى مكتبى لو احتجتى حاجه تعالى يلا سلام
رعد:اتفضلى معايا ي انسه
قدر فى المكتب:ماشى ي رعد بقى انا تكلمنى كده والله لتندم اصبر بس
فى مكتب رعد
رعد:هاتى الC.Vبتاعك
محمد بابتسامه:هى مش محتاجه C.V دى ممتازه.فى اى حاجه ممكن تتخيلها
رعد باستهزاء:هو حد عينك المحامى بتاعها ولا ايه
يوسف بضحكه هو كده دايما من صغرنا وهو اللى بيتكلم بدل ملك تحسه الواصى عنها
رعد بدون اهتمام: تمام ي انسه انتى هتشتغلى فى فرع الشركه التانى هتروحى لاستاذ طارق هتشتغلى سكرتيره ليه وهو هيتناقش معاكى فى الباقى تقدرى تخرجى دلوقتى
ملك:تمام شكرا ي فندم وخرجت
عند قدر
ملك بحزن:قدر انا مش هكون معاكى فى نفس الشركه
قدر : متزعليش باذن الله هتلاقى مكان احسن
ملك بفرحه:انا هكون فى الفرع التانى اللى طارق مسؤول عنه هبقى السكرتيره بتاعته
قدر بتريقه:فرحانه اوى يختى قال رايحه الجنه هو اكيد عامل زى صاحبه
....:وماله صاحبه بقى
قدر بخوف : ي رب ميكنش اللى فى بالى
ملك بضحكه:لا متقلقيش مش اللى فى بالك دا ايان
قدر وهى بتحدف ايان بالملف اللى قدامها : دا انت بارد
ايان بضحك:مكنتش اعرف انك بتخافى من رعد اوى كده على العموم رعد قالى اناديلك انتى والانسه ملك لو كانت لسه موجوده يعنى والحمد لله من حسن حظى انها هنا
قدر : تمام تقدر تسبقنا
ايان بابتسامه :خلاص هستناكوا هناك سلام
_سلام
قدر بتريقه : انتى ليه كل لما تشوفيه بتقلبى طماطم كده
ملك: مش عارفه بس بتكسف منه اوى
قدر:طيب تعالى نشوف سى رعد عايز ايه ونبقى نشوف حوار ايان مع البنات
ملك:قدر حوار ايه اللى تشوفيه مع البنات انتى محسسانى انى بحبه
قدر بمشاكسه:ممكن مين عارف على العموم يلا علشان دراكولا دا ميقلبش علينا
ملك بضحكه:دراكولا؟ انتى مسمياه دراكولا
قدر بابتسامه: من اول يوم شفته وانا مسمياه كده
ملك:ماشى يختى تعالى نشوفه عايز ايه
قدر:يلا
يتبع..........