رواية وعد الليل
الفصل الثاني عشر 12
بقلم ديدا الشهاوي
في حاله من التوتر اللي كانت ماليه المستشفى ومحاولات لانقاذ ام ليل خرج الدكتور لجاسر ووعد
_البقاء لله شدوا حيلكم المتوفيه مردتش تبعد عن بنتها ادعولها بالرحمه
هنا وبكلمات الدكتور كانت ضربه لجاسر ووعد وانهار جاسر وقع علي الارض بركبته وايديه علي وشه وكانه استوعب انه فقد اخته وامه وبصرخه
_اااااااااه.... اااااه امي.... امي
هنا وعد مقدرتش تواسي جاسر فهي كانت حزينه علي فقدان ام ليل رغم اللي حصل بينهم فهي صاحبه جميل في رقبه وعد
تم مراسم دفن ام ليل واللي كان جاسر مسؤل عن المراسم والمعزين حضروا تاني وكان المشهد بيعيد نفسه وهنا الكل كان بيسال علي ليل فين ابنها الكبير دا روحه فيها
وعد وجاسر مكنوش لاقين اجابات علي اسئله المعزين وهنا وعد رغم تعبها في الحمل كانت وقفه جنب جاسر بتاخد العزا في المرحومه ام ليل وهنا والد ليل
_جاسر فين اخوك مش بياخد عزا امه ليه
_ليل يابابا في دنيا تانيه مش حاسس ايه اللي بيحصل
_انا لازم اطلعله افوءه من اللي هو فيه
_يابابا مش هيسمعلك صدقني
وهنا وعد ادخلت
_عمي انا اللي هطلعه بعد اذنك
_اتفضلي يابنتي المهم ان ينزل
وعد كانت طالعه لليل وهي مش عارفه تقوله اي تقوله اني عرفت حقيقتك ولا تقوله ان امك اللي كانت روحك فيها ماتت
وقفت وعد ادم غرفه نهاد واللي كان ليل قاعد فيها من ساعه وفاتها خبطت وفتحت الباب واللي كان ليل قاعد علي الارض وسط حاجات نهاد
_ليل هتفضل لغايه امتي كده بتحاول تهرب من الحقيقه.. اللي انت فيه دا ياليل انتقام ربنا
ليل انتبه لكلام وعد وبدا يضم هدوم نهاد لصدره ويحضنها ويصرخ من الوجع
_ااااه ياانهاد سبتيني ليه يااانهاد
وهنا وعد ترددت للحظه وكملت
_مش بس نهاد اللي سبتك ياليل
_ليل بانتباه لوعد عاوزه تسبيني ياوعد
_بنظره شارده بعيدة عن نظرات ليل.. والدتك ياا ليل تعيش انت
هنا اتفزع ليل وقام وشد وعد من دراعها انتي بتقولي ايه انتي تخرصي امي مش هتسبني فاهمه جيتي فرقتي بينا امي عندها حق وبسرعه فتح الباب ونزل يندهه علي امه
_ماما... ماما انت فين.. خلاص ياماما هسمع كلامك
وانتبه ليل للمشهد الحزين اللي شافاه قبل كده رجال وسطهم جاسر بيتلقي العزا وفي الناحيه التانيه نساء لابسين اسود
وهنا وعد نزلت ورا وبصرخه ادام الكل
_ليل امك ماتت... امك ماتت
_لااااااوهنا ليل جرا علي جاسر .. جاسر امك فين
وجاسر بنظرات حزينه منكسره
_امك تعيش انت مستحملتش موت نهاد
هنا بصدمه ليل صرخ في الكل وهو بيطردهم امي مامتتش امي عايشه فاهمين وبدا يطلع الكل ويصرخ فيهم
والكل كان مصدوم من ليل وكانوا بيتهامسوا انه ليل اتجنن
الكل طلع وليل في حاله هياج وجاسر بيحاول يهديه وابوه بيحاول لكن ليل كان رافض ابوه وبحده وقف قصاد ابوه
_اطلع برا ... جاي دلوقتي ليه
_جاي عشان اللي ماتوا امك واختك
_اخرص وهنا رفع ليل صابعه في وجه ابوه .. اخرص جاي تفرح فينا تفرح فيا
_انا يابني حرام عليك حرمتني زمان من اكون وسطيكوا ودلوقتي بتحرمني اخد عزي اختك وامك
_بره اقولت بررررره
جاسر مشي ناحيه والده
_بابا عشان خاطري امشي دلوقتي انت شايف حالته ازي
_يابني مقدرش اسيبكم في الحاله دي
_عشان خاطري يابابا تعالي بكره انما دلوقتي امشي
جاسر قرب من ليل واللي كان قاعد مكسور
_ليل انت لازم تفوء امك واختك ماتوا... ماتوا اترحم عليهم بدل ماتصرخ وشوف وراجع ربنا بينتقم مننا ليه
هنا ليل رفع وشه لجاسر وافتكر كلام سته ام والدته وجري بسرعه خرج وراح لسته في بيتها اللي كانت منهاره
_ليل ابني امك راحت ياليل امك واختك ياليل
_فاكره ياستي حلمك اللي كنتي بتقولهولي وانا مكنتش بسمعلك
_فكراه يابني.. فكراه ياحبيبي
_اتحقق ياستي.. اتحقق وضعت وضيعت معاه كل اللي بحبهم
_ليل ربنا بينتقم منك في ظلم انت عملته دور ياليل علي افعالك واوعي تنسي داين تداين.. داين تداين.. داين تداين
_بس كفايه ياستي كفايه مش قادر اسمع
_لازم تسمع اختك ماتت ازي شوف عملت اي خليت اختك كده
داين تداين ياليل
ليل مقدرش يسمع كلام سته وطول الطريق وكلامها بيرن في ودنه داين تداين ياليل ووصل الفيلا واللي كانت وعد منتظراه هي وجاسر ولسه داخل ومهتمش يبص ناحيتهم وعد فاجاءه
_ليل عاوزه اتكلم معاك
_مافيش كلام بينا خلاص كله انتهي فاهمه كله انتهي
_لسه منتهاش ياليل دا لسه هيبتدي
_وجودك في حياتي دمرني ودمر اختي وخليتي امي تموت حسره علي اختي كفايه يابنت الناس كده اتفضلي امشي انتي من طريق وانا من طريق
_مش همشي قبل مانتحاسب ياليل بيه
_حساب اي خلاص اتجوزنا عرفي وادي الورقه وهنا قطعها ليل ورمها في وش وعد
_لسه ياليل بيه في حساب قبل الجواز العرفي
وهنا وعد بصت لجاسر اللي انحرج وحس ان في كلام خاص بينهم.. جاسر سبهم وطلع علي اوضته
_عن اذنكم انا محتاج انام
وهنا وعد ماسكه بطنها بتعب
_عاوزه حقي لما كنت شغاله عندك في البار ولا نسيت ولا مفكرني مش هعرف
_انت اكبر مخداع عرفته بحياتي يارتني ماقبلتك وحبيتك يارتني ماتجوزتك .. يارتني ماشلت حته منك في بطني انت عار في حياتي ياليل
_ليل بصدمه عرفتي منين.. انطقي
_دا اللي همك عرفت منين ومش همك اللي عملته فيا واللي عملته في البنات اللي قبلي .. كنت بتعمل ليه كدا ياليل دا انتقام من مين من البنات ولا من مين ربنا مش بيسيب حق حد ربنا علي الظالم ربنا المنتقم الجبار
ياليل بيه داين تداين .. داين تداين ياليل
ليل وهو بيسد ودنه من كلام وعد
_ كفايه كفايه حرام عليكي
_انت ظالم مفتري بس اللي دفع التمن اختك وامك منك لله ياظالم
انا بحمد ربنا اني عرفتك علي حقيقتك عشان ابعد ابني عنك وعن الجو النجس اللي كنت عايش فيه انا خارجه بس هخرج من حياتك للابد منك لله
وهنا خرجت وعد من الفيلا وكانت بتحاول تتماسك
وهنا ليل سمع كلامها وانهار من البكاء واتاكد اللي فيه وان خسارته لامه واخته هو السبب فيهم
جاسر كان حاله ميختلفش عن حاله ليل كان في انهيار لما سمع كلام وعد
فلاش بااك
_عن اذنكم ان محتاج انام
طلع جاسر لاوضته لكن معرفش ينام طلع من اوضته واتسحب لغايه اول السلم وبدا يسمع كلام وعد واتصدم من حقيقه اخوه وهنا اكتشف انه هو كمان السبب في موت اخته وامه جاسر حس ان ربنا بينتقم منه ومن اخوه عشان الجزاء من جنس العمل
باااك
جاسر اول ماوعد طلعت من الفيلا طلع من الباب الخلفي ومشي لغايه ماشاف وعد
_وعد... وعد استني
_هنا التفت وعد نعم ياجاسر
_هتسيبي ليل كده ليل محتجلك ليل اتغير عشانك انتي صح بس ربنا غفور رحيم وليل مش وحده اللي غلط انا كمان غلطت وربنا بينتقم مننا عشان احنا اذينا ناس كتير
_ربنا يهديكم ويسامحكم.. بس مش هقدر اكمل مع ليل
_متنسيش انك شايله ابنه ودا عمره مايتنسي
_لو مكنش حرام كنت نزلته من ساعه ماعرفت حقيقته
_وعد فكري كويس ليل محتجلك وانا محتاج لاخت بدل اللي ضاعت مني
_سبني امشي دلوقتي
_هتروحي فين
_مش عارفه لسه
_طب استنيني هنا ثواني
جاسر جري علي الفيلا وطلع علي اوضته خد مفاتيح ونزل وراح للوعد
_اتفضلي المفاتيح دي والورقه دي
_مفاتيح ايه دي
_دي مفاتيح بيتنا القديم وقت ماكنا مع بعض ومبسوطين اقعدي فيه والعنوان في الورقه انا كان نفسي اوصلك بس ليل حالته صعبه
_بس ممكن ليل...
_ليل مش بيعتب البيت دا عشان دا بيت بابا من انهارده انتي اختي ومرات اخويا
_مرات اخوك كان ياجاسر
_معلش استحميله ليل معدنه طيب ولو كان وحش مكنش اتغير عشانك عشان حبك
وهنا سمع صوت ليل بيصرخ ويندهه عليه
_جاسر... جاسر انت فين
_جاسر جري علي ليل انا هنا كنت قاعد مع نفسي في الجنينه
_ كنت بطمن عليك ممفضليش غيرك انت من ريحتهم وخد جاسر في حضنه
عدي ايام علي ليل وجاسر وهما في حاله حزن وكانوا بيستقبلوا المعزين طول اليوم وفي الليل كان كل واحد في اوضته مع ذكرياته مع امه واخته
وعند وعد راحت البيت دا فتحته ونظفت البيت اللي كان باين عليه محدش بيروحه من سنين وكان جاسر بيطمن عليها بالتلفون
وفي نهار جديد وفي اوضه ليل كان قاعد وسط ذكرياته مع امه باب اوضته خبط
_ادخل ياجاسر
_ليل في ناس تحت عاوزينك كانوا جم في عزا نهاد وجايين يعزوك دلوقتي
_ناس.. مين دول وليه محدش قالي
_ليل انت كانت مش واعي بحد ووعد هي اللي قابلتهم
_ليل قام وعد وقام ونزل بسرعه عشان يشوف مين
نزل وعد واتصدم لما لاقي ابوعدي وجابر
_مين ابو عدي انت جيت امتي
_امتي من زمان يازلامه وانت ولا هون حبيبي انا جيت اعزيك في اختك وقابلتنا المدام حتي جابر عرفها
_هنا اتصدم وعرف ان جابر هو اللي قالها وفجاءه انقض علي جابر ومسك في ياقه قميصه انت قولتها ايه ياجابر
_والله ياليل بيه بحسبها عارفه معرفش انك مخبي عليها
وهنا ابو عدي قطعهم
_ليل بدي احكي معك علي انفراد ضروري
ليل خده علي المكتب
_اتفضل ياابو عدي
_اهدي كده حبيبي عشان نشوف شغلنا انا تركتك علي راحتك كتير والناس بدأت تسأل عنك
_ابو عدي انا بطلت الشغل وبعد اللي حصل مش هقدر ارجع
هنا ابو عدي قام من مكانه
_ليل انت بتعرف اللي يدخل معانا بشغلنا مابيعرف يتركه واظن قرصه الودن علمتك
_هنا ليل باستغراب قرصه ودن اي مش فاهم
_ياعني اللي بتقولها بالمصري اللي يتوعج علينا بنقرص ليه ودنه
_مش فاهم
_ليل حبيبي اختك القمر نهاد الله يرحمها
_هنا ليل اتجنن واتهجم علي ابو عدي.. اختي مالها انطق
_هنا ابو عدي مسك ايد ليل ونزلهم بقوه اللي حصل لاختك هديه مننا ليك فكر ومنتظر منك مكالمه والا انت بتعرف الهدايا عندي كتير
_مش فاهم
_ليل انت بقيت غبي بعد ماسبت شغلنا لسه في كتير مثلا اخوك ومراتك ولا اقولك يأبرني ابنك اللي لسه مجاش لو مش حابب نخليه ميجيش خالص.. فكر ومنتظرك
وهنا طلع ابوعدي من المكتب
_يلا ياجابر
وهنا ليل من كلام ابو عدي اتصدم من اللي عرفه وانه السبب الحقيقي في موت اخته وحسره امه وبصرخه
ااااااااه نهاااااااد