روايه وجع حنين الفصل الحادى عشر 11والثانى عشر 12, بقلم رحانة الجنه
((الحلقة الحادية عشر ))((الثانية عشر ))
يوسف :ركب عربيته ومشي وراها تاني وبردوا شغل الكاست وسمعها الاغنية بردوا (لعمرو دياب ( ضحكت )
( ضحكت يعني قلبها مال وخلاص الفرق مابنا اتشال . يلا يا قلبي روحلها يالا قلها كل اللي بيتقال . مستني ايه بعد الضحكة دي الضحكة فتحالك سكة . مش هي دي اللي انت عاشقها وبقالها ياما شاغلة البال . ضحكت يعني حاسة هواك وموافقة تعيش العمر معاك . روح يا حبيبها ده انت حبيبها طمن شوقها اللي استناك.في حد يستني علي ادي ده كفاية بس الضحكة ادي . شوف اهي ضحكت تاني يعني اللي شوفته ماكنش خيال . ضحكت يعني قلبها مال )
وفضل يوسف ماشي وراها لحد ماوصلت حنين قدام البيت ونزلت وهو ركن عربيته علي الناحية التانيه اللي قصاد عمارة حنين ونزل شافها لحد ماركبت الاسانسير وفضل واقف ساند علي عربيته وبيكلم نفسه
يوسف :اممم ياتري بقي انتي في الدور الكام وانهي شقة طيب اسال البواب لا لا ممكن يقولها ووقتها تزعل وانا ماصدقت انها ابتدت تلين شوية طلع يوسف التليفون وبعت رسالة لحنين
يوسف:حبيبة قلبي طلعت البيت
حنين بتقرأ الرسايل بس مابتردش عليه بس بتكلم نفسها
حنين:هههههه والله ده فعلا مجنون بيتكلم اكناحنا فعلا مخطوبين ولافي بينا حاجة . اه اه يا يوسف انت ناوي تعمل فيا ايه .. واتنهدت حنين تنهيدة طويلة
يوسف :مش مهم تردي عليا المهم انك بتقرأي كلامي . يلا بقي اطلعي في البلكونة خليني اشوفك قبل مامشي
حنين :ههههه لا مش ممكن ده فعلا مخه ضارب بلكونة ايه دي اللي عايزني اقفله فيها الله يهديك يا يوسف
يوسف :يلا بقي اصل انا مش حمشي غير لما أشوفك
وفض يوسف واقف قدام العربية وببيكتب لحنين لحد ما تليفونه رن تاني لانه كان بيرن كتير وهو مش عايز يرد علي حد
يوسف :ايوة يا محمود في ايه عمال ترن وانا اقفل افهم مش فاضي الله
محمود :معلش يا يوسف بيه بس الناس اللي انت مواعدها دي مستنين بقالهم اكتر من ساعة ونص وبكلمك مبتردش عليا
يوسف :اوه اوه معلش يا محمود انا نسيت خالص طيب بص انا نص ساعة بالكتير وجاي ماشي اعتذرلهم بس لحد ما اوصل يلا سلام
يوسف:بيكتب لحنين . انا ماشي بس مش علشان زهقت لا انا نفسي طويل بس اتصلوا بيا في المعرض ولازم امشي . بس متقلقيش حاجي تاني .
يوسف :اه علي فكرة حتوحشي . بحبك
حنين كانت بتقرأ كلامه وبتبتسم ومبسوطة اوي وكمان كانت واقفة ورا الشباك وبتبص عليه طول الوقت وعلي قد ما كانت عايزاه يمشي علشان محدش ياخد باله علي قد مازعلت انه مشي
(في المعرض )
يوسف قابل الناس اللي كان مواعدهم واتكلم معاهم وخلصوا ومشيوا
وجه امير
أمير:ايه يا ابني جيت ملقتكش ومشيت وقلت ابقي ارجعلك تاني ايه كنت فين
يوسف :اسكت يا امير انا مبسوط اوي كان حتتة يوم
أمير:اوعي تقولي انك قابلتها
يوسف :امم مش بالظبط هو انا كلمتها اه وقلتلها اني بحبها بس مش مقابلة يعني
أمير:لا مش فاهم معلش اخوك غبي فاهمني ينوبك ثواب
يوسف :حقولك بص يا سيدي .....
أمير :ههههههههه لا مش ممكن ده انت مصيبة . حنين دي رجعتك ليوسف المجنون الله يخربيتك مش قادر ابطل ضحك
يوسف:ههههههه انت بتقول فيها انا كنت حاسس اني رجعت زي ايام الكلية فاكر كنا بنعمل ايه مع البنات
أمير:ايوة انتي حتقولي مكنش في بنت تاخد في ايدينا غلوة كانوا بيطبوا علي طول معلم
يوسف :لا بس حنين حاجة تانية دي هي اللي في القلب بنت اللذين عسل وضحكتها تجنن ولا وهي متعصبة ومتنرفزة سكر تحسها قطة كدة حتي وهي متعصبة رقيقة كدة. بسكوتة انا مش عارف دي ام ازاي دي حاسسها طفلة كدة
امير : يا عيني يا عيني بركاتك يا شيخة حنين والله انا خايف لما تشوفها . تلاقيها عصام ابن خاتك هههههه
يوسف: اخرس هي مين دي انا واثق ان حنين دي موزة المزز وحتي لو مطلعتش بالجمال اللي في بالي. حفضل احبها انا حبيتها كلها علي بعضها كدة مش مهم اي حاجة تانية
أمير :طيب ياعم الحبيب انا كنت جايلك علشان اقولك اني مستفر مأمورية كدة اسبوع ولا اسبوعين وراجع علشان لو لقيت تليفوني مقفول ولا حاجة
يوسف :تيجي بالسلامة يا ميروا خالي بالك من نفسك انا مليش غيرك
أمير :يا عم خليها علي الله هي موتة ولا أكتر وبعدين ماخلاص راحت عليا والست حنين واكلة عقلك وقلبك مش سايبة لحد حاجة
يوسف :هو صح واكلتني كلي بنت اللذين بس انت حبيبي يا ميرو خلي انت بس بتلك من نفسك
أمير:سلام اول ماارجع حجيلك
(بعد يومين في بيت هدي )
هدي :تسلم ايدك يا حنين الاكل زي العسل
حنين :بالهنا والشفا يا ست الكل
هنا : وانا مفيش تسلم ايدك علي فكرة يا تيتة انا ساعدتها في المطبخ النهاردة
حنين :ههههههه ايوة قطعت السلطة وحضرت السفرة
هدي :ههههه متزعليش يا ست هنا تسلم ايدك
عمر :ماما دي احسن واحدة بتعمل اكل في الدنيا كل اصحابي بيحبوا السندوتشات بتاعتها والبيتزا والحالويات كمان
هدي :هو انتي كمان بتعملي سندوتشات لصحاب العيال
حنين :اعمل ايه بس يا ماما كل يوم ماما صاحبي فلان عايز سندوتش كفتة . ماما صاحبي مش عارفة مين عايز سندوتش بانيه بقيت اعمله زيادة وهو بقي يوزع براحتوا
هنا :كل اللي بيدوق اكل ماما بيحبه اوي
هدي :ربنا يخليهالكم ومتتحرموش منها ابدا
حنين: ولا نتحرم منك يا هدهود يلا انا حقوم اعمل الشاي لوخاصتوا خرجوا الاطباق في المطبخ
حنين وهدي بيشربوا الشاي
هدي :الا قوليلي يا حنين
حنين :نعم يا ماما
هدي:انا حساكي كدة متغير اليومين دول حساكي مبسوطة وعنيكي بتضحك كدة
حنين :ايه يا هدهود انتي بقيتي بتقرأي العيون ولا ايه
هدي :لا صحيح قوليلي انتي عارفة انا ببقي مبسوطة لما بلإيكي فرحانة
حنين :انا ببقي فرحانة مادم كلكم بخير . بقولك ايه زمان الغسيل خلص حروح انشره قبل ما امشي
هدي : ماشي روحي . هدي بتكلم نفسها . يارب يا بنتي يريح قلبك ويرزقك باللي يصونك و يحافظ عليكي هشام الله يرحموا ميرداش انك تبقي وحيدة كدة
وفاتت الايام ويوسف كل يوم يروح لحنين قدام البيت ويقف يبص عليها وهي مبتردش عليه ولا بترضي تطلع البلكونة بتبص عليه من ورا الشباك وبس . لحد ماجي يوم وكان اليوم ده برد جدا وهوا فظيع ويوسف مش عايز يمشي.
❤❤❤❤
((الحلقة الثانية عشر ))
وفاتت الايام ويوسف كل يوم يروح لحنين قدام البيتةويقف ويبص عليها وهي مبتردش عليي رسايله ولا بترضي تطلع البلكونة . كانت بتبص عليه من ورا الشباك وبس . لحد ما جه يوم وكان اليوم ده برد وهواء فظيع ويوسف مش عايز يمشي بس وهو واقف لقي حنين نازلة من العمارة ومعاها شخص بس غير اللي شافه معاها ساعة الفرح وقالتلو انه اخوها يوسف كان عايز يروح يشدها ويسالها مين ده كمان بس مش قادر خايف يكون اخوها بردوا ونحصل مشكلة فضل يوسف وراهم لحد لما دخلو صيدلية وحنين دخلت جوا تقريبا بتاخد حقنة او حاجة والشخص ده فضل مستنيها برا وبعدين خرجت حنين ومعاه ويوسف واقف وبيغلي وعنيه علي حنين والشخص ده ماسك اديها وهو ميعرفش ان ده كمان عمار اخو حنين وهما ماشين حنين كانت حتتكعبل وعمار مسكها جامد وتقربا كان حاضنها يوسف الدم غلي في دماغه وقرب عليهم وجنين كانت شايفاه وبصتله جامد اكنها بتحظره انه يقرب وفعلا يوسف رجع وراح علي عربيته وحنين وعمار طلعه البيت وفضل يوسف مستني الشخص ده ينزل لحد ماعدي ساعة تقريبا وبعد كدة لقاه خرج من العمارة ومشي
يوسف: يكتب لحنين ممكن اعرف مين ده كمان اللي كنتي معاه وازي تسبيه يمسكك كدة
حنين :مبتسمه انه غايران بس مش بترد
يوسف :حنين ردي عليا انا عفاريت الدنيا بتتنطت في وشي متجنينيش
يوسف : ماشي يا حنين قدامك نص ساعة حستني تردي عليا لو مردتيش اقسم بالله حطلع اخبط علي شقة شقة وأسال عليكي لحد مااعرف انتي فين واكلمك انتي حرة بقي
حنين: بتكلم نفسها . يا نهار ابيض ده مجنون ويعملها طيب اعمل ايه انا مش عايزة اتجاوب معاه اكتر من كدة انا حاءة اني بغلط اوي ومش عايزة ارد عليه بعد كدة حيفضل يكلمني اه ياربي اعمل ايه بس
وشوية والمطرة نزلت جامد اوي وحنين شايفة يوسف رايح جاي في الشارع ولا فارق معاه المطرة حنين صعبان عليها وعايزاه يمشي . حنين قالت خلاص انا حرد عليه المرة دي بس وخلاص بس علشان يمشي انا خايفة عليه يتعب
حنين:تكتب ليوسف ممكن لو سمحت تمشي بقي انت مش حاسس بالمطرة
يوسف :سمع رنة الرسالة وفتح لقي حنين
يوسف: انا مش حمشي غير لما تردي عليا مين ده
حنين:مع ان ده شئ مايخصكش بس علشان تمشي ده عمار أخويا خلاص امشي بقي
يوسف:اممم طيب بقي علشان نبقي علي نور كدة انتي عندك كام اخ بس علشان ابقي عارف
حنين :بتضحك . اتنين علي . وعمار . ارتحت
يوسف :اه تمام يعني لوشفت حد تاني معاكي حقتلك واقتله فاهمة
حنين:علي فكرة انت بتدخل في اللي مايخصكش وامشي بقي
يوسف:انتي كلك علي بعضك تخصيني فاهمة انتي بتاعتي انا وبس
حنين :والله انت مجنون ومكانك العباسية
يوسف: ههههههه مقبولة منك بس عموما انا مجنون بيكي
حنين :انت مش خلاص عرفت اللي انت عايزه امشي بقي انت مش حاسي بالمطرة دي
يوسف :خايفة عليا
حنين :بتكلم نفسها . طبعا خايفة عليك
يوسف :من غير ماتردي عارف انك خايفة عليا بس انا مش حمشي غير لما تقوليلي انك قبلتي اعتذاري عن الكلام اللي قولتهولك قبل كدة
حنين :خلاص مفيش مشكلة وبعدين انت اعتذرت كتير خلاص
يوسف :طيب ليه مكنتيش بتردي عليا الفترة اللي فاتت
حنين :علشان مينفعش اكلمك اصلا وانا دلوقتي رديت عليك بس علشان تمشي مش عايزاك تتعب واشيل ذنبك وكمان خايفة حد ياخد باله وانا مبكبش حد يتكلم عليا
يوسف :امممم طيب خلاص انا حمشي بس بشرط تطلعيلي في البلكونة علشان اشوفك قبل ماامشي
حنين :انت هتتشرط عليا خلاص بقي انت حر
يوسف :ماشي انا حنزل من العربية وافضل واقف في المطرة واتعب وذنبي في رقبتك
ونزل يوسف وفضل واقف في المطرة تاني وقعد يكح جامد وحنين شايفاه قلبها وجعها ومقدرتش لبست النقاب وخرجت البلكونة وكتبت
حنين :انا خرجت اهو امشي بقي
يوسف : بصي عليها وابتسم ابتسامة واسعة
يوسف : طيب بذمتك اسيب القمر ده وامشي ازاي
حنين :كدة طيب ماشي انا حدخل ومش حرد عليك تاني واتفلق بقي
يوسف :ههههههه خلاص طب معلش حمشي اهو بس توعديني انك تردي عليا لما أكلمك وعلي فكرة انا عايز اتجوزك فكري بقي وردي عليا انتي مرمتيني معاكي وحكلمك بكرة علشان لازم اقبلك ونتكلم في حاجات لازم نتكلم فيها قبل ما اتقدم رسمي تمام
حنين :ابتسمت اوووووي بس ماردتش
يوسف :انا ماشي باي . بحبك يا مجنناني
فضلت حنين قاعدة سرحانة ومبتسمة وبتفكر في كلام يوسف وانه فعلا بيحبها وده واضح وكمان عايز يتجوزها يعني مش بيتسلي بيها بس فجأة افتكرت ولادها والوعد اللي اخدته علي نفسها انها تعيش ليهم وبس . وانا خايفة الولاد يضيعوا مني خايفة يزعلوا ازاي فجأة كدة اقولهم اني حتجوز لا دول ممكن يزعلوا مني وده ياثر علي دراستهم ونفسيتهم لا انا مينفعش ابقي انانيه انا ام قبل كل شئ.
وتعبت حنين من كتر التفكير واخدت المنوم علشان تمام
ومشي يوسف ووصل المعرض وطبعا كان كل الناس مشيت بس هو كدة كدة بيبات هناك وطلع مكتبه وقلع الجاكت اللي كان لابسة لانه كان مبلول مياه من المطرة وفك القميص ونام علي الكنبة اللي في المكتب وطلع صورة حنين اللي علي تليفونة وقعد يبص في عنيها واتنهد جامد . اه يا حنين امتي بقي انام وانتي حضني انا خلاص مش متحمل بعدك عني .
ونام يوسف من التعب زي ماهو بهدومه المبلولة ومن غير غطي كمان وطلع النهار وجه محمود والناس اللي شاغلين معاه وطلع مكتب يوسف لقاه نايم علي الكنبة هو مش مستغرب يوسف في العادي بينام في المكتب بس ليه مش نايم جو في السرير وكمان مش متغطي والجوكان برد جدا .
قرب محمود من يوسف لقاه عرقان جدا سخن اووي وبيترعش وزي مايكون يخترف ومش فاهم منه حاجة الا كلمة واحدة حنين حنين .
خاف محمود علي يوسف وحاول يصحيه بس معرفش نزل بسرعة علشان يجيب دكتور وهو خارج لقي امير
محمود :أمير باشا كويس انك جيت الحقني
أمير: خير يا محمود ايه اللي حصل
محمود:يوسف بيه سخن وبترعش ومش بيرد عليا ومش عارف اجيب دكتور منين دلوقتي
أمير : طيب تعالي معايا بسرعة
أمير:يا نهار اسود ده سخن مولع . يوسف .. يوسف . رد عليا . لا كدة مش حينفع بقلك ايه شيل معايا انا حخدوا علي اقرب مستشفي
يتبع ....