قصة الساعه
البارت الرابع عشر 14
بقلم/منه محمد
و اثناء ما كانوا في طريق العوده
امنيه : هرب ف نفس اليوم اللي لاقيت في الساعه الظاهر انه كان عايز يتخلص منها ، بس ايه قصه الساعه دي معاكوا ليه بتحاولوا تتخلصوا منها
شهد : الساعه دي اديهالي اكرم هديه كان وراثها من باباه تعتبر ارث عائلي بالنسبالهم لكن من ساعه اللي حصل اللي اكرم وانا حياتي مدمره و كل ما بشوف الساعه بفتكروه خصوصاً انه لما ادهالي اول مره معجبتنيش ، صمتت قليلاً ثم اكملت مغيره الموضوع : بس انت ازاي عرفتي ان شادي هرب من المصحه
امنيه : لاني شوفته ساعتها افتكرت ان الساعه هي اللي وقعت منه لكن اتضح انه كان عايز يتخلص منها من ساعتها وانا ف الدوامه دي
و بعد ان وصلوا إلي القاهره ذهبوا إلي المستشفي التي بها "اكرم"
امنيه : بجد يا دكتور
الدكتور : ايوه حالته اتحسنت و ان شاء الله احتمال يفوق عن قريب
شهد : بجد شكراً مش عارفه اشكرك ازاي بجد ع الاخبار الحلوه دي
الدكتور : متشكرنيش علي حاجه ده واجبي
في المساء كانت تجلس في حديقه المنزل وحيده حين رأته فجاءه
شهد : شادي !!
شادي : ازيك يا شهد
شهد : ايه اللي هربك م المصحه !؟
شادي : سيبك من ده دلوقتي احنا لازم نتصرف قبل المصيبه ما تحصل
شهد : مصيبه ايه !؟
شادي : اكرم حابته بدأت تتحسن ولو فاق و عرف اللي احنا عملنا مش هيسبنا ف حالنا احنا المره دي لازم نخلص عليه خالص
شهد بصدمه : انت بتقول ايه !!
شادي : ايه انت هتمسكلي السبحه ولا ايه انت نسيتي عمل فيكي احنا لازم نخلص منه انهارده قبل بكره
شهد : بس
شادي بمقاطعه : مفيش بس احنا لو مخلصناش عليه كل حاجه هتروح من ادينا فكري كويس
كانت تشعر بالذعر من تلك الفكره لكنها خشيت من ضياع كل شئ