قصة الساعه
البارت السادس 6
بقلم/منه محمد
عادت إلي منزلها و بدأت بربط الاحداث ببعضها و انتظرت لكي تعرف إلي اين ستأخذها الساعه
وجدت نفسها في نفس القصر و كانت "شهد" تجلس و معاه فتاه تجلس علي الارض
شهد : انت بقي يا حلوه عايزه تبلغي عننا
فرح : انا عايزه اخد حقي
شهد : ايييه حق حق مين انت ملكيش حقوق عندنا
فرح : بس اخوكي
شهد بمقاطعه : اخويا معملش حاجه و حسك عينك تفكري تقفي قصادي لاني ساعتها هدمرك و مش هتاخدتي معايا خمس دقايق، سامعه
هزت "فرح" رأسها بنعم في يأس شديد
شهد : شاطره انا كده احبك تطلعي من هنا و مش عايزه اشوف وشك تاني ابداً
انتهت الثلاث دقائق و عادت "امنيه" لغرفتها مره اخري
امنيه : مين البنت دي و ايه علاقتها بشهد انا لازم افهم
رنت علي "لجين" لتفهم منها اي شئ
امنيه : الو لجين عامله ايه؟
لجين : انا كويسه الحمد لله انت عامله ايه؟
امنيه : الحمد لله، لحين انا ممكن اطلب منك طلب
لجين : طبعاً اتفضلي
امنيه : انت تعرفي واحده كانت شغاله معاكوا ف الشركه اسمها فرح؟
لجين : فرح !! فرح مين !؟
امنيه : معرفش اسمها بالظبط بس لو تعرفي عنها اي حاجه ياريت تقوليلي
لجين : خلاص ماشي هدورلك عليها
امنيه : شكراً يا لجين معلش تعبتك معايا
لجين : لا عادي يا روحي مفيش تعب و لا حاجه
كانت في محل "عم فتحي" و حكت لها كل شئ حدث معها
امنيه : تفتكر يا عم فتحي ايه علاقه البنت دي بشهد وليه بتظهرلي
عم فتحي : اممم مش عارف بس واضح ان البنت اللي بتتكلمي عنها دي اتعرضت لظلم كبير واعتقد انك المفروض تساعديها
امنيه : اساعدها ازاي وانا حتي مش عارفه عنها اي حاجه انا مبقتش فاهمه حاجه وتعبت من التفكير دماغي قربت تنفجر
عم فتحي : مفيش حاجه من غير تعب يا بنتي ده غير انك حد طيب وقلبك نقي و الا مكنتش ساعه اخترتك عشان تنقذي انسانه يمكن متعرفيش عنها حاجه غير اسمها و ده يدل ان هدفك سامي عشان كده لازم تكملي ف طريقك و انا معاكي ف اي حاجه تحتاجيها
امنيه بامتنان : شكراً يا عم فتحي حقيقي كلامك بيريحني
عم فتحي : الشكر لله انت بردو زي بنتي
عادت إلي منزلها و لا زالت علامات الاستفهام في رأسها لكن قطع حبل افكارها صوت رنين الهاتف
امنيه : الو
لجين : ايوه يا امنيه انا لاقيت معلومات عن فرح