قصة ازمه التلاتينات
البارت الحادي عشر 11
بقلم/منه محمد
وصلوا السينما و ظلوا ينظرون إلي عروض الافلام
علي : تحبي تتفرجي علي ايه؟
ساره : اي حاجه، اقولك نقي انت فيلم علي ذوقك مش متابعه اخر التطورات
علي : خلاص ماشي انا هختار الفليم ده ايه رأيك
ساره : حلو
كان يشاهد الفيلم باندماج فقد كان فيلم رومانسي لاحظ الاشخاص حواله اغلبهم ثنائيات و يمسكون بأيدي بعضهم
نظر لها كانت تشاهد الفليم و هي مشغوله بأكل الفشار كان ينظر لها بإعجاب و تجاهل الفليم تماماً، نظرت له فجاءه ف عاد بنظره بسرعه إلي شاشه العرض و هو يحك عنقه و يتظاهر بأنه يشاهد الفيلم
نظرت له و هي تبتسم ثم عادت لمشاهده الفليم مره اخري
خرجوا بعد ان انتهى الفليم
علي : ايه رأيك ف الفليم
ساره : حلو بس انا مليش ف الرومانسي اوي
علي بتعجب : اصلا !! طيب تحبي نروح فين تاني
ساره : انا جعانه
علي : نعم ده انت واكله علبه فشار الحجم الكبير كلها لوحدك
ساره : ده سناكس يا علي
علي و هو يضرب كف علي كف : لا حول و لا قوه إلا بالله
ساره : اسمع في مطعم قريب من هنا انا لمحته ايه رأيك نروحله ارجوك ارجوك ارجوك
علي : ماشي منا جايب بنت اختي افسحه
ذهبوا إلي ذلك المطعم و طلبوا الطعام، و كانت "ساره" تأكل بشراهة
كأنها لم تراه طعام من قبل في حياتها، ظل مستعجباً منها خصوصاً انها هيئتها لا تتماشى مع طريقه اكلها لانها متوسطه الوزن
علي : في ايه يا بنتي مالك بتأكلي كده ليه !؟
ساره بنهم : جعانه اوي
علي : يا شيخه حرام عليكي ده انت قربتي تأكليني انا شخصياً انا عايز اعرف الاكل ده بيروح فين؟
توقفت عن الاكل و اخرجت هاتفها لتريه صوره قديمه لها : انت شايف الصوره دي
كانت في الصوره تبدو بدينه بالطريقه تعجلك لا تصدق انها نفس الشخص
علي : دي صورتك !!
ساره : اه زمان كنت تخينه تيخنه اوي و كانت الناس بتتريق عليا يا تخينه يا دبدوبه الا اخره و عشان كده انااااا عشان كده اناا
علي : عشان كده معندكيش اصحاب
ساره : بالظبط و عشان كمان اي واحده بتتخطب كانت بتبعد عني عشان مركزها كامخطوبه ميسمحلهاش انها تمشي مع واحده مش مخطوبه او انها خايفه احسدها
علي : و انت عملتي ريجم عشان تريقه الناس عليكي
ساره : ف الاول عشان كان دايما يقولولي مش هتتجوزي لو فضلتي كده و تريقه بقي و كلام كتير بس بعدين عملت كده عشان نفسي لاني لما بدأت اخس قالولي ليه كده كان شكلك احلي ف الاول، انا عملت ريجيم قاسي اوي عشان اوصل لكده و حرمت نفسي من حاجات كتير بس انا لسه بحب الاكل اوي
علي بندم : انا اسف
ساره : لا علي ايه دي صفحه و انطويت خلاص، ممكن تسيبني اكمل اكل بقي
علي : بردو
ساره و قد شرعت ف الاكل مجدداً : اه
بعد ان اوصلها إلي منزلها قرر الذهاب لصديقه "خالد"
كان يطرق الباب طرقات متتالية
خالد : ايوه ايوه جاي و عندما فتح و عرف انه "علي" : ايه يا بني ده هو انا مواريش غيرك و لا ايه
علي : طب مش هتدخلي و لا ايه؟
خالد : ادخل ادخل ما انت خلاص استغليت ان اهلي مسافرين عشان تبقي مقيم عندي
علي : ما انت عارف مبحبش اجيلك و اهلك موجودين عشان مضايقهمش
خالد : ليه يا عم دول حتي بيحبوك
علي : و انا و الله بحبهم بس بحس نفسي تقيل عليهم
خالد : عيب يا عم ده بيتك و اكمل بمزاح : بس مش لدرجه تيجي الساعه واحده بالليل
علي : انا اسف بس في موضوع محتاج تساعدني ف ايه اوي
خالد و هو يضع صينيه الاكواب : ايه هو؟
علي : انا قررت اتعرف لساره اني بحبها