رواية بائعة الورد
الفصل الثالث والعشرون 23
بقلم اسراء محمد
بعد ما حسام لبس اسيل الشبكه
كريم : انا عامل انا مفاجأه ليمني تسمحولي اقدمها
يمني : يا ابني مش احنا العرسان مفاجأة اي
كريم : لا احنا عرسان فرحنا كمان كام يوم
يحيي : قدم يا عم الحبيب خلينا نخلص
كريم : ثانيه واحده
شخص : السلام عليكم
الجميع : وعليكم السلام
يمني : مين ده
كريم : المفاجأة
يمني : مفاجأة اي انا مش فاهمه حاجه
يحيي : انت قولت لمين انك هتكتب الكتاب النهارده ولا ده مع نفسك
سندس : قالي انا وانا وافقت
يحيي : من غير ما تقوليلي
سندس : عادي يا يحيي ما كدا كدا كان الكتاب هيكتب
يحيي : يعني مش قادر يصبر كام يوم
يمني : ثواني بس افهم مين اللي هيكتب كتابه علي مين
كريم : انا اللي هكتب كتابي عليكي فيها حاجه دي
يمني : ومين قالك اني موافقه
كريم : نكتب الكتاب دلوقتي ونشوف موافقتك دي بعدين
المأذون : لا يصلح كتب الكتاب الا بموافقة العروس
كريم : ما هي موافقه يا شيخنا
المأذون : حضرتك مش سامع وهي بتقولك انها مش موافقه
يمني : انت فهمت غلط يا شيخنا احنا كدا كدا فرحنا بعد كام يوم بس انا مش موافقه عشان مش معايا البطاقه
المأذون : دي مشكله فعلا
سندس : لا مشكله ولا حاجه بطاقه العروسه اهي اتفضل يا شيخ
يمني : جبتيها منين دي
كريم : مش مهم جبتها منين المهم نكتب الكتاب يلا يا شيخ اكتب بسرعه
المأذون : اين وكيل العروس
يحيي : انا
المأذون : هات بطاقتك
يحيي : اتفضل
المأذون : واين الشهود
عمرو : انا الشاهد الاول
المأذون : واين الشاهد التاني
يحيي : هيبقي حسام اخو العريس
كريم : اشمعنا
يحيي : عشان لو عملت حاجه اجيبهم يشهدوا عليك برضو
حسام : وانا موافق
المأذون خلص الاجراءات وكتب الكتاب
كل ده ويمني مش مصدقه اللي هي فيه وحاسه كأنها في حلم ومش عايزه تفوق منه
فاقت علي صوت المأذون وهو
بيقول : بارك الله لكما وبارك عليكما وجمع بينكما في خير
وتعالت الزغاريد وكله بقي يهني
واهل اسيل كانوا فرحانين
وبعد ما خلصوا مباركات ليمني وكريم
كريم اخد يمني علي جنب وحضنها
وقال : مبروك عليا يا احلي يمني في الدنيا
يمني : انا مش مصدقه كل اللي بيحصل ده
كريم : طول ما انا معاكي صدقي اي حاجه
يمني : بجد مكنتش اعرف انك بتحبني الحب ده كله
كريم : طب اي بقي مش هتقوليها
يمني : اقول اي
كريم : كلمه من اربع حروف قولها وبطل كسوف
يمني : بس بس
كريم : قوليها وانا اسكت
يمني : بعدين
كريم : هغني
يمني : لا متغنيش عشان خاطري
كريم : يبقي قوليها خلصي
يمني : لا
كريم : خلاص هغني
شوف كلمة من اربع حروف قولها وبطل كسوف
قولي بقى واكدهالي
وراح انا قلبي مني راح وانا عندي اقتراح
تعالى بين حضني وقولهالي
يمني : بس يخربيتك هتفضحنا
كريم : مش هسكت غير لما تقوليها وبعدين اي يخربيتك دي ما بيتي بقي هو بيتك عايزه بيتك يتخرب
يمني : لا طبعاً مش عايزاه يتخرب
كريم : خلاص قولي بقي
يمني : لا
كريم : طب والله لو مقولتيهاش يا يمني هبوسك قدام الناس
يمني : اي اللي انت بتقوله ده
كريم : لو عايزه تتباسي متقوليهاش
يمني : بحبك
وسابته وطلعت تجري وقفت جنب ملك
ملك : في اي جايه جري كده لي
يمني : ها مفيش
ملك : متأكده
يمني : اه مش مصدقه بس ان اتكتب كتابي
ملك : امممم مبروك يا حبيبتي
يمني : الله يبارك فيكي يا روحي عقبالك
ملك : يارب
وخلص اليوم
وبعد ما وصلوا
كريم بيكلم يمني مش عايزه ترد عليه
بعتلها رساله مكتوب فيها
ردي بدل ما اجيلك البيت دلوقتي
ورن تاني
ردت
وقالت : انت مجنون بيت اي اللي عايز تجيلي فيه دلوقتي
كريم : مراتي
يمني : ده كتب كتاب بس يا حبيبي
كريم : قولتي اي
يمني : ده كتب كتاب بس
كريم : واللي بعدها بقي
يمني : مقولتش حاجه بعدها
كريم : لا قولتي
يمني : لا مقولتش
كريم : قولي قولتي اي
يمني : قولت يا كريم
كريم : اخلصي يا يمني
يمني بعناد : لا
كريم : طب اقولك معني اسمك اي وتقوليها
يمني : عارفه طبعاً معني اسمي
كريم : طب اي معنى اسمك
يمني : الحاجه اللي بتستخدم بالأيد اليمني عكس يسري
كريم : اوعي تقولي لحد الهبل ده عشان ميضحكش عليكي
يمني : ويضحك عليا لي
كريم : عشان معني اسمك البركه والخير والسرور مش الهبل اللي انتي قولتيه
يمني : بجد ده معني اسمي
كريم : اه
يمني : اول مره اعرف
كريم : اي خدمه عرفتك حاجه جديده اهو
يمني : متشكره يا حبيبي
كريم : انتي قولتيها ولا انا بيتهأيلي
يمني : قولتها بجد يا حبيبي
كريم : يمني انتي سخنه
يمني : لا لي
كريم : اصل قولتي يا حبيبي مرتين ورا بعض من غير ما اتحايل عليكي
يمني بضحك : وهتسمعها كتير بعد الفرح
كريم : انا مش عارف لي الفرح ماكنش النهارده وخلصنا
يمني : اصبر كام يوم بس
كريم : ما ده اللي مصبرني
يمني بغباء : هو اي ده اللي مصيرك
كريم : انهم كام يوم بس مش اكتر
يمني : اممممم طب يلا بقي روح نام
كريم : طب هاتي بوسه وانا اقفل
يمني : يلا يا كريم
وقفلت في وشه
كريم لنفسه : يا بنت ال ماشي يا يمني لما نتجوز
ودخل نام
وبعد كام يوم
كانوا بيجهزوا للفرح
ملك واسيل كانوا مع يمني وهي بتجهز في شقه سندس
ويحيي بيجهز في شقته
يمني كانت لابسه فستان ابيض نازل قطعه واحده
ومنفوش حاجه بسيطه من عند الركبه
وحاطه ميكياچ مزودها جمال علي جمالها
وماس كانت لابسه فستان اوف وايت
وملك كانت لابسه فستان جولد وطرحه جولد وحاطه ميكياچ خفيف
واسيل كانت لابسه فستان نبيتي وطرحه بيچ وحاطه ميكياچ خفيف
وسندس كانت لابسه فستان زيتي وطرحه اوف وايت وحاطه ميكياچ خفيف برضو
ويحيي كان لابس بدله كحلي وكرفته زيتي
وكالعادة معرفش يربطها فنزل لملك
يحيي : ملك يا ملك
ملك وهي خارجه من الاوضه : نعم
يحيي : اربطيلي الكرفته
ملك : انا لو باخد فلوس علي كل ربطه كرفته هكسب والله
يحيي : اربطيها بس وبعدين نشوف حوار الفلوس ده
ملك ربطلته الكرفته وكانت هتسيبه وتمشي
يحيي : تعالي هنا
ملك : اوعي تقول الربطه مش عجباك ولا حاجه
يحيي : لا خدي دي
ملك : اي دي
يحيي : عشرين جنيه تمن الربطه
ملك : انا بهزر
يحيي : وانا مبهزرش
ملك : هاخدها بس بشرط
يحيي : شرط اي
ملك : هجيب قلم وتكتبلي عليها
يحيي : موافق
ملك جابت قلم واديته ليحيي
يحيي كاتبلها
احلي لوكا اللي مقدرش استغنى عن ربطتها للكرفته
واخدتها ملك وشالتها
وجه كريم ومعاه حسام
عشان ياخد يمني ويروحوا الفرح
وكان لابس بدله سوداء وكرفته بيضاء
وحسام لابس بدله رصاصي وكرفته نبيتي
وكل واحد اخد عروسته ونزل
كريم ويمني واسيل ركبوا مع حسام
وسندس وملك ركبوا مع يحيي
ووصلوا القاعه
وبدأوا بالرقصه السلو
واشتغلت اغنيه سلو تانيه
عشان اللي عايز يشارك العرسان الرقصه
يحيي : ما تقومي ترقصي يا سندوستي
سندس: لا خد ملك ترقص معاك انا مش قادره
يحيي : طب يلا انتي يا لوكا
ملك : لا انا مليش في الجو ده
سندس : اومال ليكي في اي
ملك : مليش في حاجه
سندس : قومي يا بت خلصي
ملك كانت لسه هتتكلم اخدها يحيي من ايدها وراحوا رقصوا
يحيي : بقي مش عايزه ترقصي معايا
ملك : لا مش كده والله
يحيي : اومال اي
ملك : هي الفكره بس اني مبحبش ارقص سلو اوي
يحيي : اللي متعرفيهوش اعملهولك
ملك بصتله وسكتت وهو كمان سكت لحد ما الرقصه خلصت
وشغلوا اغاني عاديه
وفضلوا يرقصوا لحد ما خلص الفرح
وكريم اخد يمني وماس وسافروا اسبوع شرم الشيخ واسبوع اسكندريه
وبعد ما رجعوا
وهما قاعدين كلهم
سندس : بمناسبه التجميعه الحلوه دي ملك جالها عريس