رواية دقة قلب
الفصل الأول 1
بقلم/مريم
دخلت المُدرِسه الفصل وقالت غرام وعشق وحبيب اتفضلوا قوموا قاموا ال٣ وبعدين المُدرِسه قالتلهم ايه ده انتوا امكوا رومانسيه للدرجه دي عشان تسمي غرام وعشق وحبيب قالولها اه قالتلهم ياني على الرومانسيه مرياااااااااام
مريم:ايه ايه يابنتي فزعتيني في حد ينده على حد كده
اروى:طبعا منا اما اشوفك سرحانه لازم اعمل كده
مريم:ياسلااام
اروى:وحياة عبدالسلام
مريم:هههه ظريفه
اروى:وبعدين قوليلي كنتي سرحانه في ايه
مريم:مفيش كنت بتخيل ولادي والمُدرِسة بتنده عليهم وبتقولهم ان امكوا رومانسيه اويي بسبب أسمائهم
اروى:ولادك اللي انتي متعرفيش شكل ابوهم اصلا يبقى اي
مريم:مش مهم اعرف شكله منا كده كده هتجوز مش لازم اعرف اسمه اي ولا شكله اي المهم ولادي المستقبلين
اروى:ههه ماشي ياختي
مريم:هه قوليلي بقى اي اللي جابك
اروى:اي اللي جابني ايه مينفعش اجي اشوف بيستي ولا انتي خلاص نسيتيني اهيئ اهيئ اهيئ
مريم:ايه يابنتي بلاعه واتفتحت خلااص ياعمري انا معقوله انسيكي بردوا
اروى:المهم كنت جايه اقولك تيجي معايا حفله عيد ميلاد البت كنزي
مريم:يووووه حاكم بقولك اي البت دي انا مش بطيقها
اروى:الصراحه وانا
مريم:اما انتي مش بطيقيها عايزة تروحي ليه
اروى:يابت انا مش راحه لسواد عيونها
مريم:اومال ل ايه
اروى:يابت اصل هي جايبه الكراش بتاعها اللي بتتكلم عنه ف انا بقى عايزة اعرف شكل المزز اللي البنات هتموت عليه ده ، ده غير أن هي بتقول انو هيغني ليها في الحفله ف عايزة اشوف شكلها ايه وهو بيغنيلها
مريم:والله انتي عايزة تروحي عشان كده
اروى:ايوة
مريم:وانتي بقى ايه عرفك انو ميبقاش رخم وزباله زيها
اروى:لا يابت رخم اي ده البنات بتموت عليه بيقولو مزز
مريم:مزز والله اراهنك انوا هيطلع جربوع زيها ده تلاقيها بتطبله بس عشانوا الكراش بتاعها
اروى:ماشي تراهنيني انوا لو طلع مزز اديكي على ٢٠٠
مريم:ولو طلع مش مزز
اروى:اعملي فيا اللي انتي عاوزاه
مريم:لا هاخد ٢٠٠ اي رايك
اروى:اشطا
مريم:الحفله فين وامتى
اروى:في راس البر بكرة الساعه ٨ بتوقيت القاهرة
مريم:طب وهي هتعملها في راس البر ليه
اروى:يابت اصل هو من الجيزة اللذيذة ف عايز يجي يشوف راس البر
مريم:اممم طب وهي عرفته منين بتاع الجيزة اللذيذة ده
اروى:اكيد من الكليه هناك ،المهم هتيجي ولا لا
مريم:اكيد نسيتي الرهان ولا اي
اروى:لا مش نسيتوا
في الجيزة وتحديدا عند الهرم
سامرررررررر
سامر:يوسف انت اي اللي جابك
يوسف:اي اللي جابك ده بدل حمدالله على السلامه لا بجد ونعمه الصحوبيه
سامر:خلاص ياعم حمدالله على السلامه
يوسف:الله يسلمك
سامر:جيت امتى
يوسف:لسه جاي حالا وعرفت انك هنا قاعد مع ابو الهول على انفراد قولت اجي ارخم عليكوا
سامر:والله العظيم واحشني رخامتك دي بس مقولتليش ألمانيا أخبارها اي حلوة
يوسف:انت ليه محسسني انك عمرك ماشوفت ألمانيا
سامر:منا مش قصدي على ألمانيا ذات نفسها قصدي على ولاد ألمانيا
يوسف:آآآآآآه فهمت ،لا حلوين اوييي مززززة موتتت
سامر:هههه طب والشغل
يوسف:كله ماشي تمام
سامر:طب كويس
يوسف:بس انت مقولتليش ياندل انك ارتبط لا ورايح بكرة تغنيلها في عيد ميلادها
سامر:والله كل حاجه جت بسرعه ملحقتش اقول لحد
يوسف:وانا حد
سامر:لا سبت ياخفيف ههههه
يوسف:ماشي عل العموم الف مبروك يا ابو الصحاب
سامر:عقبالك
يوسف:يارب
يوسف:بس مقولتليش عرفتها ازاي دي دي اكيد محظوظه ان سامر عمرو النجيري اللي طول عمره بيكره صنف الحريم وقع في حبها وارتبط بيها كمان
سامر:انت عارف بكره الصنف ده ليه وكمان بقى دي غيرهم كلهم دي تركيبه كده مابين الجمال والرقه والبراءة ملهاش في اللف والدوران زي الباقي
يوسف:ايه ياعم عندليب خلاص صدعتني ب ام الرومانسيه دي خلاص
سامر:انت هتيجي معايا بكرة صح
يوسف:اكيد وبالمرة اشوف مزة اشقطها ولا حاجه
سامر:ماشي تعالى يلا ناكل
يوسف:يلا
Stop : نتعرف بقى على أبطال قصتنا
(سامر عمرو النجيري ٢٥سنه طويل القامه وعريض بشرة قمحيه عيون بنيه وشعر اسود ورياضي ومهتم جدا بجسمه متخرج من تجارة وهو الآن رجل اعمال كبير رغم صغر سنه ويكره صنف الحريم وليه قصه هنعرفها مع الأحداث
مريم حسين النجاشي ٢٢سنه متوسطه الطول وعود ممشوق مثل العارضات متوسطه البياض عيون عسليه فاتحه برموش كثيفه وشفايف مثل الكرز وشعر بني وطويل لنصف ضهرها ومحجبه و في كليه اعلام في السنه الأخيرة وعندها لدغه في حرف الراء
يوسف عبدالغفور ٢٥سنه مولود هو وسامر في نفس اليوم ومع بعض من صغرهم وبيحبوا بعض جدااا
المهم أطول من سامر بشويه واعرض منه بشويتين عيونه بنيه شعره طويل ورافعه ولونه اسود ومتخرج من تجارة وشريك سامر في الشركه
اروى عزيز التهامي أصغر من مريم بشهور واطول منها حبتين وناصعه البياض وعيون عسليه غامق برموش خفيفه وحواجب خفيفه وشعر بني طويل ومحجبه وشفايف مثل الكرز من الاخر كده مززة ومع مريم في الكليه
كنزي احمد المنشاوي اكبر من مريم بسنتين قصيرة القامه رفيعه جدااا وعيون سوده برموش كثيفه وشعر طويل جدا لآخر ضهرها ومع مريم في نفس السنه لأنها عادت مرتين وهي شخصيه مغرورة بس تعبانه نفسيا بس هما دول الابطال الباقي نعرفه مع الاحداث)
يوم الحفله
اروى:انا بلبس اهو
مريم:وانا بردوا بلبس
اروى:ماشي باي يابسكوتي
مريم:باي ياقطتي
على طريق راس البر
يوسف:يووووه هنوصل امتى ياعم انا اتخنقت بقالنا ٤ساعات في الطريق من الجيزة لهنا كل ده عشان السنيورة
سامر:ما تلم نفسك ياض وكمان احنا قربنا نوصل اهو
في مكان الحفله تقف شخصيه مغرورة وتتفاخر بفستانها العاري أمام صديقاتها
كنزي:بابا جايبهولي من فرنسا وهو جاي
لمار:تحفههه جداا عليكي اصلا انتي اللي محلياه
كنزي:ميرسي ياعمري
ياسمين:اكيد غالي
كنزي:طبعا انا من امتى وانا بلبس رخيص زيكو هههه
ياسمين: في سرها يلعن ابو الغرور ههههه ضحكتيني
ندى:اومال فين بقى المزز اللي هيغنيلك
كلهم قعدوا يضحكوا عليها
كنزي:زمانه في الطريق
ندى:اما نشوف
في نفس الوقت يدخل سامر ويوسف الحفله والبنات مش مصدقين ان سامر النجيري هو الكراش بتاع كنزي
وكلهم فاتحين بوقهم
يوسف:هما مالهم فاتحين بوقهم كده ليه هما مصاصين دماء ولا ايه تعالى نخلع شكلهم هياكلونا
سامرماشي بكل هيبه وفخر وغرور
سامر:أخرس
كنزي:سمورتيييي وحشتني موتت
سامر:وانتي ياقلب سمورتك وحشاني موت
يوسف فاتح بوقه ان ازاي سامر صاحبه بيتكلم بحب ومحن
يوسف:هي دي
سامر:ايوة
يوسف:ذوقك زباله
سامر:اخرس
لمار:هاي سامر انا لمار بيست كنزي
ياسمين:وانا ياسمين صاحبتها
ندى:وانا ندى
يوسف:وانا يوسف
لمار:أعجبت بيهه جدا وسلمت عليه
كنزي:تعالى ياحبيبي اعرفك على بابا وماما
لمار:وانت تعالى نتكلم شويه ومشيوا
ياسمين:شوفتي البت كنزي لعبتها صح
ندى:مززززز اويييي ولا الولا صاحبه ده آآآآآآه
ياسمين:ييجوا منين دول ياختي
ندى:والله ما اعرف
اروى:هاي يابنات في اي مالكوا واقفين متنحين كده ليه
ندى:اصلك لو شفتي كنزي مرتبطه بمين هتنصدمي
مريم:بسلاك البلاعات
ياسمين:سلاك بلاعات اي وقرف اي ده مزززززززز
اروى:ايدك على ٢٠٠
مريم: مش لما نشوفه الاول
اروى:بردوا انا اللي هاخد ال٢٠٠
ندى:انتوا متراهنين ولا اي
اروى:ايوة على لو طلع حلو تديني ٢٠٠ ولو وحش زي مابتقول انا اللي هديها ال٢٠٠
ياسمين:لا في الحاله دي اطمنوا مريم اللي خسرت عشانها فقر طول عمرها
اروى:اوبااااا مش قولت هاتي بقى
مريم:اما نشوفه الاول
اروى:وهو فين زفت الطين ده دلوقتي
ندى:راح مع كنزي يشوف اهلها
مريم:طيب ثواني هكلم ماما وجايه
الكل:اوك
مريم :حاضر ياماما خلاص مش هتاخر
سامر:عن اذنكوا جالي مكالمه شغل ولازم ارد
كنزي:حاضر يابيبي
خرج سامر عشان يتكلم خرج وشاف بنت واقفه من ضهرها لابسه فستان بينك وهيلز ابيض وطرحه بيضا سامر قرب عليها عشان يسألها على مكان فيه شبكه
نده عليها قالها لوسمحتي مريم لفت ليه رأي بنت غايه في الجمال تنظر له والشمس على عيونها وضحت لون عيونها اكتر وحاطه ميكب خفيف يبرز ملامحها مع الحجاب كانت غايه في الجمال تنح شويه وبعدين قال
سامر:انتي
مريم:انت