قصة في رواية أحدهم
الفصل الثالث 3
بقلم منه محمد
ازال الشريط اللاصق من علي فمها و اقترب إلي الارض ليكون في مستواها
سلمى : يا حرامي يا خطاف الخوطفه يازباللللله
رعد : بس شششش اخرسي
سلمى : لا مش هسكت و هفضحك
رعد : كده
سلمى بتحدي : اه
رعد : تمام شايفه القصر الكبير ده
سلمى : اه ماشاء الله ربنا يزيد و يبارك
رعد : هتنضفيه كله لوحدك
سلمى : ايه بقي الكلام ده يعني قصير طويل و عريض و مفيهوش خادمين !!
رعد : لا منا اديتهم كلهم اجازه
سلمى : يعني احنا لوحدينا دلوقتي
هز رأسه بنعم
سلمى : انت ايه معندشك حياء جايبني ف قصر كبير لوحدينا ياعم خاف ربنا
رعد : ده بقي جزاتك عشان ترفعي ايدك عليا تاني
سلمى : اتصدق انك عايزلك واحد كمان بقي يا راجل خاطفني عشان بس تنتقم لكبريائك لا انت محتاج تتعالج فعلا
امسك غضبه منها بالصعوبه ف تلك الفتاه جريئه بطريقه لم يراها في احد من قبل ف الجميع يهابونه
رعد : تمام انا رايح الشركه عايز ارجع الاقي البيت نضيف و بعد ما تخلصي فوق ف الدولاب هتلاقي هدوم جديده بكسيتها
سلمى : اووووه لا حنين بجد انت طيبتك دي هي مشكلتك
تمالك نفسه و قال : عموما انا ماشي دلوقتي و متفكريش انك تحاولي تهربي في غيابي لانك مش هتعرفي ثم غادر و تركها
سلمى : كابتن طب فوكني طيب هنضف البيت ازاي و انا مربوطه يا كابتننننن
ذهب إلي شركته (اللي مافيش منها اتنين) فهب جميع الموظفون للوقوف له باحترام ، صعد إلي المكتبه و صعدت خلفه السكرتيره
وبدأت بأخباره بالمواعيد و المهام التي عليه
رعد : تمام تمام اعمليلي قهوه
السكرتيره : تحت امرك يا فندم
في منزل "رعد" كانت قد انتهت من اعمال التنظيف بعد وقت طويل و كانت قد ارهقت
سلمي : يا بن المفتريه ده كل ده بيت و مخليتي انضفه لوحدي، ثم فركت يدها بحماس : اما اطلع اشوف بقي الهدوم اللي جايبه، لحظه واحده هو عرف مقاسي منين، انا بدأت اقلق !!
صعدت إلي الغرفه و فتحت الدولاب لكن ايضا فتحت فمها من الصدمه
سلمى : اه يا قليل الادب ايه اللبس اللي جايبه ده
و امسكت احدهم بتقزز : قمصان نوم ، منك لله يا شيماء يخربيت خيالك ال+18 ده
اعادت الملابس إلي الدولاب و اغلقت بغضب، ثم جلست علي السرير بتذمر لا تعرف ماذا تفعل فهي حاولت الهروب بالفعل بعد ان فكت قيدها لكنه كما قال لم تسطيع فهو حسب حساب كل شئ
سلمي : و بعدين بقي اعمل ايه اه مفيش غير حل واحد
كانت تجلس علي حاسوبها الذي تكتب عليه قصصها عندما وصلت لها رساله
سلمى : شيماء شيمو خرجني بقي انا خلاص اتعلمت الدرس
شيماء : انت ازاي بعتيلي !؟
سلمى : اتصرفت و جيبت رقمك طلعني بقي الله لا يسيك
شيماء : لا مش هتخرجي من الروايه غير لما تخلصيها
سلمى : ما خلاص بقي قلبك ابيض ا شيماء و انا ياستي مستعده اعتذر لك ف بوست مخصوص و اعملك اللي انت عايزه خرجني بقي
شيماء : مش هقدر اخرجك لازم تخلصي التلاتين فصل اللي عليكي
سلمى : طب قصري الاحداث خاليها ١٥ فصل بس
شيماء : مش هاينفع
سلمى : طب ٢٠
شيماء : هو انت بتفصالي ف بيجامه
سلمى : يا شيخه حرام عليكي بقي طلعيني من ام الروايه دي بدل ما اطلع زوماره رقبتك
شيماء : شايفه قله الادب
سلمي : انا اسفه، طب بصي غيري الاحداث و انا موافقه اتجوزه ده حتي الراجل حليوه و غني
شيماء : دلوقتي بقي حلو
سلمى : و الله زي الفل يتعالج بس
شيماء : البركه فيكي بقي
سلمى : لا شيماء شيمااااء
اغلقت الحاسوب و تركتها تصيح مع نفسها
سلمى : يا بنت ال...
سمعت صوت فتح الباب ف انتفضت من مكانها
سلمى : ايه يا عم بتفتح الباب كده ليه افرض كنت بغير
رعد : بس واضح انك مغيرتيش
سلمى : لا هو انت عايزني البس بدل الرقص اللي حاضرتك جايبها مستحيل اى كان بقي اللي انت ناوي ف مش هايحصل
رعد : لا متقلقيش المأذون جاي و معاه الشهود و هنكتب الكتاب اصل انا محبش اللعب ببنات الناس
سلمى : لا محترم فعلا بس ده بعيد عن شنبك مش هتجوزك
رعد : هنشوف و اقتربت منها ف ارتعش جسدها من اقترابه منها : جهزي نفسك المأذون جاي كمان ساعه