رواية فاز القلب
الفصل الخامس 5
بقلم/يارا عبد العزيز
اروى بصيت على محمود و رجعت بصيت على الخاتم و هي مرعوبة جدا ، وطى محمود و جاب الخاتم من على الأرض و بصله بأستغراب
محمود :- هو مش دا خاتم عزة
اروى بارتباك و توتر :- لأ ااا ااااه
محمود راح وقف قدامها و اتكلم بشك :- مالك فيه ايه و بعدين انتي هنا في الاوضة ليه اصلا
اروى بتوتر و خوف شديد بدأت تعرق من خوفها:- انا انا لاقيته واقع على الارض و انا معدية فشيلته
محمود بشك :- و دا محتاج التوتر دا كله انتي مالك خايفة كدا ليه
اروى:- هااا لا مفيش يا بابا انا عايزة اخرج خالد طلب مني اروح اجيب خاتم لعائشة عشان الصباحية
محمود بجدية:- ادام جوزك اللي قايلك روحي
اروى:- ماشي عن اذنك
هربت منه بسرعة و من نظرات الشك اللي شافتها في عينيه دخلت اوضتها و حطيت ايديها على قلبها و هي بتاخد نفسها من خوفها الشديد
اروى:- كنتي هتروحي فيها يا اروى كان فيها طلاقك دي
خرج مازن من الحمام لاقى حياة قاعدة على السرير اول اما شفته خرج اتكلمت بلهفة و حب
:- اجبلك تفطر انت اكيد مفطرتش صح
مازن تجاهلها و هو بيبصلها بضيق و سخرية و راح فرد جسمه جانبها على السرير و حط ايديه على راسه بتعب ، اروى شالت ايديه بحنية و بدأت تعمل مساج على راسه
اروى:- هعملك فطار عشان الصداع يروح و هعملك كوباية شاي
مازن بصلها بغضب و بعد ايديها عنه بكل قوته و اتعدل و قعد قدامها:- اوعي تكوني مفكرة ان شوية الاهتمام اللي انتي بتعمليهم دول هيخلوني احبك لا يحلوة
كمل و هو بيشاور على قلبه و بيقرب من وشها و بيهمس بغضب :- دا ملك لغيرك و هيفضل ملكها هي و بس ولا انتي ولا مليون غيرك هيقدر ياخد مكانها في قلبي و كل اما استوعبتي دا بسرعة هيبقى احسن بالنسبالك عشان بعد كدا هزعلك مني و جامد
حياة بصتله بوجع.. شديد جوزها اللي بتعشقه بمعنى الكلمة بيقولها ان قلبه لغيرها لاقيت عيونها بتدمع غصبن عنها و اتكلمت بصوت مخنوق من العياط و كانت شبه الطفلة
:- يعني انت هتسبني و تتجوزها
مازن صعب عليه شكلها و كان لسه هيقوم من قدامها بس مسكت ايديه
حياة ببكاء:- هتسبني عشان تبقى معاك
مازن :- يا ريت اعرف اخليها معايا خلاص مبقاش ينفع لانها بقيت مع غيري بقيت على زمة حد تاني
حياة :- لو كانت بتحبك كانت اتجوزتك بس هي اكيد مش بتحبك هي بتحب جوزها
بصلها بغضب جحيمي و مسكها من ايديها بقوة:- اخرسي عائشة بتحبني انا و بس هي راحت اتجوزته عشان انا ابويا بعدني عنها و كله بسببك كل دا عشان اتجوزك واحدة بتمشي خطوتين بالعافية واحدة عارجة متسويش حاجه انا بكرهك و هفضل عمري كله كارهك.... عشان انتي السبب في بعدها عني
بصتله بخوف شديد و صوت شهقاتها بدأ يعلو و انكمشت على نفسها من خوفها منه فحياة قلبها زي قلوب الاطفال بالظبط و كمان لان لسه سنها صغير فحياة في تالتة ثانوي
حياة بخوف:- انا اسفة مش قصدي ازعلك متضربنيش... زي ما بابا كان بيضـ...رب ماما بالله عليك
مازن بصلها و هو هيعيط من كتر ما صعبان عليه شكلها ساب ايديها و كان لسه هياخدها في حضنه بس هي بعدت
حياة بخوف و ببكاء:- مش هقول كدا تاني و الله
شدها لحضنه... بحنية مفرطة و ملس على شعرها بحنان ، مسكت في هدومه بقوة و خرجت كل وجعها من كلامه معاها
حياة بشهقات:- انا بحبك اوي يا مازن من ساعة ما شوفتك و لما بابا جيه و قالي انك اتقدمتلي مكنتش الفرحة مسيعاني اما بابا قال هنستنى سنتين عبال ما نتجوز عشان انا لسه صغيرة اكون كبرت شوية زعلت اوي عشان هفضل بعيدة عنك سنتين كاملين و احنا بقالنا شهر متجوزين و انت بتعاملني اسوء معاملة طب اعمل ايه يا مازن قولي اعمل ايه عشان تحبني و انا هعمل اروح للدكتور و اقوله اعمل عملية تانية في رجلي عشان مبقاش بمشي خطوتين بالعافية و اعحبك قولي اعمل ايه و انا هعمله
مازن حس هو اد ايه بشع... انه السبب في وجعها... بالشكل دا ملس على شعرها بحنان و هو مستغرب نفسه
انتي لسه صغيرة و مشاعرك دي مش صح
حياة بطفولة:- لا انا كبيرة على فكرة كلها سنة و هدخل الكلية و مشاعري كلها صح
مازن :- طب ممكن تبطلي عياط خلاص حقك عليا
حياة :- اقولهم يحضروا الفطار
مازن :- لا شكراً انا عايز انام
مسكت فيه اكتر ابتسم على طفولتها و اتكلم بوسامة :- عايز انام بقولك
حياة :- و انا مش عايزة ابعد عنك
مازن :- حياة بطلي شغل عيال بقى و ابعدي بجد تعبان و عايز انام منمتش طول الليل
حياة :- و انا كمان على فكرة عشان كنت قلقانة عليك
كملت بخجل شديد:- ممكن انام في حضنك
مازن حس انه محتاجها اكتر منه و حس بشعور حلو جدا و مكنش عايزاها تبعد اصلا بس في نفس الوقت مكنش عايز يستغلها اتكلم في نفسه :- منك لله يا بابا بجد
حياة بعدت بخجل :- انا آسفة
شدها لحضنه بتلقائية منه حطيت راسها على صدره و مسكت ايده و غمضت عينيها و ذهبت في نوم عميق فضل يبصلها و هو بيدقق في ملامحها البريئة
مازن بهمس:- طب ما هي نامت اهي أبعدها بقى ايه اللي انا فيه دا بجد حاسس اني محتاج وجودها اوي كمل و هو غاضب من نفسه:- مازن انت اتجننت ولا ايه دي عيلة متستغلهاش عشان تهرب من وجع قلبك
فضل يبصلها شوية لحد اما ذهب في نوم عميق
نوح كان قاعد في الصالة و عائشة كانت نايمة حسيت بوجع... رهيب في ايديها صحيت من كتر الوجع.... واتكلمت بصوت عالي نسبيا
نوح يا نوح الحقني
قام بسرعة اول اما سمع صوتها و راح الاوضة و اتكلم بخوف
نوح :- فيه ايه
عائشة :- ايدي وجعاني اوي مكان الكانيولا مش قادرة تعال شيليها
مسك ايديها و اتكلم بحنية مفرطة:- ما انتي ضغطك بيوطى و ممكن نضطر نركب واحدة تانية
عائشة بغضب :- بقولك مش قادرة شيليها وجعاني اوي
نوح بحنية مفرطة:- خلاص خلاص فيه ايه اهدي هشيليها أهو
بدأ يشيليها برفق و بعدين حطلها عليها لازق طبي
نوح:- بقيتي احسن
عائشة مردتش عليه و اتجاهلته هي زعلانة منه جدا
نوح :- طب جاوبي على اساس اني دكتورك طيب مش جوزك
عائشة ببأبتسامة سخرية :- جوزي هو فين جوزي دا اصلا
نوح :- اقوم اجيب قسيمة جوزانا عشان اقنعك يعني ولا ايه
عائشة بدموع:- يا ريتك كنت فعلا اعتبرتني مراتك و بقينا مع بعض كان زمانا دلوقتي بنقضي اسعد ايام حياتنا
قرب من وشها و مبقاش يفصلهم اي حاجه:- متعيطيش تاني انا عارف اني غلطان و عارف اني السبب في كل اللي حصلك انهاردة كمل بألم شديد :- بس جربتي تحطي نفسك مكاني انتي مستحملتيش انهاردة و انا بقولك هتجوز غيرك و انتي عارفه من جواكي اني استحالة اعمل كدا ما بالك انا بقى و احساسي بأنك محبتنيش و حبيتي غيري رفضك ليا حتى لما وافقتي تتجوزيني وافقتي عشان تقهريه... و تعرفيه انك تقدري تعيشي مع غيره
عائشة:- و الله لأ و الله العظيم بحبك انت و الله العظيم انت اللي في قلبي انت و بس
مسك ايديها اللي وجعاها و قبلها... بحب كبير و هو بيحاول يقاوم نفسه و يلغي عقله تماما لان قلبه كان عايزها و بشدة غمضت عينيها و بصتله بخجل شديد قرب وشها منه بحب و اتكلم بهمس:- بحبك
غمض عينيه و قرب منها بس فجأة