رواية حارسي العزيز
الفصل الرابع 4
بقلم ولاء
يركب صقر العربيه وياخد زينه ويمشي
صقر... انتي كويسه حاسس ان انتي مضايقه
زينه... انا كويسه بس الموضوع ده شاغلني اوي ازاي حد يقدر يعمل كده ف مقبرة
صقر... اكيد ياعني هيعرفه هو مين متشغليش بالك
فون صقر يرن
صقر... الو ياماما ف ايه
أمنه... الحقني ياصقر الحق اختك
صقر... بقلق وخوف هاجر مالها هاجر ياماما
الفون يفصل
صقر... انا اسفه يازينه هاتيجي معايا مشوار صغير
صقر... ياخد زينه ويذهب ال منزله
(منزل صقر)
صقر يطلع ع السلم يجري وزينه معاه ويخبط ع الباب
أمنه... صقر انت جيت
صقر ... فين هاجر ياماما مالها هاجر
مره واحده هاجر تطلع هي وياسين بتورته والبلالين والصواريخ
كل سنه وانت طيب ياصقر عيد ميلاد سعيد
صقر بعصبيه هو ايه ال بيحصل ده ازاي تعملي كده وانتي عارفه اني ف شغل
هاجر... ما انا عارفه أن انت مش هتسافر برا البلد انت ع طول بتكدب علينا
صقر... انتي ازاي تفكري كده ياهاجر
تدخل زينه ع طول
زينه... خلاص ياكابتن صقر محصلش حاجه لكل ده ياعني
ياسين ... يابن اللعيبه مين دي يااد
أمنه.. اهلا ياحبيبتي ادخلي اتفضلي
هاجر... مين دي يا كابتن صقر
زينه... انا دكت
صقر... دي صديقه معايا ف المهمه
ياسين ... هي الحكومه بتجيب ناس حلوه كده
هاجر تضرب ياسين ع رجله اه عقبال ما تدخل السجن وتشوف احلي من كده ياخويا
ياسين ... ااااه خلاص خلاص
أمنه... تعالي بقاا ياحبيبتي اتعشي معانا حاجه كده ع قدنا
صقر... لا ياماما احنا مستعجلين
هاجر ... انت مجنون ولا ايه دا انت لازم تأكل من التورته دي بفلوس ياخويا انت هتستهبل
صقر... لينا حساب بعدين
هاجر... تعالي انتي بقا ياقمر نحضر الاكل مع ماما
صقر... يحدث نفسه
هار اسود هي دي هتحضر اكل دي لو حد عرف هي بنت مين هيجيلهم شلل
زينه... حاضر يلا
تروح زينه تحضر معاهم الاكل والجميع ف حالة من المرح والضحك والفرح
وبعد مدة
صقر... يلا بقا الوقت اتاخر
زينه... ايوه صح يلا
عن اذنكم ياجماعه كانت فرصه سعيده جدا اتشرفت بيكم اوي
أمنه.... دا احنا ال حصلنا الشرف والله نورتي بيتنا ياحبيبتي
زينه... شكرآ ياطنط مع السلامه
(منزل الوزير)
ساميه ... ايه التأخير ده كله
محمود... ايه ال حصل ف الموقع ده يازينه
زينه.. تشرح لوالدها كل شيء بتفصيل
محمود... صقر انا عاوز منك متسيبش زينه خالص انت فاهم ومش اي اكل تأكل منه اطلاقآ الموضوع ده مش هيعدي ب الساهل ياصقر
صقر... حاضر يافندم
زينه... بخوف يتملكها طيب انا هطلع الاوضه ارتاح عن اذنكم
تطلع زينه غرفتها وتاخد شاور وتقعد ع السرير تفكر
(غرفه زينه)
الباب يخبط
زينه... اتفضل
صقر... شايل ف أيده بطانية و مخده
زينه... انت بتعمل ايه
صقر... يفرش جمب السرير بتاعها وينام ع ضهره
زينه... انت مجنون انا بقولك انت بتعمل ايه ترد عليا
صقر .. انا بنام هكون بعمل ايه بطانيه و مخده هتكون ليه
زينه... والله ما انا متنيله ع عيني وفاهمه أن هي للنوم
بس انت بردو بتعمل ايه وهتنام فين ياعني
صقر... هنام هنا بظبط
تقوم زينه من ع السرير وتقف عن قدم صقر
زينه... بص بقاا انا ساكته من الصبح ع تصرفاتك ومش بتكلم بس لحد كده وكفايه انت هتستهبل انت مش ليك اوضه تنام فيها لا وكمان هو ياعني حد ممكن يعدي من الأمن ال برا كله ويجي لحد الاوضه عندي ولا هو شغل استهبال ولا في ايه بظبط
صقر... تصبحي ع خير
زينه... هو انا كلبه بتتكلم معاك ولا ايه كلمني زاي ما بكلمك لو سمحت
صقر... يرفع رجليه ويوقع زينه عليه ويمسك أيدها وهي متعلقه ع أيده الاتنين
زينه... انت بتعمل ايه
صقر... هتكلم معاكي
زينه... بتوتر وقلبها عمال يدق
والله هنتكلم معايا وانا متعلقه كده دا مش اسلوب كلام
صقر... بصي انا الأوامر ال باخدها بنفذها ب الحرف غير كده مش هعمل حاجه انا عاوز بس افهمك أن انتي مش ذوقي خالص خليكي مطمئنه
زينه... بغيظ شالت ايديها علشان تضربه راحت واقعه ف حضنه
صقر... طيب انا اعمل ايه دلوقتي لو الوزير دخل اقول ايه انا ف الموقف ده
زينه... ف حضنه ومش بترد خالص
صقر... مش كفايه كده ولا انتي شايفه ايه
زينه... بردو مش بترد
صقر... بدأ يقلق زينه انتي كويسه
زينه... ايوه بس عندي شد عضل ف رجلي شويه وهقوم اوعي تتحرك
صقر... بضحكه من قلبه
طيب اشيلك اطلعك ع السرير
زينه... لا انا هقوم لوحدي
ومره واحده صقر يحضنها جامد ويرفع نفسه ويرفعها ع السرير وينظر ف عيونها
صقر... انت ضعيفة كده ليه اتغذي اكتر من كده شويه
زينه .. الكسوف مالي وشها
خس انت بس شويه ومالكش دعوه بيا
صقر... بضحك عاليا حاضر هفكر ف الموضوع ده
تصبحي ع خير
زينه... وانت من أهله
(يأتي صباح تاني يوم)
زينه... صقر يلا علشان ورايا شغل كتير ف المعمل
صقر... يلااا يافندم
زينه تركب العربيه هي وصقر
صقر ينظر وراه يلاقي عربيه سوده ماشيه وراه
صقر... انتي معادك امتي هناك
زينه... مفروض كمان عشر دقائق بسرعه بقا
صقر ... امسكي نفسك
صقر يجري ب العربيه ويحاول يتخطي العربية التانيه
وبالفعل يتخطاها
ويوصل زينه
تدخل زينه المعمل وتفضل تشتغل ع المومياء هي والدكاتره ال معاها
دكتور احمد.. دكتورة زينه السفر يوم الاربعاء ان شاء الله حضرتك تكوني عامله حسابك
زينه... اكيد يادكتور
يوطي صقر ع ودنها ويهمس لها
زينه.. طيب طيب
دكتور احمد لو سمحت
احمد .. نعم
زينه... معلش حضرتك ممكن تروح مع الوفد وانا أن شاء هكون هناك
احمد.. الي تحبيه يادكتورة
عن اذنك
زينه... اتفضل
ارتحت قولتله اهوه
صقر... برافو
زينه... نعم
لسه خارجه زينه هي وصقر من المعمل وهتركب العربيه تأتي العربيه وبمسدس وتضرب نااار
صقر... زينه
زينه... صقر