رواية حارسي العزيز
الفصل التاسع 9
بقلم ولاء
(منزل الوزير )
محمود يتكلم عبر الهاتف
محمود.... انت عاوزني انفذ وانا مش عارف بنتي فين وكمان المباحث عارفه كل حاجه ولو فضلت اكتر من كدة ف البلد مش هخرج من هنا
العمليه دي لازم تتعمل ف المعاد وبعدين انت مافيش اي حاجه تضدك علشان المباحث تمسك عليك حاجه خليك فاكر أن انت مش هتعرف تطلع من البلد ال لما احنا نقول يامحمود
وبنتك انا هتصرف وهعرف اجبهالك
محمود.. طيب المطلوب دلوقتي ايه
العمليه هتكون يوم السبت الجاي ف المكان بتاع كل مرة هات الحاجه وتكون محضر نفسك وأوراق سفرك انت ومراتك
اوعي تستنا بنتك يامحمود انت لو مخرجتش ف الوقت ده احنا مش مسؤولين عنك انت فاهم
محمود... فاهم فاهم
يقفل محمود الهاتف
محمود... ساميه ياساميه تعالي
ساميه... ف ايه عرفت حاجه عن مكان زينه
محمود... اسمعي كلامي كويس اوي احنا لازم نمشي من هنا حضري الحاجات الضرورية بس مش اكتر وزينه أن شاء الله هتكون معانا انتي فاهمه
ساميه... نمشي نروح فين يا محمود انت ف حاجه ف عقلك
انت وزير ف البلد دي
محمود... بلاش كتر كلامي اعملي الي قولتلك عليه انتي فاهمه ولا مش فاهمه
ساميه... لا مش فاهمه انا عاوزه اعرف في ايه بيحصل بظبط وانت عاوز توصل ل ايه وبنتك فين زينه فين يامحمود اوعي حد يكون عمل ف بنتي حاجه
وفي وسط الحديث يدخل الأمن
الامن... انا اسف يافندم بس حد بعت الاب توب ده عبر البريد ومش عارفين هو تبع مين
ساميه... تشد الاب توب من أيده وتشغله
محمود... انتي بتعملي ايه
ساميه... انا عاوزه افهم ايه ال بيحصل بظبط
ولسه بتتكلم تشوف زينه وهي بتتخ*طف ومن الخوف تصوت وتقع ع الأرض
محمود ... قومي ياساميه دي مأمورة معموله عليا وعاوزين يوقعوني
ساميه.. انت بتتكلم جد
محمود... ايوه ياساميه قومي اعملي ال قولتلك عليه وكل حاجه هتنحل صدقيني
ساميه... تطلع ال الغرفه بتاعتها وتقعد تفكر
( عند صقر)
معاذ... ياعني انت عاوز تعمل ايه
صقر... احنا دلوقتي معانا مكان الموقع بتاعهم بس مش متأكدين
ودي نقطه مش لصلحنا
منصور... سيب الحته دي عليا ياصقر انا هعرف اجيب محمود
معاذ.... ازاي يافندم مفروض موقع التسليم بكرا
ازاي هتقدر تقنعه يعرفك مكان الموقع
ولسه معاذ بيتكلم يدخل امين الشرطة
امين.... يعطي التحيه ويقول
يافندم في واحده ست عاوزة تقابل حضرتك
صقر... مش وقته
ساميه تقتحم المكتب وتدخل
ساميه... بنتي فين ياصقر انا عاوزه بنتي
صقر... مدام ساميه حضرتك بتعملي ايه هنا
منصور.. اهلا يا مدام ساميه اتفضلي اقعدي
ساميه... انا مش هقعد انا عاوزه بنتي عاوزه اشوفها
منصور... حاضر بس اهدي الاول وفهميني بنتك فين وايه ال حصل
ساميه... انا عاوزه بنتي وهقولكم مكان العمليه فين
معاذ... بجد انتي عارفه التسليم فين
ينظر صقر ال معاذ نظرة غضب
ساميه... ايوه انا عارفه ال بيحصل ياصقر وعارفه الحاجه ال هو سرقها فين
منصور ينظر ال صقر ويتبادل النظرات في ما بينهم
منصور... طيب اقعدي ارتاحي كده وعارفيني كل حاجه
وبعد محادثات طويلة تخرج ساميه وتذهب ال منزلها
(عند زينه )
زينه... انت هفضل هنا كتير انا عاوزه اشوف ماما واتكلم مع بابا
منصور... اسمعي يا دكتورة زينه كويس الموضوع بقا صعب شرحه انتي لازم تيجي معايا مشوار بكرا ضروري انا عارف ان ده هيكون صعب عليكي بس ارجوكي ساعديني
زينه.... اساعدك ازاي انت عاوزني اخلي الناس كلها تعرف أن ابويا معالي الوزير حرامي وأكل البلد عاوزني اقول كده طيب ومستقبلي وامي اعمل فيهم ايه
منصور... الفضيحه كده كده هتكون يازينه بس المهم ضميرك بيقولك ايه انتي عاوزه ايه الطريق الصح ولا طريق الغلط انتي ال هتعرفي تحدد مصيرك على قرارك يازينه
يترك منصور زينه لتقعد بمفردها وهي تفكر ف حيرة
(يأتي اليوم الموعود )
صقر... يكلم الفرقه عبر اللاسلكي
ايوه كل واحد ف موقعه
الفرقه... ايوه يافندم كل واحد ف الموقع تحت الإشارة
يدخل محمود الي الميناء المهجور
نصر... جبت الحاجه يامحمود
محمود.... أيوة معايا ف العربيه
نصر... طيب يلاا طلعها
محمود... مش هطلع حاجه غير لما اعرف بنتي فين
نصر... بنتك مع الحكومة دلوقتي يامحمود مش هتعرف نجيبها يلا بسرعه مافيش وقت خليك تمشي من هنا قبل ما حد يقبض عليك
محمود... انا مش ماشي غير لما تجبلي بنتي
وهو لسه بيتكلم تدخل زينه المكان
والجميع يوجه المسدسات إليها
محمود ف صدمه ... زينه بتعملي ايه هنا
زينه... انت بتعمل ايه يابابا انت بتعمل ايه انت الوزير ال حلف يمين أن هو يحمي بلده
انت ال بتسرقها
محمود... يلا نمشي من هنا يازينه يلا نسافر وهفهمك كل حاجه
زينه... افهم ايه افهم أن انت بتسرق حرامي وطبعا بقا انت ال قتلت حازم صح
محمود... يازينه انا عاوزك تفهميني
زينه.. انت ال قتل*ت حازم ولا لا يابابا
محمود... ايوه يا زينه
زينه... ليه علشان ايه تعمل كل ده
طيب لما احنا نعمل كده الناس التانيه تعمل ايه دا في ناس يابابا مش بتعرف تأكل وبتقول الحمد لله على ال هي فيه
سلم نفسك يابابا واكيد ده الحل الوحيد ال قدامك
نصر اول لما يسمع كده
نصر... كده الموضوع خرج من أيدينا يامحمود ووجه المسدس بسرعه عند زينه وسحب الذنات وضرب طلقه
صقر.. زينه