قصة رهف
البارت الرابع 4
بقلم/منه محمد
فى اليوم التالى ذهب "ليل" ليجلس على مائده الافطار ف رأى "رهف" ايضاً تجلس نظر لها نظره تعجب وكان سيسألها لكنها لم تعطيه فرصه
رهف باندفاع : والله انا كنت هافطر معاها فوق وهى اللى قالتلى انزل قولتها لا ليل هيتعارك قالتلى ملكيش دعوه بيه
ليل : بس بس خلاص اقعدى افطرى
رهف : بجد !!
ليل : اه، ماما كويسه؟
رهف : اه اخدت دواها وكله تمام التمام
لم تأكل بل كانت تمسك الملعقه وتلعب ف الطبق وكانت تلاحظ نظراته الحاده التى تخترقها شعرت بعدم الراحه
رهف : انااااا هطلع افطر معاها احسن
واخذت طبقها وذهبت لفوق تحت نظرات تعجبه من تلك الفتاه الغريبه
ذهب لعمله ورائها تقف فى الشرفه تنظر إلى الحديقه وكان شعرها يتطاير مع الريح، نظر لها قليلاً ثم ذهب إلى عمله
كان يوم "ليل" شاقاً بالاعمال من اجتماعات وصفقات والكثير الكثير من الاعمال، ومع ذلك لم يشغله ذلك عن الاطمئنان على والدته من حين لاخر
كانت تجلس فى الغرفه مع والدتها يتحدثون
رهف : ايه رايك يا ماما تنزلي تقعدي ف الجنينه شويه
الام : انزل !!
رهف : اه تنزلي تشمي شويه هويه الجو تحت حلو اوى
الام : مش عارفه يا بنتي ليل مابيرضاش يخليني انزل
رهف : ليه بالعكس الجو تحت حلو و بيخلي النفسيه تبقى احسن
نزلت "رهف" وطلبت من "هنادي" ان تحضر لها الكرسى الخاص ب"ام ليل"
هنادي : ما بلاش يا ستي استاذ ليل لو عرف هيضايق
رهف : الله هو ف ايه هو انا هخطفها، يلا هاتى الكرسى
وخرجت بها إلى الحديقه وكانت الاجواء لطيفه إلا ان اتى "ليل"
وكانت نظراته غامضه ولكنها كانت مخيفه
ليل : ايه اللى نزلك يا ماما !؟
رهف : دى كانت فكرتي انا قولت انزلها تشم هوا وتغير جو
نظر لها بغضب وكان الشرر يتطاير من عينه
ليل بغضب : وانت مين اللى قالك تتصرفي من دماغك
كانت ستتكلم لتدافع عن نفسها لكنه لم يعطيه فرصه
ليل : انت ازاى تسمحي لنفسك تعملي حاجه زى دى من غير مترجعيلي
خلاص افتكرتي نفسك م البيت انت شغاله هنا والمفروض تنفذى الى الا انا بقولك عليه
الام : ليل ايه يابنتى اللى انت بتقوله ده
ليل : بعد اذنك يا ماما، سيبنى انا عارف بعمل ايه، ثم وجه كلامه لها : ومره تانيه ماتتصرفيش من دماغك متنسيش نفسك
كانت تسمع إهانته لها وهى تكتم بكائها بصعوبه
ثم اخذ والدته وصعد بها إلى غرفتها، ثم ذهبت هى الاخرى إلى غرفتها وبدأت بالبكاء
الام : يا بنى البنت مكنش اصدقها حاجه هى كانت نيتها خير
ليل : ولو يا ماما ولو ان مديها التعليمات واضحه
الام : بردو انت غلط فيها جامد وقولتها كلام مصيحش قوم اعتذرلها
ليل : حاضر يا ماما ثم قبل يدها وذهب
ليل : هنادي
هنادي : ايوه يا بيه
ليل : نادى على رهف
هنادي : تحت امرك يا بيه
ذهبت لتناديها لكنها رفضت ان تأتى
هنادي : مش راضيه تنزل يا بيه
ليل : مش راضيه تنزل !!
شعر بالغضب ف لم يرفض له احد امراً من قبل، صعد لغرفتها
ليل وهو يطرق الباب : انسه رهف
رهف وهى تفتح الباب بغضب : عايز ايه !
ليل : انااااا كنت جاى اعتذرلك عن اللى حصل انا مكنش اصدقي ووو وبردو انت اللى غلطانه يعنى كان لازم تاخدي اذني قبل ما تعملي اى حاجه
رهف : ايوه منا بردو مش فاهمه ايه الغلط ف اللى انا عملته !؟
ليل بندم : انا بخاف اوى على ماما ومش عايز اى حاجه تحصلها مهما كان عشان كده ارجوكى ارجوكى خالى بالك منها ومتعمليش كده تانى، وانا بكرر اعتذارى من تانى
رهف بكبرياء : اوكيه اعتذارك مقبول
ليل بتعجب : طيب عن اذنك
ثم ذهب وتركها واغلقت وابتسمت بفرح لانه اعتذر لها