قصة سكريبت مستر حمزة
البارت الاول 1
بقلم/منه محمد
بتبدأ قصتنا مع بنتين ف تالته ثانوى قاعدين ف السنتر مستنين الحصه تبدأ
منال : اوووف بقى مكنتش عايزه اخد درس ف الكيمياء انا ليه جبتينى هنا
داليا : والله، ومش عايزه تاخدى درس ف الكيمياء ليه ان شاء الله شاطرتك مقويه قلبك ان مكناش ناجحين فيها بالعافيه السنتين اللى فاتت
منال : خلاص بقى انت هتذلينى وبعدين منا كنت باخد فيها ف دورس ف اولى وف تانيه و مجبتش فيها درجات عدله ايه اللى جد بقى ها؟
داليا : المستر ده غير اللى كنا بناخد عنده ، انا سمعت انه شاطر
منال : اه سمعتى انه شاطر مين بقى المصدر الموثوق اللى سمعتى منه، انا اصلا مش مرتاحه للراجل ده من ساعه م دخلت السنتر ده عامل المزكره بتاعته ب ٢٠٠ جنيه ٢٠٠ جنيه ليه الراجل الحرامى
داليا : خلاصنا المهم ربنا يكرمنا ونجيب مجموع حلو لاحسن احنا سمعتنا وحشه اوى
وبيدخل المستر وكل البنات اللى ف السنتر بتنح اول ما بتشوفه لانه صغير ف السن و حليوه كده
منال : مين ده مين ده؟
داليا : ده المستر
منال : ده المستر ازاااااى !!
داليا : زى الناس !!
منال : هييييح انا شكلى كده هاحب الكيمياء
بتبصلها "داليا" باستغراب
حمزه (المستر) : سلام عليكم ازيكوا يابنات (ملحوظه: المجموعه كلها بنات بس)
بيردو عليه البنات وهما سرحانين ف جماله
حمزه : انا اسمى مستر حمزه مدرس كيمياء طبعا زى ما انتوا عارفين، قبل اما ابتدى الحصه حابب اقلكوا كلمتين ف اول حصه ليكوا ف الثانويه العامه
داليا : ياختيييييي ها يقعد بقى يقولنا الاسطوانه المشروخه ايها بتاعت انا كنت بطلع الاول وبأكل الكتب والحوارت دى
منال : اسكوتى بقى خالينا نسمع
بتستغرب "داليا" من "منال" اللى مكنتش طايقه المستر قبل اما تشوفه
حمزه : طبعا انا مش جاى اقلكوا بقى الكلام بتاع انا كنت على طول بطلع الاول كده لا بالعكس انا عمرى ما طلعت من اوائل بس ده مش معنى ان انا كنت فاشل بالعكس كنت شاطر بس مش درجه ابقى من الاوائل يعنى، المهم انا كنت علمى علوم و طبعا بابا وماما زيهم زى اى اباء مصريين كانوا عايزنى ادخل طب بس محلصش نصيب مجبتش مجموع الطب ولا صيدله ولا اسنان ولا اى حاجه من اللى بيتلبسلها بلطوا
بيضحكوا البنات كلهم
داليا : ايه ده هو ايه اللى بيضحك اصلا انتوا بتضحكوا على ايه؟
منال : اسكووووتى يا داليا مش وقتك خالص
داليا : سكت يا ختى
بيكمل حمزه قصه كفاحه : انا جيبت ٩٥ وطبعا ف العلمى المجموع مش هيدخلنى حاجه من الحاجات اللى تخليك مرموق ف المجتمع فبتبقى منبوذ كده المهم اهلى معنفونيش الحمد لله كانوا متفهمين انه انا عملت اللى عليا وخلاص بقى، المهم ف انا بقى كنت ميال للكليات الادبيه فدخلت تربيه ودخلت قسم الكيمياء لانى كنت بحب الماده دى اوى، المهم خلاصه الكلام اللى عايزه اقولهولكم انكوا تقدروا تنجحوا ف اى مجال مهما ان كان ومش لازم تبقى ناجح زى ما المجتمع هو اللى عايزك تنجح
لانى بردو كنت عايز ابقى معيد ف الكليه بس مجيبتش تقدير عالى لانى كنت لسه اول سنه ومش عارف ايه النظام وبردو ميأستش كملت باقى التلات سنين بتقدير عالى والحمد لله انا واقف هنا دلوقتى بالنسبه لحوار الشغل بقى
داليا : ياخرااابييييي نص الحصه نص راااااااح
حمزه : انا كنت بشتغل زمان ف الاجازه اى شغلانه لحد اما دخلت الكليه و اشتغلت عند سيكرتير عند مستر وكنت بدى دروس بردو بس ع الضيق كده ومن هنا لهنا بقيت زى ما انتوا شايفين دلوقتى
بيسقفوا البنات للمستر
حمزه : شكرا شكرا
داليا : عفوا، اخلص بقى
حمزه : بالنسبه بقى للكيمياء اللى انا عارف اغلبكم مبيحبهاش او عنده مشاكل فيها، وده بسبب طريقه شرح المدرسين اللى بتبقى ممله، او يا اما عشان يخلهو حلو يقموا يطبلوا ويرقصوا، انا بقى مبعملش كده لان ده امتهان لمهنه المدرس
منال : طلع محترم ياسلاااااام
حمزه : انا ان شاء الله هاحاول اشرحلكم الماده وبطريقه سهله ومبسطه هتخليكوا تحبوا الكيمياء باذن الله
منال : حبينها من ساعه دخلتك يا قمر انت
داليا : متتلمى يابت
بيبدأ مستر "حمزه" اخيرا يشرح وكل شويه بنت تسأله
منال بغيره : بصى البت بتتسهوكل ازاى؟
داليا : سيبلك منهم دول تلاقيهم رموا طوبه التعليم وبيدروا على عريس دلوقتى
منال : انا كمان رمين طوبه التعليم
داليا : منال!!
منال : بلا منال بلا بتاع انا كمان لازم اخدولى حته من التورته الله
وبتنادى ع المستر
منال بسهوكه : مستررررر
حمزه : نعم
منال : معلش يا مستر هو مفيش مكان ليا انا وصاحبتى قدام اصل احنا مش
شايفين حاجه من قدام وبعدين انا نظرى ضغيف
حمزه : هو فى مكان لشخص واحده بس
منال : زيييي الفلللل، معلش بقى يا داليا ده مستقبلى بردو
وبتمشى وتسيبها
داليا : يا بنت الللل
بعد ما بتخلص الحصه بتطلع "منال" جرى وتمسك ايد "داليا" وتجر فيها
داليا : فيه ايه؟
منال : يلا نلحق الراجل بسرعه مفيش وقت للتفسير
وبيلاقوا جيش من البنات واقف على دماغ المستر
منال : يخربيتكوا ايه كل دول
داليا : هايكونوا ايه يعنى واقفين بيسألوا الميستررررر (قالتها بسهوكه وسخريه من البنات)
منال : هى بقت كده اذا انها الحرب
وبتنط عليهم عشان تكلم المستر هى كمان
داليا : منال استنى يا منال، حتى انت يا منال
بتروح "منال" بيتها وهى ف قمه الانشكاح
الام : ايه يا شملوله راجعه مبسوطه يعنى
منال بنشكاح : اوى يا ماما اوى
الام : وده من ايه درس ايه اللى انت راجعه منه مبسوطه ده؟
منال : كيمياء يا ماما
الام باستغراب : كيمياء!! وده من امتى ده انت تطيقى العماء ولا تطيقى الكيمياء
منال : من انهارده يا ماما المستر اللى قالتلي عليه البت داليا طلع تحوووفه شرحه قمررررر (شرحه بردو يا منال عيب يا منال اختشى)
الام : ماشاء الله يعنى خلاص العقده اتفكت اخيرا
منال : اه اتفكت ياماما اتفكت، عن اذنك بقى اغير هدومى واروح اذاكر
الام : تذاكرى!! تذاكرى على طول كده بعد الحصه على طول طب حته كليك لقمه انت بقالك ساعتين بره
منال : مش مهم يا ماما ابعتيلى السندوشات ع الاوضه عن اذنك بقى يا اماما دى ثانويه عامه مفيهاش هزار بقى يلا سلام
وبتبعت لمامتها بوسه ف الهوا وبتمشى
الام : الاه البت بقيت غريبه هى الثانويه العامه سرها باتع اوى كده
وف اوضه "منال" بتكون مشغله اغنيه جنات بتاعت (عجبانى اوى شخصيته) وهى بتذاكر، وبتدخل عليها امها فجأه بتخض "منال" وبطفى الاغنيه
منال : هيييه يا ماما مش كده مش تخبطى ع الباب الاول
الام : هو مين ده اللى عجباكى شخصيته يابت
منال : ياماما دى اغنيه عادى الله
الام بسخريه : وهى ده بقى المذاكره اللى بتذاكرها!!
منال : ياماما بطلى ظولم بقى دى حاجه خفيفه عشان تسلينى وانا بذاكر
الام : لا والله!!
منال : اه والله
الام : طب ماشى ياختى بس خفى اغانى شويه بدل ما تروحى ف الامتحان وتكتيبلى الاغنيه بدل الحل.. (بوووم قصف جبهات الام تضرب ولا تبالى )
منال : حاضر يا ماما
الام : امسكي و لو انه خساره فيكي بس ماشي ، و بتكون ماسكه ف اديها طبق في سندوتشات
منال : الله ربنا يخليكى ياماما عمالى ايه ها ها
الام : جنبه بالطماطم
منال بعد ما اتقفلت : جنبه بالطماطم، ليه هو انت معملتيش حاجه ع الغدا انهارده ولا ايه؟؟
الام : ايه مش عايزاهم
منال : لا لا لا مين قال بس هاتى هاتى
الام : ذاكرى يا ختى وبطلى الهباب اللى بتسمعيه ده
منال : هباب دى جنات هو انا كنت بسمع حمو بيكا
الام : اهو نيله وخلاص ذاكرى يا ختى وربنا يوفقك و بطبط عليها. (طبطبه الامهات)