قصة بعدك قاتلى
البارت الثالث3
بقلم اسماء محمد
● فطرتا الحمد لله اخدت لي دوش دافي لبست عباية سودا و طرحة سودا و شنطة لحمية و شبشب اسود في العادة ما بعمل ميكب لكن اليوم عملت لي ميكب خفيف ، جيهتا نفسي و مرقتا على الشرق ، حصلت السوق دخلت البنك و كان في ستة انفار جايين لنفس المقابلة قعدتا جنبهم منتظرة ، رفعت تلفوني من الشنطة ، فتحت الشبكة لقيت عمار اونلاين رسلت ليو صباح الورد ما رد ، اتصل علي و كان صوتو واطي و تعبان ، عمار صوتك مالو ؟صاحي من النوم قالي لاا ، طيب مالو صوتك كدا طمني عليك حبيبي ،، قالي امبارح اتسممتا من الاكل و حاليآ راقد في المستشفى عشان كدا امبارح ما اتصلت عليك ،، ( حسيت بلفة راس و خوف و وجع نفس اللحظة)سبحان الله هسي صحتك كيف؟ اتحسنتا؟ عمار انت كويس قعدتا ابكي .. قالي انا كويس ما تبكي ،، لا انا ما مطمنة، معاك منو في المستشفى ،، عمار = معاي اصحابي ،، عمار حابة اشوفك اتصل علي بالايمو ... سرعة قالي حاضر فصل المكالمة و فتحت الشبكة اتصل علي مكالمة فيديو شفتو راقد و خاتين ليهو أنبوب في انفي بجد كان تعبان ( اعصابي تلفت ما اتحملت منظرو ممدد اريتني لو ما شفتو في الحالة دي ) قالي وين انت؟ قلت ليو عندي مقابلة وظيفة في بنك الخرطوم، قالي انا موجود انت ما محتاجة وظيفة ،، قلت ليهو خليني ارد و لو بسيط من جمايل اهلي ... قالي يا هيام ما قادر حتى الكلام بتعبني قلت ليهو آسفة حبيبي طيب ارتاح لبعدين ، قالي خلي بالك على نفسك و فصل ،،، كان في بت انصارية جنبي حست علي اعصابي منهارة جابت لي موية و قعدت جنبي و فركت لي اصابعي لانو اتشنجو هديت شوية ( في اللحظة دي عرفتا نفسي بحب عمار قدر كيف انا بموت من بعدو) دوري قرب عدلتا قعدتي و صلحتا طرحتي مسحتا دموعي و ظبطا وشي ، دخلت المقابلة و كانت ممتازة و قبلوني كموظفة في البنك براتب ممتاز و ح ابدا من بكرة ان شاء الله ..... رجعت البيت وريت امي الخبر السعيد فرحت لي و حضنتني قعدتا ابكي في حضنا ،، وصال = البكا لوزمو شنو المفروض تكوني فرحانة و اخيرآ حققتي احلامك ،، مافي شي يمة حسيت نفسي محظوظة بوجودكم في حياتي شكرآ عشان علمتوني ،، طلعتا غرفتي و صليت ركعتين و دعيت ربنا يجمعنا بالحلال و قريت قرآن ،، اتصلت ل رايا الو ،، مش قلت ليك قلبي ما مطمن شوفي الحصل عمار امبارح اتسمم و قرب يموت ،، رايا = يا لطيف من شنو ؟ معليش حبيبتي ما تبكي مش اتكلمتي معاه و اطمنتي عليو ؟!! ،، ما قادرة و الله لو عمار مات ح اعمل شنو انا ؟!! رايا = يا بت انت متخلفة ولا شنو تسمم غذائي عادي يموت شنو . انا آسفة لكن انت ما تخافي قدر دا ما تجيبي لنفسك ضغط فهمنا بتحبيو خلاص ربنا يحفظو ليك ،،، لو بتقدري تعاليني يمكن ترتاحي شوية قلت ليها طيب البس و اجيك