قصة بعدك قاتلى
البارت السادس6
بقلم اسماء محمد
●● صحيت و ما لقيت عمار جنبي الغرفة هادية البيت بقا لي مسيخ ، قمتا صليت و قريت قرآن لبستا جلباب اكمامو طويلة و لفيت طرحتي سمح و نزلتا تحت لقيت ناهد معاها صحبتا عفاف سلمت عليم و قعدتا ردها كان تقيل و ما عاينت لي في وشي احترتا قلتا في قلبي دي مالا ؟!!.... عفاف = اتمنيت احضر مناسبة عمار بس الزمن بقى لي ضيق ،، ناهد = ولا يهم ، مناسبة ولا مأتم ،،، عفاف = كيف يعني ما عملتو حفلات ؟ ،، ناهد = كتر خيرا السمحة قالت ما عايزة حفلة و عمار مشى على كلاما ،، عفاف = قاصدة منو ؟؟ ناهد = الوراك دي ،، أشرت علي ، رفعت راسي قلت ليها اسمي هيام عفاف قالت لي اتشرفنا و قالت عادي طالما دي رغبتا الواحد حر في اختيارو،، غايتو ما قالت حاجة كعبة ،،، ناهد = انا متكلمتا معاك عارفة اسمك هيام ما تتفاصحي ..... اتفاجأتا بردا قلت ليها العفو يا ناهد قمتا طلعتا فوق و انا مكذبة عيوني ،،، ما اشتغلت بكلام ناهد كتير ،، حامل في الشهور الأولى باكل كتير اليوم كلو برمرم لمن قعدة أخجل لمن اطلب اكل ،،، المسا جاتني عمتي قالت لي مالك ما نزلتي للغدا قلت ليها اكلتا براي و هسي شبعانة الحمد لله ، مسكت يدي و قالت لي يا هيام انت زي بتي ما تخجلي لو عايزة حاجة اطلبي قلت ليها حاضر ( كلام عمتي طمني) ،، قلت ليها ماشة ناس امي ، قالت ما تمشي عمار وصاني عليك لقايت ما تلدي خليك قدام عيوني عشان اهتم بيك قلت ليها ما ح أطول اسبوعين بس قالت لي سمح ،،،
● مشيت ناس امي و قضيت الاسبوع و رجعتا بيتي لقيتو وسخان و الدولاب تقريبآ كلو في الارض و عطوري برة و الغرفة جايطة لمن عوارة ،، قلت بسم الله دخلي حرامي ولا شنو نزلتا تحت وريت عمتي قالت لي شهد استعارت عبايتك المشكلة وين انتو اخوات قلت ليها عادي يا عمتي لكن الغرفة عاملة زي بيت العذابة هدومي لقيتا في الارض و الادراج مفتوحة و العطور برة ،، لكن ما مشكلة هسي برتبا براي لكن يا شهد تاني لو عاوزة شي اساليني ، عاينت لي باستحقار شهد = انا قاعدة في بيتي ما بستأذن من زول الهدوم دي اخوي جايبا ليك اوع تطلعي فوق راسي ،، عمتي = يا شهد احترمي نفسك ،، قلت ليها شهد هسي الكلام دا لزومو شنو انا زاتي بيتي انا متزوجة اخوك و بيتو باعتبارو بيتي ،، شهد = هي ما تعملي لي فيها التقية الرضية الزمي حدودك ما تتكلمي معاي ،، ناهد كانت مبسوطة من المشهد كانت بتعاين لي جو عيوني و تبتسم بستفزاز و عمتي شايفة و ساكتة في اللحظة دي عرفتهم متفقين علي طلعت غرفتي و بكيت قدر قدرتي ، قلت انا ما عملت ليم حاجة الناس ديل مالم معاي كلهم قاطعوني و بقو ما بتكلمو معاي الا عمتي لو اتكلمتا معاها بترد لي بطرف لسانا ببرود وضعي بقى صعب قررت امشي بيتنا ، جهزتا شنطتي لمن جيت مارقة عمتي شافتني قالت لي ماشة وين قلت ليها انا ما مرتاحة ماشة بيتنا في اللحظة دي اعتذرت مني و حنستني خليك يا هيام، ابيت نهائي، شهد و ناهد ولا كلفو نفسم عاينو لي مرقتا جيت البيت بعد شوفت امي نسيت الزعل فكرت أوري رشا لكن اتراجعتا قلت اكيد ح توري امي و انا ما عايزاها تزعل دفنتا الكلام في قلبي ،، المسا جا ابوي سلمتا عليو قالي زياراتك كترت قلت ليو ابوي انت نسيت ولا شنو عمار سافر المشكلة وين لو جيت قعدتا معاكم ،، جابر = عارفو سافر جبيل كوثر اتصلت علي و قالت لي حاولت تقنعك تقعدي ابيتي كوثر بتريدك و انت حامل بحفيدا و حابة تهتم بيك ما تقوي راسك بكرة ارجعي بيتك ،،، قلت حاضر بدون ما افكر ولا ادافع عن نفسي يا جماعة انا قعدة اعاني في البيت داك و مافي زول سائل.........