قصة بعدك قاتلى
البارت الثامن8
بقلم اسماء محمد
♡♡ جاتني امي حضنتا من الباب و سلمنا على بعض و سلمت على رشا ضيفتم بكبايتين عصير مجهزاهو بدري امي قعدت مع عمتي و ناهد تحت و شهد كانت في الجامعة انا و رشا طلعنا فوق شافت بيتي و الغرفة رشا = بيتك سمح و مناسب انت محظوظة يا هيام غرفتك دي قدر الصالون حقنا ما شاء الله ، قلت ليها انت بعدين بيتك اكبر من دا و غرفتك ح تكون افخم من غرفتي ،، قالت إن شالله اتونسنا و حكيت ليها عن عمار و حبو لي و قعدة اتوحم على سمك قعدت تضحك قالت لي ما كنتي بتحبي السمك قلت ليها متين ؟! قعدت تضحك ،، نزلنا تحت و جهزتا الطاولة ساعدتني رشا امي كانت مبسوطة من وضعي مشت مني و هي فرحانة و مطمنة ، الحمد لله مافي زول عمل معاي حركة ما ظريفة ، كويس وكت امي ما حست على شي ، لميت الصفرة و وضبتا المكان كنت طالعة غرفتي جو عيال ناهد خاشين ما حصل شفتم كانو مع ابوهم ( انا بحب الشفع و دلعم و حركاتم كلها كيوت ) جيت راجعة مشيت عليم سلمت على البنوتة و بستها و جضمتا قلت ليها السمحة اسمها منو ؟ قالت لي دانية حلات اسم و ابو شعر اسمو منو ؟! ( مؤيد مربين ليو شعرو ) اسمي مؤيد ،، بصراحة عيالا حلوين و حبيتم قالو لي شفناك في الصور انت مرت خالو عمار المصرية ،، ضحكتا ، مصرية شنو ؟!! ابوي قالينا انت مصرية قلت ليم انا ما مصرية انا اختكم الكبيرة عندي العاب كتيرة في تلفوني ارح معاي الغرفة ( كنت مستغربة من ناهد ما اتكلمت افتكرتها ممكن تبعد عيالا مني لكن حمد لله ما اتكلمت ) لعبو معاي لقايت ما نامو جات ناهد ودتم غرفم .....
♧♤ الشفع برجلو البيت اطريت اتصل ل رايا و لنا عشان يساعدوني جوني الصباح بدري و بدو تنضيف و انا قلت انزل اطبخ ليم حاجة ظريفة في المطبخ لمن جيت نازلة لقيت عمتي معاها صحبتا عوضية و كانت قعدة تقطع فيني ما حست علي نهائي ،،، عوضية = مبروك كمان لعمار قالو جاب مصرية من السعودية ،، كوثر = مصرية شنو .. دي بت اخوي جابر اسمها هيام ،، عوضية = سمعتا من ناس الحلة قالو عمار عرس مصرية بيضاا... كوثر = مافي كلام زي ، دي هيام شالت عقل ولدي لمن يتصل بسال منها قبل أي زول و على طول بقولي خلي بالك على هيام بقى ما يسأل من اخواتو نهائي لو ما بعرفا بقول كتبتو ، الكلام دا سمعتو جوة اضاني ما قالو لي زول انصدمتا من عمتي كانت قعدة تتظاهر لي بالمحبة طلعت زي بناتا عوضية رفعت راسا عاينت لي قالت ما شاء الله اكيد انت هيام عمتي اتلفتت مفزوعة ،، سلمت على عوضية و دخلت المطبخ سمعتا عوضية بتقول لعمتي بياض زايد سماحة دي ما محتاجة كتابة عمتي قالت ليها انا كنتا ابيض منها بس الزمن يا عوضية ولادة و تربية ،، كملو ونستم و عوضية فاتت جاتني عمتي في المطبخ قالت لي انا ما كنت قاصدة الكلام القلتو ما رديت عليها مسكت يدي سحبتا تاني مسكتا سحبتا بقوة جيت خابطة في الواطة حسيت بألم في بطني و في راسي لنا و رايا سمعو صوتي جو جاريين، ودوني المستشفى لمن وعيت لقيت امي و رشا و لنا فوق راسي في اللحظة دي عرفتا نفسي في المستشفي ختيت ايدي على بطني قبل ما اسأل الدكتورة جات داخلة قالت لي اجهضتي ربنا يعوضك حسيت بوجع ما يتوصف كنت قعدة ابكي و اتنهد في قلبي ( انت السبب ما عمري ح اسامحك ) عمار عرف بالاجهاض قرر ينزل السودان عشان يفضل جنبي و يواسيني لانو عارفني متعلقة شديد بالبيبي ،، لمن وعيت اكتر قلت لأبوي جاية معاكم قالي تعالي حبيبتي مشيت مع ناس امي اتصلت علي عمتي قالت لي ما توري عمار بالحصل قولي ليو اي حاجة و اترجتني عشان استرا قلت ليها حاضر و فعلآ ما كلمتا زول حتى لنا و رايا ما كانو عارفين بالموقف الحصل
♡♡ عمار وصل كسلا جاني في بيتنا قبل ما يحصل بيتم ،، لمن شفتو حسيت وجعي جديد و اتذكرتا كل اوجاعي لمن كان مافي حضني و قعدتا ابكي و بكا معاي و قالي ارح نمشي بيتنا لانو مشتاق ليك قلت ليو ما عايزة امشي بيتكم خليني مع اهلي قالي طيب تجي متين قلت ليو ما حابة اجي نهائي حضني عليو شديد و قالي انا اسف انا جنبك ما تبكي ،، عمار = ح احجز تذكرتين لاسمرة هسي جوها رهيب اعتبريهو شهر عسل متأخر رايك شنو ؟! قلت لي سمح باسني في راسي و قالي بكرة بجيك بدري انا بوصي رشا تجهز ليك شنطتك تمام هزيت براسي (طيب) ......