قصة اختارتك انتى
البارت الثاني عشر12
بقلم نجلاء فتحي
((فى شقة زياد ))
أنا جمعتكم يا بابا أنت وماما وجدى و طة علشان هتجوز
الأم/ بفرحة بجد مين
الأب/ أخيرا دة أنا قولت عليك راهب مبروك مين العروسة
طة بفرحة / زياد عريس ثم قفز لحضنة
الجد صبحى/ نوارة
الجميع نظروا لبعض ،،حاول يتحكم زياد فى غضبة وقال لا
وقلبة يعنفة وهنا تأكد أن جدة يعلم علاقتة بنوارة
الجد صبحى/ أمال مين إللى عايز تزفتها
زياد/ بسملة بنت عمتى ثريا
الجد بغضب / أكيد أتجننت دى فاشلة متعرفش حتى تصب كوباية ماية لنفسها دى مش فلحة غير فى اللبانة والتليفون والتانية أختها ٠٠
زياد/ أتنفض فى وقفتة وقال كتب الكتاب والفرح بعد أسبوع ودى حياتى وأنا حر فيها ثم أنطلق للخارج وركبت عربيتة وساق بأقصى سرعة
الجد بغضب / أبنك خاب يا زكريا وأنت قابل
زكريا/ بسملة مش وحشة ومثقفة وفى الجامعة وبنت أختى و٠٠
الجد/ وأية تانى ها هترمى أبنك لثريا العقربة
زكريا/ دى أختى
الجد/ ودى بنتى الوحيدة ومش بطيق أفعالها عَقل أبنك عايز يتجوز عندة نوارة ماهى بنت أخوك برضو
زكريا/ الجواز مش بالعافية هو أختار بسملة يبقا بسملة
الجد بغضب/ شكلك عارف بالموضوع
زكريا/ بالله معرفش إلا دلوقتى ولو كان على لبسها وتصرفتها طيش شباب عادى وأهى عملت إللى نفسها فية قبل الجواز علشان جوزها لما يفرض سيطرتة متتكلمش
الجد صبحى/ تفكير غلط دى قلة أدب لو الجوازة تمت بلغ أبنك ينسا لية جد ثم تركهم ورجع بيتة تحت أعتراض زكريا
زكريا/ مش سامع ليكى صوت
مرفت بمكر/ أختك مش سهلة
زكريا بعدم فهم/ أية
مرفت/ أخر زيارة عند عمى صبحى اليوم إللى زياد خد نوارة وخرجوا بالليل طول اليوم عايزين زياد يتجوز بسمة أو بسملة فأختك قالت أنا هخلية يطلب واحدة فيهم تقريبا كدة أختك فردت شباكها على أبنى لما أقبلها بس بسرعة كدة من غير متقولي بس مش مهم المهم المصلحة واحدة
شاكر بصدمة/ كل دة وأنا معرفش
مرفت/ سيبك جهز نفسك يا أبو العريس
شاكر/ أبويا زعلان
مرفت/ الزعلان بكرة يتصالح المهم مصلحتنا أقصد مصلحة أبننا
شاكر/ وطة ملوش نفس يتجوز
مرفت بحزن / رغم شكلة شاب عادى ووسيم وأول ميتكلم أو يتحرك بيبان مش طبيعى مين هتقبل بواحد عندة ٢٠ سنة وعقلة ٥ سنين بحكم الطب
شاكر /موجودة وأبوها بيحبنى وهى عارفة طة وحنينة علية وأنتى عارفاها وبتكرهيها
مرفت بشهقة/ نوارة بنت أخوك
شاكر أبتسم بخبث/ النهاردة هنزور رجب وأطلب نوارة لطة
مرفت/ نوارة أفرد أخوك رفض
شاكر/ أخويا بيحبنى ونوارة حنينة على طة هستغل دة لما أبويا قال نوارة وظن زيادة هيتجوزها مع أنى كنت أتمنى ذلك بس هى صغيرة علية جات فى بالى متخرجش من إيدى وبنت هادية وتشيل البيت عليكى بس تهدى اللعب معاها
مرفت/ يعنى اية تشيل البيت دى
شاكر/ يعنى هتعيش معانا هنا فى الشقة أدام عنينا مع طة علشان محدش يلعب فى دماغها وبالمرة تحسسيها البيت بيتها وتشتغل وتطبخ وتساعدك وطة ذى ذى أى شاب يفرح ويتجوز فكرى بالعقل بكرة أنا وأنتى نموت وزياد ينشغل بحياتة مع مراتة وطة يكون لواحدة علشان كدة لازم نوارة تكون مراتة دة أنا أختارتها من البنات كلها بسبب حنيتها علية وناوى الشقة إللى قدامى فى نفس الدور زياد يتجوز فيها ويبقا كدة عيالنا قدام عنينا وبالمرة ياكل ويشرب معانا ماهى بسملة ملهاش فى المطبخ
مرفت / نعم نعم هو أنا أخدم بنت ثريا
زكريا/ نوارة هى إللى تخدم بس خلى الكلام دة بينى وبينك لما البت تجى دلوقتى لازم نزغلل عنيها دى محرومة باللبس والهدايا وأنتى بالذات غيرى معملتك لحد ما المأزون يكتب
مرفت بحيرة/ طة عيل وهى بنت وفى يوم هتحتاج ****يبقا العمل أية
شاكر/ دورنا نقفل عليها المية والهواء متخافيش زياد هيكون عليها ذى الحارس دى مرات أخوة وأختة وأنا هلفت نظرة لحتة ذى دى هنشغل دماغها طول اليوم والليل تنام أعتبريها خدامة ليكى ولبسملة
مرفت/ بحقد،،والله بضتلك فى القفص يابنت نادية وهتعيشى فى العز أقوم أجهز بقا
شاكر/ لسة بالليل
مرفت/ لا خير البر عاجلة
وأبوك عليك بقا أقنعة
غمض شاكر عينة بيأس لكنة جرب يمشى بمبدأ زوجتة وهو إللى زعلان دلوقتى بكرة يتصالح المهم مصلحتنا تخلص
بقلم نجلاء فتحى عاشقة الكلمات
_____
توقفت سيارة زياد فى مكان وساند رأسة على أطار القيادة وهو حزين ويقول كان نفسى يا نورارة حياتى تكونى على أسمى كان نفسى أخلف منك كان نفسى أقول أختارت دى الصبر يارب نوارة متنفعش لحد تانى عارف لما قربت منها بعدت على أخر لحظة ورغم إللى حصل ست البنات قربت من عشقى ليها وضميرى مش سايبنى فى حالى بعتبرها حتة منى محدش حاسس بيا لية ،،،،بسملة تكون مراتى لازم كنت أعمل كدة منظر عمتة ثريا القوية وهى بتبوس إيدى وجعنى أستحمل ٦ شهور وأطلقك يا بسملة وأتجوز حبيبتى ٦ شهور وتكوني بتاعتى يا نوارة للأبد
[[فى بيت نوارة ]]
يجلس زكريا ورجب على الكنبة
ومرفت وثريا الأخوة الأعداء فى نظراتهم
وطة فى الأرض بيلعب بالمسد'س اللعبة ونوارة بجوارة
نوارة/ هات ألعب بية شوية
طة/ أنتى حبيبتي، ،،خدى
نوارة/ ألتقطتة،،حلو أوى ،،،أرفع أيدك لفوق
طة بتصنع الخوف/ عايزة تموتني لااااا
نوارة بخضة / رمت المسدس لبعيد وقالت ،،بعد الشر عليك لا مش عايزة ألعب
طة / جذبها لحضنة وقال ،،أنتى زعلتى لا خلاص مش تزعلى أنا بلعب معاكى بصى معايا أية معايا مصاصة كنت باكل فيها تاخديها ومتعيطيش
نوارة/ مصاصة بجد ماشى ومع أنى مش بعيط ثم أخذت منة 🍭 وباست خدة وتناولتها
مرفت/ أية الأرف دة
نوارة/ مش أرف أى حاجة من طة حلوة دة أخويا يا مرات عمى
طة/ حاوطها داخل حضنة وأخذ يطبع قبولات سريعة على رأسها وهى تضحك
زكريا كان يشاهد الموقف، بأبتسامة، ،،،بقولك يا أم نوارة خدى مرفت عايز أخويا فى كلمتين
نادية/ ومالة يا أبو زياد تعالى معايا يا مرفت
زكريا/ نوارة خدى طة وأطلعوا على السطح
نوارة/ حاضر يا عمى ،،،،طة لو جدع أمسكنى ،،،وجريت وهى تضحك
طة/ همسكك هههههه
رجب/ براحة علية يا نوارة ههههه
زكريا/ عايزك فى موضوع
فى غرفة نورارة حيث جلست نادية ومرفت لأن الشقة غرفتين وصالة ولا يصح تستقبل مرات أخو جوزها فى غرفة نومها فأستقبلها فى غرفة نوارة التى تتكون من سرير وطاولة مربعة عليها مفرش أو طرحة طويلة تستعمل مكتب وكرسي خشب ودولاب وحصيرة،، غرفة نظيفة وجميلة فى نظر الكل معدا مرفت
نادية/ نورتى يا أم زياد أول وأخر مرة دخلتى بيتى فى سبوع نوارة
مرفت/ هو السبوع كان هنا
نادية/ لا فى شقة تانية
مرفت/ مش عارفة مستحملة الشقق الإيجار دى أزاى
نادية/ ربنا يكرم وناخد تمليك الأقصد تشربى أية متخافيش أنا نظيفة
مرفت بقرف/ متتعبيش نفسك ولا باكل ولا بشرب
نادية/ يا ندامة دى تانى مرة فى حياتك تدخلى بيتى ومتشربيش عايزة الحج رجب يطلقني فى عصير مانجا البت نوارة عملاة الصبح زمانة سقع يارب متكون خلصت علية المفجوعة دى وتركتها
مرفت بقرب/ حصيرة والله بضيتلك فى القفص يا بنت نادية وهتعيشى فى العز ودوسى على السجاد ثم جثت وشمت ملاية السرير
وقالت صدفة ريحتها حلوة فتحت الدولاب وجدتة فى ملابس
ملحوظة دى الملابس إللى زياد جابها لنوارة وهى متعرفش،،،، فقالت جابت الهدوم الغالية دى منين مش ماشية مع الدولاب القديم وأتت فى بالها فكرة قالت دى أكيد فى مدرسة فنى وليها حد فى حياتها
وبدأت تفتح أغرضها وترجع كل حاجة مكانة لم تجد شئ ثم جلست على حرف السرير وهى قرفانة من المكان
ثم دخلت نادية ووضعت صنية المشروبات على السرير وقالت أتفضلى
مرفت/ مش عايزة
نادية بضيق/ براحتك لو عايزة أهو وسكتت
مرفت لنفسها/ هتسحمل لحد مصلحتى متخلص
((فى الصالة ))
زكريا/ بقولك يا أخويا عايز نوارة لأبنى
رجب بترحيب/ نوارة بنتك بس زياد كبير وفى فرق بينهم فى كل حاجة
زكريا/ زياد هيتجوز بسملة بنت ثريا عايز نواة لطة هو ٢٠ سنة وهى ١٧ سنة مناسبين لبعض
رجب بصدمة/ طة
زكريا/ جلس بجوار أخوة وقال عارف طة عقلة ٥ سنين بحكم الطب بس بص على شكلة شاب طول بعرض ومحدش يعرف سرة وبنتك هتعيش فى بيتى وبكرة أموت أنا ومرفت وتبقا هى صاحبة البيت أنت عارف بحب بنتك قد أية
رجب بتوهان/ لامؤاخذه يا أخويا بس الست أم زياد مراتك بتعاملها وحش
زكريا بكذب/ مستحيل دى هى إللى طلبت نوارة لطة وبعدين شوف عايز تأمن مستقبلها أزاى وأنا مستعد
رجب/ دى بنتى الوحيدة أنا مش مادى دة أنا سبت أبويا وعيشت لوحدى وربنا عالم بظروفى علشان مش أخد جنية من أبويا وانت عارف كدة ودلوقتي جاى تطلب منى أبيع بنتى
زكريا / بدأ يتوتر ،،،فقال فكر بالعقل بنتك فى بيتى وفى حضنى وزياد أخوها وهيبقا معاها وتحت عينة أنت مريض ومراتك كمان ومش هكلفك جنية فى جهازها عايز نوارة بجلبية البيت حتى هدومها عليا وكرامتها محفوظة
رجب/ وحقها من جوزها لما تكبر وتلاقي *** متاح وهى لا هتغضب ربنا
زكريا بكذب / أنا سألت الدكتور إللى متابع حالة طة قالى يتجوز عادى وأتكلمت مع طة لاقيتة فاهم قولت أية يا أبو العروسة
رجب/ مختش بسمة بنت أخوتك لية
زكريا أتوتر وقال/ كبيرة وثريا كانت مرحبة بس لو بنتها صغيرة قولت أية نوارة كملت ال١٨ خلاص قول أةة وكتب الكتاب يوم الجمعة الجاية مع زياد وغرفتها مع غرفة طة أقصد شقتها هى شقتى وأعتبر نفسى أو ومرفت ضيوف عندها دة أنا أختارتها هى من بنات العيلة والعالم لطة علشان بيحبها وهى بتحبة وتلم خير جوزها أقصد طة أبنى هتحافظ على فلوسة
رجب ///٠٠٠٠٠٠