قصة اسمرى الملتحى
البارت السابع والعشرون27
بقلم اشجان الطحالب *
سامر نزل من العربيه وجا فتح الباب عايز ينزلني بس انا رفضت 😓 سواق ترحال نزل قال ليهو بعتزر بس انت بتقرب ليها شنو 😒 سامر اتلفت علي السواق قال ليهو وانت منو عشان تسألني توصيل و وصلتها " قروشك وح ادفعها ليك ده كل الـ بيهمك في الموضوع عشان كده خليك بعيد 😡 قال ليهو انا ما عشان القروش بس دي بتعتبر امانه عندي ✋ أنا نزلت من العربيه عشان أحسم الموضوع قلت ليهو سامر عايز شنو 😒 السواق قال لي يعني بتعرفي 😳 نط سامر قال لي ردي عليهو بتعرفيني ولأ لا 😒 طبعا اتختيت في موقف باااااايخ شديييييد لانو قبلها قلت ليهو ما بعرفو بس ما رديت واتلفت علي سامر قلت ليهو من الآخر عايز شنو 😓 قال لي رايك شنو نحل مشاكلنا الأسريه جنبو وعاين للسواق 😒 في اللحظه دي السواق فهم انو ده راجلي قال ليهو بعتزر والله ما كنت عارفك زوجها ✋ سامر قال ليهو ما مشكله ولا يهمك السواق ركب العربيه انا فتحت الباب عايزه اركب سامر مسكني من معصم يدي قال للسواق دقيقه ما تتحرك 😓 ركبني في عربتو ورجع للسواق قال ليهو الحساب كم قال ليهو ما مشكله خلي المره الجايه 😊 بس سامر اصّر يدفع وانا منظري بقى بيش جنب السواق سامر جا راجع قلت ليهو بحده ده شنو العملتو ده كده عاجبك بعد اتفضحنا 😠 قال لي بإنفعال وانتي الـ مطلعك الوقت ده شنو من البيت براك مش كان تتصلي علي ولأ علي عم عبدو يجيبك 😡 قاطعتو قلت ليهو انتو الإتنين ما مجبورين توصلوني عشان اتصل عليكم 😒 سامر اتحرك قلت ليهو غير بيت ابوي ما ح ادخل عشان كده ما تحاول ترجعني بيتك ✋ داس بنزين وفضل سائق العربيه بسرعه زي سباق العربات وقف في شارع هادئ وقال لي طيب احكي مشكلتك شنو في بيتكم ما لقيت طريقه اتناقش معاك ورافضه تجي راجعه البيت ده انسب مكان اهااا مشكلتك شنو 😠 قلت ليهو مشكلتي كلمتك بيها وبعيدها ليك تاني افتح رسايلك في تلفون الشركه عشان تعرف مشكلتي 😓 قال لي شجن حاليا انا ما عندي ليك توضيح اكتر من اقول ليك انا ما خنتك وبطلي تهور وارجعي بيتك 😒 قلت ليهو يعني بالبساطه دي اكذب عيوني واصدق كلامك قال لي لو واثقه فيني بتصدقيني لانو دي الحقيقه ✋ قلت ليهو رجعني بيت ابوي ولم تلقي مبرر لـ عمايلك تعال اتناقش معاي ✋ قال لي شجن تعالي راجعه البيت مع الأولاد وانا بطلع 😔 قلت ليهو لاا لأنو انت احق انك تقعد في الاخر داك بيتك 😒 قال لي طيب في شقه فاضيه في العماره حقتك تعالي اقعدي فيها وامي بتقعد معاك لانو بصراحه انا ما عايز بتي تقعد في البيت داك ✋ قلت ليهو البيت داك ياتو قصدك بيت أبوي 😳 وإنفعلت البيت البتتكلم عنو " ده البيت الكبرت فيهو انا صاح بيت أقل من عادي وعلي قدر حالنا بس ابوي أسسو بعرق جبينو وامي عانت عشان يكتمل عشان كده ما بسمح ليك تتكلم عنو بالطريقه دي 😡 قال لي بحده افهمي كلامي حتي تردي انا ما عندي اعتراض في بيتكم 😠 بس قصدي ما بطمن علي بتي مع محاسن بعد ما عرفت حقيقتها ✋ قلت ليهو محاسن ما كعبه للدرجه دي صاح معاملتها قاسيه بس كل عمايلها دي نتيجة الطمع والقروش ما اكتر 😒 وبعدين ما تنسى انا امها لـ لميس استحاله اسمح لـ محاسن تأذيها بس ما بمنعك تسوق بتك تعيش معاك في بيتك الفخم لأني صح ما بقدر اوفر ليها المعيشه الـ كانت عايشاها سامر قال لي بحده شجن قفلي 😠 وانا لسه بتكلم وقلت ليهو وعلي العموم لميس هسي عندك سامر خت يدو بقوه في خشمي قال لي قلت ليك قفلي كلامك قاتل اكتر من سم الأفعي 😠 وانا لم قلت ما عايز بنتي تعيش في البيت قصدي عند محاسن واكيد لم اتكلم عن لميس بشملكم انتي وحمودي معاها ✋ وتاريخ بيتكم ده انا حافظو حكتو لي عمتو عفاف وحكت لي عن امك ربنا يرحمها واتمنيت لو كنت قابلتها او تكون لسه حيه علي الأقل ما كنتي اتماديتي في تصرفاتك للدرجه دي 😒 وراجعي نفسك وشوفي تصرفاتك دي امك لو حيه كانت بترضاها ✋ كلامو الآخير ده خلاني احس بالإنكسار نزلت يدو من خشمي وقلت ليهو امي لو حيه ما كانت بترضى البيحصل معاي ده 😔 لو انت شايف إني غلطانه في حقك قول لي غلطة واحده عملتها عشان تكسرني بالطريقه دي بس دي غلطتي انا من يوم اتزوجنا دايما انت بتغلط في حقي وانا بسامحك لحدي ما ختمتها بالطريقه البشعه دي 😔✋ بعد كلامي ده ما نطق ولا كلمه دور العربيه واتحركنا في دقايق لقيت روحي جنب البيت نزلت من العربيه بس قلبي كان مشغول علي لميس 😢 اليوم التاني جهزت حمودي للمدرسه وكنت شايله هم توصيلو وانا بحضر ليهو في الفطور سمعت صوت بوري العربيه قلت اكيد ده عم عبدو ح اطلع اقول ليهو انا بوصل حمودي عشان المسافه بعيده وهو يوصل لميس ✋ بس لم طلعت اتفاجأت بـ سامر قلت ليهو تاني حمودي بوصلو انا للمدرسه وبجيبو راجع مافي داعي تتعب تجي 😒 سامر اتلفت علي حمودي قال ليهو الليله اتأخرت ليييه لميس قبيل طلعت 👌🏻 قلت ليهو تقريبا بتكلم معاك 😒 قال لي سمعتك بس كلامك ما بهمني لانو علاقتي بحمودي إنتي ما عندك دخل فيها وبعدين من متين تعبي بهمك 😏 رفع القزاز واتحرك الضهر جاتني ماما سهير قالت لي والله يا بتي انا ما كنت عارفه انك طلعتي من البيت زعلانه وليييه ما كلمتيني وكذبتي علي 😢 نطت محاسن قالت ليها والله شجن غلطانه سامر ده بزعلو منو راجل السرور 😍 قالت ليها شجن بتي قبل ما يكون سامر ولدي وحاشاها الغلط 😘 طبعا ماما سهير عارفه طبعها من زمان عشان كده احرجتها إتلفتت قالت لي يا بتي اها قلتي شنو ارجعي معاي عشان خاطر بتك 😔 قلت ليها يا ماما سهير طبعا محاسن بعد سمعتني قلت ماما اتخلعت 😳 قلت ليها لو عايزه راحتي ما تضغطي علي ارجع وبتي لو معاي لو معاكم بكون مطمنه عليها محل راحتها تقعد ✋ قالت لي ما ح اضغط عليك بس توعيديني انك تقعدي يومين ترتاحي فيهم وترجعي بيتك واوعدك سامر يطلع منو حتى من غير ما اعرف سبب المشكله بينكم لأنو مستحيل اضيعك مني بعد ما بقيتي بنتي تمام 😘 هزيت ليها راسي بـ حاضر بعد ماما سهير طلعت محاسن قالت لي انا مرت ابوك ما حصل سمعت منك كلمه امي وهسي بتقولي لـ نسيبتك ماما 😏 قلت ليها قبل ما تسأليني السؤال ده أسألي نفسك من السبب وقارني روحك بيها 😒 واولا كلمه امي دي حرمانه تتنطق تاني بعد وفاة امي وثانيا العملتو لي ماما سهير يستحق اني اناديها بالإسم ده بس انتي عملتي لي شنو ممكن اذكرك لو نسيتي ✋ لوت لي خشمها ومشت الساعه 3 الأولاد جو راجعين من المدرسه السواق جابهم حتي لميس جات مع حمودي حضنتني وقالت لي ماما عايسه اتعد معات 😍 بس ما كانت طبيعيه وكل يوم كانت بتجيب فطورها راجع ما بتاكل وكلامها قل ما بتتكلم كتير 😰
يوم من الصباح بعد الأولاد طلعو المدارس اتجهزت عايزه اطلع محاسن قالت لي شجن ماشه وين 😳 اديتها نظره وطلعت وصلت المحامي الـ عملنا عندو ملكيه الشركه والعماره بعد سلمت قلت ليهو قبل 3 سنين كان جينا انا وزوجي بخصوص تغيير ملكية الشركه 😊 قال لي ما اتزكرتك والله طيب اسم زوجك منو قلت ليهو سامر قال لي بخلعه سامر عبد الفتاح 😳 قلت ليهو اي رجع سلم علي تاني وقال لي بعتزر والله في الأول ما عرفتك قلت ليهو ما مشكله بس عايزه منك خدمه بسيطه 😊 قال لي تأمري ولو اتصلتي علي كان جيتك لحدي البيت بدل تتعبي ✋ قلت ليهو ما بتقصر بس كنت عايزه ارجع ملكية الشركه والعماره بإسم سامر 😊 قال لي تمام ما عندك مشكله بكره بحضر الورق وما شرطي تجي بجيكم انا في البيت عشان تمضو قلت ليهو نمضي انا ومنو 😳 ؟؟ قال لي انتي وسامر قلت ليهو مافي طريقه يتم من غير سامر 😓 قال لي لا والله ولأ سامر يعمل توكيل لـ زول بدلو قلت ليهو خلاص ألغي الفكره قال لي يعني ما اعمل الورق قلت ليهو لا ما تعملو 😓 طلعت واتأخرت في المواصلات ولم وصلت البيت لمحت عربية سامر واقفه جنب الباب قلت ده جايي لشنو وعارف بنتو الزمن ده بتكون في الروضه ولو جايي يغش علي بكلمتين عشان أرجع يبقى غلطان 😒 دخلت البيت لقيتو قاعد مع محاسن وقبل ما يسلم علي قال لي بحده شجن كنتي وين 😡 وانا ساكته قال لي انا بتكلم معاك افتحي خشمك وردي كنتي وين 😠 نطت محاسن قالت ليهو انا قبل ما تطلع سألتها نفس السؤال بس برضو ما ردت علي 😒 اتلفت علي محاسن قال ليها انا ما سألتك انتي " شجن سؤالي واضح كنتي وين قلت ليهو عند خالتي 😓 نطت محاسن قالت لي اجييي سماح جات من السعوديه متين 😳 سامر اتلفت علي محاسن قال ليها لو سمحتي اطلعي برا اتخلعت قالت ليهو شنووو 😳 قال ليها بحده انتظرينا برا ده نقاش اسري ما عندك علاقه بيهو 😠 وقسما بالله لو كانت دي امي واتكلم معاها بالإسلوب ده ويرفع صوتو عليها كان صمتو كف من دون تردد بس محاسن تستاهل ✋ مسكينه طلعت سامر اتلفت علي قال لي ندخل هنا ولأ هنا واشر لي علي الغرفتين اتخلعت قلت ده عايز شنو بالغرف 😳 فضلت اعاين ليهو ومندهشه قال لي تفكيرك ما يمشي بعيد دخليني غرفة الضيافه فاكر بيتنا زيهم ونحن كل العندنا اسمها غرفه ابوي وغرفه الأولاد حقتنا انا واخواني المهم اشرت ليهو علي غرفتنا مسكني من معصمي دخلني وقفل الباب قلت الحيوان ده عايز يعمل شنو من الصباح 😒 بس قطع تفكيري وقال لي جينا هنا عشان محاسن ما تسمع النقاش قلتي لي كنتي عند خالتك طيييب انا هسي ح اتصل علي خالتك وطلع التلفون طبعا بتكلم معاي بحده وصاري وشو 😠 قلت ليهو دي ما سماح دي وحده تانيه من اهل امي انت ما بتعرفها ✋ قال لي ما مشكله اديني رقمها قلت ليهو ما بديك رقمها وبعدين ما عندك علاقه بي محل عايزه بمشي 😒 ضرب التربيزه قال لي اتكلمي بإسلوب وبعدين منو القال ليك ما عندي علاقه بيك لو فاكره انك بتعملي حاجه علي كيفك تبقى غلطانه 😡 وتفكيرك ده الـ خلاك تمشي من وراي للمحامي براڤو عليك وما لقيتي محامي تمشي ليهو غير محامي شركتنا ولأ عايزه يقول سامر فاكي مرتو تشتغل علي كيفها 😠 اسمح ليك بأي شي الأ تقللي قيمتي وسط الناس ✋ قلت ليهو انا مشيت ليهو زيو زي اي محامي وما كنت عارفه انو بعرفك معرفه شخصيه 😢 قاطع كلامي قال لي حتي لو كان محامي تاني ليييه تمشي ليهو من غير ما تكلميني انتي فاكره لو قعدتي هنا ح تحومي علي كيفك 😠 قلت ليهو اولا ما مشيت مكان حرام ولأ مكان مشبوه قال لي من الآخر عايزه المحامي لـ شنو عشان الشركه صح من اللحظه دي اعتبري الشركه رجعت بإسمي واصلا كنت غلطان لم كتبتها ليك لاني كنت فاكرك قدر المسؤوليه 😠 كلامو غاظني قلت ليهو من الأول قلت ليك انا ما عايزاها وثانيا انا عارفه روحي قدر المسؤوليه ولأ لا وبعدين تزعل انت ولأ انا انت هسي بتلعب من وراي وما سألتك عشان كده ما تدخل في تصرفاتي 😒 قاطعني وضرب التربيزه قال لي مليون مره قلت ليك انا ما خنتك وتصرفاتك بتهمني لانك لسه مرتي وام بنتي خليك حافظه المعلومه دي وطلع جات محاسن داخله قالت لي شجن مشيتي المحامي لشنو 😳 يعني بعد ده كلو كانت واقفه تتصنت في كلامنا 😒 قلت ليها ما بخصك في شي واطلعي عايزه ارتاح 😒 طلعت بس اول ما ابوي جا راجع من الشغل محاسن حكت ليهو جاني في الغرفه قال لي شجن بالجد الصباح سامر اتهجم عليك وكان عايز يضربك قلت ليهو شنو 😳 مافي كلام زي ده قال لي يا بتي احكي لي الحقيقه وما تنسي انا ابوك قبل ما اكون شغال عندو موظف ✋ ولو عشان الشغل بلقى مليون مكان اشتغل فيو جات محاسن ناطه قالت ليهو هسي الشغل الدخلو شنو وبعدين ما بتلقى احسن من ده 😏 ابوي قال ليها انا بتكلم مع شجن ما تدخلي 😠 قال لي ما تسمعي كلام خالتك محاسن الأشغال كتيره والأرزاق بيد الله اها احكي لي سامر بالجد مد يدو عليك 😰 قلت ليهو والله يا ابوي ما حصل ولا فكر يضربني صح كان منفعل زياده لأني انا غلطانه بس الوصل ليك المعلومه دي اكبر كذاب طبعا بتكلم كده واتلفت علي محاسن 😒 اليوم التاني من الصباح ابوي اول ما وصل الشركه دخل مكتب سامر قال ليهو ""