قصة اسمرى الملتحى
البارت الواحد والثلاثون31
بقلم اشجان الطحالب *
اليوم التاني صحيت بدري وسامر لسه نايم تلفونو رن برساله انتهزت الفرصه مديت يدي شلتو وفتحت الرساله بعد قريتها عايزه أرجعو مكانو سمعت صوت سامر قال لي الرساله من منو 😊 اتخلعت ناولتو التلفون وقلت ليهو اسفه فتحتها بالغلط قال لي اهم حاجه تكوني ارتحتي بعد قريتيها واداني ابتسامه كشفني فتحتها عن قصد وكانت من شركة الإتصالات 😅 قلت ليهو سامر قال لي عشقو لـ سامر 😍 قلت ليهو بصوت مكسور عليك الله القصه الـ حكيتها لي أمس دي الحقيقه وبالجد ما بتعرف البنت دي معرفة شخصيه 😢 رفع راسي من حنكي بيدو قال لي والله دي الحقيقه وعمري ما خنتك ولا فكرت في بنت غيرك 😘 وبعدين ما خنتك لم كنا في الغربه ح اخونك هنا وبعد ما جبت منك قطعه چاتو قصدو ( لميس ) قلت ليهو بس لميس دي بنتي براي 😍 قال لي ده علي اساس انك اشتريتيها من السوق ولأ عشان قالو بتشبهك 😅 بس ما تصدقيهم شالت منك بس اللون الأصفر لكن بتشبهني انا حتي الوجنه العندها دي حقتي 😌✋ قلت ليهو غير الوجنه ما شالت منك شي وبعدين الوجنه دي زاتها اسمها عيب خلقي 😜 قال لي في ناس بمشو يعملوها بقروش قلت ليهو برضو ما حلوه ونزلت منو 😒 طلعت الصاله لقيتها فاضيه دخلت غرفة الأولاد لميس من شافتني صرت وشها 😒 قعدت جنبها قلت ليها مالك ما ردت سامر جا داخل اشرت ليهو علي لميس قال لي بخلعه مالها 😳 قلت ليهو ما بتتكلم 😔 جا شالها في رجلو قال ليها حبيبة بابا انتي زعلانه من منو عاينت لي وصرت وشها 😒 سامر مسكها من حنكها وقال ليها سمعيني صوتك زعلانه من منو قالت ليهو من ماما تي 😒 قال ليها عملت ليك شنو قالت ليهو امش ما فتهت لي الباب وسامر يعاين لي ويضحك عشان هو الرفض يفتح ليها 😓 حمرت ليهو 😠 قال ليها ماما كانت نايمه بس انتي عايزه شنو قالت ليهو تونت عايسه انوم معاها 😏 سامر همس لي الحمدلله الـ ما فتحنا ليها 😉 قلت لـ حمودي تعال نشرب اللبن واعمل ليك فيهو كاكاو كتييير 😋 جاتني جاريه ماما انا عايسه لبن انا موس هابيبتك شلتها قلت ليهو زعلانه مني هزت راسها لا " جهزتهم للمدرسه وفعلا طلعو مع سامر واخر الدوام بعد جو راجعين بغير لـ لميس في ملابسها لقيت خربشه في يدها قلت ليها بخلعه لميس ده منو العمل ليك كده 😱 قالت لي ده همودي اتلفت قلت ليهو لييه يا حمودي تخربشها كده 😠 قال لي اشترت اندومي قلت ليها ما تاكليها كده الأ بعد يعملوها في النار بس ما سمعت كلامي خطفت الكيس منها بالقوه وجدعتو 😓 شاكلتو قلت ليهو كان تخليها وبعد تجي راجع تكلمني ما رد علي بس زعل مني 😒 دخلت المطبخ احضر الغداء جات لميس تبكي قالت لي ماما همودي ما بتكلم معاي ودال لي استوتي مني 😭 قلت ليها انتظري هسي بابا يجي وبعدها جا حمودي شايل شنطة المدرسه وفيها جزو من هدومو قلت ليهو ده شنو يا حمودي 😳 قال لي ماشي لـ مصعب وابوي ما عايز اقعد معاك انتي زي محاسن ما بتحبيني 😢 طبعا كلامو صدمني شديييد لميس دخلت الغرفه وجات شايله شنطة الروضه قالت لي انا ثاتي ما عايسه اتعد معات ماسه مع همودي نط حمودي قال ليها بحده ما ح تمشي معاي تقعدي هنا ده 😠 لميس قعدت تبكي 😭 وانا غلبني اتصرف معاهم من جانب بنتي ومن جانب اخوي الـ ربيتو عايزه احضنو زح مني قال لي لم سامر يجي ح اكلمو يسوقني 😒 ورجع الغرفه دخلت وراهو لقيتو قاعد في نص السرير وحاضن شنطتو وكتب المدرسه مشتته في السرير حاولت اصالحو بس رفض وكان مصر يطلع من البيت 😢 سامر جا راجع من الشغل قلت ليهو اعمل ليك الغدا قال لي انتو اتغديتو 😳 ؟؟ قلت ليهو انا ما عايزه والأولاد زعلانين قال لي مالهم غلبني ارد عليهو وقعدت ابكي 😭 سامر اتخلع قال لي في شنو 😳 قلت ليهو حمودي زعلان مني وقال انا زي محاسن قال لي ليييه انتي عملتي شنو 😓 حكيت ليهو الحصل قال لي بس انتي غلطانه عارفه حمودي وضعو حساس ما كان تشاكلي 😒 قلت ليهو شاكلتو عشان خفت حالة لميس ترجع ليها 😔 قال لي حضري صفرة الغداء كامله ح ادخل اراضيهم وفعلا دخل الغرفه ولقى كل واحد ماسك شنطتو لميس اول من شافت ابوها قالت ليهو بابا همودي دال ما ح يثودني معاهو 😭 سامر قعد جنب حمودي في السرير وقال ليها ح يسوقك صح يا حمودي رد ليهو بحده وزعل لا ما ح اسوقها معاي هي مش اشتكتني لـ شجن 😡 سامر قال ليهو طيب لو ما اكلت ما ح تمشي اول نتغدا تمام وفعلا قعدو في الصفره وحمودي صاري وشو ولميس كل مره تعاين لحمودي تلقى صاري وشو تصر وشها زيو بتحاكي كل تصرفاتو 😅 بعد الغدا سامر ساقهم فسحهم والمسا جو راجعين مبسوطين وناسين كل حاجه 😍 لميس قالت لي ماما عايسه انوم معاتم قلت ليها حاااضر 😘 نط سامر قال ليها لميس ح تنومي في غرفتك مع حمودي ودي بس غرفة ماما وبابا تمام 😊 قالت ليهو بصره لا عايسه انوم معاتم قلت ليها خلاص ح تنومي معانا جات حضنتني قالت لي بهبك ماما وسامر حمر لي 😠 دخلنا ننوم سامر قعد في الكرسي قلت ليهو ما عايز تنوم 😓 قال لي لا نظام زعلان بعد لميس نامت جا شالها قلت ليهو موديها وين قال لي غرفتها 😒 قلت ليهو بس لو صحت ح تزعل قال لي ما بتصحى وفعلا حولها غرفتها وجا راجع قال لي حبيبي ما تعودي لميس انها تنوم معانا قلت ليهو عادي ما فيها حاجه 😓 قال لي لا خليها تعرف انو عندها غرفه منفصله وما ممكن تنوم معانا الأ في حالة انها مريضة لا قدر الله قلت ليهو بس هي لسه صغيره ما ح تعرف كده 😒 قال لي بالعكس ده العمر البتتعلم ويلا ننهي النقاش وفكي التكشيره دي 😘 وبعدين ما تنسي انها برضو قطعه مني وبحبها اكتر من نفسي بس النظام اهم حاجه ✋ طبعا خلافنا انا وسامر دائما في وجهة النظر سامر حسب انو كان متربي في امريكا بحاول يطبق نظام امريكا هنا قلت ليهو يعني انت ما واثق في تربيتي ليها 😏 قال لي ابدا ما كده والله لو اضمن انها تطلع زيك اغمض عيوني عنها وانا مطمن بس المشكله لميس ما ح تطلع زيك لأنو الظروف الـ عشتي فيها انتي لميس ما عاشت فيها وما عايزها تعيش زيها ✋ سكته مسافه والعبره خنقتني قلت ليهو فعلا كلامك صاح لميس ما ح تعيش زي ما انا كنت عايشه 😔 واطمن طال ما انت صاحب املاك وعقارات لميس ما ح تمر بالظروف الأنا مريت بيها 😢 خت اصبعو في خشمي وقال لي اششش انا ما قصدي كده ما بتكلم عن الوضع المادي وعمرو الفقر ما كان عيب ولم قلت ليك انا ما عايز بنتي تعيش نفس وضعك قصدي انها تفقد امها زيك ان شاء الله انتي طويلة عمر حبيبي وباسني في خدي 😘 بس واوعك تفكري بالطريقه دي تمام في اللحظه دي غلبني اتمالك نفسي دمعتي جرت 😭 مسحها بيدو وقال لي ماما انتي تبكي ماما ما تبكي البقول ليك كده منو ابتسمت قال لي الأ اعمل ليك زي ليمو حتي تضحكي وفضل يلعب لي بشعري لحدي ما نومت 😍
اليوم التاني اتصل من الشركه قال لي واخيرا المساء ح نرجع البيت الكبير مع امي الحمدلله المكان بقى آمن قلت ليهو كيف يعني 😳 قال لي الشقه المشبوهه نضفوها وقبضو علي جزو كبير من الشبكه الاجراميه واهل البنت في السعوديه بعد عرفو فعائل بنتهم عرضو الشقه للبيع عشان كده ح نرجع ونحن مطمنين وانا جهزت الشنط ومبسوطه 😍 ما كان هاميني انو قبضو العصابه ولأ لا بس فرحانه عشان ح نرجع البيت علي الأقل لم يكون سامر في الشغل بتونس مع ماما سهير بدل اقعد براي 😍 وفعلا المسا طلعنا واول ما ركبت العربيه بديت افتش فيها فتحت الطبلون والأدراج وسامر يراقب فيني قال لي بإبتسامه عايزه شنو 😊 قلت ليهو ولا حاجه 😓 قال لي بس الـ بتفتشي فيهو ما بتلقي هنا لاني محتفظ بيهو في الشركه قلت ليهو بتتكلم عن شنو 😳 قال لي انتي بتفتشي في التلفون الـ كنت بتراسل بيهو صح 😊 سكت ما رديت قال لي والله العظيم الشريحه كسرتها والتلفون مرمي في درج المكتب بكره بجيبو ليك بس الله يرضى عليك ما تخلي الشك يدخل بينا وصلنا البيت 😍
عدا شهرين الصباح بعد الأولاد طلعو المدرسه وسامر كان بتجهز ماشي الشركه جيت طالعه من الحمام وبدون مقدمات قلت ليهو سامر الليله ما تمشي الشغل 😢 استغرب قال لي ليييه 😳 قلت ليهو عايزاك تقعد معاي ✋ قال لي الليله الحنيه دي جبتيها من وين اول مره تطلبي مني طلب زي ده 😍 السبب شنو قلت ليهو خايفه قال لي بخلعه خايفه !! خايفه من شنو 😳 قلت ليهو ما عارفه بس خليك جنبي قال لي حاضر بس الاول الـ نتصل علي المديره استأذن منها لأنو المديره كعبه وما بترضى نشيل اجازه واحتمال ترفدني 😊 قلت ليهو خلاص امشي الشغل 😔 قال لي اول الـ نتصل وفعلا اتصل وفي نفس اللحظه تلفوني ضرب فتحتو لقيتو ده سامر قلت ليهو انت متصل غلط عايز تتصل علي المديره اتصلت علي ✋ قال لي حبيبي انتي نسيتي انو الشركه بإسمك وانتي المديره 😅 قلت ليهو بصوت مبحوح سااامر 😢 قاطعني قال لي خلاص خلاص بس حبيت اهظر معاك 😘 جا قعد جنبي قال لي احكي في شنو قلت ليهو مافي حاجه بس ممكن اخت راسي هنا 👈🏻 قال لي حياتي انا تعالي وخت راسي في صدرو وبيمسح في شعري قال لي كده ارتحتي 😘 هزيت ليهو راسي اي وفعلا قعد معاي بعد مسافه جات ساره دقت الباب كانت بتتكلم معانا والباب مقفول قالت لينا الفطور جاهز سامر قال لي حياتي قومي ننزل الفطور 😘 قلت ليهو امشي انت انا ما عايزه 😓 قال لي ليييه قلت ليهو ما عندي نفس 😔 طلع وجا شايل صينيه صغيره فيها الفطور قال لي احلي حاجه اننا نفطر هنا صح 😘 قلت ليهو انا ما عايزه قال لي يرضيك اكل براي بعد انتهينا سامر جا راجع خت راسي زي الاول قال لي شجن انتي حاسه بشنو في حاجه مؤلماك 😢 قلت ليهو لا بس خليك معاي 😔 وانا في الوضع ده واثناء ما سامر بخلخل لي في شعري نمت صحيت الساعه 2 م جات لميس من المدرسه وجاتنا جاريه في الغرفه وفتحت الباب تووووش ونحن بنفس الوضع 😱 قالت لي ماما ماما 😍 طبعا انا اتخلعت قمت بسرعه 😱 سامر قال ليها ليمو حبيبتي نحن قبل كده اتفقنا لم تجينا في الغرفه هنا من الذوق انك تدقي الباب وتنتظري لم نقول ليك ادخلي صح 😊 لوت ليهو خشمها وقالت ليهو ثح وهي واقفه وصاره وشها 😒 قال ليها هسي اطلعي دقي الباب وتعالي قالت ليهو Ok وطلعت 😏 قلت ليهو خلاص خليها قال لي لا عشان تتعلم ونحن منتظرنها تدق الباب بس شكلها زعلت ورجعت غرفتها سامر قال لي شوفتي بتك مغروره ما عايزه تتنازل 😅 قلت ليهو اصلا ورثت الغرور من ابوها قال لي نننننعم انا مغرور قصدك 😒 قلت ليهو ومتكبر كمان قال لي انتي شايفه كده طيب وبالنسبه لانها متعجرفه الصفه دي ورثتها من وين وما تقدري تنكري 😅 عايزه اقوم قال لي ماشه وين قلت ليهو اشوفها قال لي خليها بتنسى الحصل ورجع ضماني عليهو وغفوت من غير ما اشعر صحيت المغرب مخلوعه بصوت لميس تبكي جنب الباب 😢 سامر قال لي بسم الله 😘 قلت ليهو لميس مالها قال لي عايزانا نفتح ليها الباب ناداها لميس ماما نايمه امشي لـ حبوبه ولأ لـ ساره وشغاله تبكي 😭 في الآخر زعلت ورجعت لحقتها في غرفتها ومن شافتني صرت وشها 😒 قلت ليها انتي زعلانه مني هزت لي راسها لا قلت ليها طيب مالك وهي ساكته قلت اذا الحاله رجعت ليها تاني 😭 ناديت سامر بأعلي صوت يا سااامر نطت لميس قالت لي ماما انا ثعلانه من بابا ما يجي 😒 حضنتها ودموعي جرت قلت ليها ان شاء الله تزعلي منو طول عمرك بس سمعينا صوتك جا سامر داخل قال في شنو 😳 قلت ليهو خلاص ماف حاجه نطت لميس قالت ليهو ماما الليله ح تنوم معاي وانت ح تنوم بلاك ثح يا ماما واتلفتت علي 😍 خلعتني طبعا قعدت اضحك 😅 قالت لي ماما ما تدحكي ثح انتي ح تنومي معاي 😒 هزيت ليها راسي اي اتلفتت علي ابوها طلعت ليهو لسانها وقالت ليهو انننننننننن انت ح تنوم بلاك وماما معاي 😍 وهو شغال يضحك وفعلا رقدت جنبها وسامر نام جنب حمودي قال ليها انننننننن انا زاتي ح انوم هنا جنب حمودي لوت ليهو خشمها 😏 ودست راسها في حضني لحدي ما نامت قمت من جنبها دخلت الحمام جيت طالعه وانا متوتره زياده 😢 لقيت سامر منتظرني برا عايزه ادخل غرفة لميس مسكني من يدي قال لي خلاص نامو تعالي ✋ قلت ليهو بصوت مكسور سامر انا الليله بالجد محتاجه انوم جنب لميس 😔 قال لي بس انا محتاج ليك اكتر منها 😘 دخلنا عرفتنا ونومني في صدرو قال لي شوفتي بتك المفعوصه دي عرفت تعاقبني كيف بانها تبعدني منك 😅 رديت ليهو بابتسامه قال لي شجن مالك مهمومه 😢 قلت ليهو مافي حاجه بس عايزاك تحلف لي انك تخلي بالك من حمودي اخوي زي لميس وبعد ما اموت اكيد ح ترجعو بيت أبوي بس اوعدني تكون متابعو وهو هناك زي اخوك الصغير 😢 قال لي بضحك انتي اتكلي علي الله موتي وكل الأمور بتظبط 😅 بقلبي قلت ليهو ما تستعجل احتمال بكره ما اصبح معاكم 😔 ومسكت في قميصو قوي من غير ما أشعر ودموعي نزلت سامر اتخلع مسح لي دموعي وفضل يمسح بيدو في خدي قال لي شجن انا بهظر معاك بس انتي كده قلقتيني عليك زياده وحياة ربك احكي لي مالك وحاسه بشنو 😢 قلت ليهو أنا ""