قصة الوردة الباكيه
البارت الثاني2
بقلم نجلاء فتحي
وهنا رن تليفون ورد وأتضايقت
ورد/ السلام عليكم ورحمة الله وبركاته
فؤاد/ مسا الجمال والحلويات يا أحلى وردة بلدى فى البستان
ورد بضيق/ الناس ترد السلام دة حتى لله ،،خير
فؤاد / قولت أَصَبح
ورد بضيق/ مراتك إللى هى أختى جنبك
فؤاد لنفسة لية سدت النفس دى،،،،،،لا مش جنبى مع الواد فوزى فى التمرين قال أية عايزاة يطلع بطل فى السباحة أبن الع**
ورد/ أستغفر الله العظيم بلاش الألفاظ دى المهم بتتصل لية
فؤاد/ م قولت بصبح يا ورد بلدى
ورد/ يا أبو فوزى أمى فى المستشفى وعاملة عملية ياريتك تبلغ أختى بكدة أحنا فى مستشفى ال***** مع السلامة
فؤاد/ أية دة دى قفلت السكة فى وشى أمى وأيه يعنى مسيرها تقع ثم أتصل على مراتة وبلغها
مروة/ إيه ماما طيب طيب تعال بقا وصلنى
فؤاد/ مش فاضى يا ولية عندى شغل مستنى طلبية خشب خدى تاكسى
مروة بزعيق/ هو أنا مش مراتك يا راجل بقولك تعال دلوقتى أفرد أبويا محتاج فلوس ،بلاش دى حماتك والمفروض كنا معاها
فؤاد/ صوتك ميعلاش يابت **** على أساس أنتم نسب يشرف دة أنتم نسب يعر يا بقر أسمعى يا مرا لو زعقتلى تانى مش هطلقك لا هتجوز عليكى وأجيب واحدة صغيرة تمرطم إللى جابتك سامعة وأياكى تباتى برا البيت ليكى عوزة بالليل والله العظيم مفيش فى عيلتك حد عدل غير ورد أختك ثم أغلق الخط فى وشها
مروة / الله يسامحك يا بابا دى جوازة والأسم متجوزة الغنى ثم أحضرت أبنها فوزى وأنطلقت للمستشفى وهى تشعر بأهانة زوجها لها ومتجوزها لجمالها
بقلم نجلاء فتحى عاشقة الكلمات
【فى المستشفى فى المساء】
ورد/ خدى سندوتش دة وأكلى أبنك
مروة أخدتة وفتحتة وقالت بلوية بوز /دى طعمية
ورد بضيق / هو دة إللى موجود ثم راحت لمنة وأعطيتها واحد
منة بضيق / طعمية برضو طب حتى هاتى سندوتشات جاهزة
ورد/ سندوتش الطعمية والفول غالى والسندوتش صغير ومش يشبع فجبت عيش وطعمية ومخلل وقولت أعمل سندوتشات وخلاص
مروة بلوية بوز/ دة فؤاد جوزى جايب أنبارح ٢ كيلو جمبري جامبو لغدا النهاردة
منة/ جمبري مرة واحدة طعمة جامد
ورد/ كلتية فين يا منة
أتوترت منة وقالت بكذب واحدة صحبتى عزمتنى ،،، أنتى دوقتية قبل كدة
ورد/ أخرى أشوفة وأقولة أكلك فى جنات الخلد بأذن الله
مروة/ مش عايزة تاكلى لية
ورد/ لما أطمن على ماما الأول
مروة/ قدمها لحد الصبح
ورد/ أبدآ أطمن عليها وأكلمها وتكلمني وأكل أنا وهيا
منة /خذى السندوتش بتاعى هستنا ماما
ورد بأبتسامة/ ومالة يا حبيبتى أهو نفتح نفسها ،،رايحة فين
منة بتوتر/ هشترى كارت شحن رصيدى خلص وعايزة أكلم أصحابى وأتابع الأمتحان
ورد/ خليكى وأنا أجبهولك
منة بتسرع/ لا لا أقصد علشان لو ماما فاقت مش هتأخر سلام ثم جريت للخارج
ورد خبطت كف على كف من تصرف أختها ثم نظرت لمروة وقالت أنتى كلتى
مروة وفمها مليان أكل/ أية جعانة نولينى حتة مخلل تبلع اللقمة
ورد بحنق/ أتفضلى
مروة/ ياريت كوباية شاى تحبس
ورد بضيق/ المفروض كنتى قولتى أروح البيت أجهز ليكم أكل وشاى مش قعدة تطلبى وخلاص
مروة بأنفعال/ جرى أية يا ورد بتعدى عليا اللقمة ولا أية ولا علشان أتجوزت قبلك وأنتى لا،،،،،أنتى إللى تشيلى أنتى الكبيرة
ورد/ كبيرة حاضر هشيل وربنا يقوينى ثم نفخت وتركتها وخرجت لبرا الغرفة ونزلت للحديقة الخاصة بالمستشفى تبكى فأختها أهنتها وعايرتها بعدم زواجها،
وهنا وجدت أبن أختها مروة يجرى وراها وقال خالتو خالتو أستنى
ورد/ فى أية تيتا كويسة
فوزى/ مش عارف هى نايمة زعلتى لية ماما زعلتك خلاص مش أكل غير مع تيتا
ورد/ لا لازم تاكل تيتا لما تفوق وتعرف هتزعل ولو زعلت هتتعب أكتر
فوزى/ حاضر، خالتو بابا بيضرب ماما جامد وبيقول عليكى أنتى حلوة
ورد / حبيبى ملكش دعوة بالكلام دة ثم لهت عقلة بشئ أخر
بقلم نجلاء فتحى عاشقة الكلمات
فى مكان أخر تجلس منه أخت ورد فى كافية مع أصحابها وتأكل سندوتشات شاورما سورى
مر أسبوع خرجت الأم من المستشفى ونورت بيتها وطول الأسبوع بالنهار ورد تخدم وتستقبل الضيوف حتى أختها مروة تتعامل ضيفة ومش بترضا تشيل قشاية ودايما بتتحجج ومنة كأنها مش موجودة ،،،،أما الليل صعب على ورد
[[على الغداء]]
مروة/ مش مكسوف من نفسك ماما بقالها أسبوع تعبانة لسة فاكر تجى دلوقتى
فؤاد/ ما أنتى قولتى كنت مسافر وجيت أنبارح بالليل
مروة/ أيوة قولت أمال أقول أية جوز بنتك مطنش الواجب
فؤاد/ أكتمى يا مرا بدل مقطع حزامى عليكى
مروة/ أهو ثم وضعت أديها على فمها بغيظ
أتت ورد من المطبخ ووضعت صنية البطاطس على السفرة وقالت مالك حاطة إيدك على بؤك لية
مروة/ كيفى كدة ثم نظرت لجوزها بغيظ
نظرت ورد ليهم وفهمت فى خلاف بينهم فقالت، ،ربنا يشفى
فؤاد/ عيونة معلقة ومركز على ماشية ورد وخيالة سرح
مروة/ فؤاد فى إية مالك منشكح كدة
فؤاد/ ياساتر مرا سو
مروة/ رايح فين
فؤاد/ أغسل إيدى قبل الأكل
مروة/ رفعت حاجبها، ،،،من إمتى
فؤاد/ من زمان وأنتى نايمة على ودانك وعينك ،،،هنا كان يقصد شئ تانى
ثم دخل المطبخ بدل الحمام وواقف على الباب يتفرج على ورد رغم جلبابها الفضفاض الواسع المحتشم والخمار الطويل وكوم العباية لم ترفعة لكن أقول أية فى ناس **** ،،،،،
لافت ورد وأتفزعت وقالت إيه إللى وقفك كدة
فؤاد بأبتسامة/ عطشان
ورد/ فتحت الثلاجة وأخرجت زجاجة وأعطت لة كوب وقالت أتفضل
فؤاد/ أخذ الزجاجة وقال مش عايز الكوباية دى عايز إللى على الرف دة شكلها حلو
ورد بضيق/ هو أنت صغير بتشبط فى الحاجة الكوباية دى نظيفة
فؤاد بقمصة مصتنعة/ والله ماأنا خارج غير لما أشرب فى الكوباية دى
ورد بضيق/ أوووف أمرى لله فين دى
فؤاد بمكر / أخر رف البيضة دى
ورد/ نعم دى عاليا عليا طب أطلع وأنا أجبها
فؤاد/ لا هتيها دلوقتى
ورد/ مينفعش لازم أطلع على كرسى وأدامك غلط
فؤاد/ لو شبيتى هطوليها
ورد/ بدون تفكير نفذت الأمر أبتسم فؤاد وأغلق باب المطبخ برفق وواقف وراها و٠٠٠