قصة فرح بلا فرح
البارت الثالث3
بقلم نجلاء فتحي
بعد مافتحت الدولاب أنصدمت ،،ناقص ألف جنية معقول تكون ليلى لا لا مستحيل أختى مش حرامية وقامت بعد الفلوس أكتر من مرة لكنها وجدت العجز فعلا جلست على السرير وهى تشك فى أختها دول أنا عاملة حسابى أصرف منهم يعنى ياربى أعمل أية أمد أيدى على المخزون أنا عاملة حسابى لو أتقدم ليا عريس تمن مصاريفى أمرى لله ناخذ منة ونبقا نعوضة وأخذت ٥٠٠٠ جنية ووضعتة فى حقيبتها وقررت الخروج لتشترى فستان سوارية وبعد وقت أشترت فستان وعملت شعرها وأخذت أجازة تانى يوم من شغلها حتى تكون بشرتها مرتاحة فى المساء
فرح/ ليلى عايزاكى
ليلى/ نعم يا أبلة
فرح/ أنا عمرى منعت عندك حاجة
ليلى/ لا ،، لية
فرح/ لية تمدى أيدك وتاخدى حاجة مش بتاعتك طلبتى ٤٠٠ جنية لية تاخدي فوقهم ١٠٠٠ جنية
ليلى/ ألف جنية محصلش كنت محتاجة ٢٠٠ بس وماما قالت نقولك ٤٠٠ ولما أتصلت عليكى وقولتى مكان المفتاح ماما فتحت الدولاب وأعطتنى ال٢٠٠ جنية ومشيت وهى قالت عاتقفل الدولاب ممكن ماما هى اللى أخذتهم أنا مش حرامية يا أبلة صدقينى
الام/ سمعت الحوار وأسرعت لغرفتهم أصدك أن أمك حرامية ها فعلا كنت محتاجة ٢٠٠ جنية ماكنش معايا فلوس ولما لاقيت الفلوس كتير أستخسرت أخذ منها وأغلقت الدولاب تانى يعنى فلوسك ناقصة ٢٠٠ جنية بس اللى أختك أخذتهم أحنا مش حرامية
فرح بعصبية/ لاااااا الفلوس ناقصة ألف و٤٠٠ جنية مش ٢٠٠ جنية أووووف ياجماعة حرام عليكم مش عارفة نحوش قرشين على بعض أنا مش بحوش عنكم حاجة لية كدة
الام/ لكى تدارى على جريمتها ،،أقصدك أية ها عايزة تقولى أمك حرامية يا فرح يا بنتى دة جزاتى مرضيتش أخذ ال٢٠٠ جنية منك كنت محتاجة شريط السكر وقولت كفاية أختك خدت وبكت بتصنع
ليلى/ شهقت لا أنتى قولت عاتشترى طرحة
الام/ محصلش ونظرت لفرح أوعى تشكى فى أمك اللى نفسها تشوفك عروسة يا ضنايا أفتكرى كويس يمكن أتلخبطى فى العدد
فرح/ أستغفر الله العظيم، ، يمكن عديت غلط أسفة يا ماما وأنتى يا ليلى متزعليش منى حقك عليا هاتى علاجك الناقص عانزل أشترية بدل ماتدخلى فى غيبوبة
الام/ مش عايزة أتعبك
فرح/ ولا تعب ولا حاجة المهم صحتك ودخلت الام وجابت الروشتة مع أنها لديها مخزون لكن فرصة وجات ليها
فرح/ كل دة دة كتير
الام/ بلاش يا بنتى
فرح/ ولا يهمك ربنا بيرزق وأسرعت للصيدلية وأشترت الدواء الذى سعرة قد غلى ودفعت ١٥٠٠جنية ثم ذهبت البيت وأعطت لأمها الدواء دون معرفة أمها بغلاء سعر الدواء ودخلت غرفتها وجلست على السرير وقالت النهاردة صرفت يجى تسعة ألاف تقريبا من المخزون الاحتياطي غير تمن الهدية بكرة ولسة عانرد السلف لسندس يعنى عشر ألاف جنية أوووووف ومرتبى الشهر دة بابا أخذة كلة نعمل أية لو أعرف كدة ماكنتش أشتريت فستان جديد ولا حجزت فى الكوافير لازم أمسك أيدى شوية لو زاهر أتقدم ليا مش عالاقى فلوس أصرف منها ورمت نفسها بأهمال على السرير ومش عارفة تعمل أية
[[ فى المطبخ ]]
الام/لنفسها،، عادى دى فلوس بنتى ماهى بتقبض سامحينى يا فرح أبوكى ماسك عليا وبنت خالتك ولادت وعايزة أشترى حاجة عدلة للواد أمال يقولوا أم فرح داخلة أيد وراء وأيد أدام أهو ١٤٠٠ جنية دول يجيبوا طقم للمولود وأجيب زيارة تملى العين لأختى وأنا داخلة عليها ،،،وأخذت الام تلاقى مبرر لجريمتها
وأتى موعد الحفلة
الأب/ فرح رايحة فين
فرح/ كتب كتاب أخت زاهر زميلى فى المكتب واللى كان معايا فى الجامعة
الاب/ هو عندة أخت كبيرة ولا صغيرة
فرح/ لا صغيرة دى قد ليلى فى السن عريسها أستاذ فى الجامعة
ليلى/ الله بجد يابختها أمال الدكاترة بتوعى كلهم مرتبطين أو فوق السن أنا أعترض
فرح/ ههههه بس يا لمضة
الاب/ ربنا يتمم بخير حطى شال على كتفك ومالة الفستان دة قصير لية كدة
فرح/ أنا أتأخرت سلام وفرت هاربة
الاب/ الفستان دة جديد صح
الام/أيوة لية
الاب/ دة يجى ١٠٠٠ جنية والهدوم اللى فى دولابها
ليلى/ ههههههه دة أنت طيب يا بابا قول ٣٠٠٠ جنية ماشى لكن أية ١٠٠٠ أنت من أيام الجنية الجبس ههههه
الاب/ قومى يا بنت
ليلى / يالهووووووووى وجريت على غرفتها
الام/ مالك متعصب لية هى حرة تجيب اللى هى عايزاة ولا تكون عايزها تروح بفستان قديم
الاب/ وأية يعنى أنا أولى أقصد هى أولى بتمن الفستان
الام/ ياراجل خليها تدلع وتلبس خلى ربنا يفكها عليها وحد يشوفها وتتجوز أنت رافض أنها تتجوز لية ها ولا تعبانة ولا وحشة ولا من عيلة أى كلام بالعكس بنتك حلوة وشيك وست بيت ومهندسة قد الدنيا ومن عيلة ومحبوبة مش كفاية العريس اللى قولتلك علية وأنت رفضتة قبل مايدخل البيت أهو أتجوز بنت أختى ورايحة السبوع يوم الجمعة ماهو خلف ولد أةةةة ياحسرة قلبى كان زمان الولد دة أبن فرح نقول أية قولى ماسك فيها ليها عاتدعى علينا البت
الاب/ يمين بالله لو نطقتى كلمة عريس تانى لتكوني على بيت أهلك سامعة [وبتوتر] أنتى محسسانى أنى اللى مانع كل الحكاية مافيش عريس مناسب
الام/ نعم نعم دة كان دكتور،،،،أوووف يا ابو فرح بتصعب عليا فرح وهى بتقولى هو لية محدش أتقدم ليا ولا مرة كأنى مش موجوده البت كبرت لو فعلا محدش بيتقدم كنا قولنا فى آن لكن بنتك عليها الطلب خايفة تكسر الثلاثين وساعتها فرصتها تقل
الاب/ يوةةةةة أنا زهقت فرح صغيرة أنا نازل على القهوة وأخذ يبرطم بكلام
الام/ بكت يارب خليت ذنبى منها أنت شاهد
ليلى/ فى غرفتها ،، يعنى أبلة فرح بيتقدم ليها عرسان معقول طب لية بابا بيرفض يارب يا أبلة فرح تتجوزى عندى أحساس بابا مانع جوازك علشان فلوسك بس لا بابا طيب وبيصرف علينا وعمرة ما أخذ منها فلوس بس برضو عمرى ماشوفت أبلة فرح من يوم ما أشتغلت قالت لبابا هات فلوس يوةةةة أية الهم دة يا نهار ليكون بابا يعمل معايا ذى ما بيعمل مع أبلة فرح لامستحيل وبكت بشدة
وصلت فرح لبيت زاهر وكانت ترتدى فستان أوف وايت ضيق لحد الركبة ويظهر ج*س*دها ، بسخاء وعملت تسريحة شعر على كتف واحد فكانت كأنها هى العروسة وطبعآ فرحتها ومكياجها الهادى
زاهر/ أهلآ يا بشمهندسة أتفضلى ثانية عاشوف الضيوف البيت بيتك
فرح/ لنفسها، دة ما أخدش بالة منى ولا من شكلى لية
زاهر/ لنفسة ،، ياخربيت جمالك يافرح معقول جعفر وراة صاروخ حلو كدة أووووف
شاب / أمسك مين الطلقة دى يا زاهر
زاهر/ قصدك فرح دى زميلتي فرح فى الشغل
شاب/ يابختك ياعم بتشوف الحلويات دى
زاهر/ صدقنى أعرفها من أولى جامعة لكن عمرى ماشوفتها كدة مايغركش شكلها دى فى شغلها أرجل منى ومنك
شاب/ الظلم حرام دى *****
زاهر / نظر لفرح تصدق صح ههههه أمممم بس كبيرة عليك بقولك قدى ٢٧ سنة يا صغنن
شاب/ ومالة نتسلى
زاهر بعصبية/ أبعد عنها بقولك زميلتى و فى بيتى وشغل **** مش هنا ومش مع فرح مهما كان أعرفها ومشوفتش منها حاجة وحشة ولم نفسك خلى مناسبة أختى تعدى ولا عيونك دى تتجول على البنات دول بنات عيلتى وبنات معرفة سامع بدل ما أتصل على بوليس الآد*اب
الشاب/ رفع أية بأستسلام لا وعلى أية نقعد بأدبى أحسن بس برضو اللى أسمها فرح دى جامدددددة وفر هاربآ
زاهر/ عندك حق أحم وتوجة إليها،،أنتى لسة واقفة يا بشمهندسة
فرح/ ألف مبروك عقبالك
زاهر/ بأبتسامة ،قريب أوى
فرح/ أتفضل هدية بسيطة للعروسة
زاهر/ لية تعبة نفسك عاوز أعرفك على أمى ست طيبة وعاتحبيها ذى مامتك
فرح/ قلبها يرقص من تلميحات زاهر ،،أحم أن شاءالله
زاهر/ أبتسم و نظر للباب ها عن أذنك وأنطلق مسرعآ للباب
فرح/ أوووف برضو ماخدش بالى منى ونظرت لمكان ما جرى على الباب