قصة اصبح ادمانى
البارت التاسع عشر19
بقلم اسماء محمد
♡♡بعد الخطوبة اتفقنا نطلع نحنا الاربعة،، مشينا الجبل، من الباب قعدة اشوف عرسان😑، جوز جوز زي سوق الفواكه،، ماسكين ايدين بعض نظام نحنا عبرنا و كدا لا و الله ما تعبرو براكم مسكتا ايد عمري واشعبطا فيو و بقيت ابتسم بدون سبب😳 عمري، اي يا فراولة، ابتسمت.......... عمر وين البوسة؟؟ شنو؟ مش بعد كلمة فراولة في بوسة 🥹،، مجنونة نحنا في حتة عامة ما ناقصين سمعة، ☹️انا ما عندي حاجة لزول،، خلاص ابيت، شهد و فؤاد كانو محترمين لانو عمر عامل ليم عارض😅، قعدنا في اول كافتيريا قابلتا شربنا جبنة ظاابطة ببخورا و فشار ،، محل اقبل اشوف عرسان جاتني نفسيات 😑،، عمر قالي نمشي شهر العسل وين؟؟ اممم ما عارفة لكن حابة نطلع برة السودان انت رايك شنو؟؟ ،، حااضر يا ❤ ........
فؤاد مالك خاتي اضانك هنا 😑؟ ضحك قالي سمعتكم بالغلط اها شهر العسل وين؟؟ هوي اسمعني كفاية عملتو خطوبتكم معانا و مناسبتكم معاناا تمام لكن شهر العسل اي زول يشوف ليو شاارع 😑جادة معاك،، تمام 😂..
عمر، جنبك حبيبتي،، جعانة🙈،، ههههههه طيب ارح نمشي نتعشى،، برانا بدون الاتنين ديل🥲،، طيب يا ❤ ،، عمر قال ل فؤاد نحنا ماشي ما تتاخرو تمام.....
اتعشينا في ود الشيخ عشا رومانسي (حتى لو الضو ما خافض و ما في شموع انا بسميو عشا رومانسي مع عمري🫂) اتعشينا و مرقنا وصلني البيت و فاات 🥹،، لقيت هيام قاعدة برة براها،، هيوم مالك حبيبتي قاعدة براك متحسسة،، لاا انا كويسة بس منتظرة ادهم،، ايوا يمكن لقا ونسة في القهوة ما تتعبي نفسك انت حامل،، ملاذ انا حامل بتوأم🤭واو صرختا و حضنتا الف مبروك هيومتي صحي اخترتي ليم اسامي ولا لسع؟؟ لسع لانو ادهم لهسي ما عارف لمن اكلمو نتفق على الاسماء،، ما تتعبو نفسكم انا حاسة انو ح تجيك بت و ولد، سميهم ملاذ و عمر😁،،، 😒 اسامي قديمة + اسامي مجنانين لااا في احلاامك ،، انت ما بتعرفي الذوق يلا تصبحي على خير يا ام ملاذ و عمر ههه 😂
مرت الايام امتحنا و النتيجة طلعت نجحنا الحمدلله و بقينا في ترتيبات المناسبة...............