قصة لم تكن النهايه
البارت السابع 7
بقلم عفاف شريف
سعاد ببلاهه :ميلا مين
ميرا بسرعه:ميلا اخت مستر جاسر الي عايز مربيه
سعاد بدهشه:انتي بتتكلمي جد
ميرا : ايوة انا بعشق الاطفال
ده غير اني مبعملش اي حاجه طول اليوم
ومتفرغه يبقي ليه لا
سعاد بهدوء : بس ميلا عايزة معامله خاصه
وخاصه جدا كمان
هي بتكرة المربيات وبتطفشهم
ميرا بهدوء:اكيد عندها سبب انا هعرفه و باذن الله اقدر اتعامل معاها
متقلقيش
نور بسرعه :أيوة يا ماما وبإذن الله ميلا تتقبل ميرا
سعاد بحيره: خلاص هقول ايه
انا هبلغ مستر عدي بكره
واكملت بتفكير :حتي انا ممكن اقول لمستر عدي انك قريبتي
نور :فكرة
ميرا براحه:مش عرفه من غيركم كنت عملت ايه
احتضنتها سعاد بحب
ميرا بابتسامته :هسيبك ترتاحي
تصبحي علي خير
سعاد :وانتي بخير يا حبيبتي
لتتوجه للخارج
تحت أنظار سعاد ونور
سعاد:ربنا يستر
نور :هيستر يا مامتي
واكملت:تصبحي علي خير
توجهت نور للغرفه
لتجدها شاردة
توجهت للفراش
نور : تظني هتعرفي تتعملي مع ميلا
أفاقت من شرودها علي ذالك السؤال
لا تعلم أن كانت حقا ستتقبلها تلك الصغيرة ام لا
تشعر بالخوف
ميرا بهدوء : مش عرفه بس الي اعرفو أنها مجرد طفله
ربنا يستر
نور بنعاس : يا رب
ميرا : يلا ننام
اومئت لها نور
ليسقطا معا ببئر الاحلام
أحدهم بالحب
والاخري بالخوف
في ڤيلا جاسر الحديدي
وصل جاسر وصعد بميلا لغرفتها
ابدل لها ثيابها ودثرها جيدا
وتوجه لعدي بالاسفل
جاسر : مش ناوي تنام
عدي بمزاح : نوم ايه يا ابني انا بفكر اطير
وغمز له
جاسر بملل : اعمل الي انت عايزة
واكمل بتحذير:بس خد بالك مش عايز فضايح
الصحافه ما هتصدق تلاقي عليك حاجه
عدي بمزاح : والله انت نكدي
واكمل: المزز بتترمي تحت رجلك
بنات اشكال والوان وانت ولا معبرهم
جاسر : بمزاجي
عدي : أمتي يجي اليوم الي تقع ومحدش يسمي عليك
جاسر بثقه: متحلمش مش هيجي
عدي : قلبك مش ملكك
جاسر بملل : يلا ننام يا زفت ورانا شغل
واكمل بتعب : أنجز في حوار المربيه
أنا مسافر اخر الاسبوع عشان الصفقه في روسيا
وهفضل هناك اسبوع ولازم تكون في مربيه
وانت كمان هتفضل مع ميلا الاسبوع ده
عايزك تتأكد من المربيه
وتحط عينك عليها
عدي : علم وينفذ يا باشا
جاسر : ماشي يلا
ليتوجه جاسر للغرفه
وعدي الي احد الملاهي الليلية
في غرفه جاسر
كان بالشرفه
يجلس بصمت
ويبدو ان النوم هرب من بين عينيه
توجه للفراش
فغدآ يوم شاق
لم يكد يغفو
الي أن استمع
لصوت الباب يفتح
يتبعه دخول صغيرته
لتصعد وتنام فوق صدرة
وتهمس بنعاس : ميلا مس عايزة تنام لوحدها
جاسر بحب : ماشي يا اميرتي نامي
ليضمها بحب
ويغيبا معا عن الواقع
ويسقط كل منهم
في بئر أحلامه الخاص
حل الصباح
لتسطر بدايات يوم جديد
في منزل سعاد
داعبت الشمس جفونها
تحثها علي الاستيقاظ
لتفتح زرقاوتيها بنعاس
نظرت للساعه
وجدتها السابعه
من المؤكد أن
سعاد قد استيقظت
تخلت عن الفراش بكسل
وتوجهت نحو الحمام سريعا
لتحضر الفطور قبل ذهابها
في غرفه سعاد استعدت لرحيل
وتوجهت للخارج
لتسمع
يااااااااااااااااااا حبيبي....
الليل وسماه..... ونجومه وقمره وسهره
وانت وانا يا حبيبي انا ....يا حياتي انا
كلنا في الحب سوا
والهوى.....أه منه الهوي
سهران الهوي يسقينا الهنا
ويقول بالهنا
يا حبيبي
يالله نعيش في عيون الليل ونقول للشمس تعالي
بعد سنه مش قبل سنه
دي ليله حب حلوة
بالف ليله وليله بكل العمر .....هو العمر ايه غير ليله زي الليله
ازاي ازاي ازاي
ازاي اوصفلك يا حبيبي ازاي
قبل ما احبك كنت ازاي
كانت تغني
وهي تحضر الطعام
لتقول سعاد بابتسامته :صوتك حلو اللهم بارك
شهقت ميرا بخفه
فقد اندمجت ولم تلاحظها
ميرا بابتسامته:صباح الخير
سعاد :صباح النور يا حبيبتي
ميرا :انا خلصت الفطار
يلل عشان تفطري قبل ما تروحي الشغل
سعاد وهي تنظر للساعه:ماشي لسه قدامي عشر دقايق
جلست سعاد وشرعت بتناول الطعام
ولم تشاركها ميرا
واخبرتها انها ستتناول الافطار مع نور
انتهت من طعامها
لتتوجه سريعا للشركه
فقد تاخرت
في ڤيلا جاسر الحديدي
وتحديدا في غرفته
كانت نائمه فوق صدرة
منذ ليله امس
فتحت عينها ببطئ
لتجده نائم بعمق
ميلا بهمس : جاسي
لكن لم تجد رد
ميلا بغيظ : جاسي
وايضا لا يوجد رد
لتصرخ بقوة : جاسي
انتفض بقوة قائلا: ايه في ايه
ميلا بضحك : اصحي
جاسر وقد امسكها من ملابسها كالصوص
واردف بعصبيه مصطنعه : انتي مش هتبطلي حركاتك دي
ميلا ببراءة: انا مس عملت حاجه
( انا مش عملت حاجه )
جاسر وقد تركها : ماشي يا ختي
واكمل بغيظ :نعم عايزة ايه
ميلا بقراءه:مس هنيوح السيكه
(مش هنروح الشركه )
جاسر بسخريه:طبعا هنروح الشركه
ميلا وهي تمسك يده :يلا
جاسر في نفسه: هقتلك يا عدي لو ملقتش مربيه
توجها للحمام جهزها
وارسلها لاحضار ملابسها
ليبدأ هو في تحضر نفسه
ارتدي ملابسه
وخرج
ليجد ميلا في انتظارة ليلبسها
جاسر بغيظ : ما لو كان في مربيه كانت لبستك
نظرت له بعصبيه طفوليه محببه لقلبه
ليرضخ ويتوجهه إليها
انتهي اخيرا من تمشيط خصلاتها الناعمه
ليقول :يلا خلصنا
طبعت قبله علي خدة وركضت للاسفل
أما هو
صفف شعرة الكثيف بسرعه
ووضع عطره المميز
ليلقي نظرة رضا اخيره علي مظهره
....
أما بالاسفل
ركضت ميلا نحو غرفه الطعام
لتجد عدي يجلس بها : صباح الخيي
عدي ببسمه جذابه : صباح العسل
جلست ميلا لتناول افطارها تحت مزاح عدي
لينضم لهم جاسر
ويجلس علي رأس الطاول
ليشرع في الطعام
جاسر بهدوء وهو يشير علي كوب الحليب: اللبن
ميلا ببراءه : بس مس عايزة
جاسر بهدوء :بس ده حلو يا ميرا
ميلا برفض:لا
جاسر بحنان:يلا اشربي
عشان اخدك
واكمل بتحذير :مفيش شركه لو مشربتيش اللبن
تناولت الكوب وهي تنظر له بغيظ
تحت ضحكات عدي
انتهي الجميع من الطعام
لتركض ميلا للسيارة
ليحملها جاسر ويضعها
وصعد عدي في سيارته
وانطلقوا
وسيارات الحراسه خلفهم
وصل جاسر وهو يحمل ميلا
وعدي بجانبه
ليذهب كل منهم لمكتبه
وقد فضلت ميرا البقاء مع جاسر
لمشاهده افلام الكرتون
في مكتب عدي
بمجرد دخوله كانت سعاد خلفه
بقدح القهوة الخاص به
سعاد :صباح الخير مستر عدي
عدي بهدوء : صباح النور
سعاد بعمليه:تحب ابلغ حضرتك
جدول النهارده
هز عدي رأسه بالموافقه وهو يمضي احدي الاوراق
أبلغته المواعيد
وكادت أن تذهب
لتتذكر
سعاد:مستر عدي انا لقيت مربيه لميلا
عدي بهدوء :حلو جدا
واكمل :وثقه فيها
سعاد :أيوة يا فندم
البنت قريبتي
وبتعشق الاطفال
وعندها فكرة كويسه عن التعامل معاهم
عدي :معاها شاهدات ايه
سعاد :لا هي مش معاها شهادات خاصه بالمجال ده
عدي :طب ودي هتنفع ازاي
اذا كان الي معاهم شهادات منفعوش
سعاد بهدوء:بالظبط الي معاهم شاهدات
ميلا مستريحتش معاهم
مش يمكن تسريحلها
عدي في نفسه:مفيش قدامي غير الحل ده
عدي :تمام جهزي ملفها
سعاد : طبعا يا فندم
عدي : تمام تقدري تشوفي شغلك
مر اليوم سريعا
في فيلا جاسر
وصلو للڤيلا
ليضعد جاسر بميلا لتنام في غرفته اليوم
دثرها جيدا ونزل لعدي
عدي بغرور وهو يضع ساق علي الأخري : لقيت مربيه
هي من طرف سعاد وانا بثق فيها ثقه عمياء
وبكرة هاخد التفصيل
ولو قبلتها هتبدا بعد اسبوع يعني وقت سفرك
جاسر : مش عايز غلطه
انا للاسف مش فاضي اتابع الموضوع
عشان ضغط الشغل
عدي : متخفش يا امبراطور كل حاجه تحت السيطرة
واكمل بثقه : وكمان مين يتجرأ يواجهه الامبراطور
جاسر : اتمني ميحصلش مشاكل
عدي : اشطا انا هنام هنا
حاسر :تمام
ليتوجه هو نحو غرفه المكتب الخاص به
( عند ميرا )
دخلت سعاد فوجدت نور وميرا يشاهدون فيلم
ميرا : حمدله علي السلامه
سعاد بارهاق : الله يسلمك
نور : كان في شغل كثير
سعاد بالم : اه جدا وضهري اتقطم
واكملت يلا حطو الاكل
تناولو الطعام لتقص سعاد يومها وكذلك الفتاتان
سعاد :ميرا انا كملت مستر عدي
وبكرة باذن الله هقدم الملف بتاعك
ميرا :تمام خير بإذن الله
سعاد بتعب :انا خلصت هدخل انام عشان مش قدرة افتح عيني
تصبحو علي خير
نور وميلا :وانتي من أهله
لينتهو هم أيضا
ويتوجهو لنوم
وسرعان ما ذهبوا ف سبات عميق
بعد مرور أسبوع
حدث به الكثير
فقد قبلت ميرا من قبل عدي
وقد كان بسبب ثقته في اختيار سعاد
واستعد جاسر للسفر
وايضا ميرا لمقابله الصغيره
في المطار
كانت تتشبث باحضانه وتبكي بقوة
جاسر بحنان وهو يمسح علي شعرها: يا حبيتي
هو اسبوع واحد
وعدي اهو معاكي صدقيني هحاول ارجع بسرعه
ميلا ببكاء : لا خدني معاك يا جاسي
( خدني معاك يا جاسر)
جاسر بحزن:صدقيني يا حببتي
المرة دي صعب انا مش فاضي خالص وانتي هتفضلي لوحدك
واكمل بحنان: متعطيش اوعدك
هرجع بسرعه
ووعد هكلمك كل يوم
ميلا وهي تمسح دموعها : بجد
جاسر بحب وهو يضمها : بجد يا قلبي بجد
واكمل بتحذير : ميلا المربيه الجديده جايه النهاردة
واكمل برجاء : عشان خاطري متخلهاش تمشي
نظرت له بغضب ولم ترد
جاسر بهدوء :طب تعالي نعمل اتفاق صغير
سبيها اسبوع ده بس
حبتيها يبقا تمام
لا محبتهاش خلاص تمشي زي الباقي
يعني هي اول مرة
ميلا باقتناع : ماسي بس مس تتأخي
(ماشي بس مش تتأخر )
جاسر بحب : من عنيا مش هتاخر
خلي بالك من نفسك واسمعي كلام عدي
وحولي متطرديش المربيه
ميلا ببرائه: حاضي
ودع جاسر ميلا وعدي
بعد أن القي عليه الوصايا العشر
بخصوص الحفاظ علي ميلا
والحفاظ علي مواعيد طعامها وكل ما يخصها
لتقلع طائرته الخاصه لروسيا
وياخذ عدي ميلا وتوجهو للڤيلا لستقبال تلك المربيه
ليضع حراسه تراقبها
ويزيد عدد الحراس
فهو لا يضمن انها ليست فخ
للإيقاع ب جاسر
أما في منزل سعاد
كانت متوترة بشدة فهي لا تعلم ما سيحدث هناك
نور : يلا يا بنتي هتتاخري
ميرا بتوتر : ماشي يلا باي
نور : معاكي العنوان وكل حاجه صح
ميرا : أيوة
نور : خلي بالك من نفسك
ميرا : حاضر
للتتوجه ميرا لڤيلا جاسر
او ربما لمصيرها
وصلت ميرا للڤيلا
ليدخلوها بناء علي اوامر من عدي
اعجبها تصميمها بشدة فهي جميله وكبيرة
وبها حديقه لا تستطيع رفع عينك عنها
توجهت ل احدي الغرف
بعد أن دلتها اي الخادمات
دلفت لتجد بها شاب يجلس علي احدي المقاعد
ويراجع أحد الملفات
ميرا باحراج:احم
انتبه الان بوجودها
عدي بهدوء بعد أن وضع الملف بجانبه:ميرا
ميرا بهدوء :أيوة
عدي بهدوء :سعاد كلمتني عنك
اتمني تقدري تتتعملي مع ميلا
ميرا بهدوء : باذن الله
عدي :تمام
اتفضلي عشان تتعرفي علي ميلا
وتحرك لتذهب خلفه
صعد بها الي الطابق الثاني
فتح الباب بهدوء
وهو يقول
ميلا
وهنا ظهرت كتله من الجمال
تركض ليحملها بحب
عدي بحب :اميرتي
واكمل ميرا
اقدملك: ميلا الحديدي
نظرت لها ميرا بحب
فكانت ترتدي شورت جينز وتيشرت بحملات رفيعه بالون الوردي
وخصلاتها الامعه تنسدل الي نهايه خصرها
أما ميلا فكانت تنظر لعيني ميرا الزرقاء
وايضا أحبت مظهرها
فهي لا تشبه تلك المربيات
فكانوا يرتدون ملابس قصيرة وضيقه
وايضا يضعو من المساحيق ما يكفي مدينه
أما ميرا ترتدي فستان بلون السماء
وحجاب ابيض وحذاء ابيض
وكانت ذا وجهه صافي خالي من اي مساحيق
فظهرت بمظهر لطيف وبرئ
توجهت للصغيرة
بعدما انزلها عدي
وجلست علي ركبتيها
وقالت باعجاب وهي تمرر يدها علي خصلات ميلا: انتي قمورة اوي
واكملت :اللهم بارك
نظرت لها الصغيرة بتوجس ولم ترد
ميرا محاوله جعلها تتحدث : انا بقي يا ستي اسمي ميرا
ميلا ببرائه:مييا
ضحكت ميرا
مييا مييا
اي حاجه منك عسل
واكملت
وانتي بقا عندك العاب وللا لا
ميلا بحماس طفولي : جاسي جبلي كتيي اوي
( جاسر جبلي كتير اوي )
واكملت تعالي اويكي ( اوركي)
كل هذا تحت أنظار عدي المصدوم
فميلا ترفض التكلم مع المربيات
وترفض التعامل معهم
ليتوجهه خلفهم ليري ما يفعلو
بدأت ميلا تريها الالعاب التي أحضرها لها جاسر
وتحكي لها عن جاسر وميرا تسمعها ببتسامه
فهي بالنهايه مجرد طفله
تريد الاهتمام والحب
حينما تجده ستحبك
ليتركهم عدي تحت دهشته
تحديدا من تجاوب ميلا
ميلا : تعالي نلعب بالعيايس
( بالعرايس)
وظلو يلعبو ويمرحو
الي ان دخلت الخادمه بالطعام والحليب
بأمر من عدي
المراقب لهم بكاميرا مخفية في الغرفه
اكلت ميرا وميلا وتبقي الحليب
ميرا بحب : يلا يا ميلا اشربي
ميلا بتقزز : مس بحبو
( مش بحبو )
ميرا بهدوء : طب انتي عرفه لو شربتيه هيحصلك ايه
ميلا بانتبهاه : ايه
ميرا : هتكبري بسرعه وهتبقي زي
ميلا ببرائه :وهبقي طويله زيك
ميرا بضحك : اه طبعا
ميلا ببعض الاقتناع : ماسي( ماشي )
شربت ميلا الحليب
وبعد ما يقارب الثلاث ساعات
غفت ميلا علي ساقها
ربتت ميرا علي خصلاتها بحب فهي عشقت تلك الطفله
أحبتها بشدة فهي تذكرها بنفسها
دخل عدي الغرفه فقال بهدوء : نامت
اومئت له
كاد أن يحملها
لتقول :ينفع انيمها
عدي بهدوء : اكيد
وضعتها علي الفراش
ودثرتها جيدا بالغطاء
وخرجت من الغرفه لتهبط للاسفل
عدي بهدوء :السواق هيوصلك عشان الوقت اتاخر
ميرا ببسمه : اه انا محستش بالوقت
واكملت : بكرة هاجي في نفس المعاد
عدي : اوك
تركت ميرا عدي وذهبت للمنزل
لتقص لنور وسعاد ما حدث
وبمجرد وضعها لراسها علي الوسادة
نامت من شده التعب
فقد كان يوم ملئ
مر اربع ايام
نعم مده قليل
ولكن حدث فيها الكتير
تقربت ميرا من ميلا
حاولت بتشي الطرق أن تجعلها تثق بها
احيانا ترفض واخري تقترب
تذهب ميرا من الصباح الباكر وترحل بعد أن تنام ميلا
ليمر الوقت بين لعب ورسم وغناء
وكل هذا تحت مراقبه عدي لميلا
وابلاغ جاسر بتجاوب ميلا معاها
جاسر يتكلم مع ميلا يوميا
لتظل تحكي عن تلك المييا كما تقول (ميلا)
فهي تقضي نصف المحادثه في التكلم عن ميرا
وأصبحح لديه فضول ليرها
في ڤيلا الحديدي
وتحديدا في الحديقه
ميلا بحماس : يلا نلعب
ميرا بضحك: خلاص الألعاب كلها خلصت
واكملت بتصفيق كالاطفال : جتلي فكرة
ميلا بحماس : ايه
ميرا : استغمايه
ميلا : يعني ايه
ميرا بضحك : هشرحلك
انا هربط قماشه علي عيني
وهحاول أمسكك
بس لازم تتكملي
عشان امشي وراء الصوت
ميلا بحماس : ماسي ( ماشي)
غطت ميرا عينها باحدي الاقمشه
وظلت تدور وتذهب وراء الصوت
إلا أن أمسكت بأحد
شعرت بجسد صلب تحت يدها
وكأنها وضعت يدها علي مضخه
ميرا باستغراب ورهبه : ايه ده
اسرعت بنزع القماشه
لتصبح الصدمه حليفتها
نعم نعم انه هو
جاسر
ميرا بصدمه : انت
جاسر بصدمه اكبر : انتي