قصة زوجه محرمه
البارت التاسع9
الجزء الثاني
بقلم حنان حسن
في الليلة دي قعدت نجلاء ووحيد وسلمي معايا نتكلم ونحكي كلنا ما عدا نور اللي قفل علي نفسه باب اوضته من اول ما وصل .
وحوالي الساعة ١٢ بالليل دخل وحيد ومراته اوضتهم وانا ونجلاء قفلنا باب الاوضة علشان ننام .
وبعد ما نمنا بحوالي ساعتين صحيت علي صوت صراخ شديد !!
قومت مفزوع رغم تعبي وقامت نجلاء سألتني : مالك يا امير في ايه ؟
: انتي سمعتي صوت حد بيصرخ دلوقتي ؟
: لأ انا كنت نايمة ومسمعتش حاجة .
: طيب قومي معايا بسرعة .
قامت نجلاء معايا وخرجنا كان الصوت من ناحية اوضة نور !!
روحت انا و نجلاء وحاولت فتح الاوضة لكن نور كان قافلها بالمفتاح .
خبطت علي الباب كتير بصوت عالي لكن نور مش فتح ولا رد عليا !!!!
قولت لنجلاء تروح تصحي وحيد لكنها قالي : مش هينفع اروح اصحيهم وهما نايمين ، خلاص ادخل نام والصبح اسأل نور .
قولتلها : انا قلقان علي الولد ليكون حصله حاجة !! روحي صحي اخوه بسرعه يكسر الباب ويشوف فيه ايه .
: انا مهما كان غريبة عنه هو ومراته ، روح صحيه انت .
روحت صحيت وحيد و حكيتله اللي سمعته وطلبت منه يكسر باب اوضة اخوه ، وفعلا وحيد كسر الباب ودخلنا كان نور نايم !!
صحي نور وكان شكله متغير زي ما يكون خايف او مرتبك وقال : ايه ده !! في ايه حصل ؟؟
سألته : انت صرخت من شوية ؟
: لأ انا كنت نايم .
:انا متأكد ان سمعت صوت صراخ من ازضتك من شوية .
: يا بابا انت دخلت وشوفتني نايم قدامك اهو .
: انا خبطت الباب عليك كتير اوي مش فتحت ليه ؟
: مسمعتش حاجه بقول لحضرتك كنت نايم .
بصيت لنور وحسيت انه بيكدب ، وقولتله : انت متأكد ان انت كويس ؟
: ايوه يا بابا .
رجعنا كلنا كل واحد دخل اوضته ونجلاء قالتلي : علفكرة يا امير انا بيتهيألي انك كنت بتحلم ؟
: لأ انا متأكد اني صحيت علي الصوت لأني بعد ما صحيت سمعت ابصوت بوضوح اوي .
: انا مسمعتش ولا حتي وحيد ولا مراته !! يمكن يكون بيتهيألك يا امير بسبب كلام اختك عن نور ؟؟
: انا بكره لازم اجيب الشيخ يشوف فيه ايه ومش هنخسر حاجة .
وفعلا تاني يوم جبت الشيخ معايا واول ما دخل البيت قال : اعوذ بالله من الشيطان الرجيم وبدأ يقرا اية الكرسي والمعوذتين !!!
اول ما قعد الشيخ وبطل قراءة سألته : في ايه يا شيخ ؟ انا شايفك المرة دي غير كل مرة !!!
قالي : البيت ده دلوقتي فيه روح شريرة !!
: يعني ايه ؟
: في دلوقتي جن موجود في المكان .
بدأت اعصابي تتوتر وسألته : طيب وهنعمل ايه ؟
: انا لازم اقرأ قران في كل مكان في البيت علشان اعرف الجن واصرفه .
وبدأ الشيخ يقرا قران و يمشي براحه في البيت لحد ما وصل باب اوضة نور وفجأة خرج نور جري بسرعة من اوضته وبيصرخ وبيقول للشيخ : اسكت . اسكت خالص . اخرص .
من الصدمة حسيت اني ممكن اتشل !! مش مصدق اللي سمعته بوداني من ابني الوحيد !!!!!
مسكت نور و صرخت في وشه : انت بتقول ايه يا حيوان انت ؟؟ سيب الشيخ يقرأ علشان الشياطين تمشي .
شوفت حاجة عمري ما كنت اصدقها ابدا !!!
شوفت نور طوله بيزيد وبيعرض وشكله بيتغير وصوته بيتغير و رد عليا بصوت غريب مش صوته ابدا وبيقولي : انا مش همشي من هنا هو اللي لازم يمشي ، سامع هو اللي لازم يمشي ، والا هحرقه واحرقكم كلكم لو ممشيش من هنا دلوقتي .
بدأ الشيخ يقرا اية الكرسي بصوت عالي وبقوة اكبر و نور غضبه بيزيد وبيحاول يمنع الشيخ .
وكل ما يحاول نور انه يمنع الشيخ من قراءة القران كان الشيخ بيقرأ أسرع وبصوت اعلي وبقوة أشد .
وفجأة نور قعد في الارض بيبكي وقال للشيخ ببكاء : ارجوك سيبني أمشي وبلاش تحرقني ابوس ايدك .
الشيخ : انا لازم احرقك علشان انت مؤذي وبتأذي الناس .
: لأ خلاص انا عمري ما هأذي حد تاني ابدا .
: انت اللي زيك ملوش عهد ولا وعد انا لازم احرقك .
: ارجوك انا عمري ما أذيت حد .واوعدك اني عمري ما أذي حد ابدا . انت اللي عايز تأذيني دلوقتي ، ارجوك اديني فرصة اتوب وابقي كويس .
: طيب انا هسيبك بس تخرج من عليه وعمرك ما تيجي هنا تاني .
: حاضر .
وفجأة اترمي نور في الارض في حالة اغماء !! جرينا عليه انا والشيخ علشان نفوقه وفجأة قام نور جري وكان شكله غريب اوي ووقف عند باب البيت وضحك بصوت عالي عجيب اوي و بيعمل حاجات غريبة بيطلع لسانه وبيلاعب حواجبه للشيخ واول ما بدأ الشيخ يقرا قران تاني نور جري بره البيت واختفي !!!!!!
كنت واقف متعجب من اللي بشوفه وعمري ما شفته قبل كده وخايف جدا علي ابني نور ومش عارف ازاي وصل للحالة دي !!!
نجلاء وسلمي ووحيد كانوا واقفين مرعوببن ومش مصدقين عينهم .
الشيخ قالنا : انا عارف انكم خايفبن وليكم حق طبعا تخافوا لكن انا بطمنكم مادام عرفنا المشكلة فين بالظبط يبقي هتتحل ان شاء الله .
قولتله : انت شوفت يا شيخ ضحك علينا ازاي ؟؟!!
: معلش الجن اللي علي ابنك خدعنا المرة دي لكن هيروح مني فين المرة الجاية همسكه واحرقه و نتخلص منه خالص .
: نور ابني ممكن يتأذي يا شيخ ؟؟
: لأ ان شاء الله مش هبحصله حاجة .
: يا تري هو راح فين دلوقتي ؟
: هو دلوقتي هرب علشان انا هنا ، لما انا امشي ويطمن اني مشيت هيرجع تاني وهتشوف ابنك بشكل طبيعي .
خىجت مع الشيخ علشان اوصله وعرضت عليه فلوس لكنه رفض وقالي انه بيعمل كده لوجه الله وقالي : انا مش باخد فلوس يا استاذ امير انا بعمل كده لوجه الله لكن عاوز انبههك لحاجه مهمة .
: خير يا شيخ ؟
: ابنك مش عليه جن عادي !! ابنك عليه مارد !!
: يعني ايه ؟
: يعني علاجه مش سهل وهياخد وقت ، انا مش رضيت اقولك كده قدامهم علشان ميخافوش لكن بقولك انت كده علشان مش تيأس لو كررنا جلسات علاجه .
: حاضر يا شيخ .
مشي الشيخ ورجعت البيت وانا بفكر في كلامه واول ما دخلت كان باين عليهم كلهم مظاهر الخوف والرعب !!
علشان اطمنهم قولتلهم : مالكم خايفين ليه ؟
ردت سلمي : انت شوفت يا خالو نور كان شكله ازاي !!! انا كنت هموت من الرعب عمري ما شوفت كده ابدا .
: الحمد لله يا سلمي اننا عرفنا المشكلة وان شاء الله هتتحل زي ما قال الشيخ .
وحيد قالي : ويا تري نور هيرجع ولا هيروح فين ؟؟
: شوية وهتلاقيه جاي دلوقتي ، يلا بقي اطلعوا كل واحد يدخل اوضته يريح اعصابه شوية بعد اللي حصل .
طلع وحيد مراته دخلوا اوضتهم و انا ونجلاء بندخل اوضتنا وانا بقفل الباب لمحت نور بيفتح باب اوضته وبيخرج