قصة عشقت متزوج
البارت العاشر10
بقلم اسماء محمد
...... لقد وجدنا السيدة هيلين مقتولة شنقآ في غرفتك😳......، انتو بتقولو في شنو بقيت اتكلم ليم عربي من الخلعة انتو مجانين مقتولة شنو فكوني فكني يا زول، كلبشوني دخلوني جو العربية، جابوني القسم و دخلوني في الحراسة، شالو مني تلفوني و وقفلو.......، كنت قاعد ببكي و بصرخ بصوت عالي و بضرب ايدي في الحيطة، 😖 انا عاجز ما قادر اعمل اي شي، زمردة و اهلي منتظرني اطلع كيف هيلين دي لعنة في حياتها و بعد مماتها، دمرتني، كنت زعلانة و غضبان و كلي ندم، اي براي سويتو في روحي😔💔....، المسا طلعوني ودوني مكتب المدير، اداني تلفوني قالي عندك محامي؟! و ممكن تتصل لزول،؟! عشان نتواصل مع السفارة، ..... قلت ليم اي عندي، اتصلت لفيصل و حكيت ليو جاني طوالي، و حاول مع الشرطة رفضو اي واسطة او كفالة، كنت حاسي نفسي في حلم طويل مافي ليو نهاية، قلت لفيصل اوع تكلم اهلي تمام، قليهم نزلتا في مصر جاي السودان بباص شان كدا اتاخرته،.....
زمردة بهناك صحت،، يا امي اسفة اعصابي تلفانة تعبت من الهم يا امي عاوزة موت، ما قادرة استحمل،... بدرية = نفسي اضربك كف بس الله سترك انك عيانة، انت حيوانة ولا شنو انا حصل خليتك براك في مشاكلك على طول كنته جنبك انت وصية بشير كيف ما اقيف معاك انت لازم تبقي مرة قوية انت رباية بدرية، بدرية نفسها كل الناس بتعمل ليها حساب، لازم تتشجعي عشان ولدك،......، صحي ولدي حي ما ميت؟........، عنيد زيك كدا ما مات😂 سجمانة وحدة، كدي امشي اجيبو ليك،... امي جابت لي ولدي، ابييييض لمن خدود محمرة و اصابعو صانونة، اديني السميح دا شلتو في حضني و بستو😘، و غيدا كانت بتصورني، يشببهني و الله.....، بدرية = بري ما يشبهك دا شبه ابوه نحنا ما عندنا جضوم......، يا امي اي مولود بكون مجضم😂،.... اي ما فضل غير توريني بلدو كيف، انا ما ما ولدته......، بقينا نضحك😂😂😂مسافة..........، امي مسكت ايدي و قالت لي حتى لو مهند ما جا ما تستلمي شان ولدك، انت و غيدا ربيتكم بدون راجل صح؟ اخدت الدورين مته؟ سمح انت كمان ما ح تموتي و لا تفكري بالموت 🫂ضمتني شديد شكرآ يمة، .....
هاجر = فيصل و اخيرآ ضرب لي و قالي مهند في مصر ، نسى شنطة فيها حاجات مهمة و رفض ينزل السودان بدونها، انا ح رسليو الشنطة من هنا و هو يستلمها هناك.....، طيب خلي يتواصل معانا.....،، اكيد ح يتواصل معاكم في اقرب فرصة،......... حمد لله كدي نبشر، زمردة مشيت ليها و بدرية الخبيثة شغالة تحمر لي، يا زمردة هسي اتكلمتا مع فيصل قالي مهند جاي في اليومين دي، نسى حاجة شان كدا نزل في مصر، حمدلله 🥹.......
زمردة = حمدلله كنت عارفاه م بتخلى عني و عن ولدنا، متين تجي يا مهند و نختار لولدنا اسم، و نلعبو سوا🥺......
*في رواندا*.....
مهند = الحمد لله عوارض زي الوارض، زمردة ح تفتكر شنو، اذيتا كتير ان شالله تقبل تسامحني 🥺....، الشرطة فتشت في شقتي و لقت الرسالة ال كنت كاتبها لهيلين، حابو مترجم و ترجم ليم مضمون الرسالة، في مطعم فاتح على بيتي و عندو كمرات، مشو ليهو و شافوني زمن طلعتا من البيت و زمن الوفاة اختلف، اتبرأت لكن ما تمامآ.......، جابو صحباتها و سالو من حياتها و حكو، انها كانت بتحبني و لمن تسكر بتنادي باسمي و بتحكي ليم عني، بالاضافة للرسالة حكمو على ستة شهور مع غرامة لاني كنت السبب في موتها دا تخفيض الحكم الاصلي كان سنتين، فيصل ما قصر معاي نزلي محامي شان اطلع فورآ، بعد جلستين و واسطات، قدر يطلعني بكفالة، طلعت من السجن بعد خمسة يوم، لقيت فيصل حجز لي، من السجن فته المطار طوالي و طلعت في طيارتي،.......،، و اخيرآ وصلتا السودان و شميت ريحة الوطن، طلعتا في اول باص لكسلا، ما مشيت البيت مشيت الصالون😂 و ظبطه نفسي.........
زمردة = بقيت كويسة، الدكاترة خرجوني ، خالتو هاجر، طلبت مني امشي معاها لكن امي ابت😂 قالت ليها تمشي معاك و بعد شوية تقولي تعاليني المستشفى 😒 في احلامك، جاتني مروة باركت لي قالت لي اعذريني كنت مع ناس نسابتي امبارح سمعت خبرك قلت ليها عادي تسلمي، لمينا حاجاتنا و كنا مارقين، مروة داخت، .. بسم الله سلامتك، قلت ليها قنبي شوية، قعدت شوية لمن قامت داخت تاني ما قدرت تمشي، دخلنا الدكتور، فحص ليها و قال انها حامل + ما فاطرة، 😂 مبروك حبيبتي قالت لي ولدك دا مبارك 🥰، صحي سميتيهو على منو؟! قلت ليها لمن يجي ابوه نسمي سوا،.... طيب،....
مشينا البيت و لقيت الغرفة جاهزة و مهيئة امي ما خلت شي من جهاز النفاس الا و جابتو لي حتى سرير البيبي🥰، اتصلت لخالاتي و خبرتم و قالو جايين في اقرب فرصة....
بعد نومته ولدي، استحميت و رقته، سبحان الله مافي شي بدوم كن السعادة او الحزن، اثناء ما كنت سرحانة في احداث حياتي تلفوني ضرب الو،، الو، ما عاوز تتكلم طيب مالك متصل؟! .... فصل تاني رجع لي الو، زمردة.....، مهند