احتوانى كأبنته
البارت السادس عشر 16
بقلم شذى عبد المكرم
اصبحت الصباح وكنت طالعة على الجامعة لقيت امجد طالع
تالين: صباح الخير
امجد: صباح النور بقيتي كيف. ابتسمت ليهو
تالين: احسن الحمدلله
امجد: اطلعي اوصلك الجامعة
تالين: لالا ما أاخرك بمشي بالمواصلات
امجد: تالين اطلعي. طلعت في الطريق
تالين: امي قالت لي حددتو العقد . سكت مسافة
امجد: اي حددنا
تالين: ربنا يتم ليك على خير
امجد: امين يارب . عاينت على الشارع تاني ما اتكلمنا لمن وصلت وودعتو
مر الاسبوع الاول بحاول اتقبل الموضوع بس كل ما الموعد يقرب بتعب اكتر بس بستغفر وبدعي لامجد بالسعادة بقيت اتهرب من الموضوع بالقراية وامي وخالتو عفاف بتناقشو وبجهزو للعقد مشيت بيت ابوي محمد قعدت معاهو يومين وتاني رجعت ماف طريقة للهروب كان فاضل يومين للعقد عزمو الناس كلها خلاص.
قاعدين مع امي وخالتو عفاف بعد المغرب
خالتو: رأيكم شنو نعمل عصير ولا نجيب بارد
امي: احسن بارد و نتعامل بالقارورة ونحل عصير لو نقص
خالتو: فكرة حلوة رايك شنو يا تيلو
تالين: ممكن. بنتناقش كدا تلفون خالتو عفاف ضرب ردت كدا قالت شنوووووو كيف يعني طبعا انتبهنا ليها الاتنين بعد خلصت
امي: في شنو يا عفاف
خالتو: دا عمر قال لي امجد ضرب ليهو قال ليهو ابو العروس اتصل وقالو لغو العقد ماف نصيب. طبعا اتخلعنا وانا اكتر وحدة اول حاجة جات في راسي امجد حيكون ردو شنو.
امي: كيف الكلام دا هم قايلينو هظار ولا شنو اكيد في حاجة كيف يلغو العقد وهو فضل يومين الناس حتقول شنو بعد عزمناهم. طبعا هم بنتاقشو وانا ما معاهم اصلا بالي مع امجد رجعت غرفتي اتصلت لامجد ما رد نهائي حاولت كم مرة ماف رد اكيد حالتو النفسية كعبة لانو دي البت الاختراها.....
________
من جانب امي
امي: هسي امجد حالتو بتكون كيف
خالتو عفاف: اصلا هو ما بحبها بس حركتهم كعبة
مها: كيف ما بحبها وداير يتزوجها لشنو
خالتو عفاف: عادي يعني
مها: لا في حاجة احكي الحاصل شنو
خالتو عفاف: والله يا مها ما عارفة اقول ليكي شنو بس
مها: عفاف ما تأكلي الكلام احكي
خالتو عفاف: الصراحة امجد بحب تالين
مها: شنوووو
خالتو عفاف: وعدتو ما اكلم زول بس ما قدرت وهو داير يتزوج وفاء دي عشان ما يخسر تالين
مها: امجد دا اهبل ولا شنو كيف يفكر كدا بالطريقة دي كان حيخرب حياة تلاتة نفر
خالتو عفاف: كيف يعني
مها': لانو تالين بتحب امجد برضو
خالتو عفاف: قولي والله
مها: والله يا عفاف هي عرفت الحاجة دي بعد امجد قال داير يتزوج
خالتو عفاف: يبقى لازم نحل الموضوع دا بدون ما نحكي للطرفين
مها: تمام بس كيف
خالتو عفاف: خلينا نعقد ليهم في نفس اليوم الحددو دا مدام عزمنا الناس جاهز
مها: انا بتكلم مع محمد خلاص ان شاء الله يوافق
خالتو عفاف: ان شاء يا رب عشان كدا الموضوع بينا بس عشان ما يجوط تمام وان شاء الله يتم
مها: ان شاء الله عشان الاولاد يكونو مبسوطين.....
اليوم التاني اتصلت على محمد ومشيت قابلتو في بيتو بس سوقت معاي تالا وتامر عشان يشوفهم
محمد: احكي الموضوع
مها: طبعا موضوع عقد امجد اتلغى
محمد: لالا ياااخ
مها: والله
محمد: زعلني والله
مها: دايرة اتكلم معاك بخصوص تالين
محمد: مالا
مها: هي بتحب امجد
محمد: شنووووو
مها: محمد اهدا
محمد: كيف يحصل كدا
مها: هي ما كانت عارفة بالشي دا لانو حبها فطري وكبرت معاهو كانت مفكرة حب ابوة بس لا
محمد: بس امجد كان حيتزوج
مها: امجد بحب تالين اكتر من هي بتحبو بس عمل كدا عشان ما يخسرها وانتو تفكرو فيهو انو المفروض ما يعاين ليها نظرة الحب
محمد: انتي عرفتي الموضوع من وين
مها: كلمتني عفاف
محمد: والله كلام عجيب
مها: عشان سعادة تالين وافق انو تعقد عليها بكرة على امجد
محمد: شنووووو انتي واعية في البتقولي فيهو دا
مها: محمد تالين سعادتها مع امجد بس هي كانت بعيدة منك فترة طويلة الحنية لقتها مع امجد بس
محمد: انا لسع ما شبعت منها دايرة تخليها تبعد مني
مها: بالعكس احكي معاها وكلمها بالحصل دا حتقرب اكتر منك لمن تعرف انك موافق. محمد قعد يفكر
محمد: بس اهلك حيوافقو
مها: انا اصلا بعيدة منهم ومدام ابوها زوجها خلاص لازم يتقبلو وانا لسع ما خبرتهم برجعتك
محمد: يعني موافقة ارجع لحياتك
مها: شنوووو
محمد: هههههه هسي انا قولت حاجة غلط لمن تتخلعي كدا المهم خلينا في موضوع تالين نشوف موضوعنا دا بعد العقد. طبعا خجلت من كلامو
طلعت رجعت البيت الحمدلله عدا على خير اتكلمت مع عفاف لقيتها كلمت عمر وهو موافق اصلا باقي امجد بس نقنعو كيف...
_________
من جانب امجد
حددت عقدي بعد اسبوعين بس تالين طبعا تعبت في نفس يوم التعارف كنت خايف عليها وداير الغي التعارف بس هي اقنعتني ومشينا وحددنا العقد مرت الاسبوعين كنت كل ما اتذكر انو في بت تانية حيرتبط اسمي بيها غير تالين بتألم بس بدوس على محل الالم وبواصل فصل للعقد يومين اتصل لي ابو وفاء قال انو ماف نصيب ودايرين يلغو العقد كيف يعني يلغو وهو باقي ليهو يومين والناس كلها عرفت ما عرفت اعمل شنو وشياطيني كلها قامت اول حاجة عملتها اتصلت على ابوي كلمتو ركبت عربيتي وطلعت مشيت بيت صحبي ما كان عندي الرغبة اتكلم مع زول تلفوني رن لقيتو تالين المتصلة ما قدرت ارد نهائي ما نفسي اتكلم مع زول اتصلت كم مرة عملت التلفون صامت وقعدت نومت معاهو اليوم دا......
________
من جانب تالين
اصبحت الصباح وكان الخميس مسكت تلفوني ما لقيت مكالمة من امجد نهائي مشيت الجامعة بس بالي كلو كان مع امجد اتصلت لخالتو عفاف قالت ما رجعت قلقت عليهو حاولت تاني برضو ما رد رجعت البيت قعدت في غرفتي بعد العصر جاني ابوي محمد
محمد: بتي السمحة
تالين: ابوي. حضنتو وقعدنا
محمد: مالك زعلانة كدا
تالين: ابوي امجد من امس ما ظهر بسبب الحصل
محمد: يمكن داير يقعد براهو
تالين: بس ما صح
محمد: مالك هامة شديد كدا
تالين: ابوي كيف ما اهم ودا امجد
محمد: امجد بالنسبة ليكي شنو
تالين: ابوي التاني
محمد: بس؟. خجلت من كلامو ونزلت رأسي
محمد: ههههههه فديتو الخجول
تالين: ابوي ياااخ
محمد: اسمعيني
تالين:هاااا
محمد: اي بت مصيرها في النهاية تتزوج وتمشي بيت راجلها صح
تالين: صح بس ليه بتحكي كدا
محمد: انتي غالية على قلبي بس برضو داير سعادتك
تالين: عارفة الشي دا في شنو ابوي
محمد: ناوي اعقد ليكي على امجد بكرة
تالين: شنوووو. نططت عيوني
تالين: امجد ما بيقبل بحاجة ذي دي
محمد: يعني انتي ما رافضة الموضوع. نزلت رأسي
تالين: ابوي امجد بحب وفاء ما حيقبل
محمد: انا بهمني رأيك انتي وشايف انو ما عندك مشكلة يبقى خلاص بكرة العقد بتاعك على امجد حيكون عقد بس وانتي تقرري الباقي
تالين: ابوي انا ما فاهمة حاجة
محمد: امجد ما بحب وفاء ابدا دا كل البقدر اقولو ليكي وهسي موافقة ولالا
تالين بخجل: موافقة. سلم علي في رأسي وطلع قعدت افكر كيف يعني امجد حيعقد علي انا موش امس القريبة دي كان خلاص حيعقد على وفاء كيف انقلبت الموازيين كدا وكيف يعني امجد ما بحب وفاء ما عارفة احساسي في اللحظة ديك كانت شنو بس امجد حيكون لي انا وبس واهم حاجة كلام الناس انو عقد اتلغى.....
________
من جانب امجد
اليوم دا نومت مع صحبي في بيتو الصباح رجعت البيت لبست وطلعت على الشغل كنت داير اشغل نفسي وداير اواجه وفاء اعرف السبب الخلاها تعمل كدا شنو بس لسوء حظي وحسن حظها ما جات وتلفوني كان صامت لقيت كمية كميات ما رجعت لزول لمن رجعت البيت بعد الدوام لقيت ابوي
عمر: امجد تعال داير احكي معاك
امجد: احكي
عمر: عرفت السبب الخلا الناس ديل يلغو العقد
امجد: لالا ابوها قال ماف نصيب ومشيت الشغل عشان القى وفاء بس ما جات
عمر: ايواااا اصلا ماف نصيب ما تزعل
امجد: اخر همي بس حركتهم ما صح بكرة كان موعد العقد والناس كلها عرفت
عمر: ما حنغلي حاجة
امجد: كيف يعني
عمر: حتعقد على تالين
امجد: ابوي انت بتهظر صح
عمر: دا موضوع ما فيهو هظار
امجد: انت عارف انو دي مستحيل تحصل
عمر: ليه مستحيل
امجد: يا ابوي انا البت دي مربيها عارف يعني شنو يعني انا ابوها يعني هي بتي
عمر: عارف بس ماف سبب بمنع انك تعقد عليها امك حكت لي كل حاجة. يا الله ليه امي عملت كدا انا امنتها على سري
امجد: حتى لو ما بعقد عليها
عمر: تالين ما رافضة انت رافض ليه مع انك بتحبها
امجد: تالين موافقة؟
عمر: اي موافقة
امجد: مستحيل توافق
عمر: انا حأكذب ليك يعني
عمر: حتعقد ولالا
امجد: ابوي ليه تختني في موفق ذي دا
عمر: لانو لمصلحتك ماف زمن للتفكير موافق على تالين ولالا
امجد: لازم احكي معاها بس ما بقدر
عمر: بعد العقد احكي معاها بتكون ضمنتها وانت حتخليها تحبك
امجد: موافق
عمر: على خير ان شاءالله. طلع مني طبعا الحصل دا حسيتو ذي الحلم للان ما مستوعب الحكاية كيف يعني حأعقد على تالين اصلا الحاجة دي حلم حياتي بس كنت شايفاهو مستحيل وما عارف تالين وافقت كيف ما عندي الرغبة اعرف نفسي اتزوجها بس واعرف بطريقتي على الاقل الزمن داك بتكون مرتي وبعرف اتصرف كيف مستني بكرة بفارغ الصبر عشان تتكتب على اسمي خايف اصحى والقى الحصل دا كلو حلم
ﻭﻫﻞ ﺃﺣﻜﻲ ﻋﻨﻚِ ﺃﻛﺜﺮ ﺃﻡ ﺃﻛﺘﻔﻲ ﺑﺎﻟﻘﻮﻝ *ﺃﻧﻚِ ﺗﺮﺟﻤﺔ ﻟِﻜُﻞ ﻣﺂ ﻫﻮ ﺟﻤﻴﻞ ﻓﻲ حياﺗﻲ