قصة استغلال الحب
البارت الرابع4
بقلم نجلاء فتحي
بعد ما رجعت نور ومامتها من الجلسة ودخلت البيت
وجدت مصطفى فقامت الام بالترحيب بمصطفى ابنها
ومراتة التى أتت من المطبخ وأخذتها فى حضنها
مصطفى/ حمدالله على السلامة يا نور ايه يا بت
الحلاوة دى هو الغسيل بيحلى ولا ايه واخدها فى
حضنة
نور/ خرجت من حضن اخيها وقالت تسلم وتعيش يا
ابية وكانت مكسوفة لان دة طبعها الكسوف والخجل
ولسة بتمد اديها تسلم على هبة مرات اخويا وبنت
خالتها وقالت ازيك يا هبة عاملة اية
هبة/ وضعت ايديها وراء ظهرها وقالت ها اااهلا
وسهلا قالتها بتوتر
نور/ سحبت ايديها وفهمت ان هبة مش عايزة تسلم
عليها
لاحظت هذا الموقف ام نور وقالت هبة نور عايزة تسلم
عليكى وبصت ليها
هبة / ها اه واخدة بالى بصراحة كدة سورى يانور
اصل انتى كنتى فى المستشفى وفى كرونا وتلوث
وخايفة احضنك او المسك اتعدى من هدومك ها
سورى
لسة مصطفى عايتكلم نور بسرعة ثوانى يا ابية
عادى هى حرة وابتسمت وقالت ثوانى عاناخد شاور
واغير ماشى ودخلت غرفتها واغلقت الباب على
نفسها بالمفتاح ورمت نفسها على السرير ودخلت فى
حالة بكاء لأنها كانت لازم تنهى الموضوع علشان
ماتعملش مشكلة مع اخيها ومراتة
___________
فى الخارج
مصطفى / تعالى عايزك يا هبة لوحدينا ( راجل يا واد
عاتجيب حق اختك )
مصطفى/ دخل غرفتة القديمة اللى هى غرفة ايمان
حاليا وعانعرف السبب وأغلق الباب وجلس على
السرير امام هبة وقال ينفع اللى عملتية دة نور قبل
ماهى اخت جوزك فهى بنت خالتك وقدك فى السن
ومع بعض فى الكلية لية الاحراج دة
هبة/ بدلع أنثى على عكس ما بداخلها من غضب انة
بيحاسبها كأنها تلميذة مذنبة ،اصل يا حبيبى انا
خايفة عليك ماهو انا لو اتعديت انت وتصنعت
الخجل والكسوف
مصطفى / نظر اليها وبلع ريقة وقال هو دة وقتة
احم اسمعى اول واخر مرة وكان نفسة عالى جدا
هبة/ لاحظت دة فاستغلت دة لصالحها 🤭🤭وبعد
وقت
مصطفى/ هبة كفاية كدة اسمعى عانقول لماما
ولاختى ايمان العقربة اللى برة دى ان سبب التأخير
انى زعلتك وانتى اعملى نفسك زعلانة ونكمل فى
بيتنا ماشى
هبة / انت تؤمر يا سى مصطفى ولسة بتضحك وضع
مصطفى ايدة على فمها وقال هوش الله يخرب بيتك
عاتفضحينا اللى والله ازعلك بجد فاجريت من امامة
الى خارج الغرفة مصطفى لنفسة دة الواحد كانة
بيسرق بس احلى سرقة هههههههههههههه وخرج
وتصنع الزعل ( وانا اللى كنت فاكراك راجل وعاتجيب
حق اختك اتفوووة) سورى يا جماعة اندمجت شوية
"فى المطبخ "
ايمان/ بت يا هبة ابية مصطفى كان عايزك لية
هبة/ بتصنع بس بس يا ايمان اخوكى دة مفترى
تصورى زعقلى وبهدلنى اهىء اهىء
ايمان/ ربعت اديها على صدرها وقالت نععععععععم يا
اختى فوقى انا اللى كنت سبب فى جوازك من اخويا
يا بنت خالتى يعنى فهماكى ها وعارفة ان ابية لما
بيزعق كانة ماسك مايك ولا الزعيق بتاعة كان المايك
بايظ بت انتى بلفتى اخويا صح
هبة/ صدق اللى قال عليكى عقربة احمم ايوه
ارتحتى
ايمان/ اممممم قليلة الادب وفى غرفتى وضحكوا
هما الاثنين
________________
""على السفرة"
الام/ ماشاء الله الاكل ريحتة حلوة من اللى عملة
ايمان/ انا وهبة يا ماما
الام/ ماشى تسلم ايديك انتى وهى بس ايه دة لية
كدة بس المكرونة مالحة لية وداقت الاكل كلة يا نهار
كدة نور مش عاتعرف تتعشى حرام عليكى يا ايمان
دة انا منبهة عليكى
ايمان/ على فكرة يا ماما الاكل مضبوط مش مالح
الام / عارفة بس نور لازم تاكل الاكل مالحة قليل
علشان الضغط الله يسامحك يا ايمان دى بعد الجلسة
بتكون جعانة اوى
مصطفى/ خلاص يا ماما ماجاتش من مرة وانا اصلا
دوقت الاكل مالحة مضبوط وانا بحبة كدة لكن لو
كان مالحة قليل ماكنتش عاكل وبدأ فى الاكل وهو
سعيد
نور / كانت فى غرفتها بس سمعت الكلام وقالت انا
اة تعبانة بس جعانة اوى ومرة واحدة طلعت وحست
بالاحراج مرة واحدة مش عارفة لية ولسة بتاكل
واخدت معلقة مكرونة وكانت فرحانة لان أكلها على
طول بدون ملح والمكرونة كانت جميلة بالنسبالها
الام/ كفاية معلقة يا نور ضغطك عالى معلش يا بنتى
اختك نسيت تعمل الاكل مالحة قليل كلى عيش
وجبنة وخيار
نور/ عادى اى حاجة كلها نعمة ربنا وقامت جابت
الاكل واكلت على الأرض عيش وجبنة وخيار ومامتها
واختها واخيها ومراتة على السفرة فوق بياكلوا كل ما
لذ وطاب وخصوصا اخيها الذى كان يستطعم الاكل
ويتلذذ بة هو واختها التؤام
نور: احست ان ما حدش راعى شعورها وانها ملهاش
مكان فى وسطهم فقالت الحمد للة شبعت انا داخلة
انام يا ماما تصبحي على خير
الام/ لية يا بنتى لسة بدرى مش انتى كنت
فرحانة ان اخوكى عايبات معانا واخذتى مسكن
علشان تعرفى تسهري معاة ومع البنات
نظرت نور/ الى هبة وإيمان لاقتهم مندمجين مع
بعض وعارفة انها عاتكون عازول فانظرت الى مامتها
وقالت مرة تانية انتظرت ان اختها تقول تعالى
اسهرى معانا لارد سحبت نفسها إلى غرفتها واغلقت
على نفسها بالمفتاح ودخلت فى نوبة بكاء وكانت
إضاءة الأوضة على نورالشارع اللى داخل من
الشرفة
وكأن الضحك والهزار والحزن والبكاء لا يفصل بينهم
شىء غير باب وهو باب غرفتها وكل ما الهزار يعلا كل
ما البكاء يعلا لكن داخلى فقد وضعت ايديها على
فمها خوفا من تسرب صوتها للخارج
وبعد مدة ليست بقليلة
مصطفى: كفاية ضحك بقى يا بنات يلا يا ايمان خدى
هبة وسبونى لوحدى انا وماما عايزها فى موضوع
الام، خير يا بنى اوعى تنكد عليا اصل انا ما
ضحكتش كدة من ايام ابوك موضوع اية
مصطفى/٠٠٠٠٠٠٠٠٠٠٠٠٠
الام/يا نهار اسود