قصة صقر الظلام
البارت الرابع والثلاثون34
بقلم لبنى طارق
تاليا الأم حجزت ورجعت مصر تانى يوم ماعرفت إن بنتها عايشه حاول اخوها يمنع نزولها عشان صحتها تعبانه وخايف تنتكس نفسيا وترجع تانى لوضعها القديم إلا خد وقت كبير جدا من الزمن .. حجز لها فى فندق لانها رفضت تقعد مع مراته وولاده قالتله أنا اعصابى متوتره ومش قادره اتعامل مع حد دلوقت وهو خضع لرغبتها ومحبش يضغط عليها .. استغلت رجوعها ونزلت تحت عايزا تشوف الشوارع وتتمشى عايزا تشوف البلد إللى اتحرمت منها سنين وحياتها إلا ضاعت ما بين العلاج والمرض .. مشيت واحده واحده مبتسمه بتبص فى وش كل بنوته أو ست حامل نفسها تحضنهم بعيونها بتتخيل تاليا وهى داخله عليها وهى بتضمها بقلبها وجوارحها ومشاعرها كلها وهى بتتمنى تعيش معاها الأمومه إللى عبدالعزيز حرمها منها .. أخوها باصص لها وبيضحك : مالك الدنيا مش سيعاكى كدا ليه
تاليا بفرحه : أصل أنت ماجربتش إحساس إنك تتحرم من حته منك ويقلولك مات
بصلها بحزن : جربت يا تاليا .. جربت معاكى وخسرت أبويا وأمى وأخويا .. عشت وحيد زيك وأكتر جدك كان فاكر إنه بيحمنى بس هو حرمنى وبعدنى عنكم كلكم كان عنده لا مبالاه
تاليا بصتله : أحسن قرار خده جدك إنه بعدك عن حياتنا كلها وكبرك وخلاك راجل ملو هدومك ماتعرفش الدنيا كانت مخبيه لنا إيه تانى .. موضوع اخوك وأبوك ماكنش هايمر مرور الكرام .. النفس إللى كنا بنتنفسه كان متراقب حياتنا كانت شبه واقفه فى المرحله الأخيره .. ماما لما كلمت أبوها وعيطت وقالتله إنها خايفه علينا وخايفه يجرالنا حاجه من كتر التهديدات إلا بتيجى لبابا كان عندها حق ماتلومش عليه هو لو كان يعرف إنى عايشه أكيد كان خدنى معاك وأختفى زى ما اختفى بيك
أخوها بلوم : وحقنا وفلوسنا إلا ضاعت وأتهنى بيها غيرنا
تاليا : فلوسنا كانت كتير وأخر حاجه ممكن نفكر فيها ماما ما سابتش شويه لجدو وأكيد أنت أتمتعت بالفلوس دى بردو .. شاورت على نفسها .. الدور والباقى عليا حرمونى من فلوسنا ومن حياتى بسبب الجشع والطمع .. الفلوس مش كل حاجه فى حاجات تانيه مع الفلوس بتبقى أمتع واحلى بكتير ياريته خد الفلوس وساب جوزى وبنتى وسابنا نعيش مرتاحين
أخوها ضمها ومشى بيها لما اصرت تمشى و العربيه السواق خد الشنط واتحرك بيهم على الفندق على طول
**
تاليا قامت من النوم طلعت برا لقت منال وكريمه قاعدين حاطين ايديهم على خدهم وساكتين فى جمب دموع بتنزل من عيون منال فى صمت : مالكم يا بنات ماصحتونيش ليه
منال مسحت وشها وكريمه ردت : عشان تنامى شويه أنتى تعبانه صوت منازعتك وصله لنا
تاليا قعدت براحه وبتعب : أنا فعلا تعبانه جدااا.. هو أدم ماجاش
منال بصتلها : جه منين هو خرج
تاليا نطرت ايديها وابتسمت ؛ هو أدم بيقعد فى حته .. المهم مش هانفطر أنا جعانه
منال هزت راسها بنفى : لاء مليش نفس .. قالت بصوت مسحوب كله دموع .. نفسى اطمن على إخواتى .. أنا قلبى بيقولى إن فى حاجه كبيره قوى
تاليا بصالها : مفيش أى حاجه يا حبيبتى كلهم كويسين .. قومى نشوف الاكل ونجهز لقمه ناكلها يمكن ادم يجى جعان هو كمان
كريمه قامت : قومى ياكبدى أنتى حامل بردك وحرام تقعدى لدلوقت من غير أكل .. دخلو المطبخ بعد ماتاليا دخلت الحمام عاشت حياتها وغسلت وشها ولمت شعرها .. عملو فطار معتبر راحت الأوضه جابت الفون بتاعها تتصل على أدم تشوفه فين ومارجعش البيت ليه لدلوقت .. أتصلت ولسا بيرن سمعت صوت الرنه بره اتنهدت بهدوء وطلعت بصتله : كنت فين
أدم لما شاف كريمه ومنال أبتسم : كنت بتمشى البلد وحشتنى .. بصلهم .. أنا شامم ريحة فطار يفتح النفس
كريمه بكسوف وضحكه هاديه : اسم الله عليك دانت جايب كافة شئ عملنا فول وطعميه وغسلنا جرجير وبيض وجبنه كل حاجه
أدم دعك ايده فى بعض : شكلى ها أكل لما أقول بس .. اتكلم بتحذير انا داخل أخد شاور ممنوع حد يمد ايده على الأكل لحد ما أطلع
تاليا بصتله وبجديه : أغسل إيدك وتعالى الاول وبعدين خد الشاور براحتك
منال ابتسمت من طريقة تاليا : كلام الحكومه أوامر انت مش حكومه لوحدك خد بالك
أدم : لا دانتى تؤمرنى يا أنسه منال .. دخل غسل إيده وطلعو برا جاب ترابيزه كبيره عشان تاليا مش هاتعرف تاكل وهى قاعده فى الارض .. قعدو حوالينا بعض بياكلو ويتكلمو مع أدم كتير وتاليا ساكته مابتدخلش فى الحديث إلا نادرااا وهو ما بيحاولش يجر معاها مش عايز يقل من نفسه قدامهم بكلمه تخرج غصب عنها لانها فعلا ما بتسيطرش على كلامها ولا نفسها .. خلصو الاكل وشالو الحاجه وهو دخل خد شاور وجاب جلبيه من بتاعت أبوه لبسها ..تاليا أول ما شافته ضحكت بصوت عالى جداااا وهو واقف مبتسم لأنها قصيره عليه بس مش قوى
منال : يوه مالك فشتك عامت ليه دلوقت
تاليا بتدخل إيديها فى بعض : منظرك تحفه ارجوك بلاش تلبس جلاليب تانى
أدم قعد وكريمه اتكلمت : بسم الله ماشاء الله دا قمر فى أى حاجه ياتاليا بتبالغى مالها الجلبيه ما أبوكى كان بيلبسها
أدم : لا يا كريمه تاليا عندها حق انا مش حابب نفسى فيها فعلا مش لايقه عليااا ..
تاليا بصتله ورجعت بصت قدامها حست إنه مش عايز يحرجها أو يعلى رأى حد على رأيها .. لأنه مش أوفر هى مستغربه شكله
منال : ألا أخواتى ها يتأخرو فى مجيهم هنا أصلهم وحشونى قوى قوى
أدم بنفى : لا يا ستى مش ها يتأخرو ان شاء الله اسبوع بالكتير ويبقو فوق راسك
كريمه نطرت ايديها : أسبوع بحاله .. كتير قوى
منال بزعل : فعلا داحنا مابنفترقش عن بعض يمكن ياسين يقب ويغطس مع روحه بس البنات لاء
أدم : البنات كان مسيرها تتجوز زى كريمه كنتو هاتعملو إيه
منال زقت كريمه او ضر.بتها : كريمه قرش برانى مهما ترمى وراها قلل بترجعلك هوا مابتعمرش فى مطرح انى مش قلقانه على البنات مفيش فيهم رجا هايرجعو هايرجعو
التلاته : ههههههههه
كريمه بضحكه : أخص عليكى أخص بكرا نشوفك يا أم لسان ونص وانتى قاعده تقشرى بصل جار اخوكى ياسين يا حزينه
تاليا : ههههههههه .. بعد الشر يا كريمه انا نفسى اجوز منال قبلكم كلكم
منال حطت ايديها على بوئها : يوه مالكم كده مش طيقانى ليه باكل وبمسح فى راسكم
أدم : هههههههه أنتى عسل قوى يامنال .. قوليلى بقى نفسك تعملى إيه
منال رفعت ايديها لفوق : يالهووووى عملى اسود ومهبب
تاليا بضحكه : يخربيت مخك أهدى مالك يامنال
منال بصتلها : مكبوته ياختى مكبوته .. هو طول ما ابويا ورايا وهربانين منه هانعمل حاجه داكان رابط خمس بقر فى اوضه واحده يطلعو منها كنس ومسح وأكل واخر الليل يبيتهم زى الفراخ والبح قدرى بقى جوزك مخبى علينا إنه قفشهم ورجعهم تانى .. يالهوى بالى عيطت .. زمانه نازل فيهم طس خصوصا الحزينه توحيده جسمها مرقع ياروحى إيشى حرق على داكمات على كام بونيه وروسيه
أدم إدايق جداااا برغم الكلام إلا واقع منها خد نفس طويل وبصلها : فين أمهاتكم من إللى بيحصل
تاليا بصتله : امهاتهم زيهم واكتر بينقى مكسورين الجناح الفقرا او اليتامى عشان ميبقاش لهم حد يتكلم او يفتح عينه فيه ويفضلو محتاجين له طول الوقت
كريمه عيطت : أما قبل ماتمشى قالتلى يابت كريمه خليكى طوع ابوكى لو اطردتى من داره مش هاتلاقى تاكلى ولا حد ها يعبرك وهو راجل مفترى مش ها يسيبنا لحالنا .. ابويا عصبى بس طيب يا سى أدم كان بيجيب لنا اكل ياما وسواعى كدا يهزر ويضحك معانا
منال هزت راسها بتأكيد : سواعى كل فين وفين فيها ايه لو يضحك على طول ويروق بالنا وباله هايجراله إيه .. بصت لتاليا بس هو صوح خد مالكم أنى مش مصدقه طول عمرى اوعى عليه يشتغل ويكبر ويشترى يعنى هو إلا شغال وتعبان فى القرش
أدم فرد إيده : وإفردى هو إلا شغال وتعبان دا يديله الحق ياخد املاك مش بتاعته
كريمه ؛ يعنى ماياخدش عرقه فيها
أدم بتأكيد : ياخد اجرته ماشى وأدام بياخد أجرته يبقى خد حقه وزياده لو العمال إللى فى الشريكات دى قالو لأصحابها تعالو احنا هاناخد الشركه عشان إحنا إللى شغالين فيها يبقى كلنا هاننهب بعض ومفيش حاجه أسمها اصول واملاك بص لتاليا من تحت لتحت .. وبعدين لو جيتو للحق الأملاك لا هى املاك أبوكى وشاور على تاليا ولا ابوكى
تاليا ضمت حواجبها وافتكرت كلام هشام لما قالها ان دى فعلا مش أملاكه وهى مجرد أمانه واملاكه حاجه بسيطه جدا جمب الهلومه دى كلها هزت راسها بتاكيد : فعلا بابا كان قالى حاجه زى كدا
أدم أبتسم ؛ كويس إن عندك خلفيه
منال شهقت وكريمه برقت : إيه الكلام الفارغ داهون يعنى الاملاك دى كولهاتها نزلت عليهم من السما
أدم بنفى : لاء يا منال .. الأملاك دى تخص سلطان بيه إلا كان شغال عنده ابوكى قبل ما يكتبها بأسم هشام والد تاليا
تاليا اتعدلت وبإهتمام شديد : وسلطان بيه دا يكتب الأملاك بأسم بابا ليه وعشان إيه
أدم بجديه : زى ما قالك أمانه
كريمه هزت ايديها : إيوا إيوا .. أنا عارفه ياسين حكالى على الراجل داهون بيقولو راجل طيب قوى قوى بسلم
أدم ابتسم : والله انتى إللى بسلم
تاليا بخبث : شيفاك كدا بتعاكس فى كريمه من ساعة ما جبتها دى عروسه حضرتك
أدم ضحك بصوت عالى جدا وحط ايده على راسه من ورا بص لكريمه : أنا عاكستك يابنتى
كريمه بإحراج : الشهاده لله لاء
أدم غمز لتاليا : ظلمانى بردو
تاليا بنص عين : فعلا
منال حطت ايديها على دقنها : شوفى شوفى دانتى طلعتى غياره عليه قوى ليه كده .. أكمنه قاعد معانا خايفه عليه بقى .. لاء خافى منى .. انى إللى ها اخطفه منك
تاليا شاورت وبحده لذيذه : اخطفيه ياختى أصل خطافه كتير
أدم باصص عليها وعلى انفعالها وبيضحك من قلبه برغم زعله الكبير منها
تاليا بصتله : قولى بقى وعرفنى مين سلطان وإيه حكايته متشوقه اعرف الراجل إللى يأمن على كل الأملاك دى لواحد غريب عنه
أدم : طب مش هاتعمليلى قهوتى من ايدك الحلوه الاول وإلا هو كله ببلاش كدا
منال قامت وبتحلق على تاليا : انى ها أعملك عشان تحكم وتشوف قهوتى وإلا قهوتها وطلعت تجرى
كريمه بصتلها واتشدقت ؛ يخيبك بت دا متجوز اتنين يامخبوله بصت لتاليا .. لو مؤاخذه ياتاليا
تاليا هزت راسها : على ايه
كريمه كملت : هاتبقى التالته يا مهبله زى امك .. بصت لتاليا .. لو مؤاخذه يا تاليا
تاليا بحده مكتومه : مؤاخذتك معاكى يا كريمه
كريمه كملت : ومش بعيد يجيب الرابعه شكله زى ابوكى بيحب يعدد عددو عليكى ساعه واتفضو بصت لتاليا .. لو مؤاخذه يا تاليا
تاليا حطت ايديها على بوئها : والله ماتكملى كفايه مؤاخذات
أدم ركن ضهره بطنه وجعته من الضحك على منظرهم وهما بيتكلمو وإلا كلامهم كله حكم ..
منال طالعه بالقهوه بتقرب عليه : أتفضل ياجوز أختى الغاليه بصت لكريمه .. أهو بثبت حاله
أدم مد ايده خدها : شكرا يا منال تسلم ايدك
منال جريت قعدت وهى بتضحك : يالهوى كل حاجه يقول تسلم ايدك وشكراااا هو جرا ايه دانا ها اخطفه بجد
تاليا شدتها : أتلمى يا منال ليتغر وهو مش ناقص غرور
منال زقتها براحه وبتسامه هاديه : يتغر ياختى هايقولو ايه اكيد أتجوز ست البنات كلها عشان صعب يعجبه حد
أدم بصوت عالى : الله على التثبيت العالى .. لاء كدا فعلا ها أتجوزك
تاليا ميلت راسها وطلعت لسانها وهى بتقول : اتجوزها اشبع بيها
منال باستها جامد : لاء يا حبيبتى لايمكن اعمل فيكى كدا ماتخافيش انى بهزر بفك القاعده اكمنى مطرشقه من إمبارح
تاليا مسدت عليها وبتأكيد : عارفه يا هبله .. أقعدى بقى خلينا نسمع قصة سلطان
أدم بيشرب القهوه بتاعته بإستمتاع رهيب عنده فنجان القهوه بعد الفطار أهم من اى شئ نزل الفنجان وبدء يحكى قصة سلطان واحده واحده
تاليا شاورت بإهتمام : استنى يعنى فى الأساس الفلوس دى كلها بتاعت إبن سلطان أصلاااا
أدم لف ايده : جزء كبير منها مش كلها وطبيعى بعد مو.ته ولاد إبنه يورثو فيه وياخدو الاملاك كلها لأن سلطان له عصب وابنه بردو له عصب
تاليا : إيه سبب مو.ت ابنه
أدم بجديه اتعدل وشرب أخر بوء : طبيعى العلماء يظهرو للناس كلها او العامه إن موتهم بصوره مفاجأه او حوادث بس جميعها بيبقى مدبر واكيد انتى فاهمه ليه
منال : لاء انى إللى عايزا افهم ليه بقى
أدم : عشان بلده ماتستفدش بعلمه او بالتطوير إلا عمله فى مجاله هما عايزين بلادنا متخلفين وراجعين وبيهيئو للناس كدا برا يعنى الاجانب إلا محدش فيهم زار بلد عربى كان كل خلفيتهم عننا إننا متخلفين بلاد بدائيه غير متحضره وكتير قوى والعكس هو الصحيح
كريمه ميلت راسها : وإحنا صوح كدا زى ما بيقولو علينا
أدم بنفى : لاء طبعااا .. مصر أساس العالم ومنبر العلم على الارض
منال ضحكت : يا حلاوه يا ولاه .. كدا بتبالغ ياسى ادم يعنى ماإحنا اهو ابويا ماعلمناش فين العلم بقى
تاليا لفت ايديها وبجديه ؛ حياتك مش مقياس يا منال كام حد أهله ما ساعوش يعلموه دا مش مقياس لغيره .. انا اتفق مع ادم فى نقطة العلم ربنا سبحانه وتعالى علم العلم جوا ومن ارض مصر الناس قبلت او رفضت دى حقيقه مهما انكروها
أدم ابتسم : برافووو عليكى
تاليا : ابن سلطان كان عالم فى ايه
أدم : الهندسه الوراثيه .. وحفيده كان فى علم الاثار المصريه القديمه والفرعونيه
كريمه : تمثيال يعنى هو دا علم بردك دول كانو بيعبدو حجاره
أدم نطر إيده : زمان يا كريمه غير دلوقت .. ربنا سبحانه وتعالى قال : الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا [المائدة: )
بيسأل : ليه
تاليا بإستمتاع لحديثه : ليه يا أدم
أدم : عشان كل مرحله من تاريخ بنى ادم كان فيها شئ محلل واصبح محرم .. وعشان كان فى افعال كتير بتحصل فى الجاهليه حرام .. وعشان كان فى أمم سابقه محدش فينا شافها ولا عاشرها وكان لها أفعال محرمه وقصص مختلفه .. وفى مواقف تختلف بإختلاف الزمن والشعوب ولحد ما اصبحت البشريه شعوب كثيره وقبائل .. اختلفت الوانا واختلفت ألسانتنا .. بيفرد إيده ويلفها .. ربنا سبحانه وتعالى وضح الصوره كامله بكل شئ يخص البشريه وبتلبيغ سيدنا النبى لها وكانت دى أخر أيه نزلت على سيدنا النبى فى أواخر عمره .. اليوم أتممت لكم دينكم .. يعنى كل شئ واضح للعالمين ما أراده الله وتفعلوه بإذنه وما لا يريده الله والنهى عنه والله أعلى وأعلم
منال : مش فاهمه .. يعنى ايه حاجات كانت حلال وبقت حرام
أدم : لما ربنا خلق سيدنا أدم أبو البشريه كان فى نساء
تاليا بنفى : لاء
أدم : خلقت حوا من ضلع ادم عليه السلام وهنا بدء التناسل بمعنى فى أدم وحوا فاصبح فى حمل وولاده وأولاد .. بص لتاليا .. ينفع أقولك جوزى عيل من ولادك لبنتك يعنى اخ يتجوز اخته
منال وكريمه : استغفر الله العظيم .. لاء حرام عليك ليه تقول كدا
أدم : فى عصر سيدنا ادم ماكنش حرام .. كان الاخ يتجوز أخته ولكن بإختلاف البطن .. يعنى كان محلل فى زمن ومباح عشان غرض واصبح محرم تماما ومن الكبائر ولا يجوز لانه اصبح بلا غرض وفيه إختلاط أنساب ومن محارمك زى ما ربنا سبحانه وتعالى قال
تاليا ابتسمت : وإيه تانى كان محلل
أدم : زى بردو إن الراجل يجمع بين أختين مثال سيدنا يعقوب .. بعد زمن حرمت تماما طول مافى واحده على ذمته يتجوز التانيه لازم تطلق أو بعد موتها ... .. التماثيل مثلا ..القول في تأويل قوله تعالى يعملون له ما يشاء من محاريب وتماثيل وجفان كالجواب وقدور راسيات اعملوا آل داود شكرا وقليل من عبادي الشكور ) هل سيدنا سليمان لا يعرف الله .. رفع ايده استغفر الله بالعكس جميع الكتب المقدسة، أجمعت على أن الله سبحانه وتعالى، آتى سليمان ملكا عظيما، وسخر له كل شىء، الريح والطير، والنمل، والجن، وتسبيح الجبال وعلماً .. يعنى كان مباح التماثيل فى الوقت دا وغير محرمه ولكن بعد وقت من الزمن تم تحريمها بشكل نهائى وجود التماثيل فى حضاره زى مصر مش دليل على الكفر او الإلحاد لإن الحضاره المصريه اقدم من عصر سيدنا سليمان بكتير الايمان كان فى رحم مصر والعلم خرج من رحم مصر
كريمه بتتحاور معاه : زى ماقولتلنا ووضحت فى اللى فات وضح ازاى العلم كان فى مصر
أدم بجديه : اول نبى بعد سيدنا أدم وسيدنا شيث عليهم السلام هو إدريس عليه السلام .. فى وجود سيدنا ادريس مفيش ولا واحد على الارض كافر او مشرك او ملحد الارض كلها كانت على الإيمان لف صباعه فى الهوا .. زيدى على دا إن ربنا جعل سيدنا إدريس معلم البشريه كلها منين .. شاور على الارض .. من مصررر كان اسمه خنوخ بن يرد بن مهلائيل بن قينان بن أنوش بن شيث بن أدم .إدريس هو أول الأنبياء بعد آدم وشيث عليهما السلام كما قال ابن كثير، وهو في عمود نسب النبي محمد صلى الله عليه وسلم، وهو أول من خط بالقلم، وقد أدرك ثلاثمائة سنة وثماني سنين من حياة آدم عليه السلام.
منال ببتسامه : يا حلاوه يا ولاه يعنى الحمد لله إحنا اول ناس كتبت بقى
أدم بتأكيد : أيوا وقت النبي إدريس تفرقت لغات أهل الأرض إلى 72 لغة، فكان أول من أدرك أهمية اللغات بل وتعلمها جميعا، ما مكنه من الإدراك المتراكم للعلوم منذ جده الأكبر سيدنا آدم.
النبي إدريس تعلم اللغات بحكم أنه كان مصريا يعيش في مصر وكانت مصر آنذاك بلدا يرتحل إليها الكثيرون من جنسيات مختلفة.واكتشف سيدنا إدريس لأول مرة العلاقة الهندسية بين الأرقام والكلمات، وكان أول خياط ومصمم أزياء وعلم الناس الزراعة، والخط واللغات والعلوم وبقية القوانين الحاكمة للهندسة والطب، فاستحق أن يكون المعلم الأول للبشرية من ناحية التدريس والتعليم، لذلك فإن مصر هي أسبق الحضارات قبل الشرق و الغرب... يقال أن سيدنا محمد يرجع نسبه لسيدنا إدريس
تاليا ببتسامه : يعنى قصدك إننا لنا نسب فى النبوه
أدم بتأكيد : طبعا يا تاليا ربنا سبحانه وتعالى خلق كل شئ بمقدار مفيش عنده صدفه ولا حظ .. لما يذكر اسم مصر صريحه أكتر من مره بشكل مباشر وعشرات المرات بشكل غير مباشر لم تذكر بلد قط بهذا الشكل .. لما ربنا يتجلى على ارضها فقط فى طور سينا .. لما ربنا سبحانه وتعالى يكلم سيدنا موسى على ارضها فقط دونا عن بلاد العالم كله لما ربنا سبحانه وتعالى يقول لسيدنا موسى إخلع نعليك يا موسى إنك بالوادى المقدس طوى ..مهد الرسل والانبياء وأحفادهم حمايه وأمان لهم فى بعض الأحيان من اهاليهم وأقوامهم .. لف صباعه عند ودنه .. شغلو مخكم .. دا ما بيقولش جواكم إن ربنا جعل على الارض دى اسرار مش موجوده فى العالم كله .. لما يتم ابحاث لعلماء كثيره غربيه وعندهم شغف كبير ولهث غير طبيعى عن اسرار الحضاره المصريه القديمه وعن مصر نفسها ويقولو إن سر الكون وبوابة الدنياااا تحت الاهرامات وأبو الهول .. نطر ايده حتى لو دا كلام فارغ .. عندكم معلومات إن الاهرامات مرطبته بعلم الفلك وكل هرم له نجم معين ؟ .. عندكم معلومه إن تاريخ بناء الإهرامات يعود إلى أكثر من ٧ تلاف سنه وليس أربعه ويمكن أكثر بكثير ودا اكتشفوه دلوقت
تاليا : بس يا أدم فى حضاره فى العراق بردو بيقولو اقدم من حضارة مصر
أدم ابتسم : مفيش حضاره أقدم من حضارة مصر مش غرور او تفخيم .. لو بتتكلمى عن حضارة العراق إلا بدئت بعد سيدنا نوح عليه السلام وبدء البشريه من جديد أنا بكلمك عن حضاره بدئت من قبل سيدنا نوح وعلم استمر ومازال موجود على ارضها عشان كدا لما يقولك مصر صدرت العلم للعالم كله صدقى وبطلى تقللى من شأنها وتجادلى ومازالت تصدر علمها للعالم كله ومازال علمائها متصدرين المشهد .. لما ربنا ينسب العرب والعروبه لها وجعل رحم المصريه أول من انجب ابوالعرب فانسب العرب لمصر ليست مصر هى من تنسب للعرب وجعلها الأم ودا يثبت إنها الام الحاضنه لكل عربى ولكل العالم فيطلق عليها أم الدنيا
منال بإستمتاع ربعت رجليها وبتسمع بإهتمام
أدم : بمناسبة اننا بنتشدق بكفر القدماء المصرين .. طبعا كلكم عارفين القصه الشهيره لسيدنا إبراهيم لما خدو منه زوجته ساره لملك الهكسوس كان مستعمر مصر فى الوقت دا هو ليس ملك مصرى هو ملك هكسوسى
تاليا بتاكيد : أيوا
أدم أبتسم : ماخدتيش بالك ان ربنا حمى ستنا ساره والملك دا وصفها بالشيطانه
تاليا بتاكيد : فعلااا
ادم نطر إيده : لما قالها اذهبى وخدى الشيطانه الاخرى معاكى وكانت هاجر المصريه هى الشيطانه الاخرى .. ربنا حمى ساره وطهرها لإيمانها .. وحمى هاجر وطهرها لإيمانها بدليل إنها وصفت بنفس الوصف إلا وصفه لساره .. هاجر اميره مصريه تم أسرها ولم ينال منها الملك الهكسوسى شئ كما جعل جسده يشل كلما اقترب من ساره جعل جسده يشل كلما اقترب من هاجر .. يعنى الإيمان والطهر كان موجود اهو يا جماعه فى وجود التماثيل وكل شئ .. طب حاجه كمان .. لما ربنا يختار هاجر المصريه دونا عن نساء البشريه زى ما اختار خديجه واختار فاطمه واختار مريم وإمرأة فرعون وماشطة بنت فرعون .. وكل واحده كان إختيارها مميز ومدقن مثل الانبياء والرسل ..
كريمه بفضول : اختارها لإيه
أدم شاور : اختارها لتنجب لسيدنا إبراهيم أول أولاده .. أختارها ليعمر بيها الارض الطاهره مكه وتتفجر المياه فيها من تحت قدم ولدها اسماعيل .. اختارها لتكون أم إسماعيل ابو العرب و يجعله اول نبى برز بالسيف وروض الخيل .. أختارها وجعل الناس كلها تتذكرها بالحج والعمره فى منسك الصفا والمروه وال٧ اشواط .. جعلها تنطق بالإيمان واليقين وصبر المرأه المصريه عندما تركها إبراهيم عليه السلام وقالت له أئمرك الله .. هز راسه بتأكيد .. قالت جمله تهتز لها الارض ليقينها وإيمانها الشديد بربنا برغم اأن الهلاك حوليها لا محال .. إذا لن يضيعنا الله وفعلا لن يضيع الله عبدا وثق وجعل يقينه بيه وحده لن يضيعها الله بدليل جعل الناس تتذكرها ليومنا هذا بالصفا والمروه وكل شبر بمكه وماء زمزم
منال عيونها دمعت ومسكت ايد كريمه وبثقه : إذا لن يضيعنا الله يا كريمه انا واخواتك والله انا زى أمى هاجر بحب ربنا وواثقه فيه
تاليا بصتلها وأبتسمت ومن قلبها : يارب يامنال .. بصت لأدم .. ممكن تكمل يا أدم ..
أدم هز راسه بتأكيد : حاضر .. ربنا سبحانه وتعالى جعل انبياء بنو إسرائيل جميعا من نسل إبراهيم وبعدين إسحاق وبعدين يعقوب صح
تاليا بتاكيد : صح
أدم : جعل نسل سيدنا محمد فى كفه لوحده أمام نسل بنو إسرائيل .. بمعنى إبراهيم .. إسماعيل .. ومن إسماعيل عليه السلام وصولا لسيدنا محمد عليه السلام لايوجد نبى او رسول .. طيب هل سيدنا محمد أنجب اولاده من زوجاته كلهم
تاليا بنفى : لاء أنجب من ستنا خديجه رضى الله عنها فقط
أدم أبتسم : صح برغم وجود عدد من النساء إلا إن سيدنا محمد لم ينجب سوى من خديجه رضى الله عنها .. ورفع صباعه التانى وماريه القبطيه رضى الله عنها .. والقبطيه هنا بمعنى المصريه .. بص لمنال وكريمه تفتكرو خلف منها ايه .. إبراهيم .. إشمعنا إبراهيم .. ليذكرنا ويقولنا خدو بلكم جدى إبراهيم ربنا رزقه بهاجر المصريه وأقيمت بها ارض مكه هى وابنها إسماعيل وختم حياتى بماريه وانجبت منها إبراهيم فيجعل الله هاجر بمكه وماريه بلمدينه ويجعل الله لهاجر ولد من من النبى والخليل إبراهيم ويجعل لماريه ولد من الرسول الكريم والنبى الامين مبشرا ونذيرا للعالمين .. هل فى مصادفه عند ربنا حاشا لله كلها ترتيب ربنا سبحانه وتعالى ومن وراها حكمه وقصد وتفضيل لعباده كما هو يشاء ..
تاليا : بس انا بزعل قوى لما يقولو دول جوارى وسيدنا ابراهيم وسيدنا محمد لم يتزوجوهم وبحس دايما بتقليل شأنهم إلا هو ماتفرحوش قوى كدا
أدم رفع حاجب : بتتهمى الرسل والانبياء انهم كانو بيعملو حاجه حرام مثلا
تاليا شهقت : استغفر الله .. هما بيقولو ملك يمين
أدم : خلينى معاكى حتى لو ملك يمين برغم ان فى إختلافات وكلام كتير يتنافى مع واقع القصه والاهميه إللى ربنا وضعهم فيها .. ملك اليمين دى مين بيجوزها اهلها
تاليا رفعت كتافها : ماعرفش
أدم : أنا مثلا لما أتجوزك ها احط ايدى فى ايد اهلك أو كبير عيلتك إنما ملك اليمين يزوجها الله من فوق سبع سموات فى تشريف اكتر من كدا .. فى أمور كتير حصلت فى عصرهم إحنا نجهلها بعضها ذكر وبعضها لم يذكر ..ومن هنا وجد الخلاف هل كانت زوجه أم ملك يمين
تاليا ضحكت : كل مايحبو يدايقونا يقولو ياولاد فرعون ربنا أهلك فرعون وجيشه كفار يعنى وكدا
أدم أبتسم : مايقولو قصة سيدنا موسى .. سيدنا موسى مهمته كان خروج قوم إسرائيل هل كانت مصر كلها على الكفر او ربنا غرق فرعون والمصرين كلهم
تاليا مطت شفايفها : ماعرفش
أدم : طيب انا ها ارد عليكى .. من سيدات أهل الجنه إمرأة فرعون ؟! .. طيب ماشطة فرعون وأولادها ؟ ... طيب فى رجل ربنا ذكره كان بيدافع عن سيدنا موسى من آل فرعون وقال مؤمن يكتم إيمانه ؟ ..
طيب من جمال الموقف .. قصة سيدنا الخضر وموسى عليه السلام .. يعنى حتى الاقدار وازاى البشر ممكن تتعامل معاها برغم عدم معرفتها بيها وتعليم الصبر كان فى مصر وعلى ارض مصر .. بقصة سيدنا الخضر وموسى .. طب زواجه والقصه الشهيره وقيل إن أبوهم سيدنا شعيب وأختلفو عليها بردو هو والا لاء بس اتفقو إنه رجل شديد الإيمان .. دول جزء بسيط جدا جدا من إلا بينعتوهم بالكفر وقلة العلم والايمان .. يعنى الايمان موجود قبل وجود سيدنا موسى عليه السلام ( وَقَالَ رَجُلٌ مُؤْمِنٌ مِنْ آلِ فِرْعَوْنَ يَكْتُمُ إِيمَانَهُ )
ربنا قدم إيمانه قبل ذكره أنه يكتمه دليل على وجود الايمان أصلااا وأن هناك مؤمنين حتى وفرعون بيقول أنا ربكم الأعلى .. دائما وابدااا زى مافى خير فى شر .. زى مافى إيمان فى كفر .. ربنا لم يقول اغرق مصر وأهلها وإنما قال أغرق فرعون وجنوده .. يعنى اغرق الكافر وإللى أيده وساعده على دا فقط إنما الايمان موجود حتى بوجود فرعون
تاليا : إيه علاقة دا بحفيد سلطان
أدم نطر ايده : علاقته ان الولد الجميل دا كان عنده شغف يثبت إن علم الغرب ماهو إلا أكذبوه نسبوها لنفسهم بالسرقه من شعوبنا وخرجو بيها للعالم كله وبتتضح الحقائق وتنكشف دلوقت واحده واحده .. وإن العلم زمان كان أكبر وتخطى المراحل إلا بنعيشها دلوقت بكتير ... عايز يثبت ان الناس دى لصو.ص ومخربين خصوصا لما قرء فى حياة الشعوب وازاى نشأت ومين هما السكان الاصلين لكل بلد .. هما طول الوقت شغالين على تدميرنا وتدمير حضارتنا والتسفيه فيها برغم قيمتها الكبيره وتدمير التاريخ والمعتقدات إللى تخصنا واقنعو الناس من حوالينا بكدا لانهم شغالين كذب وتشكيك وتشهير من سنين
تاليا : بس هو كدا بعد عن الاساس فى علم المصريات او الحضاره المصريه
أدم بنفى : لاء .. الناس دى يا تاليا من بجاحتها ياخدو ارضك ويوهموكى أنتى شخصيااا إنها مش ارضك ويقولو اثبتو دا .. زى ما بيعملو دلوقت فى فلس.طين. بقالهم سنين كتير شغالين على دا .. عملو حركه أنشأوها اسمها الافروسنتريك .. الحركه دى كل مهمتها إنهم يشككو فى نسب المصرين وأصلهم وحضارتهم ويقولو إن اصحاب ارض مصر واصحاب الحضاره هما ذو البشره السمراء وبيجمعو شوية صور هبله وبيعملو بعض الصور فتوشوب ويقولو هما دول القدماء المصرين او قصة الشعر برغم ان بعضها عباره عن باروكه كانو بيتميزو بيها فى الوقت دا وينسبو الحضاره والاهرامات لكل العالم إلا مصر والمصرين ؟!
بدليل هاتلاقى خناقه بين الشعوب دلوقت يقولو احنا اصحاب الحضاره المصريه القديمه ههههههههه
تاليا : ليه بيعملو كدا
أدم لف ايده : يغسلو مخك ويشتتو فكرك ويزعزعو الثقه جواكى وجوا كل الاطفال الصغيره إللى مختصر حياتها على النت ومعلوماتها منه ... بيخلقو بلبله جواكى ويطلعو جيل بلا هويه او انتماء ..
تاليا : طب الأفروسنتريك
أدم شاور : الغبى ارضه واخدها منه وأباد شعب كامل وبيقنعه بارض غير ارضه وبحياه غير حياته بحجة ان بعض ملوك مصر كانو ذو بشره سمراء فى حين إنهم هما إلا واخدين ارضه وأباد.و شعبه او بيفتتو فيهم طول الوقت
يعنى أمر.يكا أصلا لا دا اسمها ولا ولا دول سكانها الاصلين
منال نطرت ايديها : وإيه يعنى داحنا عندنا فى البلد البيضه والسودا والقمحيه وكل لون يا باطسطه
أدم : سبحان الله إلا مش فاهم مصر وطبيعة مصر يستغرب .. البلد الوحيده إللى عرقها وأصلها موجود منه جميع اشكال البشر وألوانهم يعنى تنوع البشر فيها لا له علاقه بإستعمار ولا غيره .. عندنا المناطق الحاره جدا والمناطق البارده والمنطق إللى مناخها معتدل وكل شئ .. لما اتكلم عن الصاعيده والا النوبه والا القاهرين والا الشرقاويه والا أولاد القناه .. والا سينا وسانت كاترين .. هاتلاقى هنا أسمر .. هنا قمحى .. هنا أبيض .. هنا اشقر .. كل الالوان موجوده على ارضها الإختلاف إن ملامحنا مش بارزه جدااا ولا حاده وهنا الرسم الفرعونى او المصرى القديم بيبنه إن حتى لو فى ملوك او إمراء ذات بشره سمراء بس ملامحهم هاديه وليس بارزه بشكل حاااد أو ملفت .. ودا طبيعى لأننا جزء من إفرقيا .. بعض الرسومات إللى كانت بتوضح أعداء مصر أثناء القبض عليهم أو الحرب معاهم بيغمق اللون تماما .. بيجعل بروز المناخير والشفايف بشكل واضح وقوى واغلب الرسومات دى بتبقى على شبشب الملك بمعنى هم تحت الاقدام .. أو على العربيات الحربيه أو مربطين ومكبلين على عصايه الملك بمعنى انتو فى قبضة إيدينا .. فا من قديم الزمان عقيدة المصرى فى الدفاع والتمسك بالارض لزال لوقتنا هذا لم ولن يتغير المصرى يكره من يعتدى على ارضه مهما كان ومسجل أن الدفاع عن ارضها ضد اعدائها هو رقم واحد وأول أولويته لإن كل شبر فى ارضها جنه الله على الارض جميله جمال خلاب ومليانه بالكنوز الربانيه حماها الله وراعاها وحفظها هى وأهلها وجيشها
تاليا بفضول : أكتشف ايه
أدم : فى عز تقدم مصر وفترات الاستعمار المتتاليه لها دا عمره ما يأثر عليها كا علماء وعلم .. تم التنقيب عن الاثار واكتشافات كتيره وكبيره جداااا .. الإكتشافات دى لازم يبقى معاها برديااات ودا كان بيميز القدماء المصرين حبهم للكتابه وتدوينهم لكل شئ بجانب الرسم .. فى الطب والهندسه والفلك والزراعه وجميع العلوم مش الدفن والمقابر فقط لان مقبرة كل شخص كان بيكتب كل اعماله ومراحل حياته خصوصا البرديات إلا بيدون فيها علمه على مر تاريخه ودا جزء من حياته إللى بيدفن بيه .. سر.قو بر.ديات كتيره مدون فيها علم المصرين وتواريخ مهمه بيتم طمثها وادله لحقائق مرعبه هاتسحقهم لو قامو عليها العرب كلهم وخصوصا المصرين ها ينقلب الحال تماما وترجع هى القوى العظمى المسيطره على العالم كما كانت .. هز راسه .. وإن شاء الله إحنا فى طريقنا لكدا
تاليا ابتسمت : بجد يعنى ممكن نسترد مكانتنا تانى
أدم : إن شاء الله برغم كل التحديات والصعوبات والتديق علينا لأنك ماتعرفيش إحنا بنتعرض لكمية تديق وحصار حتى من بعض الدول ماتسمى بالشقيقه للأسف وإللى ظاهر فى الصوره العكس بس ان شاء الله الامور هاتتقلب لصالحنا بكل الأحوال وبكل الكره المحيط بينا والاشاعات المغرضه .. عندنا علماء ودكاتره ومهندسين وعمال مخططين للعالم كله ومطورين فى كل المجالات بيتم إسترداد علمائنا والاستفاده منهم فى المرحله الجايه وبنخطط ومش هانسمح لحد يدمرنا او يرجعنا من تانى بأمر الله .. الوقت بس إلا صعب وفيه ضغط على الكل
تاليا مطت شفايفها : شئ محزن إن علم الناس وإجتهادها يعرضها للخطر ويعرض وطنهم للخطر
أدم نطر ايده : فى علماء عرب كتير من بلاد عربيه شقيقه انتهى بيهم الحال لنفس المصير .. طول الوقت بيكسرو إمكانيات العرب عشان الشباب تجرى عليهم بأسم العلم والتطوير العلمى وللاسف يتحرم من حياته لو فكر يتكلم أو يرجع
تاليا بفضول رهيب : كدا فى ولد وبنت .. هما فين يا أدم
أدم بصلها : عايشين يا تاليا وهاتشوفيهم قريب ان شاء الله عشان دول المفروض كانو استلمو منك الامانه إلا كان ابوكى ها يأمنك عليها قبل موته بس قدر ربنا سبق كل شئ
تاليا : لما هما عايشين ماجوش طالبو بحقهم وخدوه من عمى ليه
أدم ميل راسه : ازاى وكل شئ كان بأسم ابوكى وبقدرة قادر بقى بأسم عمك
تاليا بإعتراض وهجوم : ولو .. فين دورهم سايبنا فى عين المدفع عشان يكبشو فلوس على الجاهز يا أدم دا هبل وإستغلال فين بنتهم ..
أدم : بنتهم كانت عامله حادثه كبيره جدا وانتى عمرك سنه تقريباااا قعدت فى غيبوبه عشر سنين ولما فاقت سفروها لانها ماكنتش بتمشى ولا بتتكلم قعدت تتعالج عمر بحاله جسدى ونفسى لحد ما اتحسنت من قريب وقررت ترجع مصر تدور على حقها
تاليا هزت راسها : ماشى لو دى لها عذرها وفى اسباب منعتها من دا أخوها .. ليه أخوها ماجاش ولا طالب بحقه
أدم رفع صباع : الوحيده إللى من حقها تطالب بالفلوس هى البنت
تاليا ضمت حواجبها : إشمعنا انت بتقول ان كل شئ كان بأسم بابا يعنى عايزين قاعده بشكل ودى عشان املاكهم ترجع .. المحاكم ادام مفيش تزوير والاملاك منقوله بصوره رسميه محدش هايعرف ياخد حاجه ووكل الاملاك هاتروح ليا ولأخواتى كاميراث .. إلا إذا بابا كتب حقهم بيع وشرا لهم
أدم : بغض النظر عن إللى بتقوليه ها انقل ذهنك لمشهد تانى .. لو هى مراات هشام ومخلفه منه بنوته مش حقها تورث في ابوكى شرعا
تاليا بصدمه برقت : نعم .. مين دى إللى مرات مين ومخلفه من مين .. بابا كان متجوز على ماما لايمكن يعملها بابا راجل مفيش زيه عمره ما خان مراته ولا قدم خطوه إنه يجرحها شكلك عايز تلعب بيا وبفكرى بتبرر افعالك وبتقولى أبوكى مش أحسن منى
أدم اتعدل : إيه دخلنى فى النص دلوقت
تاليا زعقت : كلامك .. حكتلى قصة طويله عريضه عشان تقول بابا متجوز بنت سلطان ومخلف منها
أدم وقف وبحده : أنتى عامله زى الصاروخ عايزا تهبى فى وشى وخلاص .. أبوكى كان متجوز بنت سلطان ياتالياااا ومخلف منها بنت والاملاك دى كلها بأسم بنتها يعنى أخو مرات ابوكى ملوش دور غير انه يحمى اخته ويرجعها تطالب بحقها وحق بنتها
تاليا قامت وحطت ايديها ورا ضهرها : أنت كداب يا أدم .. لو ليا أخت من ام تانيه ماظهرتش ليه هى كمان مش بقولك انت وجودك فى حياتنا خطر .. ولعلمك بقى مش هاتعرف تهز صورة بابا فى عيونى انت فاهم
أدم قرب منها وراسه بقت مقابل راسها ملامح وشه بقت حاده : صورة بابا .. صورة بابا .. أنا مصلحتى ايه انى اهز صورة ابوكى .. وبعدين انا بقول فى حقه ايه عشان اهز صورته .. زق راسها .. إعقلى كلامك وإعقلى بقى انا جبت أخرى منك ومن إتهاماتك لا عايز تسمعى منى حاجه ولا عايزا تصدقى حقيقه أنا بقولها لمجرد تداقينى وتعارضينى ..
تاليا بعصبيه زقته : أنا جربت يبقى ليا ضره وكرهتك وكرهت اسلوبك وعارفه يعنى ايه راجل يتجوز على مراته وبابا مش كدا .. بابا مش ها يكون نسخه من عمى ولا منك
أدم بغيظ : محسسانى ان كل المتجوزين على ستاتهم ناس ماتتعاشرش .. شاور عليها .. عادى جدا يبقى الست هى إللى ما تتعاشرش مش لازم نظلم الراجل خصوصا فى وجود حضرتك ودماغ حضرتك
منال قامت هى وكريمه : صلو على النبى يا جماعه جرا ايه دا الشيطان مستنى يعمل اى حكايه بينكم
تاليا رافعه راسها بصاله وبتتعامل بغيظ غير طبيعى بالمره
أدم : حطى نفسك مكان بنت الست دى هاتعملى ايه هاتكرهى ابوكى
تاليا بجنون : وها أكره الست إلا خربت حياة ضرتها وعكننت عليها عيشتها خلتها شئ فارغ من جواها .. ايوا ها أكره كل شئ أنا ابقى بنت ضره سرقت الراحه والفرحه من بيتهم أناااا اوعى ابدااا تفكر تحطنى فى وضع زى دا فاهم ولا تعمل مقارنه فارغه كفايه إتهام راندا انى سرقتك وهديت حياتها ..
أدم بحده : أنا مش لعبه عشان تسرقينى ولا هى تسرقنى واتعاملى معايا باسلوب محترم عشان ماتزعليش منى أنا أتحملت فوق طاقتى بكتير معاكى
كريمه مسكت دراع أدم : صلى على النبى يا سى ادم هى ماتقصدش حاجه اعوذ بالله من الشيطان الرجيم
تاليا بتأكيد بصاله : لاء اقصد واقصد كتير كمان .. ولعلمك بابا وماما خط أحمر إبعد عنهم نطرت ايديها .. وياريت تبعد عنى أنا كمان أنا مش شايفه نفسى معاك غلطت وعايزا اصلح غلطى
منال حطت ايديها على بوئها وهى بتقول بصوت هامس : يالهوى يالهوى .. شدتها .. جرالك ايه ياتاليا ماكنتى بعقلك
تاليا زعقت : هو خلى فيا عقل بجد بكرهك وكلمة بكرهك شويه عليك ماتطلقنى وخلى عندك كرامه مفيش راجل يتحمل إللى بقوله غير واحد معندوش كرامه وهنا الاتنين شهقو وأدم قبض على إيده باصص لها قالها وهو بيضغط على نفسه وعيونها جمرتين من شدة الغيظ : أنتى