قصة عشقت بالصدفه
البارت الثاني 2
بقلم مجهول
ندى : الورد
دوست على الورد
غبي، متوحش، همجي
اوووووف،
وجابت الورد من على الارض واشترت ورد تاني، وراحت المقبره تزور أهلها
ندى دخلت وحطت الورد قصاد قبرهم
ندى :ازيك ي ماما........ ، اذيك ي بابا،...... عاملين اي،..... وحشتونى
انا عارفه اني بجيلكم كل يوم وبتزهأو مني....... بس اعمل اي، بحب احكيلكم كل حاجه بتحصل معايا، انتو عارفين انا اتأخرت عقبال ما جتلكم النهارده ليه،،، علشان في واحد غبي قابلته النهارده وانا رايحه الجامعه كان هيخبطني بعربيته ال اخر موديل، بس متقلقوش انا كويسه، المهم، قبل من شويه قبل ماجي، مش عارفه انا قابلته تاني ليه اصلا؟، يمكن صدفه، مش عارفه، بس انا معنديش استعداد اقابل واحد مغرور ومتكبر زيه تاني، مش هنقضي اليوم كله نتكلم عليه،
انا عايزه اقلكم ان متقلقوش عليا انا واحمد، احنا كويسين الحمد لله، واحمد مخلي باله مني متقلقوش، اكيد احمد برضو بيجي وبيحكيلم حجات كتير، انا عارفه انه رغاي اوي، معلش استحملوه هنعمل اي
انتو وحشتونى اوي علي فكره
يمكن الحاجة الوحيدة ال مصبراني على فراقكم هي احمد اخويا، بس العيشه من غيركم صعبه اوي، فإن سنين كتيره على موتكم، بس كل يوم بتوحشوني عن اليوم ال قبله
(في دمعه نزلت بس مسحتها بسرعه )
يلا بقى انا همشي بقى، وهجيلكم بكرا تاني، مع السلامة
(ومشيت من عندهم )
بليل
في البيت عند كارما
كارما ف اوضتها بتكلم ندى وزينه مكالمه جماعيه
كارما :فكك منه دا واحد شايف نفسه على الفاضي، اما نفسي اقابله ب ظرافه امه دي، لا وكمان بجح وبيدوس على الورد
ندى :سيبك بقى، هو انا هشوفه فين تاني
زينه :بعد ال جامعه هتيجو معايا علشان هعمل شوبنج، مش عايزة اروح لوحدي
ندى :يادي النيله، مش انتي عملتي زفت شوبنج النهارده،
كارما :انتي بتكلمي زينه ي ماما، يعني ٢٤ ساعه شوبنج
زينه :ما تبقوش عيال نادلة، مش كفايه ال حربايه ال عندنا ف البيت دي، لزقه ف كريم لزقه،
ندى :مين، رانيا؟
زينه :هتكون مين غيرها، مش عارفه اخويا خاطبها وهيتجوزها على اي، بت متكبره وشايفه نفسها، وعامله نفسها حلوه، يعني انا شايفه ان اخويا يستحق واحده احسن من دي
كارما :اووف وانا كمان مش باطيقها:يلهوي بشوفها صدفه بحس اني عايزه ابطحها بحاجة بس بمسك نفسي ع اخر لحظه
ندى وزينه :هههههههه
ام كارما خبطت ودخلت الاوضه
كارما :بنات، هكلمكم بعدين
وقفلت
الام :كروما حبيبت ماما
كارما :فيه حاجه ي ماما، خير
الام قعدت :مهو خير ان شاء الله
كارما بشك:ممكن اعرف هو خير من انهي نوع
الام :اا، يعني، من الاخر كدا، جايلك عريس
كارما :كنت متأكده ان هو دا الموضوع
الام:ها اي رايك
كارما :ماما حببتي هو انتو للدرجه دي مش طايقني ف البيت، يعني واحده غير مرغوب فيها، امشي يعني، اطفش، اهج من البلد دي
الام :حصل اي ل كل دا يعني، عريس وجه قعد مع ابوكي، فيها أي دي
كارما :قعد مع أبويا؟، عملتو اي من ورايا تاني ي عيشه، ي ترى قرأتو الفاتحه؟
عائشه :يعني برضو مش موافقه؟
كارما :اه مش موافقه
عائشه :هو انتي كنتي شفتيه؟
كارما :مش عايزه اشوفو، مش هتجوز اصلا ي عيشه، انا قاعده على قلبك
عائشه :ي مصبتي، مش هتتجوزي، يعني اي
كارما :يعني اطفي النور علشان هنام
(ومسكت خدودد امها ونامت )
عائشه :ي رب صبرني على البت الهبله دي
في فيلا زينه
زينه كانت ف اوضتها، نزلت ال صالون ل امها و كريم ورانيا
زينه بابتسامة صفره وقعدت :هاي
رانيا بنفس الابتسامه :هاي
اسما بابتسامة :تحبي اجيبلك حاجه تشربيها كمان ي حببتي
رانيا :لا ي طنط شربت، it's so much
اسما :مش كتير ولا حاجة، انتي خطيبت ابني، وهتبقى مراته قريب
زينه :لاسف
كريم: قلتي حاجه ي زينه
زينه :بقول مبروك
كريم :الله يبارك فيكي
رانيا بدلع:بيبي ممكن توصلني، الوقت اتأخر ولازم اروح
زينه :ايوا ي كريم روحها،الوقت اتأخر، دا انا كنت فاكره انها هتبات هني
اسما :زينه
زينه :سكت
كريم :تعالي يلا علشان اوصلك
رانيا :اوك
وطلعو
زينه :انا مش فاهمه اي المياعه دي
اسما :انا مش فاهمه انتي بتعملي معاها كدا ليه، دا انتي عمرك ما ابتسمتي ف وشها
زينه :ولا هبتسم، دي بت ما تستاهلش اخويا، انا مش فاهمه انتي بتحبيها اوي كدا ليه
اسما :طالما مستواها زي مستوانا، يبقى اي ال مانعع من ارتباطهم
: يبنتي دا ابوها حاططلها ف البنك فلوس قد كدا، وبعدين بنت كويسه، مشفتش منها حاجة وحشة
زينه :اه يعني كلكم شايفنها حلوه وانا بس ال شيفاها وحشه
It's too much الصراحه
انا طالعه اوضتي
اسما :اطلعي
بعد ما كريم وصل رانيا، راح ل أدهم ال بار
كريم وصل و أدهم كان قاعد مع بنت وببضحك وبيشرب
كريم قعد جنبهم :سلام
أدهم :اي يعم فينك كدا
كريم :كنت بوصل رانيا، وبعدين انت محتاجني ف اي، ما معاك واحده (وقال ل رجل البار يصبلو كأس )
البنت :اهلا ي بيه
كريم :اهلا يختي
أدهم :اعرفك، ا
كريم قاطعه :استنى استنى، انا هقولك، نهى
أدهم :تؤ
كريم :يبقى سارا ال كانت معاك امبارح
أدهم :تؤ
كريم: يارا؟
أدهم :تؤ
كريم :منه
أدهم :لا منه دي كانت معايا اول امبارح
البنت :يلهوي، انت عرفت كل دول
أدهم :يعني
كريم :كل دول اي ي بنتي دول كانو بنات الاسبوع الفات،
البنت :ينهار اسود انا عارفه انك بتاع بنات بس مش للدرجة دي
أدهم :ليه ي ابني كدا تطلع عليا سمعه وحشه
كريم :لا ي حبيبي انت سمعتك سبقاك، مفيش بنت بتكمل معاك يومين
ادهم :فكك انت من كل ال حوارات دي
يلا ي قمر نطلع ف اوضه من الاوض ال فوق دي
البنت حطت ايديها على كتفه :لا وحياتك، احنا هنروح شقتي
أدهم :هههههههه ، العب
كريم :بعد كل ال قلتهولك دا
البنت :ي بيه هو دا يترفض، دا كفايه عنيه الرصاصي دي، يلهوي
كريم :اممم
أدهم :سيبك منه يلا بينا، دا اليله هتكون صباحي
البنت :يلا بينا ي باشا
تحب اجبلك صحبتي ي بيه، وتطلعو ع فوق، انت برضو مز
كريم :امشي يبت من هنا، انا مش بتاع الكلام ده
البنت :الحق ي بيه دا صاحبك طلع شريف
أدهم :هههههههه، لاسف
وادهم راح مع البنت بيتها
تاني يوم ف الشركه
كريم قاعد ف مكتب أدهم
أدهم ماسك دماغه :يلهوي دماغي هتتفرتك
كريم :مهو من كتر الشرب امبارح يخويا، قولي انبسط امبارح
أدهم :اه انبسط، هههههههه
كريم : مسيرك تحب وال هتحبها دي هتربيك من اول وجديد
أدهم :مستحيل دا يحصل، انا عايش حر طليق، ولا هحب ولا اى حاجة
كريم :هنشوف
هروح اشوف شغلي بقى
(وراح المكتب بتاعه )
وادهم للحظة افتكر ندى
أدهم :هي بتيجي علي بالك ليه انا عايز افهم، دي واحده قابلتها صدفه مرتين، دا حتى متعرفش اسمها، وممكن متقابلهاش تاني
(ربما تقودك الصدفة دون شعور،إلى حب لم يخطر على بالك يوما )
في الجامعه،قاعدين على المدرج
زينه بتوريهم على الموبايل صور
فساتين اخر موديل
ندى :الله، دا حلو اوي
وزينه بتقلب جت صوره احمد، بس زينه قلبت بسرعه
ندى : احمد اخويا من ضمن الفساتين
كارما :لا وانتي الصادقه من ضمن العاشقين
زينه :بس ي بت انتي ما بتصدقو تلاقو حاجه تحفلو عليا بيها
كارما :اسكتي مش امي جيبالي عريس
ندى :وطبعا زي كل مره رفضيته من قبل ما تشوفيه
زينه :sure
كارما :ماما مش قادره تقتنع اني مش عايزه، مش عايزه، اغنيها
زينه :لا صوتك وحش
ندى :هههههههه
زينه :مش عايزه احضر محاضرات تاني، يلا نعمل شوبنج
كارما :لا، شوبنج لاااا، هتفضلي كل ما نمشي خطوه، واااو الخاتم دا تحفه، واو الفستات دا جميل
زينه حببتي انتي فاتحه بيوت ناس كتير اوي وانتي متعرفيش
ندى :هههههههه صحيح
زينه :يلا ي بنتي انتي وهيه بلاش دلع
وركبو عربيه زينه وانتطلقو
في شركة أدهم وكريم
في ال meeting room
كريم وادهم قامو سلمو على المندوبين
كريم :هنتقابل تاني بإذن الله
أدهم :مع السلامة
ومشيو
وادهم قعد واتنهد
وكريم قعد جنبه
كريم :الصداع راح
ادهم :اه شربت قهوه والصداع راح
تليفون كريم رن وكانت رانيا
كريم :الو
رانيا :انت مبتردش عليا ليه
كريم :كنت ف meeting مهم ،وكنسلت عليكي كذا مره، تفهمي من دا أي بقى، ان مشغول
رانيا :اوووف، انت شغلك واخدك مني ي كريم
كريم :شغل اي ال واخذني منك، هو انتي عمرك طلبتني ف اي وقت وانا مكنتش موجود
رانيا :مهو ي بيبي انت بتوحشني،
كريم: طيب ي رانيا، هبعتلك لوكيشن مطعم نتقابل فيه
رانيا :اوك
وقفل
أدهم :متأكد انك بتحبها
كريم اتنهد :مش عارف
أدهم :بس انا عارف
، انت محبتهاش، مش عارف هي ف حياتك بتعمل اي
كريم : انا هروحلها، علشان متقلش اني بقصر معاها ف حاجة
ادهم :ماشى روح
كريم :هرجعلك تاني
أدهم : لا لا خد راحتك، أنا هروح
المول اشتري هديه ل واحده اتعرفت عليها النهارده الصبح
كريم :هههههههه، النهارده الصبح، لحقت تطبقها
أدهم :عيب عليك ي ابني، صاحبك مش قليل برضو
كريم:عارف، ههههههه، انا همشي بقى
أدهم :تمام
في مول كبير ف مصر
ندى وزينه وكارما دخلو محل بيبيع لبس
الشغاله ف المحل :اتفضلي ي انسه زينه، تحبي اجيبلك حاجه معينه
زينه :اه بعد اذنك هاتي ال كولكشن الجديد
البنت :تحت امرك
كارما بصت على سعر فستان
كارما :ينهار اسود
ندى وزينه جريو عليها
ندى بخضه :في اي
كارما :الفستان غالي موت، دا سعر فستان ولا إيجار شقه
زينه :يخربيتك خضيتينا
كارما :زينه حببتي هو انتو اغنيه للدرجه انكو تخشو محلات من ديه
زينه :هههههههه، يكارما
البنت جابت ال طلبتو زينه
البنت:اتفضلي
زينه :وااو، اي رايك ي ندى
ندى :فعلا حلوين اوي
زينه :انا هاخد دا، ودا،،
ودا، هروح اقيسهم، استنوني هنا
كارما :اوك
وزينه دخلت
وكارما استنت قدام ال بروفا
وندى طلعت برا المحل تتمشى ف المول
ندى وهي ماشيه وقت كتب المحاضرات والشنطة، ونزلت تلمهم
وواحد نزل يساعدها
ندى :شكرا
أدهم بابتسامه :العفو
ندى وقفت :انت،
(رب الصدفه خير من ألف ميعاد )
ندى :انت بتراقبني
أدهم :اكيد يعني مش هعمل كدا
مش من جمال عيونك هراقبك يعني
ندى :امال اي تفسير كل الصدف دي؟
أدهم :مش عارف، صدفه مهببه،
انا لو اعرف انك هنا مكنتش جيت المكان دا
ندى اتغاظت واتنرفزت وكانت هتمشي
أدهم :هو انتي اسمك ايه
ندى لفت له وبصتله ومشت من غير ما ترد
أدهم :هههههههه
وفتح الصور ال كان مصورها ل ندى وهي مش واخده بالها
فلاش باك
أدهم طلع من محل بعد ما جاب الهديه، وشاف ندى ماشيه وسرحانه
ووقف ف جنب يراقبها
وربع ايده وفضل باصصلها
وفجأه جتله فكره انه يصورها
وطلع التليفون وصورها
أدهم :انا مش عارف معنى ال انا عملته دا أي
بااااااك
أدهم وهو بيقلب ف الصور ومبتسم
وعمل زوووم على لون عنيها
أدهم :مش عارف ليه بحب اناغشك وادايقك
عند ندى قابلت صحابها،
كارما :كنتي فين ي ندي، دورنا عليكي كتير
ندى :كنت بتفرج على حاجه هنا، المهم، جبتي ال انتي عيزاه ي زينه
زينه :اه يلا بينا نروح
بعد شويه وقت، أدهم راح يقابل البنت ال جابلها الهديه، ف المطعم
أدهم قعد :سلام
البنت بدلع: ازيك ي أدهم عامل اي
أدهم :الحمد لله انتي عامله اي ي ريم
البنت كشرت :ريم مين، انا مش ريم
أدهم :اسف انتي مي
البنت بعصبيه:انا هدير ي أدهم، لحقت نسيت اسمي من كتر البنات ال عرفتها
وسابته ومشيت
أدهم :استنى طيب خدي الهدىه
، مشيت، من نبرك ي كريم
وادهم قاعد لقت بنت جايه عليه
أدهم :ينهار اسود، اي ال جاب البت دي هنا، هو دا وقته
البنت:هاي
أدهم :اهلا
البنت :انت مش فاكرني ي أدهم
أدهم :احم، لا الحقيقه مش فاكرك
البنت قعدت :انا مريم، ال قابلتك ف أوتيل وطلعنا الاوضه سوا
(وغمزتله) ، فاكر
أدهم :لا مش فاكر، ولو دا حصل كنت افتكرتك اكيد
عن اذنك
وقام بسرعه
البنت :طبعا مش هتفتكرني، منتا هتفتكر مين ولا مين، مانت كل يوم مع واحده