قصة عشقت بالصدفه
البارت السابع 7
بقلم مجهول
في شركه ادهم وكريم
كريم ف مكتب ادهم
كريم /مالك ي معلم النهارده شايفك قاعد سرحان من اول م جيت الشركه
ادهم/ لا عادي ،مفيش حاجه
كريم / اممم، اوك
ادهم بنت رنت عليه بس هو كنسل
كريم /انا مش مصدق ،بجد والله،معلش العتب علي النظر. مش شايف ،انت كنسلت علي بنت، ولا بيتهيألي
ادهم /مش جالي مزاج ارد علي حد ،اي الغريب ف كدا
كريم /تؤ ،مفيش حاجة غريبه ،انا قلت ان في حاجة غريبه ،عادي يعني
ادهم /ماشي
كريم /هروح مكتبي بقي اشوف شغلي ،
وطلع من المكتب لقي ندي وكارما ف وشه
كريم /انتو بتعملو اي هنا
ندي/ دا مكتب ادهم
كريم /اه هو
ندي دخلت المكتب
كريم /هو في اي
كارما /مفيش ،ندي هتقول حاجه لادهم وهتطلع
كريم /ممكن عقبال ما يخلصوا كلام تتفضلي ف مكتبي نشرب حاجه
كارما/لا مش مهم ،هستناها هنا
كريم /تمام
في مكتب ادهم
ادهم /بتعملي اي هنا
ندي /ممكن اتكلم معاك خمس دقايق بس
ادهم بص ف الورق آل قدامه /لا ،ورايا شغل
ندي /انا عارفه ان آل كلام آل قلته امبارح دا ميصحش،بس انا معرفش قلت الكلام دا ازاي ،انا فعلا حاسه بيك
ادهم بعصبيه / حاسه بيا ازاي،ممكن افهم ازاي ،لو حاسه بيا بجد مكنتيش قلتي الكلام دا ،بتقولي علي اهلي ناس قليله الزوق ومعرفتش تربي،هل انتي قابلني اهلي علشان تقولي الكلام دا ،اتعاملتي معايا مرتين تلاته وحكمتي عليا منهم ،ممكن بقي تتفضلي علشان ورايا شغل
قدام مكتب ادهم
كريم /ممكن اسالك سؤال
كارما /قول
كريم /هو انتي بتتعاملي معايا كدا ليه ،واخده مني موقف؟
كارما /وانا اخد منك موقف ليه ،هو في بينا تعامل اصلا علشان اخد منك موقف
كريم /ي ساتر ،ي ساتر ،يبنتي مبتعرفيش تتكلمي كلمه عدله ابدا
كارما /لا ،مبعرفش
رانيا دخلت عليهم وادايقت انه واقف مع كارما
رانيا حطت ايدها علي كتفه /كدا ي بيبي ،عماله ادور عليك ف الشركه كلها
ادهم نزل ايدها /بتعملي اي هنا
رانيا بدلع/جايه اشوف خطيبي ،فيها حاجه دي
اه سوري ،مختش بالي ان كارما هنا
كارما بصتلها بقرف
رانيا /عامله اي ي كارما
كارما /اي ي بت التمثيل آل انتي في دا ،قدام كريم عامله البريئه،ومن وراه حياه من تحت تبن
رانيا/ انا برضو الحيه،شوفي انتي الطريقه البتتكلمي بيها ،محدش بيطيقك بطريقتك دي
كارما كانت هترد بس باب مكتب ادهم انفتح
وندي طلعت
ندي /يلا ي كارما نمشي
كارما /يلا
كريم /انا هخش ل ادهم، استنيني هنا
رانيا /اوك
.في المكتب
كريم /هو اي الخلاف آل كان بينكم ،كارما مقلتليش حاجه
ادهم حكاله
كريم /بس هي برضو مكنتش تعرف ان اهلك متوفيين
ادهم / تعرف بقي متعرفش هالموضوع انتهى، معنتش عايز اشوفها تاني
كريم /متاكد
ادهم /آل مدايقني اني كنت بحاول اقرب منها ،لأن في حاجه شداني نحيتها مش عارف اي هي ،ومقابل دا اي ،إنها تهين اهلي ،اهلي آل ملحقتش اشبع منهم اصلا. اهلي ال ماتو وانا عيل ،بس فكك من كل الحوارات دي وانسي، ورانا شغل كتير
عند احمد وزينه
كانو واقفين علي الكورنيش
زينه /أحمد، انا جبتلك هديه بس عايزاك تقبلها مني والنبي
احمد /هديه اي
زينه طلعت ساعه غاليه
زينه /دي
احمد /لا ي زينه ،مش هقدر اخدها، شكلها غاليه
زينه بكذب/ لالا لا دي مش غاليه ،صدقني ،دي عاديه جدا ،انا عارفه انك مبتحبش الحجات الغاليه، علشان كدا جبت دي
لو سمحت اقبلها
احمد / متاكده انها مش غاليه
زينه /اها
البسها بقي .
احمد لبسها /حلوه ؟
زينه بابتسامة/ تحفه
احمد/بس انا المفروض آل اجبلك هدايا مش انتي
زينه /أحمد، هو انا بالنسبالك اي ،يعني ،أقصد لما بكون معاك شايفني ازاي ،يعني ،ولا اقولك انسي
احمد /بنفس الطريقه آل انتي شيفاني بيها
زينه بفرحه /أحلف
احمد ضحك/والله العظيم
زينه /يعني حاسس بحاجه
احمد بص حواليه /أظن أن دا ولا المكان ولا الوقت المناسب، هههههه،احنا علي الكورنيش
زينه ضحكت /صح ،معاك حق
احمد بص ف عينها /لما يجي الوقت المناسب هقولك
زينه بدوخه /لالا كتير ،كتير عليا والله العظيم ،مفجأات كتير بتحصل النهارده
احمد /مالك بس،انتي هيغمي عليكي ولا اي ههههههه
: كارما راجعه البيت ،وخبطت ومامتها فتحت
كارما/ مالك ي ماما متشيكه كده ليه، هو انتي وبابا خارجين
عائشه /اوعديني انك مش هتتعصبي وتفضحينا قدام الناس لما تخوشي
كارما دخلت /ناس مين
كارما بصت ف الصاله لقت باباها قاعد مع شاب ف سنها و جمبه واحده كبيره ف السن شويه
كارما /ممكن حد يشرحلي في اي !
محمد /تعالي ي كارما اقعدي ،الحاجه حكمت وابنها حسني جايين يطلبوا ايدي
كارما /ويطلبو ايدي لي ،انا محتاجه ايدي ،حد قالك اني مش محتجاها
حسني /هيهيهيهيهي دمهاخفيف
كارما /هيهيهيهيهي؟!!!!
محمد /كارما
حكمت/ تعالي ي حبيبتي تعالي اقعدي جنبي، فسح ي واد
كارما /فسح !لا ي حسني متفسحش ،لا ي طنط، انا هقعد جنب بابا هنا
كارما قربت من ابوها و بهمس/ بتحطني قدام الامر الواقع انت وعيشه ،ماشي
حكمت/ احنا هنخش ف الموضوع علي طول ،بنتك كريمه عجبت ابني وجايين نطلب ايدها
كارما شاورت علي نفسها /كريمه مين. انا ؟!
عيشه /احم ،اسمها كارما ي حجه
حكمت/ كريمه كارما ،واهو كله كرم هيهيهيهي
حسني/ هيهيهي
كارما /هو انا المفروض اضحك ولا اعمل اي ،يلا ي كارما هي أول مره ،استعني علي الشقي بالله .
كملي ي طنط
حكمت/ جايين نطلب ايدك ل ابني حسني ،قلتي اي
كارما /قلت موافقه
عيشه ومحمد بصت لبعض ب صدمه / موافقه ؟!
حكمت /علي بركه الله ،
كارما /بس انا ليا حبه شروط كدا
حسني /طبعا ،طبعا وماله ،عروسه وبتتشرط هيهيهي
كارما /فرحي يبقي ف أكبر اوتيل ف مصر
حكمت/ اي ال اوتيل دا يواد ي حسني
حسني/مش عارف ي امه ،يمكن بيركنو في العربيات دا ولا اى
كارما /وعايزه شهر العسل ف باريس ،و مهري يكون ٨٠٠ الف جنيه ،٨٠٠الف جنيه قليل اوي نخليها مليون جنيه احسن
وهنعيش ف كومبوند طبعا ،وهنجيب ل ماما وبابا كومبوند جنبنا علشان بيوحشوني طبعا مش اهلي
حكمت بدوخه/الحقني ي واد ي حسني ،الحقني هيغمي عليا ي واد
حسني /اما، في اي ي امه
عيشه جبتلها مايه /اشربي
عيشه شربت و قامت /الظاهر ان بنتك اتجننت يحج محمد ،بتطلب طلبات غريبه فوق مقدره اي حد ،قوم ي واد ي حسني
حسني /ي امه بس
حكمت /مبسش، هجوزك ست ستها عن اذنكم
ومشيو
كارما /مع السلامه ي طنط
محمد بعصبيه /ممكن افهم اي آل عملتيه دا
كارما /عملت اي ،رفضته زي ما رفضت آل قبله
عيشه /وترفض ليه ، مش عايزه تتجوز ليه،
كارما /انا حره ي ماما ،هتجوزوني بالعفيه، وبعدين لي محسسني اني عنست، انا لسه ف الجامعه ،لسه مخلصتش تعليمي ،وحتي لو خلصت ،انا مش هتجوز
عن اذنكم هخش اوضتي
ودخلت
محمد /بنتك دي هتموتني ،
محمد /بعد الشر عليك ي اخويا
تاني يوم ف الجامعه
كارما /امي لو دخل حرامي البيت هتعمله شاي وتقعده وتقوله البت مش عايزه تتجوز
ندي وزينه/ هههههههه
زينه / اسمعه الخبر بتاعي بقي
كارما وندي /اي
زينه /أحمد لمحلي ان هو كمان بيحبني
كارما /اييييه
ندي /شوف الواطي ،مقليش حاجه
زينه /انا مبسوطه اوي ،انا مقدرتش انام من امبارح من الفرحه
كارما وندي حضنوها /ربنا يحققلك آل ف بالك
كارما /يعني احمد هو كمان طلع بيحبك
زينه بفرحة /اها
ندي /انا كان قلبي حاسس
ندي /اسمعه خبري انا كمان
زينه /اي
ندي /بعد ما خت منك رقم ادهم علشان اعتذر منه ،اول ما عرف آل انا قفل ف وشي
كارما /انتي عملتي آل عليكي ،واعتزرتي وهو مش قبل الاعتذار، خلاص بقي
ندي /اوووف
زينه كانت ماسكه كيس
كارما /اي الكيس دا
زينه /اه نسيت اقولكم، شوفته ف محل الاكسسيورز، دي كلبشات لونها بينك
، عجبتني اوي ،قلت احطه ديكور
ندي /كلبشات
زينه /اها
ندي خدتها منها
ندي /هعمل مشوار سريع واجي
كارما /علي فين ي ندي احنا لسه واصلين الجامعه ورانا محاضرات
زينه /مشيت .
بعد قليل من الوقت ،ندي مستنيه عند شركه ادهم
وبعد شويه ادهم وصل
ادهم نزل من العربيه وشافها وراح لها
ادهم /انتي عايزه مني اي
ندي /هتكلم معاك ٥ دقايق بس
ادهم/وانا مش موافق ي ستي
وكان هيمشي بس ندي لبسته آل كلبشات ولبستها هي كمان
ادهم /بتعملي اي ي مجنونه
ندي/ مش هحل عنك غير لما تسمعني
ادهم بنفاز صبر /قولي آل عندك
ندي /بس، انا عمري ما عملت آل بعمله دا مع حد قبل كدا ،وبذات لو كان حد غريب، يعني اخد رقمه ورن عليه واجي لحد شغله عمري ما عملت كدا ،بس انا فعلا غلط ف حقكك ،انا مش واحده قليله الزوق
علشان اغلط ومعتزرش ،انا فعلا اسفه، ولما قلتلك انا حاسه بيك ،دا مكنش كلام ،انا كمان اهلي ماتو من وانا صغيره ،علشان كدا حاسه بشعور ازاي تعيش من غير اهلك ،ف انا بجد اسفه،اقبل اعتزاري وانا مش هوريك وشي تاني
ادهم /اهلك ماتو
ندي /اه. وانا صغيره
،اي قبلت اعتزاري
ادهم بابتسامة /خلاص ،حصل خير
ندي ابتسمت
ادهم /فكي آل كلبشات دي بقي ،يبنتي انتي مسجله خطر
ندي بتوتر/ افكها!
ادهم /اه ،فين مفتاحها
ندي /هي كمان ليها مفتاح ؟ ،انا معرفش مفتاحها فين ،دي زينه جايباها ديكور، اكيد ملهاش مفتاح ،
ادهم /اييييه