قصة إسمي حياة
البارت الثالث والعشرون 23
بقلم الاء اسماعيل
اللقاء اللي الناس كلها مستنياه 🥰
قربت حنان مني و همست بغيظ : ده ايه الخيبة اللي انتي فيها دي؟؟بذمتك انتي مضيفة انتي ؟؟معقولة سنين و انتي مستنية الفرصة دي و لما تقابليه تستخبي ورانا كدة زي الفار المبلول !! اخص😤 كنت فاكراكي اجمد من كدة 😤
همست حياة : غصب عني يا حنان مش قادرة أشوفه معاها.. ده جاي مع مراته فاهمة يعني ايه مراته ؟
حنان بإصرار : مش لابس دبلة ..احلفلك بإيه أنه مش لابس !
أيمن : لاااا بقى ...ما بحبش كدة..يا اما تحكوا مع بعض بصوت عادي انتي و هي يا إما اطلع و اسيبكم تتكلمو براحتكم....
حياة : استنى كمان شوية هنطلع كلنا سوا
بسملة : و كمان شوية ليه ..ما دمتي مش حاسة نفسك مرتاحة يبقى نطلع دلوقت أحسن
أيمن : طيب ماشي يالا بينا انا رايح احاسب و جاي
وقفنا كلنا ....قلبي كان بيدق جامد . و ايديا بيترعشوا..
حنان خرجت قبل منا عشان تبص كويس عليهم ....وأيمن راح يحاسب ...وانا ما قدرتش اتحرك من مكاني فضلت متسمرة زي ما انا ...لو لفيت و شافني انا ممكن اطب عالارض عادي .
-ارجوكي يا بسملة اوعي تسيبيني انا هامشي وراكي لفيلي كدة و اول ما تبقي قدام مني هنمشي على طول ماشي ؟؟
بسملة - اما انك غريبة بجد !! حاضر
خلص ايمن و جيه يطلع اتفاجأ اننا لسة مكاننا !!
اول ما وصل عندنا قال بتساؤل
-في ايه انتي و هي ناويين تباتوا هنا ولا ايه ؟
بسملة اتحركت عشان تمشي و هي بتهمسلي: معاها حق حنان مشفتش اغبى منك 😤
انا يا دوب لفيت عشان الحقها شفته و فضلت متنحة و انا شايفاه بيحكي معاها و بيضحك هو صحيح كبر شوية ..بس لسة مز زي ما هو !!
كنت لسة هاتحرك لما أيمن الغبي ناداني : مش يالا يا حياة !! ورانا طيارة بعد نص ساعة !!
اول ما نطق اسمي انا فقدت القدرة على الحركة و اتزرعت مكاني زي شجرة و هو اول ما سمع الإسم رفع وشه ...ونظراتنا اتقاطعت مع بعضها !!
بصلي من فوق لتحت و بعدها ركز في عينيا بدهشة
كنت لابسة فستان شتوي اسود قصير مع حزام ذهبي عريض و فوقيه جاكت جلد اسود و هاف بوت كعب عالي اسود بسلسلة برونزية و جوارب نايلون سودة و شايلة شنطة GUCCI سودة شبه الهاف بوت
شعري قصير بقصة عصرية مصبوغ بلون اشقر غامق مع خصل ذهبية و طبعا مع ماسكات العناية بالشعر و البشرة و الفيلر و الميكب كنت شبه الممثلات ... تغيير جذري في مظهري خلاه فاتح بوقه شبرين .. الحاجة الوحيدة اللي فاضلة من حياة القديمة اللي بيعرفها هي السلسلة بتاعته اللي مكنتش لابسة اي اكسسوارات غيرها و مستحيل اغيرها مهما اتغير استايل لبسي
اللي قدامه دلوقت مش حياة اللي في ذكرياته..... البنت البسيطة الفقيرة...مكنتش حياة اللي يعرفها أبدا
بصلي و هو مصدوم .. وشه راح الوان و جاب الوان تانية ...ملامحه اتغيرت للذهول ..و اللمعان اللي في عينيه كان خليط ما بين الفرحة والحزن...نظرات مدتها ثواني معدودة ..عدت عليا كأنها ساعات ..
بعد أكثر من 3 سنين... اخيرا قابلته ..بس لحظتها حسيت كأننا افترقنا امبارح......كأن اخر مرة شفته كانت امبارح....
اتماسكت و صلبت طولي بالعافية احسن رجليا مكانتش قادرة تشيلني من صدمتي...و هو قام من مكانه وعمل نفس اللقطة لي كان بيعملها من قبل معايا لما يتوتر ،فرك لحيته و رفع حاجبه....لقيت نفسي ابتسمت تلقائيا ..دي نفس الحركة اللي ثبتتني و ذوبتني فيه من اول نظرة لما عرفتنا هدى .. لسة فاكراها ..
كنت في اللحظة دي لاغية وجود أي حد تاني غيرنا حتى اني ما شفتش شكل الست اللي كانت معاه ولا بصيت ناحيتها ...كنت شايفاه هو بس
قرب مني و بصلي تاني من فوق للتحت...... مع دهشة كبيرة في عينيه و قالي : حياة ؟؟
رديت بتصنع الهدوء و الثبات: حسام ! أهلا ..ايه الصدفة الغربية دي ..
حنان -هي قالت حسام ؟؟
بسملة بدهشة : بتتكلمي بجد ؟ حسام هنا ؟
أيمن : بتتوشوشو على ايه انتي و هي ؟؟
ردت حنان و بسملة في وقت واحد : ملكش دعوة انت !
رديت بصدمة و انا الحرف بيطلع بالعافية : اااه ..هو!!
بصت حنان من غير ما تلفت انتباه حد و همستلي بذهول - اللي معاه بنت ده ؟؟
غمضت عيني و هزيت دماغي من غير ما اتكلم
لفت بسملة بهدوء و همست لحنان: لا مز بجد !!
شهقت حنان : مز بس ؟ يخربيييت جمال امه !! هو فيه كدة حلاوه يا بت !!! لا كدة ليكي حق تتجنني عليه ..و كمان ليها حق الو,اطية صحبتك تلف عليه ! ده الواد صنية كنافة بالقشطة يا بت المحظوظة !!
همست لها بسملة : مش وقت جنانك ده مش شايفة البت مش قادرة تأخذ نفسها حتى !!
اتكلمت بصوت مهزوز : حنان ..بسملة ... انا لازم امشي
حنان :تمشي تروحي فين !! إنتي عبيطة ي بت ؟؟
قلت بضيق : مش عايزة اقعد ...يالا نطلع قبل ما يشوفونا
أيمن :مش هتقولولي منك ليها ايه الحكاية ؟
قلتلهم بحدة - يالا انتي و هي 😓
أيمن :لا انا لسة ما خلصتش الشاي بتاعي و الكيكة دي تحفة حرام اسيبها ...و لسة رحلتي كمان ساعة
قلتله و انا جسمي كله بيترعش : طب خلينا نبدل اماكن ارجوك يا ايمن !
بصيت لبسملة و كملت: بسملة خبيني انتي اطول مني 😥
غيرنا مكاننا انا و أيمن اللي كان مستغرب و مش فاهم حالتي اتغيرت في ثانية ليه ؟
استخبيت انا قدام بسملة و احنا الإثنين مديينه بظهرنا هو و الست اللي معاه و قعد ايمن و حنان قصادهم
انا كنت باترعش زي ورقة وسط الريح و حنان مبطلتش تبص عليهم كأنها بتعمل لهم اشعة مقطعية من فوق لتحت
قربت حنان مني و همست بغيظ : ده ايه الخيبة اللي انتي فيها دي؟؟بذمتك انتي مضيفة انتي ؟؟معقولة سنين و انتي مستنية الفرصة دي و لما تقابليه تستخبي ورانا كدة زي الفار المبلول !! اخص😤 كنت فاكراكي اجمد من كدة 😤
همست حياة : غصب عني يا حنان مش قادرة أشوفه معاها.. ده جاي مع مراته فاهمة يعني ايه مراته ؟
حنان بإصرار : مش لابس دبلة ..احلفلك بإيه أنه مش لابس !
أيمن : لاااا بقى ...ما بحبش كدة..يا اما تحكوا مع بعض بصوت عادي انتي و هي يا إما اطلع و اسيبكم تتكلمو براحتكم....
حياة : استنى كمان شوية هنطلع كلنا سوا
بسملة : و كمان شوية ليه ..ما دمتي مش حاسة نفسك مرتاحة يبقى نطلع دلوقت أحسن
أيمن : طيب ماشي يالا بينا انا رايح احاسب و جاي
وقفنا كلنا ....قلبي كان بيدق جامد . و ايديا بيترعشوا..
حنان خرجت قبل منا عشان تبص كويس عليهم ....وأيمن راح يحاسب ...وانا ما قدرتش اتحرك من مكاني فضلت متسمرة زي ما انا ...لو لفيت و شافني انا ممكن اطب عالارض عادي .
-ارجوكي يا بسملة اوعي تسيبيني انا هامشي وراكي لفيلي كدة و اول ما تبقي قدام مني هنمشي على طول ماشي ؟؟
بسملة - اما انك غريبة بجد !! حاضر
خلص ايمن و جيه يطلع اتفاجأ اننا لسة مكاننا !!
اول ما وصل عندنا قال بتساؤل
-في ايه انتي و هي ناويين تباتوا هنا ولا ايه ؟
بسملة اتحركت عشان تمشي و هي بتهمسلي بغيظ:
معاها حق حنان مشفتش اغبى منك 😤
انا يا دوب لفيت عشان الحقها شفته و فضلت متنحة و انا شايفاه بيحكي معاها و بيضحك هو صحيح كبر شوية ..بس لسة مز زي ما هو !!
كنت لسة هاتحرك لما أيمن الغبي ناداني : مش يالا يا حياة !! ورانا طيارة بعد نص ساعة !!
اول ما نطق اسمي انا فقدت القدرة على الحركة و اتزرعت مكاني زي شجرة و هو اول ما سمع الإسم رفع وشه
ونظراتنا اتقاطعت مع بعضها !!
بصلي من فوق لتحت و بعدها ركز في عينيا بدهشة
كنت لابسة فستان شتوي اسود قصير مع حزام ذهبي عريض و فوقيه جاكت جلد اسود و هاف بوت كعب عالي اسود بسلسلة برونزية و جوارب نايلون سودة و شايلة شنطة GUCCI سودة شبه الهاف بوت
شعري قصير بقصة عصرية مصبوغ بلون اشقر غامق مع خصل ذهبية و طبعا مع ماسكات العناية بالشعر و البشرة و الفيلر و الميكب كنت شبه الممثلات ... تغيير جذري في مظهري خلاه فاتح بوقه شبرين .. الحاجة الوحيدة اللي فاضلة من حياة القديمة اللي بيعرفها هي السلسلة بتاعته اللي مكنتش لابسة اي اكسسوارات غيرها و مستحيل اغيرها مهما اتغير استايل لبسي
اللي قدامه دلوقت مش حياة اللي في ذكرياته..... البنت البسيطة الفقيرة...مكنتش حياة اللي يعرفها أبدا
بصلي و هو مصدوم .. وشه راح الوان و جاب الوان تانية ...ملامحه اتغيرت للذهول ..و اللمعان اللي في عينيه كان خليط ما بين الفرحة والحزن...نظرات مدتها ثواني معدودة ..عدت عليا كأنها ساعات ..
بعد أكثر من 3 سنين... اخيرا قابلته ..بس لحظتها حسيت كأننا افترقنا امبارح......كأن اخر مرة شفته كانت امبارح....
اتماسكت و صلبت طولي بالعافية احسن رجليا مكانتش قادرة تشيلني من صدمتي...و هو قام من مكانه وعمل نفس اللقطة لي كان بيعملها من قبل معايا لما يتوتر ،فرك لحيته و رفع حاجبه....لقيت نفسي ابتسمت تلقائيا ..دي نفس الحركة اللي ثبتتني و ذوبتني فيه من اول نظرة لما عرفتنا هدى على بعض .. لسة فاكراها ..
كنت في اللحظة دي لاغية وجود أي حد تاني غيرنا حتى اني ما شفتش شكل الست اللي كانت معاه ولا بصيت ناحيتها ...كنت شايفاه هو بس !!
قرب مني و بصلي تاني من فوق للتحت...... مع دهشة كبيرة في عينيه و قالي - حياة ؟؟
رديت بتصنع الهدوء و الثبات: حسام ! أهلا...ايه الصدفة الغريبة دي !؟
حسام بصدمة: انتي بتعملي هنا ايه ؟
رديت بهدوء و انا باطلع الحروف بالعافية و بأحاول ابين اني طبيعية : جيت مع اصدقائي
بصيت ناحية بسملة و ايمن اللي وقفوا جنب حنان مستنييني
و بص هو مطرح ما كنت بأبص ما شافش لا حنان ولا بسملة ، ركز نظراته على طول فأيمن و اتأمله من فوق لتحت..و فضل مثبت نظراته عليه بيحاول يفتكر اذا كان هو الراجل لي شافني معاه...فضل على الوضع ده يجي دقيقة ....ايمن فقد صبره و شاورلي بزهق على الساعة اللي ف ايده بمعنى اتاخرنا !
بعد مدة من الصمت القا'تل.....قلتله
- عمي رشدي كويس؟
كان بيبص للسلسلة اللي في رقبتي بدهشة :هااا ... ااه الحمد لله
رديت بعملية : طب الحمد لله .. .
حنان و بسملة قاعدين بيبصولنا بحب و حماس و ايمن فقد اعصابه - اطلبلكو شاي هنا عالماشي ! حد يفهمني مين الجدع ده ؟؟
حنان و بسملة مع بعض :الحب الكبير 🥰
ايمن بتريقة : معقولة القديسة حياة عندها حب كبير ! ااه عشان كدة قافلة من الصنف كله و مش بتعبر حد ؟
حنان بتذمر : هسسس بقى سبنا نتفرج !
- نتفرج ؟؟ هو فيلم سيما منك ليها ؟؟؟
أخيرا فقت من توهاني و بصيت للست اللي معاه....كانت بتبصلي بطريقة غريبة ..نظراتها شريرة بجد و الشرار طالع من عينيها...
حاولت اختصر الموقف و قلتلهم بلباقة : فرصة سعيدة
وطلعت و انا رجليا تخبط في بعضها بس مش مبينة اي حاجة
ماهو ده التدريب اللي اخذناه بقى ! مهما كانت حالتك المزاجية شكلها ايه مش لازم تطلع لبرة و على طول تبتسم بثبات و هدوء
اول ما طلعت برة حنان و بسملة مسكوا فيا و هوما متحمسين اكثر مني
حنان : حيااااااة اخيرا اتقابلتووو !
بسملة : و حكيتو مع بعض كمان !!
مش عارفة ايه اللي جرالي ..اول ما طلعت من الكفيتريا كل الثبات و القوة اتبخروا ..انهرت و بقيت اترعش جامد
شفايفي بترجف و رجليا بتخبط في بعض كأني اتلبست
وصلنا بالعافية لحد العربية
حسيت بطوفان مشاعر جوايا : خليط ما بين الفرح اني شفته تاني ..و مرارة ان عنده وحدة تانية في حياته .. و كمان لاننا ما حكيناش مع بعض غير كلمتين و ما لحقتش اشبع منه
ايمن : بصوا يا إما تفهموني اللي بيحصل يا إما امشي و اسيبكم ! حياة انتي من امتى عندك كراش ؟
حنان بضيق : مش انت وراك رحلة لليونان ؟؟ روح ربنا يسهلك
بص أيمن للساعة : بقى بتكرشيني ؟ ماشي يا خا'ينة بس اول ما ارجع هتحكولي ايه الموضوع
- يالا يا عم طريقك بحري 🙄😂
طلع أيمن على عربيته و فضلنا احنا واقفين قدام عربيتي
بسملة بضحك: مش كان صحراوي ؟
حنان : اهو اتغير ...المهم خلينا في بنت الهبلة دي ! و بعدين شفتي الست الصفرا اللي كانت معاه دي يا بسملة ؟؟ كانت هتحرقها بعينيها
بصتلي و مسكت ايدي و هزتني جامد و هي بتتريق على شرودي - حياااة فوووقي يا بنت الهب،لة الفجر أذن !! 😂😂
رديت بشرود : هاااا ...قلتي ايه ؟
حنان بضحك - بقول الست اللي كانت معاه كانت بتبصلك بغرابة ... تخيلي !! اول ما سمعته قال اسمك اتصدمت كأنها تعرفك !
حياة - طب يالا بينا انتي و هي اتاخرنا ...
بسملة بتعجب: مش عايزة تتكلمي في الموضوع يعني ؟؟
ركبنا في العربية و حطيت المفتاح و انا بأدعي الهدوء
- ايوة مش هاتكلم لأنه راجل متجوز و ربنا يسهله
بسملة : بس عينيكي مكانتش بتقول كدة و انتي بتبصيله
حنان : ايوة بسملة معاها حق انتي كنتي بتبصيله كأنك كنتي في جزيرة انتي و هو لوحديكم !! ده حتى الست اللي معاه كان هيطقلها عرق لما تجاهلتيها بالشكل ده 🙄😂
رديت بثقة - مكانتش دقيقة وقفت معاه فيها يعني !! يالا تخبط راسها ف اثخن حيطة ...في الاخر هي اللي هتحضنه بالليل و انا هأحضن مخدتي و اتحسر
دورت المفتاح و لسة هألف و نمشي صرخت حنان و هي بتبص وراها
- استني استني !!! بصي كدة !!! اهو طلع برة يدور عليكي !!
وقفت العربية بدهشة : بجد طلع ؟؟
حنان : ايوة و الله طلع و بيدور بيعينيه في كل مكان و لوحده الصفرا لسة جوة .
لفيت و شفته كان واقف قدام الكفتيريا مش بعيد و بيبص علينا بدهشة او بالاحرى عليا انا..نظراته كانت غامضة : بارد او حزين ! موجوع ؟...متعصب!! مش فاهماها أبدا
حسيت بقلبي واجعني اوي....كنت متخيلة لقائنا بشكل مختلف.. كنت دايما بأفكر في اللحظة دي ...و دايما باعمل سيناريوهات في دماغي : يا ترى هيحصل ايه لو اتقابلنا صدفة و هنقول لبعض ايه ..
اليوم اللي نتقابل فيه بجد يكون بارد كدة و مفيش غير الذهول اللي باين عليه !!
كنت أتمنى اول ما اشوفه يجري عليا يحطني بين ايديه و يحضنني بكل قوته عشان يذوبلي كل شوقي ليه ....بس لقائنا كان قصير... بارد و ممل...
عينيا دمعت...عشان هو كمل حياته مع وحدة تانية و انا لسة زي ما انا :مطلقة وحيدة و قلبي مكسور
بعد 3 سنين مش 3 اسابيع او شهور...معقولة يكون اللقاء اللي كنت بأحلم بيه طول عمري كدة !! دورت المفتاح تاني ..
حنان : حياة استني ...روحي كلميه تاني
رديت بكبرياء : و ما يجيش هو ليه ؟؟
بسملة : حياة مش وقت كبريائك .. الجدع طلع عشانك يبقى اتنازلي و روحي شوفيه يمكن عنده حاجة مهمة يقولهالك
حنان : دي فرصتك الوحيدة با بنت الغبية اوعي تضيعيها ! مين عالم هتقابليه امتى تاني !!
بسملة بتأكيد : او يمكن مش هتتقابلوا تاني أبدا !
حنان : هتندمي يا حياة ...لو طنط إلهام كانت معانا كان رأيها هيبقى من رأينا ..
رديت بتفكير : انتو شايفين كدة ؟؟
حنان بإصرار : ايوة ..ارجوكي تركني كرامتك النهاردة بس و تروحيله و تحطو النقاط على الحروف .
مع الحاحهم ..فكرت و لقيت ان معاهم حق
شلت حزام الامان و يادوب هأفتح باب العربية الست اللي كانت معاه طلعت تدور عليه
قفلت باب العربية : شايفينها طلعت تجري وراه ازاي !!! هقولها ايه و هبرر موقفي ازاي ؟؟ لاا انسووو .. مش انا اللي اجري ورا واحد متجوز ...