البارت الثاني عشر 12 الجزء الثاني
بقلم نجلاء فتحي
(فى القرية)
يقف جاسر وبجوارة مصطفى ،،،وسعدون متكمم وراكع أمامهم نظر لة أبوة ودفعة للأمام ورجع خطوتين للخلف وأخذ يشاهد أبنة كيف يتصرف ماذا يفعل وأخرج سيجارة يدخنها
____
تقدم مصطفى بخطوات غل وكرة لسعدون وقال للحراسة فكهولى ،،نظروا الحراسة لجاسر الذى هز رأسة بالموافقة ،،مما جعل الحراسة ترجع للخلف تاركين المجال ليهم هما الاثنين
____
نظر لة مصطفي وقال أهلا سعدون مش فاكرنى ٥ شهور مش كتير
سعدون / أنت مين
مصطفى/ دقق فى نصف الوش السليم كدة ثم شاور على البيت المحروق وقال "" أنت السبب
بلع سعدون ريقة وقال ،،،م م مصطفى
مصطفى بنظرة مختلة/ شاطر تاخد ١٠ من ١٠
سعدون بكذب/ معملتش حاجة
مصطفى/ غلط، صفر من عشرة ثم ضغط على فخدة أخترقة بخشبة نصلها رفيع
سعدون/ أةةةةة ،،لية كدة يا حبيبى انا المدرس بتاعك برضو
مصطفى/ مش فاكر ليك حاجة حلوة،،، ثم أمسكة من شعرة وخربش وشة بنصل الخشبة التى معاة والتى جهزة خصيصآ لة فى الطريق ،،
الحراسة مصدومة من شراستة وجاسر فخور بية ،،،،لم يكتفى بذلك بل ركلة فى صدرة بقوة فسقط على الأرض وقال بقوة وغضب بنبرة راجل بالغ وليس طفل عايز بيتة ناااااااااار عايزة مش حيلتة حاجة دة غلط فى أمى واتهمها بحاجات وحشة وهى شقيانة علينا ،،، عايزة يموت من حسرتة على حالة ،،، أخواتى ممكن كانوا ماتوا بسببة ،،أمسك الطوب وبقا يضربة بغل وقال ذى أهل البلد ما ضربوا أمى ،،ثم أبتسم بغل وشاور للحراسة ان تجردة من ملابسة وقال لأبوة
جاسر بية أية إللى يخلى الراجل ينقهر على نفسة عينة تنكسر
جاسر أخذ نفس من السيجارة و بهدوء قال "" مش لازم تعرف انت صغير
مصطفى بقوة/ مش زفت صغير لازم أطفى نار قلبى
جاسر/ رجالتى ملهاش فى الحاجة دى
مصطفى بعدم فهم/ هى أية
جاسر/ بكرة تعرف مش لازم تعرف كل حاجة خلى الأيام تعلمك كفاية كدة عقابك إللى حكمت بية ،،،وعقاب أهل البلد دة بتاعى
هز مصطفى رأسة بطاعة، ،ترجل جاسر لسعودن الذى يولول مثل النساء وصفعة على وشة وقال دة علشان ضربت مصطفى بية أبنى ،،،طااااااخ ودة على هنت مراتى ،طااااخ ودة علشان عمايلك السودة وكلامك على أى ست من غير راجل ،ثم قال بغضب خدوا أبن******،****** دة واربطوة أدام بيتة فى أى شجرة ولا عمود وهو عريان كدة عايز بيتة ملوش أثر ذى بيت عيالى دة وإللى يدخل يطفى النار اتصرفوا معاة ،،ثم قال بغل عايز الاراضى تو لع عايز الخراب يدخل البلد وعارفوا أهل البلد جاسر بية جوز البشمهندسة أمل وأبو العيال الثلاثة بينتقم ليهم
ثم رجعوا القاهرة تانى وقال " لأبنة مش عايز أمك ولا مخلوق يعرف باللى حصل خلى سرنا بينا خليك دراعى اليمين عايزك تدخل كلية الهندسه علشان تمسك الشركة قلبك دة عايزة ميت المهم مصلحتك وبس
عزيزى القارئ، هل جاسر اتغير ؟
هل إللى غرزة فى عقل ابنى صح ام غلط؟
بقلم نجلاءفتحى عاشقةالكلمات
_____
(عند دارين وزين)
أتاخرت لية خوفت
زين بحنان/ هى حتة مقطوعة متخافيش
دارين بأعتراض/ دى صعبة
زين/ لا ،الخوف من البنى ادمين مش الضلمة ولا الوحدة
دارين/ يعنى أية
تنهد زين وقال " يعنى تعالى كولى
وجلس على الأرض فى عربية القطار المركونة، ،وفتح الكيس وأخرج طعمية وعيش ومخلل
وقال " وعد منى أأكلك الكباب والكفتة طعمهم حلو
دارين/ جدا،،،أنت دوقتهم
زين افتكر جاسر لما أكلهم لة من قبل،وقال" أيوة
جلست دارين تأكل فهى جعانة ولم تقدر تعترض فهى معاة بمزاجها وقالت" زين
زين/ أممم
دارين/ عايزة توليت
زين/ ها ،أية دة
دارين/ حمام
زين/ هههه أسمة كدة ماشى يا بنوتة أخخخخ نسيت أنتى بنوتة معايا
ثم أمسك إيدها وهى سمحت لة يقرب منها عادى ،،ونزلوا من العربية وأعطى لها زجاجة مياة وقال لها ماذا تفعل وترجل لمكان كثيف الشجر الذى ينمو بعشوائية وقال " خدى راحتك هو دة الحمام بتاعك وبعدين اخدك الجامع وتدخلى حمام الحريم وأتفق مع العمالة وأستحمى ماشى
دارين بتوتر/ خايفة
زين بملل/ خلاص أرجعى لأبوكى هى دى حياتى إللى أنتى اختارتيها
دارين/ لا متسبنيش يا زين
خلاص أسمع كلامك مش أزعلك
شعر زين أنها نقية جدا جذبها من رقبتها لصدرة وباس رأسها وقال لا أعملى حمام وأنا أراقب ليكى الدنيا علشان تطمني مع ان مفيش حد
،،أخذ يسأل نفسة سؤال لماذا لم يستغلها ويكسب من وراها ،لماذا لم يبعها ،لما لم يسلمها لأبوها و يقبض حلاوتها وهو فى أمس الحاجة للفلوس لكى يأكل فهو سرق محفظة وأشترى بيها أكل ليهم وهنا قفزت فى بالة فكرة لماذا لم يأخذ ثارها من مرات أبوها فهى مفتاح اللغز لأن دارين كانت نايمة فى أوضتها وصحيت لاقيت نفسها فى بيت دعا رة
قرر تنفيذ من هداة لة عقلة واعتبرها لحد الان أختة حتى تكون ونس معاة فى الدنيا وتعلق بيها جدآ
________
رجعت أمل من الشركة وجدت مصطفى بيذاكر فى الحديقة
جريت علية وقالت بلهفة ،من الصبح أنت وأبوك أختفيتوا رحتوا فين
مصطفى/ بتفسح
أمل بشك/ ولااااا ،،،أنضبط كنتوا فين
مصطفى/ عندك بابا أسألية لو مش مصدقانى وبعد أذن حضرتك عندى مذاكرة
أمل بترقب/ أبوك اكيد موانسين مع بعض ماشى يا أبن بطنى ،،ثم أمسكت الكتاب بغل ورمتة فى وشة وقالت ذاكر يا أبن العبيط ذاكر أتفوة عليك أنت وأبوك
محمد/ هههههههه ثم صفر وقال"" الله عليكى يا أمولا يا أم قلب جامد ههههه ثم قفز من أمام مصطفى الذى نظر لة نظرة أرعبتة
_______
تعالوا نجرى بالسنين علشان كدة مش هنخلص وانتم زهقتوا معايا
وهوووووب مرت سنين كتير أوووووى
الأولاد كبروا والابطال كمان كبروا وفى بنوتة ظهرت جديدة آيلن بنت حازم وهنادى أصغر الأبناء أخر العنقود
تعالوا نشوف بقا الأبناء وصلوا لفين نبذة بسيطة ومحدش ينسى
جاسر وأمل عيالهم
محمود أصبح رسام 🎨 بطبعة الهادى ،،،ومحمد بطبعة مثل أمل أصبح ضابط شرطة ،ومصطفى أصبح مهندس ودراع أبوة اليمين وسرة كلة معاة ،،لم ينجبوا تانى حاولت أمل كتير وفشلت من الذهاب للطبيب فجاسر لدية مشكلة تعيق الأنجاب بسبب العقار الذى وضعتة لة زينة طلقتة وتكلمت عنة فى الجزء الأول هو تم شفاءة ويقدر يقرب لأمل لكن انجاب لا أتمنى فهمتوا قصدى 🤭
⚘️⚘️⚘️⚘️
هنادى وحازم مازال كناري الحب
جاسر الابن الكبير أشتغل مهندس وماسك شركة أبوة فى المنصورة ومش بيجى القاهرة إلا قليل وبرضو الشركة دى ليها حكاية وتم ذكرها فى الجزء الأول
يامن الابن الثانى وفى أخر سنة فى كلية الهندسة وكان يريد دخول كلية الطب وحازم رفض حتى يدير أملاكة ،
الضيفة الجديدة آيلن الابنة الصغرى فى ٣ ثانوى
⚘️⚘️⚘️⚘️⚘️
أحمد وزينب وبناتهم
أية معها دبلوم ومخطوبة لجارهم وبتحبة
جنة بطبعها الهادى بتشتغل مدرسة
ماسة معها دبلوم لأنها مش غاوية تعليم وشقية
⚘️⚘️⚘️⚘️⚘️
رضوان وزينة
رضوان مش عارف بنتة فين كل السنين دى خصوصا الدادة توفت وعايش على أمل يشوفها تانى ومازال متجوز زينة التى ظهرت فى الفترة الماضية الزوجة الصالحة 😈😈 وأنصدم لما عرف أمل مرات جاسر عدوة اللدود
زينة مازالت فى الخفاء تفعل ما حرمة الله
⚘️⚘️⚘️⚘️
زين ودارين
سافروا الإسكندرية وعاشوا فيها وتزوجوا وليهم حكاية ومهنتهم النصب وعندهم بنوتة أسمها قدر وأوضح كيف تم الزواج فيما بعد
يارب مش انسى الأسماء ولا التفاصيل هههههههه
تحسوا الجزء الثانى قصة لوحدها صح تصدقوا بسبب البارت دة حصل مشكلة فى شغلى لانى كنت بكتبة ههههه يلا كلة يهون علشانكم