قصة طلاقي ليس نهايتي
البارت الثامن عشر 18
بقلم حنان عادل
كلمت امي الدايما مشجعاني اني امشي ليهم 😊 عكس لدن تماما 😂وعي بدورها كلمت ابوي المهم الصباح طلعت البقاله الجمبنا جبت لي حاجات خبايز وفنكوش لقيت امي عجنت لي الحنه قالت : ما تمشي غبشه نسيبتك تقول امك هاملاك😒
انا : فشششر امي ست الحريم المجيهات لي حدهن😘😂
امي : هههه اتلهي وجيهي لي نفسك بس
انا : حااضر ي ستهم بس ممكن امشي اختها مع خالتو زينب طولت منها😊
امي : ااي امشي وانا بلحقك بالفطور ☺بخرت البيت وشلت حاجاتي ومشيت لقيت منن ومذن متشكلات ف خم الوسخ مذن عشان صغيرة عليها خم الوسخ ومضاير خفيف كدا والليله رافعه قرن منن شابكاها لمن تجي لدن بتادبك خالتو زينب بس تضحك وقالت اها رفيقة لدن جات اسي تحسم الفوضى مذن حمرت لي 😒وقالت : كدي تفتح خشمها كان ما جدعتها فالشارع
انا : هييي ي خالتي مالك دارعاني فالجن مالي ومالكم😂عندي حنه دايرة اختها وامشي ضيفه لله 😂 منن ومذن مع بعض قالن لي العرييييشه😒
انا : 😯جنس مذله وينك ي لدن تجي تشوفي صحبتك 😭وامهن تضحك وتنهر فيهن قاتلي ما تشتغلي بيهن خشي البرنده 😂
انا : بري وحات الله اصلي جايه لعريشتنا بتزكرني بالمرحومه اقصد لدونه😊 بعد م شاكلني قعدن يضحكن 😄اتربعت وقعدت اخت فيها خالتو زينب جايه تختها لي حلفت عليها قلت ليها واصلي شغلتك وظبطي لينا الفطور 😘
مذن : ما عندكم فطور فالبيت😏
انا : ي بت هوي بقوم اشلتك بعد ده😠
مذن : قومي قومي 💪
انا : 😂خليتيني بعد بديت الحنه لكن بعد اطلعها ما بخليك
مذن : مشششم بيت ابونا ويجو يخاتونا 😖
انا : 😯😯شوف المفعوصه الليله اصبري
منن : هههه مذن خلاص كدا عيب ويلا طيري قدامي خمي الوسخ ده😠والدبكيبه قامت تاني غايتو صدعن بي وندموني على جيتي لدن اصلها ما خاتيه كان شردت منهن وانا زااتي الجابني يوم اجازتن شنو كان اجي بكرة😤خالتو جابت لي عصير فرش😊خلصت حنتي ودقينا الونسه لمن امي جات بالفطور وخالتي حكتلها الفيلم كللو ويضحكن علي 😂😂
امي : م خاتيات عليها ما عندها بيت 😄😄 فطرنا وبعد شربنا الشاي امي قايمه منن قالت الا تشرب القهوة ومشت عملتها طلعت بتعرف تظبطها اكتر من لدن 😄قلت ليها منن والظرافه 😉سفهتني العواليقه😂مع الونسه م حسينا بالوكت لمن الضهر جا وطلعت حنتي
امي : هي سجمي الزمن سرقني انا ماشه قدامك ي الاء عندي خدرة دايرة فرك
مذن : النبي ي خالتو جيبيلي منها
امي : هههه حااضر حبيبتي بس كدا
انا : مااا بنجيبلك مش قبيل طردتيني
مذن : عاساس انك مشيتي 😒😯😯😷امي ماتت ضحك
خالتو زينب : ههههه الاء ي بتي المصايب ديل ما بتقدري عليهن احسن تسكتي
انا : حسابكم معاي لم تجي لدن بس 😢😢😂وبعد الشكل ده كلو اتصاحبنا وقعدنا نتصور زيين مسكت امي ف لقطه جماعيه وتمينا الباقي بوراها 😊 مشيت البيت صليت الضهر وعملت الفنكوش مليت لي جردل كامل كده مؤتمن كان جا حرسني وبقى يقرش لم نهرتو حتى قام...بعد العصر طبقت حنتي ساعه كده لحد المغرب ونشدرتها وجهزت شنيطتي امي قالت لي انا بقوم بدري ان شاءالله اعجنلك الفطيرة😊بعد.جيت رقدت خشيت الواتس ادردش مع لدن رسلت ليها الصور بقت تتحسر وشبكتني لمه فاقداني بس إخس عليكن😢😂 وحكيتلها بعمايل اخواتها معاي😄
لدن : قلت ليك ديل شياطين ما بشر😂تستاهلي انا : انا جايه اشكيلك ياخ تشمتي فيني مافيك خير😄
لدن : عشان بتدافعي ليهم والعجب شجن جايه فايتاهن اصبريلا 😂
انا : الصراحه منن شويه كده ما زيكن نص نص
لدن : حتى ابوي بقول كدا 😂بقولي اعقل منك انا : صدق والله 😂😂😂
لدن : اها م قلتي لي متحننه ليه سمسم.جايي😉
انا : لا 😢 ماشه نسابتي اعدي لي يومين☺
لدن : قببببلك عدي يوم واحد بس
انا : صراحة هو اسبوع 😊
لدن : سجمي 😱كااام أسبوع من غير سامي بتجني ي بت
انا : والبجنني شنو اجي
لدن : نسيبتك الشافته عيني دي بتطيرلك الإجازة ف راسك
انا : بعد.الشر ياخ 😂اتونسنا قريب ساعه وقفلت منها، صحيت بدري ودعت ابوي واخواني لاني ماشه بعد الفطور ،،، ابتديت قطعت الفطير جات خالتو فاطمه ساعدتني امي قالت رسلت ليها مؤتمن قبل يمشي المدرسه.....خلصنا قريب الفطور فطرنا ومشيت لبست وطلعت حاجاتي شلت لي فطير دخلتو لخالتو زينب وودعتها جات وقفت معاي امي كانت كلمت يوسف يجي يوديني قالتي لي اجازتك كلها عديتيها حوامه 😂المهم مشيييت ووصلت استقبلتي سمويه بمحبه وشوق😙لقيتها قاعده براااها مع ولدها جا اتربع لي ف كرعي وبقى يلتق لي فالكلام😂بعد ضيفتني وقعدنا قالت لي امي طلعت الجيران بتجي اسي وفتحت الجرادل 😍ي سلاام فطييير تسلمي ياخ بس كان تتعبي انا : معقوله ياخ مافيها تعب😊هي كان قالت لي انها بتحب الفطير بالسكر بتاع العرس ده تشربو مع الشاي فعملتو ليها ،، وبقينا قاعدين نتونس لحد ما خالتي جات وسالمتني بطرف يدها💘 كان معاها بت قدري كده فالعمر سمراء ضعيفونه ومفلهمه كده من مشيتها لابسه ليها نظارات وكلامها ماايع الاااء ازييك البيت نور والله سلمت عليها وانا مستغربه هي بتعرفني وانا اول مرة الاقيها سا
ميه حست بي قالت طبعا دي هاله بت خالي سعد
انا : اهلين تشرفنا ☺
هاله : طبعا جيت للعرس لكن ما سنحت لينا فرصه نتعرف
انا : اي صح والله لكن ساميه حكت لي عنك قبل كده.....باين انها ظريفه لكن طلعت عكس كدا .....المهم بقينا ناخد وندي فالكلام قاتلي انا بقرا صيدله بفلهمه كده خالتي اصلا من سالمتني طلعت اهلي ما سالتني منهم 😔بعد شويه جو ناس عفراء سلمو علي وكانو مبسوطين بي شديد اني هقعد معاهم حتى عمو ابراهيم واتونس معاي كتيير مع شاي المغرب ساميه جابت من الفطير قالت جابتو معاها الاء😊 خالتي شالت قطعه وقالت فيه شوية قوة ما طري ... اصلي ما استغربت
هاله : كدي اضوق قرمتها وقالت اممم مالح على فكرة الملح الزايد بضر الصحه اعملو حساب عمو ابراهيم ي عمتو لانو عندو الضغط
خالتي : اااي والله ما تدي منو ي ساميه
ساميه : والله مافيه اي شي من القلتو ده
عفراء : فعلا ظابط والله 😍
خالتي : دي شغلتي وانا بعرفها اكتر منكن😒
ساميه : خلن ابوي يضوقو لو لقى مالح برااهو بخلي...بكلامها ده بردت علي حبه العجب وين انو طيلة فترة قعادي معاهم هاله تقرش فيه لمن كمل ما وقفت منو 😂ما تفوتكم طبعا خالتي سوتني حبشيه غسيل ومكوة ونضافه تهد الجبل واصلا ما تذمرت كتر خيرها ساميه بتساعدني رغم تلميحات امها ليها ودايما واقفه في صفي وما عاجبه الوضع والانسة هاله قاعده ملكه ما شاءالله 😊مرة ناديت عفراء قريب المغرب كده عايزة ارسلا البقاله لرصيد هي م بعيده جممبهم شالت القروش وطلعت جمب الباب امها مسكتها ماشه وين 😒
عفراء : اجيب رصيد لالاء
خالتي : ي سلاام! خدامه تحتها انتي 😠وقلعت منها القروش جات رمتن لي ف وشي لمن اتخلعت وقالت لي ما عندنا بنات بطلعو المغرب نحن بناتي محترمات ومؤدبات ما تخربيهن علي انا هنا قدرت استحمل وطوالي مشيت بكيت زيين ليه تقولي كده يعني انا الما محترمه ولا انا قلت على بناتها حاجه؟😭😭😭جات ساميه اعتذرت لي وطيبت خاطري قمت مشيت بغادي هاله تتمايع عاد ي الويه تزعلي من عمتو مفروض دي زي امك اسي بتزعلي من امك ؟ عمتي دي ضميرها ابيض ما بتقصد حاجه 😊ما اتكلمت معاها ومشيييتها زي عوايدي اصلا هي ما اعتذرت لي وانا عاملتها عادي مرا وكبيرة ،، الموجع وين كل م نقعد.نتونس هاله ما عندها ونسه غير سامي وخالتي مساعداها قالت: تتزكري لم انتي وسامي كنتو صغار طواالي بتلعبو براكم وتطردو ساميه وهي تجي تشكي منكم😂 هاله : ما تزكريها ي عمتو تقوم تتسدا حقها اسي زمان كنت بتحامى بسامي اسي البحلني منو😂😂 خالتي : ههههه والله جهل كنتو متعلقين ببعض شديد.خلاص
هالة : ااي والله يعني هو اسي ما متعلقين ؟ ما جده شي وقرقرقر تفقع الضحكه وتفقع مرارتي معاها
ساميه : اسي كبر و اتعلق بغيرك يختي داك جهل زي م قالت امي😄
هاله : والله انا شايفه مافي شي اتغير للان متواصليين زيي اول وبتعاين لي بتحاول تغيظني لكن وييين ي جبل م يهزك ريح ☺شغاله اتبسم بس من جوة اتغظت منها😠اكتر موقف خدشني يوم الجبنه عندهم فالحي بالغب اللمه بيت واحده من الجارات تتزكرو يومي الجيت وما لقيتن كانن فاللمه ما عارفه زاتو هاله فهمها شنو في لمة الكبار انا ما خالطهن الا بعد اتزوجت بنقه منهن 😴المهم يوم كانت اللمه ف بيت خالتي صحتنا من الدغش انا وساميه ننضف ونكرش وكل م انضف مكان تعيدني ليه تقولي دايرة النسوان يشيلن حالي😒 غايتو لحد م.خلصنا وعملنا الفطور وسوتنا مضفرة وبسبوسه كان حيلي اتهد خلاااص مشيت بيتي استحميت وقشرت بلبس عادي واتحكلت وقلوس فالشفايف وجيت ☺
ساميه : بسحروك ي مرة اخوي😙
انا : ههههه بطلي مجامله يسحرو لي شنو
ساميه : عاد سامي لو في كان اكلك 😄😄
انا : ياااخي 😂 وبالنسبه لمجدي😉وبقينا نضحك
هاله : غايتو مجدي ده م بعرفو لكن سامي ماا اظن ده ما زوقو لكن زي م بقولو القسمه غلابه (😯😯اجي يخواني دي مالا منفعله 😤)
ساميه : بزعل قصدك شنو ي هاله😒
هاله : اا ولا شي بقصد يعني لم كنا صغار كان بقول عايز عروس شبه الحوريات (عليك الله شوفو دي 😏😏)
ساميه : قلت ليك سامي كبر ونظرتو اتغيرت وبعدين الاء فرقه شنو من الحوريات اسي (انتي كمان م تكتري المحلبيه😂)
هاله : هه مششم 😏وبقت تطبظ ف تلفونها
الاء : هي ما حصل شي هاله بتمزح😊 يلا النسوان بدن يجن واحده ورا واحده عندهم جارة اسمها نفيسه اكبر من ناس امي ظرييفه قالت لي هي الاء انتي هنا جيتي متين وحضنتني شدييد سلامها طيب خلاص مالك م جيتينا يخسي عليك
انا : والله ي خالتو ما طولت دوب لي سته يوم بجيك ان شاءالله
قالت : سته يوم وما طولتي عاد بالغتي😂يلا ف ونستنا النسوان جابن سيرة الوالده طوالي خالتي طعنتني غايتو مرت سامي بديها بالللكتير تاني سته شهور ما حملت طوالي بعرس لولدي انا حسيت كلامها ده زي السهم الاتغرس ف قلبي💘والجبنه دي ضقت طعمها حنضل بس
هاله : غايتو ي عمتو انا علي العروس 😂النسوان فاكراتنهن بهظرن ضحكن وقالن والله بدري القبليها ما ولدن وشنو معرف ف واحده فيهن قالت البسبوسه سمحهي نجاة بس هشه
حبه عن المعتاد
خالتي : ههههه ااي دي مرت سامي بتتعلم دابها
هاله : طبعا انا الحجات دي شاطرة فيهم شديد لاني بحبهم .. المرة ضحكت وعاينت لي لم اتزكرتها لقيتها نفس المرة اللاقتنا فالكوفير زمان اظنها قاصده تعمل حركه 😔كل ما نعوز حاجه خالتي تقومني انا عملتها ظاهرة شديد لم خالة نقيسه قالت : مالك عليها البت عزبتيها اقعدي نحن ماكلين لمتين زاتو😂😂وغيرو وغيرو غايتو انا القعده دي ضقت فيها المر💔 وبعد خلصت والنسوان مشو قالت لساميه خشي نومي الولد ده مواعيد نومتو فاتت بعدين تجي حمى طبعا كان القصد انها تخليني الم المكان براي وده الحصل 🙂😔
عندما تتزوجي تصبح اسرة زوجك هي اسرتك الثانيه عليك احترامها وتقديرها والاحسان اليهم سرا وعلانية ولك بالمثل منهم ☺ ولكن ماذا ان حدث لك عكس ذلك ؟ 💔💘👋👋..