قصة طلاقي ليس نهايتي
البارت الواحد والعشرون 21
بقلم حنان عادل
مشينا الدكتور وكتب لينا فحوصات شامله كامله سامي رفض يعمل لنفسو كأنو بعلم الغيب انو 100% المشكله بتكون فيني انا هو احتمالو بعيييد.جدا وصدمني موقفو ده 💔وما ناقشتو عملت فحوصاتي والنتيجه كانت عندي بس شوية التهابات وطمنا انو مع العلاج بتتحل المشكله ان شاءالله واداني مقابله 15 يوم 💛لكن السبب البسيط.ده كان كافي جدا عند عمتي عشان تنكد بيهو علي💘وتعايرني وتهددني طواالي بانها هتعرس لولدها 😔
في يوم سامي طلع لي جلابيه قالي غسليها لي العصر طالع بيها مشوار
انا : حااضر ، خالتي نادتني : العده دي ما نشفت في مغسلتها دي 😒 مشيت غسلت عدة الفطور انا اصلا كنت جاياها من قبل تناديني بس قلت اخلي سامي يطلع وامشي اغسلها😢بعد.غسلتها وضايرتها طلبت مني قهوة والبن ما كان مقلي قليت البن وعملت ليها القهوة قالت لي ملاح الغدا اعملي الخدرة ،
انا : نحن طبخنا امس ي خالتي وقلتي لي بكرة ما عايزين طبيخ
خالتي : غيرت رأيي ف اعتراض ولا دايرة تصدفيني انتي
انا : العفو ي خالتي بس قلت احتمال نسيتي ،"الخدرة اصلا كنت منضفاها غسلتها وخليتها تنشف مشيت فرمت البصله وختيتها فالنار لحد ما طفيتها جيت فرمت الخدرة الضهر اذن ختيتها على نار هادئه ومشيت صليت وقبل اخلص جن جاراتنا من مشوار غشننا ساي خالتي خلفت عليهن يشربن القهوة عملتها ليهن وقعدت ما حلوة امشي اخليهن الونسه جرت قريب ساعتين والزمن زاتو بمضي سريع خلاص المهم لم مشن حتى فضيت للجلابيه مشيت غسلتها قريب العصر ناس عمي جو وعملت ليهم الغدا قلت اعمل الشاي وامشي اكويها ليه قبل اخلص ناداني بزعله اول ما دخلت شال الجلابيه رماها لي في وشي 😠مش من الصباح كلمتك تغسليها كنتي بتعملي في شنو ، هي كانت النوع التقييل ما نشفت كويس والتنشيف بالنشافه محزرني منو ما بفضلو
انا : 😢والله ي سامي انشغلت ما فقت اسي هي مرطبه المكوة بتنشفها ليك
سامي : مكوة شنو البتنشفها بقيتي انسانه ما مسؤله نهائي الحاله كلمتك اني طالع العصر
انا : خلاص ي سامي اهدأ 5دقايق دوب تستحمه بتلقاها جاهزة
سامي : ما تقولي لي اهدا وما بتوريني شغلي انتي 😠
انا : سامي مالك انت ف شنو 😭😭وغلبني احبس دموعي من نهرتو
سامي : والبتبكيلا شنو غلطانه وكمان معاك بكى شال جلابيه غيرها ورزع الدولاب وطلع😭جد سامي بقى لا يحتمل وفجأة اتغير 360 درجه ولا كانو في يوم من الأيام هو الاختارني بنفسو وهو الجرى وراي عشان اقبل اتزوجو ، حياتنا ما بقى ليها مستقبل وما اظن تمشي لقدام 💔بعد.جا ما كلف نفسو يعتذر مني وبعد دا انا الاتكلفت واعتذرت منو 😔رجعنا المقابله والدكتور قالي الالتهاب تقريبا اختفى و كتب لي علاج جديد ومنشطات ومنعني التعب والارهاق 😪نحن طالعين سامي كان بطنطن براه : دي شغله فارغه وما جايبه حقها💔اسمعي انا ما هاقعد الشهرين ديل كلهم اسبوعين وراجع شغلي ما بتحمل اسيبو احسن تجي معاي انتي
انا : طيب ، بعد يومين كدا جات هاله💘عفرا قالت لي دي الجابه شنو كمان كل اجازة ناطه هنا اسي نحن بنمشي ليهم😒
انا : عفرا عييب دي زي اختك وبعدين انتي زاتو مفروض تمشي ليهم
عفراء : امشي الخرطوم برري ما بحبها عبارة عن سجن لا زول داخل ولا طالع 😄ضحكتتي ، هاله جات تسلم وتتظارف والعجب لم يجي سامي خفه شديده فاقعه مرارتي وهو كمان التاني بجاملا شديد دايما بقول معليش زي الأخوان لكن لم تنادي سماااسم بمياعه كده بكون نفسي اشرب من دمها😡 ولبسها كلو بجامات وقصير شي فظيع عفرا الصغييرة علقت عليها : انتي ي هاله ليه بتحومي بلبسك ده قدام اخواني
هاله : واحلاتي عفوورة كبرتي وبقيتي واعيه ما شاءالله 😂ي بت اخوانك اخواني يعني الحاله ون فهمتي
عفراء : لا والله ما فهمت اخوانك بي وين دي حرمه ليك سامي راجل وبشير زاتو كبر بعد ده وما برضى تصرفاتك دي الا عمر الصغير
هاله : انتي متحاسبه معاي ؟ انا نيتي سليمه وبعتبرهم اخواني اوكي ✋
عفراء : نيتك ما اسلم من نية الرسول صلى الله عليه وسلم النهانا عن التبرج 😏
هاله : عليه افضل الصلاة والسلام، شوف دي بالله 😂ي عمتي تعالي اسمعي بتك خالتي جات نهرت عفرا وقالت ليها : ااي زي اخوانها شن فهمك فالزي ده قليلة ادب تناضمي فالاكبر منك 😒حمرت ليها ومشت ، يوم سبت بالنهار اخدت لي نومه كده الحبوب عاملات لي خمول مبالغ فيه لم العصر جا صحتني عفراء : سامي قاليك تعالي اعملي الغدا مشيت احضر فيه وسامعه الكواريك والضحك ومرات تجيني صفقه كده جايات من جوة لم خلصت دخلت انادي يجي يشيل الغدا يصدمني المنظر فارشين فرشه فالواطه وبيلعبو كتشينه معاهم بشير ومحمد.ولد ببجامتها ما بتتفرز منهم وخالتي راقده جمبهم فالسرير تعاين ليهم وتتبسم بدون ما اشعر بنفسي قلت ليه بنهرة سامي الغدا ده جهز ليه ساعه لم اتهجمو
خالتي : بسسسم الله ما براحه 😒
سامي بكل برود وهو بضحك ههههههه نتغدا ونجي نتم قيمنا
هاله : لالا نبدا من جديد😢
سامي : باللااهي عشان عارفه نفسك مغلوبه😂وغايتو جنس شي انا قربت اتشل والعجب نظرة هالهلي فيها كلا
م كتييير بنفهمو نحن البنات برانا 😤عملت الشاي فالسيرمس جات عفرا تقول لي ما جابو الصينيه لسه جعانه ياخ انا 😢
انا : عفراء انتي سامي جا متين
عفراء : اييك من قبيييل اتلقى ما نمتي الساعه ديك
انا : بدري شديد مالك ما جيتي كلمتيني ☺
عفراء : والله كنت بكوي وهو زاتو ما سأل منك ي زوله ها الله ريحك اخدتيلك نومه انا بجوطتم مع الهبله دي ما قدرت انوم هههههه ، عفراء بتتكلم بكل عفويه بس كلامها وجعني يعني سامي ما قيل مع ابوه فالمحل ؟ وفوق ده كلو ما جا بيتو بغادي ولا سأل مني ؟ بشير جا شايل الصينيه اديتو الشاي وعملت الغدا شلتو ليهن كنت شغاله بلا وعى من الزعل ختياو وقلت انا ما عايزة
هاله : ليه ي الو ده الاكل من غيرك ما ليه طعم 😄
خالتي : ف زول بحنسو على بطنو كمان 😒مشيت بيتي طواالي صليت العصر وقعدت اقرا قران لحد ما هديت شويه اتصلت على لدن تنسيني وجعي سالتها من ناس امي وعاتبتني من فتي ما جيتي راجعه يخسي عليك
انا : ي بت متين هو داب لي 3 اسابيع😄
لدن : امشي ي كلبه " 😂
انا : بعدين نسيتي الدكتور منعني الحركه الكايرة والمشاوير تعالو لي انتو خفاف
لدن : انا غايتو ما تنتظري مني جيه هناك بقوم ارتكب جريمه ف نسابتك ديل😄
انا : هههههه يخسي عليك ما قدر دا😂😂 وكعادتها التمست ف صوتي الحزن والالم الدفين ، قلت ليها مافي شي غير هاله وحركاتها بس ما وريتها حركاتها المع سامي، ، لدن : احيي لو الم فيها وامعط ليها شعراتها ام اربعه عيون دي 😠اوعى تخدميها اديها على رأسها هي وعمتها 👊ضحكتني بعد زعلانه خففت عني كتير تاني ودعتها وقفلت ، فتحت التلفزيون ومنتظره سامي يجي لحد المغرب ما اذن هو بيغادي صليت ومشيت حضرت ليهم الشاي بعد شويه سامي جا من الصلاة ومشى بيغادي لخقتو الشاي لقيتو بلبس
انا : ماشي وين
سامي : عندي مشوار صغير وجاي .وقعد يشرب فالشاي ، قعدت جمبو
انا : انت قبيل مالك جيت بدري
سامي : والغريب شنو ف كده ؟
انا : ابدا بس اول كنت بتتاخر للعصر مع عمي
سامي : الليله اصلا ما مشيت المحل كان عندنا بيعة عربيه كدا
انا : ايوا ومالك ما جيت بجاي انا كنت نايمه ما عارفاك شربت القهوة ؟
سامي : ااي عملتها لي هاله لقيت امي مافي
انا : وبعد شربتها ليه م جيت ريحت بجاي
سامي بنبرة فيها حده : ده بيتي وداك بيتي 😒وما كنت تعبان لو تعبان كان جيت ريحت
انا : اكيد ☺انا بس عايزة راحتك 🙂
سامي : وراحتي انا بعرفه كويس ، ختى الكبابه بقوة فالصينيه وطلع💘لا انا بجد بقيت ما قادرة اتحمل اكتر💔اسبوعينو خلصت وكلم امو انو سايقني معاه طوالي لفت راسو انا براي وساميه مافي وعارفني ما بقدر اشتغل وهاله ماشه اهلها 😢وعفراء فالمدرسه وبس الا تخليها معاي لم ساميه تجي نهاية الشهر ده ، انا كنت بجهز ف شنطتي على اساس بكرة مسافرين وقلت العصر نمشي اهلي اطل عليهم واودعهم بس الحمدالله اني ما كلمتهم من بدري لانو سامي فاجأني بتغيير قراره واني لازم اقعد.مع امو لحد ما اختو تجي حتى ما سالني عن رأييي شنو فالموضوع ده بس مشى كلمتو علي وخلاص ،،، قلت ليه طيب بس ممكن امشي اعدي اسبوع مع اهلي طالا ما هاله اسي قاعده معاها لاني طولت منهم شديد قالي يومين بكفنك 💘المساء كانت الصدمه الكبرى بالنسبه لي طبعا صدماتو كترت لي شديد وبقت شبه معهوده لكن كل مرة بجيني بصدمه اكبر كان بتناقش معاي على اني اجمد السنه دي والحقو في بورسودان بعد ساميه تجي لامو عشان موضوع الحمل ونواصل العلاج، انا رفضت وقلت ليه انو دي اخر سنه لي وما عايزة دفعتي تفوتني وبتجري اسي خليني اكملا برواق وتاني بتفرغ لحياتنا للابد ما عندي راي ف شغل واصلا هو مافي القبلي ما لاقين يشتغلو ، كان بتناقش معاي برواق ابيت اقتنع ليه بقى يحد.معاي فالكلام وزعلني شديد بكرة وهو مسافر سألني ما غيرتي رايك ؟
انا : لا ي سامي ، مشى وهو زعلان مني 😔 هاله بتودع فيه ساعه ماسكه يدو هشتاقلك واجازتي كانت ررهيبه المرة دي ان شاءالله الاجازة الجايه تاني اصادفك 😍وهو يضحك 😏
خالتي : يعني نحن ما عاجبين😂
هاله : كييف ي عمتو بس سامي ده طبعا مكانتو غييير ، وكمان رجعنا ايامنا الزماان دي يااه زكريات ياخ وبتعاين لي 👊
سامي : والله الطفوله جميله شديد ياخ 😄ليتها تعود ،،، غايتو ما ارتحت الا بعد فكى يدها ومشى ، عمي لم جا العصر ولقاني سالني انتي ما مشيتي ؟ اظن سامي كان مكلمو انو سايقني قلت ليه لا ما ماشه اسيبكم لمنو ساميه ماف☺ اظن عمي دور الكلام ف راسو وعاارف طبع خالتي قام سالها براحه وقالت ليه اي والله انا قلت لسامي يخليها تتقلنا لحد ما ساميه تجي
عمي : هوي انا نجاة انا اكتر زول فاهم حركاتك دي ، دايراها تخدمك مش بت اخوك معاك وبتك التانيه مرة معاك حابسه البت من راجلا ليه
خالتي : قصدك شنو ي حاج انا مشغلاها خدامه؟
عمي : ياهو كدي اسي كان اهلها عرفو يقولو علينا شنو بعد راجلا سافر احميناها تمشيلم
خالتي : اي نحميها مرة واخدناها دايرين عندنا شنو كمان ، عمي زعل من كلامها ده والنقاش احتد بيناتم ونحنبجاي ما جايبي
ن خبر ، خالتي جايه وشها ضارب اخماس ف اسداس واليوم كلو تتنهر فيني بلا سبب ومركبه لي وش الكرتون 😈بعد يومين عمي ناداني وقالي بكرة تمشي اهلك بغشيك معاي ، انا : والله كنت جايه اكلمك ماشه اعدي لي يومين وبجي
عمي : لالا ما تجي تاني اخدي راحتك عند اهلك
انا : ليشنو بس ي عمي الحاله واحده
عمي : اي م خلاص بس انتي اسمعي كلامي، عشان هو بعتبرني زي بناتو وانا كذلك بعتبرو زي ابوي ما كان بخت حواجز بينا نهائي وصريح معاي جدا ، خالتي عرفت وشاكلتني اني انا الكلمتو انها السبب ورا قعادي وانا احلف اني ما كلمتو وقعدت ابكي وجد اليوم داك خسرتها وخسرت نفسي قدامها لانها واحهتني بكل شجاعه عييينك عينك قدام اولادها وبت اخوها خلتني اصغر من سمسمه 😭😭بكرة مشيت اهلي ونفسيتي تعبانه جداً لمن ظاهر علي يومين حوالي يغني عن سؤالو امي جات اتكلمت معاي وزرتني زرة شديده خلاص لمن اضطريت احكيلا وبكت معاي قالت لي انا كنت متاكده انك ما سعيده ف حياتك وظاهر فيك بس ما حبيت اتدخل ف حياتك انتي زوله كبيرة ومسؤله عن نفسك وعلمناك الصح والغلط وانا فخورة بيك والله ما سودتي وشي بس الله غالب، كلمت ابوي امن جا ناداني وسالني قالي راجلك قالك تقعدي يعني ؟
انا : اي بس ما عارفه عمي ليه اصر انو يجيبني واتشاكل مع خالتي بسببي😢 ابوي قالي بكرة دي ترجعي نسابتك طوالي محل ما راجلك قالك تقعدي امي عايزة تتكلم طوالي سكتها 😠اليومين ديل سامي م اتصل لي ما عارفه عرف ولا لا ، وهناك البيت كان مولع بوراي ،لدن جات اتكلمت معاي وواستني كتير قالت لي اديهم اخر فرصه وكفايه لحد هنا المشاكل لم تبدا من بدري كده تاني ما بتقيف ما تعذبي نغسك فالفاضي ✋بكرة من الصباح مشيت وخالتي الا الما طردتني صارة وشها ،، ابوي اتكلم مع عمي فالسوق واقنعو ، في نفس اليوم خالتي اتصلت بسامي وحكت ليه الحاصل كلو مع توضيح انو السبب الأساسي انا وعملت فتنه بينهم 💔م عارفه زاتو سكتت للان وما كلمتو ليه ؟، سامي اتصل وشاكلني شكلة عمري : كيف تكلمي ابوي انو امي المنعتك تسافري ومنو زااتو قالك انو امي اتكلمت معاي فالموضوع ده ، انتي زوله بتاعة مشاكل وفتن ووووو ، انا : ي سامي انا والله ما وريتو ولا عارفه حاجه زي دي بس سالني وقلت ليه قاعده معاكم لحد ما ساميه تجي والله م جبت سيرة خالتي على لساني
سامي : انا كنت مخدوع فيك ي الاء وما قايلك بوشين كده ياما امي شكت لي منك ومن عمايلك بوراي بس ما ظنيت فيك سوء ابدا
انا : 😯😢سامي انت بتقول الكلام ده لي انا😭 انا الاء ياني زاتي والله ما اتغير فيني شيء انت الاتغيرت وما عدت سامي الانا بعرفو
سامي : كمان جايه تعاتبيني والله دي ما عيشه دي بقيتي نكديه زيادة عن اللزوم اسمعي كلام كتير ما عايزو لمي هدومك وامشي اهلك طواالي يلا💔
انا : سامي 😢😭طوالي قفل ف وشي
😳😳😱😱😭😭😭
👋👋👋👋...