قصة طلاقي ليس نهايتي
البارت السادس والعشرون 26
بقلم حنان عادل
عمو حسن فاجأنا بقصة العرس الجا سرعه ده لدن من الخلعه ما عارفه هي بتقول ف شنو : ده شنو ي ابوي عرس منو ؟ ومتين ؟ والقالك منو؟ هي ها هو في شنو؟ 😯 وانا وابوها نضحك فيها ، قال ليها ادن قولي بسم الله، عرسك انتي وبعد شهر زي ما عارفه انا جاي اجازتي ووائل من زمان مستعجل وصبر عليك كتير اتخرجتي واشتغلتي خلاص التاخير لزومو شنو سنتين خطوبه كفايه جدا وانا الخددت التاريخ ده فجهزي حالك بدون نقاش
انا : ما عندك مشكله ي عمو بنجهزها ليك تتب😊 وهي ليه مصدومه 😯😐😂عملت ليها حركاتها سقيتها مويه وضربتها ف ضهرها لدونه حبيبي ركزي معاي😄
لدن : اييييهي اهي😭عرس شنو وده طلع لي من وين كمان 😭انا ما عايزة اعرس لسه بدري علي😢
انا : اجي ي بتي انتي عنستي خلاص بدري شنو ، خلينا نفرح بيك قبل نرحل
لدن : ويعني لو رحلتو ما كنتو بتجو لعرسي😠
انا : ونحن نقدر 😊ده اليوم المنتظرنو من زماااان عشان نشاركم افراحكم زي ما بتشاركونا😙
لدن : ووواي يا الاء بكرة اعرس واجيب شفع يجوطو لي ووائل يتحكم فيني عالطالعه والنازله ويتدخل ف خصوصياتي نووو وي😱😢😭
انا : 😳لدنن نومي يختي نووومي 🤨🤨
لدن : ما بنوم الا ازف الكلب وائل ف الليل ده يستغفلني انا قبيل كنت بتكلم معاه م جاب لي سيرة انا يختني ف موقف زي ده مع ابووي😒
انا : والله شلت ليه الهم من اسي المسكين م يساهل ياخ😪
لدن : بتقولي ف شنوووو
انا : ولا شي ت ع خ 😘
لدن : ما هتشاكلي معاي وائل😢
انا : محن مالي ومالكم راجل وداير السترة وبيت الحلال يشاكلو ف شنو كمان اجييي
لدن : من يومك كلبه زيو، اتغطيت ولا اشتغلت بيها ، بسمع فيها تتكلم معاه وتهرج وكيف يعني عرسي بعد شهر ونحن م اتفقنا على كده وليه ما تكلمني 😠بعد شويه زولتي فصلت وبقت ترقق ف صوتها 😂 لا م كده حبيبي بس يعني الوكت ضيق ما بلحق اجهز والحكايه قلبت حبكانيات تقيله خلاص😂وانا شالتني نومه وصحيت بدري قبليها صليت وجيت بصحي فيها قومي ي عصفورة الغرام قومي😂مقضيه لي الليل كلو تترمسني ما شايفه لي حرب قامت يعني
لدن : ي بت سيبيني اريح انتي ناسيه اني عروس ولا شنو امشي جيبيلي الشاي😒
انا : 😯😯😯
لقيت خالتو زينب مع امي هي التانيه متوترة اكتر من بتها قالت حسن ضرب لي اسي وفاجأني اسي انا اجهز لي حيتو ولا للعرس 😢وامي بتهدي فيها قولي بسم الله كلو بقضى باذن الله ما تشيلي هم نحن معاك ما بنقصر ابدا
خالتو زينب : عارفاكم م بتقصرو بس انتو كمان قصة رحولكم دي
امي : بناجلو لاحقين عليه☺
خالتو زينب : صحي😍 اها وينا السجم دي ناديها لي
انا : والله لسه تحت البطانيه ، وحكيتلهم حركاتها ماتو ضحك 😂امي كلمت ابوي انو ناجل السفر وقال خلاص عشان شغلو بدا ونزلنا عفشنا هناك بالاضافه للعفش الجديد بنقعد انا ومنذر فيه وانتي خليكم جمب زينب والبنات😊وده الحصل بعد.بومين جات خالتو حياة ومعاها عمة وائل جابو حجات الحبس ، وبدينا ليها طوالي وعن كمية الجرسه الاتجرستها 😂تتعمل روايه براها مرات امها بتحرسها بالخرطوش😂 الايام جاريه وما حسينا بيها مع التجهيزات لدن جات معاي بيتنا من الجوطه وكده وكل يومين فالسوق بتجيب ف حجاتا وائل قاليها اختاري ملابسك براك ومشينا سوق عطبرة وخلصنا الشنطه بحمدالله ما عدا الريحه والدهب قال بجيبهم معاه من السعوديه ، عمو حسن جا واتحدد العقد بعد.جيتو باسبوع فقط وبالتحديد الجمعه ، وكل ما اليوم يقرب لدن تزيد توتر وحلفت ما تطلع للناس فالعقد لانو يوم الزفاف بعدو باسبوعين بس قالت ما عايزة وائل يشوفها😂يوم الخميس العصر ابوي جا 😍عشان يقيف مع عمو حسن وهو التاني طوالي كان بتصل يسالو من البتعمل والما بتعمل تسبة لانو ابوي جرب الحاجه دي قبليه + انو عمو مغترب ما بحضر متاسبات كتير هنا وما بعرف الكميه البتكفي😂مع انو اخوانو الصغار واقفين معاه بس ما مقتنع بيهم الا براي ابوي وبس😄ناس السيرة جو بص والدلوكه مدورة والزغاريد وكنا ف ابهى صورة لاستقبالهم قربنا عالبص نعزمهم واول زول لقيتو ف وشي خالتي نجاة 😯 شايله طبق المال والدهب وبتحاول تتصنع الفرح 😊 حضنتها ليك شديييد لمن اتخلعت 😳وشبكتها ليك اتفضلو اتفضلو نورتونا كأنو اول مرة اعرفها و الاقيها بعديها خالتو حياة ام وائل وقفت زغردت ليها زييين ف راسها حتى حضنتها وهي كمان الحنيه والطيبه ظاهرة من طريقة سلامه وبشاشة وشها دخلناهم جوة واتلاقيت كمان بساميه بطنها كانت زايدة اظن حامل ولا حاجه😊 ومسكت هشوم سلمت عليه تمااام والنجمه المتألقة الدكتورة هاله اظن العرس تم ☺بس عفراء ماف الا حرسوها ابوها 😢عمو ابراهيم هو الوحيد الكنت بتزكرو ونفسي اطمن عليه ي ربي الحاصل عليه شنو ان شاءالله يكون ماشي ف تحسن ي رب💙 ضيفناهم مويه وبارد معاي صحبات منن ولدن تبع البنك وجن سماح وملاذ ،،في كم مرة كده غريبات ما شفتهم قبل اليوم اظن جارات خالتو حياة علقو علي وشاغلني اثناء ما بضيف فيهم البتقولي انتي اخت العروس بقولها اييوة😊والبتقولي حلااتك والبتقولي عقبالك 😊وفيواحده كده ق
اعده جممب خالتي نجاة قالت لي من اسي حجزتك لولدي 😄حسيت المرة هتاكلني كل ما عيني تجي ف واحده منهم القاها مجحمه فيني اجي ي اخواني اظنهن فاكراتني انتهيت واتدمرت نفسيا وحالي بالبلاء بس سبحان الله كنت نايرة نورة كده ما طبيعيه لم امي وخالتو زينب علقو لي قلت ليهم من فرحتي بلدونتي يااخ😊 كنت لابسه عباية عنابي فاتح مخنصرة بحزام ومن تحت فاارة شكلها قريبه من الفستان ويديها واسعه وفيها لؤلؤ خنفشاريه جابن لينا عمو حسن ومكوزنه الطرحه تمام ولدن اصرت الا تمكيجني قلت ليها خلي للحفله كنت منضفه وشي عملت كحل ومرطب بس وجات هي ظبطت لي الايلاينر😙😙وجات اللحظه المنتظرة بعد صلاة الجمعه لم سمعنا صوت السلاح والزغاريد ولعت والبكا دور خالتو زينب من شافتني حضنتني وبكينا شديد لم فكونا من بعض وكمان خالتو حياة وعمات وائل جوة كان ببكو اتزكرو ابوه الله يرحمه 😢جبنا صواني العقد وقدمناهن وغدينا الناس وسقيناهم الشاي وكفيناهم بمزااج وخالتو حياة متكييفه من الوضع ده ومن نسابة ولدها العزوها ما كانت متوقعه اهتمام قدر ده اظن ، لمن بقو طالعين وبعد.ودعناهم هالة بتطمن علي قال انتي كويسه ؟ بنفس مياعتها قلت ليها تمااااام الحمدلله زيييينه
هالة : مبروك لصحبتك وعقبالك ان شاءالله
انا : تسلمي وانتي كمان الللف مبرووك ان شاءالله تتهني ياا رب☺
ادتني عين كده فاشله خلاص وقالت تسلمي وكجمت خشمها ، اسي انا سألتها؟ 😂طبعا هم ما برجعو معاهم ف عربيه صغيرة كانت واقفه مشن عليها ، واحده جاراتنا الكبار ديل قالت نادو لينا الغريس انشوفو ونباركلو وكمان يسلم على نسيبتو دي وخالتي زينب خجلاانه😂وهو اشد عليها ناداتو عمتو بعد طلعو طبعا الرجال ف صالونا جا لابس الجلابيه السمنيه والملفحه ومظبط الحلاقه والحنه ف يديه على نورة السعوديه ما شاءالله ما شاءالله سامي طلع وراه ماشي على عربيتن وقف بعيد وبعاين لي وانا ولا كاني شايفاه 😒وائل ف نصنا والمباركه شغاله وهو كان ليه مراد الارض تبلعه من الخجل 😄الضيوف مشو وضايرنا البيت ووضبنا ورجعنا عدة التعاون فضلن خالات لدن وعماتها عشان شغل الشيله ، بعد المغرب لدن جات والزغاريد اشتغلت تاني ومسكنها يباركن ليها ولمن جا دوري بكينا بكى وبكينا معانا الناس كلهم حتى غلبني ابارك ليها كويس طوالي جريت بيتنا تاني جوها ابوها واعمامها وابوي بارمو ليها ومشو، فتحن الشنطه اتفرجن وخالات لدن قالن الل تعبر الشباشب وقعدت معاه لحد بعد العشا وجات لاحقاني ، انا كان جيت تميت بكيتي واستحميت وصليت ورقدت بباقي عبرتي والتعب العلي نمت من غير شعور ، الصباح لقيتعا راقده جمبي فالسرير💝💞زي الطفله 😢اتأملتها تمااام ما معروف تاني نتلاقى متين والمصير مودينا لي وين ي صحبتي 💔ما حصل بعدنا عن بعض المسافه دي كلها ولا المدة الهتطول دي ، معقول بعد الزمن ده كلو والتعود وادمانا لبعض نفترق ويبقى التواصل بينا عبر اشواقنا وحنينا لذكرياتنا وخلاص 💘 واثناء سرحتي فيها قلت :
بكرة نمشي ونبقى ذكرى نار اشواقها حراقه😢
ظروفاً قاسيه فرقتنا واصلو الدنيا فراقه💔
متين يا الله تاني نعود الم روحي انا التواقه 💛
مصير الدنيا تجمعنا ونرجع تاني نتلاقه 💞
ضربتها ف كراعها نطت مخلوعه 😯ما لقيتي مكان تنومي في مضايقاني مالك😒
لدن : سجمم انتي النمتي ف سريري عارفاني ما بقد انوم ف غيرو😠
انا : اجي يا اخواني بيت ابونا ويجو يخاتونا😏قومي قومي الصلاة فاتت ، طلعت اتوضيت وجيت اصلي وهي كمان قامت داهلين ومارقين هي بتعاين لي وانا بتحاشاها لم جبت الشاي وجيت لقيتها واقفه ف نص الغرفه ونربعه لي يديها 😒 اها خيير مالك من الصباح صارة ده وش عروس ليك اسي😂
لدن : على فكرة انتي لسه ما باركتيلي 👊
انا : امبارح.كنت بعزي فيك؟ كيف ما باركتلك
جرتني عليها😢وحضنتني وبتبكي 😭وانا كمان اتخنقت بس اتماسكت عشانا : لدووون ي قلبي دي ما ايام بكى انتي مفروض تكوني مبسوطه لانك هتتزوجي الانسان الانتي بتحبي 😘الف مبرووك حبيبتي ان شاءالله تتهني وتسعدي طول عمرك
لدن : بس الحب ما كل حاجه😢
انا : اي فعلاً التفاهم والاحترام والثقه اهم شي وانتي اكتر واحده عارفه شخصية وائل فما تخافي ستي انا واثقه من انو بحبك وهيسعدك ويحافظ عليك لانو ما عيلقى احسن منك
لدن : اسي انا جبت سيرة وائل؟
انا : انا حافظاك وعارفه انتي بتفكري ف شنو وبرجع واقول ليك ما تقارني وائل بسامي لانو فرق الليل من النهار
لدن : لكن انا م عايزة اسيبك 😭
انا فعدت اكب فالشاي :اول انا ما مشيت وسبتك؟ على كيفك اقعدي حارسيني انا كده كده ماشه الخرطوم ومخلياك مالي ومالك😂
لدن : سبتيني لكن جيتيني راجعه لو ما ىحلتو امكن انا كمان اجيك راجعه 💔
انا ختيت الكبايه بزعل : تفي من خشمك 😠لدن ما تنرفزيني من الصباح مالك ف شنو
قعدت تبكي حيرتني معاها مسافه انا بحنس وبسكت فيها لحد ما اتصل وائل واشتغلت الحبكانيات ولا تقولو اسي كانت بتبكي ومتخوفه😂من تلقى فلانها ده بتنسى الدنيا وما فيها 😊ربي يديم عليهم المحبه والود ويألف بين قلبيهم
💞ويبعد عنهم الحسد والشر ي رب 💙نضفت البيت كللو بي مطبخو والصالون جات جارتنا ساعدتني لمن خلصت انتي ي لدن بتحبي قلعت التلفون من اضانها وائل لو سمحت ما عندنا زمن خلي البت تهتم بنفسها شويه
وائل : ادوني ليها كده بس ياخ مالكم 😄
انا : 😯طوالي قفلت ف وشو اجي شوف
فلان العامل خجلان الليله هل وبان ولدن تضحك قالت لي وائل بقى فظيع ما شفتي كان بقولي ف شنو اسي نظام بالحلال وكده😂
انا : والله ما شاءالله الحلال ده اصلا زيو ماف😉 قومي قومي على حفرتك😂 امي عملت ليها النشا ومشت بيغادي على دق الريحه ، عمو حسن خلاص دعوتو عملا وهمنا نزل بس بقينا بنحضر ف حجات القطر ودو يوم الاربع العصر دعوتم كانت الجمعه غدا برضو ، خالتو زينب اصرت علي عشان امشي اقنعتها انو دي شغلة حريم كبار😂 وهتمشي امي خلاص مافي داعي لي ، الخميس مشينا حننا لدن ورسمت معاها يديني انا الوزيرة وكده 😊سماح وملاذ قالو ما بقدرو يمشو معاها، رسمتها كانت خرافيه مع لونها 😍بعد جينا راجعين خالتو زينب قالت لي عايزة افهم لدن وكده وما عايزة اخجلا بي جنها ده بتخجل شديد هههه عشان كده وكلتك فالمهمه دي انتي قلت ليها حااضر لم جيت فتحت معاها الموضوع قالت لي عليك الله انطمي ها شايفاني شافعه ولا من العصر الحجري😒🙈😂😂😂يوم العرس كويت شعري واتظبطت تماام باشراف من الهانم تقول عروس انا ما هي 😂تعبت على اكتر من نفسها اختارت زفاف حلو شديد وبسيط عملت فيها مفتحه رسلت صورتين لوائل يختار معاها الزفاف والاختارو هو خلتو لبست التاني😂قالت : كمان شن دخلو فيني زفافي وانا حرة فيه هيلبسني على مزاجو؟ 😒
هوي ي جن ما براك مشيتي تهابشي 😂😂سرحت شعرها وطلعت اايه فالجمال انا ساعه بحصن وابلع فيها فالكمون لمن شاكلتني قالت طممت بطنها 😂انا ومنن ومذن كنا لابسين فساتين بالمنقاوي خطييرة مذن فاكه شعرها معانا قصييرة تضحك وانا ومنن مطلعين خصلة بقدام ولابسين.طرح اخير منن تتشاف طولي مع الشبط العالي وعملنا ميكب رااايق وانا متعقده من الخصله كل مرة أدخلها لدن تحمر لي 😒اطلعها راجعه😂اتصورنا واتهابلنا زييين😛لحد ما جا وائل وكان ملاك ما شاءالله عليهم وقفو مسااافه مقهين ف بعض ونحن نضحك فيهم مذن قالت هوي ارح الحفله انتهت ضحكتنا ضحك 😂هم ركبو ف عربيه براهم ونحن ركبنا مع أصحاب وائل كانو اتنين قدام ونحن ورا ، غشيناها البيت ودعت اهلها وشلنا العفش لأنها م جايه راجعه 😢اتصور ف استوديو ف عطبرة وتاني أتصورنا نخن الاربعه برانا ومرة مع اهلها ومرة معانا نحن +منذر ومؤتمن قالت الا يجو يتصورو معاي😭مشينا الحفله كانت ف صالة متحركه جايبنها قدام البيت عملو حركه فالدخله نزلو من برة وائل مشى بالباب التاني للصاله وهي مقدمه منذر
(وده برضو كان من اصرارها هي من بدري ورتو انو ما حضر العقد وعاذراهو بس يوم العرس لو ما قدمتني انت ما بمشي عشان مالي اخو غيرك😢انا قلت ليها اولاد اهلك اولى قالت لا منذر بس😘كمان هو جا متشيك وحالق حلاقة الخرطوم السمحه وشاكي ديك يا البدله شنبو غزر وبدت تقوم ليه لحيه انا انبرشت فيه غايتو😂)
كانت ماسكه فيه وماشين براحه مع الميوزك ومن هناك وائل ماشي عليهم شايل بوكي ورد لحد ما وصل واستلمها من منذر 😍والناس كلها قاعده ف كراسيها تصفر وتصفق حاجه مبالغه ياخ جات اخت وائل وعمتو استقبلونا نحن وادونا تربيزات جمب بعض طبعا معانا امي وخالات لدن وعماتها والجيران جو حافله ما شاءالله اهل العوض 😂خالتو حياة جات باركت ليهم وحضنت لدن مساافه تبوس فيها كانت فرحانه بيها شديد😍ووائل واقف مبسوط يعاين ليهم بحب الدنيا كلو، الحفله بدت وهججنا تماام مع عروسنا وجاملناها ناس منذر بجو يبشرو ويرجعو كل ما اعاين لمنن القاها تعاين ليه وتتبسم 😊وهو نفس الشي، سامي كان قاعد بعييد ونهائي ما نزل عيونو مني والحسرة كاتلاه والله انا م مرمزة معاه بس ده كلام لدت تخيلو 😂قالت لي اااي م غافله بشوف فيه ف كل فاصل تناديني وتعلق، هي يا بت الحلال خليك ف حفلتك وعريسك روقي ساي😁😁والعجب هاله قالت لي منسله زي البصطونه عان شنات التوب ده فيها😠
لدننن ما تركزي معاهم الله يرضى عليك ، بس همظكانو نركزين معاي شديد حتى امو واختو ولو عيني جات بالصدفه ف عين هاله بتعوج لي خشمها 😏😂غايتو سبحااان الله ، فالحفله غيرنا ليعا بالتوب وعملنا الجرتك و خلصنا ناس امي رجعو بعد ما العريس حلف عليهم وعشونا الساعه 3 ص😂انا كنت راجعه معاهم الا لدن قعدت تبكي واتعابطت فيني بيتنا معاها انا وعمتها من الصباح لبسناها ومكيجناها وبقينا ماشين عمت وائل قالت لينا ناس نحاة جايبين عربيه واسعه بسوقوكم معاهم لدن الكلام ما عجبها ومن غير ما تناقشني اتصلت بوائل وقالت ليه الاء ما هتمشي معاهم شوف ليهم عربيه صغيرة توديهم ، الحمد لله كنا برانا فالغرفه معانا عمتها بس ، شاكلتها واتصلت لوائل من تلفوني قلت ليه ما تشتغل بيها بنمشي ما عندنا مشكله بعد شويه جا داخل قعد جمبها فالسرير 😊وبقى يتونس معانا نظام بتظارف وكده وعمتعابرضو قالت ليه م
ا تخسر عربيه بنمشي معاهم بس لدن نهائي ما رضيانه وصرت وشها لم وائل طلع طمنتها انو ما بفرق معاي ما تخافي 😘لميت حجات الزفاف وودعناها بالدموع قدر ما حولت امسك نفسي غلبني 😢ركبنا مع ناس خالتو نجاة فالهايس وهالة وشها جايب اشكال الوان نا ارتاحت الا لم وائل وقفنا بعد.اتحركنا قال صاحبو طالع طوالي اصلا مسافر الخرطوم بغشينا كان سايق اكسنت ده نفس الجينا معاه امبارح كان ظريف شديد طول الطريق يتوتس مع عمة لدن ويضحك، هي اتصلت علي فرحانه عشان ما مشينا معاهم 😃لدن مسافرة اسمرة ونحن بعد اسبوع من العرس جات لحظة الفراق البجد و ودعنا الاهل والجيران بسيل من الدموع والاسى والعجب ناس منن بكن علينا اكتر من بكاهم على لدن المنظر ما بتوصف اكتر من كده البشوفنا بقول مات لينا زول 💔وصلنا الامتداد والسكوت مخيم علينا لدن اتصلت تبكي خلاص رحلتو يعني بعد احي ما هلقاكم😭😭شبعتني معاها بكى قالت ي اتصلت على ناس امي لقيتم متبشتنين شديد ويبكو 😢
انا : معليش ان شاءالله هنفضل على تواصل ونزوركم طوالي ما بننساكم
لدن : اكيد بنتواصل بس ما زي لم تكونو جمبنا😢اتونسنا حبه وسالتها عن أخبارها وشاغلتها زين وهي تتخجل🙈حبيت اغير مودها بس ، الاسبوع الاول كان ف ترتيب العفش وبنحاول نتاقلم والحياة مملة وبارده شديد ابوي بمش الشغل وبسوق مؤتمن ومتذر بطلع الجامعه بنفصل انا وامي بس قالت لي اسي لو كنا هناك ناس خالتك زينب وفاطنه بفرقو لينا بدخلتم علينا 😢الناس دي هنا ما بتجيب هبر الميت من الحي جرس الباب ضرب قلت ليها اها جاك زاير😍طلعن مرتين جاراتنا اتعرفن بينا وورنا بيوتن ياتا واحده من الجزيرة والتانيه من شندي😍ظريفات خلاص لم طلعن
امي : الحممدلله اللهم زد وب ارك😊ضحكتني ضحك 😂 😂 بعد شوية تاني الجرس ضرب فتحت الباب وانا لابسه توبي قلت جارة تأني😍بس طلع شاب ثلاثيني طويل القامه عريض المنكبين وشو جامد ومنور ف نفس الوكت ملامحو حاده شديد 😯اجي يكون ابوي جايبلنا حرس زي الناس ديل ما بعملو ولا شنو😯😯😐👋👋👋...