
رواية من أجلك فقط
الفصل الاول 1 والثاني 2 والثالث 3 والرابع 4 والخامس 5
بقلم لولو الصياد
باحدي محافظات الصعيد
كان كبير عائله القناوي حمدي القناوي رجل في الستين من عمره صاحب حكمه وذو هيبه ووقار الجميع يحترمه ويحسب له الف حساب
كان ينتظر حفيده الاكبر وصاحب النفوذ بعده ويامل ان يكون خليفه له بعد وفاته وهو ياهله الي ذلك من الان وجعل كلمته سيف امام الجميع...
في الاعلي. كان في غرفته يرتدي عمامته فوق ملابسه الصعيده الجذابه
كان طويل القامه وعريض المنكبين حال جميع رجال الصعيد يتميزون بالقوه وطول القامه انهم الفراعنه يا ساده وما اجمل سمار بشرته انه رائع لون بشرته الذي اكتسبه بفعل الشمس وتلك العيون العسليه التي يحيطها رموش كثيفه عيونه كعيون الصقر تجعل الرجال تخاف منه حين ينظر اليهم بعضب ووجهه بيضاوي رائع ويتميز بذلك الشارب الذي يجعله جذاب اكثر واكثر انه هو
عمار القناوي حاصل هندسه زراعيه ويقوم بالاشراف علي جميع اعمال العائلة وشركاتها
نزل عمار وهو يستغفر حتي فتح باب غرفه المجلس الذي يستقبلون به الضيوف
عمار القناوي... صباح الخير يا جدي
وذعب الي جده وقبل يده
الجد وهو يربت علي راسه بحنان وحب
الجد ...صباح النوم يا ولدي كيفك
عمار... الحمد لله يا جدي مجولتليش يا جدي
الجد وهو ينظر له بتركيز
الجد... خير يا ولدي
عمار القناوي.... هنفضل لحد امتي سيبين بت عم المرحوم شهاب القناوي عند اهل امها اكده كتير جوي.(اوي) يا جدي.
الجد وهو يشير براسه دليل الموافقة....
الجد.... عندك حج ((حق) ياولدي بس انا معرفش اعمل ايه البت كانت لسه صغيره مردتش ازعيلها وانت عارف كيف عمك كان مجلعها (مدلعها) جوي لما ماتوا ابوها وامها وهي مسكت في جدتها لامها خفت تكرهني لو بعدتها عنيهم عشان كده سبتها علي كيفها وراحتها بس ربنا شاهد ان مهنسهاش لحظه
عمار القناوي.بضيق... ومين ديه اللي جاي يقابلنا انهارده ومستنينه
الجد... معرفش يا ولدي
عمار القناوي... بس يا جدي
ولكن قطع استرسال عمار بالحديت دول احدي رجاله الي المجلس وهو يخبرهم بوصول الضيف المنتظر.
دخل شاب في حوالي 33 من العمر رائع الجمال بعيونه الزرقاء وشعره البني ووسامته التي ليس لها مثيل يقسم عمار انه دهش من جماله فلو كان امراه لتزوجها فورا
انه هو طبيب التجميل سليم الشهاوي ابن اخت زوجه عمه
عرفه الجد لحظه دخوله. ا
الجد... اتفضل يا ولد
دخل سليم وعلي وجهه ابتسامه وبكل احترام قبل يد الجد التي تمسك بالعكاز الجميل الذي يوجد علي راسها حيوان غريب ولكن اعجبه شكله قاسي قوي غريب للغاية
سلم سليم علي عنار ولكن لاحظ برود ذلك الشخص جدا
سليم. ..بابتسامه..من اجلك فقط... لولو الصياد . انتم طبعا متعرفونيش انا سليم الشهاوي ابن خاله نيجار بنت ابن حضرتك شهاب بيه الله يرحمه
الجد.... بترحيب ...نورت يا ولدي
سليم... ده نور حضرتك بصراحه وبدون مقدمات كتير حضرتك طبعا عارف اني صعيدي زيكم وعيلتي من نفس البلد وانا دكتور تجميل وعندي مستشفي كبيره والحمد لله كله تمام.
عمار بضيق.. في ايه يا حضرت انتي جاي تجدم (تقدم) في وظيفه ولا إيه
سليم باحراج... لا انا اسف بس كنت عاوز تعرفوا عني كل حاجه
الجد وهو ينظر لعمار بتانيب
الجد.... لاه يا ولدي بس اخوك عمار كان بس عايز يعرف السبب لكل ديه
عمار وهو متوتر للغايه من هذا الرجل العجوز الذي لا يعلم لماذا يشعر ان عيونه تخترقه من الداخل وانه يعلم كل ما يوجد بحياته وخباياه واسراراه كل شيء انه رجل غريب ومتوتو ايضا من ذلك الرجل الغريب الاخر الصغير السن والذي يري انه نسخه مصغره عن هذا العجوز ويشعر انه سينقض عليه باي لحظه
سليم... بصراحه انا جاي اطلب ايد نيجار بنت خالتي وليا شرف اني اتجوزها واتمني انك توافق
انتفض عمار بغضب وامسك بسليم من ملابسه وهو يصرخ بقوه
عمار.. بغضب... تتجوز مين يا ابن المحروج(المحروق ) ده اني هجتلك (هقتلك)
سليم وهو يحاول تخليص ملابسه من بين يدي عمار
سليم.... انا ونيجار بنحب بعض والموضوع منتهي
الجد بقوه وصوت لا يقبل النقاش...
الجد... بكفياك يا عمار سيب الراجل واقعد
نظر عمار الي جده وانزل يديه عن سليم وه يموت غيظا وجلس الي جانب جده بينما لولو الصياد... كان سليم احمر الوجه متوتر للغايه عدل ملابسه وجلس مقابل الجد
سليم... حضرتك يا جدي انا كنت جاي ليك بناء علي طلب نيجار لانها عارفه اد ايه انت بتحبها وقالتلي لازم اطلب ايدها منك
الجد.... بحكمه وهدوء... الله فيه الخير يجدمه (يقدمه) ربنا يا ولدي سيبنا كام يوم اكده وبعدين هنرودوا عليك
سليم بفرحه... بجد
الجد... اكيد يا ولدي
نظر الجد الي عمار نظره فهم معاناها ان يؤجل الحديث وبالفعل بعد كلام الجد فرح سليم للغايه وسلم عليهم وانطلق الي القاهره فرح سعيد ولكن لا يعلم لماذا لديه خوف من ذلك الراجل الذي يدعي عمار
عمار بعصبيه وصوت حاول التحكم به قدر الامكان حتي لايعلو علي جده فاحترام الكبار من اهم الصفات التي يجب ان تتوفر في اي شخص والا يعلو صوته عليهم مهما كان
عمار... كيف يا جدي عاوزنا نجوزها للراجل ديه واحنا بينا وبينهم دم ولا نسيت يا جدي هو الصلح هينسينا الدم
الجد.... ومين جال(قال) اني هوافج (هوافق)
عمار بدهشه... تجصد إيه
الجد.... كتير جوي جلتلك لازم تتحكم في عجلك (عقلك) ومتتعصبش اكده بسرعه خليك هادي يا ولدي اسمع للاخر وبعدين فكر هعلمك لحد امتي
عمار.... بعصبيه...لولو الصياد.... يا جدي مبجدرش (مبقدرش) دماغي بحسها هتنفجر وهو عصبني جوي ابن المركوب ديه
الجد.... خلاص يا عمار عاوز نيجار اهنيه بكره
عمار....بدهشه اكبر... نيجار واهنيه ليه يا جدي
الجد..... لما تيجي هتعرف ياولدي المهم دلوجتي (دلوقتي )نيجار تكون عندي بكره الصبح باي طريجه(طريقه
ولما تيجي انا هتصرف........تبع
الفصل الثاني
مر اليوم في الصعيد كالمعتاد ولكن عيون عمار كانت دائما تتابع جده كان حزين شارد للغايه واخيرا انتهي اليوم وهاهو عمار القناوي في طريقه الي القاهره بعد ان سلم علي جده
كان الجد ينظر لحفيده وهو ينطلق الي القاهره لياتي بينيجار
ارجع الجد راسه الي الخلف لاكثر من عشرون عام
فلاش بااااك
كان هناك صوت صراخ رجل يجري ويصرخ بأعلى صوته
خرج حمدي القناوي وكان في حوالي الاربعين تقريبا
حمدي القناوي... في ايه يا راجح مالك بتصويت ليه
الراجل ...الحج (الحق) يا حمدي بيه اخوك عمار بيه اتجتل عند اول البلد
انتفض حمدي وهو يمسك بالرجل بقوه ويصرخ.
حمدي ....انت بتجول (بتقول) ايه يا ابن المركوب اخوي اني(انا)
راجح وهو يشير للبعيد
راجح... والله يا بيه هناك مجتول (مقتول)
جري حمدي بكل سرعته ودخل راجح الي داخل المنزل واخبر الجميع بموت اصغر شاب بعائله القناوي عمار القناوي يبلغ 20من عمره اخيه الاصغر والوحيد وفلذه كبده. واطلق اسمه علي اول حفيد له عمار اسم شقيقه
وصل حمدي اخيرا الي مكان يتجمع به اهل القريه حين وجده اهل البلد يقترب ابتعدوا وافسحوا له الطريق بكل احترام لم يري اخوه الي الان بل وجد ظابط المركز يقف أمامه ويعزيه في اخيه
الظابط... البقاء لله يا حمدي بيه
حمدي بشرود وقوه... فين اخوي
أشار الظابط الي الامام.
اقترب حمدي القناوي من اخيه الاصغر
وجلس الي جانبه وحمله بين يديه ووقف بكل قوه
الظابط برفض... يا حمدي بيه لازم نبلغ دي جريمه قتل ولازم تحقيق وتشريح للجثه
حمدي.... بقوه وبلهجه لا تقبل النقاش ....بعد عن طريجي(طريقي) يا حضره الظابط
في تلك اللحظه وصل جميع رجال عائله القناوي واولاده سعيد وشهاب واولاد عمومته ورجاله وباقي افراد عائلته
افسحوا له الطريق وحمل شقيقه ووصل الي المنزل...
ووقف امام غرفه اخيه
حمدي بقوه رجل يأبي الانهيار . ...حضروا للدفن واني اللي هغسل اخوي بيدي
اشار الجميع دليل الموافقه
ودخل باخيه غرفته
حمدي....لاخيه الميت ودموعه تنهمر علي وجهه وهو يقبل يد شقيقه بكل حب والم اراد الصراخ ولكن كيف يفعلها وهو مطلوب منه الصمود فهو عمود العائله
حمدي ببكاء... خدوا ميني ابني واخوي وجلبي (قلبي) انتا كنت جلبي يا خوي كنت الحته الحنينه والخضره في عيله الجناوي (القناوي) بس هعرف اللي عملها يا ولدي ومبقاش حمدي القناوي لو طلع عليه شمس بكره وهو عايش وده وعد يا خوي ووعد الحر دين
وبالفعل تمت مراسم الدفن ودفن عمر صغير عائله القناوى وسط حزن وبكاء وصريخ واه من والدته التي اصيبت بجلطه نتيجه الحزن
كان حمدي يجلس بغرفته يفكر حين وجد الباب يفتح
من فعلها هكذا دون استئذان كان سيصرخ بمن فتح الباب عليه ولكن
وجده عمار ووجهه احمر بقوه ومتعرق
وقف حمدي بسرعه واقترب منه
كان عمار طفل في حوالي 13عشر لا يستطيع التحدث من سرعه تنفسه
حمدي... وهو يعطيه كوب ماء... اهدي يا ولدي خير واشرب بوج (بوق) ميه
وبالفعل شرب عمار كوب الماء وتحدث
عمار ...الحجني(الحقني)يا جدي ابوي
حمدي بفزع.... ماله سعيد يا ولدي حصله ايه
عمار بتوتر ...وخوف ...يا جدي..أبوي عرف ان اللي جتل جدي عمر وارح ياخد بتاره منيهم يا جدي
الجد.... مين يا ولدي مين....
عمار ....بيجولوا يا جدي من عيله الشهاوي وعيله الغمري من عنديهم يا جدي
الجد.... بقوه وهو يرتدي ملابسه... بسرعه يا ولدي نادي علي عمك شهاب وجهزوا الرجاله بسرعه ياولدي
وبالفعل مر نصف ساعه واصبحت البلد كجمره النار فقد قتل سعيد القناوي مقابل عمه ثلاثه اشخاص من عائله الشهاوي وثلاثه من عائله الغمري ولكن قتل هو أيضا واصبحت الحسره حسرتين
كان البلد مثل الصحراء يخافون من الخروج من منازلهم والكل ينتظر ماذا سيفعل حمدي القناوي وأخيرا
وجدوا طلب حمدي القناوي من المحافظ ومدير الامن بعمل صلح بين الثلاث عائلات
وكان الاتفاق... ان يتزوج شهاب والد نيجار من والدتها حفيده كبير عائله الغمري ويتزوج احدي شاب عائله الشهاوي من الاخت الاخري لها وينتهي الدم بالنسب ولكن الغريب ما قاله واشترطه حمدي القناري في اخر المجلس الا تتزوج فتاه من عائله القناوي نهائيا من تلك العائلتين ومن يخالف ذلك يقتل في الحال......
بااااااك
الجد بالم.. كيف يا نيجار دلوجتي (دلوقتي) عاوزني احط يدي في يد واحد منهم علي جثتي ان اجوزك لحد من العيله دي يا نيجار .
.......
وصل اخيرا عمار الي القاهره ومنها الي الجامعه بعد ذهابه للمنزل ولم يجدها ورفض الدخول لانه لا يوجد رجال حريم فقط فقرر الذهاب لها بالجامعه بعد ان سال عن مكانها
وقف عمار بملابسه الصعيديه أمام سيارته ينتظرها امام الجامعه ينتظر خروجها .كان يلاحظ نظرات البنات والاعجاب منهم علي شكله ولكن يشعر بالغضب من قله حيائهم ويقول في داخله اين ذهب الحياء الا يستحون تنظر له الفتيات هكذا دون حياء
واخيرا وجدها تخرج وشعر بصدمه كادت تقتله ماالذي ترتديه جيبه قصيره الي الركبه وبلوزه بدون اكمام وتترك شعرها بكل حريه خلف ظهرها شعرها الذي يشبه ظلام الليل في سواده
وعيونها الرصاصي الوحيده التي تملك عيون جده الرصاصيه لم يملكها غيرها تجعلها جميله اكثر واكثر ووجهها خمري جميله وانفها صغير وفمها غريب حين تضخك تختفي شفتيها من شده صغرهم يجعلها هكذا تغضب بقوه بالفعل جميله
خرجت نيجار وجدت احد الاشخاص يقف امامها
خلعت نظارتها ونظرت له وكانت تهم بالعصبيه عليه حين عرفته انه عمار مرت سنوات منذ اخز مره راته بها كم تغير.
نيجار بمرح.... عمور وحشني موت
شعر عمار بالغيظ منها ماهذا عمور لم يرد عليها فهم وسط الشارع
لذلك امسك بيدها وادخلها الي السياره بقوه وهي تشعر بالعصبيه وتحاول التخلص منه
نيجار بعد ان جلس الي جانبها
نيجار..بغضب. اوف ايه ده هو انا جاموسه عندك في الصعيد شددني وراك وتركبني كده في ايه
عمار بضيق وهو يواصل القياده
عمار...تيعرفي تسكتي خالص لحد ما نوصل
نيجار بعصبيه اكبر... نوصل فين ممكن حضرتك تقول ولا هتفضل علي الوضع الصامت
عمار وهو يحاول التماسك... نييجار اسكتي الله يسترك
نيجار.... بعصبيه. اسمي نيجار مش نييجار بلاش تنطق اسمي كده لو سمحت
عمار...بعصبيه... استغفر الله العظيم
صمتت نيجار قليلا واخرجت هاتفها وظلت تعبث فيه قليلا
وأخيرا رفعت راسها وجدت انهم علي بداية طريق الصعيد
نيجار... بدهشه ....ايه ده انت رايح فين ده مش طريق البيت
عمار... علي الصعيد جدك عاوزك عنديه انهارده جبل (قبل) بكره
نيجار... بفرحه...اكيد علشان عاوز ياخد راييء في سليم so cute
عمار.... بهمس... الله اعلم ويمكن علشان ناخدو عمرك ونجفل(نقفل) الموضوع ديه
.......
علي الجانب الاخر بالصعيد...
حمدي القناوي الجد.... لاحدي رجاله... عاوز كل كبار عيله الشهاوي والغمري عيندي انهارده ويتصلوا بناسهم في البندر يجوا انهارده بعد العشا يكون الكل موجود فاهمني يا ولد
الرجل... اوامرك يا كبير
.....
بداخل منزل القناوي
دخلت علي والدتها بالمطبخ كانت تلاحظ شيء غريب منذ وصولها من الجامعه
انها هي دهب اسمها دهب علي اسم جدتها رحمها الله شقيقه عمار القناوي وبكليه الطب بالسنه الاولي تشبه اي بنت مصريه بملامحها الشرقيه الرائعه بشعرها الاسود الذي يصل الي كتفيها كان ناعم جميل كانت تتحدث الصعيديه فقط لا تستطيع تغييرها رغم المحاولات تعشق الضحك والمزاح عيونها سمراء كحيله ورموشها كثيفه جدا ولديها غمازات تجذب كل من ينظر اليها وبشرتها خمريه رائعه وهناك حسنه فوق شفتيها تميزها وتجعلها رقيقه اكثر واكثر وجذابه اكثر واكثر ولكن ترفض الزواج نهائيا تريد ان تظل مع جدها وعمار الذي يضعها تاج علي راسه وتدرس دهب في جامعه قنا
دخلت دهب لوالدتها
واختضنتها من الخلف بقوه
الام بعتب.... مش هتبطلي حركاتك ديت يا بت بطني
دهب.... لا مهبطلش ابدا بجولك يا اما
الام... خير
دهب.... في ايه عيند جدي انهارده في حركه غريبه اكده
آلام ...الله اعلم يا بتي احنا نضفنا المضيفه الكبيرة بس ليه الله اعلم
دهب.. بتفكير... اكيد في مصيبه هتحصول (هتحصل) استر يا رب
..............
اخيرا وصلوا الي الصعيد نيجار وعمار وجد عمار سيارات كثيره امام منزل جده ولاحظت نيجار سياره خالتها وسياره سليم وغيرهم فقد حضروا بالطياره لذلك وصلوا قبل وصولهم
نيجار..بفرحه.. واووو ده كله هنا واضح انه جدو ناوي يفرحني اوي
عمار.... جوي جوي لدرجه ان جلبك هيجف من الفرحة (لدرجه ان قلبك هيقف من الفرحه)تبع
الفصل الثالث
كانت تهم نيجار بالخروج من السياره ولكن اوقفها صوت عمار الذي فزعها
عمار... انتي نزله اكده راحه فين بمنطرك ديه
نيجار وهو تنظر الي مظهرها
نيجار بدهشه... ماله منظري
استغفر عمار بصوت عالي وحمل عبائته من الخلف ووضعها عليها حاولت ان تزيحها ولكن نظره عيونه جعلتها تصمت كانت عيونه مليئه بالغضب والتحدي
نزلت نيجار وادخلها مباشره الي غرفه جده جلست وحيده دقائق وبعدها وجدت جدها يدخل
دخل الجد علي وجهه ابتسامه ولكن حين لاحظ منظرها
الجد بغضب....لولو الصياد. ايه اللي انتي لابساه ديه
نيجار... بدلع. حلو صح.
الجد.. حلو ايه وزفت إيه
عمار... مش جلتلك جعدتها في مصر مش هتكون خير وادي اخرتها مبينه لحمها للي يسوي واللي ميسواش
نيجار.. بعصبية.. هو في ايه داخلين فيا شمال ده بدل ما تقولوا حمدالله بالسلامه
اقترب منها الجد وامسك بوجهها برفق
الجد بحب.. يا بتي انتي صعيديه مينفعش لبسك ديه
نيجار... يا جدو انا مش زيكم هنا ولا عادتي ولا لبسي ولاحياتي ليها علاقه بالصعيد
الجد.... ماشي يا نيجار
ونظر الي عمار واخبره ان يرسلها الي الحريم ويلحقه الي المجلس فالضيوف علي وصول
وبالفعل اودعها عمار لدي النساء
.......
في منزل كبير عائله الغمر
ينزل بكل فخز وهيبه الرجل الصعيدي ويال طول قامته طويل للغايه حوالي 190سم وعيونه باللون الاخضر الغامق ويحيطها رموش كثيفه وبشرته سمراء قليلا ولديه شارب كبير حال كل رجال الصعيد انه فهد الغمري يا ساده كبير عائله الغمري في 37من العمر يكره الزواج ويرفضه بشده واقسم الا يتزوج الا بعد ان ياخد تاره من عائله القناوي لقتلهم والده وبسبب حزنه علي والدته التي ماتت حسره علي زوجها لديه اخته الوحيده ماسة اسمها ماسة وهي ماسة فعلا من الالماظ بعيونها الزرقاء وشعرها الاصفر الحريري ووجهها البيضاوي الابيض كان يخشي عليها من الهواء الطلق لا يجرؤ احد علي اغضابها وقام بتعيين حرس لها يلحقون بها في اي مكان في الجامعه فهي في كليه الصيدله
اما هو خريج كليه طب بيطري ويعمل بتجاره الماشيه ولديه شركه لتصدير اللحوم ومصنع كبير ايضا
وقف فهد امام شقيقته
ماسة.... هتروح برده يا فهد
فهد بمزاح.... مش هتبطلي تتحديتي زي بتوع مصر
ماسة... لا عجبني نفسي ورد علس سوالي
فهد بضيق.... اه يا ماسة هروح ومش هسكت الا اما اخد تاري ومتتكلميش في الموضوع ديه تاني
ماسة... بس يا فهد
فهد... بلهجه لا تقبل النقاش
فهد... خلاص يا ماسة
صمتت شقيقته ولكن قبل راسها وخرج ويلحقه باقي عائله الغمري
.....
هاهم الان جميع اطراف النزاع موجودين يرأسهم حمدي القناوي ومامور القسم وغيرهم من كبار العائلات
فهد بجديه.... خير يا حج حمدي إيه سبب طلبك لينا كلتنا اكده
حمدي.... طبعا الكل فاكر الصلح اللي حصل من سنين وفاكرين الشرط فيها
رد رجل من عائله الشهاوي يدعي محمد وهو كبير العائله هناك وعم سليم
محمد... ايوه طبعا مفيش بنت تتجوز من عيله القناوي من عيله الغمري ولا الشهاوي
شعر سليم بحسره تصيب قلبه لم يخبره احد عن ذلك لهذا غضب عمار وبقوه الان ادرك حين حكوا ما حدث في الماضي له وان والده قتل علي ايدي احدهم لا يعلموا هل هو من عائله الغمري ام من عائله الشهاوي
عمار.... الغريب دلوجتي ان جاي سليم الشهاوي طالب يد بت عمي شهاب وعاوز يتجوزها وبكده الصلح يا ينتهي يا اما يتقتل كيف ما اتفقنا
فهد.... بسخريه... والله وانا نفسي الصلح ينتهي علشان اخد حقي
عمار.... بعصبيه ...حقك من مين يا ابن الغمري
فهد بغضب.... حقي منكم يا عيله الجناوي ومش هسيبه لحد ما اموت وهاخده منك انت اول واحد يا عمار
عمار... بغضب وهو يقف.لولو الصياد ويحاول الاشتباك معاه ولكن امره الجد بالرجوع فرجع وتحدث بغضب
عمار..... مفيش راجل اتخلق لسه يقدر يجف قدامي
شعر الجد بعدم الاطمئنان منذ الامس وهو يفكر ويجمع الخطوط وعرف نيه فهد الغمري لقتل حفيده بالامس يشعر بالخوف ان يبتدي مجري الدم بينهم ثانيه كيف يوقف كل ذلك واخيرا وصل الي الحل
الجد بصوت قوي جعل الجميع يصمت
الجد.... اني جمعتكم انهارده علشان نحل الموضوع ديه من الاخر وننهي الخلاف
سليم... حضرتك تقصد ايه
الجد... اقصد لازم النسب بين الثلاثه ويتحل للنهايه
عمار... بعصبية.... كيف يا جدي تجول اكده كيف
الجد... بلهجة لا تقبل النقاش
الجد.... خلاص يا عمار اسكت دلوجتي وكلامي هيتنفذ انا كبير البلد وقاضي عرفي فيها
صمت عمار وهو يغلي من الغضب ولكن لا يجرؤ علي معارضه جده
فهد.... وكيف هيكون النسب يا حمدي بيه
الجد... الاول الكل موافج (موافق) ولا لا
نظر الجميع الي بعضهم ولكن فهد كان يشعر بفرحه الان سيبدا بدخول عائله القناوي وينتقم بكل هدوء وان كان ثأره سياتي بالنسب فلما لا
الجميع اقر بالموافقه
الجد.... تمام جوي اكده علشان اكده. نيجار بنت شهاب ابني هتتجوز فهد الغمري واخت فهد الغمري ماسة هتتجوز عمار القناوي وسليم الشهاوي هيتجوز دهب القناوي
تعالت الهمهمات بينهم والكل مصعوق مما يقوله الجد حتي ان فهد كان سيتراجع عن قراره فهي اخته بل ابنته كيف يرميها بيده لعائله القناوي
الجد وهو يلاحظ التردد بعيونهم
الجد... ديه الحل الوحيد جدامنا مفيش غيره
عمار.... بعصبيه... الدم اهون يا جدي
الجد...وانتم رأيكم ايه
شعر سليم وان عالمه انهار ولكن اخذ عمه القرار عنه واعلن الموافقه بزواجه من دهب اخت.من أجلك فقط لولو الصياد. عمار وحين هم بالاعتراض ترجاه والده ان يوافق خوفا مما سيحدث فصمت عن حقه صمت من اجل والده وعائلته و النتيجه ان حبيبته تتزوج غيره وهو يتزوج فتاه لا يعلم عنها شيئا
ولكن فهد اراد ان يحطم عائله القناوي عن طريق ابنتهم فليزوجه ماسة ويقسم ان علم انه اغضبها سوف يقتله فهي اخت فهد القناوي
الجد.... وانت يا فهد يا ولدي موافج
فهد وهو ينظر لعمار بتحدي
فهد..لولو الصياد . موافج يا حمدي بيه
شعر الجد براحه واخبر احدي رجاله ان يحضر الماذون الشرعي ليقوم بتزويج
نيجار القناوي لفهد الغمري
وعمار القناوي الي ماسة الغمري
وسليم الشهاوي الي دهب القناوي
وبالفعل ماهي سوي ساعه وكانت المبركات تتوالي وصوت اطلاق النار يمللء السماء
عمار لجده بصوت هامس... غلطت غلطه عمرك يا جدي
الجد...بحزن. ربنا يسترها يا ولدي
...........
في الداخل كان النساء لا تعلم شيء لماذا يطلقون النار
نيجار لدهب... هو فيه ايه
دهب.... مش عارفه حاجه
نيجار... بس واضح في حاجه مهمه حصلت من ضرب النار
دهب لامها... امه متعرفيش في ايه
الام.. لا يا بتي والله دلوجتي نيعرف
وفي تلك اللحظه دخلت احدي الخدم
وهي تزغرط بقوه
دهب... في ايه
الخادمه... مبروك يا ست دهب انكتب كتابك على سليم الشهاوي وعمار بيه اتجور ماسه الغمري ونيجار هانم اتجوزت فهد الغمري
نيجار بصراخ.... مستحيل علي جثتي...تبع
الفصل الرابع
نيجار... مستحيل علي جثتي
وفي تلك اللحظه وجدت نيجار جدها يدخل إليهم الي جانبه عمار يستند عليه
الجد... السلام عليكم
رد الجميع عليه عدا نيجار التي تحدثت بغضب حين جلس
نيجار...ممكن افهم ايه التخريف اللي سمعته ده
عمار... بعصبيه... اتكلمي عدل يا. نيجار مع جدي
الجد... روح انت دلوجتي يا عمار والكل يمشي ماعدا نيجار ودهب
وبالفعل فعل الجميع ما امر به الجد
الجد بعد خروجهم...
الجد بجديه وصوت هاديء....
الجد... بصوا يا حبايب جلب جدكم انا لما جوزتكم بدون ما تعرفوا كنت واثج اني بديكم لرجاله وواثج ان بكده بوقف بحور دم تحصل لان عارف كل واحده حطيتها في المكان الصح عارف انكم زعلانين بس ديه افضل حل
نيجار بعصبيه... الجواز ده باطل
الجد... انتم جصر يا نيجار واني وليكم
دهب وقد شعرت ان الجد يتراجهم حتي يوافقوا شعرت وكان ابوها يطلب منها الغفران لم تستطع التحمل ان يتذلل جدها اكتر لهم
دهب... انا موافجه علي الجوازه دي يا جدي
نيجار... بغضب ...انتي بتقولي ايه انتي عارفه سليم ده بيحبني ازاي عارفه انه كان جاي يخطبني انا وسليم بنحب بعض فاهمه
لم تتحدث دهب نظرت الي الارض بحزن
وجد الجد الخادمه تستاذن لدخول سليم
فوافق الجد مباشره
دهل سليم عليهم فاقتربت منه نيجار بسرعه حتي انه فزع من طريقتها بالهجوم عليه
سليم... في ايه يا نيجار
نيجار بدموع... انت ازاي توافق ازاي تسمح لهم يعملوا كده
سليم... بحزن... مقدرتش اقول حاجه مقدرتش يا نيجار اصغر عمي وابويا قدام الناس حتي لو علي حساب نفسي انتي عارفه انا بحبهم ازاي وعارفه كويس اني مقدرش ارفض ليهم طلب
نيجار بحزن وهي تبتعد عنه وترجع الي الخلف
نيجار... وانا يا سليم نيجار حبيبتك
سليم بحزن والدموع بعيونه تابي النزول وبصوت يرتعش من التوتر وصعوبه الكلام كان يشعر انه يتمزق من الداخل ليتحدث ويكسر قلبها
سليم... انا اسف يا نيجار بس انا مش هقدر اعمل حاجه
نيجار صفقت له وبقوه ونظرت له بسخريه وهي تمسح عيونها
نيجار... برافوا
والتفت الي الجد.
نيجار... جدي انا موافقه علي الجوازه وتحت امرك في كل حاجه
حينها خرج سليم لانه لم يستطع التحمل اكثر
كانت دهب تتابع كل شيء وتتمزق اهذا هو زوجها الذي لم يلاحظها ولم يرفع حتي نظره اليها لم يلتفت عليها لم يعرف انها زوجته كان لايري سوي حبيبته كانت تتمزق تريد الصراخ تريد ان تقول انا زوجتك انا من يحب ان تراها ويكون كل ذلك الحب بعيونك لها وحدها حينها اقسمت دهب بداخلها ان تكون هي ملكه قلبه ستجعله ينسي نيجار ونهائيا ولا يعشق سوي واحده فقط هي دهب القناوي ستجعل اسمها محفور داخل قلبه ولن تكون دهب القناوي ان لم تفعل ذلك.....
..............
علي الجانب الاخر في منزل الغمري
ذهب فهد الي منزله بعد الاتفاق علي ان يكون العرس بعد ثلاثه ايام
دخل فهد الي المنزل وجد شقيقته تشاهد التلفاز
دخل فهد وهو يلقي السلام وهي ترد عليه بحب وترحاب حتي جلس جانبها
فهد... بتسمعي ايه اكده
ماسة... بسمع مسلسل تحت السيطره
فهد... اه مسلسل المدمنين هموت واعرف بتسمعيه كل ما هينذاع ليه
ماسة... وهي تلتفت له وتتحدت بجديه
ماسة... بص يا سيدي اولا المسلسل ده مش بيتكلم عن الادمان بس لا بيتكلم كمان عن التربيه الغلط وكمان الفلوس اللي بيوديها لعيالهم بزياده وبيخليك تفكر دايما تكون قريب من ابنك والا هيضيع بيخلي كل ام لازم تكون صاحبه بنتها كمان بيعلم ازاي تعرف المدمن وبيعرفك ازاي تعالجه وكمان بيعلمك ازاي تثق بنفسك والاخر كمان بيديك امل ان الحياه بترجع حلوه
فهد.... بسخريه... ويا تري الست الدكتوره حافظه كتبها اكده زي المسلسل
ماسة بضحك... لا طبعا ههههههههههه المهم عملت ايه
فهد... وهو ياخذ نفس عميق
فهد... اتجوزت وجوزتك عمار القناوي يا ماسة...تبع
الفصل الخامس
فهد... انا اتجوزت وجوزتك عمار الجناوي يا ماسة
شعرت ماسة بصدمه كبيره لا تعلم ولا تعي ما يقول هل يمزح فهد الغمري تزوج وايضا زوج شقيقته التي لم يسمح لاحد للاقتراب منها
ماسة بتوتر... انت بتهزر صح
فهد بتنهيده واقترب منها وامسك يدها بحنيه
فهد... انتي واثجه (واثقه) فيا صوح (صح)
ماسة... ايوه انت مش اخويا لولو الصياد بس انت اخويا يا فهد وامي وابويا في نفس الوقت مفيش حد في العالم اغلي منك عندي
فهد...كويس جوي انا لما جوزتك من غير ما تعرفي ده لان حمدي الجناوي حطني في حيطه سد مكنش ينفع ارفض اتجوز بنت ابنه وكان الشرط اجوزك لعمار حفيده علشان الدم يوجف) يوقف(
ماسة... بدهشه... ازاي جوزتك حفيدته وهو ممنوع بنات القناوي تتجوز من عيليتنا
فهد...ده اللي مش فاهمه ليه حمدي ليه حمدي الجناوي عمل اكده ع
هتجنن حاسس انه حطني في جفص معرفيش اخرج واصل.
ماسة.... وانا طبعا جزء من الصلح
فهد... ايوه بس يا ماسة لو مش عوزه مش هجبرك وهرجع في كلامي ومش مهم حتي لو صغرت جدام الناس المهم عيندي هو انتي
ماسة...هوافق يا فهد لكن بشرط واحد
فهد... إيه هو
ماسة... وهي تسحب يدها لولو الصياد وتعتدل وتتحدث بكل قوه وجراءة لاول مره تحدثه هكذا
ماسة... انا هوافق يا فهد لكن لو فكرت تاذي حد او ترجع لموضوع التار محدش هيقفلك غيري ه
مش هكون اختك اللي بتحبك هكون ست متجوزه إنا هتجوز وهعتبره جوزي وحياتي هبدا معاه حياتي من الاول اكيد هتعب في الاول لكن بعدين هنستقر وهبقي ام ومش هسمح لحد ياذي عيلتي حتي لو اخويا ومش هسمحلك تكون جوزتني كده علشان توقف دم وانت مش هتوقفه علشان كده عاوزه وعد ان انت مش هتفكر في التار تاني
شعر فهد وكانه للمره الثانيه اليوم يقف في مكان مغلق ليس له باب نعم تزوج ولكن الثار له وقت جتي لو تاخر قليلا
فهد بكذب... أوعدك
ماسة... بشك... وانا موافقه وصدقني لو خلفت وعدك مش هكون اختك اللي ربيتها هتكون اللي قدامك وقتها زوجه عمار القناوي يا فهد
فهد بسخريه... ماشي يا زوجه عمار الجناوي
ماسة... ماشي مراتك مين واسمها ايه
فهد... معرفيش نجار باينه اكده او نجاره معرفيش
ماسة... ههههههههههه ايه ده يالهوي مش عارف اسم مراتك
فهد... فكك منها دلوجتي انا عاوزك تجهيزي نفسيك الفرح كمان ثلاث ايام
ماسة... نعم بسرعه كده
فهد... هو اكده هتروحي تجيبي كل اللي ناقصك صوح
ماسة... ايوه بكره هنزل قنا اجيب اللي ناقصني انت وترتني اصلا
فهد بهمس... والله ما حد متوتر غيري
في اليوم التالي كانت ماسة في طريقها الي قنا
وصلت ماسة الي احدي الاماكن الخاصة لشراء ما ينقصها
كانت تخرج من احدي المحلات حين اصطدمت باحدهم
ماسه باسف... سوري انا اسفه بجد
التفت اليها بغضب ناري
هو... كنت ناجصك اني انهارده
ماسة.بعصبيه من الاحراج.. هو ايه يا اخ انا اعتذرت براحه
هو.... الله اما اطولك يا روح امشي يا انسه من اهنيه دلوجتي الله يرضي عنيكي
ماسة... علي فكره المفروض لما حد يعتذرلك ترد بادب مش كده
هو وهو يقترب منها وينظر لها بقوه اخافتها
هو... وانتي بجه هتعلميني الادب
ماسة...بقوه.. مظنش وياريت تبعد عن طريقي لان واضح انك متعرفش حاجه عن الادب .هو بغضب وهو يفسح لها الطريق
هو... احمدي ربك انك ست والا كنت دفنتك مطرحك وصدجيني لو لينا نصيب نتجابل تاني في يوم من الايام هعلمك كيف تتحدتتي مع الرجاله
ماسة. هو تبتعد وحين رات الحرس يقترب سرعت خطواتها وقالت بصوت مسموع له
ماسة...قصدك اشباه الرجال
وجرت مسرعه بعيدا عنه
هو... جبر يلمك يومك اسود من الليل لو شفتك تاني
...........
على الجانب الاخر كانت تجلس نيجار حزينه وحيده ترفض الاكل ولا تسمح لاحد بالدخول
حتي علم الجد وصعد لها. طرق الباب ولكن حين سمعت صوته فتحت له الباب احتراما له
دخل الجد وجلس الي جانبها علي التخت وفتح يديه
الجد.. تعالي يا جلب جدك
اقتربت منه نيجار مسرعه وبكت بقوه وانهيار فهي كانت تحتاج الي هذا الحضن بقوه
نيجار... ببكاء... تعبانه اوي يا جدو حاسه كل حاجه راحت حتي حبي من وانا طفله اللي عمره ما بعد عني سبني كده بكل سهوله
الجد... انتي مهتحبيهوش يا نيجار ولا هو يا بتي
نيجار وهي تبعتد عنه وتنظر لعيونه بدهشه... ازاي با جدي
الجد ....لو حبك كان عمل المستحيل يا نيجار عشانك لو كان وجف قدامي ووالله يا نيجار كنت عطيتك له بس مطلبهاش يا بتي انا عمري يا بتي ما كنت اقكر اجوز بتي لحد من عيله دي لكن الظروف حكمت.....
نيجار... عندك حق يا جدو
الجد... عشان اكده عاوزك جويه حفيده الجناوي صح عاوزك كيف الرجال عاوزهم يجولوا بنات الجناوي مش اي بنات دول احسن بنات
نيجار بابتسامه حزينه... حاضر ،
.......
علي الجانب الاخر في منزل ابراهيم الغول احدي كبار عائلات البلد
رجل في الخمسين تقريبا قاسي شرير يكره الثلاث عائلات الجناوي والشهاوي والغمري يريد ان يستمر الدم بينهم ف والله انه هو سبب كل ما حدث
ابراهيم وهو ياخد نفس من الشيشه الخاصه به...
إبراهيم... يعني هينتهي بالنسب التار بينهم
احدي رجاله... ايوه يا بيه
ابراهيم بابتسامه شريره... خليهم يفرحوا ليهم حبه اكده لكن مبجاش إبراهيم الغول ان ما خليت بينهم بحور دم والزمن بينا..
الفصل السادس والسابع والثامن والتاسع والعاشر من هنا
لقراءة جميع حلقات القصه من هنا