قصة قوة الضمائر البارت السادس والعشرون 26 والاخير بقلم طارق اللبيب


قصة قوة الضمائر                                    

البارت السادس والعشرون 26 والاخير 

بقلم طارق اللبيب

ﺟﺪﻭ ﻗﺎﻝ ﻟﻴﻬﺎ : ﺑﺲ ﺩﻗﻴﻘﺔ ﻳﺎ ﺍﻣﻲ .. ﺍﻗﻮﻝ ﻟﻴﻚ ﺍﻟﻜﻼﻡ ﺩﻩ ﻟﻮ ﻣﺎ ﻭﺍﻓﻘﺘﻲ ﻣﺎﻣﺸﻜﻠﺔ .. ﺍﻧﺘﻲ ﻗﻠﺘﻲ ﻟﻲ ﺑﺜﻴﻨﺔ ﻣﺎﺑﺘﻘﺒﻞ ﺑﻴﻚ .. ﺍﻧﺎ ﻳﺎ ﺍﻣﻲ ﻣﺸﻴﺖ ﻟﻲ ﻧﺎﺱ ﻋﻤﻲ ﺍﻟﺼﺪﻳﻖ .. ﻭﺍﺗﺼﻠﺖ ﻋﻠﻴﻚ ﻣﻦ ﻫﻨﺎﻙ .. ﻣﺸﻴﺖ ﺗﺎﻧﻲ ﻣﺮﺗﻴﻦ ﻳﻌﻨﻲ ﻣﺸﻴﺖ ﺗﻼﺗﺔ ﻣﺮﺍﺕ .. ﻭﻓﻲ ﻛﻞ ﻣﺮﺓ ﺑﻤﺸﻲ ﺑﺘﻮﻧﺲ ﻣﻊ ﺑﺜﻴﻨﺔ .. ﻭﺍﻟﻠﻪ ﻋﺎﻳﺰﺍﻧﻲ ﻟﻲ ﺑﺘﻬﺎ .. ﻭﺑﺘﻬﺎ ﺑﺘﺤﻜﻲ ﻟﻴﻬﺎ ﺍﻟﻌﻼﻗﺔ ﺍﻟﺒﻴﻨﺎ .. ﻭﻣﺎﻓﺎﺿﻞ ﻟﻴﻬﺎ ﺍﻻ ﺗﻘﻮﻝ ﻟﻲ ﺗﻌﺎﻝ ﻧﻌﻘﺪ ﻟﻴﻚ ﻋﻠﻴﻬﺎ .. ﻭﺑﺘﺤﺒﻨﻲ ﺷﺪﻳﺪ .. ﻭﻧﺎﺱ ﺍﻟﺒﻴﺖ ﻛﻠﻬﻢ ﻋﺎﺭﻓﻨﻲ .. ﺍﻧﺎ ﻣﺘﻌﻠﻖ ﻓﻴﻬﺎ .. ﺑﺲ ﺍﻧﺎ ﻣﺎﺻﺮﺣﺖ ﻟﻲ ﺯﻭﻝ ﻗﺒﻞ ﻣﺎ ﺍﺧﺪ ﺭﺍﻳﻚ ..

ﻭﺍﻧﺘﻲ ﻗﻠﺘﻲ ﻟﻲ ﺑﺜﻴﻨﺔ ﺑﺘﻜﺮﻩ ﺣﺎﺟﺔ ﺍﺳﻤﻬﺎ ﺳﺘﻮ .. ﻣﻴﻦ ﻗﺎﻝ ﻟﻴﻚ؟ .. ﻭﺍﻟﻠﻪ ﻛﻞ ﻣﺎ ﺍﻣﺸﻲ ﻟﻴﻬﺎ ﺑﺘﻘﻮﻝ ﻟﻲ .. ﺍﻧﺎ ﻭﺍﻟﻠﻪ ﺍﻣﻚ ﺩﻱ ﺑﺮﻳﺪﻫﺎ ﺯﻱ ﻋﻮﻳﻨﺎﺗﻲ .. ﻭﻭﻻﺩﻱ ﺑﺮﻳﺪﻭﻫﺎ ﻭﺷﺎﻳﻔﻨﻬﺎ ﻣﻼﻙ  ﻭﺩﻋﺎﺀ ﺑﺘﻲ ﻭﻛﺖ ﺗﻘﻮﻝ ﺧﺎﻟﺘﻮ ﺳﺘﻮ .. ﺍﻟﻜﻼﻡ ﺍﻧﺘﻬﻰ .. ﻳﻌﻨﻲ ﻳﺎ ﺍﻣﻲ ﺑﺎﺧﺘﺼﺎﺭ ﺑﺜﻴﻨﺔ ﻣﻦ ﻋﺮﻓﺖ ﺍﻧﻚ ﺍﻧﺘﻲ ﺭﺍﻓﻀﺔ ﺍﻟﺼﺪﻳﻖ .. ﻭﻣﺎﻋﺎﻳﺰﺓ ﺗﻜﻮﻧﻲ ﺿﺮﺓ ﻟﻴﻬﺎ .. ﺑﻘﻴﺘﻲ ﻣﺤﻂ ﺍﺣﺘﺮﺍﻡ ﻋﻨﺪﻫﺎ .. ﻭﺍﻟﻠﻪ ﻭﺑﺘﺘﻜﻠﻢ ﻋﻨﻚ ﻛﻼﻡ ﺟﻤﻴﻞ ..

ﻏﻴﺮ ﻛﺪﺍ ﺍﻧﺎ ﺩﻋﺎﺀ ﺩﻱ .. ﻣﺎﻋﺎﻳﺰ ﻏﻴﺮﻫﺎ ﻟﻮ ﺍﻧﺘﻲ ﺭﺍﻓﻀﺔ ﺍﻟﻤﻮﺿﻮﻉ ﺧﻠﻴﻨﻲ ﻣﻦ ﻗﺼﺔ ﺍﻟﻌﺮﺱ ﺩﻱ .. ﻟﻲ ﻗﺪﺍﻡ ﺷﻮﻳﺔ .. ﻻﻣﻦ ﺍﻧﺴﺎﻫﺎ .. ﻭﻣﺎ ﺍﻇﻦ ﺍﻧﺴﺎﻫﺎ ..

ﻗﺎﻟﺖ ﻟﻴﻬﻮ : ﺍﻧﺎ ﺍﻟﺒﺖ ﺩﻱ ﻣﻦ ﺟﺎﺕ ﻫﻨﺎ ﻭﺑﺘﺘﺴﻢ .. ﻭﺗﺘﻘﺴﻢ .. ﻋﺮﻓﺘﻬﺎ ﺑﺘﺨﻄﻒ ﻗﻠﺒﻚ .. ﺧﻼﺹ ﻣﺎﻓﻲ ﻣﺸﻜﻠﺔ ﻳﺎﺟﺪﻭ .. ﻣﺎﺩﺍﻡ ﺍﻧﺖ ﻋﺎﻳﺰﻫﻢ ﻭﻫﻢ ﻋﺎﻳﺰﻧﻚ .. ﻭﺍﻧﺖ ﻣﻈﺒﻂ ﺍﻣﻮﺭﻙ ﻗﺒﻞ ﻣﺎﺗﺠﻴﻨﻲ  ﺭﺑﻨﺎ ﻳﺴﻬﻞ ﻋﻠﻴﻚ ..

 ﻗﺎﻝ ﻟﻴﻬﺎ : ﻳﻌﻨﻲ ﻣﻮﺍﻓﻘﺔ ﻳﺎ ﺍﻣﻲ؟ ..

 ﻗﺎﻟﺖ ﻟﻴﻬﻮ : ﺍﻟﻔﻴﻬﺎ ﺧﻴﺮ ﺭﺑﻨﺎ ﻳﺴﻮﻳﻬﺎ ..

ﺍﻟﻤﻬﻢ ﻗﺒﻠﺖ ﺍﻟﻤﻮﺿﻮﻉ ﻋﻠﻰ ﻣﻀﺾ .. ﻭﻓﻲ ﺷﻲ ﻣﺎ ﻣﺮﻳﺤﻬﺎ .. ﻭﻫﻲ ﺫﺍﺗﻬﺎ ﻣﺎﻋﺎﺭﻓﺎﻫﻮ ﺷﻨﻮ ..

ﺍﻟﻤﻬﻢ ﺟﺪﻭ ﺍﺧﺪ ﺍﻟﻤﻮﺍﻓﻘﺔ ﻣﻦ ﺍﻣﻮ ﺳﺮﻳﻊ .. ﻭﺧﺎﻳﻔﻬﺎ ﺗﻐﻴﺮ ﺭﺍﻳﻬﺎ  ﻻﻧﻬﺎ ﻣﺎﻣﻀﻤﻮﻧﺔ ﻓﻲ ﺣﺎﺟﺎﺕ ﺯﻱ ﺩﻱ .. ﻣﻤﻜﻦ ﺗﺘﻘﻠﺐ ﺳﺮﻳﻊ ..

ﺟﺪﻭ ﻣﻦ ﺩﺭﺑﻮ ﺩﺍ ﻣﺸﻰ ﻟﻲ ﻋﻢ ﺻﺪﻳﻖ .. ﻭﻃﻠﺐ ﻣﻨﻮ ﺩﻋﺎﺀ ..

ﻋﻢ ﺻﺪﻳﻖ ﻗﺎﻝ ﻟﻴﻬﻮ :  ﻋﻠﻲ ﺍﻟﻄﻼﻕ ﺩﻋﺎﺀ .. ﺍﻧﺖ ﻭﻟﻲ ﺍﻣﺮﻫﺎ .. ﻛﺎﻥ ﺟﺎﻫﺎ ﺯﻭﻝ ﻏﻴﺮﻙ ﻟﻴﻚ ﺍﻟﺸﻮﺭﺓ ..

ﺑﺲ ﻋﻠﻰ ﻗﻮﻟﻚ ﺍﻟﻤﻮﺿﻮﻉ ﻋﻨﺪ ﺳﺖ ﺍﻟﺸﺎﻥ .. ﺍﻧﺎ ﺑﻄﺮﺡ ﻟﻴﻬﺎ ﺍﻟﻤﻮﺿﻮﻉ ﻟﻮ ﻭﺍﻓﻘﺖ .. ﺍﻧﺎ ﻣﺎﻋﻨﺪﻱ ﻣﺎﻧﻊ .. ﺟﺪﻭ ﻃﺒﻌﺎ" ﻋﺎﺭﻑ ﺭﺍﻳﻬﺎ .. ﻻﻧﻮ ﻗﺒﻞ ﻛﺪﺍ ﻃﺮﺡ ﻟﻴﻬﺎ ﺍﻟﻤﻮﺿﻮﻉ .. ﻟﻜﻦ ﺩﺳﺎ ﺍﻟﻜﻼﻡ ﺩﻩ ﻣﻦ ﻋﻢ ﺻﺪﻳﻖ .. ﺧﺎﻳﻔﻮ ﻳﻌﻤﻞ ﻣﺸﻜﻠﺔ .. ﻻﻧﻮ ﺟﺪﻭ ﺑﺎﻟﻄﺮﻳﻘﺔ ﺩﻱ .. ﻋﻠﻰ ﺣﺴﺐ ﺭﺍﻱ ﺻﺪﻳﻖ .. ﻣﺎ ﻣﺸﻰ ﺑﺎﻟﻄﺮﻳﻘﺔ ﺍﻟﻌﺪﻳﻠﺔ ..

ﺗﻤﺖ ﺍﻟﻤﻮﺍﻓﻘﺔ ﻣﻦ ﺩﻋﺎﺀ ﻭﺍﻣﻬﺎ .. ﻭﺣﺪﺩﻭ ﻣﻮﺍﻋﻴﺪ ﺍﻟﺰﻭﺍﺝ .. ﻭﻳﻮﺳﻒ ﺍﺗﺼﻞ ﻋﻠﻰ ﺍﻣﻮ ﻭﻛﻠﻤﻬﺎ ..

ﻓﻲ ﺍﻟﻔﺘﺮﺓ ﺍﻟﻘﺒﻞ ﺍﻟﺰﻭﺍﺝ .. ﺑﺜﻴﻨﺔ ﺍﺷﺘﺪ ﻋﻠﻴﻬﺎ ﺍﻟﻤﺮﺽ ﺷﺪﻳﺪ .. ﻭﺍﻟﺼﺪﻳﻖ .. ﺍﺻﺮ ﺍﻧﻮ ﻳﺮﺣﻠﻮ ﺍﻟﺨﺮﻃﻮﻡ .. ﻋﺸﺎﻥ ﺑﺜﻴﻨﺔ ﺗﻜﻮﻥ ﻗﺮﻳﺒﺔ ﻟﻠﺪﻛﺎﺗﺮﺓ .. ﺻﺪﻳﻖ ﻋﻨﺪﻭ ﺑﻴﺖ ﻓﻲ ﺟﺒﺮﺓ .. ﻣﺆﺟﺮ ..

ﻓﻀﺎﻫﻮ ﻭﺭﺣﻞ ﺍﻭﻻﺩﻭ ﻫﻨﺎﻙ .. ﺑﺜﻴﻨﺔ ﻭﺑﻨﺎﺗﻬﺎ .. ﻭﻣﺪﻳﻨﺔ ﺯﻭﺟﺔ ﺻﺪﻳﻖ ﺍﻟﺘﺎﻧﻴﺔ .. ﺍﻟﻜﻼﻡ ﺩﻩ ﻗﺒﻞ ﺍﻟﺰﻭﺍﺝ ﺑﺘﺎﻉ ﺟﺪﻭ ..

ﻛﻠﻬﻢ ﻧﺰﻟﻮ ﻓﻲ ﺍﻟﺒﻴﺖ ﺍﻟﺠﺪﻳﺪ .. ﻭﺍﻻﻳﺎﻡ ﻣﺮﺕ .. ﻭﺍﻟﻌﺮﺱ ﻗﺮﺏ  ﻭﻳﻮﺳﻒ ﻛﺎﻥ ﻓﺮﺣﺎﻥ ﺑﻲ ﺩﻋﺎﺀ .. ﻭﺩﻋﺎﺀ ﻓﺮﺣﺎﻧﺔ ﺑﻲ ﻳﻮﺳﻒ .. ﻭﺍﻟﺘﻠﻔﻮﻥ ﺩﻩ ﺑﻴﻨﺎﺗﻬﻢ ﺷﻐﺎﻝ ﺑﺎﻟﻠﻴﻞ ﻭﺍﻟﻨﻬﺎﺭ .. ﻟﻐﺎﻳﺔ ﻳﻮﻡ ﺍﻟﺰﻭﺍﺝ ﻛﺎﻧﺖ ﺍﻻﺣﻮﺍﻝ ﻫﺎﺩﺋﺔ .. ﺑﺲ ﻓﻲ ﺣﺎﺟﺔ ﻓﻲ ﺍﻟﺒﻴﺖ ﺩﻩ ﻣﺎ ﻣﺰﺑﻮﻃﺔ .. ﻭﻳﻮﺳﻒ ﻣﺎ ﻓﺎﻫﻢ ﺍﻟﺤﺎﺻﻞ .. ﻗﺎﻟﻮ ﺍﻟﺰﻭﺍﺝ ﻛﻠﻮ ﺡ ﻳﻜﻮﻥ ﻓﻲ ﺑﻴﺖ ﺍﻟﺼﺪﻳﻖ ﻭﺍﻟﺪﻋﻮﺓ .. ﻭﺳﺘﻮ ﺟﺎﺕ ﺑﻴﺖ ﻧﺎﺱ ﺻﺪﻳﻖ .. ﻣﻌﺎﻫﺎ ﻣﻠﻜﺔ ﻭﻣﻌﺘﺼﻢ .. ﻗﺒﻞ ﻳﻮﻡ ﻣﻦ ﺍﻟﺰﻭﺍﺝ ..

ﺍﻫﺎ ﺍﻟﻜﺎﺭﺛﺔ ﺍﻧﻮ ﻳﻮﻡ ﺍﻟﺰﻭﺍﺝ ﺍﻟﺼﺒﺎﺡ ﺑﺜﻴﻨﺔ ﺗﻌﺒﺖ .. ﻭﻭﺩﻭﻫﺎ ﺍﻟﻤﺴﺘﺸﻔﻰ .. ﻭﺍﻟﺰﻭﺍﺝ ﺗﻢ ﻓﻲ ﻇﺮﻭﻑ .. ﻏﺎﻳﺘﻮ ﺍﻟﺤﻤﺪ ﻟﻠﻪ .. ﺍﻡ ﺍﻟﻌﺮﻭﺱ ﻓﻲ ﺍﻟﻤﺴﺘﺸﻔﻰ .. ﻭﻛﺎﻥ ﺯﻭﺍﺝ ﻳﻮﺳﻒ ﻣﺎﺿﺎﻕ ﻃﻌﻤﻮ .. ﻭﺳﺘﻮ ﺧﻠﺖ ﺯﻭﺍﺝ ﻭﻟﺪﻫﺎ ﺍﻟﻌﺮﻳﺲ .. ﻭﻣﺸﺖ ﻣﻊ ﺑﺜﻴﻨﺔ ﺍﻟﻤﺴﺘﺸﻔﻰ ..

ﻭﻭﻗﻔﺖ ﻣﻌﺎﻫﺎ ﻭﻗﻔﺔ ﻋﺠﻴﺒﺔ .. ﻣﺎﺣﻀﺮﺕ ﻓﻲ ﺍﻟﻌﺮﺱ ﺍﻱ ﺷﻲ  ﻭﺑﻨﺎﺕ ﺍﻟﺼﺪﻳﻖ ﺍﻻﺗﻨﻴﻦ ﻣﺎﺣﻀﺮﻥ ﺍﻟﻌﺮﺱ .. ﻭﻣﻠﻜﺔ ﻫﻲ ﺍﻟﻜﺎﻧﺖ ﻭﺍﻗﻔﺔ ﻣﻊ ﺍﻟﻌﺮﻭﺱ .. ﺑﺲ ﺍﻟﻤﻼﺣﻈﺔ ﺍﻟﻼﺣﻈﻮﻫﺎ ﻧﺎﺱ ﺟﺪﻭ ﻭﺍﻣﻮ .. ﻏﻴﺎﺏ ﺩﻭﺭ ﻣﺪﻳﻨﺔ ﺑﺖ ﻣﻴﻤﻮﻧﺔ .. ﻣﺎﺟﺎﺕ ﺍﻟﻤﺴﺘﺸﻔﻰ ﻧﻬﺎﺋﻲ ..

ﻗﺎﻣﺖ ﺳﺘﻮ ﺑﻲ ﺣﺴﻦ ﻧﻴﺔ ﺳﺄﻟﺖ ﻣﻨﻬﺎ .. ﻭﻳﻦ ﻣﺪﻳﻨﺔ ﻳﺎ ﺍﺳﺮﺍﺀ ﻣﺎﺷﺎﻳﻔﺎﻫﺎ .. ﻗﺎﻣﺖ ﺍﺳﺮﺍﺀ ﺑﺖ ﺍﻟﺼﺪﻳﻖ ﺍﻟﻜﺒﻴﺮﺓ .. 

ﻗﺎﻟﺖ ﻟﻴﻬﺎ : ﻭﺍﻟﻠﻪ ﻳﺎﺧﺎﻟﺘﻮ ﻣﺪﻳﻨﺔ ﺩﻱ .. ﺍﻟﻌﻦ ﻣﺮﺍﺓ ﻻﻗﺘﻨﺎ ﻓﻲ ﺣﻴﺎﺗﻨﺎ .. ﺑﺲ ﺍﻟﺤﻤﺪ ﻟﻠﻪ .. ﺧﻮﺍﺯﻳﻖ ﻭﻗﻊ ﻓﻴﻬﺎ ﺍﺑﻮﻱ ..

 ﻗﺎﻟﺖ ﻟﻴﻬﺎ : ﻟﻴﻪ ﺍﻟﺤﺎﺻﻞ ﺷﻨﻮ؟ ..

ﺑﻬﺠﺔ ﺍلصغيرﺓ ﻧﻄﺖ .. 

ﻗﺎﻟﺖ ﻟﻴﻬﺎ :  ﻣﻦ ﺟﺎﺕ ﺑﻴﺘﻨﺎ .. ﺟﺎﺕ ﺑﺎﻟﻌﺪﺍﻭﺓ ﻭﺍﻟﺤﻘﺪ ﻭﺍﻟﺴﻮﺍﻃﺔ ﻭﺍﻟﻘﻮﺍﺋﻞ .. ﻭﺍﻟﻠﻪ ﺯﺍﺩﺕ ﻣﺮﺽ ﺍﻣﻲ .. ﻭﺑﺘﻌﺎﻣﻠﻨﺎ ﺍﺳﻮﺀ ﻣﻌﺎﻣﻠﺔ .. ﻭﺑﺘﻔﺘﻦ ﺍﺑﻮﻱ ﻓﻴﻨﺎ ﺑﺎﻟﻜﻀﺐ .. ﻭﺑﻌﺪﻳﻦ ﺍﻟﻜﺎﺭﺛﺔ ﺍﻻﻛﺒﺮ .. ﺍﻧﺘﻲ ﻣﺎﻋﺎﺭﻓﺎﻫﺎ ﻣﺎﻻ ..

 ﺳﺘﻮ ﻗﺎﻟﺖ ﻟﻴﻬﺎ :  ﺍﻫﺎ ﻣﺎﻻ؟ ..

ﺍﺳﺮﺍﺀ ﻗﺒﻠﺖ ﻋﻠﻰ ﺍﺧﺘﻬﺎ ..

 ﻗﺎﻟﺖ ﻟﻴﻬﺎ : ﺍﺳﻜﺘﻲ ﻳﺎﺑﻬﺠﺔ .. ﻣﻦ ﺳﺘﺮ ﻣﺴﻠﻤﺎ" ..

ﺳﺘﻮ ﻗﺎﻟﺖ ﻟﻴﻬﺎ : ﻭﺍﻟﻠﻪ ﻣﺎﻟﻴﻬﺎ ﺣﻖ .. ﺍﺻﻼ" ﺍﺑﻮﻙ ﺍﺗﺰﻭﺟﻬﺎ ﻋﺸﺎﻥ ﺗﻬﺘﻤﻪ ﺑﻴﻜﻢ ﻟﻈﺮﻑ ﺍﻣﻜﻢ .. ﻟﻜﻦ ﺍﻟﻔﻬﻢ ﻗﺴﻢ .. ﺍﺳﺮﺍﺀ ﻗﺎﻟﺖ ﻟﻴﻬﺎ : ﻳﺎ ﺧﺎﻟﺘﻮ ﻫﻲ ﻋﺪﻳﻞ ﺑﺘﻘﻮﻝ ﻟﻴﻨﺎ ﺍﻣﻜﻢ ﺍﻟﺠﻨﺎﺯﺓ ﺩﻱ  ﻣﺎﻋﺎﻳﺰﺓ ﺗﻤﻮﺕ ﺗﺮﻳﺤﻨﺎ ..

ﻓﻲ ﺍﻟﻮﻗﺖ ﺩﻩ ﺑﺜﻴﻨﺔ ﻓﺘﺤﺖ ﻋﻴﻨﻴﻬﺎ .. ﻭﺗﻌﺒﺎﻧﺔ ﺷﺪﻳﺪ .. 

ﻗﺎﻟﺖ ﻟﻲ ﺳﺘﻮ : ﺍﻧﺎ ﻳﺎﺳﺘﻮ ﺍﻭﻻﺩﻱ ﻭﺑﻨﺎﺗﻲ ﺩﻳﻞ .. ﺧﻠﻴﺘﻬﻢ ﺍﻣﺎﻧﺔ ﻓﻲ ﺭﻗﺒﺘﻚ .. 

ﻗﺎﻟﺖ ﻟﻴﻬﺎ :  ﻗﻮﻟﻲ ﺑﺴﻢ ﺍﻟﻠﻪ ﻳﺎﺑﺜﻴﻨﺔ .. ﺍﻥ ﺷﺎﺀ ﺍﻟﻠﻪ ﺗﻘﻮﻣﻲ ﻟﻴﻬﻢ ﺑﺎﻟﺴﻼﻣﺔ .. ﻭﺭﺑﻨﺎ ﻳﺨﻠﻴﻚ ﻟﻴﻬﻢ .. ﺍﻟﻤﺮﺽ ﻣﺎﺑﻘﺘﻞ ﺯﻭﻝ .. ﻳﺜﻴﻨﺔ ﻋﺎﻳﻨﺖ ﻟﻲ ﺍﺳﺮﺍﺀ ﻗﺎﻟﺖ ﻟﻴﻬﺎ : ﺍﻫﺎ ﺷﻔﺘﻲ ﺑﻲ ﻋﻴﻨﻚ ﻳﺎ ﺍﺳﺮﺍﺀ .. ﺍﻧﺎ ﻟﻮ ﺣﺼﻞ ﻟﻲ ﺍﻣﺮ ﺍﻟﻠﻪ .. ﻭﺻﻴﺘﻲ ﻟﻴﻚ ﻣﺎﺗﻨﺴﻴﻬﺎ .. ﻭﻧﻔﺬﻱ ﺍﻟﻘﻠﺖ ﻟﻴﻚ ﻋﻠﻴﻬﻮ .. ﻭﺳﺘﻮ ﻃﺒﻌﺎ" ﻣﺎﻓﺎﻫﻤﺔ ﺍﻱ ﺷﻲ ..

ﻭﻣﺎﻋﺎﻳﺰﺓ ﺗﻔﻬﻢ ..

ﺍﻟﺰﻭﺍﺝ ﺍﻧﺘﻬﻰ .. ﻭﺟﺪﻭ ﻭﻋﺮﻭﺳﻮ ﻗﺒﻞ ﻣﺎﻳﻤﺸﻮ ﻋﻠﻰ ﺍﻟﺸﻘﺔ .. ﺟﻮ ﺍﻟﻤﺴﺘﺸﻔﻰ .. ﻭﻗﻌﺪﻭ ﻣﻊ ﺑﺜﻴﻨﺔ .. ﻟﻐﺎﻳﺔ ﺍﺧﺮ ﺍﻟﻠﻴﻞ .. ﺣﺘﻦ ﻣﺸﻮ .. ﻭﺟﻮ ﺑﻜﺮﺓ ﺍﻟﺼﺒﺎﺡ .. ﻭﺳﺘﻮ مشت ﺑﺎﻟﻠﻴﻞ ﻭﺑﺮﺿﻮ ﺟﺎﺕ ﺍﻟﺼﺒﺎﺡ .. ﻻﻗﺖ ﻭﻟﺪﻫﺎ ﻭﻋﺮﻭﺳﻮ .. ﻭﺟﺎﺕ ﺗﻄﻤﻦ ﻋﻠﻰ ﺍﻟﻤﺮﻳﻀﺔ  ﻭﺍﻟﻤﺮﻳﻀﺔ ﻛﻞ ﻳﻮﻡ ﺣﺎﻟﺘﻬﺎ ﻣﺎﺷﺔ ﺍﺳﻮﺀ ..

ﺑﻌﺪ ﺍﺭﺑﻌﺔ ﻳﻮﻡ ﻣﻦ ﺯﻭﺍﺝ ﺟﺪﻭ .. ﻳﺜﻴﻨﺔ ﺍﺗﻮﻓﺖ ﺍلى ﺭﺣﻤﺔ ﻣﻮﻻﻫﺎ .. ﻭﺍﻟﺒﻴﺖ ﺍﻟﺠﺪﻳﺪ ﻓﻲ ﺟﺒﺮﺓ ﻣﺎ ﺍﺗﻬﻨﺖ ﻓﻴﻬﻮ .. ﻭﺍﻟﺤﻤﺪ ﻟﻠﻪ ..

ﺳﺘﻮ ﻗﺎﻋﺪﺓ ﻓﻲ ﺑﻴﺖ ﺍﻟﻌﺰﺍﺀ .. ﺗﻼﺗﺔ ﺍﻳﺎﻡ ﻭﺷﺎﻓﺖ ﺑﻲ ﻋﻴﻨﻬﺎ ﻣﻌﺎﻣﻠﺔ ﻣﺪﻳﻨﺔ .. ﻭﻛﺮﺍﻫﻴﺘﻬﺎ ﻟﻲ ﺍﻭﻻﺩ ﺍﻟﺼﺪﻳﻖ .. ﻳﺎﺧﻲ ﻳﻮﻡ ﺍﻟﻮﻓﺎﺓ ﺍﻟﻤﺮﺍﺓ ﺩﻱ ﻣﺎﻓﻀﻞ ﻟﻴﻬﺎ ﺍﻻ ﺗﻌﻤﻞ ﺍﺣﺘﻔﺎﻝ ..

ﻭﺗﺘﺒﺴﻢ ﺯﻱ ﺍﻟﻤﺎﻧﺼﻴﺤﺔ .. ﻻﻣﻦ ﺍﻟﻨﺎﺱ ﻻﺣﻈﻮ ﻟﻴﻬﺎ .. ﺣﺘﻰ ﻧﺎﺱ ﺍﻟﺒﻠﺪ ﺍﻟﺠﻮ ﺑﺘﻜﻠﻤﻮ ﻋﻨﻬﺎ .. ﻭﻋﻦ ﺣﺮﻛﺎﺗﻬﺎ ..

ﺳﺘﻮ ﻗﺎﻟﺖ ﻟﻲ ﺍﺳﺮﺍﺀ : ﺍﻧﺘﻲ ﻳﺎ ﺍﺳﺮﺍﺀ ﻣﺪﻳﻨﺔ ﺩﻱ ﻣﻮﺵ ﺍﺧﺘﺮﺗﻮﻫﺎ ﺍﻧﺘﻮ ﻟﻲ ﺍﺑﻮﻙ؟ ..

 ﻗﺎﻟﺖ ﻟﻴﻬﺎ : ﺍﺧﺘﺎﺭﺗﻬﺎ ﻟﻴﻬﻮ ﺍﻣﻲ .. ﻭﺩﻩ ﺍﺧﺮ ﺟﺰﺍﻫﺎ ..

 ﻗﺎﻟﺖ ﻟﻴﻬﺎ ﻳﻌﻨﻲ ﺍﻧﺘﻮ ﻣﺎﻋﺎﺭﻓﻨﻬﺎ ﻣﻦ ﺯﻣﺎﻥ ؟ ﻗﺎﻟﺖ ﻟﻴﻬﺎ ﻭﺍﻟﻠﻪ ﻛﻠﻮ ﻛﺸﻔﻨﺎﻫﻮ ﺑﻌﺪ ﺟﺎﺗﻨﺎ ..

ﻗﺎﻟﺖ ﻟﻴﻬﺎ : ﺍﻧﺘﻮ ﻻﺯﻡ ﺗﺤﻜﻮ ﻟﻲ ﺍﺑﻮﻛﻢ .. ﺍﻟﺒﺘﻌﻤﻞ ﻓﻴﻬﻮ ﺩﻩ .. ﻗﺎﻟﺖ ﻟﻴﻬﺎ :  ﻭﺍﻟﻠﻪ ﺧﺎﻳﻔﻨﻮ ﻣﺎﻳﺼﺪﻕ .. ﻭﻳﻘﻮﻝ ﺷﺎﻳﻠﻨﺎ ﺍﻟﻀﺮ .. ﻧﺤﻦ ﺩﺍﻳﺮﻧﻮ ﻳﻼﺣﻆ ﺑﺮﺍﻫﻮ ..

ﺳﺘﻮ ﻛﻠﻤﺖ ﻳﻮﺳﻒ .. ﻗﺎﻟﺖ ﻟﻴﻬﻮ :  ﺍﺳﻤﻊ ﻳﺎﻳﻮﺳﻒ .. ﺍﻟﻤﺮﺍﺓ ﺍﻻﺳﻤﻬﺎ ﻣﺪﻳﻨﺔ ﺩﻱ .. ﻣﻌﺬﺑﺔ ﺍﻟﺒﻨﺎﺕ ﺩﻳﻞ ﻋﺬﺍﺏ .. ﺍﻧﺖ ﻻﺯﻡ ﺗﺤﻜﻲ ﻟﻠﺼﺪﻳﻖ .. ﺍﻟﺒﻨﺎﺕ ﺩﻳﻞ ﺍﻣﻬﻦ ﻣﺎﺗﺖ .. ﻭﺑﻘﻦ ﻣﻜﺴﻮﺭﺍﺕ ﺟﻨﺎﺡ ..

ﻗﺎﻝ ﻟﻴﻬﺎ : ﻻﻻ .. ﺩﻩ ﻣﻮﺿﻮﻉ ﺍﻧﺎ ﻣﺎﺑﺪﺧﻞ ﻓﻴﻬﻮ .. ﺍﻧﺎ ﺩﻋﺎﺀ ﺣﻜﺖ ﻟﻲ ﻛﻞ ﺷﻲ .. ﺑﺲ ﻗﻠﻨﺎ ﻟﻠﺒﻨﺎﺕ ﺍﺻﺒﺮﻥ ﺭﺑﻨﺎ ﺑﻔﺮﺟﻬﺎ ..

ﺍﻟﻤﻬﻢ ﻳﺎﺯﻭﻝ ﺑﻌﺪ ﺍﻟﻌﺰﺍﺀ ﺍﻧﺘﻬﻰ .. ﺳﺘﻮ ﻛﺎﻧﺖ ﻣﻘﻠﻘﺔ ﻋﻠﻰ ﺍﻟﺒﻨﺎﺕ .. ﻻﻧﻮ ﺍﻛﺮﻡ ﺡ ﻳﻤﺸﻲ ﺍﻟﺨﻼ ﻣﻊ ﺍﺷﺮﻑ .. ﻭﻫﻲ ﺡ ﺗﻠﻘﻰ ﻓﺮﺻﺘﻬﺎ ﻓﻴﻬﻦ ..

ﻗﺎﻣﺖ ﺳﺘﻮ ﻗﺎﻟﺖ ﻟﻲ ﺍﺷﺮﻑ :  ﻧﺎﺩﻱ ﻟﻲ ﺍﺑﻮﻙ ﻳﺎ ﺍﺷﺮﻑ .. ﺍﺷﺮﻑ ﻣﺸﻰ ﻛﻠﻢ ﺍﺑﻮﻫﻮ ﻭﻗﺎﻝ ﻟﻴﻬﻮ : ﺳﺘﻮ ﺍﻡ ﻳﻮﺳﻒ ﻋﺎﻳﺰﺍﻙ ﺍﻟﺼﺪﻳﻖ ﺩﻩ ﺍﻭﻝ ﻣﺮﺓ ﻳﺨﺎﻑ .. ﻭﻗﻠﺒﻮ ﻳﻀﺮﺏ ﺑﺎﻟﻄﺮﻳﻘﺔ ﺩﻱ ..

ﺟﺎﻫﺎ ..

 ﻗﺎﻟﺖ ﻟﻴﻬﻮ : ﺍﻧﺎ ﻳﺎ ﺍﻟﺼﺪﻳﻖ ﻃﺎﻟﺒﺔ ﻣﻨﻚ ﻃﻠﺐ .. ﻭﻋﺎﺭﻓﺔ ﺍﻧﻚ ﻣﺎﺑﺘﺮﻓﻀﻮ ﻟﻲ ..

 ﻗﺎﻝ ﻟﻴﻬﺎ :  ﺍﻃﻠﺒﻲ ﻳﺎ ﺳﺘﻮ .. 

ﻗﺎﻟﺖ ﻟﻴﻬﻮ : ﺍﻧﺎ ﻋﺎﻳﺰﺓ ﺍﺳﺮﺍﺀ ﻭﺑﻬﺠﺔ ﻳﻘﻌﺪﻭ ﻣﻌﺎﻱ ﺷﻮﻳﺔ ﻓﻲ ﺍﻡ ﺩﺭﻣﺎﻥ .. ﺍﻧﺎ ﻗﺎﻋﺪﺓ ﻓﻲ ﺍﻟﺒﻴﺖ ﺑﺮﺍﻱ ..

ﻗﺎﻝ ﻟﻴﻬﺎ : ﻟﻜﻦ ﻛﻴﻒ ﻧﺨﻠﻲ ﻣﺪﻳﻨﺔ ﻗﺎﻋﺪﺓ ﺑﺮﺍﻫﺎ؟؟ ..

 ﻗﺎﻟﺖ ﻟﻴﻬﻮ : اﻧﺖ ﻛﺪﻱ ﺷﺎﻭﺭ ﻣﺪﻳﻨﺔ ﺍﻣﻜﻦ ﺗﻘﺒﻞ ..

 ﻗﺎﻝ ﻟﻴﻬﺎ : ﻛﻮﻳﺲ ﺑﺮﺟﻊ ﻟﻴﻚ ﺑﻌﺪﻳﻦ ..

ﻭﻛﺖ ﻣﺸﻰ ﻗﺎﻝ ﻟﻲ ﻣﺪﻳﻨﺔ ﺍﻟﺒﻨﺎﺕ ﻣﺎﺷﺎﺕ ﻳﻘﻌﺪﻥ ﻣﻊ ﺳﺘﻮ .. ﻗﺎﻟﺖ ﻟﻴﻬﻮ :  ﺗﻤﺎﻡ ﺍﻧﺎ ﻣﻮﺍﻓﻘﺔ ..

 ﻗﺎﻝ ﻟﻴﻬﺎ : ﻃﻴﺐ ﺑﺘﻘﻌﺪﻱ ﺑﺮﺍﻙ؟؟ 

ﻗﺎﻟﺖ ﻟﻴﻬﻮ :  ﺍﻟﺠﺎﻳﻨﻲ ﺷﻨﻮ؟ ﺑﻘﻔﻞ ﺑﻴﺘﻲ ﻭﺧﻼﺹ ..

ﻃﺒﻌﺎ" ﺍﻟﺼﺪﻳﻖ ﻋﺎﺭﻑ ﺍﻧﻮ ﻣﺪﻳﻨﺔ .. ﻣﺎﺑﺘﺤﺐ ﺑﻨﺎﺗﻮ .. ﻻﻧﻬﺎ ﺩﺍﻳﻤﺎ" ﺑﺘﺠﻲ ﺗﺸﻜﻲ ﻣﻨﻬﻦ .. ﻭﻣﻀﺎﻳﻘﺔ ﻣﻨﻬﻦ .. ﻭﻣﻦ ﺍﻣﻬﻦ ﺍﻟﻠﻪ ﻳﺮﺣﻤﻬﺎ .. ﻭﺍﻟﻜﻼﻡ ﺩﻩ ﻇﺎﻫﺮ .. ﻟﻜﻦ ﺍﻟﺼﺪﻳﻖ ﺑﺤﺎﻭﻝ ﻳﻤﺸﻲ ﺍﻻﻣﻮﺭ .. ﻭﺑﻘﻮﻝ ﺩﻱ ﻣﺸﺎﻛﻞ ﺣﺮﻳﻢ ..

ﺍﻟﻤﻬﻢ ﺻﺪﻳﻖ ﺗﺎﻧﻲ ﺟﺎﺀ ﺍﺗﻜﻠﻢ ﻣﻊ ﺳﺘﻮ .. 

ﻗﺎﻝ ﻟﻴﻬﺎ :  ﻣﺪﻳﻨﺔ ﻭﺍﻓﻘﺖ .. ﻟﻜﻦ ﺍﻧﺘﻲ ﻣﻮﺵ ﻳﻮﺳﻒ ﺡ ﻳﺠﻲ ﻳﺴﻜﻦ ﻣﻌﺎﻙ ﻓﻲ ﺍﻟﺒﻴﺖ ﺑﻲ ﻣﺮﺗﻮ؟ ..

ﻗﺎﻟﺖ ليهو  ﺍﻟﺒﻴﺖ ﻛﺒﻴﺮ .. ﺷﺎﻳﻠﻨﺎ ﻭﺷﺎﻳﻞ ﻳﻮﺳﻒ .. ﻭﻳﻮﺳﻒ ﺍﺻﻼ" ﻣﺎ ﺡ ﻳﻘﻌﺪ ﻛﺘﻴﺮ .. ﺑﻤﺸﻲ ﺍﻟﺨﻼ ﻭﺑﺨﻠﻲ ﻣﻌﺎﻱ ﺩﻋﺎﺀ .. ﺍﺣﺴﻦ ﺍﻟﺒﻨﺎﺕ ﺍﻟﺘﻼﺗﺔ ﻳﻜﻮﻧﻦ ﺳﻮﺍﺀ ﻓﻲ ﺍﻟﻔﺘﺮﺓ ﺩﻱ .. ﺍﻗﻞ ﺷﻲ ﻳﺨﻔﻔﻦ ﺍﻻﻟﻢ ﻋﻠﻰ ﺑﻌﺾ ..

ﻗﺎﻝ ﻟﻴﻬﺎ : ﻣﺎﻓﻲ ﻣﺸﻜﻠﺔ ﻳﺎ ﺳﺘﻮ .. ﺍﻧﺎ ﺑﻨﺎﺗﻲ ﺑﻄﻤﺌﻦ ﻋﻠﻴﻬﻢ ﻣﻌﺎﻙ .. ﺍﻛﺘﺮ ﻣﻦ ﻣﺪﻳﻤﺔ ﺭﺑﻨﺎ ﺑﺸﻬﺪ ..

ﻳﻼ ﻓﻲ ﺣﺎﺟﺔ ﺣﺼﻠﺖ ﻓﻲ ﺍﻟﻌﺰﺍﺀ .. ﻣﺎ ﻗﻠﻨﺎﻫﺎ ﻣﻴﻤﻮﻧﺔ ﺍﻡ ﻣﺪﻳﻨﺔ ﺟﺎﺕ ﺍﻟﺒﻜﺎﺀ ﺑﺘﺎﻉ ﺑﺜﻴﻨﺔ .. ﻭﻻﻗﺖ ﺳﺘﻮ ﻫﻨﺎﻙ .. ﻭﺷﺎﻓﺖ ﺳﺘﻮ ﻗﺎﻳﻤﺔ ﻓﻲ ﺍﻟﻌﺰﺍﺀ ﺯﻱ ﺍﻟﻜﺎﻧﻮ ﺍﻟﻤﺎﺗﺖ ﺩﻱ ﺍﺧﺘﻬﺎ .. ﻭﺍﻟﺤﺰﻥ ﻇﺎﻫﺮ ﻓﻮﻗﻬﺎ ﺍﻛﺘﺮ ﻣﻦ ﻣﺪﻳﻨﺔ .. ﻧﺎﺩﺕ ﺑﺘﻬﺎ ﻗﺎﻟﺖ ﻟﻴﻬﺎ ﻳﺎﻣﺪﻳﻨﺔ .. ﺍﻧﺘﻲ ﻓﻲ ﺣﺎﺟﺔ ﻣﺎﻋﺎﺭﻓﺎﻫﺎ ..

ﺍﻧﺘﻲ ﻋﺎﺭﻓﺔ ﺍﻧﻮ ﺭﺍﺟﻠﻚ ﺍﻟﺼﺪﻳﻖ .. ﻛﺎﻥ ﺩﺍﻳﺮ ﺳﺘﻮ ﺩﻱ .. ﻗﺒﺎﻝ ﻳﺜﻴﻨﺔ ﺍﻟﻠﻪ ﻳﺮﺣﻤﻬﺎ .. 

ﻗﺎﻟﺖ ﻟﻴﻬﺎ :  ﺍﺑﺪﺍ" ﻭﺍﻟﻠﻪ ..

 ﻗﺎﻟﺖ ﻟﻴﻬﺎ :  ﻫﺴﻲ ﺍﻧﺘﻲ ﻣﺎﺷﺎﻳﻔﺔ ﺍﻟﺤﺎﻝ ﺍﻟﺒﺘﻮﺳﻲ ﻓﻴﻬﻮ ﺍﻟﻤﺮﺍﺓ ﺩﻱ؟ .. ﺩﻱ ﻛﻠﻬﺎ ﺍﻧﻜﺮﺍﺷﺔ ﻟﻠﺼﺪﻳﻖ ﻭﺍﻭﻻﺩﻭ ..

ﺍﻫﺎ ﻟﻤﻦ ﺍﻟﺼﺪﻳﻖ ﻗﺎﻝ ﻟﻲ ﻣﺪﻳﻨﺔ ﺍﻟﺒﻨﺎﺕ ﻋﺎﻳﺰﺍﺕ ﻳﻤﺸﻦ ﻣﻊ ﺳﺘﻮ ﺍﻡ ﺩﺭﻣﺎﻥ .. ﺍﺗﺎﻛﺪﺕ ﻛﻼﻡ ﺍﻣﻬﺎ .. ﻟﻜﻦ ﻣﺎﻗﺪﺭﺕ ﺗﺴﻮﻱ ﺷﻲ .. ﻻﻧﻬﺎ ﺩﺍﻳﺮﺓ ﺍﻟﺒﻨﺎﺕ ﻳﻤﺸﻦ .. ﻭﻳﻔﻀﻦ ﻟﻴﻬﺎ ﺍﻟﺠﻮ ﻭﺗﻘﻌﺪ ﺑﺮﺍﻫﺎ ..

ﻳﺎﺯﻭﻝ ﻏﺎﻳﺘﻮ ﺍﻟﺒﻨﺎﺕ ﻣﺸﻦ ﻗﻌﺪﻥ ﻣﻊ ﺳﺘﻮ ﻓﻲ ﺍﻟﺒﻴﺖ .. ﻭﺣﺴﻦ ﺑﻲ ﺭﺍﺣﺔ ﻭﺳﻌﺎﺩﺓ .. ﻣﻊ ﺍﻟﻤﺮﺍﺓ ﺩﻱ ﻭﻃﻴﺒﺘﻬﺎ ﻭﺗﻌﺎﻣﻠﻬﺎ ﺍﻟﺮﺍﻗﻲ  ﻭﺣﻨﻴﻨﺔ ﻣﻌﺎﻫﻦ ﺣﻨﻴﺔ .. ﻣﺎ ﺍﻗﻞ ﻣﻦ ﺍﻻﻡ ..

ﺑﻌﺪ ﺍﺳﺒﻮﻉ ﺑﺲ ﺑﻘﻦ ﻳﻨﻔﺬﻥ ﻓﻲ ﻣﺨﻄﻂ ﺧﻄﻴﺮ ﺟﺪﺍ" .. ﺍﺳﺮﺍﺀ ﺑﺘﺘﺼﻞ ﻋﻠﻰ ﻣﺪﻳﻨﺔ .. ﺍﺯﻳﻚ ﻳﺎﻣﺪﻳﻨﺔ .. ﺍﻧﺎ ﻋﺎﻳﺰﺓ ﺍﻗﻮﻝ ﻟﻴﻚ ﻛﻼﻡ .. ﺑﺲ ﻣﺎﺗﺴﺄﻟﻲ ﺍﺑﻮﻱ .. ﻃﺒﻌﺎ" ﺍﺑﻮﻱ ﻛﺎﻥ ﻋﺎﻳﺰ ﺳﺘﻮ .. ﻣﻦ ﺯﻣﺎﺍﺍﺍﻥ ﻭﻫﺴﻲ ﺍﻟﻴﻮﻣﻴﻦ ﺩﻳﻞ ﺍﺣﺘﻤﺎﻝ ﻳﻌﻘﺪ ﻋﻠﻴﻬﺎ .. ﻻﻧﻮ ﺍﻟﻌﻼﻗﺔ ﺩﻱ ﻣﺎﺩﺍﻳﺮﺓ ﺗﻨﺘﻬﻲ .. ﻭﺍﻟﺤﺐ ﻳﻘﻰ ﻇﺎﺍﺍﺍﻫﺮ .. ﺑﻌﺪ ﻣﺎﺗﺖ ﺍﻣﻲ ﺗﺎﻧﻲ ﺑﻌﺮﺳﻬﺎ .. ﻻﻧﻬﺎ ﻫﻲ ﻛﺎﻧﺖ ﺻﺎﺣﺒﺔ ﺍﻣﻲ .. ﻭﻧﺤﻦ ﻭﺍﻟﻠﻪ ﺻﺮﺍﺣﺔ ﻫﺴﻲ ﻣﺮﺗﺎﺣﻴﻦ ﻣﻌﺎﻫﺎ .. ﻭﻣﺎﻋﺎﻳﺰﻧﻚ ﺍﻧﺘﻲ .. ﺳﺘﻮ ﺣﺒﻴﺒﺘﻨﺎ ﻭﺣﺒﻴﺒﺔ ﺑﺎﺑﺎ .. ﺍﺑﻮﻱ ﺑﺤﺒﻬﺎ ﻳﺎ ﻣﺪﻳﻨﻪ ﻭﻫﺎﻫﺎﻫﺎ .. ﻭﻃﺒﻌﺎ" ﻣﺪﻳﻨﺔ ﺍﻟﻬﺒﻠﺔ ﺍﻟﻨﺎﺭ ﺗﻮﻟﻊ ﻓﻴﻬﺎ .. ﻭﻣﺎﻗﺎﺩﺭﺓ ﺗﺴﺄﻝ ﺍﻟﺼﺪﻳﻖ ..

ﻳﻮﻡ ﻏﺎﻳﺘﻮ ﺍﺗﺸﺠﻌﺖ .. ﻭﺍﻧﺘﻈﺮﺕ ﺍﻟﺼﺪﻳﻖ ﻟﻤﻦ ﺟﺎﻫﺎ .. ﻳﻮﻡ ﺍﻟﺠﻤﻌﺔ .. 

ﻗﺎﻟﺖ ﻟﻴﻬﻮ : ﺍﻧﺎ ﻳﺎﺻﺪﻳﻖ ﻋﺎﻳﺰﺓ ﺍﺳﺄﻟﻚ ﺳﺆﺍﻝ .. ﻭﺍﺣﻠﻒ ﻟﻲ ﺍﻧﻚ ﻣﺎ ﺡ ﺗﻜﺬﺏ ﻋﻠﻲ .. 

ﻗﺎﻝ ﻟﻴﻬﺎ :  ﻭﺍﻟﻠﻪ ﻣﺎ ﺍﻗﻮﻝ ﻟﻴﻚ ﺍﻻ ﺍﻟﺤﻖ ..

ﻗﺎﻟﺖ ﻟﻴﻬﻮ : ﺻﺤﻲ ﺍﻧﺖ ﻛﻨﺖ ﻋﺎﻳﺰ ﺳﺘﻮ ﻗﺒﻞ ﺑﺜﻴﻨﺔ؟ .. 

ﻗﺎﻝ ﻟﻴﻬﺎ : ﺍﻳﻮﺓ ﻧﻌﻢ .. 

ﻗﺎﻟﺖ ﻟﻴﻬﻮ : ﻭﻫﺴﻲ ﺍﻧﺖ ﺑﺘﺤﺐ ﺳﺘﻮ؟ ..

 ﻗﺎﻝ ﻟﻴﻬﺎ :  ﺍﻧﺎ ﺣﻠﻔﺖ ﻟﻴﻚ ﻭﻣﺎﺑﻘﺪﺭ ﺍﻛﺬﺏ .. ﺍﻧﺎ ﺑﺤﺒﻬﺎ ﺍﻛﺘﺮ ﻣﻦ ﺭﻭﺣﻲ .. ﻟﻐﺎﻳﺔ ﻣﺎ ﺍﻣﻮﺕ ..

ﻗﺎﻟﺖ ﻟﻴﻬﻮ : ﻃﻴﺐ ﻟﻴﻪ ﻣﺎ ﺍﺗﺰﻭﺟﺘﻬﺎ ﻫﻲ ؟؟

ﻗﺎﻝ ﻟﻴﻬﺎ : ﻫﻲ ﺭﻓﻀﺖ ﻭﺣﻠﻔﺖ ﺍﻧﻬﺎ ﻣﺎ ﺗﺘﺰﻭﺟﻨﻲ ..

 ﻗﺎﻟﺖ ﻟﻴﻬﻮ : ﻳﻌﻨﻲ ﺍﻧﺖ ﻗﺎﻋﺪ ﻣﻌﺎﻱ ﻭﻗﻠﺒﻚ ﻣﻊ ﺳﺘﻮ؟؟؟ 

ﺳﻜﺖ ﺳﺎﻱ ..

ﺑﻌﺪ ﺷﻮﻳﺔ ﻗﺎﻝ ﻟﻴﻬﺎ : ﺍﻧﺘﻲ ﺯﻭﺟﺘﻲ .. ﻭﺳﺘﻮ ﻣﺎﻋﻨﺪﻱ ﻣﻌﺎﻫﺎ ﻋﻼﻗﺔ .. ﺍﻻ ﺍﻧﻬﺎ ﺍﻡ ﻳﻮﺳﻒ ﺯﻭﺝ ﺑﺘﻲ .. ﺧﻠﻴﻚ ﻣﻦ ﺍﻟﻜﻼﻡ ﺍﻟﻔﺎﺿﻲ ﺩﻩ ..

ﻗﺎﻟﺖ ﻟﻴﻬﻮ :  ﻣﻌﻠﻴﺶ ﻳﺎﺍﻟﺼﺪﻳﻖ .. ﺍﻧﺎ ﻣﺎﺑﻘﺪﺭ ﺍﻋﻴﺶ ﻣﻌﺎﻙ ﻃﻠﻘﻨﻲ .. ﺩﺍﻡ ﻋﺎﻳﺶ ﻣﻌﺎﻱ ﻭﻗﻠﺒﻚ ﻣﻊ ﻭﺍﺣﺪﺓ ﻧﺎﻧﻲ .. ﻻﺯﻡ ﺗﻄﻠﻘﻨﻲ ..

ﺑﻘﻰ ﻳﺤﻨﺲ ﻓﻴﻬﺎ .. ﻳﺎﺯﻭله ﺍﻟﻌﻨﻲ ﺍﺑﻠﻴﺲ .. ﺩﻩ ﻛﻼﻡ ﺷﻨﻮ ﺍﻟﺒﺘﻘﻮﻟﻲ ﻓﻴﻬﻮ ﺩﻩ؟ ..

 ﻗﺎﻟﺖ ﻟﻴﻬﻮ : ﺑﺲ ﺗﺎﻧﻲ ﻣﺎﻋﻨﺪﻱ ﻣﻌﺎﻙ ﻛﻼﻡ ..

ﻭﺿﺮﺑﺖ ﻻﺑﻮﻫﺎ ﻭﺍﺧﻮﺍﻧﻬﺎ ﻭﻗﺎﻟﺖ ﻟﻴﻬﻢ : ﺍﻟﺮﺍﺟﻞ ﺩﻩ ﺍﻧﺎ ﻣﺎﻋﺎﻳﺰﺍﻫﻮ .. ﺗﻌﺎﻟﻮ ﺍﺗﻔﺎﻫﻤﻮ ﻗﺪﺭ ﻣﺎﻗﺎﻟﻮ ﻟﻴﻬﺎ ﺍﻟﺤﺎﺻﻞ ﺷﻨﻮ ﺍﺑﺖ ﺗﺘﻜﻠﻢ .. ﻓﻲ ﺍﻟﻨﻬﺎﻳﺔ ﻃﻠﺒﻮ ﻣﻦ ﺍﻟﺼﺪﻳﻖ ﻳﻄﻠﻘﻬﺎ .. ﻭﻃﻠﻘﻬﺎ  ﻭﺍﻧﺘﻬﻰ ﺍﻟﻔﻴﻠﻢ ﺑﺘﺎﻉ ﻣﺪﻳﻨﺔ ﺍﻟﺤﻨﻴﻨﺔ ﻫﻪ ..

ﻧﺎﺱ ﺍﺳﺮﺍﺀ ﻳﻮﻡ ﺳﻤﻌﻦ ﺑﻲ ﻃﻼﻕ ﻣﺪﻳﻨﺔ .. ﻗﻠﺒﻦ ﺍﻟﺒﻴﺖ ﺣﻔﻠﺔ ﻭﻗﻌﺪﻥ ﻳﺮﻗﺼﻦ ﺯﻱ ﺍﻟﻤﺠﺎﻧﻴﻦ .. ﻭﻣﻠﻜﺔ ﺫﺍﺗﻬﺎ ﺷﻐﺎﻟﺔ ﺗﺮﻗﺺ ﻣﻌﺎﻫﻦ .. ﻭﻫﻲ ﻓﺎﻫﻤﺔ ﺍﻟﺤﺎﺻﻞ .. ﻭﺳﺘﻮ ﻗﺎﻋﺪﺓ ﻫﻨﺎﻙ ﺗﻌﺎﻳﻦ ﻟﻴﻬﻦ ﻭﺗﺘﺒﺴﻢ .. 

ﺍﺳﺮﺍﺀ ﻗﺎﻟﺖ ﻟﻴﻬﺎ : ﻳﻌﻨﻲ ﻳﺎﺧﺎﻟﺘﻮ ﺍﻧﺘﻲ ﻣﺎﻓﺮﺣﺎﻧﺔ ؟ .. 

ﻗﺎﻟﺖ ﻟﻴﻬﺎ : ﻭﺍﻟﻠﻪ ﻳﺎ ﺍﺳﺮﺍﺀ ﺧﺮﺍﺏ ﺍﻟﺒﻴﺖ ﻣﺎﺑﻌﺠﺐ ﺯﻭﻝ .. ﻟﻜﻦ ﻋﺎﺟﺒﺎﻧﻲ ﻓﺮﺣﺘﻜﻢ ﺩﻱ .. ﺭﺑﻨﺎ ﻳﻔﺮﺣﻜﻦ ﺩﺍﻳﻤﺎ" ﻭﻳﺴﻌﺪﻛﻦ .. ﻗﺎﻟﺖ ﻟﻴﻬﺎ : ﻧﺤﻦ ﺳﻌﺎﺩﺗﻨﺎ ﻭﻓﺮﺣﺘﻨﺎ ﻣﺎﺑﺘﺘﻢ ﺍﻻ ﻳﻮﻡ ﻳﺘﻢ ﻫﺪﻓﻨﺎ ..

ﻗﺎﻟﺖ ﻟﻴﻬﺎ : ﺭﺑﻨﺎ ﻳﺘﻢ ﻟﻴﻜﻢ ﻛﻞ ﻣﺮﺍﺩ .. ﻫﺪﻓﻜﻢ ﺷﻨﻮ؟

ﻗﺎﻟﺖ ﻟﻴﻬﺎ : ﺗﺘﺰﻭﺟﻲ ﺍﺑﻮﻱ .. ﻭﺗﻘﻌﺪﻱ ﻣﻌﺎﻧﺎ ﻓﻲ ﺍﻟﺒﻴﺖ ﻫﻨﺎﻙ  ﻭﺗﺨﻠﻲ ﺍﻟﺒﻴﺖ ﺩﻩ ﻟﻲ ﻳﻮﺳﻒ ﻭﻣﺮﺍﺗﻮ ﺑﺮﺍﻫﻢ ..

ﻗﺎﻟﺖ ﻟﻴﻬﺎ : ﻭﺍﻟﻠﻪ ﻟﻜﻦ ﺗﺮﺗﻴﺒﻚ ﺳﻤﺢ .. ﻟﻜﻦ ﺍﻧﺎ ﺣﺎﻟﻔﺔ ﻳﺎ ﺍﻟﻐﺎﻟﻴﺔ ..

ﻗﺎﻟﺖ ﻟﻴﻬﺎ : ﺻﻮﻣﻲ ﺗﻼﺕ ﻳﻮﻡ ﻭﻻ ﺍﻗﻮﻝ ﻟﻴﻚ .. ﺍﻃﻌﻤﻲ ﻋﺸﺮﺓ ﻣﺴﺎﻛﻴﻦ ﻣﻦ ﻧﻮﻉ ﻣﺪﻳﻨﺔ ﺍﻟﺤﻨﻴﻨﺔ .. ﺳﺘﻮ ﻗﻌﺪﺕ ﺗﻀﺤﻚ .. ﻭﺷﻜﻠﻬﺎ ﻛﺪﺍ ﺍﺗﻨﺎﺯﻟﺖ ﻛﺘﻴﺮ .. ﻣﻦ ﻣﻮﻗﻘﻬﺎ ﺍﻻﻭﻝ .. 

ﻗﺎﻟﺖ ﻟﻴﻬﺎ : ﻗﻮﻟﻲ ﺻﻤﺖ ﺗﻼﺕ ﻳﻮﻡ .. ﺍﻭﻻﺩﻱ ﻣﺎﺑﻘﺒﻠﻮ .. 

ﻗﺎﻟﺖ ﻟﻴﻬﺎ : ﻣﻠﻜﺔ ﻳﻬﺪﻱ ﻗﺒﻼﻧﺔ ﻭﻛﻠﻤﻨﺎﻫﺎ ﺑﺎﻟﺨﻄﺔ .. ﻭﻳﻮﺳﻒ ﺩﻋﺎﺀ ﻗﺎﻟﺖ ﻣﻮﺍﻓﻖ .. ﻭﺑﺘﻤﻨﻰ ﻛﺪﺍ ﻭﻣﺎﻋﻨﺪﻭ ﺍﻱ ﻣﺸﻜﻠﺔ .. ﺳﺘﻮ ﻗﺎﻟﺖ ليها ﻣﺎﻣﺸﻜﻠﺔ .. ﻳﺠﻲ ﻳﻮﺳﻒ ﻳﻄﻠﺐ ﻣﻨﻲ ﺑﺮﺍﻫﻮ ﻻﻧﻮ ﻭﻟﻲ ﺍﻣﺮﻱ ..

ﻃﻮﺍﻟﻲ ﺿﺮﺑﻮ ﻟﻲ ﻳﻮﺳﻒ ﺟﺎﺀ .. 

ﻭﺍﺳﺮﺍﺀ ﻗﺎﻟﺖ ﻟﻴﻬﻮ :  ﺍﻟﺒﺸﺎﺭﺓ ﻳﺎﺟﺪﻭﻭﻭﻭ .. ﻭﺍﻗﻔﺖ وﺍﻓﻘﺖ .. ﻭﺍﻟﻠﻪ ﻳﺎﻳﻮﺳﻒ .. ﻭﺍﻓﻘﺖ .. ﺑﺲ ﻗﺎﻟﺖ ﻟﻲ ﻭﻟﻲ ﺍﻣﺮﻱ ﻳﻮﺳﻒ ﺍﻻ ﻳﻄﻠﺐ ﻣﻨﻲ ﺑﺮﺍﻫﻮ .. 

ﻳﻮﺳﻒ ﺟﺎﻫﺎ ﻗﺎﻝ ﻟﻴﻬﺎ : ﻳﺎ ﺍﻣﻲ .. ﻭﺍﻟﻠﻪ ﺍﻧﺎ ﻋﺎﻳﺰﻙ ﺗﺴﻌﺪﻱ .. ﻭﺍﻧﺘﻲ ﺍﻟﺰﻭﻝ ﺩﻩ ﺍﺻﻼ" ﻣﺎﻣﺮﻕ ﻣﻦ ﻗﻠﺒﻚ ﻣﺎﺗﻨﻜﺮﻱ .. ﻭﻫﻮ ﺫﺍﺗﻮ ﻛﺎﻥ ﻣﺘﺰﻭﺝ ﻣﺪﻳﻨﺔ .. ﺯﻱ ﺍﻟﻤﺎ ﻣﺘﺰﻭﺝ .. ﺍﻗﺒﻠﻲ ﺍﻟﻠﻪ ﻳﺮﺿﻰ ﻋﻠﻴﻚ .. ﻭﺣﻘﻘﻲ ﺭﻏﺒﺘﻲ ﻭﺭﻏﺒﺔ ﺍﻟﺒﻨﺎﺕ .. 

ﻗﺎﻟﺖ ﻟﻴﻬﻮ : ﺍﻟﺼﺪﻳﻖ ﻗﺎﻟﻚ ﻋﺎﻳﺰﻧﻲ؟؟ ..

ﻳﻮﺳﻒ ﻗﻌﺪ ﻳﻀﺤﻚ ..

 ﻗﺎﻝ ﻟﻴﻬﺎ :  ﺍﻟﺼﺪﻳﻖ ﻋﺎﻳﺰﻙ ﻟﻴﻬﻮ ﺍﻛﺘﺮ ﻣﻦ ﻋﺸﺮﻳﻦ ﺳﻨﻪ .. ﻗﺎﻟﺖ ﻟﻴﻬﻮ : ﻣﺎﺑﻮﺍﻓﻖ ﺍﻻ ﻳﺘﻜﻠﻢ ﻣﻌﺎﻱ ﺑﺮﺍﻫﻮ ..

ﺳﺘﻮ ﺑﻘﺖ ﺗﺘﺪﻟﻊ ﻭﺗﺨﺘﻠﻖ ﻓﻲ ﺍﻻﻣﻮﺭ .. ﻭﺧﻼﺹ ﺷﺎﻓﺖ ﺍﻟﻄﺮﻳﻖ ﻗﺪﺍﻣﻬﺎ ﻓﺘﺢ .. ﺑﻌﺪ ﻛﻢ ﻳﻮﻡ .. ﺟﻮ ﻧﺎﺱ ﻳﻮﺳﻒ ﻭﺻﺪﻳﻖ ﻭﺍﺷﺮﻑ ﻭﺍﻛﺮﻡ .. ﻳﻮﻡ ﺟﻤﻌﺔ ﻓﻲ ﺍﻟﺒﻴﺖ .. 

ﻭﺍﻟﺼﺪﻳﻖ ﻗﺎﻝ ﻟﻴﻬﺎ : ﻳﺎﺳﺘﻮ ﺧﻼﺹ ﻛﻔﺎﻳﺔ .. ﺍﻛﺘﺮ ﻣﻦ ﻛﺪﺍ ﻣﺎﺑﻨﻘﺪﺭ ﻧﺼﺒﺮ .. ﺍﻧﺎ ﻣﺎﻓﺎﺿﻞ ﻟﻲ ﺍﻻ ﺍﻣﻮﺕ .. 

ﻗﺎﻟﺖ ﻟﻴﻬﻮ : ﺍﺳﻜﺖ ﻳﺎ ﻣﺴﺘﻬﺒﻞ .. ﺗﻤﺸﻲ ﺗﻌﺮﺱ ﻭﺗﺨﻠﻴﻨﻲ .. ﻭﺗﺠﻲ ﺗﻘﻮﻝ ﻛﻼﻣﻚ ﺩﻩ ؟

ﻗﺎﻝ ﻟﻴﻬﺎ : ﺍﻧﺘﻲ ﺣﻠﻔﺘﻲ .. ﻭﻧﺎﺱ ﺍﻟﺒﻴﺖ ضغطوﻧﻲ ..

 ﻗﻌﺪﺕ ﺗﻀﺤﻚ .. 

ﻗﺎﻟﺖ ﻟﻴﻬﻮ :  ﺷﻜﻠﻚ ﻣﺴﻜﻴﻦ ﻳﻌﻨﻲ .. ﻳﺎﺯﻭﻝ ﻋﻠﻰ ﺑﺮﻛﺔ ﺍﻟﻠﻪ ..

ﺍﻫﺎ ﻋﻘﺪﻭ ﻓﻲ ﻧﻔﺲ ﺍﻟﻴﻮﻡ .. ﻭﺍﻟﺤﻤﺪ ﻟﻠﻪ .. ﺍﻟﻔﺮﺣﺔ ﺍﻟﻜﺎﻧﺖ ﻧﺎﻗﺼﺔ ﻓﻲ ﻋﺮﺱ ﻳﻮﺳﻒ .. ﻛﺎﻧﺖ ﻣﻀﺎﻋﻔﺔ ﻓﻲ ﻋﻘﺪ ﺻﺪﻳﻖ ﺑﻲ ﺳﺘﻮ .. ﻭﺍﻟﺒﻨﺎﺕ ﺩيل ﻳﻐﻨﻦ ﻭﻳﺮﻗﺼﻦ .. ﻣﻦ ﺍﻟﻌﺼﺮ ﻟﻐﺎﻳﺔ ﺍﻟﺴﺎﻋﺔ ﻭﺍﺣﺪﺓ ﺑﺎﻟﻠﻴﻞ . ﺑﺎﻟﻔﺮﺣﺔ .. ﻭﺑﻘﻮﻟﻦ ..


ﻳﺎﻣﺪﻳﻨﺔ ﺑﺖ ﻣﻴﻤﻮﻧﺔ ..

ﻳﺎ ﺷﺘﻴﻠﺔ ﺍﻟﻠﻴﻤﻮﻧﺔ ..

ﺍﺻﻠﻮ ﺍﻟﺪﻧﻴﺎ ﻣﺎﻣﻀﻤﻮﻧﺔ ..

ﺳﺖ ﺍﻟﺠﻴﻞ ﺑﺘﻜﻮﻱ ﻋﻴﻮﻧﺎ ..


ﻭﻋﺎﺷﺖ ﺳﺖ ﺍﻟﺠﻴﻞ ﻓﻲ ﺟﺒﺮﺓ .. ﻣﻊ ﺑﻨﺎﺕ ﺻﺪﻳﻖ ﻟﻐﺎﻳﺔ ﻣﺎﻋﺮﺳﺖ ﻟﻠﺒﻨﺎﺕ ﺍﻻﺗﻨﻴﻦ .. ﻭﻳﻮﺳﻒ ﻣﻊ ﺩﻋﺎﺀ ﻓﻲ ﺍﻡ ﺑﺪﺓ .. ﻭﻧﺎﺱ ﻣﺤﺎﺳﻦ ﺍﺷﺘﺮﻭ ﺍﻟﺒﻴﺖ ﺍﻟﻘﺪﻳﻢ ﻭﻗﻌﺪﻭ ﻓﻴﻬﻮ ..


ﻭﻛﺎﻧﺖ ﻫﺬﻩ ﻗﻮﺓ ﺍﻟﻀﻤﺎﺋﺮ ..


ﺍﻟﻀﻤﺎﺋﺮ ﻛﻠﻤﺎ ﻛﺎﻧﺖ ﺻﺎﻓﻴﺔ .. ﻛﺎﻥ ﺍﻟﻨﺼﺮ ﺣﻠﻴﻔﻬﺎ .. ﻭﺍﻟﻨﻴﺔ ﺍﻟﺴﻠﻴﻤﺔ .. ﺗﺤﻮﻝ ﺍﻟﻤﺴﺘﺤﻴﻞ ﻟﻲ ﻣﻤﻜﻦ .. ﻭﺳﻮﺍﺩ ﺍﻟﻨﻴﺔ ﺩﻣﺎﺭ ﻟﻠﺤﻴﺎﺓ ..

ﺍﻟﻠﻬﻢ ﺍﺻﻠﺢ ﻧﻮﺍﻳﺎﻧﺎ ﻭﺻﻔﻲ ﺿﻤﺎﺋﺮﻧﺎ .. ﻭﺍﺟﻌﻠﻨﺎ ﻋﻨﺪ ﺣﺴﻦ ﻇﻦ ﻣﻦ ﻇﻦ ﺑﻨﺎ ﺧﻴﺮﺍ .. ﺑﺎﺭﻙ ﺍﻟﻠﻪ ﻓﻴﻜﻢ ﻭﺗﻘﺒﻞ ﺍﻟﻠﻪ ﻣﻨﻜﻢ .. ﻭﺭﻓﻊ ﺍﻟﻠﻪ ﺩﺭﺟﺎﺗﻜﻢ ..

ﻭﺣﻘﻖ ﺍﻟﻠﻪ ﺍﻣﺎﻧﻴﻜﻢ .. ﻓﺎﻥ ﺍﻟﻠﻪ ﻣﻊ ﺍﻟﺬﻳﻦ ﺍﺗﻘﻮﺍ ﻭﺍﻟﺬﻳﻦ ﻫﻢ ﻣﺤﺴﻨﻮﻥ ....


                  تمت بحمد الله 

    لقراءة جميع حلقات القصه من هنا 


وايضا زورو قناتنا سما للروايات 

 من هنا علي التلجرام  لتشارك معنا لك

 كل جديد من لينك التالجرام الظاهر امامك
تعليقات