قصة قوة الضمائر البارت العاشر 10 بقلم طارق اللبيب

 قصة قوة الضمائر

البارت العاشر 10

بقلم طارق اللبيب

ﻃﺒﻌﺎ" ﺍﻭﻝ ﺣﺎﺟﺔ ﻋﻤﻠﻮﻫﺎ ﺍﻻﻭﻻﺩ ﺩﻳﻞ .. ﺍﺗﺼﻠﻮ ﻓﻲ ﺗﻠﻔﻮﻥ ﺟﺪﻭ .. ﻭﺗﻠﻔﻮﻥ ﺟﺪﻭ ﻛﺎﻟﻌﺎﺩﺓ ﻣﻐﻠﻖ .. ﻭﺍﺣﺪ ﻗﺎﻝ ﻟﻲ ﺍﺧﻮﻫﻮ ..

ﺍﻧﺖ ﻋﻨﺪﻙ ﺗﻠﻔﻮﻥ ﺳﺘﻮ ﺍﻡ ﺟﺪﻭ؟ .. 

ﻗﺎﻝ ﻟﻴﻬﻮ : ﻭﺍﻟﻠﻪ ﻣﺎﻣﻌﺎﻱ ﻛﺎﻥ ﺯﻣﺎﻥ ﻟﻤﻦ ﻛﻨﺎ ﻣﺘﻮﺍﺻﻠﻴﻦ ﺟﺪﻭ ﻣﻦ ﺯﻣﺎﻥ ﻗﻄﻌﻬﺎ ﻣﻌﺎﻧﺎ .. ﻣﺎ ﺟﺎﻧﺎ ﺍﻻ ﻟﻤﻦ ﺩﺍﻳﺮ ﺍﻟﺸﻐﻞ ..

 ﻗﺎﻝ ﻟﻴﻬﻮ :  ﻳﺎﺯﻭﻝ ﺍﻧﺎ ﻣﺼﺮ .. ﻻﺯﻡ ﻧﺼﻞ ﺍﻟﺒﻴﺖ .. ﻭﻧﻜﻠﻢ ﺍﻣﻮ ﺑﺎﻟﻤﺼﻴﺒﺔ ﺩﻱ .. ﺍﻟﻨﺎﺱ ﺩﻳﻞ ﻣﺎﺟﺎﻳﺒﻴﻦ ﻟﻴﻬﺎ ﺧﺒﺮ .. ﻻﻧﻮ ﻛﻮﻧﻮ ﺯﻭﻝ ﻳﺪﻓﻊ ﻗﺮﻭﺵ .. ﻋﺸﺎﻥ ﻳﻔﺼﻞ ﺯﻭﻝ ﻣﻦ ﺷﻐﻠﻮ .. ﻋﺸﺎﻥ ﻳﺴﻮقو ﻣﻌﺎﻫﻮ .. ﻣﻌﻨﺎﻫﺎ ﺍﻟﺤﻜﺎﻳﺔ ﻓﻴﻬﺎ ﺍﻥّ ..

 ﻗﺎﻝ ﻟﻴﻬﻮ : ﻭﻧﺤﻦ ﻣﺎﻟﻨﺎ ﻭﻣﺎﻝ ﺍﻟﻤﻮﺿﻮﻉ؟ .. 

ﻗﺎﻝ ﻟﻴﻬﻮ : ﻳﺎﺧﻲ ﻳﻮﻡ ﻣﻦ ﺍﻻﻳﺎﻡ ﺍﻟﺰﻭﻝ ﺩﻩ .. ﻛﺎﻥ ﺍﺧﻮﻧﺎ ﻭﺻﺪﻳﻘﻨﺎ .. ﺍﻧﺖ ﻟﻮ ﻋﺎﻳﺰ ﺗﺘﺨﺎﺫﻝ ﺍﻧﺎ ﺑﻤﺸﻲ ﺑﺮﺍﻱ ..

ﺍﻟﻤﻬﻢ ﻭﺍﻓﻖ ﻳﻤﺸﻲ ﻣﻌﺎﻫﻮ .. ﻭﻣﺸﻮ ﺍﻻﺗﻨﻴﻦ ﻟﻲ ﺑﻴﺖ ﻧﺎﺱ ﺟﺪﻭ .. ﺍﻟﻤﻬﻢ ﻓﻲ ﺍﻟﺸﺎﺭﻉ ﺑﺘﻜﻠﻤﻮ ﺍﻟﻮﻟﺪﻳﻦ ﻣﻊ ﺑﻌﺾ ..

ﻗﺎﻝ ﻟﻴﻬﻮ : ﻟﻮ ﺟﺪﻭ ﺳﺎﻓﺮ ﻣﻊ ﺍﻟﺰﻭﻝ ﺩﻩ ..

ﻧﺤﻦ ﻣﺎﻧﺘﻜﻠﻢ .. ﻻﻧﻮ ﺍﻟﻤﺮﺍﺓ ﺩﻱ ﺑﺘﻘﻠﻖ ﺳﺎﻱ .. ﻟﻜﻦ ﻟﻮ ﻣﻮﺟﻮﺩ ﻟﺴﻪ ﻧﺤﻦ ﺣﻨﻜﻠﻤﻬﺎ ..

ﻭﺻﻠﻮ ﺩﻗﻮ ﺍﻟﺒﺎﺏ .. ﻃﻠﻌﺖ ﻟﻴﻬﻢ ﻣﺤﺎﺳﻦ ..

 ﻗﺎﻟﻮ ﻟﻴﻬﺎ : ﻧﺤﻦ ﻋﺎﻳﺰﻳﻦ ﺧﺎﻟﺘﻮ ﺳﺘﻮ؟ .. 

ﻗﺎﻟﺖ ﻟﻴﻬﻮ : ﻣﺎ ﺑﺘﻘﺎﺑﻞ ﺭﺟﺎﻝ .. ﺍﻗﻮﻝ ﻟﻴﻬﺎ ﻣﻨﻮ؟ ﻭﻋﺎﻳﺰ ﺷﻨﻮ؟

ﻗﺎﻝ ﻟﻴﻬﺎ : ﺍﻧﺎ ﻣﺤﻤﺪ ﺷﺮﻳﻒ ﻭﺩﻩ ﺍﺧﻮﻱ .. ﻧﺤﻦ ﺍﺻﺤﺎﺏ ﺟﺪﻭ .. ﻋﻨﺪﻧﺎ ﻣﻌﺎﻫﺎ ﻣﻮﺿﻮﻉ .. ﻃﻴﺐ ﺟﻴﺒﻲ ﻟﻴﻨﺎ ﺗﻠﻔﻮﻧﻬﺎ .. ﻻﻧﻮ ﻓﻲ ﻣﻮﺿﻮﻉ ﺑﺨﺺ ﺟﺪﻭ .. ﻋﺎﻳﺰﻳﻦ ﻧﻘﻮﻟﻮ ﻟﻴﻬﺎ ..

 ﻗﺎﻟﺖ ﻟﻴﻬﻢ :  ﺟﺪﻭ ؟؟ ﻣﺎﻟﻮ ﻧﻌﻞ ﻣﺎﺣﺼﻞ ﻟﻴﻬﻮ ﺣﺎﺟﺔ؟ ..

ﻗﺎﻝ ليها :  ﻳﻌﻨﻲ ﻫﻮ ﺳﺎﻓﺮ؟

 ﻗﺎﻟﺖ ﻟﻴﻬﻢ : ﺍﻳﻮﺓ ﺳﺎﻓﺮ .. ﻣﻦ ﺍﻣﺒﺎﺭﺡ ﺍﻟﺼﺒﺎﺡ ..

ﻗﺎﻝ ﻟﻴﻬﺎ :  ﺧﻼﺹ ﺧﻠﻴﻬﺎ ..

 ﻗﺎﻟﺖ ﻟﻴﻬﻮ : ﺩﻗﻴﻘﺔ ﺑﺲ .. ﺍﺩﻳﻨﻲ ﺗﻠﻔﻮﻧﻚ .. ﻗﺒﻞ ﻣﺎﺗﻤﺸﻲ ..

ﻛﺘﺐ ﻟﻴﻬﺎ ﺗﻠﻔﻮﻧﻮ ﻭﻓﺎﺕ .. ﻣﺤﺎﺳﻦ ﻟﻤﻦ ﺩﺧﻠﺖ ﺟﻮﺓ .. ﻟﻲ ﺳﺘﻮ ﺣﻜﺖ ﻟﻴﻬﺎ .. ﺳﺘﻮ ﻃﺒﻌﺎ" ﻗﻠﻠﻘﺖ ﺷﺪﻳﺪ .. ﻭﺍﻓﺘﻜﺮﺕ ﺍﻧﻮ ﺟﺪﻭ ﺣﺼﻞ ﻟﻴﻬﻮ ﺣﺎﺩﺙ .. ﻭﺧﻼﺹ ﻗﻠﺒﻬﺎ ﻗﻌﺪ ﻳﻀﺮﺏ ﺯﻱ ﺍﻟﻬﺒﺎﺑﺔ ..

ﺷﺎﻟﺖ ﻣﻨﻬﺎ ﺍﻟﺮﻗﻢ .. ﻭﺍﺗﺼﻠﺖ ﻓﻮﺭﺍ" ﻋﻠﻰ ﺍﻟﻮﻟﺪ ..

 ﻗﺎﻟﺖ ﻟﻴﻬﻮ : ﺍﻧﺖ ﻣﺤﻤﺪ ﺷﺮﻳﻒ؟؟ ﺻﺎﺣﺐ ﺟﺪﻭ ﺻﺎﺡ؟

ﻗﺎﻝ ﻟﻴﻬﺎ : ﺍﻳﻮﺓ ﻳﺎﺧﺎﻟﺔ .. 

ﻗﺎﻟﺖ ﻟﻴﻬﻮ : ﺍﺣﻜﻲ ﻟﻲ .. ﻣﺎﻟﻜﻢ ﻓﻲ ﺷﻨﻮ؟ ﺟﺪﻭ ﺣﺼﻞ ﻟﻴﻬﻮ ﺷﻨﻮ؟ ﺍﻧﺎ ﻭﺍﻟﻠﻪ ﻗﻠﺒﻲ ﺍﺗﻘﻠﻊ ﻣﻦ ﻣﻜﺎﻧﻮ ..

ﻃﺒﻌﺎ" ﻫﻨﺎ ﻣﺤﻤﺪ ﺷﺮﻳﻒ ﻗﺎﻝ ﻻﺯﻡ ﻳﻘﻮﻝ ﻟﻴﻬﺎ .. ﺑﻌﺪ ﻛﺪﺍ ﺧﻼﺹ ﺍﻟﻤﻮﺿﻮﻉ ﺑﺎﻅ ﺑﺎﻅ ..

ﻗﺎﻝ ﻟﻴﻬﺎ :  ﻭﺍﻟﻠﻪ ﻃﺒﻌﺎ" .. ﻧﺤﻦ ﺍﻟﻜﻨﺎ ﺷﻔﻨﺎ ﻟﻴﻬﻮ ﺍﻟﺸﻐﻞ ﺑﺘﺎﻉ ﺍﻟﺼﺎﻟﻮﻥ .. ﺑﺲ ﺟﻴﻨﺎ ﺳﺄﻟﻨﺎ ﺑﺘﺎﻉ ﺍﻟﺼﺎﻟﻮﻥ ﺍﻣﺒﺎﺭﺡ .. ﻗﺎﻝ ﻟﻴﻨﺎ ﻓﻲ ﺭﺍﺟﻞ ﺟﺎ ﻫﻨﺎ .. ﻭﻃﻠﺐ ﻣﻨﻲ ﺍﻓﺼﻠﻮ ﻣﻦ ﺍﻟﺸﻐﻞ .. ﻭﻗﺎﻝ ﻋﺎﻳﺰ ﻳﺴﻮﻗﻮ ﻣﻌﺎﻫﻮ ﻟﻲ ﻣﻨﺎﻃﻖ ﺍﻟﺪﻫﺐ .. ﻭﻣﺎﻋﺎﻳﺰ ﺯﻭﻝ ﻳﻌﺮﻑ ﺍﻟﺤﻜﺎﻳﺔ ﺩﻱ ..

ﻭﻧﺤﻦ ﺻﺮﺍﺣﺔ ﺍﻟﺤﻜﺎﻳﺔ ﺩﻱ ﺧﻮﻓﺘﻨﺎ ﻋﻠﻰ ﺟﺪﻭ ..

ﻗﺎﻟﺖ ﻟﻴﻬﻮ : ﺳﺠﻤﻲ .. ﺩﻩ ﻣﻨﻮ ﻛﻤﺎﻥ؟ ﻭﻋﺎﻳﺰ ﻣﻦ ﻭﻟﺪﻱ ﺷﻨﻮ؟  ﻭﻟﻴﻪ ﻋﻤﻞ ﻛﺪﺍ؟ .. ﺷﻜﻠﻮ ﻛﻴﻒ ﺍﻟﺰﻭﻝ ﺩﻩ ؟

ﻗﺎﻝ ﻟﻴﻬﺎ :  ﻗﺎﻝ ﺍﺳﻤﻮ ﺻﺪﻳﻖ ﺳﻴﺪ ..

 ﻗﺎﻟﺖ ﻟﻴﻬﻮ :  ﻗﻮﻝ ﺍﻟﺼﺪﻳﻖ ﺍﻟﺴﻴﺪ ؟

 ﻗﺎﻝ ليها :  ﺑﺲ ﻳﺎﻫﻮ ﺗﻘﺮﻳﺒﺎ" .. ﻗﺎﻟﻮ ﺑﻌﺮﻓﻜﻢ .. 

ﻗﺎﻟﺖ ﻟﻴﻬﻮ :  ﻣﻌﻘﻮﻝ؟ ﺍﻟﺼﺪﻳﻖ ﻫﺪﻓﻮ ﺷﻨﻮ؟ ﻳﻄﻠﻊ ﻭﻟﺪﻱ ﻣﻦ ﺷﻐﻠﻮ؟ ﻭﻳﺴﻮﻗﻮ ﻣﻌﺎﻫﻮ؟ ..

ﺧﻼﺹ ﻳﺎﻣﺤﻤﺪ ﺍﻧﺖ ﻣﺎﻗﺼﺮﺕ .. ﺭﺑﻨﺎ ﻳﺴﺘﺮ ﻋﻠﻴﻚ .. ﺍﻟﺼﺪﻳﻖ ﺩﻩ ﻣﻌﺮﻓﺔ ﻭﻣﻦ ﺑﻠﺪﻧﺎ ﺍﻥ ﺷﺎﺀ ﺍﻟﻠﻪ ﻣﺎﻓﻲ ﻣﺸﻜﻠﺔ ..

ﻟﻜﻦ ﺳﺘﻮ ﺑﺪﺕ ﺗﺘﺴﺄﺀﻝ ﻭﺗﻔﻜﺮ ﻭﺗﻔﻜﺮ .. ﺳﺘﻴﻦ ﻓﻜﺮﺓ ﺟﻦ ﻓﻲ ﺭﺍﺳﻬﺎ .. ﻭﺑﺪﺕ ﺗﺤﻠﻞ ﺑﺮﺍﻫﺎ .. ﻳﺎﺭﺑﻲ ﻛﻠﻮ ﻫﻴﻦ .. ﺟﺪﻭ ﻟﻴﻪ ﻣﺎﻛﻠﻤﻨﻲ ﺑﻲ ﺍﻧﻮ ﺩﻩ ﺍﻟﺼﺪﻳﻖ ؟

ﺍﺣﺘﻤﺎﻝ ﺍﻟﺼﺪﻳﻖ ﻟﻘﻰ ﺷﻐﻞ ﺍﻟﺼﺎﻟﻮﻥ ﻣﺎﻧﺎﻓﻊ ﻣﻊ ﺟﺪﻭ .. ﻭﺩﺍﻳﺮ ﻳﺴﻮﻗﻮ ﻣﻌﺎﻫﻮ ﻋﺸﺎﻥ ﻳﺴﺘﻔﻴﺪ .. ﻭﻛﺎﻥ ﺧﺎﻳﻒ ﺍﻧﻮ ﺟﺪﻭ ﻳﺮﻓﺾ ﻣﺎﺩﺍﻡ ﺷﻐﺎﻝ .. ﻭﻗﺎﻝ ﺍﺣﺴﻦ ﻳﺨﻠﻴﻬﻮ ﻣﺤﺘﺎﺭ ﻭﺭﺍﺳﻮ ﻣﻘﻄﻮﻉ .. ﻋﺸﺎﻥ ﻣﺎﻳﻜﻮﻥ ﻋﻨﺪﻭ ﺣﻞ ﻏﻴﺮ ﻳﺴﺎﻓﺮ ﻣﻌﺎﻫﻮ ..

ﻣﺎﻣﺸﻜﻠﺔ .. ﺍﻧﺎ ﻭﻟﺪﻱ ﻭﺩﻋﺘﻮ ﻟﻲ ﺍﻟﻠﻪ .. ﻭﻫﻮ ﺭﺍﺟﻞ ﻣﺎﻓﻲ ﻋﻠﻴﻬﻮ ﺧﻮﻑ .. ﻭﺭﺑﻨﺎ ﺣﺎﻓﻆ .. ﺍﺻﻼ" ﺍﻟﺼﺪﻳﻖ ﺯﻭﻝ ﻧﻴﺘﻮ ﻃﻴﺒﺔ .. ﻭﻗﻠﺒﻮ ﺭﺣﻴﻢ .. ﻣﺴﺘﺤﻴﻞ ﺍﻧﻮ ﻳﻔﺮﻁ ﻓﻲ ﻭﻟﺪﻱ ﺍﻭ ﻳﺄﺫﻳﻪ .. ﺍﻧﺎ ﻭﺍﺛﻘﺔ .. ﻏﺎﻳﺘﻮ ﻃﻤﻨﺖ ﻧﻔﺴﻬﺎ ﺷﺪﻳﺪ ﺑﺎﻻﻓﻜﺎﺭ ﺍﻻﻳﺠﺎﺑﻴﺔ ..

ﻭﻓﻲ ﺍﻟﻨﻬﺎﻳﺔ ﻫﺪﺃﺕ ﻭﻓﻮﺿﺖ ﺍﻻﻣﻮﺭ ﻟﻠﻪ .. ﺣﺘﻰ ﻣﺤﺎﺳﻦ ﺑﻘﺖ ﺗﻄﻤﻦ ﻓﻴﻬﺎ .. 

ﻭﻗﺎﻟﺖ ﻟﻴﻬﺎ : ﻏﺎﻳﺘﻮ ﺍﻧﺘﻲ ﻳﺎﺳﺘﻮ .. ﺍﺻﻠﻚ ﻣﺎﺗﺸﻴﻠﻲ ﻫﻢ .. ﺍﻟﺤﺒﺔ ﺩﻱ ﻣﺎﺑﺘﺠﻴﻚ .. ﺍﻧﺘﻲ ﺯﻭﻟﺔ ﺿﻤﻴﺮﻙ ﺻﺎﻓﻲ ﻭﻧﻴﺘﻚ ﺑﻴﻀﺎﺀ ﻭﺑﺘﺴﺎﻋﺪﻱ ﺍﻟﻨﺎﺱ .. ﺭﺑﻨﺎ ﺑﺴﺎﻋﺪﻙ .. ﻭﺑﺤﻔﻆ ﻟﻴﻚ ﻭﻟﺪﻙ ﻻﻣﻦ ﻳﺮﺟﻊ ﺑﺎﻟﺴﻼﻣﺔ ﺍﻃﻤﻨﻲ ..

ﻗﺎﻟﺖ ﻟﻴﻬﺎ :  ﺍﻟﻠﻪ ﻳﺒﺎﺭﻙ ﻓﻴﻚ ﻳﺎﻣﺤﺎﺳﻦ .. ﺍﻟﺤﻤﺪ ﻟﻠﻪ ﻭﺍﺍﺛﻘﺔ ﻣﻦ ﺭﺑﻨﺎ ..

ﻭﺍﻟﺮﺍﺟﻞ ﺩﻩ ﺍﻧﺎ ﺑﻌﺮﻓﻮ .. ﺍﻥ ﺷﺎﺀ ﺍﻟﻠﻪ ﻣﺎﻳﺠﻲ ﻣﻨﻮ ﺍﻻ ﺍﻟﺨﻴﺮ ..

ﻗﺎﻟﺖ ﻟﻴﻬﺎ : ﺑﺘﻌﺮﻓﻴﻬﻮ ﻣﻦ ﻭﻳﻦ؟ ﺍﺣﻜﻲ ﻟﻲ ﻣﺘﺸﻮﻗﺔ ﺍﺳﻤﻊ ﻣﻨﻚ .. 

ﻗﺎﻟﺖ ﻟﻴﻬﺎ :  ﺑﻌﺪﻳﻦ ﻟﻤﻦ ﺗﻨﻮﻡ ﻣﻠﻜﺔ ﻭﺍﻟﻠﻴﻞ ﻳﻬﺪﺍ .. ﺑﺤﻜﻲ ﻟﻴﻚ ﺣﻜﺎﻳﺎﺕ ﻭﺣﻜﺎﻳﺎﺕ ؟؟

ﻃﺒﻌﺎ" ﺯﻱ ﻣﺎ ﺷﺎﻳﻔﻴﻦ  ﻓﻲ ﺣﺎﺟﺔ ﻣﻼﺣﻈﺔ ﺷﺪﻳﺪ .. ﻋﻼﻗﺔ ﺳﺘﻮ ﻣﻊ ﻣﺤﺎﺳﻦ ﻛﻞ ﻳﻮﻡ ﻣﺎﺷﺔ ﺗﻘﻮﻯ .. ﻭﺑﻘﺖ ﺗﺒﻮﺡ ﻟﻴﻬﺎ ﺑﺎﺳﺮﺍﺭﻫﺎ

ﻭﻫﺴﻲ ﺷﻜﻠﻬﺎ ﺩﺍﻳﺮﺓ ﺗﻔﺖ ﻟﻴﻬﺎ ﺍﻟﺼﺪﻳﻖ ﻭﺩ ﺍﻟﺴﻴﺪ ..

ﺍﻫﺎ ﺑﺎﻟﻠﻴﻞ ﻛﺪﻱ .. ﻭﺍﻟﻮﺍﻃﺔ ﻫﺎﺩﻳﺔ .. ﻭﺍﻟﻤﻠﻜﺔ ﻣﺎﺧﺪﺓ ﺭﺍﺣﺘﻬﺎ ﻓﻲ ﺍﻟﻨﻮﻡ ..

ﻣﺤﺎﺳﻦ ﻗﺎﻟﺖ ﻟﻴﻬﺎ : ﺍﻫﺎ ﻳﺎ ﺳﺘﻮ .. ﻣﺎﺩﺍﻳﺮﺓ ﺗﺤﻜﻲ ﻟﻲ ﺑﺎﻟﺮﺍﺟﻞ ﺍﻟﺴﺎﻕ ﺟﺪﻭ ﺩﻩ ﻣﻨﻮ ﻭﻓﻬﻤﻮ ﺷﻨﻮ؟

ﻗﺎﻟﺖ ﻟﻴﻬﺎ : ﺑﺤﻜﻲ ﻟﻴﻚ ﻫﺴﻲ ﻃﻮﺍﻟﻲ .. ﺗﻌﺎﻟﻲ ﻣﻌﺎﻱ ﺑﻲ ﺟﺎﻱ ﺳﺎﻗﺘﻬﺎ ﻣﺸﻮ ﺍﻻﻭﺿﺔ ﺍﻟﺘﺎﻧﻴﺔ .. 

ﻗﺎﻟﺖ ﻟﻴﻬﺎ : ﺍﻟﻜﻼﻡ ﺍﻟﺒﻘﻮﻟﻮ ﻟﻴﻚ ﺩﻩ .. ﻟﻴﻬﻮ ﻛﻢ ﻭﻋﺸﺮﻳﻦ ﺳﻨﺔ ﻣﺎﺣﻜﻴﺘﻮ ﻟﻲ ﺯﻭﻝ ﻭﻻ ﻣﺮﻳﺘﻮ ﺑﻠﺴﺎﻧﻲ .. ﺯﻣﺎﻥ ﻭﺍﻧﺎ ﺻﻐﻴﺮه ﻓﺘﻴﺔ ﻳﻤﻜﻦ ﻋﻤﺮﻱ 16 ﺳﻨﺔ .. ﻋﻨﺪﻧﺎ ﺯﻣﻴﻠﺘﻨﺎ ﺑﺘﻘﺮﺍ ﻣﻌﺎﻧﺎ ﻓﻲ ﺍﻟﻤﺪﺭﺳﺔ ﺍﺳﻤﻬﺎ ﺣﻨﺎﻥ ﻋﺮﺳﻮﻫﺎ .. ﻭﺍﻧﺎ ﺍﻟﺒﺖ ﻛﺎﻧﺖ ﺻﺎﺣﺒﺘﻲ ﺷﺪﻳﺪ .. ﻗﻠﺖ ﻟﻲ ﺍﻣﻲ ﺍﻧﺎ ﻻﺯﻡ ﺍﻗﻌﺪ ﻣﻊ ﺣﻨﺎﻥ ﻳﻮﻣﻴﻦ .. ﺍﻣﻲ ﻗﺎﻟﺖ ﻟﻲ ﺍﻟﺒﻘﻌﺪ ﻣﻌﺎﻙ ﻣﻨﻮ ﻳﻮﻣﻴﻦ ﻋﻨﺪ ﻧﺎﺱ ﺍﻟﻌﺮﺱ .. ﻗﻠﺖ ﻟﻴﻬﺎ ﺍﺭﺡ ﺍﻧﺘﻲ ﻭﺻﻠﻴﻨﻲ ﻧﺎﺱ ﺣﻨﺎﻥ ﻭﺗﻌﺎﻟﻲ .. ﻧﺎﺱ ﺣﻨﺎﻥ ﻛﺎﻧﻮ ﺍﻟﺤﻠﺔ ﺍﻟﺒﻐﺎﺩﻱ ﻟﻴﻨﺎ ﻳﻌﻨﻲ ﻳﻤﻜﻦ ﻧﺺ ﺳﺎﻋﺔ ﺑﺎﻟﻜﺮﻋﻴﻦ ..

ﻳﻌﻨﻲ ﻫﻲ ﺍﻟﺤﻠﺔ ﺍﻟﺠﻢ ﺣﻠﺘﻨﺎ ﻃﻮﺍﻟﻲ .. ﺑﺲ ﻧﺤﻦ ﻓﻲ ﺍﻭﻝ ﺣﻠﺘﻨﺎ .. ﻭﻫﻢ ﻓﻲ ﺍﺧﺮ ﺣﻠﺘﻬﻢ ..

ﺍﻫﺎ ﻏﺎﻳﺘﻮ ﺍﻣﻲ ﻟﻤﻦ ﻛﻠﻤﺖ ﺍﺑﻮﻱ .. ﺍﺑﻮﻱ ﻓﻲ ﺍﻻﻭﻝ ﻣﺎﻛﺎﻥ ﺑﻜﺴﺮ ﻟﻲ ﻛﻠﻤﺔ .. ﻭﺑﺮﻳﺪﻧﻲ ﺭﻳﺪﺓ ﺷﺪﻳﺪﺓ ..

 ﻗﺎﻝ ﻟﻴﻬﺎ : ﺧﻠﻴﻬﺎ ﺍﻟﺘﻤﺸﻲ .. ﻟﻜﻦ ﻣﺎﺗﺠﻲ ﺭﺍﺟﻌﺔ ﺗﺨﻠﻴﻬﺎ ﺑﻮﺭﺍﻙ .. ﺍﻗﻌﺪﻱ ﻣﻌﺎﻫﺎ ﻻﻣﻦ ﺍﻟﻌﺮﺱ ﻳﻨﺘﻬﻲ ..

ﻭﻓﻌﻼ" ﺍﻣﻲ ﻣﺸﺖ ﻣﻌﺎﻱ .. ﻭﻗﻌﺪﺕ ﻣﻌﺎﻧﺎ ﺍﻟﻴﻮﻣﻴﻦ ﺣﻘﺎﺕ ﺍﻟﻌﺮﺱ ..

ﻓﻲ ﻭﻛﺘﻲ ﺍﻧﺎ ﺍﻟﻘﺎﻋﺪﺓ ﻓﻲ ﺍﻟﻌﺮﺱ ﺩﻩ .. ﻓﻲ ﻭﻟﺪ ﻛﺎﻥ ﻃﻮﺍﻟﻲ ﻋﻴﻨﻮ ﻋﻠﻲ .. ﻭﺍﻧﺎ ﻗﻤﺖ ﺳﺄﻟﺖ ﺣﻨﺎﻥ .. ﻗﻠﺖ ﻟﻴﻬﺎ : ﺩﻩ ﻣﻨﻮ؟؟

ﻗﺎﻟﺖ ﻟﻲ : ﺩﻩ ﺻﺪﻳﻖ ﺍﻟﺴﻴﺪ ﻭﺩ ﺧﺎﻟﺘﻲ ..

ﻗﻠﺖ ﻟﻴﻬﺎ : ﺍﻟﺰﻭﻝ ﺩﻩ .. ﻣﻦ ﺍﻧﺎ ﺟﻴﺖ ﻫﻨﺎ .. ﻣﺎﻧﺰﻝ ﻋﻴﻨﻮ ﻣﻨﻲ .. ﺑﺲ ﻳﻤﺸﻲ ﻳﻌﺎﻳﻦ ﻟﻲ .. ﻭﻳﺠﻲ ﻳﻌﺎﻳﻦ ﻟﻲ .. ﻭﻫﺴﻲ ﺟﺎﺑﻠﻮ ﺑﺴﻴﻢ ..

 ﺣﻨﺎﻥ ﻗﺎﻟﺖ ﻟﻲ :  ﺑﺨﺘﻚ .. ﻳﻜﻮﻥ ﻣﻌﺠﺐ ﺑﻴﻚ .. ﺩﻩ ﺍﻟﺼﺪﻳﻖ ﻳﺎﺑﺖ .. ﻋﺎﺟﺐ ﺍﻟﺒﻨﻮﺕ ﻛﻠﻬﻦ .. ﺣﺘﻰ ﺍﻧﺎ ﻭﺍﻟﻠﻪ ﻳﺎ ﺳﺘﻮ .. ﻛﻨﺖ ﻣﺘﻤﻨﻴﺔ ﻳﺘﻘﺪﻡ ﻟﻲ ﺍﻟﺼﺪﻳﻖ ﻟﻜﻦ ﺍﻟﻠﻪ ﻣﺎﺟﺎﻋﻞ ﻟﻲ ﺣﻆ ..

ﺍﻟﺰﻭﻝ ﺩﻩ ﻳﺎﺳﺘﻮ ﻛﺎﻥ ﺩﺍﺭﻙ ﺍﻧﺘﻲ ﺍﻟﻤﺤﻈﻮﻇﺔ .. ﺯﻭﻝ ﺻﻼﻱ ﻭﺻﻮﺍﻡ ﻻ ﺳﻜﺮ ﻻ ﺧﻤﺎﻟﺔ .. ﻭﺑﺎﺭ ﺑﻮﺍﻟﺪﻳﻬﻮ .. ﺍﻧﺘﻲ ﺭﺍﻳﻚ ﻓﻲ ﺷﻜﻠﻮ ﺷﻨﻮ؟ 

ﻗﻠﺖ ﻟﻴﻬﺎ : ﻭﺍﻟﻠﻪ ﻳﺎﺣﻨﺎﻥ ﺷﻜﻠﻮ ﻣﺎﻓﻴﻬﻮ ﻛﻼﻡ .. ﻟﻜﻦ ﺩﻱ ﺣﺎﺟﺔ ﻣﺎﻓﻲ ﻳﺪﻱ ﺍﻧﺎ .. ﺍﻧﺘﻲ ﻋﺎﺭﻓﺔ ﻧﺎﺱ ﺍﺑﻮﻱ .. ﻣﺎﻋﻨﺪﻫﻢ ﺣﻜﺎﻳﺔ ﺍﻟﺒﺖ ﺗﻘﻮﻝ ﺍﻧﺎ ﺩﺍﻳﺮﺓ ﻓﻼﻥ ﺩﻱ ﺑﻘﻄﻌﻮ ﺭﻗﺒﺘﻬﺎ ..

ﻗﺎﻟﺖ ﻟﻴﻬﺎ : ﺑﺲ ﺍﻧﺘﻲ ﻟﻮ ﻧﻔﻊ ﻣﻌﺎﻙ ﻗﻮﻟﻲ ﻟﻲ ..

 ﻗﻠﺖ ﻟﻴﻬﺎ : ﻭﺍﻟﻠﻪ ﻳﺎﺣﻨﺎﻥ ﺍﻟﻨﺼﻴﺤﺔ ﻟﻠﻪ ﻋﺠﺒﻨﻲ .. ﻫﻴﺒﺔ ﻭﺳﻤﺎﺣﺔ .. ﺑﺲ ﻣﻌﺎﻳﻨﺘﻮ ﺩﻱ ﻣﻀﺎﻳﻘﺎﻧﻲ ..

ﺣﻨﺎﻥ ﻗﺎﻟﺖ ﻟﻲ : ﻭﺍﻟﻠﻪ ﺍﻧﺎ ﺫﺍﺗﻲ ﻣﺴﺘﻐﺮﺑﺔ .. ﺍﻟﻮﻟﺪ ﺩﻩ ﺍﺻﻠﻮ ﻣﺎﺑﻌﺎﻳﻦ ﻟﻠﺒﻨﺎﺕ ..

ﺍﻫﺎ ﺣﻨﺎﻥ ﻗﺎﻟﺖ ﻟﻲ : ﺍﻣﺸﻲ ﻧﺎﺩﻱ ﻟﻲ ﺧﺎﻟﺘﻲ ﺳﻌﺪﻳﺔ .. ﺳﻌﺪﻳﺔ ﺩﻱ ﺍﻣﻮ ..

ﻗﻠﺖ ﻟﻴﻬﺎ :  ﻋﺎﻳﺰﺓ ﺑﻴﻬﺎ ﺷﻨﻮ ﻳﺎ ﺣﻨﺎﻥ ؟؟

 ﻗﺎﻟﺖ ﻟﻲ : ﺍﻧﺘﻲ ﻣﺎﻟﻚ .. ﺩﻱ ﺧﺎﻟﺘﻲ ﻭﺻﺤﺒﺘﻲ ..

ﻣﺸﻴﺖ ﻛﻠﻤﺖ ﺳﻌﺪﻳﺔ .. ﻭﺟﺎﺕ ﻟﻠﻌﺮﻭﺱ ﺣﻨﺎﻥ ﻓﻲ ﺍﻭﺿﺘﻬﺎ

ﻗﺎﻟﺖ ﻟﻴﻬﺎ : ﻭﻟﺪﻙ ﻗﺎﻋﺪ ﻳﻌﺎﻳﻦ ﻟﻲ ﺻﺤﺒﺘﻲ .. ﻗﻮﻟﻲ ﻟﻴﻬﻮ ﻟﻮ ﻋﺠﺒﺘﻚ .. ﺗﻌﺎﻝ ﻟﻴﻨﺎ ﻓﻲ ﺑﻴﺖ ﻧﺎﺱ ﺍﻟﻬﺎﺩﻱ .. ﺑﻌﺪ ﺍﻟﻀﻬﺮ ..

ﺍﻫﺎ ﻳﻮﻡ ﺍﻟﻌﺮﺱ .. ﻧﺤﻦ ﻣﺸﻴﻨﺎ ﻓﻄﺮﻧﺎ ﻋﻨﺪﻧﺎﺱ ﺍﻟﻬﺎﺩﻱ .. ﺟﻴﺮﺍﻥ ﻧﺎﺱ ﺣﻨﺎﻥ .. ﺍﻧﺎ ﻭﻫﻲ ﻭﻣﻌﺎﻧﺎ ﺑﺘﻴﻦ ﺻﺎﺣﺒﺎﺗﻨﺎ .. ﻗﺎﻡ ﺍﻟﻮﻟﺪ ﺟﺎﻧﺎ ﻫﻨﺎﻙ ..

ﺍﻭﻝ ﻣﻦ ﺩﻕ ﺍﻟﺒﺎﺏ  ﺍﻧﺎ ﻭﻣﻌﺎﻱ ﺑﺖ ﻃﻠﻌﻨﺎ ﻟﻼﻭﺿﺔ ﺍﻟﺘﺎﻧﻴﺔ ..

ﺣﻨﺎﻥ ﻗﺎﻟﺖ ﻟﻴﻬﻮ : ﺍﻧﺖ ﺑﺘﻌﺮﻑ ﺍﻟﺒﺖ ﺩﻱ؟ .. 

ﻗﺎﻝ ﻟﻴﻬﺎ : ﻣﺎﺑﻌﺮﻓﻬﺎ ﻭﺍﻟﻠﻪ ﻟﻜﻦ ﻣﻦ ﺷﻔﺘﻬﺎ ﺑﻘﻴﺖ ﻣﺎﻃﺒﻴﻌﻲ .. ﺍﻧﺎ ﺍﻟﺒﺖ ﺩﻱ ﻋﺎﻳﺰﻫﺎ ﻛﻠﻤﻴﻬﺎ ﻟﻲ ..

ﻗﺎﻟﺖ ﻟﻴﻬﻮ : ﻫﻲ ﻫﺴﻲ ﻗﺎﻋﺪﺓ ﻣﻌﺎﻧﺎ ﻫﻨﺎ .. ﺍﻧﺎﺩﻳﻬﺎ ﻟﻴﻚ ﺗﺘﻜﻠﻢ ﻣﻌﺎﻫﺎ؟ .. 

ﻗﺎﻝ ﻟﻴﻬﺎ : ﻧﺎﺩﻳﻬﺎ .. ﺍﻧﺎ ﻛﻨﺖ ﻓﻲ ﺍﻻﻭﺿﺔ ﺍﻟﺘﺎﻧﻴﺔ .. ﻧﺎﺩﻭﻧﻲ ﺟﻴﺖ ﻗﻌﺪ ﻳﺘﻜﻠﻢ ﻣﻌﺎﻱ ..

ﻗﺎﻝ ﻟﻲ : ﺍﻧﺎ ﺧﻼﺹ ﺍﻧﺎ ﻟﻘﻴﺖ ﻋﺮﻭﺳﻲ .. ﺍﻧﺎ ﺩﺍﻳﺮﻙ ﺍﻧﺘﻲ ﺭﺍﻳﻚ ﺷﻨﻮ؟

ﻗﻠﺖ ﻟﻴﻬﻮ : ﺍﻧﺎ ﺍﻟﻜﻼﻡ ﺩﻩ ﻣﻮ ﻋﻨﺪﻱ ..

 ﻗﺎﻝ ﻟﻲ : ﺑﺲ ﺍﻧﺘﻲ ﻗﻮﻟﻲ ﻧﻌﻢ ..

ﺍﻟﺒﺎﻗﻲ ﺑﺘﻤﻮ ﺑﺮﺍﻱ .. 

ﻗﻠﺖ ﻟﻴﻬﻮ : ﻟﻮ ﺍﻣﻲ ﻣﻮﺍﻓﻘﺔ .. ﺍﻧﺎ ﻣﻮﺍﻓﻘﺔ ﻫﻪ .. ﻗﻌﺪ ﻳﻀﺤﻚ ﻭﻓﻬﻢ ﺍﻧﻮ ﺍﻧﺎ ﻣﻮﺍﻓﻘﺔ ﺑﻴﻬﻮ .. ﻭﺍﻟﺤﻘﻴﻘﺔ ﺍﻧﺎ ﻣﻦ ﻭﻛﺘﻮ ﺍﻟﻜﺎﻥ ﺑﻌﺎﻳﻦ ﻟﻲ .. ﺍﻧﺎ ﺍﻋﺠﺒﺖ ﺑﻴﻬﻮ ﺷﺪﻳﺪ .. ﺍﻫﺎ ﺷﻔﺘﻲ .. ﺑﻌﺪ ﺷﻮﻳﺔ ﺍﻣﻲ ﺟﺎﺕ ﺳﺄﻟﺘﻨﻲ .. ﺍﻟﻜﻼﻡ ﺩﻩ ﻟﺴﻊ ﻋﻨﺪ ﻧﺎس ﺍﻟﻌﺮﺱ .

ﺍﻣﻲ ﻗﺎﻟﺖ ﻟﻲ :  ﺍﻧﺘﻲ ﻳﺎ ﺳﺘﻮ ﺷﻮﻓﺘﻲ ﻭﺍﻟﻮﻟﺪ ﺍﻻﺳﻤﻮ ﺍﻟﺼﺪﻳﻖ ﺩﻩ ؟

 ﻗﻠﺖ ﻟﻴﻬﺎ : ﺍﻳﻮﺓ ﺷﻮﻓﺘﻮ ..

 ﻗﺎﻟﺖ ﻟﻲ : ﺍﻟﻮﻟﺪ ﺩﻩ ﺍﻣﻮ ﻗﺎﻟﺖ ﺩﺍﻳﺮﻧﻚ .. ﺍﻧﺘﻲ ﺭﺍﻳﻚ ﺷﻨﻮ ﻳﺎﺳﺘﻮ؟

ﻗﻠﺖ ﻟﻴﻬﺎ : ﻟﻮ ﺍﻧﺘﻲ ﻣﻮﺍﻓﻘﺔ .. ﺍﻧﺎ ﻣﻮﺍﻓﻘﺔ .. ﻗﺎﻟﺖ ﻟﻲ ﺍﻟﻘﻔﺔ ﺍﻟﺘﻘﻊ ﻟﻴﻚ ﻓﻮﻕ ﺭﺍﺳﻚ ﺩﻩ .. ﻋﻮﻳﻨﺎﺗﻚ ﺩﻳﻞ ﺑﻘﻮﻟﻦ ﺩﺍﻳﺮﺍﻫﻮ ﻭﻣﻴﺘﺔ ﻓﻴﻬﻮ ..

ﺍﻧﺎ ﺩﻧﻘﺮﺕ ﻭﻗﻌﺪﺕ ﺍﺗﺨﺠﻞ ﻣﻦ ﺍﻣﻲ .. ﺍﻣﻲ ﻣﺸﺖ ﻟﻲ ﺍﻣﻮ .. ﻗﺎﻟﺖ ﻟﻴﻬﺎ  : ﺍﻧﺎ ﻭﺑﺘﻲ ﻣﻮﺍﻓﻘﻴﻦ .. ﺑﺎﻗﻲ ﺍﻟﻜﻼﻡ ﺍﻟﻌﻨﺪ ﺍﺑﻮﻫﺎ ﻭﺍﻋﻤﺎﻣﻬﺎ .. ﺍﻫﺎ ﻭﻛﺖ ﻭﺻﻠﻨﺎ ﺍﻟﺒﻴﺖ .. ﺍﻧﺎ ﺑﻘﻴﺖ ﺳﺎﺭﺣﺔ ﻭﻋﻴﻮﻧﻲ ﺗﺎﻳﻬﺔ ..

ﻭﻭﻗﻌﺖ ﻓﻲ ﺍﻟﺤﺐ .. ﻭﻛﺎﻥ ﺍﻟﺼﺪﻳﻖ ﺑﻼﻗﻴﻨﻲ ﻓﻮﻕ ﺩﺭﺏ ﺍﻟﻤﺪﺭﺳﺔ .. ﻭﺍﺭﺗﺒﻄﺖ ﺑﻴﻬﻮ ﺍﺭﺗﺒﺎﻁ ﺷﺪﻳﺪ .. ﻛﺎﻥ ﺯﻭﻝ ﻃﻴﺐ ﻃﻴﺒﺔ .. ﺍﺻﻠﻮ ﻣﺎ ﺑﺘﺘﺨﻴﻠﻴﻬﺎ ..

ﺍﻫﺎ ﻳﻮﻡ ﺍﻣﻲ ﺍﺗﻜﻠﻤﺖ ﻣﻊ ﺍﺑﻮﻱ .. ﻗﺎﻟﺖ ﻟﻴﻬﻮ : ﻧﺎﺱ ﺍﻭﻻﺩ ﺍﻟﺴﻴﺪ ﻭﺩ ﻓﻼﻥ ﺩﻳﻞ .. ﺷﺎﻓﻮ ﺳﺘﻮ ﻓﻲ ﺍﻟﻌﺮﺱ .. ﻭﻗﺎﻟﻮ ﺩﺍﻳﺮﻧﻬﺎ ﻟﻲ ﻭﻟﺪﻫﻢ ﺍﻟﺼﺪﻳﻖ ..

 ﻗﺎﻝ ﻟﻴﻬﺎ : ﺍﻧﺘﻲ ﻣﺸﻴﺘﻲ ﺗﺸﺎﺭﻛﻲ ﻓﻲ ﺍﻟﻌﺮﺱ .. ﻭﻻ ﻣﺸﻴﺘﻲ ﺗﻌﺮﺿﻲ ﺑﺘﻚ ﻓﻲ ﺍﻟﺴﻮﻕ؟

ﺍﻧﺎ ﻣﺎﻋﻨﺪﻱ ﺑﺖ ﺑﻌﺮﺳﻬﺎ ﻟﻲ ﻧﺎﺱ ﺍﻟﺴﻴﺪ .. ﻻﻫﻢ ﺍﻫﻠﻲ ﻭﻻﻣﻦ ﻗﺒﻴﻠﺘﻲ ..

ﺍﻣﻲ ﻗﺎﻟﺖ ﻟﻴﻬﻮ : ﺳﺠﻢ ﺧﺸﻤﻲ ﻳﺎﻳﻤﺔ .. ﻛﻤﺎﻥ ﻧﺎﺱ ﺍﻟﺴﻴﺪ ﻋﻨﺪﻙ ﻓﻴﻬﻦ ﻛﻼﻡ؟؟

ﻣﺎﻟﻦ ﻳﺎﻳﺎﺑﺎ .. ﺍﺿﻨﻴﻬﻢ ﻣﻘﺪﺩﺍﺕ .. ﻭﻻ ﺩﻻﻟﻴﻦ ﻋﺪﻩ؟ ‏( ﻃﺒﻌﺎ" ﻭﺩﻱ ﻛﻠﻬﺎ ﻛﻠﻤﺎﺕ ﺗﺪﻝ ﻋﻠﻰ ﺭﻣﻮﺯ ﻋﻨﺼﺮﻳﺔ ﻣﻘﻴﺘﺔ ‏) ..

ﻗﺎﻝ ﻟﻴﻬﺎ : ﺍﻧﺎ ﺑﺘﻲ ﺩﺍﻳﺮﻫﺎ ﻟﻲ ﻭﺍﺣﺪ ﻣﻦ ﻭﻻﺩ ﻳﻮﺳﻒ .. ﻳﻮﺳﻒ ﺩﻩ ﺻﺎﺣﺒﻮ ﻭﺣﺒﻴﺐ ﻋﻤﺮﻭ ﺍﺑﻮ ﺍﻟﺨﻴﺮ ﺩﻩ .. ﻟﺪﺭﺟﺔ ﺍﻧﻮ ﺍﺑﻮﻱ ﻟﻮ ﺳﺎﻓﺮ .. ﻳﻮﺳﻒ ﺑﺤﺮﺳﻨﺎ .. ﻭﺑﺼﺮﻑ ﻋﻠﻴﻨﺎ .. ﻭﻳﻮﺳﻒ ﻟﻮ ﺳﺎﻓﺮ ﺍﺑﻮﻱ ﺑﺤﺮﺱ ﺍﻭﻻﺩﻭ ﻭﺑﺼﺮﻑ ﻋﻠﻴﻬﻢ .. ﻳﻮﺳﻒ ﺑﺒﻘﻰ ﻟﻲ ﺍﺑﻮﻱ ﻟﻜﻦ ﺑﻘﻴﺎﻥ ﺑﻌﻴﺪ ..

ﺍﻟﻤﻬﻢ ﺍﻧﺎ ﻟﻤﻦ ﺍﻣﻲ ﻛﻠﻤﺘﻨﻲ .. ﻗﺎﻟﺖ ﻟﻲ : ﺍﻟﻜﻼﻡ ﺩﻩ ﺯﻋﻠﺖ ﺯﻋﻞ ﺷﺪﻳﺪ .. ﻻﻧﻲ ﻛﻨﺖ ﺩﺍﻳﺮﺓ ﺍﻟﺼﺪﻳﻖ .. ﺍﻭﻻﺩ ﻳﻮﺳﻒ ﺩﻳﻞ ﺍﺻﻠﻮ ﻣﺎﻧﻲ ﺩﺍﻳﺮﺍﻫﻢ .. ﺍﻟﻤﻬﻢ ﻳﻮﻡ ﻗﺎﻡ ﻻﻗﺎﻧﻲ ﺍﻟﺨﻴﺮ ﺩﻩ .. ﻭﺍﻟﺨﻴﺮ ﻛﺎﻥ ﺍﻃﻴﺐ ﻭﺍﺣﺪ ﻓﻲ ﻭﻻﺩ ﻳﻮﺳﻒ ﺩﻳﻞ .. ﻭﻃﻮﺍﻟﻲ ﺑﻬﻈﺮ ﻣﻌﺎﻧﺎ ﻓﻲ ﺍﻟﺸﺎﺭﻉ ..

ﻗﺎﻝ ﻟﻲ : ﺍﺳﻤﻌﻲ ﻳﺎ ﺳﺘﻮ .. ﺍﻧﺎ ﺟﺎﻱ ﺍﺧﻄﺒﻚ ﻣﻦ ﺍﺑﻮﻙ .. 

ﻗﻠﺖ ﻟﻴﻬﻮ : ﻭﺍﻟﻠﻪ ﻣﺎﺩﺍﻳﺮﺍﻙ ﺍﻭﻋﻚ ﺗﺠﻲ ..

ﻗﺎﻝ ﻟﻲ : ﺑﺲ ﺍﻧﺎ ﺩﺍﻳﺮﻙ .. ﻭﻣﺎﺑﻌﺮﺱ ﻏﻴﺮﻙ ﻭﺍﻟﻠﻪ .. ﻭﺍﻧﺎ ﻗﺎﻳﻼﻫﻮ ﺑﻬﻈﺮ .. ﻃﻮﺍﻟﻲ ﺍﻣﻮ ﺟﺎﺕ ﻻﻣﻲ ..

 ﻗﺎﻟﺖ ﻟﻴﻬﺎ : ﻧﺤﻦ ﺩﺍﻳﺮﻳﻦ ﺳﺘﻮ ﻟﻠﺨﻴﺮ .. ﺷﺎﻭﺭﻳﻬﺎ ﻟﻴﻨﺎ .. ﻭﺍﻣﻲ ﺑﺪﻝ ﻣﺎﺗﻘﻮﻝ ﻟﻲ ﺍﻧﺎ .. ﻣﺸﺖ ﻗﺎﻟﺖ ﻻﺑﻮﻱ ..

ﺍﻧﺎ ﻃﻮﺍﻟﻲ ﺭﺳﻠﺖ ﻭﺍﺣﺪﺓ ﺻﺤﺒﺘﻲ ﻣﺮﺳﺎﻝ ﺳﺮﻱ .. ﻟﻲ ﺍﻟﺼﺪﻳﻖ .. ﺗﻘﻮﻝ ﻟﻠﺼﺪﻳﻖ ﺍﻫﻠﻚ ﻳﺠﻮ ﻳﻄﻠﺒﻮ ﻃﻮﺍﻟﻲ .. ﻻﻧﻮ ﻧﺎﺱ ﺍﻟﺨﻴﺮ ﺩﻳﻞ ﻋﻨﺪﻫﻢ ﻧﻴﺔ ﻳﺠﻮ ﻳﻄﻠﺒﻮﻧﻲ .. ﻃﻮﺍﻟﻲ ﺍﻟﺼﺪﻳﻖ ﺗﺎﻧﻲ ﻳﻮﻡ ﺟﺎﺏ ﺍﺑﻮﻫﻮ ﻭﺍﺧﻮﺍﻧﻮ ﻭﺍﻋﻤﺎﻣﻮ ﻭﺟﻮﻧﺎ ﻓﻲ ﺍﻟﺒﻴﺖ .. ﻳﻄﻠﺒﻮﻧﻲ .. ﺍﺑﻮﻱ ﻗﺎﻝ ﻟﻴﻬﻢ : ﻭﺍﻟﻠﻪ ﺍﻟﺒﺖ ﻓﻴﻬﺎ ﻛﻠﻤﺔ .. ‏( ﻳﻌﻨﻲ ﺯﻱ ﻣﺨﻄﻮﺑﺔ ﻛﺪﺍ ‏) ..

ﻭﻃﺒﻌﺎ" ﻻﻓﻲ ﻛﻠﻤﺔ ﻭﻻﺷﻲ .. ﻛﻼﻡ ﻧﺴﻮﺍﻥ .. ﻟﻜﻦ ﺍﺑﻮﻱ ﻣﺎﻓﻲ ﺯﻭﻝ ﻃﻠﺐ ﻣﻨﻮ .. ﺍﻻ ﻛﻼﻡ ﺍﻟﻤﺮﺍﺓ ﻣﻊ ﺍﻣﻲ ..

ﻭﻧﺎﺱ ﺣﻠﺘﻨﺎ ﺳﻤﻌﻮ ﺑﺎﻟﻜﻼﻡ ﺩﻩ .. ﺍﻧﻮ ﺳﺘﻮ ﺟﻮﻫﺎ ﻧﺎﺱ ﺍﻟﺴﻴﺪ .. ﻭﻃﻠﺒﻮﻫﺎ ﻟﻠﺼﺪﻳﻖ .. ﻭﺍﺑﻮﻫﺎ ﻗﺎﻝ ﻓﻴﻬﺎ ﻛﻠﻤﺔ .. ﻗﺎﻡ ﻳﻮﺳﻒ ﺍﺑﻮ ﺍﻟﺨﻴﺮ ﺳﺄﻝ ﺍﺑﻮﻱ ..

ﻗﺎﻝ ﻟﻴﻬﻮ :  ﺍﻟﻜﻠﻤﺔ ﺍﻟﻔﻲ ﺳﺘﻮ ﻣﻦ ﻣﻨﻮ ﻳﺎ ﺍﻟﻌﻤﺪﺓ؟؟ .. 

ﻗﺎﻝ ﻟﻴﻬﻮ : ﻭﺍﻟﻠﻪ ﻣﺎﻓﻲ ﻛﻠﻤﺔ ﻭﻻﺷﻲ .. ﺑﺲ ﺍﻧﺎ ﺑﺘﻲ ﻣﺎﺩﺍﻳﺮ ﺍﻋﺮﺳﻬﺎ ﻟﻲ ﻧﺎﺱ ﺍﻟﺴﻴﺪ ..

ﻗﺎﻝ ﻟﻴﻬﻮ : ﺍﻫﺎ ﻧﺤﻦ ﻳﺎﺧﻮﻱ ﻃﺎﻟﺒﻨﻬﺎ ﻟﻠﺨﻴﺮ .. ﺍﺑﻮﻱ ﻃﻮﺍﻟﻲ ﻗﺎﻝ ﻟﻴﻬﻮ ﻣﺒﺮﻭﻙ .. ﺍﻧﺎ ﺟﻴﺖ ﻗﻠﺖ ﻻﺑﻮﻱ ﺍﻧﺎ ﻣﺎﻣﻮﺍﻓﻘﺔ ﺑﻲ ﺍﻟﺨﻴﺮ .. ﺍﺑﻮﻱ ﻋﺎﻳﻦ ﻟﻲ ﻛﺪﺍ ﺑﻲ ﻃﺮﻑ ﻋﻴﻨﻮ .. ﻭﻗﺎﻝ ﻟﻲ : ﻫﺴﻊ ﻓﻲ ﺯﻭﻝ ﻃﻠﺐ ﺭﺍﻳﻚ؟ .. ﺍﻣﺸﻲ ﻣﻦ ﻗﺪﺍﻣﻲ ..

ﻭﻗﻌﺪﺕ ﺍﺑﻜﻲ .. ﺍﻣﻲ ﻗﺎﻟﺖ ﻟﻲ : ﻳﺎﺑﺘﻲ .. ‏( ﺍﻟﺼﻘﺮ ﺍﻥ ﻭﻗﻊ ﻛﺘﺮﺓ ﺍﻟﺒﺘﺎﺑﺖ ﻋﻴﺐ ‏) ..

ﺍﻣﻜﻦ ﺍﻟﺨﻴﺮ ﻓﻴﻬﻮ ﻟﻴﻚ ﺍﻟﺨﻴﺮ .. ﺍﻟﻜﻠﻤﺔ ﺩﻱ ﻣﻦ ﺍﻣﻲ ﺻﺒﺮﺗﻨﻲ ﺷﻮﻳﺔ ..

ﺍﻟﻤﻬﻢ ﻓﻲ ﺍﻟﻨﻬﺎﻳﺔ .. ﺭﺿﻴﺖ ﻭﻭﺍﻓﻘﺖ .. ﻋﺸﺎﻥ ﺍﺑﻮﻱ ﻭﺍﻣﻲ ﻭﺍﺧﻮﺍﻧﻲ ﻭﻛﻠﻤﺔ ﺍﻟﻘﺒﻴﻠﺔ .. ﻭﺍﻟﺤﻤﺪ ﻟﻠﻪ ﻟﻘﻴﺖ ﺍﻟﺨﻴﺮ ﻓﻌﻼ ﺧﻴﺮ .. ﻭﺭﺑﻨﺎ ﻗﺴﻢ ﻟﻲ ﻣﻌﺎﻫﻮ ﺍﻟﺴﻌﺎﺩﺓ ﻭﺍﻟﺮﺍﺣﺔ .. ﻭﺍﻟﻠﻪ ﻣﺎﺷﻔﺖ ﻣﻨﻮ ﺷﻴﻦ .. ﻭﻻﺣﺼﻞ ﻳﻮﻡ ﻓﻜﺮﺕ ﻓﻲ ﻏﻴﺮﻭ .. ﻭﺑﻌﺪ ﻣﺎﺟﺒﺖ ﻣﻨﻮ ﺍﻟﺠﻨﻰ .. ﺑﻘﻰ ﺍﻟﺨﻴﺮ ﻛﻞ ﺣﻴﺎﺗﻲ ﻭﺭﻳﺪﺓ ﻋﻤﺮﻱ .. ﺍﻫﺎ ﺩﻩ ﺍﻟﺼﺪﻳﻖ ﻭﻗﺼﺘﻮ ﻣﻌﺎﻱ ﻳﺎ ﻣﺤﺎﺳﻦ ﺭﺍﻳﻚ ﺷﻨﻮ ؟

ﻗﺎﻟﺖ ﻟﻴﻬﺎ : ﻭﺍﻟﻠﻪ ﻳﺎ ﺳﺘﻮ .. ﻋﻠﻰ ﺣﺴﺐ ﺍﻟﻮﺻﻒ ﺍﻟﻮﺻﻔﺘﻴﻬﻮ ﻟﻠﺮﺍﺟﻞ ﺩﻩ ..

ﺍﻃﻤﻨﻲ ﺳﺎﻱ ﻋﻠﻰ ﻭﻟﺪﻙ .. ﺍﻟﺰﻭﻝ ﺩﻩ ﻓﻲ ﺭﺍﻱ .. ﺩﺍﻳﺮ ﻳﻘﺪﻡ ﻟﻴﻜﻢ ﺟﻤﻴﻞ ..

ﻭﺍﺣﺘﻤﺎﻝ ﻳﻜﻮﻥ ﺩﺍﻳﺮ ﻳﻌﻴﺪ ﺭﻳﺪﻭ ﺍﻟﻘﺪﻳﻢ .. ﻭﺍﻟﻠﻪ ﺍﻋﻠﻢ .....

           البارت الحادي عشر من هنا 

   لقراءة جميع حلقات القصه من هنا

تعديل المقال