
قصة قوة الضمائر
البارت السابع عشر 17
بقلم طارق اللبيب
ﺍﺷﺮﻑ ﻭﺍﻛﺮﻡ ﺍﻭﻻﺩ ﺍﻟﺼﺪﻳﻖ .. ﻋﻼﻗﺘﻬﻢ ﻃﻴﺒﺔ ﻣﻊ ﺟﺪﻭ .. ﻭﺑﺘﻜﻴﻔﻮ ﻟﻲ ﻭﻧﺴﺘﻮ ﺷﺪﻳﺪ .. ﻭﻣﻌﺠﺒﻴﻦ ﺑﺎﻧﻮ ﺯﻭﻝ ﺑﺘﺎﻉ ﺷﻐﻞ .. ﻭﻣﺎﺑﺤﺐ ﺍﻟﺮﺍﺣﺎﺕ ﻭﺍﻟﻜﺴﻞ .. ﻃﺒﻌﺎ" ﺍﻟﺰﻭﻝ ﺩﻩ .. ﺍﺷﺘﺮﻯ ﺟﻬﺎﺯﻭ ﺑﺮﺍﻫﻮ .. ﻭﺭﺟﻊ ﺟﻬﺎﺯ ﺍﻟﺼﺪﻳﻖ .. ﻭﺑﻘﻰ ﺷﻐﺎﻝ ﺷﻐﻞ ﺑﻲ ﺍﺭﺗﻴﺎﺡ ﻧﻔﺴﻲ .. ﺑﺲ ﺍﻟﻤﺸﻜﻠﺔ ﺍﻧﻮ ﻣﻮﺍﻋﻴﺪ ﺍﻟﺠﺎﻣﻌﺔ ﺭﺍﺣﺖ ﻭﺍﻟﺠﺎﻣﻌﺔ ﺷﻐﺎﻟﺔ ﻟﻴﻬﺎ ﺍﻛﺘﺮ ﻣﻦ ﺷﻬﺮ ..
ﻭﻛﻞ ﻣﺮﺓ ﺍﻣﻮ ﺗﻀﺮﺏ ﻟﻴﻬﻮ .. ﺗﻘﻮﻝ ﻟﻴﻬﻮ ﺗﻌﺎﻝ ﺧﻼﺹ ﺧﻠﻲ ﺍﻟﺸﻐﻞ .. ﺣﺼﻞ ﺩﺭﺍﺳﺘﻚ .. ﻭﻫﻮ ﻳﻘﻮﻝ ﻟﻴﻬﺎ ﺍﺻﺒﺮﻱ ﺷﻮﻳﺔ ﻳﺎ ﺍﻣﻲ .. ﺍﻻﻣﻮﺭ ﻫﻨﺎ ﻣﺎﺷﺔ ﻣﻌﺎﻱ ﻛﻮﻳﺲ ..
ﻳﻮﻡ ﺍﺷﺮﻑ ﻭﺍﻛﺮﻡ .. ﺍﺧﺪﻭ ﻟﻴﻬﻢ ﺍﺟﺎﺯﺓ ﻣﻦ ﺍﻟﺸﻐﻞ .. ﺯﻱ ﺧﻤﺴﺔ ﻳﻮﻡ ﻛﺪﺍ ﻣﺸﻮ ﺍﻟﺒﻴﺖ .. ﻋﺸﺎﻥ ﻳﺴﻠﻤﻮ ﻋﻠﻰ ﺍﻣﻬﻢ .. ﺑﺜﻴﻨﺔ .. ﻭﺍﺧﻮﺍﺗﻬﻢ ﺍﻟﺘﻼﺗﻪ ﺍﺳﺮﺍﺀ ﻭﺩﻋﺎﺀ ﻭﺑﻬﺠﻪ .. ﻭﻃﻠﺒﻮ ﻣﻦ ﺟﺪﻭ ﻳﻤﺸﻲ ﻣﻌﺎﻫﻢ .. ﻟﻜﻦ ﺟﺪﻭ ﺭﻓﺾ ..
ﻭﻗﺎﻝ ﻟﻴﻬﻢ : ﺍﻧﺎ ﻣﺤﺘﺎﺝ ﻻﻱ ﺳﺎﻋﺔ ﺗﻤﺮ ﻓﻲ ﺍﻟﻴﻮﻡ ..
ﻭﺻﻠﻮ ﻫﻨﺎ ﺍﻟﺒﻴﺖ .. ﻭﻓﻲ ﺍﺛﻨﺎﺀ ﻭﻧﺴﺘﻬﻢ ﺟﻨﺐ ﺍﻣﻬﻢ ﻛﺎﻧﻮ ﺑﺘﻜﻠﻤﻮ ﻋﻦ ﻳﻮﺳﻒ .. ﻭﻳﺤﻜﻮ ﺑﻲ ﻗﺼﺼﻮ ﻭﺣﺎﺟﺎﺗﻮ .. ﻭﺍﻣﻬﻢ ﺳﻤﻌﺖ ﻗﺎﻟﺖ ﻟﻴﻬﻢ ﻳﻮﺳﻒ ﺩﻩ ﻣﻨﻮ؟؟ ..
ﺍﺷﺮﻑ ﻗﺎﻝ ﻟﻴﻬﺎ : ﺩﻩ ﻭﻟﺪ ﻛﺪﺍ ﻣﻦ ﺑﻠﺪﻧﺎ .. ﻭﻻﺯﻡ ﺍﻧﺘﻲ ﺑﺘﻜﻮﻧﻲ ﺗﻌﺮﻓﻲ ﺍﻫﻠﻮ .. ﺍﺳﻤﻮ ﻳﻮﺳﻒ ﺍﻟﺨﻴﺮ ﻳﻮﺳﻒ .. ﺍﻟﺰﻭﻝ ﺩﻩ ﺍﺑﻮﻱ ﺑﻌﺰﻭ ﻣﻌﺰﺓ ﺷﺪﻳﺪﺓ ﺧﻼﺹ .. ﻻﻧﻮ ﺍﺑﻮﻱ ﻛﺎﻥ ﺻﺎﺣﺐ ﺍﺑﻮﻫﻮ ﺷﺪﻳﺪ .. ﻭﺍﺑﻮﻫﻮ ﺍﺗﻮﻓﻰ ﻗﺒﻞ ﻓﺘﺮﺓ .. ﺍﺑﻮﻱ ﺍﻫﺘﻤﻪ ﺑﻴﻪ ﻟﺪﺭﺟﺔ .. ﺍﻧﻮ ﻣﺸﻰ ﺟﺎﺑﻮ ﻣﻦ ﺍﻟﺨﺮﻃﻮﻡ .. ﻭﺍﺩﺍﻫﻮ ﺟﻬﺎﺯ ﻛﺸﻒ .. ﻭﻭﺭﺍﻫﻮ ﻣﺤﻞ ﺍﻟﺸﻐﻞ ..
ﻏﺎﻳﺘﻮ ﺍﺑﻮﻱ ﺩﻩ ﺍﻟﻠﻪ ﻳﺪﻳﻬﻮ ﺍﻟﻌﺎﻓﻴﺔ ﺍﺻﻠﻮ ﻣﺎﺑﻘﺼﺮ .. ﺣﺘﻰ ﻳﻮﻡ ﺳﺎﻓﺮ ﺍﻟﺨﺮﻃﻮﻡ .. ﻋﺸﺎﻥ ﻳﻮﺩﻱ ﻗﺮﻭﺵ ﻣﻦ ﻳﻮﺳﻒ ﻟﻲ ﺍﻣﻪ ..
ﺑﺜﻴﻨﺔ ﻧﻄﻄﺖ ﻋﻴﻮﻧﺎ .. ﻭ ﻗﻌﺪﺕ ﺗﺮﺟﻒ ﻟﻤﻦ ﺍﻟﻜﺮﺳﻲ ﺩﺍﻳﺮ ﻳﻘﻊ ﺑﻴﻬﺎ ..
ﻫﻲ ﻃﺒﻌﺎ" ﻗﺎﻋﺪﺓ ﻓﻲ ﻛﺮﺳﻲ ﻋﺠﻠﺔ .. ﻻﻧﻬﺎ ﻋﻨﺪﻫﺎ ﺟﻠﻄﺔ ﻟﻴﻬﺎ ﺳﻨﺘﻴﻦ ﻋﻨﺪﻫﺎ ﺷﻠﻞ ﻧﺼﻔﻲ .. ﻣﺎﺷﺔ ﺑﻲ ﻛﺮﺳﻲ ﺍﻟﻌﺠﻠﺔ .. ﻭﻫﺴﻲ ﻓﻲ ﺍﻟﻠﺤﻈﺔ ﺩﻱ .. ﺍﻋﺼﺎﺑﻬﺎ ﺍﻧﺘﻬﺖ .. ﻭﺑﻘﺖ ﺗﺘﻜﻠﻢ ﻛﻼﻡ ﻣﺎﻣﻈﺒﻮﻁ ..
ﺑﺘﻘﻮﻝ ﺧﻼﺹ ﻟﻘﺎﻫﺎ .. ﻟﻤﻪ ﻓﻴﻬﺎ .. ﺧﻼﺹ ﺗﺎﻧﻲ ﻣﺎﺑﺸﻮﻑ ﻗﺪﺍﻣﻮ .. ﺧﻼﺹ ﻧﺤﻦ ﺍﻧﺘﻬﻴﻨﺎ .. ﺍﻟﻠﻪ ﻳﺪﻣﺮﻙ ﻳﺎﺳﺘﻮ .. ﻛﺎﻥ ﺩﺍﻳﺮﺓ ﺗﺪﻣﺮﻱ ﺑﻴﺘﻨﺎ ..
ﺍﺷﺮﻑ ﻗﺎﻝ ﻟﻴﻬﺎ : ﻓﻲ ﺷﻨﻮ ﻳﺎ ﺍﻣﻲ؟ .. ﺍﻧﺎ ﻣﺎﻓﺎﻫﻢ ﺷﻲ؟ ..
ﻣﻦ ﺍﻟﺒﺘﻘﻮﻟﻲ ﻓﻴﻬﻮ ﺩﻩ ..
ﻗﺎﻟﺖ ﻟﻴﻬﻮ : ﺍﺑﻮﻙ ﻳﺎ ﺍﺷﺮﻑ .. ﺍﺑﻮﻙ ﺧﻼﺹ ﺍﺗﺒﻊ ﺩﺭﺏ ﺍﻟﺼﺒﻴﻨﺔ ﻗﺎﻝ ﻟﻴﻬﺎ : ﺍﻟﺤﺎﺻﻞ ﺷﻨﻮ ﺍﺣﻜﻲ ﻟﻲ ..
ﻗﺎﻟﺖ ﻟﻴﻬﻮ : ﺍﻭﻻ" .. ﺍﻟﺨﻴﺮ ﻭﺩ ﻳﻮﺳﻒ .. ﻻﺻﺎﺣﺐ ﺍﺑﻮﻙ ﻭﻻﻋﻨﺪﻭ ﻣﻌﺎﻫﻮ ﺍﻱ ﻋﻼﻗﺔ .. ﺣﺼﻞ ﻃﻮﻝ ﻋﻤﺮﻙ ﺷﻔﺖ ﺍﻟﺨﻴﺮ ﺩﻩ؟
ﻗﺎﻝ ﻟﻴﻬﺎ : ﻻ ..
ﻗﺎﻟﺖ ﻟﻴﻬﻮ : ﺣﺼﻞ ﺳﻤﻌﺖ ﺍﺑﻮﻙ ﺑﺘﻜﻠﻢ ﻋﻨﻮ؟
ﻗﺎﻟﺖ ﻟﻴﻬﺎ ﻻ ..
ﻗﺎلت ﻟﻴﻬﻮ : ﺩﻱ ﻳﻌﻨﻲ ﺍﻟﺼﺤﺒﺔ ﺍﻟﺒﻌﺪ ﺍﻟﻤﻮﺕ .. ﻭﻻﺷﻨﻮ؟ .. ﺍﻧﺖ ﻣﺎﻋﻨﺪﻙ ﻣﺦ ﺗﻔﻜﺮ ﺑﻴﻬ ﻮ؟؟ ﻭﻻﺣﺒﺔ ﺑﺴﻴﻄﺔ ﻳﺎ ﺍﺷﺮﻑ؟؟
ﻗﺎﻝ ﻟﻴﻬﺎ : ﻭﺍﻟﻠﻪ ﻣﺎﻓﺎﻫﻢ ﺣﺎﺟﺔ ﻳﺎ ﺍﻣﻲ .. ﻭﺿﺤﻲ ﺍﻟﻤﻮﺿﻮﻉ ﺷﻮﻳﺔ .. ﻳﺎ ﺍﻣﻲ ..
ﻗﺎﻟﺖ ﻟﻴﻬﻮ : ﺍﻟﻤﻮﺿﻮﻉ ﻳﺎﺭﻭﺡ ﺍﻣﻚ .. ﺍﺑﻮﻙ ﺍﺻﻼ" ﻣﺎﻛﺎﻥ ﻋﺎﻳﺰﻧﻲ ﺍﻧﺎ .. ﻭﻻ ﻛﺎﻥ ﺑﺤﺒﻨﻲ .. ﻟﻜﻦ ﺍﻧﺎ ﻛﻨﺖ ﻋﺎﻳﺰﺍﻫﻮ ﻭﻣﻌﺠﺒﺔ ﺑﻴﻬﻮ .. ﻟﻜﻦ ﻫﻮ ﻛﺎﻥ ﺩﺍﻳﺮ ﺳﺘﻮ ﺍﻡ ﻳﻮﺳﻒ ﺍﻟﻤﻌﺎﻛﻢ ﺩﻩ .. ﻭﻟﻤﻦ ﺍﺑﻮﻫﺎ ﺭﻓﺾ .. ﺍﺑﻮﻙ ﺩﻩ ﻗﺮﺏ ﻳﺠﻦ .. ﺣﺒﻮﺑﺘﻚ ﺍﻡ ﺍﺑﻮﻙ ﺟﺎﺗﻨﺎ ﻓﻲ ﺍﻟﺒﻴﺖ .. ﻭﻗﺎﻟﺖ ﻟﻲ ﺍﻣﻲ : ﻭﻟﺪﻱ ﺑﻴﻀﻴﻊ ﻳﺎ ﻧﻌﻤﺔ ﻭ ﻳﺎ ﺑﺜﻴﻨﺔ .. ﻳﺎﻧﻌﻤﺔ ﻛﺎﻥ ﺟﻴﻨﺎﻙ ﺑﺘﺪﻳﻨﺎ ﺑﺘﻚ ﺑﺜﺒﻨﺔ ﻟﻲ ﺍﻟﺼﺪﻳﻖ ﻭﻟﺪﻱ؟ .. ﺍﻣﻲ ﻗﺎﻟﺖ ﻟﻴﻬﺎ : ﻳﻬﺪﻱ ﺑﺜﻴﻨﺔ ﺃﺳﺎﻟﻴﻬﺎ ﻭﺷﻮﻓﻲ ﺭﺍﻳﻬﺎ .. ﺍﻧﺎ ﻗﻠﺖ ﻟﻴﻬﺎ : ﺣﺘﻲ ﻟﻮ ﺍﻧﺎ ﻭﺍﻓﻘﺖ ﻟﻴﻚ ﻫﻮ ﺑﻮﺍﻓﻖ؟ .. ﻫﻮ ﻗﺎﻝ ﻟﻴﻚ ﺩﺍﻳﺮﻧﻲ؟
ﻗﺎﻟﺖ ﻟﻲ : ﺍﻧﺘﻲ ﺑﺲ ﻭﺍﻓﻘﻲ ﻳﺎﺑﺜﻴﻨﺔ ﺍﻧﺎ ﺑﻘﻨﻌﻮ ..
ﻗﻠﺖ ﻟﻴﻬﺎ : ﺍﻣﺸﻲ ﺍﻗﻨﻌﻴﻬﻮ ..
ﻃﻠﻌﺖ .. ﻃﻮﺍﻟﻲ ﺭﺳﻠﻮ ﻟﻴﻨﺎ ﺑﻌﺪ ﻳﻮﻣﻴﻦ .. ﻗﺎﻟﻮ ﺍﻟﺼﺪﻳﻖ ﻭﺍﻫﻠﻮ ﺟﺎﻳﻨﻜﻢ ﻟﻲ ﺑﺜﻴﻨﺔ .. ﻭﺍﻧﺎ ﻗﺒﻠﺖ ﻭﺍﻟﻌﺮﺱ ﺗﻢ .. ﻭﺍﻟﻔﺘﺮﺓ ﺍﻻﻭﻟﻰ ﺍﺻﻼ" ﺳﺘﻮ ﻣﺎﻣﺮﻗﺖ ﻣﻦ ﺧﺸﻤﻮ ﻭﺍﻧﺎ ﺻﺎﺑﺮﺓ .. ﻟﻐﺎﻳﺔ ﻣﺎﺭﺑﻨﺎ ﺑﻲ ﻛﺮﻣﻮ ﻧﺴﺎﻫﻮ .. ﻭﻭﺍﺻﻞ ﺣﻴﺎﺗﻮ ﻭﺟﻴﺘﻮ ﺍﻧﺘﻮ .. ﻭﺳﺘﻮ ﺑﻘﺖ ﺑﺎﻟﻨﺴﺒﺔ ﻟﻴﻬﻮ ﻣﺎﺿﻲ ..
ﻻﻧﻬﺎ ﺍﺗﺰﻭﺟﺖ ﻭﺟﺎﺑﺖ ﺍﻻﻭﻻﺩ .. ﻭﺭﺣﻠﺖ ﺍﻡ ﺩﺭﻣﺎﻥ .. ﻭﺍﺧﺒﺎﺭﻫﺎ ﺍﻧﻘﻄﻌﺖ .. ﻫﺴﻲ ﺧﻼﺹ .. ﺍﺑﻮﻙ ﻋﺮﻑ ﺍﻧﻮ ﺭﺍﺟﻼ ﻣﺎﺕ .. ﻭﺟﺮﻯ ﻋﻠﻴﻬﺎ ﻳﺨﺴﻲ ﻋﻠﻴﻬﻮ ﺍﻟﻜﻠﺐ .. ﻭﻫﻲ ﻛﻤﺎﻥ ﻣﺎﺻﺪﻗﺖ .. ﺭﺳﻠﺖ ﻣﻌﺎﻫﻮ ﻭﻟﺪﻫﺎ ﻭﺑﻘﺖ ﺗﺴﺘﻘﺒﻠﻮ ﻓﻲ ﺍﻟﺒﻴﺖ ﻭﻭﻟﺪﻫﺎ ﻣﺎﻓﻴﺶ .. ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .. ﻳﺎﺟﻤﺎﻋﺔ ﺍﻟﺪﻧﻴﺎ ﺩﻱ ﻣﻮﺩﻳﺎﻧﺎ ﻋﻠﻰ ﻭﻳﻦ؟؟ ..
ﺍﻥ ﺷﺎﺀ ﺍﻟﻠﻪ ﻳﻜﻮﻥ ﺩﺍﻳﺮ ﻳﻌﺮﺳﻬﺎ ﺑﺎﻟﺤﻼﻝ .. ﻣﺎﻳﺒﻘﻰ ﻣﺼﺎﺣﺒﻬﺎ ﺻﺤﻮﺑﻴﺔ ..
ﺍﺷﺮﻑ ﻗﺎﻝ ﻟﻴﻬﺎ : ﻳﺎ ﺍﻣﻲ ﺩﻩ ﻛﻼﻡ ﺷﻨﻮ؟ .. ﻭﺍﻟﻠﻪ ﺍﻥ ﺣﺴﻴﺖ ﺑﺮﺍﺳﻲ ﺍﻧﺸﻖ ..
ﻗﺎﻟﺖ ﻟﻴﻬﻮ : ﺧﻠﻴﻚ ﻣﺼﺤﺼﺢ .. ﺍﺑﻮﻙ ﺑﻜﺬﺏ ﻋﻠﻴﻚ .. ﻣﺎﻓﻲ ﺻﺪﺍﻗﺔ ﺑﻴﻨﻮ ﻭﺑﻴﻦ ﺍﻟﺨﻴﺮ ﺍﻟﻤﺮﺣﻮﻡ .. ﺍﻟﺼﺪﺍﻗﺔ ﻭﺍﻟﺮﻳﺪﺓ ﻛﺎﻧﺖ ﺑﻴﻨﻮ ﻭﺑﻴﻦ ﺳﺘﻮ ﺍﻡ ﺍﻟﻮﻟﺪ ..
ﻃﺒﻌﺎ" ﺍﺷﺮﻑ ﻭﺍﻛﺮﻡ ﺍﻻﺗﻨﻴﻦ ﻭﻟﻌﺖ ﻓﻴﻬﻢ ﻧﺎﺭ .. ﺍﺻﻼ" ﻫﻢ ﻣﻦ ﺍﻟﺒﺪﺍﻳﺔ ﻛﺎﻧﻮ ﻣﺴﺘﻐﺮﺑﻴﻦ ﻓﻲ ﺍﻟﻤﻌﺰﺓ ﻭﺍﻟﺨﺪﻣﺔ .. ﺍﻟﺒﻌﻤﻞ ﻓﻴﻬﺎ ﺍﺑﻮﻫﻢ ﻟﻲ ﺟﺪﻭ .. ﻭﻣﺎﻛﺎﻧﻮ ﻣﻘﺘﻨﻌﻴﻦ ﺑﻲ ﺍﻧﻮ ﺑﺲ ﺻﺎﺣﺐ ﺍﺑﻮﻫﻮ ﻻﺯﻡ ﻓﻲ ﺣﺎﺟﺔ ﺍﻛﺒﺮ ﻣﻦ ﻛﺪﺍ .. ﻭﺍﻟﻠﻴﻠﺔ ﺑﺎﻧﺖ ﻟﻴﻬﻢ ﺍﻟﺤﻘﻴﻘﺔ .. ﺍﻟﺤﻘﻴﻘﺔ ﺍﻧﻮ ﻓﻲ ﺣﺐ ﻗﺪﻳﻢ ﻋﻔﺎ ﻋﻠﻴﻪ ﺍﻟﺰﻣﻦ ﺑﺪﺃ ﻓﻲ ﺍﻟﻨﻬﻮﺽ ﻣﺮﺓ ﺍﺧﺮﻯ ..
ﺍﻛﺮﻡ ﻗﺎﻝ ﻟﻴﻬﻮ : ﺍﻧﺖ ﻋﺎﺭﻑ ﻳﺎ ﺍﺷﺮﻑ ﺍﺣﺴﻦ ﺣﺎﺟﺔ .. ﻧﻌﻤﻞ ﻟﻴﻨﺎ ﺳﺒﺐ ﻣﻊ ﺍﻟﺠﻨﻰ ﺩﻩ .. ﻭﻧﻤﺴﻜﻮ ﻧﺪﻗﻮ ﺩﻕ ﺍﻟﻌﻴﺶ .. ﺑﺎﻟﻠﻪ ﺷﻮﻑ ﺍﻟﺨﺎﻳﺐ ﺩﻩ .. ﻭﺍﻟﻠﻪ ﺩﻱ ﺭﺍﺟﻞ ﻭﺩ ﺭﺟﺎﻝ ﻣﺎﺑﻌﻤﻼ .. ﻭﺍﻟﻠﻪ ﺗﺸﻮﻑ ﻛﻼﻣﻮ ﻭﺗﺼﺮﻓﺎﺗﻮ .. ﺗﻘﻮﻝ ﺩﻩ ﻳﺎﻫﻮ ﺍﻟﻌﻠﻴﻬﻮ ﺍﻟﺮﻙ .. ﺑﺲ ( ﻳﺎﻣﺎ ﺗﺤﺖ ﺍﻟﺴﻮﺍﻫﻲ ﺩﻭﺍﻫﻲ ) ..
ﺍﺷﺮﻑ ﻗﺎﻝ ﻟﻴﻬﻮ : ﻻﻻ .. ﺍﻭﻝ ﺣﺎﺟﺔ ﺍﻟﻨﺎﺱ ﺩﻳﻞ .. ﻟﻤﻦ ﻋﺮﻓﻮ ﺍﺑﻮﻱ ﻗﺮﻭﺷﻮ ﻛﺘﻴﺮﺓ .. ﻭﺍﻣﻼﻛﻮ ﻣﺎﻟﻴﺔ ﺍﻟﻮﺍﻃﻪ .. ﺍﺻﺎﺑﻬﻢ ﺍﻟﻄﻤﻊ ﻭﺩﺍﻳﺮﻳﻦ ﻳﻜﺎﻭﺷﻮ ﻋﻠﻴﻬﻮ .. ﺍﻟﻤﺮﺍﺓ ﺫﻛﻴﺔ .. ﺭﺳﻠﺖ ﻣﻌﺎﻫﻮ ﻭﻟﺪﻫﺎ .. ﻋﺸﺎﻥ ﻳﻜﻮﻥ ﺣﺒﻞ ﺍﻟﻮﺩ ﻣﺘﻮﺍﺻﻞ .. ﻻﻣﻦ ﻳﺤﺼﻞ ﻟﻴﻬﺎ ﻣﺮﺍﺩﻫﺎ .. ﻧﺤﻦ ﻻﺯﻡ ﻧﻌﻤﻞ ﻣﻮﺍﺟﻬﺔ ﻣﻊ ﺍﺑﻮﻱ .. ﻻﻧﻮ ﺍﺑﻮﻱ ﻫﻮ ﺍﻟﻤﺸﻰ ﻟﻴﻬﻢ .. ﻫﻢ ﻣﺎﺟﻮ ﻛﺎﻳﺴﻴﻦ ﻟﻴﻬﻮ ..
ﻭﺍﻻﻡ تسمع ﻓﻴﻬﻢ ..
ﻗﺎﻟﺖ ﻟﻴﻬﻢ : ﺍﻟﻤﻮﺿﻮﻉ ﺩﻩ ﻣﺎﺩﺍﻳﺮ ﻓﻮﺿﻰ .. ﻭﻛﻼﻡ ﻛﺘﻴﺮ
ﻭﻣﻀﺎﺭﺑﻪ و ﺩﻕ .. ﺍﻟﻤﻮﺿﻮﻉ ﺩﻩ ﺩﺍﻳﺮ ﺫﻛﺎﺀ ﻭﺧﻄﻂ .. ﻣﺎﺗﺒﻘﻮ ﻧﺎﺱ ﺑﻠﺪﺍ .. ﺷﻮﻑ ﺍﻛﺘﺮ ﺣﺎﺟﺔ ﺍﺑﻮﻙ ﺑﻜﺮﻫﺎ ﻫﻲ ﺍﻟﺴﺮﻗﺔ ﻭﻋﺪﻡ ﺍﻻﻣﺎﻧﺔ .. ﺍﻟﻮﻟﺪ ﺷﻐﺎﻝ ﻣﻌﺎﻛﻢ ﻓﻲ ﺣﺘﺔ ﻭﺍﺣﺪﺓ ..
ﺍﻟﻤﻔﺮﻭﺽ ﺗﺘﻔﻘﺪ ﺣﺎﺟﺔ ﻣﻨﻜﻢ .. ﻭﻣﺎﻳﻜﻮﻥ ﻓﻲ ﺯﻭﻝ ﻣﺘﻬﻢ ﻏﻴﺮﻭ ﻭﻓﻲ ﺣﺎﺟﺔ ﺗﺎﻧﻴﺔ ﻣﻬﻤﺔ .. ﺍﻟﻮﻟﺪ ﻣﺎﻓﻲ ﺣﺎﺟﺔ ﻣﻤﻜﻦ ﺗﺰﻋﻠﻮ ﻏﻴﺮ ﺍﻧﻮ ﺳﻤﻌﺔ ﺍﻣﻮ ﺗﻜﻮﻥ ﻋﻠﻰ ﺍﻟﻤﺤﻚ ..
ﺍﻟﻮﻟﺪ ﻻﺯﻡ ﻳﻌﺮﻑ ﺍﻧﻮ .. ﻓﻲ ﻋﻼﻗﺔ ﻣﺸﺒﻮﻫﺔ ﺑﻴﻦ ﺍﻣﻮ ﻭﺑﻴﻦ ﺍﻟﺼﺪﻳﻖ .. ﻭﺍﻟﺼﺪﻳﻖ ﺗﺎﻧﻲ ﺑﻘﺪﺭ ﻋﻠﻴﻬﻮ ﺑﺮﺍﻱ .. ﺍﻧﺘﻮ ﺍﺑﻮﻛﻢ ﻣﺎﺗﺘﻜﻠﻤﻮ ﻣﻌﺎﻫﻮ ﻧﻬﺎﺋﻲ .. ﺯﻱ ﺍﻟﻜﺎﻧﻜﻢ ﻣﺎﻋﺎﺭﻓﻴﻦ ..
ﺍﺷﺮﻑ ﻗﺎﻝ ﻟﻴﻬﺎ : ﺍﺣﺘﻤﺎﻝ ﺍﻟﻮﻟﺪ ﻳﻜﻮﻥ ﻋﺎﺭﻑ ﺍﻟﻌﻼﻗﺔ ﺍﻟﻤﺸﺒﻮﻫﺔ .. ﺍﻟﻔﺎﺋﺪﺓ ﺷﻨﻮ ﻧﺤﻦ ﻧﻘﻮﻝ ﻟﻴﻬﻮ؟؟ ..
ﻗﺎﻟﺖ ﻟﻴﻬﻮ : ﺣﺘﻰ ﻟﻮ ﻋﺎﺭﻑ .. ﻟﻤﻦ ﻳﻌﺮﻑ ﺍﻧﻜﻢ ﺍﻧﺘﻮ ﻋﺎﺭﻓﻴﻦ ﺍﻟﻔﻀﻴﺤﺔ .. ﺍﻟﺤﻜﺎﻳﺔ ﺩﻱ ﺑﺘﻜﺴﺮ ﻋﻴﻨﻮ .. ﻭﺗﺎﻧﻲ ﻣﺎﺑﻘﺪﺭ ﻳﻘﻌﺪ ﻣﻌﺎﻛﻢ ﻭﻻ ﺩﻗﻴﻘﺔ ..
ﺍﻟﻤﻬﻢ ﻳﺎﺟﻤﺎﻋﺔ ﺑﺎﺧﺘﺼﺎﺭ .. ﺍﻟﻮﻟﺪﻳﻦ ﺍﺷﺮﻑ ﻭﺍﻛﺮﻡ ﻣﻊ ﺍﻣﻬﻢ .. ﻋﺪﻭ ﺍﻟﻠﻴﻞ ﺩﺍﻙ ﻛﻠﻮ ﺗﺨﻄﻴﻂ ﻭﻣﻜﺮ .. ﻭﻃﺒﻌﺎ" ﺍﻟﻤﺮﺍﺓ ﺩﺍﻳﺮﺓ ﺗﺤﺎﻓﻆ ﻋﻠﻰ ﺑﻴﺘﻬﺎ .. ﻭﺍﻻﻭﻻﺩ ﻋﺎﻳﺰﻳﻦ ﻳﺤﺎﻓﻈﻮ ﻋﻠﻰ ﺣﻘﻬﻢ ﻭﺣﻖ ﺍﺑﻮﻫﻢ .. ﻟﻜﻨﻬﻢ ﺑﻨﻮ ﺍﻻﻓﺘﺮﺍﺿﺎﺕ ﻛﻠﻬﺎ ﻋﻠﻰ ﻇﻨﻮﻥ ﻏﻴﺮ ﻳﻘﻴﻨﻴﺔ .. ﻭﺩﻩ ﻣﻨﺸﺄ ﺍﻟﺨﻄﺎ ﻓﻲ ﻛﻞ ﻣﺸﻜﻠﺔ ﺑﻴﻦ ﺍﺗﻨﻴﻦ .. ﺍﻧﻮ ﺍﻟﺰﻭﻝ ﻳﻜﻮﻥ ﺑﺎﻧﻲ ﺍﻓﺘﺮﺍﺿﻴﺎﺕ ﻋﻠﻲ ﺍﻟﻈﻦ .. ﻭﻣﺎﻓﻲ ﺯﻭﻝ ﺷﺎﻑ ﺣﺎﺟﺔ ﺑﻲ ﻋﻴﻨﻮ ..
ﻓﻲ ﺍﻟﻴﻮﻡ ﺩﻩ ﺫﺍﺗﻮ ﺍﻟﺼﺪﻳﻖ ﻛﺎﻥ ﻓﻲ ﺍﺑﻮﺣﻤﺪ .. ﻭﻟﻘﻰ ﺍﻟﺸﺒﻜﺔ ﺗﻤﺎﻡ ﺍﻟﺘﻤﺎﻡ .. ﻭﺍﻟﻮﻛﺖ ﻓﺎﺿﻲ .. ﻗﺎﻡ ﺩﻕ ﺗﻠﻔﻮﻥ ﻟﻲ ﺳﺘﻮ ..
ﺍﻟﻮ ..
ﻗﺎﻟﺖ ﻟﻴﻬﻮ : ﺍﻟﻮ ﻣﺮﺣﺒﺎ ..
ﻗﺎﻝ ﻟﻴﻬﺎ : ﻛﻴﻒ ﺣﺎﻟﻚ ﻳﺎﺳﺖ ﺍﻟﺒﻨﺎﺕ؟ .. ﻭﻛﻴﻒ ﺻﺤﺘﻚ ﺍﻟﻤﻠﻜﺔ ﺍﻧﺎ ﺍﻟﺼﺪﻳﻖ ..
ﻗﺎﻟﺖ ﻟﻴﻬﻮ : ﺣﺒﺎﺏ ﺍﻟﺼﺪﻳﻖ .. ﻧﺤﻦ ﻓﻲ ﺧﻴﺮ ﺍﻟﺤﻤﺪ ﻟﻠﻪ ..
ﻗﺎﻝ ﻟﻴﻬﺎ : ﻇﺮﻭﻑ ﺍﻟﺤﻴﺎﺓ ﻭﺍﻟﻤﻌﻴﺸﺔ ﻋﺎﻣﻠﺔ ﻣﻌﺎﻛﻢ ﻛﻴﻒ .. ﺍﻥ ﺷﺎﺀ ﺍﻟﻠﻪ ﻣﺮﺍﺳﻴﻞ ﻳﻮﺳﻒ ﺩﻳﻞ ﻣﻜﻔﻴﺎﺕ ﺍﻟﻤﺼﺮﻭﻑ؟ ..
ﻗﺎﻟﺖ ﻟﻴﻬﻮ : ﺍﻟﺤﻤﺪ ﻟﻠﻪ .. ﻭﺍﻟﻠﻪ ﻳﺎﺻﺪﻳﻖ ﻧﺤﻦ ﻓﻲ ﻧﻌﻤﺔ ﻧﺤﺴﺪ ﻋﻠﻴﻬﺎ .. ﺍﻟﺤﻤﺪ ﻟﻠﻪ ﺍﻧﺎ ﺷﻐﺎﻟﺔ ﺷﻐﻞ ﻛﻮﻳﺲ .. ﻭﺑﻜﺴﺐ ﺍﻟﻤﻼﻳﻴﻦ .. ﻭﻣﺮﺳﺎﻝ ﻳﻮﺳﻒ ﺩﻱ ﺯﻳﺎﺩﺓ ﺧﻴﺮ .. ﻛﺎﻥ ﺟﺎﺕ ﺍﻟﺤﻤﺪ ﻟﻠﻪ .. ﻭﻛﺎﻥ ﻣﺎﺟﺎﺕ ﻣﺎ ﻣﺄﺛﺮﺓ ﻛﺘﻴﺮ ..
ﻗﺎﻝ ﻟﻴﻬﺎ : ﺭﺑﻨﺎ ﻳﻌﻴﻦ .. ﺍﻥ ﺷﺎﺀ ﺍﻟﻠﻪ ﻭﻳﻮﻓﻘﻜﻢ .. ﻭﻳﻐﻨﻴﻜﻢ ..
ﻗﺎﻟﺖ ﻟﻴﻬﻮ : ﺍﻣﻴﻦ .. ﻭﺍﻧﺖ ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﺠﺰﻳﻚ ﺧﻴﺮ .. ﻋﻠﻰ ﻣﻮﻗﻔﻚ ﻣﻌﺎﻧﺎ .. ﻓﻲ ﻟﺤﻈﺔ ﺍﻟﺤﻮﺟﺔ .. ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻣﺎﻳﺤﻮﺟﻚ ﻟﻲ ﺯﻭﻝ ..
ﺍﻟﺼﺪﻳﻖ ﺳﻜﺖ ﻣﺴﺎﻓﺔ ..
ﺳﺘﻮ ﻗﺎﻟﺖ ﻟﻴﻬﻮ : ﻳﻼ ﻓﻲ ﺍﻣﺎﻥ ﺍﻟﻠﻪ .. ﺗﺴﻠﻢ ﻋﻠﻰ ﺍﺗﺼﺎﻟﻚ ﻭﺳﺆﺍﻟﻚ ﻋﻨﻨﺎ ..
ﻗﺎﻝ ﻟﻴﻬﺎ : ﻣﻊ ﺍﻟﺴﻼﻣﺔ ..
ﻭﻗﻔﻞ ﺍﻟﺨﻂ ﻭﺩﻱ ﻛﺎﻧﺖ ﻛﻞ ﺍﻟﻤﻜﺎﻟﻤﺔ ﺑﺎﻟﻈﺒﻂ ..
ﺑﻌﺪ ﺍﻟﻤﻜﺎﻟﻤﻪ ﺍﻧﺘﻬﺖ ﺳﺘﻮ ﺳﺮﺣﺖ ﻣﺴﺎﻓﺔ .. ﻭﺑﻘﺖ ﺗﺘﻜﻠﻢ ﻣﻊ ﺭﻭﺣﻬﺎ ..
ﻗﺎﻟﺖ : ﺍﻟﺮﺍﺟﻞ ﺩﻩ ﺍﻧﺎ ﻛﻨﺖ ﻧﺎﻭﻳﺔ ﺍﻗﻮﻝ ﻟﻴﻬﻮ .. ﺍﻣﺴﺢ ﺭﻗﻤﻲ ﻭﺗﺎﻧﻲ ﻣﺎﺗﺘﺼﻞ ﻋﻠﻲ .. ﻟﻜﻦ ﻏﻠﺒﻨﻲ ﻛﻠﻮ ﻛﻠﻮ .. ﻻﻧﻮﻣﻜﺎﻟﻤﺘﻮ ﻛﻠﻬﺎ ﻣﺎﻓﻴﻬﺎ ﺷﻲ ﻛﺪﺍ ﻭﻻ ﻛﺪﺍ .. ﻟﻜﻦ ﺷﻜﻠﻮ ﺡ ﻳﺘﺼﻞ ﺗﺎﻧﻲ .. ﻭﺍﻟﻠﻪ ﺍﻗﻄﻌﻮ ﻟﻴﻚ ﻣﻌﺎﻫﻮ ﻃﻮﺍﻟﻲ .. ﺯﻱ ﻣﺎﺑﻘﻮﻝ ﺟﺪﻭ ..
ﺑﺎﻛﺮ ﺍﻟﺼﺒﺎﺡ ﺍﻟﺼﺪﻳﻖ ﺟﺎﺀ ﻣﻦ ﺍﺑﻮﺣﻤﺪ .. ﻭﻛﻠﻢ ﺟﺪﻭ ..
ﻗﺎﻝ ﻟﻴﻬﻮ : ﺍﻧﺎ ﺍﺗﺼﻠﺖ ﻋﻠﻲ ﻧﺎﺱ ﺑﻴﺘﻜﻢ ﻭﺍﺗﻜﻠﻤﺖ ﻣﻊ ﺍﻣﻚ .. ﻭﻗﺎﻟﻮ ﻛﻮﻳﺴﻴﻦ ﻭﺍﻣﻚ ﺷﻐﺎﻟﺔ ﻭﺗﺮﺑﺢ ﺍﻟﻤﻼﻳﻴﻦ ﻣﺎﺷﺎﺀ ﺍﻟﻠﻪ ..
ﻫﺴﻲ ﺍﻧﺖ ﺍﻃﻤﺌﻦ .. ﻭﺍﺷﺘﻐﻞ ﺑﻲ ﺭﻭﺍﻗﺔ ﻭﻣﺎﺗﺘﻌﺐ ﺭﻭﺣﻚ .. ﺍﻧﺎ ﺷﺎﻳﻔﻚ ﺗﻌﺒﺎﻥ ﺷﺪﻳﺪ ﺑﺘﻤﺮﻕ ﻗﺒﻞ ﺍﻟﺸﺮﻗﺔ .. ﻣﺎﺑﺘﺮﺟﻊ ﺍﻻ ﺍﻟﻤﻐﺮﺏ ..
ﻗﺎﻝ ﻟﻴﻬﻮ : ﺍﻧﺖ ﺭﻗﻢ ﺍﻣﻲ ﻟﻘﻴﺘﻮ ﻭﻳﻦ؟ ..
ﻗﺎﻝ ﻟﻴﻬﻮ : ﺍﻧﺎ ﻣﻮﺵ ﻗﻠﺖ ﻟﻴﻚ ﻟﻤﻦ ﻣﺸﻴﺖ ﺍﻟﺒﻴﺖ ﻣﺎﻻﻗﻴﺘﻬﺎ .. ﻭﺧﻮﻓﺖ ﺍﺩﻱ ﺍﻟﻘﺮﻭﺵ ﺍﻟﻤﺮﺍﺓ ﺍﻟﻔﻲ ﺍﻟﺒﻴﺖ .. ﻻﻧﻲ ﺍﻧﺎ ﻣﺎﺑﻌﺮﻓﻬﺎ ﻛﻮﻳﺲ .. ﻗﻠﺖ ﻟﻴﻬﻢ ﺍﺗﺼﻠﻮ ﻋﻠﻴﻬﺎ .. ﻟﻮ ﻗﺮﻳﺒﺔ ﻋﺸﺎﻥ ﺍﻻﻗﻴﻬﺎ .. ﻭﺍﺳﻠﻤﻬﺎ ﺍﻻﻣﺎﻧﺔ .. ﺍﺗﺼﻠﻮ ﻋﻠﻴﻬﺎ ﻣﻦ ﺗﻠﻔﻮﻧﻲ .. ﻭﻛﺎﻧﺖ ﺑﻌﻴﺪﺓ ﺳﻠﻤﺖ ﺍﻟﻘﺮﻭﺵ ﻻﺧﺘﻚ ﻭﺍﻟﻤﺮﺍﺓ .. ﻭﺍﻟﺮﻗﻢ ﺑﻘﻰ ﻣﺤﻔﻮﻅ ﻣﻌﺎﻱ
ﺟﺪﻭ ﻗﺎﻝ ﻟﻴﻬﻮ : ﺍﻳﻮﺍﺍﺍ .. ﺍﻧﺎ ﻣﺎﻋﺎﺭﻓﻜﻢ ﺍﺗﺼﻠﺘﻮ ﻋﻠﻴﻬﺎ ﻣﻦ ﺍﻟﺒﻴﺖ ..
ﺍﻟﻤﻬﻢ ﻟﻐﺎﻳﺔ ﺍﻟﻠﺤﻈﺔ ﺩﻱ .. ﻳﻮﺳﻒ ﻣﺎﻋﻨﺪﻭ ﺷﻚ .. ﻭﻟﻮ ﻣﺜﻘﺎﻝ ﺫﺭﺓ ﺍﻧﻮ ﻓﻲ ﻋﻼﻗﺔ ﺑﻴﻦ ﺍﻟﺮﺍﺟﻞ ﺩﻩ ﻭﺍﻣﻪ ..
ﻗﺎﻡ ﻓﻲ ﺍﻟﻠﺤﻈﺔ ﺩﻱ ﺍﻟﺼﺪﻳﻖ ﻗﺎﻝ ﻟﻲ ﻳﻮﺳﻒ : ﻭﺍﻟﻠﻪ ﻳﺎﻳﻮﺳﻒ ﺍﻧﺎ ﻗﺎﻋﺪ ﺍﻓﻜﺮ ﻓﻲ ﺣﺎﺟﺔ ﻣﺎﻋﺎﺭﻑ ﺍﻧﺖ ﻃﺒﻌﺎ" ﺭﺍﺟﻞ ﺍﻟﺒﻴﺖ .. ﻭﻋﻨﺪﻙ ﺍﻟﻜﻠﻤﺔ ..
ﺍﻧﺎ ﺩﺍﻳﺮ ﻣﻠﻜﺔ ﻟﻲ ﺍﺷﺮﻑ ﻭﻟﺪﻱ ﺭﺍﻳﻚ ﺷﻨﻮ؟
ﻗﺎﻝ ﻟﻴﻬﻮ : ﻭﺍﻟﻠﻪ ﻳﺎ ﻋﻤﻲ ﺻﺪﻳﻖ .. ﻃﺒﻌﺎ" ﺍﺷﺮﻑ ﺭﺍﺟﻞ .. ﻭﺯﻱ ﺍﺧﻮﻱ .. ﻭﺍﻧﺖ ﺍﺑﻮﻫﻮ ﺑﻌﺘﺒﺮﻙ ﺯﻱ ﺍﺑﻮﻱ .. ﺍﻧﺎ ﺷﺨﺼﻴﺎ" ﻣﺎﻋﻨﺪﻱ ﻣﺎﻧﻊ .. ﻟﻜﻦ ﻃﺒﻌﺎ" ﺍﻧﺎ ﻋﻨﺪﻱ ﻓﻬﻢ ﻓﻲ ﺍﻣﻮﺭ ﺍﻟﺰﻭﺍﺝ ﺩﻱ .. ﺍﻫﻢ ﺣﺎﺟﺔ ﺍﺗﻔﺎﻕ ﺍﻟﻄﺮﻓﻴﻦ ﺍﻟﻤﻌﻨﻴﻴﻦ ﺑﺎﻟﺰﻭﺍﺝ .. ﻳﻌﻨﻲ ﻻﺯﻡ ﺍﺷﺮﻑ ﻳﻜﻮﻥ ﻋﻨﺪﻭ ﺭﻏﺒﺔ ﻓﻲ ﻣﻠﻜﺔ .. ﻭﻣﻠﻜﺔ ﺗﻜﻮﻥ ﻋﻨﺪﻫﺎ ﺭﻏﺒﺔ ﻓﻲ ﺍﺷﺮﻑ .. ﻋﺸﺎﻥ ﺑﻌﺪﻳﻦ ﻳﺘﺤﻤﻠﻮ ﻧﺘﺎﺋﺞ ﺍﻻﺧﺘﻴﺎﺭ ..
ﻗﺎﻝ ﻟﻴﻬﻮ : ﻭﺍﻟﻠﻪ ﻃﻮﻝ ﻋﻤﺮﻙ ﻛﻼﻣﻚ ﻛﻼﻡ ﻛﺒﺎﺭ .. ﺩﻱ ﺗﺮﺑﻴﺔ ﺳﺖ ﺍﻟﺠﻴﻞ ﻭﻻ ﺗﺮﺑﻴﺔ ﺍﻟﺨﻴﺮ ؟؟
ﻗﺎﻝ ﻟﻴﻬﻮ : ﺍﻻﺗﻨﻴﻦ ﻣﻊ ﺑﻌﺾ ..
ﻃﺒﻌﺎ" ﺍﺑﻮﻱ ﺍﻟﻠﻪ ﻳﺮﺣﻤﻮ ﺯﻭﻝ ﺻﺎﺣﺒﻚ .. ﻭﺍﻧﺖ ﺑﺘﻌﺮﻓﻮ .. عندﻮ ﻣﻴﺰﺓ .. ﻟﻤﻦ ﻳﺰﻋﻞ .. ﺑﺴﻜﺖ ﺗﺎﻧﻲ ﻣﺎﺑﻘﺪﺭ ﻳﺘﻜﻠﻢ ﻭﻻﻛﻠﻤﺔ .. ﻭﻟﻮ ﺯﻋﻞ ﺷﺪﻳﺪ .. ﺑﺪﻣﻊ ﻭﻳﻜﺮﺝ ﺳﻨﻮﻧﻮ ..
ﻟﻜﻦ ﺍﻣﻲ ﻟﻮ ﺯﻋﻠﺖ ﺑﺘﺨﺮﺏ ﺍﻟﺪﻧﻴﺎ .. ﻭﺑﺘﻬﻴﺞ .. ﻭﺑﺘﺘﻜﻠﻢ ﺍﻱ ﻛﻼﻡ ﻓﻲ ﺭﺍﺳﻬﺎ ﻳﻌﺠﺒﻬﺎ .. ﺑﺪﻭﻥ ﻣﺎﺗﺤﺴﺐ ﺍﻱ ﺣﺴﺎﺏ ..
ﻗﺎﻝ ﻟﻴﻬﻮ : ﺍﻳﻮﺓ ﺑﻌﺮﻑ ﺍﻟﻨﻮﻋﻴﺔ ﺩﻱ ﻣﻦ ﺍﻟﻨﺎﺱ .. ﻗﻠﻮﺑﻬﻢ ﺑﺘﻜﻮﻥ ﺻﺎﻓﻴﺔ .. ﻭﻣﺎﺑﺤﻤﻠﻮ ﺟﻮﺍﻫﻢ ﺍﻱ ﺣﻘﺪ ..
ﻗﺎﻝ ﻟﻴﻬﻮ : ﻻﻻ .. ﺍﻣﻲ ﺩﻱ ﺍﺑﻌﺪ ﺍﻟﻨﺎﺱ ﻣﻦ ﺍﻟﺤﻘﺪ .. ﺩﺍﻳﻤﺎ" ﺿﻤﻴﺮﻫﺎ ﺍﺑﻴﺾ ﻭﺑﺘﺤﺐ ﺍﻟﺨﻴﺮ ﻟﻠﻨﺎﺱ .. ﺑﺲ ﻳﺎﻫﺎ ﻫﻴﺠﺘﻬﺎ ﺍﻻﻭﻟﻰ ﻭﺗﺎﻧﻲ ﺑﺘﻨﺴﻰ ..
ﻳﺎﺯﻭﻝ ﺍﻟﺼﺪﻳﻖ ﻭﺟﺪﻭ ﺩﻳﻞ ﺍﺗﻮﻧﺴﻮ ﻭﻧﺴﺔ ﻛﺘﻴﺮﺓ ﺧﻼﺹ .. ﻓﻲ ﻓﺮﺻﺔ ﺍﻧﻮ ﺍﺷﺮﻑ ﻭﺍﻛﺮﻡ ﻣﺎﻓﻲ ﻭﻣﻮﺍﻋﻴﺪﻫﻢ ﺑﺎﻛﺮ ﻳﺠﻮ ﻳﺠﻴﺒﻮ ﻣﻌﺎﻫﻢ ﺍﻟﻤﺸﺎﻛﻞ ..
ﺻﺒﺤﺖ ﻭﺍﻃﺎﺕ ﺍﻟﻠﻪ ﻭﺟﺪﻭ ﺻﻠﻰ ﺍﻟﺼﺒﺢ ﺣﺎﺿﺮ ﻭﺷﺮﺏ ﺍﻟﺸﺎﻱ ﻭﺷﺎﻝ ﺟﻬﺎﺯﻭ ﻭﻣﺮﻕ .. ﺍﻟﻤﺮﺓ ﺩﻱ ﻣﺮﻕ ﻣﺴﺎﻓﺔ ﺑﻌﻴﺪ ﺧﻼﺹ .. ﻭﺑﺪﺍ ﻳﺸﺘﻐﻞ ﻭﺣﺎﻳﻢ ﺑﺎﻟﺠﻬﺎﺯ ..
ﻓﻲ ﺍﺛﻨﺎﺀ ﻣﺎﻫﻮ ﺷﻐﺎﻝ ﺍﻟﺠﻬﺎﺯ ﺑﺘﺎﻋﻮ ﻛﻮﺭﻙ ﻛﻮﺍﺭﻳﻚ ﺷﺪﻳﺪﻩ ﺧﻼﺹ .. ﻓﻲ وﺍﺣﺪ ﺷﻐﺎﻝ ﻫﻨﺎﻙ ﺑﻌﻴﺪ ﻣﻨﻮ ﺍﺳﻤﻮ ﺣﺎﻣﺪ .. ﻛﻮﺭﻙ ﻟﻴﻬﻮ ..
ﻗﺎﻝ ﻟﻴﻬﻮ : ﻳﺎﺣﺎﻣﺪ .. ﺗﻌﺎﻝ ﺗﻌﺎﻝ .. ﺷﻮﻑ ﻟﻘﻴﺖ ﺷﻨﻮ .. ﺷﻜﻠﻬﺎ ﻛﺒﻴﺮﺓ ﺍﻟﻘﺼﺔ ﺩﻱ ..
ﺣﺎﻣﺪ ﻗﺎﻝ ﻟﻴﻬﻮ : ﻳﺎﺯﻭﻝ ﺍﺻﺒﺮ ﺑﺲ .. ﺣﻔﺮﻭ ﻃﻠﻌﻮ ﻟﻴﻬﻢ ﻛﺘﻠﺔ ﻟﻜﻴﻚ ﺑﺘﺎﻉ ﺩﻫﺐ ﻳﻮﺳﻒ ﺩﻩ ﻗﺮﺏ ﻳﺠﻦ ﻣﻦ ﺍﻟﻔﺮﺣﺔ .. ﻭﺟﻤﺒﻬﺎ ﺣﺠﺮ ﻧﺎﻗﺮ .. ( ﻣﺨﻠﻮﻁ ﺑﺎﻟﺪﻫﺐ )
ﻭﺗﺤﺘﻮ ﻋﺮﻕ ﺑﺘﺎﻉ ﺩﻫﺐ ﺟﺎﺭﻱ ﻭﻛﻠﻤﺎ ﺣﻔﺮﻭ ﺍﻟﻌﺮﻕ ﻣﺎﺷﻲ ..
ﺣﺎﻣﺪ ﻗﺎﻝ ﻟﻴﻬﻮ : ﺍﺳﻤﻊ ﻳﺎ ﻳﻮﺳﻒ .. ﻭﻗﻴﻒ ﺍﻟﻨﺤﺠﺰ ﺍﻟﻤﻜﺎﻥ .. ﺍﻧﺖ ﻳﺎﺯﻭﻝ ﺭﺑﻨﺎ ﻓﺮﺟﻬﺎ ﻋﻠﻴﻚ ﻭﺍﻟﻠﻪ ﺩﻱ ﺑﻴﺮ .. ﺑﻨﻚ ﻋﺪﻳﻞ .. ﺑﺲ ﺍﺟﻌﻠﻲ ﻣﻌﺎﻙ ﻧﺴﺒﺔ ﻋﺸﺮﺓ ﻓﻲ ﺍﻟﻤﻴﺔ ..
ﻗﺎﻝ ﻟﻴﻬﻮ : ﻭﺍﻟﻠﻪ ﻟﻴﻚ ﺍﻟﺮﺑﻊ .. ﻋﺸﺮﺓ ﻓﻲ ﺍﻟﻤﻴﺔ ﺷﻨﻮ؟ ﺷﺪ ﺣﻴﻠﻚ .. ﻣﻌﺎﻱ ﺑﺲ ..
ﻗﺎﻝ ﻟﻴﻬﻮ : ﻳﺎﻳﻮﺳﻒ ﻓﻲ ﺍﻟﻔﺘﺮﺓ ﺩﻱ ﻣﺎﺗﻜﻠﻢ ﺯﻭﻝ ﻭﻻ ﻧﺎﺱ ﺣﺎﺝ ﺻﺪﻳﻖ ..
ﻗﺎﻝ ﻟﻴﻬﻮ : ﺍﻟﺼﺪﻳﻖ ﺩﻩ ﺯﻱ ﺍﺑﻮﻱ ﻻﺯﻡ ﺍﻛﻠﻤﻮ ..
ﻗﺎﻝ ﻟﻴﻬﻮ : ﻭﺍﻟﻠﻪ ﻳﺎﻳﻮﺳﻒ ﻓﻲ ﺣﺴﺪ ﻭﺍﻋﻤﻞ ﺣﺴﺎﺑﻚ ..
ﻗﺎﻝ ﻟﻴﻬﻮ : ﺍﻟﻨﺎﺱ ﺩﻱ ﻛﻠﻬﺎ ﻟﻮ ﺣﺴﺪﺗﻨﻲ .. ﻳﻮﺳﻒ ﻭﺍﻭﻻﺩﻭ ﻣﺎﺑﺤﺴﺪﻭﻧﻲ ..
ﺍﻟﺒﺘﺎﻋﺔ ﺍﻟﻠﻘﻮﻫﺎ ﺩﻱ ﺗﻘﺮﻳﺒﺎ ﻓﻴﻬﺎ ﻛﻴﻠﻮ ﻭﺍﺭﺑﻌﻤﻴﺔ ﺟﺮﺍﻡ ..
ﻭﻳﺎﺩﻭﺏ ﺍﻟﺸﻐﻞ ﺍﻟﺼﺤﻲ ﺑﺪﺍ ﻣﻊ ﻳﻮﺳﻒ .. ﺷﺎﻝ ﺍﻟﻘﻄﻌﺔ ﻓﺮﺣﺎﻥ ﻭﻣﻌﺎﻫﻮ ﺍﻟﺠﻬﺎﺯ ..
ﻭﺣﺎﻣﺪ ﻗﺎﻝ ﻟﻴﻬﻮ : ﺍﻧﺎ ﺑﻨﺘﻈﺮﻙ ﻓﻲ ﺍﺑﻮﺣﻤﺪ ..
ﻗﺎﻝ ﻟﻴﻬﻮ : ﺟﺪﺍ ﺍﻧﺎ ﺑﻤﺸﻲ ﺍﺑﺸﺮ ﻋﻤﻲ ﺻﺪﻳﻖ ﻭﻃﻮﺍﻟﻲ ﺍﺟﻴﻚ ﻧﻮﺩﻳﻬﺎ .. ﻟﻠﻜﻠﻴﺲ .. ( ﺻﺎﺋﻎ ﺍﻣﻴﻦ ﻭﻃﻴﺐ .. ﻭﻣﻦ ﺟﻨﺎﺓ ﺍﻟﺜﻤﺮ ) ﻧﻮﺩﻳﻬﺎ ﻳﻔﻜﻬﺎ ﻓﻮﺭﺍ" .. ﻭﻳﺴﻠﻤﻨﺎ ..
ﻣﺸﻰ ﻫﻨﺎﻙ ﺍﻟﺨﻴﻤﺔ ﻭﻟﻘﻰ ﺍﺷﺮﻑ ﻭﺍﻛﺮﻡ ﻭﺻﻠﻮ .. ﻭﻋﻢ ﺻﺪﻳﻖ ﻣﺎﻓﻲ ..
ﺍﻟﺴﺎﻋﺔ ﻛﺎﻧﺖ ﺯﻱ ﺣﺪﺍﺷﺮ ﻭﺗﻠﺖ ..
ﺳﻠﻢ ﻋﻠﻴﻬﻢ ﺑﻲ ﻛﻞ ﻃﻴﺒﺔ ﻭﻓﺮﺣﺔ ﻭﻫﻢ ﺍﻻﺗﻨﻴﻦ ﺻﺎﺭﻳﻦ ﻭﺷﻬﻢ ﺑﻌﺎﻳﻨﻮ ﻟﻴﻬﻮ .. ﻭﺳﻠﻤﻮ ﻋﻠﻴﻬﻮ ﺳﻼﻡ ﺍﺧﻴﺮ ﻣﻨﻮ ﺍﻟﺪﻕ .. ﻋﻤﻞ ﺭﺍﻳﺢ ﻭﻗﺎﻝ ﻟﻴﻬﻢ : ﺍﻟﻴﻠﺔ ﺭﺑﻨﺎ ﻓﺘﺤﻬﺎ ﻋﻠﻲ .. ﻭﻟﻘﻴﺖ ﻟﻲ ﺧﻠﻴﻪ ﻋﺪﻳﻞ .. ﺑﺎﺭﻛﻮ ﻟﻲ ..
ﺍﺷﺮﻑ ﻗﺎﻡ ﻃﻠﻊ ﻣﻦ ﺍﻟﺨﻴﻤﺔ .. ﻭﺍﻛﺮﻡ ﻃﻠﻊ ﻭﺭﺍﻫﻮ .. ﻭﻻﺣﺘﻰ عاينو ﻟﻠﺪﻫﺐ ﺍﻟﺸﺎﻳﻠﻮ ﻣﻌﺎﻫﻮ .. ﻭﺟﺪﻭ ﻣﻄﻴﺮ ﻋﻴﻮﻧﻮ ﺩﻳﻞ ﻣﺎﻟﻬﻢ ﺍﻟﻨﺎﺱ ﺩﻳﻞ .. ﺍﻭﻝ ﻣﺮﺓ ﺍﺷﻮﻓﻬﻢ ﺑﺎﻟﻄﺮﻳﻘﺔ ﺩﻱ ..
ﻳﺎﺭﺑﻲ ﻓﻲ ﺯﻭﻝ ﺟﺎﻳﺐ ﻟﻴﻬﻢ ﻣﻨﻲ ﻛﻼﻡ.؟
لقراءة جميع حلقات القصه من هنا