
رواية حوريه في قلب الليل
الفصل الاربعون 40
بقلم ميفو السلطان
استيقظ ليل في الصباح الباكر جد حبيبته ملتصقه به احس بسعاده طاغيه هتف.. يادي الهنا احلي صباح جلبي نايم في حضني.. يا جمالو جمر ربنا يهديكي يا جلبي. عايز اهرب بيكي افرح بجلبي شويه جمر جط الصغير مابيعملش غير انه طيب وجمر.داعبها لتتململ بأريحية وسعاده همس.... جلبي هيفط وانت جمر اكده.
سمع خبطا بالباب.. تنهد.. هو اني لو جتلت لؤلؤ حوريه هتزعل جوي.. اسمها والا احدفها من علي اي مصرف تفطس وابور حرج يا ساتر.
قبل وجهها... حوريه.. حوريتي اصحي...
سمعت خبطا لتهمس.. ايه يا ليو عايزه انام.
تنهد.. يمين بالله واني كمان بس البومه جت.
لتسمع صريخ لؤلؤ. هبت.. ايه ايه لؤلؤ.. لؤلؤ هتضربني.
تنهد بغلب.. خايفه من امك اياك اطلعلها.
هبت.. قوم قوم.. استخبي احنا متخاصمين قوم وإياك تقولها انك بت هنا.
هتف بمشاكسه .. طب هاتي بوسه طيب.
ضربته.. قوم بقولك احنا مش متصالحين قوم.
اقترب بخبث.... هعلي صوتي لو ماادتيني واحده تريح جلبي داني مهري.
هتفت..... لا مش هديك انت وحش وانا خلاص ماعتش مراتك وهسيبك.
رفع جبينه... كنه اكده... ليستدير يفتح الباب لتندفع تشده ..احتضنها بيده وداعبها بالآخري همست بخجل .. ايه عيب عيب ايه قله ادبك دي.
ضحك ..... هتجيبي من سكات والا افتح الباب ويبقي شكلك وحش واتصالحتي بسرعه.
غضبت.. انا مش هتصالح بسرعه بقولك اهوه.
ضحك.ثم رفعها وهمس.... واحده بس عشان خاطر ليل.
تنهدت بغلب ولؤلؤ تصرخ بالخارج.. لتقترب وتقبله علي خده ليستدير ويركنها عالحائط ويهمس.. لاه ماتبقاش اكده ...ركنها يقبلها ويتوه فيها وهيا مستسلمه ولا تفعل شئ لتتوه وتتوه تلين وترتخي احتضنها ليهتف.. منك لله يا لؤلؤ البت سورجت في حضني يا جمالو جمر حبيبي سايح وجمر. هموت وهفطس قبلها وهمس حوريتي.... فوجي اني عادي افتحلها بس هتعض فيكي يا جلبي..
لتفيق وتهمس.... ليو.
هتف.. جلبه وعيونه... ليو هيفطس لتنتفض عندما سمعت لؤلؤ دفعته.. تنهد وذهب وراء الستاره لتفتح للؤلؤ.. . ايه بقالي ساعه قافله ليه.
هتفت.. هاه قافله.. اه عشان ماحدش يخش عليا.
تنهدت لؤلؤ.. ايوه جدعه.. الحلوف ده ماتخليهوش يقرب.
ذهبت تجلس بجوار الستاره لترتعب حوريه...اسمعي الحلوف ده لو قرب منك تقفيله..
تنهدت حوريه ليخرج ليل راسه وينظر الي لؤلؤ بغضب.
هتفت.. بصي سيبه ليا انت عبيطه انا هتصرف هوريه زفت ده .
كان الباب مفتوحا مر جاسر يدخل ليلمح ليل وراء الستاره ليضحك.. اشار اليه ليل ياخذ لؤلؤ.
هتف... بدور علي ليل من بدري تعرفي فين يا حوريه.
ارتبكت..... هاه هاه ماعرفش.
هتفت لؤلؤ.. وهتعرف منين سي زفت فين مالنا بيه هاه لتكون فاكرين انكو هتضحكو علينا لا.. نظرت لاختها... شفتيه سي طين ده امبارح.
هتفت حوريه.. هاه شفته.. لا لا.
نظرت لجاسر بغضب..... اهوه ماشفتش ومش هتشوف وهتسود عيشته احنا مش عبط.
ضحك هو... لاه ازاي داني اللي عبيط انا وعيلتي.يا بختك يا ليل بت متهني.
قطبت لؤلؤ جبينها.. متهني متهني انت بتقول ايه.
تنهد.. بجول.. مابجولش يا جلبي يلا هتفضلو جاعدين اكده.
هبت حوريه.. تعالي نشوف الولاد. لتقوم لؤلؤ.. ماشي يلا.. نظرت لجاسر.. قول للحلوف ان حوريه مش هتتصالح ويبعد عنها بدل مافلقه نصين لتستدير وتشد اختها وتخرج.
لينفجر جاسر ضاحك نظر لاخيه.. خيبه عالرجاله.
خرج ليل غاضبا.. منك لله انت ومرتك.
ضحك جاسر.... شكلك مسخره.. بس ايه يا واد انت بت اهنه.
ابتسم وتذكر حبيبته ليسهم..
هتف جاسر.. انت اتهنيت يا واد وانا بعض في حالي ومرتي بتعض فيا..
خبطه ليل.. بتجر علي ايه يا حلوف انت اني لحجت.
تنهد جاسر... يا بختك مرتك لينه.. ربنا يهديكي يا لؤلؤ. يلا نشوف اشغالنا. لياخذه ويخرج يرو اشغالهم.
ذهبت لؤلؤ تجلس مع اولادها ومعها حوريه دخلت عليهم ساره تصرخ وتتجه اليهم وتحضنهم بحب وحشتوني وحشتوني كده تسيبوني زي اليتيمه مع جوز غربان يا لهوي داحنا شفنا مرار كانت عيشه سوده..
هتفت لؤلؤ... كت عايزانا نعمل ايه يا ساره بعد ماترمينا.
هتفت ساره بحزن.. والله يا خيتي الحربايه العجربه صابحه هيا السبب. دا لبست وجالت انها انت يا لؤلؤ وادته التصويره وجالتله اني عتمانيه وزكريا الطين كان جايبه ليها فاتحبكت انك عتمانيه وتخيلي بقه كان ابوي هيتجتل واعيه لدي..
تنهدت لؤلؤ.. اه واعيه بس احنا ذنبنا ايه..
هتفت ساره.... مالكوش ذنب والله بس خواتي برضك معذورين وبجالهم سنه في نار. تخيلو... جاسر الحنين النسمه كان نار عصبي مابيطجش حد ومابيخرجش من َمجعدكو جاعد جار هدومك يملس عليها دخلت مره لجيته بيبكي تصدجي اخوي بيبكي.
بهتت لؤلؤ ودق قلبها لتحس بوجع..
لتكمل ساره... عارفه كان زي المجذوب وكل شويه من حرجته يخش يطحن في صابحه ويروح يطحن في زكريا. ومره اتعارك مع عتماني عشان بيجوله هناخد بناتنا وهنتجوزهم. راح الواد غزه في كتفه وجه سايح في دمه. اتجمع عيال العيله وجفو ليهم عايزين يجلبوها حريجه يجوم جاسر يجف ويجول مالكوش صالح اهل مرتي يعملو مابدالهم.
كان داخل علي ليل سايح في دمه جولنا ليل هيجلبها حريجه دخل جاسر وجعد كيف الجطه مانطج وليل شرحه بس جام داوي جرح اخوه من سكات وجاله اتحمل احنا نستحج اكتر من اكده... وابوي جاعد مامصدجش. ومرت عمي فتحت بقها مسكها من رجبتها كان هيموتها.
همست حوريه.. يا حرام جاسر طيوب اوي..
نظرت اليها ساره.. ايوه جاسر حنين واللي في جلبه بيطلعه لدرجه ان ابوي دخله كتير واتخانج معاه وكت ليله وجاله لو هفضل عمري كله مستنيها. والله يا لؤلؤ جاسر بيحبك
لتدمع عين لؤلؤ وتحن الي زوجها فصابحه مكيدتها كانت نافذه عليهم.
اقتربت حوريه... جاسر حنين يا لؤلو ما تتغابيش عليه.
هتفت ساره ....وليل يا حور مش حنين.. اطرقت حوريه لتكمل ساره دا اخويا اتبدل ليل اصلا شديد وواعر كل اللي كان بيعمله يمسك وشاحك معاه منين ما يروح ويروح عند النيل مطرح ما لجاكي. والله يا حوريه ما كان بيجي من اهناك وابوي كان بينوح انه فجد اولاده التنين. واحد حابس روحه فوج والتاني شارد بيملس علي وشاحك كنه مخبول. ليل اه صعب بس جواه حنيه ورغم اللي حوصل طول غيابك ماشفتهوش متعصب ساكت مابينطجش اي حد يعاركه مابيردش كن روحه انسحبت. اللي كان وابور هو جاسر الحال اتبدل والمحروجه صابحه حابسها ليل مستني حبيبته تاجي تاخد حجها..
تنهدت حوريه وهتفت.. اخد حقي. اخده ازاي مابعرفش.
لتذغدها لؤلؤ... عشان متخلفه دا طور يتهبش فيه.
تذكرت لمساته في الصباح... لتهمس حوريه بحب.. ليل دا ليل حنين والله.
هتفت ساره..... يا عيني عالحب.
هتفت لؤلؤ... وايه كمان يا معدوله ياللي هتهربي من الدنيا بتاعته.
لتقول ساره.... اقول فيكو ايه هتسيبو رجالتكو اكده وبنات العيله هتموت عليهم. اه غلطة بس اتربو والبت الزينه ماتسيبش راجلها. دا البنات من ساعه مامشيتو عملو فرح البندراويه مشو والدنيا خلت وبقت سيبه.دا البت سعديه ما صدجت وكل يوم نط لجاسر اهنه ومرت عمي كت كل يومين تجيب عروسه لليل.
هتفت لؤلؤ.... مين مين اللي بتنط نط عليها عفريت والنحنوح كان مبسوط بقه علي كده.
ضحكت ساره..... يا بنتي بجولك حابس نفسه تجولي نحنوح. بس برضك دا راجل وسعديه بت جمر فايره اكده وعينها علي جاسر. بس اجولك امها بتزوجها علي ليل عشان الكبير واكده وعندها بت تانيه مسخوطه اكده عندها تمنتاشر سنه بس فرسه اصل امهم حلوه وجويه عايزاها تجفش في ليل واهه كتر الزن هتخربو علي حالكو.
وقفت حوريه.... يعني ليل بص للبنت الصغيره دي هيا اسمها ايه.
هتفت ساره.. اسمها فوجيه بس اجولكم الحج هما عيله كويسه وبنات كويسين بس امهم عجربه وبتفطمهم يعملو ايه..
لتندفع حوريه الي لؤلؤ.... الحقي هياخدو ليل ويجوزوه.
هتفت لؤلؤ بغضب.... والله كت اخرب بيوتهم بيبصو علي ستات اه ما هم رجاله وقلاله الادب والله لاطين عيشته اللي اسمه جاسر ده.
هتفت حوريه.... طب وانا.
صرخت لؤلؤ..... وهطينلك عيشه ليل ماتقلقيش.
هتفت ساره بخبث.. ايوه اكده ماتسيبوش رجالتكو ربوهم انما تسيبوهم لمين عاد ينفع جاسر عنده عيال جمرات مايربيهمش عاد ويروح يتزوج احنا اهنه الراجل بيتزوج عادي علي مرته.
صرخت لؤلؤ..... ودين النبي كت شقيته نصين.
هتفت حوريه بحزن.... طب ماليل ماعندوش عيال هيتجوز صح.
هتفت ساره..... وانت هتسيبيه يا بت الناس.
لتقف... والله ماهكلمه واطين عيشته بس مش عارفه اطينها ازاي.
هتفت ساره.... تعالي وانا اجولك وانخرطت تبث اليها ما تراه في مصلحه اخواتها حتي تلم شملهم..
مر الوقت واخذت الخادمات الاطفال وقامت لؤلؤ وحوريه وساره ونزلو جميعا ليتجمعو علي الفطار.اقترب كل من جاسر وليل ليقبل جاسر زوجته ويقترب ليل من حوريه ويهَمس وحشتيني جوي مش عارف اجعد علي بعضي من صباحيه ربنا.
نظرت اليه بغضب وهتفت....ليه بتفكر في المسخوطه مش كده ودفعته وذهبت وهو واقف لا يفهم شئ..... مسخوطه ايه اللي هفكر فيها ومالها زعلانه اكده اول مره تتعصب اكده ذهب وجلس بجوارها وظل يراعيها وهيا غاضبه لا تنظر اليه.
قام الاب يستدعي حوريه ولؤلؤ.
هب ليل وجاسر معهم ليهتف بدران.. لاه اني عايز مراتت ولادي مالكم انتو.. دخل بيهم الي المقعد الخاص بالضيوف.
هتف.... اجعدي يا بتي.... اني ماشفتكوش لما جيتو وحبيت ارحب بيكو. نورتو الدار وعارف انكو جايين غصب. وليل حكالي كل حاجه وعارف انكو مش طايجين الدار باللي فيها.
هتفت حوريه.. لا يا عمي انت الخير والبركه.
هتف.... كتر خيرك يا بتي بت اصول.. اسمعو البيت ده داركو وليكو فيه اكتر من البهمتين اللي بره انتو اهنه ستات الدار وانكتب ليكو.
هتفت لؤلؤ.... مش بالكتابه يا عمي هنستفاد ايه واحنا موجوعين
هتف.. خابر زين بس اني بترجاكم تدو ولادي فرصه. ولادي عشجوكو واللي شفته في السنه دي وعيت انهم اتبدلو. جاسر كان متل المجنون وليل مابيكلمش حد وساكت ما مصدج انه ما بيتعصبش كاتم جواته زي مايكون بيعاجب حاله علي عملته.. اقترب من حوريه.. ليل حنين يا بتي بس هو متربي راجل صعيدي واعر انت اللي تخرجي حنيته. هيتجن عليكي والله يا بت كنت اصدج في جاسر انما ليل ما مصدج انه عشج.
هتفت لؤلؤ...... ماهو السبب يا عمي هو اللي ضربنا وطردنا وخلي جوزي يطلقني.
هتف..... خابر يا بتي بس الحربايه بت اخوي خططت صوح وحكايه التصويره اللي عملتها وجولك انك هتحرجي جلبه خلاه هاج. وكانت الجيامه هتجوم لولا زكريا واد عمكو جال واعترف وليل كل يومين يروح يضرب فيه من حرجته. وجدك مابينطجش والعيله كلها. جدك وجدتك محصورين انهم السبب في اللي جرالكو وصحتهم راحت. والله يا بتي الطلجه جت زي مايكون خير اهي لمت العيلتين وبجينا حبايب تجومو انتو تبعدو وتهملو الدار.. لاه بناتنا مايسيبوش دارهم واصل.
اقترب ومسك لؤلؤ.... هتسيبي دارك ودار عيالك لمين لحد غيرك. هتهملي جوزك لحرمه تانيه. انتو عتامنه شداد وخابر انك شديده اه تطلعي روحه انما تسيبي حالك لغيرك لاه يا بتي انت اعجل من اكده.
اخفضت راسها ليقول..... صوح يا بتي البت الزينه ماتسيبش راجلها حتي لو غلط. اهو راجع يحفي وندمان. وانت يا حوريه وانت فعلا حوريه هتجدري دانت الحنيه وناسها يا بتي. لتقول.. لا يا عمي ماقدرش.
ابتسم..... يبقي خلاص اكده اهو بره جوز تيران هخرج اجول اني اقنعتكو انكو تجعدو اهنه عشاني وعشان العيال. ولو الحال ما عجبش هبنيلكو دار تجعدو لحالكو او تعاودو تاني ويبقي حد ينطج واي حاجه تجولوهالي اني اهنه سندكو ماشي يا بتي.
لتحتضنه الفتيات ويخرجو ...علم جاسر ما قرره الاب ليقف.. دار ايه يا ابوي اللي هتبنيهالهم والا يهملونا ويمشو.
هتف بدران.... اني جولت كلمه.
انفعل ليل.... شهر ايه اللي هيجعدوه ويمشو انت خابر اللي جولته.
هتفت لؤلؤ.... اه هيبنلنا بيت عشان مانطردش منه والا نسيبلكو الدنيا اصلا.
نظر اليها ليل بغضب لتقف حوريه... وانت زعلان ليه مش كت مبسوط يا اخويا والمسخوطه رايحه جايه خلاص خليك في حالك.
وقف ليل مبهوتا هتف جاسر.... مسخوطه ايه يا واد اللي مبسوط بيها هيا مرتك اتجننت ومالها جلبت عفريت اكده دي كت جطه صغيره.
هتف ليل.... ماخابرش دخلت عند ابوي خرجت مجلوبه ربنا يستر.
كانت زوجه عمهم لم ترحل بعد وستمكث فتره حتي يجهزو البيت ولكن ليل امر ان لا تخرج صابحه من مقعدها حتي ترحل .
وجدت لؤلؤ وحوريه سعديه واختها فوقيه قد حضرا وكانت فتاتان في غايه الجَمال لتجلسا مع زوجه عمهم...
همست ساره.... إلحجو الحربايتين جم مش جولتولكو..
لتقترب فوقيه من ليل وتهتف.. بجولك ايه يا واد عمي كنت عايزاك الفرسه بتاعتي تشوفها مالها الا بيها حاجه وانا ماخبراش.
هتف..... مالها يا فوجيه.
اقتربت منه وتهتف بدلع.. تعبانه وماخابرش مالها باينها عينها علي فرس شديد وجوي.
لتقترب لؤلو من حوريه التي تاكل روحها تذغدها.. انت يا حزينه إلحجي البت بتسبل للواد.
هتفت حوريه.. هموت ماله ده وعنيها هتطلع علي حبيبي اعمل ايه شَوفي واقفه تتمايع والتاني مبسوط.
هتفت لؤلؤ... روحي ارشقي فيهم ماتسيبهوش. ابو ديل ده.
اقتربت حوريه منهم تلتصق بليل الذي بهت من تصرفها.
مسكت يده.. ايه يا ليو مش تقلي يا قلبي عندنا ضيوف كانت تتدلع عليه.
احس بقلبه ينبض.. مالها دي هيا اتجننت ليو ايه اني بجيت ليو ..وضع يده علي وسطها سعيدا.. دي.. دي فوجيه بت عمي..
هتفت.... اه اهلا حبيبتي نورتي بيتنا. نظرت لليل بهيام.... مش بيتنا يا ليلي.
ابتسم ابتسامه بلهاء.. هاه بيتنا.. ايوه بيتنا يا جلبي.
هتفت فوقيه.... منوره براجلها زينه الشباب.
نظرت اليها حوريه.... اه طبعا جوزي حبيبي ربنا يخليهولي. ركنت علي صدره... لتلتفت مش كده يا قلبي..
وقف مبهوتا وقلبه يرجف .. اكده.. اه اه اكده صوح.. هتف لنفسه.... البت اتخبلت ملبوسه اياك دا كات غضبانه من شويه.
هتفت فوقيه بغيظ.... طب هروح لمرت عمي وابقي اجيلك واخدك ونروح لفرس لتتركهم وتنصرف.
احتضن ليل حوريه.. ما تجيبي بوسه وانت جمر اكده.
دفعت حوريه يد ليل.. اوعي بلا مسخره... وتبقي بقه تروح معاها لاطين عيشتك.. هاه ابقي اعملها يا ليل َلو فاكر اني هبله وهسكتلك لا وهطين عيشتك ومش هكلمك والله وهتشوف ودفعت يده وهو واقف كالابله لا يفهم شيئا مالها دي البت اتجلبت هيا المحروجه لؤلؤ عملت فيها ايه.
كان الكل يجلس وزوجه عمهم تجلس مع البنات وساره تنظر الي زوجات اخواتها بخبث فحوريه تغلي من داخلها ولؤلؤ ستنقض علي زوجها وخصوصا ان سعديه لا ترفع عينها من علي جاسر.
لتخبطه لؤلؤ.... قوم من هنا قاعد مع الستات ليه.
هتف.... ستات ايه انا جاعد مع مرتي وعيالي فيه ايه.
قرصته ليهتف.. اتجنيتي اياك مالك وابور اكده.
هتفت..... وابور في عينك يا بتاع سعديه والبت راشقه عنيها فيك والله لاطين عيشتك عندك عيال اتلم.
بهت.. سعديه ايه اني مالي بيها.
هتفت.... اه مالك بيها وهيا عينها هتخرم جتتك.
هتف..... طب انا مالي طيب.
لتقول..... ماهو اكيد اديتها ريق حلو مانتو رجاله بديل.
هتف..... مبهوتا اني بديل.
هبت...... انا سيبالك الحته تبص براحتك وتهز ديلك بس والله لاقطعهولك.
وقف مذهولا.... هو فيه ايه.
ذهبت الي حوريه تشدها.. يلا انجري قدامي.
نظرت الي ليل لتقول..... لا خليني قاعده البت هتيجي تقعد جنبه.
صرخت لؤلؤ..... قومي عشان لو قعدت دقيقه هقوم اهجم عالحربايتين دول..
تنهدت حوريه بغلب لتقوم لتجد فوقيه ستقوم تجلس بجوار زوجها لتعود وتاخذه من يده وتشده معها.
هتفت لؤلؤ..... انت بتعملي ايه انت.
قالت حوريه..... اطلعي جايالك.
لتشد ليل الذي لا يعلم هل زوجته لبست ام ماذا جرا لها لتقف َتهتف..... بص بقه انا هطلع مع اختي وانت تخرج من سكات والله يا ليل لو قعدت لاطين عيشتك.
تنهد بغلب.... طب مش تديني فكره هطينيها ليه وايه اللي جلبك اكده. كتي عسليه وطيبه مالك جلبتي كيف الوابور كيف اختك.
خبطته علي صدره فغيرتها جعلت قلبها ينهشها لتقول.. اه مش مبسوط عايزني افضل هبله صح وانت تلعب بديلك. انت البت جايه تقعد جنبك والله كت موتك.
هتف..... بت مين مالك يا جلبي اكده والعه مش تجوليلي طيب.
صرخت...... اسمع بقه انا ماعتش عبيطه والزفته فوقيه دي ماتقعدش جنبك ولا تكلمك.
هتف..... طب ليه جرا ايه.
صرخت..... كده مالكش دعوه بيها.
هتف.... طب اعجلي اكده هعض في الناس اياك البت طالبه خدمه.
لتهتف.. خدمها عفريت مالك بيها انت تخدمها ليه والله ماسكتالك واياك تروح معاها انت حر.
هتف..... فيه ايه هروح للفرس..
هتفت بحرقه.. اه فرس شديد وجوي لتقلدها في الكلام.. البت دي لو قربت منها هموتك نصين فاهم.
هتف.. اعجلي يا جلبي بلاش فضايح.
لتمسك يده وتشده بعيدا.. بقي مش عايز فضايح ابعد عن النحنوحه هاه وايدك تتمد عليها هموتك فاهم لتستدير غاضبه لتعود تمسك يده تعضها بقوه.
هتفت.. ابقي امسك ايدها بقه. لتدفعه وهو يقف مذهولا لتعود اليه مره اخري وتحترم نفسك َماتبصلهاش انت متجوز وانا مش هسكتلك ماشي بقه اهه والله ماهسكتلك وتركته ورحلت.
اقترب جاسر وليل يقف مبهوتا هتف جاسر.... مرتك غيرانه يا حزين.
وقف ليل مبهوتا فتره ليعي ما يحدث ليبتسم فجأه ويحس ان قلبه سينفجر من السعاده.. اكده صوح يا جلبي دا غيرانه صوح يا جمالو وهو غيران اكده طب ايه يا واد جلبي هينشج من فرحته. بس مجهور ابوك واجف وخربطها.
هتف جاسر بخبث.... لا خلاص مش بيغيرو يشوفو بقه االي هيجرا تعالي قوم نشوف هنرجع المزتين ازاي.. وذهبا معا يخططا كيف يستعيدا من وقع لهم قلبهم والعشق يهري قلوبهم من البعاد.
وقف ليل.. واد يا طين انت مرتك ماتسيبش مرتي منك لله اني عايزها.
هتف جاسر.. ماتكتم بقه اني براضي مرتي مالي بيك. وهيا والعه من جيه بنات عمك عارف هتسود عيشتي.
تنهد ليل طب اعمل ايه رايد تحن عليا شويه تعبت من بعدها.
هتف جاسر..... نعمل ايه يعني.
ظل ليل يفكر ليهتف جاسر.. ايه رايك احدفك جدام اتومبيل تتعور تخاف عليك البت ماهي هبله وهتصدج. .
خبطه ليل.. عايزني اموت وهتحن عليا فين في تربتي منك لله.
هتف.. طب هربطلك راسك واسندك واحط لك مكركروم ويبان انه دم ايه جولك. لتلمع عين ليل.. طب هتعرف ازاي.
هتف.. هجول لاختك ساره ماهي في صفنا. ليقوم ويربط راسه ويجلس ليل ويتصنع الوجع هتف جاسر.. عارف لو انفضحت ولؤلؤ كشفتك اني ماليش صالح فاهم.
هتف ليل.. اني عارف ان مرتك عجربه بس حاول تشغلها.
خبطه جاسر.. اتلم مرتي مافيش زيها .
هتف ليل.. طب يلا يا نحنوح.
ذهب جاسر يخبر اخته لتندفع الي حوريه ولؤلؤ. لتهتف إلحجي يا حوريه.
هبت حوريه... ايه فيه ايه.
هتفت ساره.. الاتومبيل خبط ليل وراجد في فرشته والداكتور جال لازمن مراعيه.
لينخلع قلب حوريه لتهب لؤلؤ تمسكها.... ايه اهدي استني اروح اشوف.
هتفت حوريه.. اوعي تشوفي ايه لتندفع للخارج لتبتسم ساره ..قطبت لؤلؤ جبينها دخل جاسر لتخرج ساره وتغمز له.
وقفت لؤلؤ...... هيا بتغمزلك ليه هو ايه اللي حصل.
تنهد وجلس متصنعا الزعل.. ليقول.. كان بيوصل البت فوجيه وهو راجع خبطه الاتونبيل.
هتفت ساخطه.... احسن عشان يبقي يبطل يهز ديله ابو ديل.
هتف.. ديل ايه طيب ماتفهميني.
نظرت اليه ساخطه ولا تنطق. تنهد واقترب.. طب اني عايز اعرف طيب مالك من الصبح وابور اكده.
هتفت ساخطه.. مافيش ومالكش دعوه لتستدير شدها اليه.. لاه ماليش ازاي.. دانا وراك يا جمر لما علبه الأحمر تنفتح.
قطبت جبينها.. احمر احمر ايه.
ضحك.. احلي احمر عالابيض هتبقي مردغه بس اروج وتحلي يا عسليه.
نظرت اليه غاضبه فكانت تحترق... هتفت.. وقاعد ليه امال فين المسخره والهئ والمئ.
ابتسم... جصدك ايه مسخره ايه.
هتفت.. مفيش مفيش... كانت تاكل روحها... ظل ينظر اليها مبتسما يعلم انها تغار عليه. ليهتف.. أما اجوم انزل اشوف سعديه كت طالبه حاجه.
هبت هيا مره واحده تشده.. رايح فين في ايامك الطين دي.
ابتسم ...نازل عايزه حاجه يا جلبي....اما اجوم اشوف البت.. ظلت تاكل روحها لا تعرف كيف ترجعه لتمسك بطنها وتتاوه ليستدير ويندفع ايه فيكي ايه.
رجف قلبها من لهفته لتلين فهيا خافت بشده همست بالقرب من وجهه.. تعبانه شويه.
احتضنها وذهب بها للفراش.. مالك يا جلب جاسر فيكي ايه.
لتتنهد.. بطل انت كداب.. ال جلب جاسر.
ابتسم والتصق بها لتشيح بعيونها ..همس ....يمين بالله جلبه ومافيه غيره متربعه وجاعد متسلطن جوا يا لؤلؤتي.
تنهدت فلمساته تعشقها واشتاقت لها وغيرتها كوت قلبها. همست... كداب وعمري ماهصدقك.
انحني يقبل وجنتيها لتغمض عينها استعجب كيف لانت هكذا انسعد وهمس.. يمين بالله ماكداب وحبيبي انت مافيه حبيبي غيره.
فتحت عيونها ليجدها كالماء الصافيه. ابتسم ونزل يقبلها بهيام غير مصدق لينها هكذا لتستجيب له احس انه سيجن من سعادته داعب جسدها لتعود لنفسها وتنتفض وتنكمش وتدفعه تنهد.... طب بتبعدي ليه ماكنا رايحين.
لتقوم ووجهها احمر.. انا راحه اشوف حوريه هقوم انا اشوف سي زفت ده عنده ايه واجيب اختي.
اندفع..... لا لا لسه.
قطبت جبينها.. لسه هو ايه اللي لسه.
ارتبك.. هاه.. لسه لسه.. اه لسه تعبان والتومبيل خبطه وضهره بيوجعه.
قطبت.. ضهره.. ضهره والا راسه.
هتف.. هاه راسه....ماهو ماهو..
هتفت.. هو فيه ايه بالضبط مش مرتحالك.
هتف.. لا ماهو ضهره وراسه اه افتكرت.
لتقترب.. جاسر انت بتكدب. ولو ماكتش تقول الحقيقه انت حر.ويمين الله ماعت هكلمك.
هتف مسرعا........ طب لو قلت هتهدي مالك جلبتي رمادي اكده.
هتفت.. انت بتكدب صح..
هز راسه.. مبتسما.
نظرت اليه غاضبه.. يعني مش عيان.. ابتسم وهز راسه.. لتقول.. اممم يعني بتضحكو علينا.
هتف.. ماليش دعوه ده هوا يا جلبي والله.
صرخت.... بقي كده.. طب وديني ليه والله لاموته لتندفع وتذهب من امامه.
تنهد.. ليلتك طين يا ليل.. روبه معلهش بقه انت حظك فجر.
اندفعت حوريه تفتح الباب علي ليل مرعوبه عليه اقتربت تحتضنه.. ليل مالك قلي فيك ايه جرا ايه والنبي قلي قلبي بيوجعني.
ابتسم بحب علي لهفتها... هتف بوجع...... تعبان حاسس اني هموت يا جلبي.
اقتربت تحتضنه..... بطل بطل تقول كده لتنزل دمعه من عينها رفع وجهها.. ماتعيطيش يا جلبي اني كويس.
وضعت يدها علي صدره ....حاسس بايه طيب قول.
تنهد.. موجوع جوي وحاسس بنفسي بيروح.
همست..... طب اجيب دكتور.
هتف.. لاه بس رايد حاجه خايف ترفضي نفسي فيها بس اطولها واموت بعديها.
هتفت.... بطل تقول كده ايه هيا.
فتح ذراعيه لها لتندفع الي احضانه شدد عليها وقبل راسها لتكلبش فيه خوفا وهلعا عليه ظل يمسد عليها لتندس اكتر همس.. جلبي انت والله ولا أجدر ابعد عنك دا حبيبي هموت عليه.
همست.... طب حاسس بايه.
هتف.. حاسس اني طاير لو مت دلوك هكون طلت السما.
رفعت وجهها لينهال شعرها عليه ابتسم لتهمس ....بطل تقول كده قلبي بيوجعني.
حاوطها بيديه وركن فوقها ليهمس.. ابطل اجول اني من غيرك جلبي مابيدجش. اني ماعتش شايف جدامي الا انت ماشي سرحان فيكي ومابفكر الا فيكي.
همست.. لا والنبي بطل خاف علي روحك كنت هتروح.
تنهد.. اروح.. ماني روحت من زمان في بعدك ولو ماحبيبي رجعلي هروح اني خابر روحي
همست.... بطل ماتوجعش قلبي.
اقترب.. لو رحت هتتوجعي صوح ماهتفرحيش عشان وجعتك ..هزت راسها ليهتف.. يعني لو كت مت هتزعلي يا حوريه.
وضعت يدها علي شفتيه ....بطل تقول بقه.
قبل يديها.. ابطل اجول ايه اني ميت في بعدك والله ميت يا جلبي ورايد اموت ماعايزش اعيش بعيد عنك.
همست.. ليل بطل هعيط والله.
قبل راسها بحنان.. واني ماهسيبش دمعه تنزل من حبيبي دا حبيبي حنين وطيب ومارايدش الا هو في حضني والله هو وبس. مد يده يداعب وجهها بحنان لتغمض عينها تستشعر لمساته التي تحتاجها بشده فحوريه من داخلها مازالت تلك الحوريه التي تريد امانه وهو ليل الرفاعي ...اقترب يتلمسها بحنان لتتوه اكتر ليهمس... اني ماستحجش الجمال ده دا كتير عليا. حبيبي جمر وهادي ورايج يا جلبك يا ليل. ظل ينظر اليها ليهتف.. رايدك الف مره رايد اعيش وافرح بجمري واتهني.
همست.. ليو بطل.
هتف.. ماعت جادر ولا عايز عايز اكون ليكي كيف ماتريد.عايز اتربي من اول وجديد لأجل اتشكل وابقي الحبيب اللي تستحجه. لو اموت الف مره وارجع تاني من جديد ليكي انت.
همست.... بطل تجيب سيره وحشه قلبي بيوجعني.
قبل قلبها.. جلب حبيبي ده بيوجعه. الجمر ده موجوع عشاني.. لا عشت ولا كنت اوجعك يا جمري.
همست.. ليو بطل تقول كده انا مش متحمله.
قبل شفتيها بهيام..... كيف ماتامري هبطل.
همست... هتبطل كل الحاجات.
هتف.. هبطل يا جلب ليل يمين بالله.
همست.. ومش هتضايقني خالص وتبقي حلو وكيوت.
ضحك.. كيوت.. عيوني وجلبي من جوا.
همست بدلع......ومش هتروح للفراسات وتمشي مع فوقيه دي.
ابتسم.. يا لهوي هفطس من دلعك ده.. انت بس تاشري يا جلبي انا انفذ.
همست بهيام.. هتبقي ليلي وبس.
اقترب يهمس علي شفتيها.. هبقي زي مابتريدي بس سيبيني ابقي واتهني هموت.
همست.... ليلي انا انا. لتتوه في نظراته ولمساته...
همس.. لاه تسكتي بقه اني ماعتش جادر ...انحني عليها يتوه معها لتستجيب له بحنان ليتوها معا ولا يحسا بشئ. كانت هائمه طائعه وهو احس انه سيملك الدنيا فحبيبته لانت واستجابت له.
لتاتي الرزعات والصرخات عالباب انتفضا ليحس ليل انه سيقتل لؤلؤ. لتنكمش حوريه ابتعد ليل وسب اختها ليقوم ويفتح الباب .
اندفعت لؤلؤ تنظر اليه بغضب لتقترب من اختها وتشدها ....انت ايه اللي مقعدك للكداب ده.
بهتت حوريه نظر ليل لجاسر غاضبا ليرفع يديه استسلام.
اقتربت لؤلؤ تشد الضماده من علي راسه شهقت حوريه. لتهتف ...الكداب بيضحك عليكي عشان انت هبله و تصدقيه. دفعت الضماده في وجهه لتشد حوريه وتنظر لليل بغضب وتتركه وترحل .
اقترب ليل من اخيه ليتراجع خوفا ليرزعه بوكسا ..صرخ جاسر. .. انت عيل سو منك لله كت في حال وجت العجربه مرتك منك لله اعمل ايه دلوك بطلع دخان يا كافر انت ومرتك.
وقف جاسر يهتف ...اعمل ايه طيب ماهي فجستني.
دفعه ليل وجلس مشتعلا يدعي علي زوجته من حرقته.
مر اليوم والفتيات مختفيات وساره معهم معظم اليوم صعد كل من ليل وجاسر ووقفا عند الباب وهتف جاسر.... هو كل ليله اكده هنام جارك وناكل حالنا اكده وبعدين اني متغاظ دلوك.
هتف ليل....... طب استني بقه انا عندي فكره ما هتخرش الميه ونزل مسرعا واحضر شيئا وذهب الي حجرتهم ومعه اخيه ليهتف ايه اللي في يدك ده.
هتف ليل ....اصبر بس.. ونط علي السور وذهب الي بلكونه الفتيات ووضعه وعاد الي اخيه وهتف.. يلا بينا علي المجعد.
هتف جاسر ....انت كت فين بجولك ماهنامش جارك اني عايز مرتي دا ايه المرار ده.
هتف ليل.... طب بس تعالي هتنام وتنبسط بس تعالي وذهب الي حجرته وجلس ينتظر بخبث ليسمع صرخات مفاجأه لينفجر ضاحكا عندما....