قصة قوة الضمائر البارت الخامس عشر 15 بقلم طارق اللبيب

 قصة قوة الضمائر

البارت الخامس عشر 15

بقلم طارق اللبيب

ﺍﻫﺎ ﻣﺤﺎﺳﻦ ﻗﺎﻣﺖ ﻣﻦ ﺟﻤﺒﻮ .. ﺧﻠﺘﻮ ﺑﺘﻜﻠﻢ ﻣﻊ ﻭﻓﺎﺀ .. ﻭﻣﺸﺖ ﻗﻌﺪﺕ ﺟﻢ ﻣﻠﻜﺔ ﻗﺎﻟﺖ ﻟﻴﻬﺎ :  ﻋﻠﻴﻚ ﺍﻟﻠﻪ ﺭﺍﻳﻚ ﺷﻨﻮ ﻓﻲ ﻣﻌﺘﺼﻢ ﺩﻩ ﻳﺎﻣﻠﻜﺔ؟ .. 

ﻗﺎﻟﺖ ﻟﻴﻬﺎ : ﺩﻩ ﻛﻤﺎﻥ ﻓﻴﻬﻮ ﺭﺍﻱ؟ .. ﺑﺲ ﻫﻮ ﻭﻳﻦ ﻭﺍﻧﺎ ﻭﻳﻦ؟ .. ﻛﻠﻨﺎ ﻣﻌﺠﺒﻴﻦ ﺑﻴﻬﻮ ﺳﺎﻱ .. ﻻﻧﻮ ﺑﺎﻟﺠﺪ ﺯﻭﻝ ﺑﺘﺤﺐ ..

ﻗﺎﻟﺖ ﻟﻴﻬﺎ : ﻭﺍﻟﻠﻪ ﻓﻌﻼ" ﺯﻭﻝ ﺑﺘﺤﺐ .. ﺭﺑﻨﺎ ﻳﺤﻔﻈﻮ .. 

ﻣﻠﻜﺔ ﻗﺎﻟﺖ ﻟﻴﻬﺎ :  ﻫﺴﻲ ﺍﻧﺘﻲ ﻛﻨﺘﻲ ﺑﺘﻘﻮﻟﻲ ﻣﻌﺎﻫﻮ ﻓﻲ ﺷﻨﻮ؟ ﺑﺘﺘﻜﻠﻤﻲ ﺑﻴﺪﻳﻚ ﻭﻭﺷﻚ ..

 ﻗﺎﻟﺖ ﻟﻴﻬﺎ :  ﻻﻻ ﺩﻩ ﻓﻲ ﻣﻮﺿﻮﻉ ﺍﻟﻮﻟﺪ ﺍﻻﺳﻤﻮ ﻧﺼﺮ ﺩﺍﻙ ..

ﻣﺤﺎﺳﻦ ﻣﺎﻋﺎﻳﺰﺓ ﺗﺴﺒﻖ ﺍﻟﺤﻮﺍﺩﺙ .. ﻭﺗﻘﻮﻡ ﺗﻘﻮﻝ ﻟﻲ ﻣﻠﻜﺔ ﻛﻼﻡ ﻗﺒﻞ ﺍﻟﻤﻮﺿﻮﻉ ﻣﺎﻳﻨﺠﺾ .. ﺍﻟﺼﺪﻣﺔ ﻣﺎﺣﻠﻮﺓ .. ﻭﻛﺴﺮﺕ ﺍﻟﻘﻠﺐ ﻣﺎﻓﻲ ﺍﺣﺮ ﻣﻨﻬﺎ ..

ﺍﻟﻤﻬﻢ ﺩﺧﻠﻮ ﺍﻟﺘﻼﺗﺔ ﻟﻠﺪﻛﺘﻮﺭ .. ﻭﺣﻜﻮ ﻟﻴﻬﻮ ﺍﻟﺤﺎﺻﻞ .. ﻭﻃﻠﺐ ﻣﻨﻬﻢ ﺍﻟﺼﻮﺭ ﻭﺍﻟﻔﺤﻮﺻﺎﺕ .. ﻭﻟﻤﻦ ﺷﺎﻑ ﺍﻟﺼﻮﺭ ..

 ﻗﺎﻝ ﻟﻴﻬﻢ : ﻣﺎﻓﻲ ﺷﻲ ﻛﻞ ﺷﻲ ﺗﻤﺎﻡ ﺍﻟﺘﻤﺎﻡ .. ﺑﺲ ﺍﻟﺘﺮﺳﻴﺐ ﻋﺎﻟﻲ ﺷﻮﻳﺔ .. ﻭﻛﺘﺐ ﻟﻴﻬﻢ ﺣﺒﻮﺏ ..

ﻏﺎﻳﺘﻮ ﺍﻃﻤﻨﻮ ﻣﺎﻓﻲ ﺷﻲ ﻓﻲ ﺍﻟﻌﻈﺎﻡ .. ﻭﺍﻟﻨﺨﺎﻉ ﻭﺍﻟﺤﺎﺟﺎﺕ ﺍﻟﺤﺴﺎﺳﺔ ﺩﻱ .. ﻭﺍﺷﺘﺮﻭ ﺍﻟﺤﺒﻮﺏ ﻭﻣﺸﻮ ..

ﺍﻫﺎ ﻃﺒﻌﺎ" ﻣﺎﺷﻴﻦ ﻋﻠﻰ ﺍﻟﺒﻴﺖ .. ﻣﻌﺘﺼﻢ ﻭﺿﻌﻪ ﻭﺿﺢ ﺍﻛﺘﺮ .. ﻓﻲ ﺍﻟﺴﻘﻮﻁ ﻓﻲ ﻫﺎﻭﻳﺔ ﺍﻟﻌﺸﻖ .. ﺑﻘﻰ ﻭﺍﺿﺢ ﻋﻠﻴﻬﻮ .. ﺍﻧﻮ ﺑﺎﻟﻮ ﻓﻲ ﺍﻟﺒﺖ ﻭﺷﺎﺑﻚ ﻓﻴﻬﺎ ..

ﺍﻟﺤﺼﻞ ﻓﻲ ﺍﻟﺸﺎﺭﻉ ﻭﻫﻢ ﺭﺍﺟﻌﻴﻦ .. ﺑﻌﺎﻳﻦ ﻟﻴﻬﺎ ﻓﻲ ﺍﻟﻤﺮﺍﻳﺎ .. ﻭﺑﺘﻮﻧﺲ ﻣﻊ ﻣﺤﺎﺳﻦ .. ﺑﺘﻜﻠﻤﻮ ﻓﻲ ﺍﻟﺤﺎﺟﺎﺕ ﺍﻟﻐﺎﻟﻴﺔ ..

ﻗﺎﻝ ﻟﻴﻬﺎ : ﻭﺍﻟﻠﻪ ﻳﺎ ﻣﺤﺎﺳﻦ .. ﻣﺮﺍﺕ ﺍﻟﺰﻭﻝ ﺗﻜﻮﻥ ﺍﻟﺒﻀﺎﻋﺔ ﺍﻟﺴﻤﺤﺔ ﺟﻨﺒﻮ ﻭﻣﺎ ﺟﺎﻳﺐ ﻟﻴﻬﺎ ﺧﺒﺮ .. ﻭﻣﺮﺍﺕ ﻳﻤﺸﻲ ﻳﻔﺘﺶ ﻟﻠﺤﺎﺟﺎﺕ ﺍﻟﺒﻌﻴﺪﺓ .. ﻭﻳﻠﻘﺎﻫﺎ ﻏﺎﻟﻴﺔ ﻭ ﻣﺎ ﺃﺻﻠﻴﺔ ..

ﻗﺎﻟﺖ ﻟﻴﻬﻮ : ﺍﻟﻤﻔﺮﻭﺽ ﺍﻟﺰﻭﻝ .. ﺍﻭﻝ ﺣﺎﺟﺔ ﻳﺎ ﻣﻌﺘﺼﻢ .. ﻟﻮ ﺍﺣﺘﺎﺝ ﻟﻲ ﺣﺎﺟﺔ ﻋﺸﺎﻥ ﻳﺸﺘﺮﻳﻬﺎ .. ﻳﺸﻮﻑ ﺍﻟﺪﻛﺎﻛﻴﻦ ﺍﻟﻘﺮﻳﺒﺔ ﻗﺮﻳﺒﺔ .. ﻣﺮﺍﺕ ﺍﻟﺰﻭﻝ ﺑﻠﻘﻰ ﺑﻀﺎﻋﻪ ﻣﻦ ﺳﻤﺎﺣﺘﻬﺎ ﻭﻻﺑﺘﻮﻗﻌﻬﺎ 

ﻗﺎﻝ ﻟﻴﻬﺎ : ﻭﺍﻟﻠﻪ ﻳﺎﻫﻮ ﺍﻟﺤﺎﺻﻞ .. ﻏﺎﻳﺘﻮ ﺭﺑﻨﺎ ﻳﻮﻓﻖ ﻋﺒﺎﺩﻭ ﻟﻠﺨﻴﺮ 

ﻭﺍﻟﻮﻧﺴﺔ ﻛﻠﻬﺎ ﻛﺎﻧﺖ ﺑﺎﻟﻄﺮﻳﻘﺔ ﺩﻱ .. ﻭﺗﻌﺮﻳﺾ .. ﻭﺷﻲ ﺍﻟﻤﻠﻜﺔ ﺗﻔﻬﻤﻮ ﻭﺷﻲ ﻣﺎﺗﻔﻬﻤﻮ .. ﻟﻤﻦ ﻭﺻﻠﻮ ﺍﻟﺒﻴﺖ .. ﻣﻌﺘﺼﻢ ﻧﺰﻝ ﻓﺘﺢ ﺍﻟﺒﺎﺏ ﻟﻲ ﻣﻠﻜﺔ ﻭﺩﺧﻠﺖ .. 

ﻣﺤﺎﺳﻦ ﻗﺎﻟﺖ ﻟﻴﻬﺎ :  ﺧﺸﻲ ﻳﺎﻣﻠﻜﺔ .. ﻫﺴﻲ ﺑﺠﻲ ﻭﺭﺍﻙ ..

ﻣﺤﺎﺳﻦ ﻗﻌﺪﺕ ﻣﻊ ﻣﻌﺘﺼﻢ .. ﺑﺮﻩ ﺟﻤﺐ ﺍﻟﺒﺎﺏ ..

 ﻭﻗﺎﻟﺖ ﻟﻴﻬﻮ :  ﺍﻫﺎ ﻳﺎﻣﻌﺘﺼﻢ .. ﻭﻓﺎﺀ ﻗﺎﻟﺖ ﺷﻨﻮ؟

 ﻗﺎﻝ ﻟﻴﻬﺎ : ﺍﻟﻤﻮﺿﻮﻉ ﺍﻧﺘﻬﻰ ﻳﺎﻣﺤﺎﺳﻦ ﻟﻼﺳﻒ ..

 ﻗﺎﻟﺖ ﻟﻴﻬﻮ :  ﻃﻴﺐ ﺍﺣﻜﻲ ﻟﻲ ﺍﻟﺤﺼﻞ ﺷﻨﻮ؟

ﻗﺎﻝ ﻟﻴﻬﺎ : ﻃﺒﻌﺎ" ﻭﻓﺎﺀ ﻟﻤﻦ ﺿﺮﺑﺖ ﻟﻲ .. 

ﻗﺎﻟﺖ ﻟﻲ :  ﻳﺎﻣﻌﺘﺼﻢ ﺍﻧﺎ ﺷﻔﺖ ﺣﻠﻢ ﻭﻣﺎﻣﺮﻳﺤﻨﻲ .. 

ﻗﻠﺖ ﻟﻴﻬﺎ : ﺧﻴﺮ ﺍﻥ ﺷﺎﺀ ﺍﻟﻠﻪ ﺍﺣﻜﻲ ..

 ﻗﺎﻟﺖ ﻟﻲ : ﺷﺎﻳﻔﺔ ﻧﻔﺴﻲ ﻣﺎﺷﺔ ﻋﻠﻴﻚ .. ﻭﻣﺎﻗﺎﺩﺭﺓ ﺍﺻﻠﻚ ﻭﺍﻫﻠﻲ ﻣﺎﺳﻜﻨﻲ ﻣﻦ ﻭﺭﺍ .. ﻋﺸﺎﻥ ﻣﺎ ﺍﺻﻞ ﻟﻴﻚ .. ﻭﺍﻧﺎ ﻗﺎﻭﻣﺘﻬﻢ .. ﻭﺟﻴﺖ ﺟﺎﺭﻳﺔ ﻋﻠﻴﻚ .. ﻟﻤﻦ ﻭﺻﻠﺘﻚ ﻭﺍﻧﺖ ﻣﺴﻜﺘﻨﻲ ﻗﺎﻣﺖ ﻓﻴﻨﺎ ﻧﺎﺭ ﻧﺤﻦ ﺍﻻﺗﻨﻴﻦ ﻭﺣﺮﻗﻨﺎ ..

ﺍﻧﺎ ﻗﻠﺖ ﻟﻴﻬﺎ : ﻣﻌﻨﺎﻫﺎ ﻳﺎ ﻭﻓﺎﺀ .. ﻣﻮﺿﻮﻋﻨﺎ ﺩﻩ ﻣﺎﻓﻴﻬﻮ ﺧﻴﺮ .. ﻭﺡ ﻳﺴﺒﺐ ﻟﻴﻨﺎ ﻣﺸﺎﻛﻞ ﻭﺣﺮﺍﻳﻖ ﻭﻓﺘﻦ ..

ﻭﻓﺎﺀ ﻗﺎﻟﺖ ﻟﻲ :  ﺍﻳﻮﺓ ﺻﺢ .. ﺍﻧﺎ ﺫﺍﺗﻲ ﻗﻠﺖ ﻛﺪﺍ .. ﻭﺩﻩ ﺍﻭﻝ ﺗﻔﺴﻴﺮ ﺟﺎ ﻓﻲ ﺭﺍﺳﻲ ..

ﻋﺸﺎﻥ ﻛﺪﺍ ﻳﺎﻣﻌﺘﺼﻢ ﺍﻟﻤﻮﺿﻮﻉ ﺩﻩ .. ﺍﺣﺴﻦ ﻧﻨﺴﺎﻫﻮ ﻭﻧﺒﻘﻰ ﺍﺧﻮﺍﻥ ﻭﺍﺻﺤﺎﺏ ﺍﻟﻰ ﺍﻻﺑﺪ .. ﺭﺑﻨﺎ ﻳﻘﺴﻢ ﻟﻴﻚ ﺍﺣﺴﻦ ﻣﻨﻲ ..

ﻗﻠﺖ ﻟﻴﻬﺎ :  ﺧﻴﺮ ﻳﺎﻭﻓﺎﺀ .. ﻭﺍﻧﺘﻲ ﺭﺑﻨﺎ ﻳﻘﺴﻢ ﻟﻴﻚ ﺍﺣﺴﻦ ﻣﻨﻲ  ﻭﻣﺎ ﺍﺗﻤﻨﻰ ﻟﻴﻚ ﺍﻻ ﻛﻞ ﺧﻴﺮ .. ﻟﻜﻦ ﻭﺍﻟﻠﻪ ﻳﺎﻣﺤﺎﺳﻦ ﺍﺗﺄﺛﺮﺕ ﺑﺎﻟﺠﺪ ﻣﻦ ﻗﻠﺒﻲ .. ﻳﺎﺧﻲ ﺩﻱ ﻋﻼﻗﺔ ﺑﺘﺎﻋﺔ ﺳﻨﺘﻴﻦ ﺍﻻﺷﻮﻳﺔ ..

ﻣﺤﺎﺳﻦ ﻗﺎﻟﺖ ﻟﻴﻬﻮ : ﻳﺎﻣﻌﺘﺼﻢ .. ﺍﻟﺒﺖ ﺩﻱ ﻛﻀﺎﺑﺔ ﻭﺍﻟﻠﻪ .. ﻻﺷﺎﻓﺖ ﺣﻠﻢ ﻭﻻﺷﻲ .. ﺩﻱ ﻗﺼﺔ ﻣﺆﻟﻔﺎﻫﺎ ﻣﻦ ﺭﺍﺳﻬﺎ .. ﺍﻟﺒﺖ ﺩﻱ ﺷﺎﻳﻔﻪ ﻟﻴﻬﺎ ﺷﻮﻓﺔ .. ﻭﺍﺳﺘﻐﻨﺖ ﻣﻨﻚ ..

ﻣﻌﺘﺼﻢ ﻗﺎﻝ ﻟﻴﻬﺎ : ﻭﺍﻧﺎ ﻋﺎﺭﻑ ﻛﺪﺍ ﻳﺎﻣﺤﺎﺳﻦ .. ﺑﺲ ﻫﻲ ﻻﻧﻬﺎ ﺯﻭﻟﺔ ﻃﻴﺒﺔ .. ﻭﻣﺎﻋﺎﻳﺰﺓ ﺗﻘﻮﻝ ﻟﻲ ﻧﻨﻬﻲ ﺍﻟﻤﻮﺿﻮﻉ ﺑﺼﺮﺍﺣﺔ .. ﻻﻧﻬﺎ ﺧﺎﻳﻔﺔ ﻋﻠﻰ ﻣﺸﺎﻋﺮﻱ .. ﺍﺿﻄﺮﺕ ﺍﻧﻬﺎ ﺗﺄﻟﻒ ﻟﻴﻬﺎ ﻗﺼﺔ ﺣﻠﻤﺔ ﺑﺎﻟﻜﻀﺐ .. ﻭﺍﻟﻤﻮﺿﻮﻉ ﻭﺍﺿﺢ ..

ﺍﻧﺎ ﺧﻼﺹ ﻳﺎ ﻣﺤﺎﺳﻦ .. ﻣﻮﺿﻮﻉ ﻭﻓﺎﺀ ﺩﻩ ﺑﺎﻟﻨﺴﺒﺔ ﻟﻲ ﺑﻘﻰ ﻣﺎﺿﻲ .. ﻭﺗﺎﻧﻲ ﻣﺎﺑﻘﺒﻞ ﻟﻲ ﻭﺭﺍﺀ .. ﺑﺲ ﺍﻧﺘﻲ ﺍﺻﺒﺮﻱ ﻟﻲ .. ﺍﻧﺎ ﺍﻃﺮﺡ ﻣﻮﺿﻮﻉ ﻣﻠﻜﺔ ﻃﻮﺍﻟﻲ ﻟﻲ ﻧﺎﺱ ﺍﻟﺒﻴﺖ ﺣﺎﺭ ﺣﺎﺭ ..

ﻣﺤﺎﺳﻦ ﻣﻦ ﺟﻮﺍﻫﺎ ﻗﺎﻟﺖ : ﻭﺍﻟﻠﻪ ﺍﻧﺎ ﺍﻭﻝ ﻣﺮﺓ ﺍﺗﺒﺴﻂ ﻣﻦ ﻋﻼﻗﺔ ﺗﺘﺨﺮﺏ .. ﺍﻧﺎ ﺯﻣﺎﻥ ﻟﻤﻦ ﺍﺷﻮﻑ ﺧﻄﻴﺐ ﺧﻼ ﺣﻄﻴﺒﺘﻮ .. ﻭﻻ ﻣﺮﺍﺓ ﺭﺍﺟﻠﻬﺎ ﻃﻠﻘﻬﺎ .. ﻭﺍﻟﻠﻪ ﻣﺮﺍﺕ ﺑﺒﻜﻲ . .. ﻟﻜﻦ ﺍﻟﻠﻴﻠﺔ ﻣﺒﺴﻮﻃﺔ ﺑﺎﻟﻌﻼﻗﺔ ﺍﻟﺨﺮﺑﺖ ﺩﻱ ..

ﻣﺤﺎﺳﻦ ﺩﺧﻠﺖ ﺟﻮﺓ .. ﻟﻘﺖ ﺍﻟﻤﻠﻜﺔ ﺑﺘﺤﻜﻲ ﻻﻣﻬﺎ ﻓﻲ ﻃﻴﺒﺔ ﻣﻌﺘﺼﻢ .. ﻭﻇﺮﺍﻓﺘﻮ ﻭﺍﻟﻨﻜﺖ ﺍﻟﺤﻜﺎﻫﺎ ﻓﻲ ﺍﻟﺸﺎﺭﻉ .. ﻭﺍﻣﻬﺎ ﺑﺘﻘﻮﻝ ﻟﻴﻬﺎ ﻃﻴﺐ ﺍﻟﺪﻛﺘﻮﺭ ﻗﺎﻝ ﻟﻴﻜﻢ ﺷﻨﻮ ﻳﺎ ﻣﻠﻜﺔ؟ .. ﻭﻫﻲ ﺑﺘﻘﻮﻝليها : ﺍﺻﺒﺮﻱ ﻳﺎ ﺍﻣﻲ ﺑﺤﻜﻲ ﻟﻴﻚ ﻛﻼﻡ ﺍﻟﺪﻛﺘﻮﺭ .. ﻣﺤﺎﺳﻦ ﺟﺎﺕ ﻭﻗﻔﺖ ﺗﺴﻤﻊ ﻭﻗﻌﺪﺕ ﺗﺘﺒﺴﻢ .. 

ﻭﻗﺎﻟﺖ ﻟﻴﻬﺎ :  ﺧﻠﻴﻬﺎ ﺗﻜﻤﻞ ﻛﻼﻣﻬﺎ ﻳﺎﺳﺘﻮ .. ﻛﻼﻡ ﺍﻟﺪﻛﺘﻮﺭ ﺑﺤﻜﻴﻬﻮ ﻟﻴﻚ ﺍﻧﺎ .. ﺍﻟﻔﺮﺣﺔ ﺍﻟﻔﻮﻕ ﻭﺷﻬﺎ ﺩﻱ .. ﻣﺎﺗﻘﻄﻌﻴﻬﺎ ﻟﻴﻬﺎ ﺧﻠﻴﻬﺎ ﺗﻜﻤﻞ ..

ﻳﻼ ﺍﻟﻤﻠﻜﺔ ﺷﻐﺎﻟﺔ ﺗﺘﻜﻠﻢ .. ﻭﻗﺎﻝ ﺍﻟﺒﻀﺎﻋﺔ ﺍﻟﺒﻌﻴﺪﺓ ﻏﺎﻟﻴﺔ ﻣﺎ ﺍﺻﻠﻴﺔ .. ﻭﺍﻻﺻﻠﻴﺔ ﺑﺘﻜﻮﻥ ﺟﻤﺒﻚ ﻭﺍﻧﺖ ﻣﺎﺟﺎﻳﺐ ﻟﻴﻬﺎ ﺧﺒﺮ ﻳﺎ ﺍﻣﻲ ﺑﻜﻮﻥ ﻗﺎﺻﺪ ﺷﻨﻮ؟ ﺍﻧﺎ ﺯﻱ ﺍﻟﻔﻬﻤﺖ ﺍﻧﻮ ﺑﻠﻤﺢ ﻟﻲ ﺣﺎﺟﺔ .. ﺳﺘﻮ ﻗﺎﻟﺖ ﻟﻴﻬﺎ : ﺑﺮﻱ .. ﺷﻦ ﺧﺒﺮﻧﻲ ﻛﻤﺎﻥ؟ .. ﻛﻼﻡ ﻣﺎﻋﺮﻓﺘﻨﻮ ﺍﻧﺘﻲ ﻭﻣﺤﺎﺳﻦ .. ﺍﻧﺎ ﺑﻌﺮﻓﻮ ﻣﻦ ﻭﻳﻦ؟

ﻣﺤﺎﺳﻦ ﻗﺎﻟﺖ ﻟﻴﻬﺎ : ﺗﻌﺎﻟﻲ ﻳﺎ ﺍﻟﻤﻠﻜﺔ ﺟﻮﺓ .. ﻭﺍﻧﺎ ﺑﻘﻮﻝ ﻟﻴﻚ ﻭﺍﻓﺸﻚ .. ﺟﺎﺗﻬﺎ ..

ﻗﺎﻟﺖ ﻟﻴﻬﺎ : ﻳﺎﻣﻠﻜﺔ ﺑﺼﺮﺍﺣﺔ .. ﺍﻟﻜﻼﻡ ﺍﻟﻌﺎﻳﺰﺓ ﺍﻗﻮﻟﻮ ﻟﻴﻚ ﺩﻩ ﻛﻼﻡ ﺳﺮ ﻭﺍﻣﻚ ﻣﺎﺗﻌﺮﻓﻮ ..

ﻗﻮﻟﻲ ﺍﻥ ﺷﺎﺀ ﺍﻟﻠﻪ ﻣﺴﻌﺎﻱ ﻳﺘﻢ .. ﺍﻧﺎ ﻗﺎﻋﺪﺓ ﺍﺗﻜﺘﻚ ﻟﻴﻚ ﻓﻲ ﻣﻮﺿﻮﻉ ﻣﻌﺎﻫﻮ .. ﻃﺒﻌﺎ"ﻣﻠﻜﺔ ﻧﻄﻄﺖ ﻋﻴﻨﻴﻬﺎ ﻟﻤﻦ ﺑﻘﻦ ﻣﺪﻭﺭﺍﺕ  ﻗﺎﻟﺖ ﻟﻴﻬﺎ : ﻗﻠﺘﻲ ﺷﻨﻮ؟ .. ﺍﻧﺘﻲ ﺟﺎﺍﺍﺍﺩﺓ ؟؟

ﻗﺎﻟﺖ ﻟﻴﻬﺎ : ﺍﻧﺎ ﻏﺎﻳﺘﻮ ﺭﺷﺤﺘﻚ ﻟﻴﻬﻮ .. ﻭﻗﻠﺖ ﻟﻴﻬﻮ ﻣﻠﻜﺔ ﺩﻱ .. ﺍﻧﺎ ﻋﺮﻓﺘﻬﺎ ﻣﻦ ﻗﺮﻳﺐ ..

ﻣﻠﻜﺔ ﻗﺎﻟﺖ ﻟﻴﻬﺎ : ﻟﻜﻦ ﻛﻴﻒ ﻳﺎﻣﺤﺎﺳﻦ؟؟ ﻭﻫﺴﻲ ﻳﻤﻜﻦ ﻳﻘﻮﻝ ﺍﻟﻤﺮﺳﺎﻝ ﺩﻩ ﻣﻨﻲ ﺍﻧﺎ ..ﻭﻻ ﻳﻘﻮﻝ ﻧﺤﻦ ﻣﺘﻔﻘﻴﻦ ..

 ﻗﺎﻟﺖ ﻟﻴﻬﺎ :  ﺍﺳﻤﻌﻲ ﻳﺎﻣﻠﻜﺔ .. ﺍﻧﺎ ﻣﺎﻏﺒﻴﺔ ﻋﺸﺎﻥ ﺗﻔﻮﺕ ﻋﻠﻲ ﺍﻟﻘﺪﺭ ﺩﻱ ..

ﻗﺎﻟﺖ ﻟﻴﻬﺎ :  ﺍﻫﺎ ﻗﺎﻝ ﻟﻴﻚ ﺷﻨﻮ؟

 ﻗﺎﻟﺖ ﻟﻴﻬﺎ : ﺑﻲ ﺻﺮﺍﺣﺔ ﺍﻟﺰﻭﻝ ﺩﻩ ﻋﺎﻳﺰﻙ .. ﻟﻜﻦ ﻗﺪﺍﻣﻮ ﻣﺸﻜﻠﺘﻴﻦ ..

ﻭﺍﺣﺪﺓ ﺍﻧﺘﻬﺖ .. ﻭﺍﻟﺘﺎﻧﻴﺔ ﻣﺎﻣﻌﺮﻭﻓﺔ .. ﺍﻻﻭﻟﻰ ﻛﺎﻥ ﻋﻨﺪﻭ ﺧﻄﻴﺒﺔ .. ﻭﺧﻠﻮ ﺑﻌﺾ .. ﻭﺍﻟﺘﺎﻧﻴﺔ ﺍﻫﻠﻮ .. ﻣﺎﻣﻌﺮﻭﻑ ﻳﻘﺒﻠﻮ ﺑﻴﻚ .. ﻭﺍﻧﺘﻲ ﺑﻲ ﺣﺎﻟﺘﻚ ﺩﻱ .. ﻭﻻ ﻳﺮﻓﻀﻮ .. ﺍﻧﺘﻲ ﻟﺴﻊ ﻣﺎ ﻣﻠﻜﺘﻲ ﺍﻟﺼﺤﺔ ﻣﻴﺔ ﺍﻟﻤﻴﺔ ..

ﻗﺎﻟﺖ ﻟﻴﻬﺎ : ﻋﺎﺭﻓﺔ ﻳﺎﻣﺤﺎﺳﻦ .. ﺑﺲ ﺍﻫﻢ ﺣﺎﺟﺔ ﺭﺍﻳﻮ ﻫﻮ .. ﻫﻮ ﻟﻮ ﻋﺎﻳﺰﻧﻲ .. ﺑﺤﺎﻭﻝ ﺍﻟﻤﺴﺘﺤﻴﻞ ..

ﻣﺤﺎﺳﻦ ﻗﺎﻟﺖ ﻟﻴﻬﺎ : ﻳﻌﻨﻲ ﺍﻧﺘﻲ ﻣﺎﻋﻨﺪﻙ ﺍﻱ ﻣﺎﻧﻊ؟؟ .. 

ﻗﺎﻟﺖ ﻟﻴﻬﺎ : ﺍﻧﺎ ﺑﺲ ﺷﺮﻃﻲ .. ﻳﻨﺘﻈﺮﻧﻲ ﻟﻤﻦ ﺍﺑﻘﻰ ﻛﻮﻳﺴﺔ ..

ﻗﺎﻟﺖ ﻟﻴﻬﺎ : ﺩﻩ ﺷﺮﻁ ﻫﻴﻦ ﻳﺎﺑﺘﻲ .. ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﻌﺠﻞ ﻟﻴﻚ ﺑﺎﻟﻌﺎﻓﻴﺔ .. ﻳﻌﻨﻲ ﺍﺗﻜﻠﻢ ﻣﻊ ﺍﻣﻚ؟ .. 

ﻗﺎﻟﺖ ﻟﻴﻬﺎ :  ﻃﻮﺍﻟﻲ ﻳﺎ ﺳﻮﻧﺎ ..

ﻣﺤﺎﺳﻦ ﺍﺧﺪﺕ ﻟﻴﻪ ﺿﺤﻜﺔ .. 

ﻭﻗﺎﻟﺖ ﻟﻴﻬﺎ : ﺷﺎﻳﻔﺎﻙ ﺑﻘﻴﺘﻲ ﺗﺪﻟﻌﻴﻨﻲ ..

 ﻗﺎﻟﺖ ﻟﻴﻬﺎ : ﻧﻔﺴﻲ ﺍﻣﺴﻜﻚ ﺍﺑﻮﺳﻚ ﺑﻲ ﻫﻨﺎ ﻭﺑﻲ ﻫﻨﺎ .. ﻣﺤﺎﺳﻦ ﻣﺸﺖ ﻣﻨﻬﺎ ﺗﺘﺒﺴﻢ ..

ﻗﺎﻟﺖ ﻟﻲ ﺳﺘﻮ : ﺍﻟﻠﻴﻠﺔ ﺷﺎﻳﻔﺎﻙ ﻓﺎﺍﺍﺿﻴﺔ ﻭﻫﻤﻚ ﺭﺍﻳﻖ .. ﺍﻟﺼﺒﺎﺡ ﻗﻠﺘﻲ ﻟﻲ ﺗﻌﺒﺎﻧﺔ .. ﻭﻋﻨﺪﻙ ﻣﺸﺎﻭﻳﺮ ..

 ﻗﺎﻟﺖ ﻟﻴﻬﺎ : ﻭﺍﻟﻠﻪ ﻛﻨﺖ ﺩﺍﻳﺮﺓ ﺍﻣﺸﻲ ﻟﻲ ﻧﺎﺱ ﺍﻟﺪﻛﺎﻛﻴﻦ ﺩﻳﻞ  ﻭﺍﺳﺄﻟﻬﻢ ﻣﻦ ﺑﻌﺾ ﺍﻟﺤﺎﺟﺎﺕ .. ﻟﻜﻦ ﻣﺸﻮﺍﺭ ﻧﺎﺱ ﺍﻟﺴﻤﺎﻳﺔ ﺩﻩ ﻫﺪﺍ ﺣﻴﻠﻲ ..

ﻗﺎﻟﺖ ﻟﻴﻬﺎ : ﻣﺎﺷﺔ ﺗﺴﺄﻟﻲ ﻣﻦ ﺷﻨﻮ؟

ﻗﺎﻟﺖ ﻟﻴﻬﺎ : ﻭﺍﻟﻠﻪ ﻳﺎ ﻣﺤﺎﺳﻦ .. ﺍﻟﻜﺴﺮﺓ ﺩﻱ ﺷﻜﻠﻬﺎ ﻣﺎﻣﻐﻄﻴﺔ ﻣﻌﺎﻧﺎ .. ﻣﺎﺷﺔ ﺍﺳﺄﻟﻬﻢ ﻣﻦ ﺍﻟﻄﻌﻤﻴﺔ ﻟﻮ ﺑﺘﻤﺸﻲ .. ﻭﺍﻟﻜﻴﻚ ﻭﺍﻟﺤﺎﺟﺎﺕ ﺩﻱ .. ﻻﻧﻮ ﺍﻟﻜﺴﺮﺓ ﺍﻟﺤﺮﻳﻢ ﺿﺎﻳﻘﻨﻲ ﻓﻴﻬﺎ ..

ﻣﺤﺎﺳﻦ ﻗﺎﻟﺖ ﻟﻴﻬﺎ : ﺍﻟﺤﺮﻳﻢ ﻗﺎﻟﻮ ﻛﺴﺮﺗﻬﻦ ﻛﻠﻬﺎ ﺑﺘﺮﺟﻊ .. ﻣﺎﻓﻲ ﻛﺴﺮﺓ ﺑﺘﺘﺒﺎﻉ ﻗﺪﺭ ﻛﺴﺮﺗﻚ .. 

ﻗﺎﻟﺖ ﻟﻴﻬﺎ : ﺑﺲ ﻳﺎ ﻣﺤﺎﺳﻦ ﺍﻧﺎ ﻓﻲ ﺍﻻﻭﻝ .. ﻛﻨﺖ ﻓﻲ ﺍﻟﺴﻮﻕ ﺑﺮﺍﻱ ..

ﻣﺤﺎﺳﻦ ﻗﺎﻟﺖ ﻟﻴﻬﺎ : ﻃﺒﻌﺎ" ﺍﻟﺪﻛﺘﻮﺭ .. ﻋﻤﻞ ﻭﻋﻤﻞ .. ﻭﻗﺎﻝ ﻗﺎﻝ .. ﻟﻜﻦ ﺍﻟﺤﻤﺪ ﻟﻠﻪ ﻳﺎﺳﺘﻮ ﺍﻟﻤﻠﻜﺔ ﻣﺎﻋﻨﺪها ﺷﻲ ﺑﺨﻮﻑ .. ﻭﺍﻟﺪﻛﺘﻮﺭ ﻗﺎﻟﻴﻬﺎ ﺗﺎﻧﻲ ﻣﺎﺗﻠﺒﺴﻲ ﺍﻟﻜﻮﻟﺔ .. ﻭﻃﻤﻨﺎ ﺷﺪﻳﺪ .. ﻗﺎﻟﺖ ﻟﻴﻬﺎ :  ﺍﻟﺤﻤﺪ ﻟﻠﻪ .. ﺭﺑﻨﺎ ﻋﺎﻟﻢ ﺑﻲ ﺣﺎﻟﻨﺎ .. ﺩﺍﻳﻤﺎ" ﻳﺎﻣﺤﺎﺳﻦ ﺍﻧﺘﻲ ﺑﺖ ﺣﻼﻝ .. ﻭﺧﺸﻤﻚ ﻣﺎﺑﺠﻴﺐ ﺍﻻ ﺍﻟﺒﺸﺎﻳﺮ .. ﻗﺎﻟﺖ ﻟﻴﻬﺎ :  ﻭﺍﻧﺘﻲ ﻣﺎﻋﺎﺭﻓﺔ ﺍﻟﺒﺸﺎﺭﺓ ﺍﻟﺘﺎﻧﻴﺔ ..

ﻣﻌﺘﺼﻢ ﺍﺗﻜﻠﻢ ﻣﻌﺎﻱ ﻓﻲ ﺍﻟﻤﻠﻜﺔ .. ﻭﻗﺎﻝ ﻗﺎﻝ .. ﺍﻟﻤﻬﻢ ﺣﻜﺖ ﻟﻴﻬﺎ ﻛﻞ ﺍﻟﺘﻔﺎﺻﻴﻞ ﺍﻟﺤﺼﻠﺖ .. ﺳﺘﻮ ﺳﻜﺘﺖ ﻣﺴﺎﻓﺔ ﻛﺪﺍ .. ﻭﺷﻜﻠﻬﺎ ﻣﺎﻣﺮﺗﺎﺣﺔ ﻟﻠﻤﻮﺿﻮﻉ ..

 ﻣﺤﺎﺳﻦ ﻗﺎﻟﺖ ﻟﻴﻬﺎ : ﻣﺎﻟﻚ ﻳﺎﺳﺘﻮ؟؟ ﺯﻱ ﺍﻟﻜﺄﻧﻮ ﺍﻟﻜﻼﻡ ﻣﺎﻋﺠﺒﻚ؟ ..

 ﻗﺎﻟﺖ ﻟﻴﻬﺎ :  ﻭﺍﻟﻠﻪ ﻳﺎ ﻣﺤﺎﺳﻦ .. ﺍﻧﺘﻲ ﻋﺎﺭﻓﺔ ﺭﺍﻱ ﻓﻲ ﺍﻟﻮﻟﺪ .. ﺍﻟﻮﻟﺪ ﻭﺍﻟﻠﻪ ﺍﻧﺎ ﺑﺘﻤﻨﺎﻫﻮ ﻣﻦ ﻛﻞ ﻗﻠﺒﻲ ﻟﻲ ﺑﺘﻲ .. ﻭﻟﻮ ﺭﺑﻨﺎ ﻗﺴﻤﻮ ﻟﻴﻬﺎ .. ﻳﻜﻮﻥ ﺩﻩ ﻳﻮﻡ ﺍﻟﺴﻌﺪ ﻭﺍﻟﺴﻌﺎﺩﺓ .. ﻟﻜﻦ ﺍﻧﺎ ﺧﺎﻳﻔﺔ ﻣﻦ ﺣﺎﺟﺘﻴﻦ .. ﻭﻻﻳﻤﻜﻦ ﺍﻗﺒﻞ ﺑﺎﻟﻤﻮﺿﻮﻉ .. ﺍﻻ ﺃﺗﺎﻛﺪ ﻣﻨﻬﻦ ﺍﻻﺗﻨﻴﻦ .. 

ﻗﺎﻟﺖ ﻟﻴﻬﺎ :  ﺍﻟﺤﺎﺟﺘﻴﻦ ﺷﻨﻮ ﻳﺎﺳﺘﻮ؟

ﻗﺎﻟﺖ ﻟﻴﻬﺎ :  ﺍﻧﺎ ﺧﺎﻳﻔﺔ ﺍﻟﻮﻟﺪ ﻳﻜﻮﻥ ﺧﻼ ﺧﻄﻴﺒﺘﻮ ﻋﺸﺎﻥ ﻣﻠﻜﺔ .. ﻳﺎ ﺍﻣﺎ ﻋﺸﺎﻥ ﻣﻠﻜﺔ ﻋﺠﺒﺘﻮ ﻭﺑﺎﻉ ﺩﻳﻚ .. ﻳﺎ ﺍﻣﺎ ﻋﺸﺎﻥ ﺷﺎﻑ ﻇﺮﻭﻓﻨﺎ .. ﻭﺷﺎﻟﺘﻮ ﺍﻟﻌﺎﻃﻔﺔ ﻭﺍﻟﺸﻔﻘﺔ ﻋﻠﻲ ﺑﺘﻲ .. ﻭﺍﻧﺎ ﻻﻳﻤﻜﻦ ﺍﻗﺒﻞ ﻇﻠﻢ ﺯﻱ ﺩﻩ ﻳﻘﻊ ﻋﻠﻰ ﺑﺖ ﺍﻟﻨﺎﺱ ﺍﻟﻤﺴﻜﻴﻨﺔ ..

ﺍﻧﺎ ﻳﺎ ﻣﺤﺎﺳﻦ ﺍﺣﺴﻦ ﻟﻲ ﺍﻣﻮﺕ .. ﻭﻣﺎ ﺍﻇﻠﻢ ﻟﻲ ﺯﻭﻝ .. ﻫﺴﻲ ﻋﻠﻴﻚ ﺍﻟﻠﻪ ﺍﺗﺨﻴﻠﻲ ﺭﻭﺣﻚ .. ﻋﻨﺪﻙ ﺧﻄﻴﺒﻚ ﻭﺑﺘﺤﺒﻴﻬﻮ .. ﻭﺑﺎﻧﻴﺔ ﻋﻠﻴﻬﻮ ﺍﻣﺎﻝ .. ﻳﺠﻲ ﻳﻘﻮﻝ ﻟﻴﻚ ﺍﻧﺎ ﻣﺎﻋﺎﻳﺰﻙ .. ﻋﺸﺎﻥ ﻳﻤﺸﻲ ﻟﻲ ﻭﺍﺣﺪﺓ ﺗﺎﻧﻴﺔ .. ﺑﺘﺤﺴﻲ ﺑﺸﻨﻮ؟ ..

 ﻗﺎﻟﺖ ﻟﻴﻬﺎ :  ﺑﺘﻤﻨﻰ ﺍﻟﻤﻮﺕ .. ﺩﻩ ﻟﻮ ﻣﺎ ﺍﻧﺘﺤﺮﺕ ﺑﺎﻟﻤﻐﺴﺔ ..

ﻗﺎﻟﺖ ﻟﻴﻬﺎ :  ﺍﻟﺤﺎﺟﺔ ﺍﻟﻤﺎﺑﻨﺪﻭﺭﻫﺎ ﻟﻲ ﺭﻭﺣﻨﺎ .. ﺍﻟﻤﻔﺮﻭﺽ ﻣﺎ ﻧﺪﻭﺭﻫﺎ ﻟﻠﻨﺎﺱ .. ﻟﻴﻪ ﻳﻌﻨﻲ ؟ ﻋﺸﺎﻥ ﻣﺼﻠﺤﺘﻨﺎ ؟؟ .. ﺩﻱ ﺍﻻﻧﺎﻧﻴﺔ ﺫﺍﺗﻬﺎ ﻳﺎ ﻣﺤﺎﺳﻦ ..

ﻗﺎﻟﺖ ﻟﻴﻬﺎ : ﻟﻜﻦ ﻳﺎ ﺳﺘﻮ ﺍﻟﺰﻭﻝ ﺩﻩ ﻗﺎﻝ ﻗﺎﻝ .. ﺑﺮﺍﻫﻮ ﻗﺎﻟﺖ ﻫﻲ ﺍﻟﺨﻠﺘﻮ ﻭﺍﻻﺑﺘﻮ ..

 ﻗﺎﻟﺖ ﻟﻴﻬﺎ :  ﻧﺤﻦ ﻻﺯﻡ ﻧﺘﺄﻛﺪ ﻣﻦ ﺍﻟﻤﻮﺿﻮﻉ ﺑﻲ ﻃﺮﻳﻘﺘﻨﺎ .. ﻻﻧﻮ ﺍﺣﺘﻤﺎﻝ ﺍﻟﻮﻟﺪ ﺑﻜﺬﺏ .. ﺍﻟﺪﻧﻴﺎ ﺩﻱ ﻳﺎ ﻣﺤﺎﺳﻦ .. ﻓﻴﻬﺎ ﻣﻔﺎﺟﺄﺕ ﻛﺘﻴﺮﺓ .. ﺍﻟﺰﻭﻝ ﻣﺎﺑﺘﻮﻗﻌﻬﺎ ..

ﺍﻱ ﺍﻟﻮﻟﺪ ﻛﻮﻳﺲ .. ﻭﻣﺎﺷﻔﻨﺎ ﻋﻠﻴﻬﻮ ﺍﻻ ﺍﻟﺨﻴﺮ .. ﻟﻜﻦ ﺩﻩ ﻣﺎﺑﻤﻨﻊ ﺍﻧﻮ ﻳﻜﻮﻥ .. ﺿﺤﻰ ﺑﻲ ﺣﺒﻮ .. ﻋﺸﺎﻥ ﻭﺿﻌﻨﺎ ﻭﻋﺸﺎﻥ ﺑﺘﻲ .. ﺻﺢ ﻭﻻ ﺍﻧﺎ ﻏﻠﻄﺎﻧﺔ ..

 ﻗﺎﻟﺖ ﻟﻴﻬﺎ : ﻛﻼﻣﻚ ﺻﺢ .. ﻟﻜﻦ ﺍﻧﺎ ﻣﺎﻣﻘﺘﻨﻌﺔ .. ﺍﻧﺘﻲ ﻟﻮ ﺷﻔﺘﻲ ﺣﺎﻟﺔ ﺍﻟﻮﻟﺪ .. ﻭﻫﻮ ﺑﺘﻜﻠﻢ ﻣﻊ ﻣﻠﻜﺔ .. ﺑﺘﻌﺮﻓﻲ ﺍﻧﻚ ﻏﻠﻄﺎﻧﺔ ..

ﻗﺎﻟﺖ ﻟﻴﻬﺎ : ﺑﺲ ﺍﻧﺎ ﻃﺎﻟﺒﺎﻙ ﺑﻲ ﺍﻟﻠﻪ .. ﺗﺘﺄﻛﺪﻱ ﻟﻲ ﻣﻦ ﺍﻟﺒﺖ ﻭﺗﻼﻗﻴﻬﺎ ﻭﺗﺴﻤﻌﻲ ﻣﻨﻬﺎ ..

 ﻗﺎﻟﺖ ﻟﻴﻬﺎ : ﺍﺟﻲ؟ ﻛﻴﻒ ﻟﻜﻦ ﺍﻻﻗﻴﻬﺎ؟؟ ..

ﻗﺎﻟﺖ ﻟﻴﻬﺎ : ﺍﻟﻤﻬﻢ ﺗﺘﺼﺮﻓﻲ .. ﻋﺸﺎﻥ ﺍﻧﺎ ﺍﻛﻮﻥ ﻣﻄﻤﺌﻨﺔ .. ﻭﺭﺍﺿﻴﺔ ﻣﻦ ﻧﻔﺴﻲ ﻓﻲ ﺍﻱ ﺧﻄﻮﺓ .. ﺍﻧﺎ ﻳﺎﻣﺤﺎﺳﻦ ﻟﻮ ﻋﺮﺳﺖ ﻟﻴﻬﻮ ﺑﺘﻲ ﻭﺑﻌﺪﻳﻦ ﺍﻛﺘﺸﻔﺖ ﺍﻧﻮ ﻇﻠﻢ ﺍﻟﺒﺖ .. ﺍلدنيا ﺩﻱ ﻣﺎﺑﺘﺸﻠﻨﻲ ..

ﻣﺤﺎﺳﻦ ﺳﻜﺘﺖ ﻣﺴﺎﻓﺔ .. ﻭﻗﺎﻟﺖ ﻟﻴﻬﺎ : ﻳﺎﺯﻭله ﺍﻧﺎ ﻣﻮﺍﻓﻘﺔ .. ﻭﺍﻟﻠﻪ ﺍﺗﺄﻛﺪ ﻟﻴﻚ ﻭﺍﺟﻴﻚ ﺑﺎﻟﻨﺠﻴﻀﺔ .. ﻭﺍﻟﻠﻪ ﻣﺎ ﺍﺟﻴﺐ ﺍﻟﺤﻘﻴﻘﺔ ﺍﻻ ﺍﻧﺎ . .. ﺍﻫﺎ ﻭﺍﻟﻤﺎﻧﻊ ﺍﻟﺘﺎﻧﻲ ﺷﻨﻮ ﻳﺎﺳﺘﻮ ؟ ﺍﻧﺘﻲ ﻗﻠﺘﻲ ﻟﻲ ﺣﺎﺟﺘﻴﻦ ..

ﻗﺎﻟﺖ ﻟﻴﻬﺎ : ﺍﻟﺤﺎﺟﺔ ﺍﻟﺘﺎﻧﻴﺔ ﺍﻫﻠﻮ .. ﺍﻧﺘﻲ ﺗﺘﺼﻠﻲ ﻋﻠﻴﻬﻮ ﻫﺴﻲ  ﻭﺗﻘﻮﻟﻲ ﻟﻴﻬﻮ ﻣﺎﺗﻜﻠﻢ ﺍﻫﻠﻚ ﻫﺴﻲ ..

ﻗﻮﻟﻲ ﻟﻴﻬﻮ ﺍﻧﺎ ﻛﻠﻤﺖ ﺍﻻﻡ ﻭﺑﺘﻬﺎ .. ﻭﻭﺍﻓﻘﻮ ﻋﻠﻰ ﺷﺮﻁ .. ﺍﻧﻮ ﺑﻌﺪ ﺍﻟﺒﺖ ﺗﺒﻘﻰ ﻛﻮﻳﺴﺔ .. ﻳﻌﻨﻲ ﻣﺎﻳﻔﺘﺢ ﺍﻟﻤﻮﺿﻮﻉ ﻟﻲ ﺍﻫﻠﻮ .. ﻭالبت ﺑﻲ ﺣﺎﻟﺘﻬﺎ ﺩﻱ ..

ﻻﻧﻬﻢ ﺡ ﻳﺮﻓﻀﻮ .. ﻭﺑﻌﺪﻳﻦ ﺣﺘﻰ ﻟﻮ ﺑﻘﺖ ﻛﻮﻳﺴﺔ .. ﻣﻮﺍﻓﻘﺘﻬﻢ ﺑﺘﻜﻮﻥ ﺻﻌﺒﺔ ﻭﻣﺴﻴﺨﺔ ..

ﻣﺤﺎﺳﻦ ﻗﺎﻟﺖ ﻟﻴﻬﺎ : ﺳﺒﺤﺎﻥ ﺍﻟﻠﻪ .. ﺩﻩ ﻧﻔﺲ ﺭﺍﻱ ﺑﺘﻚ .. ﺍﻧﺎ ﻟﻮ ﻣﺎﻗﺎﻋﺪه ﻣﻌﺎﻛﻢ ﻛﻨﺖ ﺍﻗﻮﻝ ﻣﺘﻮﺍﺻﻴﺎﺕ ..

ﺳﺘﻮ ﻗﺎﻟﺖ ﻟﻴﻬﺎ :  ﻫﺎﻙ ﻳﺎﻣﺤﺎﺳﻦ ﺍﻟﺘﻠﻔﻮﻥ .. ﺳﺮﻳﻊ ﺍﺗﺼﻠﻲ ﻋﻠﻴﻬﻮ .. ﻋﺸﺎﻥ ﻣﺎ ﻳﻐﻠﻂ ﻳﻔﺘﺢ ﻟﻴﻬﻢ ﺍﻟﻤﻮﺿﻮﻉ ﻫﺴﻲ ..

ﻗﺎﻟﺖ ﻟﻴﻬﺎ :  ﺣﺎﺿﺮ ﺍﻣﺮﻙ .. ﺷﺎﻟﺖ ﻣﻨﻬﺎ ﺍﻟﺘﻠﻔﻮﻥ .. ﻭﺍﺗﺼﻠﺖ ﻋﻠﻲ ﻣﻌﺘﺼﻢ ..

ﻗﺎﻟﺖ ﻟﻴﻬﻮ : ﻳﺎ ﻣﻌﺘﺼﻢ ﺍﻧﺖ ﻓﺘﺤﺖ ﺍﻟﻤﻮﺿﻮﻉ ﺩﻩ ﻟﺰﻭﻝ ﻣﻦ ﻧﺎﺱ ﺍﻟﺒﻴﺖ؟ 

ﻗﺎﻝ ﻟﻴﻬﺎ : ﻻﻻ ﻟﺴﻊ .. ﻟﻴﻪ ﻣﺎﻟﻚ ﻓﻲ ﺷﻨﻮ؟

ﻗﺎﻟﺖ ﻟﻴﻬﻮ : ﻣﺎﻓﻲ ﺍﻱ ﻣﺸﻜﻠﺔ .. ﺍﻟﻮﺿﻊ ﺗﻤﺎﻡ .. ﻭﺍﻟﺒﺖ ﻭﺍﻣﻬﺎ ﻣﻮﺍﻓﻘﻴﻦ ﺑﺲ ﻋﻨﺪﻫﻢ ﺷﺮﻁ .. ﺍﻧﻚ ﻣﺎﺗﻄﺮﺡ ﺍﻟﻤﻮﺿﻮﻉ ﺩﻩ ﻟﺰﻭﻝ ﻣﻦ ﺍﻫﻠﻚ ﻓﻲ ﺍﻟﻮﻛﺖ ﺍﻟﺤﺎﻟﻲ .. ﺍﻻ ﻫﻢ ﻳﺪﻭﻙ ﺧﺒﺮ ﺗﺎﻧﻲ ..

ﻣﻌﺘﺼﻢ ﻗﺎﻝ ﻟﻴﻬﺎ : ﺍﻧﺘﻲ ﺟﺎﺍﺍﺍﺍﺩﺓ؟ ﻛﻠﻤﺘﻴﻬﻦ؟ 

ﻗﺎﻟﺖ ﻟﻴﻬﻮ : ﺍﻱ ﻭﺍﻟﻠﻪ ﺯﻱ ﻣﺎ ﺍﻗﻮﻝ ..

 ﻗﺎﻝ ﻟﻴﻬﺎ : ﻭﺍﻟﻠﻪ ﺍﻧﺎ ﻣﺎﻋﺎﺭﻑ ﺍﺟﺎﺯﻳﻚ ﻛﻴﻒ .. ﺧﻼﺹ ﺧﻼﺹ .. ﺍﻫﺎ ﺍﻧﺎ ﺳﺎﻛﺖ .. ﻣﺎﺑﻘﻮﻝ ﻻﻱ ﺯﻭﻝ .. ﺍﻻ ﻫﻢ ﻳﺪﻭﻧﻲ ﺧﺒﺮ ﺗﻤﺎﻡ 

ﺧﻼﺹ ﻛﻠﻤﻴﻬﻦ ﻗﻮﻟﻲ ﻟﻴﻬﻦ .. ﻗﺎﻝ ﻣﺎ ﺡ ﻳﻔﺘﺢ ﺧﺸﻤﻮ ﻻﻱ ﺑﺸﺮ

ﻭﺍﻟﻠﻪ ﻣﻌﺘﺼﻢ ﺩﻩ ﻓﺮﺡ ﻓﺮﺣﺔ .. ﺭﻗﺪ ﻋﻠﻰ ﻗﻔﺎﻫﻮ .. ﻭﺑﻘﻰ ﻳﻌﺎﻳﻦ ﻟﻠﺴﻘﻒ ﻭﻳﺘﺒﺴﻢ ﺑﺮﺍﻫﻮ .. ﺑﺮﺍﺣﺔ ﻛﺪﺍ ﻗﺎﻝ .. ﻣﺎ ﺍﺣﻠﻰ ﺍﻧﻚ ﺗﻌﻴﺶ ﻋﻠﻰ ﺍﻣﻞ ﻃﻴﺐ ..

ﺑﺴﻴﻄﺔ ﻳﺎ ﻭﻓﺎﺀ ﺑﺖ ﻣﻴﻤﻮﻧﺔ .. ﺭﺑﻨﺎ ﺍﻛﺮﻡ ﻣﻨﻜﻢ ..

ﻣﺤﺎﺳﻦ ﺑﻌﺪ ﻗﻔﻠﺖ ﻣﻨﻮ ﺍﻟﺘﻠﻔﻮﻥ .. 

ﻗﺎﻟﺖ ﻟﻲ ﺳﺘﻮ :: ﺧﻼﺹ ﻳﺎﺳﺘﻮ .. ﻛﻠﻤﺘﻮ ﻭﺍﻟﻮﺿﻊ ﺗﺤﺖ ﺍﻟﺴﻴﻄﺮﺓ .. 

ﻗﺎﻟﺖ ﻟﻴﻬﺎ : ﻛﻼﻡ ﺳﻤﺢ ﻭﺍﻟﺒﺴﻮﻳﻬﻮ ﺭﺑﻨﺎ ﺧﻴﺮ ..

ﻛﺪﻱ ﻫﺴﻊ ﺧﻠﻴﻬﺎ ﻣﻠﻜﺔ ﻣﻮﺿﻮﻋﻬﺎ ﺳﺎﻫﻞ .. ﺗﻌﺎﻟﻲ ﺷﻮﻓﻲ ﺣﺎﻟﺔ ﺍﻣﻬﺎ ﺍﻟﻤﻌﻘﺪﺓ .. ﻭﻟﻐﺰﻫﺎ ﺍﻟﻤﺎﺑﺘﺤﻞ .. 

ﻗﺎﻟﺖ ﻟﻴﻬﺎ :  ﻗﻮﻟﻲ ﺍﻧﺎ ﻣﻌﺎﻙ ..

ﻗﺎﻟﺖ ﻟﻴﻬﺎ : ﻃﺒﻌﺎ" ﺟﺪﻭ ﺍﺗﺼﻞ ﻋﻠﻲ .. ﻭﻗﺎﻝ ﻟﻲ ﻣﺮﺳﻞ ﻟﻴﻜﻢ ﻗﺮﻭﺵ .. ﻣﻊ ﺍﻟﺼﺪﻳﻖ ﻭﺩ ﺍﻟﺴﻴﺪ .. ﻭﺍﻟﺼﺪﻳﻖ ﺑﺠﻲ ﺑﺎﻛﺮ ﻭﻻ ﺑﻌﺪ ﺑﺎﻛﺮ ..

ﻭﻃﺒﻌﺎ" ﺟﺪﻭ ﻣﺎﻋﺎﺭﻑ ﺍﻱ ﺷﻲ ﻋﻦ ﺗﺎﺭﻳﺦ ﻣﺎﺿﻴﻨﺎ .. ﻋﺸﺎﻥ ﻛﺪﺍ ﺣﺒﻴﺒﻲ ﻣﻌﺘﺒﺮ ﺍﻟﺰﻭﻝ ﺑﺲ ﺻﺎﺣﺐ ﺍﺑﻮﻫﻮ .. ﻣﺎ ﺍﻛﺘﺮ ﻭﻻ ﺍﻗﻞ ..

ﻭﻻﺑﺪ ﺍﻧﻮ ﻳﻌﺮﻑ ﺍﻟﺤﺎﺻﻞ .. ﻭﻣﺎﻋﺎﺭﻓﺎﻫﻮ ﺑﻌﺪ ﻳﻌﺮﻑ ﺭﺩﺓ ﻓﻌﻠﻮ ﺑﺘﻜﻮﻥ ﺷﻨﻮ؟

ﻭﺍﻟﻠﻪ ﺍﻧﺎ ﻳﺎ ﻣﺤﺎﺳﻦ ﺍﻟﺰﻭﻝ ﺍﻻﺳﻤﻮ ﺍﻟﺼﺪﻳﻖ ﺩﻩ .. ﺧﺎﻳﻔﺎﻫﻮ ﻳﻠﺨﺒﻂ ﻋﻠﻲ ﺣﻴﺎﺗﻲ .. ﻭﻳﺒﻌﺪ ﻣﻨﻲ ﺍﻭﻻﺩﻱ .. ﻭﺍﻟﻠﻪ ﺧﺎﻳﻔﺔ ﻭﺍﻟﺨﻮﻑ ﻗﺎﻃﻊ ﻗﻠﺒﻲ ..

ﻣﺤﺎﺳﻦ ﻗﺎﻟﺖ ﻟﻴﻬﺎ :  ﺍﻭﻝ ﺣﺎﺟﺔ ﻳﺎ ﺳﺘﻮ .. ﺍﻧﺘﻲ ﻣﺎﻗﺎﻋﺪﺓ ﺗﺴﻮﻱ ﻓﻲ ﻏﻠﻂ .. ﻭﺍﻟﻐﻠﻂ ﺣﺎﺷﺎﻙ .. ﻭﺑﻌﺪﻳﻦ ﺟﺪﻭ ﺯﻭﻝ ﻓﺎﻫﻢ  ﻭﺯﻭﻝ ﻭﺍﻋﻲ .. ﻭﻣﺎﻋﻨﺪﻭ ﻣﺸﻜﻠﺔ .. ﺍﻧﺘﻲ ﻗﺎﻳﻼﻫﻮ ﻣﻦ ﺍﻟﻨﺎﺱ ﺍﻟﻤﺘﺨﻠﻔﻴﻦ ؟ .. 

ﺳﺘﻮ ﻗﺎﻟﺖ ﻟﻴﻬﺎ :  ﺩﻩ ﻭﻟﺪﻱ ﻭﺍﻧﺎ ﺑﻌﺮﻓﻮ .. ﻭﺍﻟﻠﻪ ﻳﺴﻤﻊ ﺑﺤﻜﺎﻳﺔ ﺯﻱ ﺩﻱ .. ﺍﺣﺘﻤﺎﻝ ﻳﻄﻔﺶ ﻣﻦ ﺍﻟﺒﻠﺪ .. ﺧﺼﻮﺻﺎ" ﻟﻮ ﺍﻛﺘﺸﻒ ﺍﻧﻮ ﺍﻟﺼﺪﻳﻖ ﺳﺎﻗﻮ ﺍﻟﺪﻫﺐ ﻋﺸﺎﻥ ﺑﺤﺐ ﺍﻣﻮ .. ﺍﺳﻜﺘﻲ ﺍﺳﻜﺘﻲ ﻣﺎﻙ ﻋﺎﺭﻑ ﺍﻟﺒﺤﺼﻞ ..

ﻭﻋﺸﺎﻥ ﻛﺪﺍ ﺍﻧﺎ ﻫﺴﻲ ﻗﺮﺭﺕ ﺍﻧﻮ ﺻﺪﻳﻖ ﺩﻩ .. ﻟﻤﻦ ﻳﺠﻲ ﻫﻨﺎ ..

ﺍﻧﺎ ﻣﺎﺡ ﺍﻗﺎﺑﻠﻮ ..

ﻗﺎﻟﺖ ﻟﻴﻬﺎ ::ﻟﻜﻦ ﺍﻧﺘﻲ ﻳﺎﺳﺘﻮ ﺍﻟﺰﻭﻝ ﺩﻩ ﻭﺍﻟﻠﻪ ﻟﺴﻪ ﻣﺴﻴﻄﺮﻋﻠﻰ ﻗﻠﺒﻚ ..

 ﻗﺎﻟﺖ ﻟﻴﻬﺎ :  ﺍﻧﺎ ﻣﺎﺑﻨﻜﺮ .. ﻭﺍﻟﻠﻪ ﺯﻱ ﺍﻟﻜﺎﻧﻮ ﻛﺎﻥ ﻓﻲ ﺯﻭﻝ ﺟﻮﺍﻱ ﻣﻴﺖ .. ﻛﻞ ﺍﻟﺴﻨﻴﻦ ﺩﻱ ﻭﻓﺠﺄﺓ ﺟﺄ ﺯﻭﻝ ﺻﺤﺎﻫﻮ .. ﻭﻗﺎﻡ ﻳﺼﺮﺥ ﻭﻳﻜﻮﺭﻙ .. ﻭﺩﻱ ﺣﺎﺟﺔ ﻭﺍﻟﻠﻪ ﻣﺎﺑﻴﺪﻱ .. ﻭﻣﺎﻋﺎﺭﻓﺎﻫﺎ ﺫﺍﺗﻮ ﺣﺼﻠﺖ ﻛﻴﻒ .. ﻣﻦ ﻳﻮﻣﻮ ﺍﻟﺠﺎ ﻓﻲ ﺑﻴﺘﻨﺎ ﻋﺸﺎﻥ ﻳﻌﺰﻳﻨﺎ .. ﺍﻧﺎ ﺭﺟﻌﺖ ﻟﻲ ﻧﻔﺲ ﺍﻟﺤﺎﻟﺔ ﺍﻟﻘﺒﻞ ﻛﻢ ﻭﻋﺸﺮﻳﻦ ﺳﻨﺔ ..

ﻟﻜﻦ ﺍﻧﺎ ﺍﻣﻚ ﻳﺎﺟﺪﻭ .. ﻭﺍﻟﻠﻪ ﻣﺎﺑﻀﻌﻒ .. ﺑﺲ ﻋﺸﺎﻥ ﺍﻭﻻﺩﻱ .. ﺍﻧﺎ ﺍﻟﺼﺪﻳﻖ ﻣﺎﺡ ﺍﻗﺎﺑﻠﻮ .. ﻭﺩﻩ آﺧﺮ ﻛﻼﻡ ﻋﻨﺪﻱ ....

           البارت السادس عشر من هنا 

   لقراءة جميع حلقات القصه من هنا

تعديل المقال