رواية اعمي ولكن
الفصل الخامس والعشرون 25 والسادس والعشرون 26 والاخير
بقلم اسراء محمود
الفصل الخامس والعشرون
" الحب .. كل حاجه في حياتنا مرتبطه بالحب .. لو بنحب بنلاقي نفسنا تلقائي وشنا بينور والضحكه بتترسم علي وشوشنا وعيونا بتلمع .. ضربات قلبنا بتزيد وبنحس بأننا مبسوطين لدرجه اننا بننسي اي وجع فات .. الحب بيخلينا نعمل حاجات كنا بنقول مستحيل نعملها بس الحب مفيهوش مستحيل .. الحب بيخلينا نحب عيوب الشخص اللي بنحبه قبل مميزاته .. هو دا لذة الحب بس علشان تحسي بالشعور دا لازم تبقي عارفه انك زي ما هتدوقي لذته هتدوقي وجعه ومره .. بس لو قدرتي تتغلبي علي الوجع دا وتعدي بكل حاجه وانتي لسه قلبك بيدق وبيحب الشخص دا هتعرفي يعني ايه حب فعلا "
سما بتتسامه .. طيب مش هدخلنا ونكلم جوا ولا هنفضل قدام الباب كدا كتير .
مازن بتوتر .. طبعا اتفضلوا .
ادهم .. هتوريني اوضتك صح يا عمو مازن وهنلعب بلايستيشن مع بعض .
مازن .. هعملك كل اللي انت عايزه بس استوعب اللي بيحصل .
اقتربت والدة مازن واحتضنت سما ببتسامه .. اتاخرتي لدرجة اني افتكرتك تراجعتي .
نظرت سما نحوه ببتسامه .. مقدرتش مجيش .
والدة مازن .. كنت عارفه انك هتيجي انا هخش انا وادهم نجهز السفره سوا ايه رايك يا ادهومي .
ادهم .. اتفقنا .
ركض ادهم مع والدة مازن ليحضروا السفره .
سما .. دقنك طولت اووي وعايزة تتحلق .
مازن .. وحشتيني .
سما .. محاولتش ليه تيجي .. طالما وحشتك .
مازن .. خوفت .
سما باستغراب .. خوفت .
مازن .. خوفت اتجرح اكتر يا سما خوفت ترفضيني .. يوم سافرك انا جيت تحت البيت بس مقدرتش اطلع كنت مجروح اووي من رفضك ليا .. مكونتش مستعد انك ترفضيني تاني .
سما .. مكونتش هرفضك انا كنت محتاجاك اووي يا مازن كنت محتاجه اتسند علي حد كنت تايهه توهت الحب ديه وحشه اووي انك تبقا حاسس انك تايه مش عارف رايح فين ولا جاي منين مش عارف انت عايز ايه .. كنت محتاجه حد يطمني حد يقولي ان ادهم هيشوف تاني وهيبقا زيه زي اي طفل .
مازن .. انا اسف .. اسف اووي اني مجتش .
سما .. مش مهم مين اللي بدأ المهم نكون سوا منسبش بعض تاني .
مازن .. وعد مش هسيبك ابدا مش هبعد عنك تاني حتي يلا بسرعه نجوز نحدد معاد الفرح وكتب الكتاب .
سما .. ايه سلق البيض دا .. دا جنان .
مازن .. لازم نتجنن .
سما .. بس .
مازن .. انا يامن اتصل بيا وعزمني علي فرحه هو وليان ايه رايك اكلمه ويبقا فرحي انا وانتي كمان
ابتسمت سما .. موافقه .
خرجت والدة مازن من المطبخ .. اقول مبروك .
مازن .. ايوة فرحنا هيبقا اخر الشهر مع يامن وليان .
زغرطت والدة مازن وابتسم ادهم .
ادهم .. يعني انت هتكون معانا علي طول .
مازن .. ايوة يا حبيبي ومش هبعد عنكم تاني .
احتضنه ادهم .. انا بحبك اووي .
مازن وهو يغمز الي سما .. وانا كمان بحبك اووي .
" العتاب الطيف اللي بنعاتبه لناس اللي بنحبهم بيكون هو الطف طريقه للصلح .. وعلشان كدا هي مش بتكون لأي حد هي لناس اللي بنحبهم وبس "
كانت تجلس في مكتبها تتحدث مع ليان .
ندي .. مش هينفع انزل يا ليان .
ليان .. دا فرحي انا وسما يا ندي هتسبينا كدا لوحدنا .
بدمعه فرت من جفونها .. والله علي عيني اني مجيش واقف معاكم بس صدقيني مش هقدر استحمل اني اشوفه قدامي ومع واحده تانيه .
ليان .. ندي .. جاسم اتغير اتغير اووي .. لو شوفتيه هتحسي ان قدامك واحد تاني خالص .. جاسم فاق ورجع لربنا .
ندي ..وانا محتاجه افوق يا ليان محتاجه اخد وقتي .. محتاجه انجح واحقق ذاتي محتاجه احس اني مش مربوطه بيه واني اقدر اكون سعيده لوحدي .. محتاجه احس ان كرامتي رجعتلي .. محتاجه القي نفسي اللي تايهه .. اسف مش هقدر اجي .
ليان .. وانا مش هضغط عليكي انا فاهمه اللي بتمري بيه ومقدره هبعتلك صور الفرح كلها وهنكلمك كول نوريكي الفساتين اول واحده والميكيب كمان كأنك معانا .
ندي .. خلاص اتفقنا .
ليان .. سلام يا روحي .
اغلقت ليان مع ندي .
دخل كريم الغرفه دون استئذان .
ندي .. انت مبقتش شايف الباب انا بقول اشيلوا احسن خالص .
كريم .. مش مهم الباب دلوقتي المهم اني وقعت ومحدش سماء عليا .
ندي .. وقعت .. شكل الموضوع في ميار .
كريم .. مبقتش قادر يا ندي بحبها .. بحبها يا ناس .
ندي .. طيب روح قولها صراحها بدل ما انت قاعد تصارحني انا .
كريم .. باجي قدامها بحس اني نسيت الكلام ومبعرفش اجمع جمله واحده اقولها .
ندي .. طبيعي دا الحب بس لازم تاخد خطوه بدل ما ضيع منك .
كريم .. علي جثتي انها تكون لغيري .
ندي .. خلاص يبقا روح قولها ميار انا بحبك .. سهله .
كريم .. وافرضي قالتلي انها مبتحبنيش .
ندي .. يبقا انت عرفت انها مش بتحبك وهتقدر تكمل حياتك وهتقنع قلبك انه ينسها لان مفيش اختيار تاني .. بس انك تفضل بتحب حد وانت مش عارف الشخص دا بيحبك ولا لا دا وجع ملهوش نهايه ..
كريم .. عندك حق .. طيب اعمل ايه بردو .
ندي .. يا اختي ..... خلاص سبلي الحوار دا ليا هظبطلك يوم في مكان كويس علي بكره كدا وانت روح عرفها يلا بس بطريقه شيك .
كريم .. اشطا .. انا مش عارف اشكرك ازاي .
ندي .. بطل هبل يا بني مفيش شكر بينا .
خرج كريم وهو متحمس .. اما ندي فاتصلت بمطعم ما وحجزت لهم ترابيزه .
عند جاسم ونانسي .
كانوا ينظروا الي صورة ابنهم في السنار بحب .
الدكتور .. مبروك البيبي ولد .
ابتسم جاسم .. الحمد لله .. ولد او بنت كلهم نعمه من ربنا .
نظرت نانسي الي البيبي بصمت دون ان تعلق .
نانسي .. ممكن صوره ليه .
الدكتور .. اه طبعا اتفضلي .
نانسي .. جاسم ممكن نجيب برواز واحنا ماشيين ونحط صورة ابننا فيها .
جاسم .. ممكن طبعا .
خرجوا من عند الطبيب ونانسي صامته تنظر الي صورة طفلها بحب وحنان وشوق .
جاسم .. هنروح المول نختار ليكي فستان للفرح .
نانسي .. مش فارقه .
جاسم .. هو انتي زعلانه مني .
نانسي .. ابدًا انا مبقدرش ازعل منك .
جاسم .. اومال مالك ساكته ليه .
نانسي .. لا عادي مفيش .
جاسم .. طيب ايه رايك نروح السينما وبعدين نجيب الفستان ممكن ساعتها تفكي شويه .
نانسي ببتسامه .. تمام .
نزلت ليان درجات السلم وجدت والدها يتكلم في الهاتف بسريه في ويضحك .
اقتربت منه ببطء .. اقفش بتعاكس في التيليفونات يا عاصم باشا .
اتخض عاصم ووقع منه الهاتف .. ايه يا بنت المجنونه في ايه .
ليان .. بتكلم مين في التيليفون يا عاصم باشا .
توتر عاصم .. محدش .
اقتربت ليان وامسكت الهاتف ونظرت فيه وجدت انه كان يتحدث مع كوثر .
ليان .. لا دا لازم اقعده بقا .. كنت بتكلم ماما كوثر ليه .
عاصم .. احم .. اصل .. كوثر .. يعني .
ليان .. حبتها يا بابا .
عاصم .. مش كدا يا بنتي انا في سني دا محتاج واحده تعيش معايا تكمل معايا الباقي من عمري انتي كنتي ماليه عليا البيت بس انتي ويامن هتجوزوا وهفضل انا لوحدي وهي كمان يا بنتي حاسه بالوحده .. ومعرفش فجأه حسيت ان في كيمياء بينا
احنا قولنا نكلمكم في الموضوع ولو رفضتوا خلاص يا بنتي احنا هنعمل اللي يريحكم .
ليان .. وانا مش رافضه يا بابا انا عارفه انت عشت قد ايه من غير ماما وقد ايه اهتميت بيا طول الفتره اللي فاتت وبنفسيتي واكيد مش هرفض حاجه زي كدا بالعكس انا فرحنالك .
عاصم .. بجد يا حبيبتي .
احتضنته ليان .. بجد يا حبيبي كلم بقا ماما كوثر عرفها تلاقيها قلقت لما قفلت في وشها بسرعه كدا .
عاصم .. تمام يا حبيبتي .
صعدت ليان الي غرفتها واخذت تضحك علي مراهقه والدها .
سمعت صوت هاتفها وكان المتصل يامن .
يامن .. بتضحكي علي ايه .
ليان .. مفيش ومن ثم ضحكت مره اخري .
يامن .. لا عايز اعرف .
ليان .. اكيد ماما كوثر هتعرفك النهاردة .
يامن .. هتعرفني ايه .
ليان .. احم .. اعرف منها احسن .
يامن .. قولي يا ليان اخلصي .
ليان .. طيب كون هادي .
يامن .. اشطا .
ليان .. بابا وماما كوثر بيحبوا بعض .. واحم عايزين يجوزوا .
يامن بصدمه .. نعم .
ليان .. اه والله لسه بابا قايلي .
ضحك يامن .. لا بجد بتكلمي جد .
ليان .. اه والله .
يامن .. وانتي عملتي ايه .
ليان .. مرفضتش بالعكس فرحتلهم هما محتاجين يكونوا مع بعض .
يامن .. عندك حق هما محتاجين يكملوا حياتهم سوا .
اغلقت ليان مع يامن .
" الحب .. ملهوش سن معين .. ممكن نحس بالحب بعد عمر طويل واحنا فاكرين ان خلاص المرحله ديه انتهت .. وفجاه نلاقيه قلوبنا بتدق وبنبقا زي المراهقين " .
يوم الفرح ..
استيقظت ليان بتتسامه مشرقه وعيون لامعه واخذت تتذكر اول مقابله بينها وبين يامن .
فلاش باك .
ليان ..اسمه ايه؟
المديرة ..يامن .
ذهبت ليان إلي هذه الغرفه ويوجد لديها فضول لتتعرف على الحاله الجديدة وتعرف قصتها.
طرقت ليان باب الغرفة.
يامن ..اتفضل.
دخلت ليان الغرفه واقتربت منه بدهشه من وسامته وجمال عينيه التي سحرتها من اول نظرة عضلاته المفتوله وشعرة المنمق وجسده الرياضي وأناقته التي تدل انه غير محتاج لجمعيتها.
يامن ..احم حضرتك هتفضلي تبصيلي كتير بإعجاب.
ليان باحراج..اسفه بس مستغربه انك جيت الجمعيه وباين على حضرتك انك يعني مش محتاج.
يامن بحده ..بتهيألى دا سؤال شخصي وبردو اعرف ان حضرتك مش جايه تطرديني يعني.
ليان بإحراج..اكيد لا يعني...بس انا مش فاهمه بتتكلم معايا بالطريقه ديه ليه؟؟...كأنك مش قابل النقاش.
يامن بحده .. وانتى مين اصلا علشان احكيلك عن حياتى؟؟.....اعرفك منين انا هو انتى بتستجوبيني؟؟
ليان ودموعها بدأت تتجمع فى عينيها ..اكيد لا يعني مش بستجوبك بس انا ليان صاحبة الجمعيه ديه ومن شغلى انى اعرف كل حاجه عن حياتك علشان اعرف اساعدك وبعدين ليه حضرتك بتكلمنى بالأسلوب دا؟؟!
يامن بعصبيه.. علشان انا معرفكيش ومش حابب احكيلك حياتي انا مكونتش تلميذ عندك علشان تستجوبيني.
ليان ودموعها انسابت من عينيها ..انا اسفه انى أدخلت فى حياتك او ضايقتك.
وخرجت ليان تجري من الغرفة وعينيها مليئة بالدموع
انتهي الفلاش باك .
اخذت تضحك وهي تتذكر اول مقابله بينهم .. نزلت درجات السلم .
الداده .. هتوحشيني اووي يا بنتي .
ليان .. ومين قالك اني هبعد عنك ثانيه هتلاقيني كل يومين هنا .. انا مقدرش ابعد عن اكلك .
الدادة .. ربنا يحفظكم يا بنتي لبعض ويرزقكم بالذرية الصالحه .
ليان .. يارب يا داده يارب .
ثم أكملت .. اوومال فين العريس الأساسي .
الداده .. فوق بيجهز .
صعدت الي غرفة والدها وطرقت الباب بخفه حتي سمح لها بدخول فادلفت .. شكلك هتاكل مني الجو النهاردة .
عاصم .. ابدًا والله انتي هتكوني اميرة النهاردة متعرفيش قد ايه نفسي اخدك في حضني ومخرجكيش منه ابدًا انتي بنوتي اللي لسه كانت بتجري ورايا في الفيلا .. الي لسه شايفها طفله في عيوني .. مش مصدق ان جه اليوم اللي نفترق فيه بسرعه اووي .
ليان وهي تحضتنه .. بس احنا مش هنفترق اكيد انا ويامن هنيجي كتير ونبات كمان بس يارب انت وماما كوثر تستحملونا .
عاصم .. بس كدا تيجي وتشرفوا دا ياريت تقعدوا معانا خالص .. بس انا مش عايز اضغط عليكم علشان تاخدوا راحتكم يا بنتي .
ابتسمت ليان وقبلته .. انا لازم انزل بس قولت اصبح عليكي انا هروح علي الفندق حاجتي هناك من امبارح هستناك بليل بقا .
عاصم .. تمام يا حبيبتي خودي بالك من نفسك .
ليان .. حاضر يا حبيبي .
نزلت ليان ووجدت يامن يقف امام الفيلا بانتظارها .
ليان .. ايه اللي جابك .
يامن .. ايه دا .. انتي مكونتيش عايزه تشوفيني ولا ايه يا هانم .
ليان .. يعني .. ما انا كدا كدا هبقا معاك علي طول .
يامن .. ومينفعش النهاردة تروحي لوحدك وبعدين ما احنا نفس الطريق والاوض جمب بعض .
ليان .. بردو الدادة كانت بتقولي ان العريس مينفعش يشوف العروسه قبل الفرح فال وحش .
يامن .. انتي بتصدقي في الكلام دا يلا اركبي .
ركبت ليان السياره واخذوا يضحكوا ويتحدثوا حتي وصلوا امام الفندق .
في المساء كانت ليان ممسكه بالهاتف وسما بجانبها .
ليان .. هااا ايه رايك في الفساتين وفي شكلي .
ندي بصدمه .. انتي تحجبتي .
ليان .. الموضوع كان في دماغي بقالوا فتره بس قولت ابدا حياتي بحاجه ترضي ربنا .
ندي .. شكلكم حلو اووي ما شاء الله ربنا يحفظكم من العين .
سما .. بس مش مسمحاكي علي عدم مجيك دا .
ندي .. قولت غصب عني بقا .
ليان .. طيب احنا لازم نقفل بابا بيخبط علي الباب علشان ننزل .
ندي .. طيب يا حبايبي اتبسطوا بحبكم اووي .
ليان وسما .. واحنا بنحبك اووي .
اغلقت ليان مع ندي وفتحت الباب الي والدها الذي وقف يتأمل هياتها الجديده .
ليان بخوف .. شكلي وحش .
قبلها والدها من رأسها .. شكلك زي القمر ملاك في الحجاب .
ليان .. بجد يا بابا .
عاصم .. بجد يا روح بابا .. يلا ننزل يا بناتي .
ومن ثم اقترب وامسك يد سما ووضعها في يده وفي اليد الاخر يد ليان .
عاصم .. متستغربيش انتي كمان بنتي .
ابتسمت سما له بحب .
نزل بهم الدرج كان مازن يقف وهو ممسك بيد ادهم و يامن يقف وهو ممسك بيد والدته كوثر .. وجاسم يقف مع نانسي ينظر لهم .
وقف يامن مندهش من هاية ليان ولكن ابتسم بفرح واخذ يدها وقبلها بحب .
يامن .. بقيتي احلي من الاول بالحجاب .
ليان .. يعني عجبتك .
يامن .. الا عجبتيني .. بحبك .
ابتسمت ليان .. وانا بموت فيك .
اقترب مازن وامسك بيد سما بحب .
مازن .. ايه الجمال دا .
سما .. اتلم لحد ما نكتب الكتاب .
مازن .. ما اهو المازون هناك وهنكتب اهو ارحميني شويه .
سما .. ولو .
اقترب ادهم من والدته وقبلها .. شكلك حلو اووي يا ماما .
سما .. وانت زي القمر .
اما عند عاصم وكوثر .
عاصم .. انا قولتلك قبل كدا بحبك .
كوثر بخجل .. لا مش فاكره .
عاصم .. طيب بحبك .
ابتسمت كوثر .. طيب يلا نشوف الولاد .
عاصم .. ما تسيبك شويه من الولاد وركزي معايا شويه .
كوثر .. بعد ما نطمن علي الولاد طيب .
عاصم .. واحنا كمان هنجوز مين بقا هيطمن علينا .
كوثر .. طيب بس لاحسن حد يسمعنا .
عاصم .. هو احنا بنعمل حاجه غلط .
كوثر .. لا بس بردو عيب .
عاصم .. طيب تعالي نكتب الكتاب المازون اهو هناك يلا .
وتم كتب كتاب يامن وليان و عاصم و كوثر و مازن و سما .
وبدأت اول رقصتهم سويًا .
يامن .. فاكره اول مره قولتلك بحبك .
ليان .. وعمري ما هنسها .
فلاش باك .
كوثر.. يامن دايما بيروح الجمعيه ودلوقتي عرفت ليه.
ليان بخجل ..يامن كمان بيساعدني كتير في شغل الجمعيه .
امسك يامن يد ليان وقبلها..انتي اللي دايما بتساعديني دايما بتخرجيني من الضلمه اللي انا فيها غيرتيلي حياتي يا ليان حياتي قبلك مكانش ليها معني دلوقتي في سبب كبير يخليني اعيش واكمل حياتي وهو انتي .
أدمعت اعين ليان ..انت اللي غيرتني يا يامن ..انا كونت شايفه ان الدنيا دايما بتاخد مني كل حاجه حلوة ومبتديش غير الوحش بس انت كونت اول حاجه حلوة الدنيا تدهاني.
اما كوثر فاعلمت ان ابنها وقع في الحب تمنت أن يدوم حبهم .
كوثر ..طيب ايه مفيش خبر حلو .
ليان ..خبر ايه .
كوثر..يعني خطوبه فرح اي حاجه نفرح بيكم بقا .
خجلت ليان كثيرا..عن اذنك يا طنط هروح الحمام .
اتجهت ليان سريعا الي الخارج من الخجل اقتربت كوثر من يامن .
كوثر..بتحبها .
يامن ..معرفش .
كوثر ..يعني ايه متعرفش اومال الكلام دا كله لمين.
يامن ..خايف.
كوثر ..من ايه .
يامن ..خايف تسبني خايف تحس بالعجز معايا انتي مش شايفه حالتي عامله ازاي هي ليه تحب واحد عاجز زي وهي ممكن تحب واحد احسن مني مليون مره ...
قطعه صوت ليان ..بس انا حبيتك انت يا يامن ..وانت مش عاجز ..انا حباك كدا من غير أسباب حبه ظروفك حبه اني اكون جنبك علي طول مش مهم الناس مش مهم اي حاجه المهم انت ...انت وبس .
صدم يامن من كلام ليان الجمت لسانه ولم يستطيع الرد عليها .
انتهي الفلاش باك .
ليان .. ساعتها انا اللي قولتلك وانت سكت .
يامن .. اتصدمت انك بتبدليني نفس المشاعر .
ليان .. من اول يوم وانا بحبك وفي حاجه جوايا اتحركتلك .
احتضنها يامن .. وانا من اول مره شوفتك كان نفسي تفضلي معايا علي طول مكونتش عارف اعمل ايه .
ليان .. ودلوقتي بقينا مع بعض .
يامن .. ومش هنبعد عن بعض تاني .
ابتسمت ليان له وهو بدلها الابتسامه .
سما .. انا مبسوطه اووي يا مازن .
مازن .. انا اهم حاجه عندي انتي وادهم .
سما .. بتحبني لدرجاتي .
مازن .. لسه بتسالي انا بدمنك يا سما .
سما .. ربنا يخليك ليا .
مازن .. ويخليكي ليا يا روحي .
انتهي اليوم وكل من العرسان صعد الي جناحه الخاص .
#الفصل_٢٦_الاخير
الفصل الأخير
" كل بدايه وليها نهايه .. الفكره في ان مش لازم كل النهايات تبقا سعيده ولا كلها لازم تكون حزينه .. بس الللي لازم نعرفه ان مفيش سعاده دايمه ولا حزن دايم هي كدا الحياه .. شويه حلوه وشويه بتسود في وشنا بس بيكون في بصيص نور بسيط بيرجع ينور حياتنا "
بعد مرور خمس أعوام . . .
كان يقف أمام المقابر ممسك بيد ابنه ينظر الي قبرها بحزن بالغ .. نعم هو لم يقدر علي حبها او ان يبادلها نفس المشاعر ولكن كان يود بأن تظل معهم تظل بجانب ابنها سقطت منه دمعه وهو يتذكر يوم وفاتها وهو يوم ولادة ابنه .
فلاش باك .
كان ينام في غرفته استيقظ علي صوت صريخها الذي يهز البيت ركض نحوها ..
جاسم بقلق .. نانسي مالك .
نانسي بتاوه ودموع .. بولد يا جاسم .. مش قادره يا جاسم مش قادره ..
جاسم .. طيب اهدي بس دلوقتي هنروح المستشفي وهتبقي بخير .
نانسي بصريخ .. بسرعه يا جاسم .
البسها جاسم اسدلها ومت ثم حملها ونزل بها نحو السياره كان يقود بأقصى سرعه وهو يحاول تهدأتها .
وصل بها امام المشفي حملها وركض بها الي الداخل .
جاسم بصريخ .. حد يلحقنا مراتي بتولد .
اقترب منهم الممرضيين بتروله ووضعوها عليها .
امسكت نانسي بيده .. ابني أمانه عندك .. ايوة انت ابوه واكيد هتاخد بالك منه .. بس علشان خاطري متحسسهوش انه يتيم .
جاسم بدموع .. متقوليش كدا هتبقي كويسه صدقيني .
نانسي بدموع .. هتوحشني يا جاسم .
دخل بها الدكاتره الي غرفة العمليات وجاسم يقف عاجز بعد دقائق كان يقف معه يامن وليان الذين يحاولان تهدأته .
يامن .. اهدي يا جاسم مش كدا هتبقا كويسه .
جاسم بعصبيه .. اتاخروا ليه بقالهم ساعه جوا ليه كل دا .
خرجت الممرضه تركض من غرفه العمليات اوقفها جاسم .
جاسم .. في ايه بتجري ليه .
الممرضه .. المريضه فقدت دم كتير محتاجين دم بسرعه .
ركضت الممرضه نحو غرفة بنك الدم وجاسم يجلس بعجز وشرود توقف عند خروج الطبيب وهو يحمل الطفل .
جاسم .. هاا يا دكتور طمني نانسي عامله ايه .
الدكتور .. البيبي كويس وصحته كويسه .. لكن المدام تعيش انت .
امسكه جاسم من البالطو .. يعني ايه ماتت يعني ايه .
الطبيب .. ممكن حضرتك تهدأ انا مقدر الصدمه اللي حضرتك فيها بس المفروض حضرتك تكون جاهز لحاجه زي ديه .
جاسم .. ليه اكون جاهز ما كل الستات بتولد وبيحصلش ليهم حاجه .
الدكتور .. بس اللي في حالة مدام نانسي بيبقا معروف نسبة انهم يعيشوا بعد الولادة قليله وممكن مستحيله .
جاسم .. قصدك ايه .
الدكتور .. مدام نانسي عندها عضلات القلب ضعيفه متسحملش وجع الولادة .
جاسم .. عضلات قلب ايه اللي ضعيفه وانا ليه معرفش حاجع زي كدا .. ونانسي كان ليها علم ب دا .
الدكتور .. ايوة جاسم باشا مدام نانسي عارفه من اول يوم واصرت انها تكمل حمل بس مكونتش اعرف انك معندكش علم بالموضوع .
سقط جاسم علي الكرسي ودموعه تتساقط منه اما ليان فاقتربت واخذت الطفل واحتضانته بحب ودموعها تتساقط علي هذا الطفل المسكين الذي حكم عليه بأن يولد بدون ام .
جاسم .. ممكن اشوفها .
الدكتور .. طبعا اتفضل بس حضرتك لازم تكون هادي .
وافق جاسم حمل ابنه ودخل الي غرفة العمليات وهو ينظر إليها وهي صامته بلا حركه .
جاسم .. ليه سبتينا يا نانسي ليه عملتي كدا في نفسك ليه .. انا مستاهلش كل دا مستاهلش تضحيتك ديه يا نانسي مستاهلش حبك ليا دا كله .. ثم قرب طفلهم منها .. ابننا اهو قومي احضنيه وشمي ريحته .. انتي كنتي بتحلمي باليوم دا قومي يا نانسي قومي .
دخل يامن وهو يحاول ان يسند صديقه .
جاسم .. ليه كل اللي بيحبوني باذيهم لحد ما يسبوني ليه كل اللي بيحبوني مستاهلش حبهم ليه يا يامن ليه .
يامن .. اهدي يا صاحبي لازم تقوي علشان تعرف تربي ابنك هو محتاجك دلوقتي اووي .
خرج جاسم مع يامن وهو يحمل طفله .
اما يامن فاذهب ليجهز إجراءات الدفن .
انتهي الفلاش باك .
نظر جاسم اللي ابنه .. سلم علي ماما يا ليث .
ليث ببراءه .. وهي هتسمعني .
جاسم .. اه هتسمعك يا حبيبي .
ليث .. مامي انتي حلوه اووي .. بابي وراني صورك كنتي حلوه .. انا بحبك اووي يا مامي .. بابي قالي اني مزعلش .. علشان انتي في الجنه وعند ربنا .. مش هي عند ربنا يا بابي .
جاسم .. ايوة يا روح بابي .
ليث .. طيب وانا امتي هروح عند ربنا .
سقطت دمعه من جاسم و اقترب من ابنه .. وانت عايز تسبني يا ليث .
ليث .. لا يا بابي متزعلش .. انا بس مامي وحشتني .
جاسم .. لما عمرنا هينتهي يا حبيبي هنروح عند ربنا .
ليث .. وهينتهي امتي .
جاسم .. منعرفش يا حبيبي ربنا بس اللي عارف .. يلا ودع ماما علشان نمشي .
ليث .. باي يا مامي .
خرج جاسم وهو ممسك بيد ابنه وركب السياره .
كانت تجلس تنظر اليهم بحب تحتويهم بنظراتها .
وهي تري ابنها يلعب مع مازن وابنتها تحبو نحوها .
مازن .. يلا شوط في الجون علي طول يلا .
ادهم .. هكسبك يا راجل يا عجوز انت .
مازن .. بس بس دا انت مش عارف حتي تشوط يا بني دا الكوره معاك والمرمي قدامك .
ادهم .. بلاش افكرك اني كسبتك آخر مره ٦ / ٢ .
مازن ... احم .. انت لسه فاكر .
ادهم .. وديه حاجه تتنسي بردو يا باشا .
مازن .. انا اتسهلت معاك كتير يا بن سما .
ادهم .. ولسه هتشوف .
كانت سما تراهم وتضحك ف هم علي هذا الحال منذ ان جلب مازن بلايستيشن الي المنزل حملت ابنتها الرضيعه " آسيا " وتحركت نحوهم .
سما .. مش كفايه بلايستشين كدا النهاردة .
ادهم .. بليز يا مامي شويه نخلص الشوط دا .
مازن .. ايوة بليز يا مامته نخلص الشوط دا .
سما .. طيب هو الشوط دا وبس وبعدها ادهم هيقعد يذاكر ياما مفيش خروج آخر الاسبوع مع ساره .
ترك ادهم دراع البلايستيشن سريعا من يده .. بلايستيشن ايه وشوط ايه انا هروح اذاكر حالا .
مازن .. يا بن البياعه .. بعتني علشان ساره .
سما .. مازن عيب قصدك ايه اني بياعه .
اقترب منها مازن واحتضنها وقبلها ومن ثم قبل ابنته .. واحلي بياعه مش كفايه انك جبتيلي البنوته القمر ديه .
سما .. طبعا يا بني هو انا اي حد بردو لازم تطلع قمر لامها .
مازن بسخريه .. طبعا اوووومال .
سما بتبريقه .. قصدك ايه حاسه بتريقه .
مازن .. هو انا اقدر بردو .
سما .. ايوة كدا اتعدل صح انت مش شايف ان اهتمام ادهم بساره زاد وهما مش اطفال يا مازن .
مازن .. شايف يا سما بس شايف انه بيحبها ممكن لسه مش واعي ل دا بس لازم نسيب ليه الحريه طول ما هو تحت عينينا يبقا مفيش مشكله .
سما .. انا مش عايزة ابني يرتكب اخطاء وبذات لو حاجه حرام .
مازن .. نقدر نوعي ابننا بس بطريقه احسن اكيد مش هنمنعه من انه يشوفها وبعدين لسه بردو هما موصلوش لمرحله المراهقه اووي ادهم عنده ١٣ سنه يعني لسه في بداية مشواره .
سما .. عندك حق .
مازن .. متخافيش عليه ادهم صاحبي قبل ما اكون اب ليه وعلشان كدا اسراره معايا .
سما .. ربنا يخليك لينا يا حبيبي .
مازن .. ويخليكي ليا يا روح قلبي .
قطعهم صوت هاتفها وكانت المتصله ليان لتخبرها بأنه يوجد حفل شواه غدًا .
وبدأت سما تجهز لأحداث الغد .
كانت تجمع اشيائها من المكتب وهي تبتسم وجدت الباب يطرق فاذنت له بدخول وهي تعلم بأنه الطارق .
ندي .. غريبه بتخبط دا انا كنت قربت اشيل الباب خالص .
كريم بحزن .. هترجعي مصر خلاص مش هنشوفك تاني .
ندي .. هستناك انت وميار والبنات تيجوا مصر .
كريم .. بس مين اللي هيقف جمبي تاني انتي اللي وقفتي جمبي لحد ما انا وميار اجوزنا وقفتي جمبي وميار بتولد وساعدتيني اني اعرف اتعامل مع بناتي ازاي .. ندي انتي كنتي ونعمه الأخت والصديقه .
ندي .. انتوا هتوحشوني اكتر والبنات هتوحشني اووي بس اكيد هتصل بيك وهنتواصل دايما وكدا بقا ليكم حجه تنزلوا بيها مصر علشان تشوفوني وانا هحاول ابقا اجي ازوركم .
كريم .. انا مبسوط ليكي يا ندي انك قدرتي تعدي اكتر فتره كانت بتوجعك .. وقادره تسامحي وتدي فرص تانيه .
ندي .. لاني عرفت ان العمر قصير واني كنت غلطانه .. انا قدرت اكون سعيده لوحدي بس سعادتي مش مكتامله سعادتي هتكتمل وانا مع ناس بيحبوني وبحبهم مع صحابي واهلي .. الغربه وحشه ووحش اووي ان اهلك وصحابك يفرحوا ويحزنوا وانت بعيد عنهم انا هرجع وهكمل باقي عمري معاهم هحاول الحق بقيت الذكريات معاهم .
كريم .. هستني منك مكالمه تبلغيني فيها كل اللي هيحصل لما ترجعي .
ندي .. خلاص اتفقنا .
كريم .. طيارتك امتي .
ندي .. النهاردة بليل .
كريم .. هاجي اوصلك المطار .
ندي .. مش بحب مشاعر الوداع ديه .
كريم .. يا ستي اوصلك بس .
ندي .. لا كفايه انك ودعتني هنا يا كريم .
كريم .. اشوف وشك بخير .
ندي .. ان شاء الله .. سلام يا كريم .
خرجت ندي من المكتب وهي تنظر الي الشركه وهي مبتسمه فالقد حققت ذاتها .
في المساء كانت تركب ندي الطائره وهي تنظر من شباك الطائره الي هذه البلده فقد جاءت الي هذه البلده وهي مدمره تري ان الحياه بائسه وها هي عاده الي وطنها وهي مبتسمه وتري الحياه بنظره اخري .
" حياتنا مش واقفه علي الحب .. ولا الجواز .. حياتنا فيها حاجات كتير اهم الحب جميل .. بس وجعه وحش .. الجواز مش كله بيبقا كويس في كتير جوزات فاشله .. اهم حاجه اننا نثبت ذاتنا تحسي بالسعاده في نجاحك بحياتك وبعدها بقا نفكر في الحب والجواز .. صدقوني الحياه فيها حاجات كتير حلوه بس لو نبص حوالينا هنلاقي ان الحب اه شئ مهم وان الجواز سنه الحياه بس بأننا نختار صح ونكون جاهزين للمسؤوليات الكبيره اللي هتتحط علينا "
كانت تقف تنظر في المرأه علي شكل بطنها البارزة وتضع يدها بحنو ووجدته يحتضنها من الخلف ويقبلها بحب .
ليان .. اممم جاي تحضني وتبوس يبقا في مصيبه .
يامن بقلة حيله .. احم .. يعني هي مصيبه بس مش اووي .
ليان .. قول خير .
وجدت ابنها " ريان " يدخل عليها وهو ممسك هذه الفازه المحطمه .
ريان .. مامي هي الفازه ديه كانت مهمه اووي .
شهقت ليان .. كسرتوا الفازه بتاعتي ديه غاليه اووي مش هعرف اجيب زيها تاني .
يامن .. احم الكوره جت فيها واحنا بنلعب .
ليان .. متسفزنيش اكتر بدل ما اولع فيك انت كمان .. انا مش قولت مليون مره نلعب كوره في الجنينه قولت ولا مقولتش .
هز كل منهم رأسه بالإيجاب .
ليان .. طيب بتلعبوا بيها جوا الفيلا ليه .. اروح اقطعها بقا .
ريان .. لا يا مامي احنا آسفين اخر مره .
ليان .. لا يا ريان كل مره بتقولوا آخر مره ومش بتكون آخر مره .
يامن .. وعد آخر مره .
ليان .. طيب انتوا معاقبين مفيش لعب كوره لمده اسبوع .
ريان .. يوووه بقا .
ليان .. ولد مامي ميتقلهاش يووه بقا ديه .
ريان .. انت جبت الست ديه منين .
يامن .. حظي بقا يا بني .
ليان .. يامن قصدك ايه .
يامن .. ولا حاجه .. يلا يا رينو علي اوضتك .
ريان .. حاضر يا بابي .
خرج ريان وذهب الي غرفته .
اقترب يامن من ليان يحاول تهدأتها ..
ليان .. ابعد عني يا يامن علشان بجد انا تعبت منكم .
يامن .. يا ليان انتي اللي دايما معصبه نفسك قولتلك ارتاحي وبعدين انتي حامل وخلاص ايام وهتولدي .
ليان .. مش هشيلك بنتي علي فكره علشان انت عصبتني انا وهي كتير .
يامن .. تقدري اصلا .
ليان .. اه هقدر .
اقترب يامن من بطنها المنتفخه .. ينفع مامي تقولي انها هتحرمني اني اشيلك دا انا مستنيكي بشوق كبير .
ليان .. واشمعنا هي اللي بتوحشك اووي كدا .
يامن .. مش بيقولي البنات حبيبة ابوها اكتر .
ليان .. لا غلط علي فكره .
يامن .. لا صح علي فكره .
ليان .. يعني هي هتكون حبيبتك وانا لا .
احتضنها يامن .. دا انتي اللي في الحته الشمال .
ليان .. بيئه اووي .
يامن .. تربيتك يا حياتشي .
ضحكت ليان وشاركها يامن الضحك .
في الصباح الباكر كانت تتجهز ليان استعدادا لإستقبال الجميع
دخل يامن اليها .
يامن .. زي القمر .
ليان .. بجد يعني الفستان مش ماسك علي بطني .
يامن .. بالعكس زي القمر .
ليان بخجل .. ميرسي .
يامن .. لا هو احنا هنفضل نكسف كتير .
ليان .. متعودتش يا سيدي متكسفش .
يامن .. طيب يلا تعالي نخرج باباكي وماما برا .
خرجت ليان ببتسامه .. وحشتني يا بابا كدا اقعد اسبوع بحاله مشوفكش .
عاصم .. وانتي كمان وحشتيني بس الشغل اعمل ايه .
ليان .. ربنا معاك .
كوثر .. عامله ايه يا بنتي في حملك .
ليان .. اهو متعباني الست "سيلا" لما نشوف اخرتها معاها .
كوثر .. ربنا يقومك بسلامه يا حبيبتي .
ليان .. يارب يا ماما .
دخل ريان وهو يركض ليحتضن جده .. جدو حبيبي .
عاصم .. قلب جدو انت .
ريان .. جبتلي يا جدو شوكولاته .
عاصم بهمس .. وشيبسي كمان بس خبيتهم في المطبخ علشان امك متشوفش وتزعق .
ريان بهمس هو الآخر .. خلاص ديل يا بوص .
عاصم باندهاش .. جبت منين بوص ديه .
ريان .. من ليث قالها قبل كدا .
عاصم .. ابن جاسم ويعملها .
ليان .. انتوا بتقولوا ايه بسريه .
عاصم وريان في نفس واحد .. ولا حاجه .
ليان .. مش مستريحالكم بس هعديها .
وجدت الباب يطرق فاذهب يامن ليفتح الباب وكانت سما ومازن والاطفال .
اخذت ليان الطفله لتدعبها اما سما فادخلت المطبخ لتنقل الأطباق الي الخارج ويامن ومازن ذهبوا ليجهزوا الشاويه للشوي .
دق الباب وكانت الآتية ندي .
سمعت ليان صوت ابنها وهو يصرخ ويقول .. خالتو ندي جت .
التفت ليان بصدمه الي صديقتها فاوجدتها تركض نحوها وتحتضنها بحب .. وحشتيني يا ليان وحشتيني .
شددت ليان من احتضنها بعدم تصديق ودموعها تنزل شوقا لصديقتها .. انتي ندله بجد ندله بس وحشتيني اووي حياتي من غيرك مكانش ليها طعم .
خرجت سما من المطبخ في هذا الوقت وهي تحمل الاطباق ولكن عندما رأت ندي سقطت الاطباق من يدها لتتهشم الي أجزاء .
فافزعت ليان وندي وابتعدوا عن بعدهم ليجدوا سما تقترب من ندي وتشدها اليها وتحتضنها .
سما .. هحاسبك علي بعدك عننا بس بعدين دلوقتي مش عايزاكي تخرجي من حضني .
ندي .. وانا موافقه بس خلاص انا رجعت وهفضل في حضنكم علي طول لحد ما تزهقوا مني .
ليان وسما في نفس واحد .. عمرنا ما نزهق منك .
خرجوا الجميع الي الحديقه وليان وسما وندي يجلسون بجانب بعد يتحدثون .
في هذا الوقت نزل جاسم هو وابنه من السياره ليتوقف جاسم في مكانه مصدوما وهو يرأها تضحك امامه .. ها هي عادت .
وقع نظر ندي علي جاسم الواقف مندهشا لا يتحرك ولا يتكلم .. نظرت له بشوق جارف بنظره حنين الي الماضي .. وقع نظرها علي ابنه ليث وهو ممسك بيد والده يشبه جاسم كثيرا .
ليث .. بابي احنا واقفين ليه .
جاسم .. يلا روح شوف فين ريان والعب معاه .
ركض ليث اولا نحو ليان واحتضنها .
ليث .. لي لي .. شربتي اللبن النهاردة .
ليان .. ايوة وكلت كمان .
ليث .. شاطره خلي بالك من عروستي كويس .
ليان .. عروسة ايه يا بني .
ليث .. ايوة انا هجوزها .
ليان .. وافرض طلعت وحشه ومعجبتكش .
ليث .. تؤ تؤ هتعجبني .
ليان .. بكاش اووي .
نظر ليث الي ندي .. انتي بقا ندي .
ندي .. اه انا بقا ندي .. وانت ليث صح .
ليث .. اه .. بس تعرفي اقولك سر .
ندي .. امممم قول .
ليث .. انتي شكلك احلي في الحقيقه .
ابتسمت ندي .. وانت زي القمر .
ليث .. شكرا .
ندي .. بس انت شوفت صورتي فين .
ليث ببراءه .. في تيليفون بابا .
وقعت ندي عينيها علي جاسم لتراه ينظر إليها .. ومن ثم اشاح نظره عنها وتحرك بعيد عنهم ليقف لوحده امام باب الفيلا .
تحركت ندي وراه لتقف وراه مباشرة وتتحدث .
ندي .. مفيش حمد لله علي السلامه حتي .
نظر لها جاسم .. رجعتي ليه .
ندي .. ديه كلمة حمد لله علي سلامتك .
جاسم .. رجعتي ليه يا ندي .. رجعتي ليه بعد ما عشت ٦ سنين من غيرك ٦ سنين وانتي بعيده عني .. ٦ سنين وانا بحبك ومش عارف انساكي ٦ سنين وانا مستني علي امل انك ترجعي .
ندي .. ورجعت يا جاسم .. رجعت ممكن متاخر بس كنت عايزة اخد واقتي كنتي عايزه ارجع وانا مرتاحه وانا قادره اسامحك وانا قادره ادي علاقتنا فرصه تانيه .
جاسم .. وايه السبب اللي خلاكي دلوقتي بذات ترجعي .
تذكرت ندي عندما وجدت هاتفها من 5 سنين يدق برقم غريب
ندي .. الو مين معايا .
نانسي .. ندي اوعي تقفلي ارجوكي واسمعيني للاخر ارجوكي .
صمتت ندي لتستمع الي نانسي .
نانسي .. ندي انا اه اجوزت جاسم بس عمره ما حبني ولا حتي لمسني .. دايما كان بيحبك دايما بشوف في عيونه نظرت حزن وكسره كذا مره اسمعه وهو بيدعي انك ترجعيلوا وتسامحيه .. جاسم اتغير وغيرني معاه .
ندي .. نانسي تغيرو لنفسه انا مش فاهمه انتي متصله بيا ليه او عايزه ايه .
نانسي .. انا بموت يا ندي .. اكتشفت ان عضلات القلب ضعيفه ورفضت اني انزل البيبي علشان انا اول مره اشوف جاسم فرحان .. انا عايزاكي تسامحيني .. وتسامحي جاسم خودي وقتك بس ارجعي وخليكي معاه ابني أمانه عندك يا ندي .. ارجوكي ابني هيكون محتاج حنان الأم مترحمهوش منه يا ندي .
ندي .. مسمحاكي يا نانسي مسمحاكي .
نانسي .. هترجعي يا ندي مش كدا .
ندي .. هرجع لما اكون جاهزه ووعد مش هسيب ابنك .
نانسي وهي فرحه .. شكرا يا ندي شكرا بجد .
اغلقت نانسي مع ندي مما جعل ندي تفكر بكثره فيما تفعل .
سردت ندي لجاسم الموضوع .
جاسم .. يعني رجعتي علشان وعدك لنانسي انك تدي لابني حنان الام .
ندي .. مش هكدب واقول اني مرجعتش علشانه بس بردو انا رجعت علشانك مقدرتش اعيش من غيرك يا جاسم اه كنت سعيده بس سعادتي مكانتش مكتمله .
ابتسم جاسم .
ندي بخجل .. هااا هتجيب المازون امتي .
جاسم .. مازون مره واحده .
ندي .. ايوة هو احنا لسه هنستني .
جاسم .. حالا لو حبه .
وجدت ندي يامن ينده عليهم من أجل الغداء .
ندي .. اخر الاسبوع حلو .
جاسم بفرحه .. اتفقنا .
ركضت ندي بخجل الي الداخل .
بدأ الجميع في الالتفات حول السفره ليبدأوا في الأكل .
ليان .. هاا نقول مبروك .
يامن .. علي ايه .
ليان .. جاسم وندي قرروا يكتبوا الكتاب اخر الاسبوع .
يامن .. أخيرا قام يامن واحتضن
جاسم وبدأوا يتلقوا التهاني منهم .
مازن .. يلا بقا صوره توثيق لليوم الجامد دا .
الجميع .. يلا .
التقط مازن الصوره التي تبين مدي سعادة الجميع .
تمت بحمد الله
لقراءة جميع فصول الرواية من هنا
وايضا زورو قناتنا سما للروايات
من هنا علي التلجرام لتشارك معنا لك