رواية اعمي ولكن
الفصل الاول 1 والثاني 2
بقلم اسراء محمود
#الشخصيات
تعريف الشخصيات
ليان عاصم توفيق..شابه فى ال25 من عمرها خريجه ألسن عانت الكثير بعد وفاة والدتها ولكن ظلت صامده بسبب وقوف والدها بجانبها تمتلك عيون باللون الاخضر وبشره بيضاء وشعر اسود يميل الي اللون البني طويل تتسم بالطيبه والبساطه وتعشق مساعدة الغير
يامن منصور المنشاوى..شاب فى أواخر العشرينات من عمره فقد بصره وسنتعرف على السبب فى أحداث الروايه يمتلك عيون عسلي وشعر بنى وبشره بيضاء وجسم رياضي وسيم إلى حد كبير لكنه قاسي في بعض الأحيان
ندى محمد القاضي ..بنت مرحه صديقه ليان المقربه خريجه ألسن وعندها 25 سنه تمتلك عيون زرقاء وبشرى بيضاء وشعر ذهبي طويل ولكن تخفي هذا البس فى ملابس رجوليه ونضارة نظر وتتسم بالرجوله في بعض الأحيان وتتدرب بوكسنج وسوف نعرف السبب في الفصول القادمه
جاسم الشافعى ..شاب فى أواخر العشرينات صديق يامن المقرب يعلم عنه كل أسراره ويقف بجانبه دائما يمتلك عيون بنى بلون القهوه وبشره قمحويه وجسد رياضي وشعر بنى وشديد الوسامه ويعرف بحبه للبنات وبكثرة علاقته النسائيه
سنتعرف على باقي الأشخاص فى الروايه
#الفصل_١
الفصل الأول
"ليت الايام تعود يومًا ما كنت فعلت هذه الأخطاء ليت الزمن يرجع بي إلى الوراء لوقفت عقلى عن قراراته الحمقاء وأترك لقلبي القرار الاول والاخير....سامحينى محبوبتي...سامحيني"
يشرق صباح يوم جديد فى مدينة الجمال الساحر عروس البحر المتوسط بلد الجمال والاطمئنان نعم هى مدينه الاسكندريه تشرق الشمس فى فيلا عاصم توفيق فى اوضه بطلتنا الجميله ذات الجمال الآخذ للانفاس تفتح بطالتنا عيونها الخضراء .
ليان ببتسامه مشرقه ..اصبحنا واصبح الملك لله ولا اله الا الله وحده لا شريك له له الملك وله الحمد وهو على كل شئ قدير ،رب اسألك خير ما فى هذا اليوم وخير ما بعده واعوذ بك من الشر ما فى هذا اليوم وشر ما بعده رب اعوذ بك من الكسل وسوء الكبر رب اعوذ بك من عذاب النار وعذاب القبر .
قامت ليان واغتسلت وتوضأت وصلت صلاتها وارتدت بنطال من اللون الاسود وتشيرت من اللون الابيض وتركت لشعرها العنان وأرتدت كوتشي من اللون الابيض.
نزلت ليان درجات سلم الفيلا برشاقه واتجهت إلى غرفة السفرة كان والدها جالس يقرأ الجريدة مثل كل يوم
اقتربت ليان منه وقبلته من خده ..صباح الخير على احلى اب فى الدنيا.
عاصم بحب ..صباح النور على احلي بنوته شافتها عينيا.
ابتسمت ليان بحب لوالدها الحنون ..مالك انهاردة حلو كدا ليه؟؟
ضحك عاصم بصوت عالى..بكاشه هو بقا فيا حيل ولا جمال.
ليان بغمزة ..مفيش زيك يا باشا دا انت اصغر من شباب اليومين دول دا انا اخاف تتجوز من ورايا.
عاصم بحزن ..خلاص بعد امك الله يرحمها مفيش حد يقدر ياخد مكانها.
ابتسمت ليان بحزن ..الله يرحمها واكملت محاولة تغير الحديث هتعمل ايه انهاردة ؟؟
عاصم ..هروح الشركه وبعدين هطلع على البلد فى حاجات عمك عايزها وهرجع على بليل...وانتى هتعملى ايه؟؟
ليان ..هطلع الاول على ندي علشان وحشانى وهروح الجمعيه بتاعتي.
عاصم ..مش هتبطلى مشوار الجمعيه دا ما انتى عملتيها وبتساعدي المكفوفين فايه لازمتها تروحي كل يوم؟
ليان..علشان بحس انهم اخواتى بحب اخفف عنهم بحب اشوف ابتسامتهم.
ابتسم عاصم على طيبه قلب ابنته ..ماشي يا ليان روحي بس متتاخريش.
قبلته ليان معلي وجنته ..ماشي يا احلى اب فى الدنيا
خرجت ليان و الفرحه تغمرها....
عاصم انتظر حتي خرجت ليان واتصل بشخص ..الو.
الشخص ..هاا هتنفذ امتي؟!
عاصم ..خلال الفترة اللى جايه بس ليان فى امان صح؟!
الشخص ..اكيد متخافش يا عاصم باشا.
عاصم ..تمام لو كدا هيبقا التنفيذ اخر الشهر.
الشخص ..ماشي يا عاصم خد وقتك.
قفل عاصم مع الشخص الغريب دا ..ربنا يستر
عند ليان خرجت من الفيلا وركبت سيارتها بسعاده وقادتها بجنونها المعتاد.
ليان ..الو يا نودي.
ندى بنوم ..الو يا ست المزعجه عايزة ايه؟؟
ليان..دا انتى إللى كسوله فى حد ينام لحد دلوقتى؟!!
ندى ..مش انا عملت يبقا في...
ليان ..طيب يا كسولة قومي خودي دش وصلى وهعدى عليكي.
ندي بحماس ..هنروح الجمعيه صح؟!!
ليان ..صح يلا قومي.
ندى..اشطا.
وقامت ندى وأخذت حمام وأدت فرضها وأرتدت بنطال من اللون الازرق وتشيرت من اللون الاسود وجمعت شعرها على هيئة كعكه وأرتدت نظرتها النظر.
ونزلت قابلت ليان وركبت وذهبوا إلي الجمعيه.
دخلت ليان وندي الجمعيه واتجهت نحو مكتب مديره الجمعيه
ليان ..قوليلى ايه اخبار الجمعيه والحالات هنا؟؟
المديرة ..كل حاجه ماشيه زى ما انتى طلبتى.
ليان ..طيب كويس فى حالات جديدة؟؟
المديرة ..اة فى حاله لسه جايه امبارح.
ليان ..راجل ولا ست؟!!
المديرة ..راجل.
ليان ..طيب وايه قصته...وسبب فقدانه للبصر؟؟!..وسببها حادثه ولا مولود بيها؟؟
المديرة..هو عمل حادثه ادت الى فقدان النظر.
ليان ..مقالش تفصيل؟!!
المديرة ..لا.
ليان ..طيب احنا آخر الشهر هختار حالتين اسفرهم برا علشان اعملهم العمليه.
المديرة..بس ديه تكاليف كبيرة.
ليان ..لا عادي كل دا عليا المهم عايزة اشوف الحاله الجديدة.
المديرة ..اتفضلي هو فى غرفه 306.
ليان ..اسمه ايه؟
المديرة ..يامن .
ذهبت ليان إلي هذه الغرفه ويوجد لديها فضول لتتعرف على الحاله الجديدة وتعرف قصتها.
طرقت ليان باب الغرفة.
يامن ..اتفضل.
دخلت ليان الغرفه واقتربت منه بدهشه من وسامته وجمال عينيه التي سحرتها من اول نظرة عضلاته المفتوله وشعرة المنمق وجسده الرياضي وأناقته التي تدل انه غير محتاج لجمعيتها.
يامن ..احم حضرتك هتفضلي تبصيلي كتير بإعجاب.
ليان باحراج..اسفه بس مستغربه انك جيت الجمعيه وباين على حضرتك انك يعني مش محتاج.
يامن بحده ..بتهيألى دا سؤال شخصي وبردو اعرف ان حضرتك مش جايه تطرديني يعني.
ليان بإحراج..اكيد لا يعني...بس انا مش فاهمه بتتكلم معايا بالطريقه ديه ليه؟؟...كأنك مش قابل النقاش.
يامن بحده .. وانتى مين اصلا علشان احكيلك عن حياتى؟؟.....اعرفك منين انا هو انتى بتستجوبيني؟؟
ليان ودموعها بدأت تتجمع فى عينيها ..اكيد لا يعني مش بستجوبك بس انا ليان صاحبة الجمعيه ديه ومن شغلى انى اعرف كل حاجه عن حياتك علشان اعرف اساعدك وبعدين ليه حضرتك بتكلمنى بالأسلوب دا؟؟!
يامن بعصبيه.. علشان انا معرفكيش ومش حابب احكيلك حياتي انا مكونتش تلميذ عندك علشان تستجوبيني.
ليان ودموعها انسابت من عينيها ..انا اسفه انى أدخلت فى حياتك او ضايقتك.
وخرجت ليان تجري من الغرفة وعينيها مليئة بالدموع
ندم يامن أنه أحزنها وهي تبدو بريئة برائة الأطفال ندم انه كان السبب فى نزول دموعها.
يامن ..فوق انت مالك بيها تزعل متزعلش انت ملكش دعوه.
خرجت ليان وقفت خارج الغرفة وبدأت بالبكاء
جائت إليها فتاة صغيرة عمرها 6 سنوات تشد سروالها.
ليان بدموع ..ازيك يا سارة.
سارة ..بتعيطي ليه يا لي لي؟!
ليان وهي تمسح دموعها ..انا مش بعيط خالص اهو.
سارة ..لا بتعيطي انا سمعت يامن وهو بيزعقلك.
ليان بطفوله..دا انسان وحش وبارد.
ضحكت سارة.. لا بس عارفة يا لي لي دا طيب اوووى وامبارح لما جيه جاب معاه شوكلاتات كتير لينا ولعب معانا كتير هو مش وحش بس هو اكيد فى حاجه مضايقاه علشان كدا زعقلك يا لي لي
ليان ابتسمت..صح هو اكيد مضايق وانا خلاص سامحته.
قبلتها سارة علي وجنتها ..متعيطيش تاني يا لي لي ماشي.
احتضنتها ليان بحب ..ماشي يا قلب لي لي.
كان يامن يتابع الموقف كله وكان يسمع صوت طفلته الصغيرة وكم هي بريئة وسامحته بسرعه بدون حتي أن يعتذر إليها.
خرجت ليان من الجمعيه وجدت ندي تلعب بالكرة مع طفل صغير وتجرى خلفه عندما وجدت ليان ولاحظت وجود أثر دموع على وجهها أسرعت إليها...
ندي بقلق..مالك يا ليان فيكي ايه؟؟!!
ليان ..مفيش هحكيلك بعدين.
ندي ..طيب كونت عايزه اقولك على حاجه.
ليان ..ايه قولى؟!
ندي ..كونا عايزين نعمل عندك حفله فى الفيلا نخرج فيها المكفوفين من الجو إللى هما عايشين فيه ونحسسهم انهم مش عبء على المجتمع وان الحياة موقفتش على كدا....وان من حقهم يعيشوا زينا عايزة... اديهم امل فى بكرا وان بكرا احلى من النهاردة.....عايزة ارجع ثقتهم بنفسهم تانى....هاا يا ليان موافقه؟؟!
ابتسمت ليان ..اكيد موافقه وانا هجهز الحفله بنفسي واعملها آخر الاسبوع.
ندى بحماس ..تمام جدا وانا اقول لمديرة الجمعيه تعرفهم علشان يجهزوا وبكرا انا هنزل اجيب ليهم لبس جديد لكل واحد على ذوقي ايه رأيك؟؟!
ليان ..اشطا جدا.
خرجت ليان وندي من الجمعيه وهما يتكلمان فى تفاصيل الحفله وتجهيزاتها وهما سعيداتان انهما قادرتان علي مساعدة الناس الأخري المحتاجه للمساعده ورسم البسمه على وجوههم
" احلى حاجه ان الانسان يرسم على وش شخص تانى ابتسامه او ضحكه من القلب ويهون عليهم وجعهم ويحسسه ان الدنيا لسه بخير كل واحد بيمد ايديه للتانى هيجي اليوم إللى لما يحتاج حد جمبه هيلاقي الف ايد تتمدله ياريت كل واحد يساعد ذوي الاحتياجات الخاصه حتى لو بكلمه بس يحسسهم انهم مش ناس غريبه عننا وان الدنيا ديه ليهم زي ما هي لينا بلاش نجرحهم لانهم بيحسه زينا واكتر كمان مننا "
عادت ليان إلي المنزل وهي تفكر لما عاملها يامن هكذا؟؟. بالرغم من انها تشعر انها لم تضايقه بالكلام هي فقط أرادت أن تعرف ما هي قصته أرادت فقط مساعدته تشعر ان خلفه غموض كثير..
ليان ..شكلك هتعبني معاك يا سي يامن انت.
عند يامن كان يجلس يفكر فى هذة الطفله البريئة التى اقتحمت حياته وتفكيره وكان لديه الف سؤال يريد معرفة اجابتهم..... لماذ هي مهتمة بحياته؟؟... لماذا تسأل عنه؟؟! لماذ تستغرب وجوده هنا؟؟! هل هي رافضه وجوده؟! ام تحبه وهو لم يفهم لكن الشئ الذي متأكد منه انها أصبحت طفلته..
"الحب شعور مفاجئ يأتي دون انذار سُرعان ما نبدأ ان ننكر وجودة ونحكم عقولنا بأن الحب هو مجرد جوارح والألام جديدة تحيا لمن يترك قلبه يختار الطريق ويثبت ان الحب هو مجرد سعادة بين شخصين "
عاد يامن الي منزله الذي كان يشعر فيه انه وحيد.
والدة يامن ..امرأة مطلقه تسعي إلى جلب المال وان تثبت لطليقها انها قويه من بعده ولم تهتم بابنها او بمشاعره.
والدة يامن 《 كوثر》.. انت جيت يا يامن؟؟
يامن..اة زي ما حضرتك شايفه رجعت للسجن بتاعي تانى
كوثر بسخريه..سجن
يامن ..ايوة سجن الوحده إللى عايش فيها وكل واحد فيكم عايش حياته.....مش مهم انا برجع متاخر او لا... عمرى ما شوفت في عين حد منكم نظرة قلق او حب... اتعب اروح فى داهيه عادى هو كبير ويعرف يتصرف.... حياتى كلها بقت مقتصرة على الاوضه إللى محبوس فيها فوق ديه ولو خرجت او حاولت ارفه على نفسي.... خرجت ليه؟؟روح احسن شوفلك شغلانه بدل اقعدتك ديه.... دا كل كلامكم عمرى ما شوفت منك نظرة حنيه او حب او خوف لا اهم حاجه مصلحتك وانك تكوني من سيدات المجتمع الراقي ومعاكي فلوس وتثبتي لطلقيك انك متهزمتيش وانك اقوي منه.
كوثر بحنان ..يامن افهم انا مليش غيرك فى الدنيا ديه مش بحب ابين خوفي عليك علشان متقولش انا مش صغير.
يامن بسخريه..عيل صغير حتي العيل الصغير بتاع زمان مكانش بيشوف منكم حنيه كل حاجه بنسبالكم المركز والشغل والتنافس إللى بينكم من زمان.
جلست كوثر على الكرسي بدموع واكتشفت ان النقاش مع ابنها خسران وهي السبب ان يقال هذا الكلام.
يامن ..بلاش نتكلم فى الماضي علشان هنجرح بعض اكتر من كدا انا طالع السجن بتاعي تاني.
صعد يامن الي غرفته ورمي نفسه على السرير وتذكر طفلته الصغيرة وصوتها الرقيق ومن الاكيد ان شكلها مثل صوتها بالضبط وكم هي طيبه وممكن تضحي بسعادتها مقابل انها تشوف سعادة غيرها.
عقل يامن ..فوق كدا وركز انت مينفعش تحبها لأنك هتجرحها كفايه الناس إللى جرحتهم.
القلب ..مش ممكن هي إللى تفوقك وترجع تعيش حياتك تانى.
العقل ..لا كلهم بيحبوك فى الاول وبعد كدا الكل بيبعد وانت إللى بتتجرح تانى.
يامن ..بس انا هنساها هي اصلا مش تعنيلي حاجه.
نام يامن بعد تفكير طويل.
أشرقت شمس يوم جديد فتحت بطلتنا عيينها كالعاده وتوضأت وأدت فرضها ونزلت درجات السلم.
عاصم ..ايه يا ليان مشوفتكيش امبارح لما رجعت.
ليان ..رجعت تعبانه ونمت ومحستش بنفسي.
عاصم ..طيب يا ليان انا لازم اسافر اخر الاسبوع وهقعد يومين كدا فى البلد.
ليان باستغراب..ليه يا بابا كل دا؟؟!
عاصم بتهرب..مفيش مشاغل مع عمك يا ليان .
ليان..طيب انا كنت عايزة اعمل حفله صغيرة فى الفيلا.
عاصم ..ماشي يا ليان موافق.
ليان ..طيب يا بابا هخرج انا بقا.
عاصم ..ماشي يا حبيبتى ربنا معاكى.
خرجت ليان واتصلت بندى.
ليان ..الو يا نودي.
ندي ..نعم يا زفته فى ايه تاني؟؟
ليان ..هستناكى فى النادي.
ندي ..ماشي هلبس واجيلك.
أرتدت ندي ترينج رياضي وجمعت شعرها على شكل كعكه وأرتدت نظرتها ونزلت.
بعد فترة وصلت ندي النادي وهي تدخل اصتدمت بشخص ووقعت منه نظراته الشمس وتكسرت.
ندي ..سوري.
الشخص بحده..نعم سوري ايه انت مش شايفه كسرتي ايه؟!!!
ندي ..حته نضارة وسهل اجيبلك غيرها.
الشخص ..ههههه شكلك متعرفيش سعرها كام؟؟
ندى..لا أعرف ونص ليه شايفني ايه جاهله؟؟
الشخص بسخريه ..بلاش اقولك انا شايفك ايه.
ندي بأصرار..لا قول.
الشخص ..راجل فى نظري انتي شبه واحد صاحبي.
جرحت الكلمة ندي كثيرا وجرحت انوثتها وأرادت أن تستعيد كرامتها ..على الاقل ارجل منك وعندي ذوق اعرف اتكلم بيه مع الناس مش انسانه قليله الذوق.
تركته ورحلت من دون أن تستمع له....
الشخص ..هتروحي مني فين هجيبك يعني هجيبك.
ذهبت ندى عند ليان والدموع محبوسة في عينيها
ليان بخضه ..مالك يا ندى؟!!!!
ندى بدموع ..شخص بارد خبط فيه و........
ليان ... متزعليش يا قلبي ولا تزعلى نفسك انتى قمر اصلا وبعدين خلاص بقا انتى خدتى حقك منه تالت ومتلت.
ندى ..الصراحه كان شكله مسخره وانا بهزقه.
ضحكت ليان بصوت عالى فى الوقت الذي دخل فيه يامن النادى وسمع صوت ضحكات ليان...
يامن لنفسه ..مش معقوله تكون هنا بس انا سامع صوت ضحكتها وصوتها.
ليان كانت تنظر إلي الناحيه الأخري ورأت يامن وهو يجلس على منضدة بجانبهم.
ليان ..ايه إللى جابوا هنا؟؟..... وهو ليه مش فى الجمعيه؟؟.... ممكن يكون نسي بعد إللى حصل بينا.... اكيد لا... انا اصلا مغلطش فيه... طيب اروح اسلم عليه ولا اطنش؟....لا انا هطنش انا مليش دعوه بيه.
هنا جاء شخص وجلس مع يامن
عند يامن....
الشخص ..وحشنى يا وحش بقالى كتير مشوفتكش.
يامن ضحك ..وانت كمان وحشتنى اووى ياض يا جاسم.
جاسم ..ما انا لو وحشتك كونت سالت.
يامن ..معلش بقا يا جاسم انا عارف انى قصرت معاك الفترة إللى فاتت بس خلاص هنشوف بعض كتير .
جاسم ..ان شاء الله.
عند ليان وندى.....
ندى..اهو يا ليان.
ليان..مين دا إللى بتشوري عليه؟!!
ندى .. الراجل إللى قاعد على التربيزة مع يامن دا.
ليان ..اة مالوا؟؟!
ندى ..هو دا إللى اتخانقت معاه.
ليان ..واوو دا مزز اووى...!!!
ندى ..اة مزز بس بارد وشايف نفسه.
ليان ضحكت ..خلاص ملناش دعوه بيه تعالى نلعب basket شويه ونروح.
ندى ..اشطا يلا.
ذهبت ليان وندى ليلعبا basket وبعد فترة كل واحده ذهبت إلي بيتها
#الفصل_٢
الفصل الثاني
" قسوة الحياة تقوى القلب وتجعله يقسي على كل من حوله حتى حب حياته فهل ستظل هذة القسوة ام ستأتى من تُنير عتمة هذا القلب "
اشرق يوم جديد استيقظت ليان ونزلت درجات السلم برشاقه
ليان ..دادة يا دادة.
الدادة ..نعم يا لي لى.
ليان باستغراب ..فين بابا يا دادة مش لقيتوا فى اوضته؟؟
الدادة .. عاصم بيه صحي الصبح بدرى وسافر.
ليان بتذكر..اة صح نسيت.
الدادة ..احضرلك الفطار بقا؟؟
ليان..لا يا دادة شكرا هروح افطر مع ندى بقا.
الدادة ..ماشي يا حبيبتى.
خرجت ليان وقادت سيارتها بجنون ووصلت إلى بيت ندى..
طرقت الباب وفتحت لها والدة ندى
والدة ندى " ليلى " امرأة فى منتصف الأربعين من عمرها تمتلك طيبه وحنان إلى حد كبير تعتبر ليان ابنتها الثانيه .
ليلى ..الندله إللى مش بتسأل على مامتها بقالها كام يوم.
ليان وهى تقبلها ..عارفة انى مقصرة بس مشغولة بالجمعيه.
ليلى قرصتها من خدها.. متتكررش تانى.
ليان وهى تتملص من تحت ايديها .. حاضر يا فندم خلاص علم وينفذ.
ليلى ..ماشي إفراج ادخلى بقا صحي الحيوانه إللى جوا.
ليان بخبث..حاضر من عنيا.
دخلت ليان إلي المطبخ وأخذت زجاجة مياه باردة ودخلت غرفة ندى وجدت ندى نائمه على السرير بطريقه غريبه وغير مريحه اقتربت منها ليان وسكبت زجاجة المياه فوقها...
ندى بفزع ..ايه فى ايه البيت بيغرق 😐😐
ليان وهى تكاد تموت من الضحك على منظر ندى..ههههههه احسن علشان تفضلي نايمه كل دا.
ندى وهى تجرى خلفها بالشبشب..والله ما هرحمك يا ليان.
ليان وهى بتجرى..عااااااااااا يا ماما الحقيني.
ندى ..محدش هيلحقك منى اصبري عليا.
ليان وهى تختبئ وراء ليلي .. الحقيني يا ماما عايزة تضربني.
ليلي ..بس يا ندى ملكيش دعوه ب لي لي.
ندى بغضب ..على فكرة انا بنتك زيها.
ليلى ..لا هي اكتر.
ندى وهى تدبب بقدميها فى الارض ..دايما كدا نصرها عليا ماشي يا ليان هانم انا وانتي والزمن طويل.
ضحكت ليان عليها بخفه وبدأت تجهز مع ليلي الطعام..
عند يامن فى الفيلا استقيظ على يد تتحرك علي شعره..
يامن وهو يبعد يد والدته من على وجهه ..نعم عايزة ايه؟؟
كوثر بحزن من اسلوبها ..عايزة ابني يرجعلي تاني.
يامن بسخريه ..كان زمان يا كوثر هانم.
كوثر بدموع ..يامن انا عارفة اني غلطت بس انا كان لازم اعمل كدا انا مره واحده بقيت الام والاب ابوك بعد ما طلقني راح اتجوز واحده تانيه ونسينا وبقيت انا إللى بشتغل وبصرف على البيت علشان ابين انى مش محتاجه ليه ايوة انا غلطت بس انا حبه اصلح كل حاجه بنا ونرجع زي زمان.
يامن بسخريه..زمان.... زمان دا إللى هو ايه إللى انتي كونتي سيباني فيه لدادة.....زمان دا إللى كونتي شغله نفسك اذا البيه جوزك بيخونك ولا لا؟؟!......زمان دا إللى كونت لما اجي اكلمك او احكيلك عن حاجه كونتي تسبيني وتمشي وتقوليلى مش فاضيه دلوقتى يا يامن لما ابقا ارجعلك وياريتك بترجعي تقعدي معايا لا بترجعي تشوفي جوزك جه ولا لا عمل ايه مشي مع مين انما انا اخر اهتمامتك أو ممكن اصلا مكونش اي حاجه بنسبالك.
كوثر بدموع ..ارجوك يا يامن كفايه كفايه.
يامن ..انتي إللى خلتيني اتكلم ياريت تسيبيني فى حالى بقا.
كوثر ..بس انت حالى ازاى اسيبك.
يامن بسخريه ..زي ما سيبتيني زمان.
كوثر ..انا امك يا يامن.
يامن بحده..امي ماتت من زمان اتفضلي يلا برا.
خرجت كوثر ودموعها على وجنتها وقلبها مكسور على ابنها الذي وللأسف ضاع منها للأبد.
" أُصارع الماضي والذكريات لكى أُسامحكِ.....لكن فى كل مرة هما ينتصران عليَّ......ندمك اصبح لا يعنى لي شيئا فأنتى من تركتينى برغبتكِ......ليتنى أستطيع أن أُسامحكِ "
عند ندى وليان نزلا وذهبا إلي المول ليشتروا ملابس للجمعيه ويشتروا أشياء للفيلا وللحفل غدًا...
ليان ..بصي علشان نلحق نخلص انتى هاتى الهدوم وكل المستلازمات إللى هتحتاجها الجمعيه وانا هجيب مستلازمات الفيلا ونتقابل فى مطعم....
ندى ..تمام
بدأت ندى تشتري الملابس على أساس المقاسات التي أخذتها من مديرة الجمعيه..
ودخلت إلي محل ملابس رجالى لتشتري مستلازمات الأطفال والرجال الذين هناك
وهى في طريقها للدخول اصتدمت بشخص ما..
ندى وهى ترفع رأسها..انا اس....
جاسم ..انتى تانى؟!!!!
ندى بغضب ..انت بتراقبنى ولا ايه؟؟!
جاسم بسخريه..وانا هراقب واحده زيك ليه من جمالك؟؟!!
ندى بغضب وتحذير ..بقولك ايه اتعدل بدل ما انا اعرف ازاى اعدلك.
جاسم بعصبيه ..مين ديه إللى تعدلنى انتى شايفه نفسك على ايه يا بت انتى انا اقدر اعرفك مقامك بس انا بقول بردو اسمك بنت وبلاش سمعتك تبوظ.
ندى بعصبيه..انت شايف نفسك على ايه غور يلا من هنا مش ناقصه قرف هى.
وتركته وقبل أن تدخل إلي المحل سمعته وهو يقول.
جاسم بسخريه ..انا قولت راجل مسمعتيش كلامى اخرك داخله تشتري من محل رجاله صح هو دا مقامك وتركها وغادر المكان..
نزلت دمعه من ندى.
ندى لنفسها..اوعى تسمحي لحد تانى يجرحك اوعى تنزلى دمعه علشان شخص ميستهلش وقليل الذوق رأيه مش مهم فى حاجه طول ما انتى واثقه من نفسك .
مسحت دموعها ودخلت المحل اشترت كل ما كانت تحتاج إليه..
بعد فترة كانت ليان جالسة تنتظر ندى سمعت صوت الشخص الذى لا يغادر تفكيرها التفتت ليان ورأته لثانى مرة وهو يستند على عصاه التى ترشده للأماكن ومعه نفس الشخص الذى كان معه فى النادى كانت ليان تراقب كل حركه من يامن وكل تعبير يظهر علي وجهه.
عند يامن وجاسم
جاسم ..بس يا سيدي دا كل إللى حصل معرفش ليه كل شويه تطلعلى
يامن بعصبيه..وانت فرحان على إللى عملتوا فى البنت انت جرحتها حتى لو هى اتكلمت معاك بقله ذوق فانت مش من الذوق انك تجرحها وتجرح أنوثتها حتى لو هى مش حلوة متقولهاش كدا...
جاسم بحده..بس يا يامن هى إللى لسانها طويل وانا مش اى حد انا ظابط شرطه يعني ليا مركزى ومينفعش تقل ادبها عليا.
يامن ..مفيش سبب ممكن يخلينى اقف معاك انت إللى محترمتهاش ولازم تعتذرلها مفهوم يا جاسم.
جاسم ..بس......
يامن بحده ..مفيش بس هتروح تعتذرلها مفهوم؟؟!
جاسم ..حاضر فك بقا التكشيرة ديه.
يامن..اهو فكيتها.
جاسم ..لا مش كدا عايز اشوف ابتسامتك الحلوة.
ابتسم يامن ابتسامه جعلته أكثر وسامه وجمال...
عند ليان كانت سرحانه فى ابتسامته التي أخذت عقلها وجعلت قلبها ينبض بشكل سريع.
فجأة وجدت من يضربها على رأسها..
ليان..ااااه.
ندى..الهانم سرحانه ولا حست انى جيت واقعدت معاها.
ليان.. معلش يا ستى المهم جبتى كل حاجه.
ندى بحزن..اة.
ليان ..مالك؟؟!
ندى..اصل حصل .......
ليان بعصبيه ..دا انسان قليل الذوق ومش محترم ومش متربي و....
جاسم ..وايه تاني يا انسه؟؟
شهقت ليان بفزع ..انت مين؟!!
جاسم ..انا الشخص اللي قليل الادب وقليل الذوق ومش متربي.
ليان بإحراج..انا اسفه.
جاسم ..لا ولا يهمك.
هنا لاحظت ليان وجود يامن بجانب جاسم ويظهر على ملامحه الجديه.
جاسم وهو ينظر لندي ..انسه ....
ندى بعصبيه.. اسمي ندي.
جاسم ..ماشي انسه ندي انا كونت عايز اعتذر منك مكنش قصدي إللى انا قولتوا بس انتي إللى استفزتيني.
ندي بعصبيه ..انا بردو؟!!!!!!!
جاسم بحده ..ايوة انتي اومال هكون انا؟؟
ندي بعصبيه..لا واحد من الشارع.
يامن ..بس منك ليها وبعدين يا جاسم احنا مش جاين نتخانق انت جاي تعتذر وانتي يا انسه ندي بلاش نكبر الموضوع هو حس بغلطوا وجاي يعتذر.
جاسم ..عموما انا اسف يا انسه ندي.
ندي..وانا كمان اسفه يا استاذ.
جاسم ببتسامه ..اسمي جاسم.
ندي ..تمام.
جاسم ..اتشرفت بمعرفتك.
ندى ببرود ..انا لا.
جاسم اتعصب وبص ليامن.
ندي ضحكت ..بهزر والله.
جاسم بصلها بإعجاب لضحكتها.
لاحظت ندي هذا وشعرت بالإحراج...
يامن ..بعد اذنكم نستأذن احنا.
ليان ..اتفضلوا.
دق قلب يامن عندما سمع صوت ليان لكن التفت وغادر وجاسم معه أيضًا.
جاسم..بقولك فى سهره حلوة انهاردة وفيها شويه بنات مزززز يعنى ما تيجي معايا.
يامن بهدوء ..امتى ربنا يتوب عليك من القرف دا؟؟!
جاسم ..ما تيجي يا عم تعشيلك يومين.
يامن ..لا روح انت يا جاسم انت حر فى نفسك انا مش مستعد انى اغضب ربنا.
جاسم..ماشي انت حر بس انت إللى خسران على فكرة.
يامن ..ماشي.
عند ندى وليان
ندى..شوفتى اعتذرلى ازاى بس بردو انا مش هنسي إللى عملوا.
ليان.. لا يا ندى كدا غلط هو جه واعتذر منك يبقا تسامحى.
ندى ..مش سهل اسامحه انا لازم اهين رجولته زى ما أهانى.
ليان بطيبه ..لا يا ندى ربنا بيسامح احنا إللى بشر مش هنسامح؟؟!
ندى ..انتى قولتى ربنا وانا مش من سهل انى اسامح وانسي.
ليان..وانا مش بقولك تنسي بس لازم تسامحى طالما اعتذر.
ندى ..خلاص يا ليان نتكلم فى الموضوع دا بعدين.
ليان ..ماشي يلا قومى علشان تعدى على الجمعيه تديهم اللبس دا وانا هروح ابدا فى تجهيز الفيلا واشوف مهندسين الديكور ظبطوا ايه بظبط..
ندى ..اشطا.
غادرت ليان وندى وكل واحده ذهبت المكان الذي من المفترض أن تبدأ فى تجهيزه....
دخلت ليان غرفتها ونظرت إلي السماء لنجمة عالية جدااااا وتلمع بشدة..
ليان بدموع ..وحشتينى اووى يا ماما كان نفسي تكونى موجودة الفترة ديه بذات واجى كل يوم اترمى فى حضنك واحكيلك إللى عملتوا......بفرح جدا لما بساعد الناس زي ما كونتى انتى بتعملى بس أوقات بحس ان طيبتي الزيادة ديه مش حلوة بس انا مش هتغير لان انا صح لازم كلنا نبقا كدا.
بعد فترة دخلت ليان ونامت فى السرير وبدأت تتذكر يامن ببتسامته.....نظرة عيناه.....ملامحه....شياكته طردت الأفكار من رأسها ونامت بسلام..
فى مكان أخر....
م..هاااا فى جديد فى موضوع القضيه؟!
جاسم..يعني لسه مفيش اخبار غير اننا متابعين كل حاجه بس مفيش دليل.
م .. مش عايز غلط فى القضيه ديه بذات.
جاسم..تمام ان شاء الله.
م.. ماشي لما نشوف.
تاني يوم الصبح صحيت ليان وكلمت ندى..
ليان ..الو يا ندى لسه نايمه
ندى..لا صحيت اهو وهنزل اروح الجمعيه اجبهم معايا ونيجي على عندك.
ليان ..تمام وانا هقوم اجهز.
أغلقتت ليان مع ندى الخط وقامت وبدأت تتجهز أخرجت فستان من اللون الروز ووضعت لمسة من "الميك أب" رقيق جدا وتركت لشعرها العنان.
وعندما سمعت صوت الاتوبيس التابع للجمعيه نزلت ليان واستقبلتهم وبدأت الاغانى وبعض منهم بدأ يرقص مع ندى بجنون
والأطفال اخذوا يلعبون فى الأماكن التي خصصتها ليان لهم
والشباب جعلتهم يجلسون ويلعبون بعض الألعاب الذين يحبونها بطريقه مناسبة لهم
كانت ليان منشغله بكل تفاصيل الحفل وكانت مهتمه بالجميع..
فى مكان بعيد عن ليان بمسافه بسيطه كان يامن يتمشي وكان يسمع صوت ليان حوله مما جعله يستغرب لماذا لم تأتي لتسأل إذا كان بحاجة للمساعدة..... سرح فى طريقة كلامها مع الأطفال وطيبتها وتعاملها مع الناس ولكن فاق عندما سقط فى المسبح بدون أن ينتبه....
عند ليان كانت تتابع يامن بعينيها وكانت تريد الذهاب والتحدث معه لكن كانت خائفة من أن يجرحها مرة أخري لكنها انتبهت إليه عندما وجدته يقع في المسبح وبدون تردد أسرعت نحوه وقفزت في المسبح وبدأت تحاول رفعه وإنقاذه حتي أخيرا استطاعت أن تخرجه بعد محاولات......
ليان بخوف ..انت كويس حصلك حاجه؟؟
يامن وهو يحاول أخذ نفسه..انا كويس .
ليان ..طيب تعالا معايا جوا الفيلا اجبلك لبس بدل لبسك.
استسلم لها يامن ..ماشي.
أمسكت ليان يديه لترشده لمكان الفيلا.
أحس يامن بكهرباء في يده من لمستها....
ليان ..دادة يا دادة.
دادة..نعم يا لى لى.
ليان ..اطلعى فوق هاتى قميص وبنطلون من بتوع بابا وهاتى ليا معاكى تشيرت وبنطلون.
دادة..حاضر يا لى لى.
تحركت الدادة إلى الطابق العلوى لتجلب ما طلبته ليان.
جلست ليان ويامن فى غرفة الصالون.
ليان بإحراج..اسفه انى مهتمتش بيك من اول الحفله انا عارفة ان ده غلطى.
ابتسم يامن ..لا ولا يهمك انا إللى كونت سرحان ومخدتش بالى.
صمت كلاهما للحظات قاطعها يامن...
يامن ..انا اسف لو اتعصبت عليكى شويه فى الجمعيه بس الصراحه كونت حاسس انك مش متقبله وجودى.
ليان بإندفاع..لا خالص بس انا استغربت شويه انك يعنى وسيم وشيك وباين من مظهرك أنك مش محتاج مساعدة من حد زى بس هو دا إللى خلانى استغرب.
يامن ..مفيش حد مننا مش محتاج المساعدة ايوة انا مش محتاج فلوس او انك تسفرينى على حسابك علشان العمليه انا اقدر اعمل كدا بس انا محتاج الدفء إللى حستوا فى الجمعيه كونت مفتقد الابتسامه او الضحكه إللى بتطلع من القلب معاهم مش الابتسامه إللى احنا بنرسمها علشان نخفي وجع كبير جوانا انا زيي زيهم مفيش اختلاف كل واحد فينا عايز المساعدة ديه بس مع اختلاف اذا كانت المساعده ماديه او معنويه.
أعجبت ليان كثيرا بطريقه تفكيره..عندك حق كلامك كله صح حتى انا بفرح لما بكون معاهم وبحس ان احزانى كلها اختفت.
قاطع كلامهم دخول الدادة.
الدادة ..اتفضلي يا لى لى الحاجه إللى طلبتيها.
ليان ببإتسامه مشرقه ..اتفضل يا يامن ادخل اول اوضه ديه بتاعت المكتب غيّر فيها هدومك والدادة هتيجي تاخد منك هدومك المبلوله.
ابتسم يامن لها ..ماشي شكرا بس ممكن توصليني بقا للاوضه؟!
ليان ..طبعا يلا.
أمسكت ليان يد يامن والذي بدوره شد علي يدها أكثر.
أدخلته غرفة المكتب وخرجت وهي مبتسمه لانها تحدثت معه وفهمت ما يضايقه..
أبدلت ليان فستانها لبنطلون وتشيرت ابيض ولملت شعرها على هيئة ذيل حصان.
نزلت ليان من غرفتها وجدت يامن في إنتظارها.
ليان ..اسفه لو اتأخرت عليك.
يامن ..اصلا دا بيتك يعني تتاخري براحتك.
ليان..لا طبعا مينفعش اتأخر عليك.
يامن ..صح انتي قولتيلى قبل كدا اسمك اصل انا مش فاكر.
ليان ..اسمي ليان.
يامن ..اسمك حلو اووى.
ليان ابتسمت ..ميرسي وانت كمان اسمك حلو اووى.
يامن ..ربنا يخليكي.
ليان ضحكت ..طيب مش يلا نكمل الحفله برا علشان انا سايبه ندي لوحدها.
يامن ..ماشي يلا.
خرجت ليان ويامن يمشي كل منهم بجانب الأخر.
يامن... كان يشعر معها بسعادة لاول مرة يشعر بها.
ليان.... كانت تشعر بالإطمئنان وهي بجانبه.
ندى..ليان انتي روحتي فين فجاة كدا؟؟
ليان ..معلش كونت بعمل حاجه.
ندى انتبهت لوجود يامن ..ازي حضرتك.
يامن ..بلاش حضرتك ديه بحس اني كبير فى السن قولى يامن بس.
ندى ابتسمت ..تمام يا يامن.
ليان ..ايه رايك نرقص يا يامن؟؟
يامن ..هو انا معنديش مانع بس هرقص ازاى.
ليان ..سبلي نفسك بس.
يامن ..موافق.
أخذت ليان يد يامن وبدأت ترقص معه.
يامن كان يشعر بالفرح وهي بين يديه وترقص معه وليان كانت تشعر انها لاول مرة تشعر بالإنبساط مع أحد هكذا
انتهت الاغنيه وجدت ليان من يشدها من قدمها
ليان ..سارة عامله ايه؟؟
حضنتها ساره..كويسه بس انتي وحشتيني اووى يا لي لي.
قبلتها ليان من خدها ..انتي وحشتيني اكتر يا قلب لي لي.
يامن ..هي ليان بس إللى ليها الكلام دا وانا لا لا كدا انا ازعل.
احتضنت سارة يامن ..لا طبعا يا يامن انت اصلا أميري.
يامن ..وانتي أميرتي الصغيرة.
ساره ..طيب مش انا اميرتك؟؟
يامن ..اة طبعا.
سارة ..تعالا العب معايا انت ولي لي.
يامن ..انا موافق طبعا بس نشوف لي لي هتقول ايه.
ليان ..موافقه طبعا يلا نلعب.
أمسكت ليان يد سارة ويامن أمسك يدها الأخري.
ليان ..هاا يا ست سارة عايزة تلعبي ايه؟؟
سارة ..استغمايه واللى هيتمسك هيبقا هو إللى فيها.
ليان ..ماشي موافقه.
يامن وسارة فى نفس واحد ..انتي إللى فيها.
ليان ..ماشي لبست ليان طرحه على عنيها وطلعت تجرى وراهم.
ليان ..إللى همسكه فيكم هموتوا.
سارة وهي بتضحك وتجري ويامن بيجري معاها..
فجأة ليان حست ان فى حد وراها لفت وحضنته.
ليان ... مسكتك هييييييييه
صُدم يامن من ما فعلته ليان لم يكن ليتوقع ان تفعل هذا.
ابتعدت ليان بعد أن أدركت فعلتها.
ليان ..انا اسفه معلش مكانش قصدي.
يامن ..لا ولا يهمك.
سارة ..طيب نكمل لعب.
ليان بإحراج..لا خلاص يا ساسو كفايه كدا انهاردة انا تعبت.
ساره ..ماشي.
انتهي اليوم وودعت ليان يامن والباقية من الجمعيه..
وصعدت وارتمت فوق السرير بتعب وتذكرت اليوم من اوله حتي اخره وابتسمت.
عند يامن ذهب إلي بيته وصعد إلي غرفته ونام على السرير وابتسم عندما تذكر ليان وهى فى أحضانه كان يتمني أن تظل في حضنه للأبد ثم ابتسم ونام بسلام.
فى مكان أخر فى منطقة مهجورة..
عاصم ..طلبتني ليه انا سايب بنتى وشغلى علشانك.
الشخص ..عادى يعني يا عاصم الشغل اهم.
عاصم ..طيب فى جديد او حاجه؟؟
الشخص ..الشحنه هتدخل عن طريق عربيه شحن كبيرة تكون تبعك انت وكل دا هيتم اخر الشهر اهم حاجه متشككش فيك حد مش ناقصه هي لحد ما الشحنة تتم.
عاصم ..طيب وبنتي مفيش خطر عليها او ممكن حد يأذيها؟؟
الشخص..قولتلك لا الأمورة بتاعتنا محدش هيجي جمبها اطمن.
عاصم ..ماشي لازم اسافر دلوقتى علشان الحق اوصل لبنتي الصبح.
الشخص ..ماشي يا عاصم امشي بس بنبهك اي غلطه منك تساوي حياتك.
عاصم بخوف ..تمام.
رحل عاصم بخوف من مصيره المجهول...
لقراءة جميع فصول الرواية من هنا