رواية احلام ورديه
الفصل الثاني 2
بقلم نوسه حمد
اتونست مع عمر كتير ف الواتس والذمن اتاخر شديد عمر قال لي يلا نومي م اساهر بيك جد حسيت بالاحراج قلت ليهو تمام وقفلت النت وقبل م انوم بقيت اتكلم مع نفسي قلت ي ربي ليه اتخاففت مع عمر وكاله والكلام دا م صاح مني مهما كان مفترض م اتاثر بيهو او اشدني جمالو لانو الجمال م كل شي رجعتا علي طبيعتي مع نفسي بس بعد شنو بعد اتخاففت لعمر 😭😭😭
المهم صحيت الصبح لقيت عمر مرسل لي رساله ترد الروح قال لي نوسه الحلوه صباحك عسل
قومتا مخلوعه م حصل جاتني رساله ايجابيه ومن ولد كمان ولا هو انل اصلا م عندي ارقام اولاد م مفتريه بس م عندي استعداد اتكلم مع دا ودا ودا جد عقلي وقلبي م بسع الجميع
رديت عليهو قال لي عاوز الاقيك
طبعا م اترددت كتير قلت ليهو تمام
المهم اتفقنا اننا نتلاقي
جاتني امي قالت لي قومي صلي ونشرب الشاي ونمش الحاج يوسف ود عمك جا من الغربه وطول شديد م شفناهو قلت ليها م ماشه 😔لو ود عمي جا برا م مارقه اسلم عليهو وبعدين انتي عارفاني اهل ابوي ديل م عندي ليهم حاجه وبكرهم قالت لي ي بت دا كلام شنو خلي الكلام الفاضي وقومي البسي عشان نمشي قلت ليها م ماشه ي امي قالت لي سمح النكورك لي عمر اخوك قلت ليها امي النبي لا خلاص بمش 😧قعدت تضحك قالت لي م بتجي الا بالهرش 😔
نتكلم كده عمر اسمع ف كلامنا قال لي بطلي كلام وقومي اجهزي عشان اوصلكم قبل م امش الشغل 😧😧انا بي قلبي قلت كمان تسوقنا انت 😔قال لي اي بسوقكم انا قلت ليهو بسم الله انا اتكلمت هسي قال لي انا بعرف البدور ف راسك 😧😧 خلعني الولد زي الشيطان خوفتا منو قومتا ماشه ع الحمام قال لي اسمعي هنا لبس فارغ م عاوز تلبسي زي الناس وسبيبه واحده بلقاها طالعه بقطعو ليك اريحك منو مكياج ماف 😔 طمم بطني طلع علي المطبخ جريت امي من توبا قلت ليها براحه م ماشه بس ولدك دا زهجنا التقول خاتي اضانو جنب خشمي قال لي بتقومي ولا اجيك
انا بقيت ارجف قلت ليهو حاضر مشيت لبستا واتمكيجتا مكياج خفيف وجيت قعدتا ورا ف العربيه هو شافني بالمرايه قال لي قشي السجم دا قشيتو ومحروقه منو حرقه لمن قلبي مقطوع بس اعمل شنو ولي امري هو بقيت صاره وشي وكرهانه الدنيا
وصلنا ناس عمي ولقيناهم عاملين كرامه وجوطه واهل ابوي كلهم هناك مشينا سلمنا عليهم ومرت عمي دخلتني علي بناتا قعدتا معاهم واستاذنت منهم عشان ادخل الحمام ازبط نفسي مشيت الحمام اتمكيجتا وفكيت شعري واتعطرتا وجيت طالعه وشايله تلفوني اتصور بيهو كده وعاوزه امشي مدنقره اقفل ف شنطتي خبطني ليك ولد تلفوني ف ساعتو اتكسر حته حته انا ولوفه شديد طوالي دموعي جرن ولا عاينت للولد سمح هو بقا اتكلم معاي و لهجتو خليجيه رفعت راسي لقيتو ليك ولد كسااااااار بقا ارطن لي بالخليجي وانا م فاهمه شي قلت خلاص دا اكون صاحب طلال جا معاهو م رديت عليهو مشيت ابكي قلت لي امي الولد الخليجي كسر لي تلفوني قالت لي بتبكي مالك بكره ابوك بصلحو ليك راقده ف حضن امي كده الولد الخليجي جا داخل امي قالت ليهو جلال حمد لله علي السلامة 😲 الخليجي طلع طلال ود عمي😲😲
انا بقيت مندهشه قال نوسه كيفك 🥰قلت ليهو بي قلبي بعد شوفتك بقيت كويسه 🙈 قلت ليهو تمام تسلم ي ود عمي ومشيت منو بقيت اتكلم ف سري الخليجي دا طلع هلال ولا طلال ود عمي ي واحد الله😁 وكرشتا عليهو
وسمعتا الهجمه المرتده انو خاطبين ليهو بت خالتو اسمها هيفاء😭 المهم حسدتها اي حسدتها موش ود عمي اولي بيهو انا😁😁 م انفعها ان شاء الله😭😭