رواية بين قلبي واختيار أبي
الفصل التاسع 9
بقلم الاء فائز
بلسان احمد ..
الليل كلو م نمتا بفكر في اماني معقوله بس زي م قال الدكتور يكون ارهاق وتعب بس لا لا م اظن ي ربي عرفت بقرار ابوي انو عايز يزوجها لي ادريس ولد عمي برضو م اظن عرفت طيب ماله .. صحيح انها بتكون اشتاقت لي لمتنا وطلعتنا ولملاك ي والله كلنا اشتقنا ليها طيب لو عرفت بقرار ابوي ح تعمل شنو .. ي ربي امشي لي ابوي اكيد م يقبل قراري ممكن امش لحبوبه ولو مشيت ح تزعل تقول لي رافض ولد ولدها وامي برضو م عندها سلطه في القرار دا واكيد ابوي م ح يسال اماني من قرار اخ يا راسي اعمل شنو انا اتصل علي محمد ولأ اتصل هو محمد ليهو. اسبوع م اتصل لينا .. احسن حاجه اقوم امش اصلي ونشوف البحصل شنو تاني ، مشيت صليت وجيت رقدت تاني افكر ونسيت اني عازم اماني الليله طلعت لقيتهم صحو شربنا الشاي واتونسنا مع حبوبه وطلعت الشارع جيت حوالي الساعه ١١ كده لقيت امونه بجهز في الفطور فطرنا قلت ليها خلاص ي السمحه نطلع امي قالت لينا ماشين وين ردت امونه
..ماشين نلاقي حبيب....
.. اماني بقتلك والله م ماشين محل ي امي قريب وراجعين
.. ي احمد اختك عيانه خليها ترتاح
... لا انا كويسه ي امي
.. خلاص اختك امانتك
... وفي زول بأمنو علي رحوو.
.. خلي الطلس ي استاذ احمد عشان م افضحك
.. خلاص خلاص ي حلبيه خارجينا
وطلعنا انا واحمد قلت ليهو بعيد ولا قريب قال لي قريب طبعا كنت لابسه عبايه بيچ ونقاب بيجي ومطقمة الشبط والشنطه ب اوف وايت واحمد كان لا بس بنطلون بيجي شاي لبن وقميص قريب ل اوف وايت يعني شبه مطقمين سوي البشوفنا بقول علينا مخطوبين ، احمد قال لي الناس ح تفهمنا غلط ي السمحه قلت ليهو يفهمو الدايرين يفهمو م عندنا حاجه لزول نحن اتفقنا ي انا ، د جديد دي ولا شنو اماني شنو ي انا دي ضحكنا قلت ليو خلاص تاني م بقوله قال لي لا قوليها عشان مزتي تقتلك قلت ليو قدتنا مزتي مزتي وين هي قال لي اصبري بس قلت ليو صابرين صابرين قال لي هوووي ي بت م تغني وبعدين يعني في منقبه بتغني امونه انتي لابسه النقاب د شكلك من الشمس بس قلت ليوو هووي ي ولد معلش معلش سكتنا مسافه قلت ليو. ياخ انا تعبت يااخ ارح نشرب شي دخلنا محل عصاير شربنا عصير منقه وجينا طالعين قال لي قربنا نصل وصلنا محل ملابس قلت ليو. د شنو قال لي دي مزتي هنا قلت خلاص معنها شغاله هنا قلت ليو انت بتحب بت اكبر منك ولا شنو قال لي اصبري بعد نخش خشنا م شفت لي بت ساي كلهم منتنقبات جاءت وحده قالت اتفضلي ي انسه علي وين ي السمحه قالت لي تعالي بس مشيت دخلتني محل كل عبايات ونقابات قالت لي اعزلي من هنا او ممكن انداي الاخ المعاك يعزل هو لك قلت ليها ممكن احمد جاء داخل قلت ليو جبتني هنا لشنو قال لي شايفه شنو قلت ليو زي م انت شايف قال لي خلاص ارح انجزي اختاري حاجه ولا انا بختار لك قلت ليو نختار سوي اختاره لي عبايه عنابيه معاها نقاب نفس اللون وطرحه كبيره وتاني عبايه ب الزيتي منقوشه ب الذهبي ونفس اللون نقاب وطرحه بالزيتي وتقمته ليهم الانتين شنطه وشبط بالبيجي طبعا بحب اللون البيجي انا
احمد قال لي دي هي مزتي بعد م جربت العابيه العنابيه قعدت اضحك اشترينا ل امي عبايه رماديه * طبعا امي م متنقبه واشترينا لحبوبه حجاب ب الكحلي وطلعنا قلت لي احمد يلا بعد ارح قال لي وين قلت ليو. لمزتك قعد يضحك قال لي تعالي نقعد هناك قعدنا في محل بتاع قهوه قال لي تصديقي ي امونه م عندي مزه انا وكل م اقول اشوف لي وحده ازكرك انتي وانا م عايزه اعمل حاجات في بنات الناس وربنا يعاقبني فيها انتي انا بخاف الله في بنات ناس عشان ي امونه ونفسي زاتو مرتي تكون زيك كده متنقبه وحلوه زيك ي حلبيه قلت ليو. بتسحرني .. قلت ليو احمد قال لي نعم قلت ليو جبت القروش دي من وين قال لي اشتقلت عشان اشوف البسمه مرسومه في وشك قعدته اضحك قلت ليو ي كضاب هسي انت شايف وشي قال لي حاسي بيك بتبسمي وبعدين يعني الشارع لمن قال وتبسمت زات النقاب هي يعني فتحت ليو وشها م حاسه بيها زي ... بقيت ي احمد تجيب كلام يجنن .. تسلمي ي ام عيون عسليه بعد د ارح البيت الغاليه وستهم بكون منتظرننا ورجعنا
* ي ربي ي كريم م تحرم زول من اخو واجعل ي رب ل اي بت يكون عندها اخ يسندها لمن تميل طبعا انا الاء دي م عندي اخ عشان كده كتابتي كلها ا. نص منها لازم يكون في نص اخ حنون لانو كنت بتمني انو يكون عندي اخ زي احمد اخو اماني يسندها لمن تميل يقف معاها وقت لشده يعرف كيف يبسطها وكمان عارف كيف يفهمها ب سياستو بقدر يمنع دموعه د كل انا كنت بتمني لكن الحمدلله ربنا رزقني ب اخوات كنت انا اختهم الكبير واخوهم برضو.. ي ربي م تحرم بت من اخ واحفظ جميع الاخوان والاخوات *
نرجع لحلبيتنا وصلو البيت وسلمو امهم وحببوبتهم هدايهم وانبهرو ب عبايه اماني واحمد شغال ليهم د اختياري عزاله انا صح بعدين م بقصر من مرتي وتمو يومهم بالاجمل م يكون واماني لمن قالت ل احمد دقايق في السوق جرت جابت لبو. ساعه وبعد وصلو البيت خته ليو جمب مخدتو وجمبها رساله كاتبه فيها ( ستظل سندي الذي عندما اميل انسد اليك ستظل اخي ورفيقي عمري وبلسم افراحي ربنا م يحرمني منك ي اخوي ) احمد بعد شاف الكلام د ابتسم وقال ربنا م يحرمني منك
قَدْ تَراهَا فتاة عادية ، جمَالُهَا مخفي ، لا يرَاهُ أحد هَڪذا سترهَا اللَّهُ ، حتىٰ لا يحظىٰ بِـقلبِهَا إلا ذو حظٍ عظِيم 💙💙💙💙'.
ذات النقاب انتي يا اماني سيري فدربك سيكون وردا الى الامامي سيري فانا معك ي عزيزتي...