رواية بين قلبي واختيار أبي
الفصل الخامس 5
بقلم الاء فائز
· أحيانا يثقل القلب صمت لا يفهمه أحد ودموع لا تسقط وجروح لا ترى وحده الحزن يفهم لغة روحي وحده الليل يؤنس وحدتي ...
سكتت مسافه وقالت لي انتي يا بتي حبيتي من قلبك ... طبعا انا اتفاجاءت بالسوال وقعدت احكي ليها
ح اتكلم بلساني ...
لسه القلب م شاف محبوبو ولسه العقل بكتب في صفاتو وانا زاتي ي حبوبه غير زولا حلالا لي يحبني م عايزه اصلي تعبت من الغش والكذب .. لكن لو عايزه جواب علي سوالك انا ي ستهم ارتبطت كم مره بس ولا علاقه نجحت معاي كلهم كانو. كاذبين واستغلو مشاعري وانا الف والدوران م بنفع معاي اصلي باقي حيلي خليتوو لجاي ..
ي بتي كل شي قدر ومسطر وبعدين نحن علي كف القدر نمش ولا ندري بالمكتوب كونك تعيشي علاقه فاشله دي بتديك خبره لك والمومن لا يلدغ من الجحر مرتين والحياه عباره عن تجاربك وزول ي بتي م دايرك م تكوسي ورا وزول بدل الضحك بكاك اهجري وشوفي غيرو وزول م بصون الحب اووعك تقريبي عليهوو. سامعه ي ام عيون عسليه ..
سامعاك انا ي ستهم وكلامك حاضر بس كمان حاره لمن ترتبطي مع واحد في النهايه يخليك ويحب صحبتك والبجنن في الموضوع انو يكسر قلبوكم انتي وصحبتك ...
وبعد كلام وحكم ومواعظ حبوبه نامت وبقيت انا الصاحيه بفكر في الشئ ولا الشئ معا وتهت انا في بحور الشوق وبقيت بسترجع زكرياتي مع صحباتي ولمتنا وحكياتنا وبفكر في مستقلبي ي ربي ح اخلص جامعه وانتهي طبعا انا تخصص لغه عربيه .. ومتين ح نعود لبيتنا في الخرطوم ومتين نرجع يالله انني في شتات م عارفه اعمل شنو وبجد انا انسانه حساسه اقل حاجه ببكي طوالي ... اصلو م جاني نوم فتحت الواتس رفعت استيو ( *`- إنَّ المرء حين يعاني حزنًا كبيرًا، حين يُكابد كربًا هائلًا، لا يشتهي الاَّ أن ينام.`*🥂💔)
منيره : امونه الريد
انا : مالك ي بت مساهره في شنو ان شاء الله خير
انا : ماف شئ
منيره : الكلام د م لي انا بتقولي
انا : والله ي منو تعبت انا زهجت اشتقت ليكم ونستنا لمتنا شلتنا د كلو والله
منو : نفس الشئ والله بس كمان د م سبب
انا : ي بت خليك مني انتي مالك مساهره للزمن دا
منو : اتشاكلت مع الصديق
انا : ومالو الصديق احكي لي
منو : كنت عيانه والصديق م سال مني
انا : هو زاتو عيان رسل لي قبيل
منو : طيب لي م عارف رقمي كان يرسل لي
انا : والله ي منو م عارفه هسي خشي كفري ليهو.
منو : م بخش والداير يحصل يحصل
رسلت لي صديق قلت بقيت كيف رد لي رد بارد . تمام قلت لي الحمدلله
(اكره الاكل البارد وكذلك اكره الرد البارد)
فكرت الاتنين ديل عندين وعارفه ماف زول ح يبدا طوالي عملت قروب في الواتس وضفتهم عشان يسلمو علي بعض عملتو ورسلت السلام عليكم عدت دقيقه ماف زول رده عدت دقيقيتين وتلاته لحدي عشره دقايق وماف زول رده رسلت تاني علي الاقل ردو السلامه وطلعت رسلت ل منيره مالك م بتردي مش هو في القروب م برد ،، علي كيفك ي بتنا وخليت دخلت القروب عايزه اعمل خروج لقيتهم مرسلين وعليكم السلام كيفك المهم طلعت وغادرت القروب .. قفلت تلفوني وبقيت بفكر وبعاين في سقف الغرفه وانا بالجد غرفت خلاص من البلد دي واشتقت لتفاصيلي وحياتي وكلو. يااخ واتزكرت القرايه وانا بضحك كده جات همومي طوالي خاشه في الموضوع وكانو بتقول لي م بخليك يوم تضحكي م بخليك يوم براك 💔😭
وهاك ي الدموع والبكي اتعودت ابكي من غير صوت ...
*أتبادل النظرات مع سقف غُرفتي، كِلانا يُقسم أن الإنهيار قريب."* 🖤🖇️