رواية هيامى الفصل التاسع 9 بقلم سندس مالك

          

رواية هيامى

الفصل التاسع 9

بقلم سندس مالك

صحيت تاني يوم جهزت شنطتي وودعت صحباتي .. ونزلت لي فهد عشان موصلني المطار .. طبعا كنت نعساااانه لاني مانمت كووويس ... وفي العرييه ساااكته وفهد سااكت واي زول سرحان في وادي وشايل هم فرقت التاني 💔😔 ... وصلنا المطار وقعدنا ننتظر الرحله .. الغريبه انو فهد ماعايز يفتح موضوع معاي وعايز يبقي الوضع عااادي ... شال تلفونو وبقى بتصفح في الفيس وانا مستغررربه 😳 مااالو ماداير يتكلم معاي 😿😿 ... بقيت يس بعاين ليهو ولي ملامحو عشان حاشتاق ليها شديد💔😔😿 .. لحدي ماندهو رحلتنا .. فهد وقف على حيلو وقال لي يلا هيام رحلتك جات ..

انا: فهد ليه ماعايز تعاين لي في عيوني 😕 انا عملت حاجه غلط يافهد😿 ..

فهد: ياابت انتي عويره... امشي ساي☺ يلا مع السلامه واول ماتصلي طمنيني .. ربنا يحفظك .. وسلم علي في يدي ومشى ☺.

طبعا انا متحيررره منو ومن تصرفاتو 😳 .. ومشيت وركبت الطياره .. واول ماقامت .. انا كنت قايله فهد مشى .. بس هو مامشى كان واقف بعلين لي لحدي ما اقلعت .. كان بحاول يداري حنيتو علي 😪 بس عشان انا ما اقلبها ليهو بيت عزاء .. واول مارجع المخيم ..

ضرب ليهو محمد صحبو ... كانوا جاريين ورا القضيه ...

محمد: يا كابتن .. المدام وصلت؟؟

فهد: يادوب طيارتها اقلعت ...

محمد: بالسلامه ان شاء الله ..

فهد: ان شاااء الله .. محمد اها بما انو هيام مافي هسي .. خلينا نواصل البحث عن الحيوااان داك 😡😡 ..

محمد: اي يااكابتن .. طبعا انا وصلت لي اسمو وعنوان بيتو بعد تعب .. اسمو مجبتبى حسب الرسول .. كان ساكن في العمارات .. وليهو فتره بره السودان في الامارات بس حيرجع بعد اسبوعين كده ..

فهد: ايواا ...كويس طيب .. ده صاحب عاصم صح ؟؟

محمد: ايواا .. واحتمال يكون كان معاهو وقت الجريمه ..

فهد: قربنا شديييد يامحمد ... لااازم اصل لي عاصم قبل ماهيام ترجع ..

(( تووووت توووت ... قفل الخط .. طبعا انا ماكنت عارفه انو فهد لسه مصر على انو يلقى عاصم الاغتصب رهف حبيبتو.. وعاصم زول خطيييير كتييير و ممكن يرتكب اي جريييمه من توحشو 😔 .. فهد ماجاب لي سيره البحث ده وانو لسه مصر ينتقم ... حتى لو خسر روحو 💔))

انا وصلت الامارات وسلمت على اهلي .. واخواني اي واحد فيهم يحضن فيني ويسلم علي .. وامي قالت لي البيت من غيرك مابتقعد ... وكلهم مشتاقين لي وانا كنت مشتاااقه لي زول واحد بس وهو فهد💔

طبعا قعدت وبعد ارتحت بالليل طلعت تلفوني وضربت لي فهد ..

اول مارد علي .. وطبعا قلللقت خلاص .. وكم مكالمه مارد علي ... نمت وانا مقلقه .. عدت تلاااته ايام وانا بضرب ليهو وهو مابرد على تلفوناتي وطبعا فكره تجي وفكره تمشي...ماخليت حادث وماخليت فكره ماختيتها عنو 💔 وخفت شديييد .. لكن لما جا رابع يوم اتكلمت مع البنات في القروب وبعد سلمت عليهم كلهم سالتهم .. اها بتشوفو فهد ولا مابجيكم عشان انا ماااافي👿👿 ..

هدى: ههههههه يازوله .. دايره تطمني ولا كيف ..

نور: انتي ما وااثقه ولا شنو ..😂😂 حركات البنات الجاسوسات شايفاها اشتغلللت 😂😂

انا: حقيرات ..الزول اصلووو مايسألكم عن حاجه 😏😏 رمم ديل 😒

هدى: يازوله اسأليهو هو 😆

انا: لو برد كان سألتو

نور: يعني .. مابرد عليييك ؟؟

انا: مما جيت بصراحه ما اتكلمنا ..

هدى: 😳😳😳 غرييبه هيوووم .. فهد مالو .. ماعوايدو

(( وجااات رشا نااطه فجأة في القروب))

رشا: هيااام .. يابتي قلت ليك فهد ده بتاع بنات بس .. بغطس ويظهر مرات. .. ومرات بجي الداخليه بوراك .. بس انتي ما دااايره تصدقي .. بطريقتك خليك مغشوووشه كده 😆😆..

انا: رشا اوعك تتكلمي في فهد كده 😡😡انا بعرفو يااخ😡فهد ماكده 😡😡 .. وما بتاع بنات ..

رشا: طيب ليه مارد عليك من مشيتي ؟؟ ... وع فكره انا بشوفو هنا في الداخليه بجي .. ونصيييح وما فيهو شي ..

انا سكته طبعا وماعرفت اقول شنوو .. لانو فعلا ما رد علي ..

رشا: غايتو انا حذرتك .. لانو حركتو وااااضحه شديييد .. ليييه سفهك من مشيتي😆

هدى: هي رشا ابررردي .. في شنو قايمه على البت ..

نور: اي في شنو.. استهدو بالله ..

(( طبعا انا اتنرفزت وطلعت .. وفعلا كلامها دخل راسي وبديت افكر .. فهد ده كان بلعب بي ولا شنو وبعد مشيت رمااني .. طبعا كنت صغيره .. وحسيت اني ماقادره افكر صح وشكيت حتى في مشاعري واحتمال انا انجرفت وطلع الولد ده بلعب بي بجد .. لحدي ما جا خامس يوم وقربت اقفل اسبوع .. بالليل الساعه واحده .. تلفوني ضرب .. من رقم غريب .. ورديت عليهو الووو .. قال لي . هيامي 😍))

طبعا انا قلبي رججف .. ماعرفت ازعل لسه منو .. ولا اتزهج فيهو ولا اعمل شنو .. اتوترت شديييد وجريت قفلت باب الغرفه .. وجيت كوركت .. انت واااحد حيوان وكلب وسافل 😡😡 .. بتلعب بي انا؟! .. فضيت من البنات الفي حياتك وجايي تتسلى بي مثلا😡 ..

اووووعك تجيني تااني .. انا مالعبه في يدك .. قايل نفسك منو انت 😡 عشان ولد رئيس الوزراء مثلا حاقعد منتظراك 😡 ...

وقفلت الخط .. حتى قبل ما يقول كلمه .. فهد طبعا قعد زي نص ساعه ورجع لي تاني .. رديت ليهو .. اها في شنو مالك؟؟

فهد:_ هيام .. انتي كيف .. كويسه ؟؟

((طبعا بصوت حنيييييين شديييد .. وبطريقه تكسر قلبك 😿))

ابيت ارد عليهو...قال لي .. اشتقت ليك شديييد 😿😿.. هيام انا كنت في عمليه وجنايات .. كيف حارد على تلفونك وانا هناك ..

خايف كنت ارد لاني مراقب ... وكان ممكن زول منهم يصل ليك ..

((انا طبعا مافااهمه هو قاصد مجتبى .. ولما اسالو بقول لي مابقدر اتكلم .. بس لما هو بتكلم قلبي حنى شديد وبكيت ليهو في التلفون ...)).فهد: هيام .. حبييبي ماااتبكي عليك الله .. ماشايفه حالتي كيف وانتي مافي.. خليتي حياتي سوااد سواااد 😿😿 ..

هيام عليك الله ماتبكي .. دموهك غاااليه علي .. انتي كيف حبيبتي؟! وصحتك كيف ... ورمضان كيف معاك .. واهلك كيف ...

انا : فهد .. انا خفت علييييك حبيبي😿😿😿 وانفجرررت بالبكا .. فهد: عارف والله وعارف انك بتحبيني شديييد زي ما انا بحبك وبخاف عليك ..

(( وفجأة الزعله فكت اول ماسمعت صوتو .. وبعد بكيت وحنسني بقينا بنتونس وبنحكي في الحاجات الحصصلت وفهد فهمني انو لو مارد علي معناهو هو في شغل .. بس ماقايله شغلو ده انتقام لي رهف .. 💔💔))

وفي نص رمضان .. يوم بنتكلم انا وفهد ..

وبالليل وقت متأخر .. وخالطين ..

انا: ياولد انا مش. قلت ليك بقيم الليل .. هسي انت عطلتني 😒😒..

فهد:😂😂😂😂 احللفي .. انتي بالمنظر الشفتو والشعر داك ..

انا:😏 اااي .. بعدين انا اتحجبت

فهد: انا الحجبتك حبييبي 😆

انا: يازول لو ما اقتنعت ما كنت سمعت كلامك .. ماتفرح

فهد:😂😂😂 زعلانهه مااالك طيب

انا: يوم قرربت مني وقلت لي .. انتي مامفروض زول يشوف جمالك ده .. حسيت انو نحنا لي بعض واني حقتك براااك حبييبي .. ياخ اشتقت لي كلامنا وونستنا وطلعاتنا .. واي شي حصل بينا حبيبي ..

فهد: وانا اشتقت ليك انتي وضحكتك .. ولما تعملي عيونك بالكحل 😍😍 .. وتعايني لي جوووه وشويه كده تخجلي .. 😍

انا : هههههههههه .. ياخ بخجل لانك . بتكون قريب مني .. زي لما كنا في الجامعه وخفتك تتهور وتعمل غلط .. قمت غطيت خشمي 😂😂بيدي منك . لانك قربت شديد ووقفت قلبي😂😂

(( وفجاااهه الباب رزع ودخل علي اشرف اخوي الصعععععب شدييييييييييد .. دخل قفل الباب .. وانا من شفتو وقفت وقلبي زاتو وقف😰😨😨))

          الفصل العاشر والحادي عشر من هنا 

لقراءة جميع فصول الرواية من هنا

تعديل المقال