رواية هيامى الفصل السابع 7 بقلم سندس مالك

           

رواية هيامى

الفصل السابع 7

بقلم سندس مالك

طبعا بعد شفت المديره .. قربت اتلفت اقول لي فهد انا بكرهههك من الخوف😂😂 .. والغرسبه انها مافتحت خشمها بكلمه بس حمرت لي ومشت .. انا بلعت ريقي .. واتلفته لي فهد وقلت ليهو... اللليله خلاااص حيرموني بررره .. انا حامشي الم شنطتي براااي .. عشان مايزلووني 😿😿.. انا انتهييييت خلااااص انتهييييت ..

وفهد بضححححححك فيني😂😂😂😂 وبقول لي يابت ابردي .. انتي بتحبي تتكلمي براك مااالك 😏😏 .. بعدين مافي زول في الدنيا دي بقدر يأذيك ولا يزعلك وانا عااايش .. وانا لسسسه شغاااله ليهو.. لالا انا حاتطرد .. وحيجدعوووني بره😿😿 .. وبعد شويه عاينت ليهو 😒😒 ده كلوووو منك انت ياحيوااان يا ثقييييل 😒👊👊👋👋 امشي من وشي وتاني ماتتتكلم معاااي ... طبعا انا متوووتره وجاااده .. وهو بضحك وبقول لي انتي طفله والله طفله لسسسه😂😂😂 .. قفلت باب الداخليه في وشو ودخلت .. 😒😒 والجمهور فوووق في اللشبابيك متااابعييين الرصه كلهااا😪😪 .. اوووول ما وصلت الغرفه اسمع الصفافير والزغاااريد .. حبييبه فهد جااات ياجماااعه💃📢📣🎤.. طبعا كل البنات بضحكو فيني وعاااجبهم الموضوع الا رشا صحبتي .. حسيت بيها بتعاين لي من فووق لي تحت وقامت نهرتهم بصووت عاااالي ..

رشا: اسكتوا ياااخ وبطلو العبااااااطه .. الانتو فيها دي😡😡

نور:😳😳😳 دي مالها دي هايجه؟

هدى: 😕😕 في شنو يا رشا .. بنهظر معاها بس ..

رشا: هظاااركم باايخ بس ماااا اكتررر .. 😡😡

( وشالت ملايتها ودخلت ترقد تنوم .. طبعا انا احترت من موقفها شديييد .. بس مشيتها .. قلت يمكن مابتحب اللياقه وكده )

تاني يوم صاااحيه مبسووووطه .. ومعنويااتتي فوووق😍😍 بالجد الحب بغير نفسية الوحده وبخليها تصغر وتحلى وحتى كيانها بتغير.. خخصوصا اني صااااحيه برساله من فهد 😍بتقول ..( ان شااء الله مرتي .. في يوم .. عشان اقول ليك صباح الخير🌹 يا وش الخير علي ) .. اسلوبو زاااتو ياخ مازي النااس ولاا بشبهم .. طبعا انا بعد قريتها واتبسمممت براااي 😆😆 .. قلت ماا حارد عليهو كده بس ..

وطلعت الجامعه .. والساعه ١١ كده رسل تااني ..( ان شاااء الله في يوم زي الوقت ده تكووني حلااالي وجنبي عشان اقدر اهتم بيك بعيووني😘) .. وطبعا برضووو سفهتو .. 😆😆 وهو كان بشوف اني استلمتها ومااابرد .. 😕😕 .. بعد شووويه .. طلعت بره في الجامعه وقاعده وطلعت دفتري بتاع الروايات .. وبديت اكتب قصتي مع فهد في هيئه روايه كده .. رغم اني مابقدر اسمي البكتبو ده روايه .. يمكن قصص قصيره بس .. لانو الروايه عندها شروووط ومباديء واكييد انا مازي احلام مستغانمي بس بحب اطلع الجواي من افكار.. قمت طلعت القلم وبديت اكتب وسميت قصتنا انا وفهد" هيااامي 🌹"

وانا بكتب جاني تلفون منو.. طبعا انا بكتب عنو وهو ضرب .. عاينت لي اسمو وحسيت بالحنييين .. قمت رديت وهو طوااالي انفعل ..

انتي مابتردي مااالك 😡😡 .. قلقتيني ياااخ ..😡😡 .. مش جامعه الخرطوم دي .. الليله اصبرري لي جاااي في الطريق😡😡 ..

طبعا انا بسمه في صوتو وحنيتو وانا في عالم تاااني وسرحاانه وماسكه التلفون😍😍😍😘😘 وهو هناك في وادي تاااني يكورك ومنفعل 😂😂😂..

فهد: هيااام 😡😡😡 رددي سريييع قبل ما اصلك ..👋👊

انا: فهد😍 .. اصللني يااخ انا دايرااك تجي زاتو وخطفني وتوديني لعالم نكووون فيهو براااانا 😍😍

فهد:😕😕😳😳😳 انتي يابت مااانصييحه ... الجامعه دي فيها شنو😡😡 ماتكوني شربتي حاجه في حبوب ولاقرف 😡😡

( وانا لسسسه في عالم الروايات داااك😂😂😂... وتاااني قلت ليهو)

فهد حبييبي .. تعال خلينا نهرررب سوااا .. 😍😍 ونعيش براانا بدون مانستنى نعرررس ولا كده .. نمشي من هسي ومن الليله عايزة اعيش معاك .. مابقدر انتظر اهلي واهلك والكلام الكتيييير داك بتاع العرس ..

فهد:😳😳😳 لالاالا انا اتاكدت انك ماااطبيعيه ..

نهررررب😳😳😳 .. براااانا وبدون عرس😳😳😕 .. ونعيش مع بعض من الليله😳😳.. قاعده وين انتي سرييييع؟؟؟

( وصفت ليهو مكاني في الجامعه وما اتخيلت انو جادي وانو كان جاااي .. بس فعلا بعد ربع سااعه جا داخل الجامعه .. ولابس بطلون بيجي وقميص اسود .. وياخ كان مبااااااالغه😍😍😍 .. الجامعه كلها شهههقت وشررررقت في فهد والبنات يتحاومو عشان يعاينو ليهو..

طبعا جاني من ورا .. وقال لي هيااامي بصوتو الحنيييييين داك😍😘 .. ياخ انا لما سمععت الصوت 😍😍😍 قلبي قاال شحح😍😍 ... جسمي لما تلللج وماقدرت اتلفت واعاين .. قام جاني بي قدام .. وطوااالي وقفت .. طبعا صورة الضاابط ديييك عااامله لي قللق 😂😂 وبعد انو لابس عااادي وقفت وقلت ليهو .. امرك حضرة الضابط 😂😂)

فهد:😂😂😂😂 .... انتي هبله يابت😂😂😂

انا: جيت لي شنوو .. مش عشااان تشووف الهبله دي 😆💅 الما خلاااااك تنووم الليل عشان عيونها الحلووووة 💅😆

فهد :😕😳😳😒 .. في شنو.. مالك الليله انتي 😳😡.. بعدين جيت عشان نهرررب سوااا .. 😒😒 ونعيش من اللليله سوا😒😒.. مش ده كلامك 😒😒..

انا: ااااي 😍😍😍😍 .. اررح اشيل حاجاتي من الداخليه 😍

فهد: هياااااام هياااام📣📣.. اصحححي ... ( وقعد في البنش القاعده فيهو وشال الدفتر .. ولما عايز يفتحو .. انا كوررركت)

فهد اوووووعك لااا .. ( وشلتو قفلتو)

فهد: يابت مالك بس كنت عايز اشوووف .. 😕

انا: لا ماااصااح .. لسه مااتميتها ..

فهد: طيب بتكتب في شنو ؟

انا : عن هياامي 🌹

فهد: هيااامك منو.. ) وقرب شووويه كده لما قلبي زادت دقاتو.. )

انا الصوت العالي دااك رااح وفجاه بقى واطي وبتمتم .. هياامي انت ☺☺.. ماتخجلني يافهد ياخ 😋😋..

فهد: انا عايز اخجلك .. عشان بتبقي حلووووة انتي وخدووودك لما يخجلو😍..

انا: ( يلا اللحظه دي خجلت شدييييد وماقدرت اتكلم 😍)

فهد: حبييبي .. انتي مفرووض يحافظو عليك .. مش يهربو معاك .. لا .. انتي يجو لحدي باب بيتكم ويصلو لي ابوك ويطلبو يدك .. ويسوقوك معززة مكرمه من بيت ابوك .. بعد تبقي حلالي اااي شي عاايزااهو.. يتحقق ونهرب ونعمل الدايرنو مع بعض .. لكن هسي انتي اماااانه في رقبتي هيااام .. انتي مابس حبيبه قلبي .. انتي اختي وصحبتي وحبييبتي ❤❤

( طبعا ما متخيله .. طريقه اسلوبو واقناعو وكلامو معاي وانو ربنا اداني ولد حلااال .. وبحافظ علي .. وماسك نفسو مني رغم انو شاب .. هسي لو واحد تاني .. كان ممكن يستغل عباطتي دي وفعلا ياخد الدايرو ويرميني .. بس فهد رغم انو شاب بس واعي ورزييين .. وقادر يضبط نفسو عشان مايقع في الحرام ... رغم اني جمييييله شديييد .. بس مافكر يلمسني او عينو تقع علي بنظره حرام ومسيئه .. بل بالعكس بوعي فيني وبحاول .. يتماشى معاي بسياسيه .. بتخليني كل مرررره اعشقو اكتر واحترمو اكتر.. رغم اني كنت جاااده مايفوتكم 😂😂 كنت بالجد عايزة اهرررب معاهو .. 😂😂 شفقااانه شدبييد 😂😂 ... وطبعا بعد اتكسرت في ردو ده وخوفو علي .. فجاااه صريت وشي ليهو😒😒 ولسه مصره عااايزة اهرب ياخ 😂😂نفسسسي اقعد معاه ... ياخ البتشوفو بتتكسر .. خليهو اناحبيبتو وبغير شدييييد عليهو.. كان نفسي نقعد برااانا بدون البشر ياخ😂😂)

انا: فهد ... بعد القلتو لي ده.. انا عاااايزة اهرررب واعيش معاك برااااناا ✋😆 مفهووم ..

فهد: 😂😂😂 شفقااااااانه شديييييد 😂😂 للعرس😂😂😂

انا: 😒😒😒

( طبعا مافي حل يسكتني بيهو ... غير انو يخوفني .... بس ما توقعععت نهااائي يعمل كده .. قام عل حيلو وجرااني والمكان كان فاااضي .. فجاهه الناس اختفو ومشو للفطور😰 .. .. قرررب مني شديييد ... وانا برجع لي ورا وهو بقرب .. لحدي ماوصلت الحيطه ثبت ايدينو وحبسني .. وبقى بعاين لي نظرات غرييبه كده .. يلا بالجد الموقف بقى خطيييير وخفت وقلبي رجف 😰😰 .. وختيت يدي في خشمي 😷 .. عشان. خفتو ستهور وبقيت منططه عيوني😳 .. ولساني اتبلع .. يلا فهد فكه الضحكه بصوووت 😂😂😂😂😂😂😂😂 اوووول مره يضحك من قلبو كده .. واوول مره اشوفو يضحك من قلبو شديييد 😍😍😘 ...)

فهد: عليك الله شووفي منظرك عامل كيف 😂😂😂 ..

انتي مدام خواااااافه كده😂😂😂 بتقولي حاجات ماقدرها ليييه ..

نزلي يدك ياعويرة 😂😂😂😂

انا: 😒👋👊😡😡 ( وبديت اخبت فيهو وهو بضحك لسه فيني )

هدينا شويه كده من الضحك في بعض ...

قهد: هيام فطرتي انتي ؟

انا: ااااي .. عارفني مابحب اكل كتير😆💅

فهد:بالله😂😂😂 .. مابتحبي قلتي لي ..

((وطلع لي اكياس الشيبس والشوكلاتات من شنطتي .وده غير العصاير الكانت جنبي والسندوتشات والاكياس والكرور بتاعي 😂😂😂... ))

يلا انا .. تاااني مافتحححت خشممي بكلمه 😆💅

(( ومشينا الكفتيريا في سكااات ... عشان ناكل

والبنات عايزين يموووتو من الغيظ .. 😒😒 .. ويعاينو ليهو .. وانا طبعا .. مبسوووطه ياخ .. احسااااااس ده حقي❤ انا براااي ..

ويلا مووتوا غيظا بس 😆😆))

.... فطرنا ورجعنا سوا ووصلني الداخليه وحكيت لي هدى بس 😍😍.. الحصل لي كالعاااده 😍😍..

لحدي المغرب كده .. ما اتكلمت مع.. فهد تاني .. انا لما اشوفو في اليوم خلاص كفااايه علي . عشان ما ازهجو مني 😆

يلا .. بعد العشاء بفتررره كده جا فهد للمديره يقابلها في موضوع .. وانا ما كنت عارفه طبعا لاني ما اتكلمت معاهو ..

وانا خلاص استعديت للنوم ولبسته بجامتي وعااامله خمسميييه دريشيوووون كعكعه ومااسحه كاسترد بي بن في وشي .. وشكلي اعووووذ بالله 😂😂😂.....

جيت اسأل هدى من الشاحن وهي خااالطه كانت بالتلفون .. لما شافتني صرخخخخت كانها شافت شبح الموت قدامها 😱😱😱 .. لما بقو بيسألوها .. هدى ماالك في التلفون ؟؟.. 😷😷👻👻

يلا . طبعا ولا عبرتها 😕😕.. شلتو وختيت تلفوني ومسيت نزلت .. قلت ماشه للمديره 😆😆..

ترررم ترررم 💃💃 بنفس خلقتي .. ماقايله فهد هناك 

                    الفصل الثامن من هنا 

           لقراءة جميع فصول الرواية من هنا

تعديل المقال