رواية هيامى الفصل الثالث 3 بقلم سندس مالك

           

رواية هيامى

الفصل الثالث 3

بقلم سندس مالك

صحيت تاني يوم وقمت من الخيمه اتمغى ومبسوووطه كيف😍😍😆.. عاينت لي بره لقيت فهد واقف بعيد .. واتسحبت سريييع وجريت زغت دخلت الدااخليه ..😆.. نور ورشا وهدى كانو بسألو فيني من شافوني .. اججججي انتي كنتي وين هيام 😳😕

قلت ليهم هربت امبااارح وقعدت احكي وارص في الحصل لي 😆

قالو لي نحنا عندنا لاب حاسوب .. وانا برضو كنت اوف .. قلت ليهم حاقعد ماحاطلع الليله .. هم طلعو انا قاعده براااي .. وزي الظهر كده .. اشوف البنات بتاعين الداخليه واقفين في الشباابيك بيعانو..

قلت ليهم في شنو.. قالو لي هيااام اجرري 😍😍 الحححقي شوفي الزول السمممح ده .. داهل الداخليه علينا .. رفعت رجليني واتمطيت 😂😂 عشان اكشف.. لقيتو فهد داخل ماشي للمكتب 😳😳..

خلاااص القلق والخوف مسكككني.. الليله حيقووول لي .. والليله حاترفد برره 😔😔وبقيت اتمتم برااي .. يحليلهم ناس نور وهدو .. ماحيلقوني تاااني .. حيطردوني قبل مايجو يشوفوني .. وقعدت اتكلم براااي😂😂.. البنات طبعا ولا اشتغلوواا بي وجرو يتحاومو في الحوش بعد ضربو الارواج 😒😒 وقاامو يتراااشقوا في فهد ويعاينو ليهوو 😒😒 طبعا قلبي وجعني .. لكن ماقدرت اتكللم ولا اطلع من الخووف😰.. وبعد شويتين تجيني ليك رئيسه قسمنا في الداخليه .. هيااام مصطفى ؟

انا: اي انا هيام .. في شنو .. مااالي😳

تعالي بنادوك في المكتب بتاع المديره .. ماالك بتتراجفي 😒.. عملتي غلط انتي😒..

انا:برررري ماعملت غلط 😿😿..

ومشيت معااهم للمكتب وانا ساااكته .. وهناك اول ماشفت فهد حمممرت ليهو 😒😒.. وهو ابتسم لي ابتسااامه عريييضه لمن حيرني😕😳... المديره سالتني : انتي اسمك هيام منو ؟؟

انا: هيام مصطفى ..

المديره: امبارح كنتي وين ؟؟

انا: كنت في الداخليه ناايمه ..

المديره: (بصوت عاااالي ونهره ).. يااابت .. ماتكذبي😡😡

كنتي بره الداخليه وبالليل حااايمه .. بتسوي في شنو.. كنتي مع منو ؟؟

انا: ( خفت ودموعي جرت .. طوااالي .. اي شي ولا النهيير ده .. بس نزلت راشي للارض وقلت ليها ) والله ماكنت مع زول بس كنت بتمشى ..

المديره: انتي قايله روحك في الامارات لسه يابت 😡😡 .. هنا ماعندنا قلت ادب وكلام فااارغ سمعتي ..

( انا طبعا الكلام وجعني والاهانه .. لكن لو اتفاصحت حاتطرد .. وانا ماعايزة اطرد فسكت بس وكتمتها جواااي .. وفهد كان بعاين لي وانا ببكي وفي سكووت )

فهد : خلاص يا أستاذه .. يمكن فهمت .. وتاني ماحتكررها ..

( هنا هو لما اتكلم قرررربت اقبل عليهو واديهو كف على حركتو الباااايخه دي 😡😡)

المديره: شوفي يابت الناس. اي شي هنا متاح ليك من لبس وغيرو .. لكن مخالفه للقوانين بتطردي .. مفهوووم

انا: مفهووم .. وانا بعتذر😿

المديره: اطلعي بره خلاص ..

انا.. طيب حااضر ..

( وجريييت طوااالي وفكيت البكيه .. وقعدت في الارض بره في زقاق براااي .. ابكي ومتغاااايظة شدييد .. هنا فهد طلع .. وحسى بالذنب شكلو .. وبقى بفتش فيني .. والبنات بره مخلوووعات فيهو 😹😹)

لحدي مالقاني قاااعده براااي وببكي .. قام جا قعد في الأرض .. وقال لي هيام .. وانا اصلووو حلفففت ما ارد او اتكلم ..

فهد: انا اسف .. بس اضطريت اعمل كده عشان مصلحتك ..

قمت ع حيلي وانفعلللت فيهو.. انت مااالك ومااالي وماشغلتك بي ياخ .. امشي شوف شغلك بي وين .. ماااتدخل فيني يااخ .. وجريت وانا ببكي .. فهد الموضوع حااارقو وحاسي بالزعل كده .. مشى وهو ما مرتاح...

عدت تلاته ايام وماوريتو وشي .. ولسسسه زعلااانه شديد من موقفو 😖😔.. وهو كل مايجي ماري بالشارع يعاين مايلقاااني .. واستغرب شديد .. البت الحوامه دي مالها 😔..

يوم الخميس كنا عايزين نطلع كلنا .. ولبست واتظبطت ونازلين انا وشلتي .. والشعر مفكووك كالعاااده 😆😆.. بس اصادف فهد 😍.. حسيت بقلبي قال شححححححح 😍😍.. لكن لسسسه زعلللانه منو😆

اول ماشافني حسيت بفرحتو من ابتسامتو.. كأنو بقول لي وين كنتي ياخ .. 😍😍 طوووولتي لييه ياهيام ..

نور قالت : طبعا يابنوووت ماوريتكم نحنا ماشين وييين ..

هدى: وين يا الشقييه قولي ..

نور: اتفقنا مع الضباط المززز الهنا 😍😍 يودونا في رحله علميه .. بحث الجنائيات .. تتذكرو!! قلت نستفيد ..وبالمره نتعرف عليهم ياخ مزز

رشا: الموضوع عجبني شديييد .. فهد ده مكسسسسسرني ياخ😍😍

انا وهدى حمرنا ليهم:😒😒 الله يسألك خليتينا نلبس ونتظبط عشان مشوار تاافه زيي ده ..

وجو قاطعونا: فهد.. السللام عليكم ..😊

طبعا انا مااارديت .. وعايشه دور المطلقه بس😂😂.. وديلك ردو وخصوصا رشا حسيت بيها مكسسسسره شديييد.. محمد وباقي الضباط...قالو لينا فكره حلوة انكم تستفيدو من وقتكم وتتثقفو ونحنا تحت هدمة الشعب 😊😊

هدى قعدت تضحك بتحت 😂😂: هيام ماعارفين قصه الطلعه مساااكين ياخ .. وانا كزت بحمممر بي فهد بس كل ما القاهو بعاين لي انا احمممر ليهو 😒😒

... مشينا ووصلنا .. وكانت اماكن مخيفه وسريه ... وهم يشرحو في الجرائم وانا معدياها حمير لي فهد .. لحدي ما اليوم خلص وجينا نركب .. فهد قال لي محمد دقيقه .. ورجع لي ورا خلى محمد يسوق البنات قدام وانا وراهم .. قام جراااني من يدي ..

انا: مجنووون انت ولا شنو😳😳

فهد : عايز اتكلم معاك

انا: انا ماااعايزة اسمع منك شي فهههمت😡😡

فهد: هيام اناا اسف ..

انا استغربت شديد .. كان مصر يعتذر واقبل اعتذارو .. رغم انو زول طبعو عصبي وصعب... ليه بيعاملني كده 😨..

قلت ليهو: ياخ خليني .. واياك تاااني تعمل حركتك دي ..

فهد: راعي اني زول كبييير كده .. ولسه واقف بعتذر منك .. انا ماقايلك حتبكي كده ..

انا:😳😳.. طيب خلاص حصل خير.. بس تاني اوووعك تدخل فيني ..

فهد: مابقدر لكن ..

انا: ليييه 😳😳؟؟

فهد: مابقدر ما انبهك للغلط .. وتحصل ليك حاجه ..

انا:هههههههها .. انت باتمان ولا شنو .. قاعد تنقذ في البنات وضحكت من جوه قلبي😂😂

فهد: 😊 لو ضحكتك حلوووة كده اضحكك كل يووم😍

انا:😨 ماافهمتك

فهد: 👋 من الليله اعتبريني اخوك .. او صديقك واي شي عايزاهو انا تحت الخدمه

انا طبعا حرقتني كلمه اخوك .. قربت اقول ليهو يااود الناس لو مابخجل كان طرحت ليك هسسسي دي😂😂 .. بس سلمت عليهو .. وقلت ليهو طيب ...

مشينا ركبنا ووصلنا للداخليه وقبل ما ادخل ناداني .. هيامي ..

انا: اسمي هيام 😒😒

فهد: مش لما يدلعو زول بقولو ليهو هيامي بزيدو ياء ..

انا: 😒😒 ما كده لكن .. معذور حياتك ناااشفه مافيها دلع 😂😂

فهد:😏😏😏😒😒😒 ظررريفه 😒😒..

ومد لي تويكس 😍😍.. قال لي .. اكليها برااااك بدون مااتدي زول معاك .

قررربت اقول ليهو .. مابتوصى يااخ .. 😂😂 بس خجلت 😋

قال لي : يلا تصبحي ع الف خير وربنا يحفظك ..

انا: وانت بخييير ...

ودخلت وهو واقف بعاين لي لحدي ما دخلت ..

( اتلخبطت احاسيس جواي كتيررره .. 😍😍 من تصرفاتو وحركاتو وابتسامااتو الكساااره ياخ .. ومن معاملتو الرحييمه لي .. رغم انو زول جاف وعصبي وشغلو زاتو ما مديهو مساحه للعواطف . بس حسيت براحه وثقه وامان غريب فيهو .. 😍😍😍 حمايتو لي ودفاعو عني وخوفو علي😍😍 .. بقدر اقول فتحت قلبي لي فهد 😍😍😍..

اديت للحب طريق يدخل بيهو لقلبي من يوم عرفتو 😍 .. وكان السبب خوفو علي 😍🌹)

              الفصل الرابع من هنا 

لقراءة جميع فصول الرواية من هنا

تعديل المقال